Goiberri 245. zenbakia

Goierritarraren eta Otamotzen astekaria

245. zenbakia. 2017ko uztailaren 14a

GOI B ERRI Lankidetzatik mundura, txikitik handira jokatzeko Ekainean 33 enpresa baziren, aurki beste 18 batuko zaizkio Goierri Valley elkarteari. Teknologia eta jakintza partekatu dituzte, aukera berrien bila 6-9

Goierri Valley elkartearen Zuzendaritza Batzordeko kideak, joan den uztailaren 5ean Goiekiren egoitzan egindako bileran. A.MAIZ

IĂąaki Telleria 3 Iritzia 4-5 Xabi Zurutuza pilotu gaztea 10 Zumarragako azoka biziberritu nahian 11 Zakurrak basurde ehizarako hezten 12-13 Saretik 14 Trikuarriren erromeria 15

02 GOIBERRI

PUBLIZITATEA

GOIBERRI 03

KATE MOTZEAn

Iñaki Telleria

Goierriko Txirrindularitza Bultzatuz elkarteko lehendakaria

«Diru gehiago izanda txirrindularitzari bultzada handiagoa emango genioke» Mikel Albisu Itsasondo Goierriko Txirrindularitza Bultzatuz elkarteko lehendakaria da Iñaki Telleria (Itsasondo, 1974). Izenak dioen bezala bi gurpilen kirola indartzea dute helburu. Txirrindu eskola bultzatzeko beraien «eskuetan dagoen guztia» ari dira egiten, baina hala ere «guk nahi baino gehiago dago egiteko». Diru falta dute arazo nagusia: «Diru gehiago izanez gero bultzada handiagoa emango genioke».

Txirrindulari bat.

Coca Cola.

Miguel Indurain, bestela gure eskuetatik pasa diren hainbat, bai profesionaletara iritsitakoak nahiz bidean geratutakoak.

Oporretarako leku bat.

Ze zaletasun dituzu?

Janari bat.

Gurpildun kirolak: motoak, txirrinduak, autoak...

Txokolatea.

Familiarekin egoteko edozein herri lasai.

Jaso duzun oparirik bereziena.

Pelikula bat.

Alaba eta semea.

Montxo Armendarizen Tasio.

Zeri diozu beldurra?

Liburu bat.

Ezinduta geratzeari.

Lance Armstrongen Mi vuelta a la vida.

Goierriko txoko bat.

Musika talde edo abeslari bat.

Herriko alkate bazina...

La Polla Records edo Evaristo.

Abesti bat.

La Pollaren No somos nada.

Edari bat.

Murumendi ingurua.

«Txirrindulari bat?

Miguel Indurain, bestela gure eskuetatik pasa diren hainbat»

Ez dut uste buruhauste horretan sartuko nintzatekeenik.

Itsasondon biziko ez bazina...

Goierriko herri txikiren batean.

Edo Getarian, emaztea bertatik ekartzea lortu dut, baina...

MIKEL ALBISU Diruz laguntzen duten erakundeak: Udalak: Altzaga, Arama, Ataun, Beasain, Itsasondo, Olaberria, Urretxu, Zerain, Segura eta Zumarraga

Argitaratzailea: Goierriko Hedabideak SL Zuzendaria: Iñaki Gurrutxaga Kudeatzailea: Josu Iñigo Koordinatzailea: Tere Madinabeitia

Diseinua eta banaketa:

GOI B ERRI

Bidera zerbitzuak. Berria Taldea Lege gordailua: SS-1638/2011

Egoitzak: Beasain:

Webgunea:

Oriamendi, 32. 20200.

Posta elektronikoa:

goiberri.eus

Urretxu:

goiberri@hitza.eus

Iparragirre, 11 (Kaletxiki). 20700.

Publizitatea:

Telefonoak: Beasain: 943-16 00 56 Urretxu: 943-72 34 08

Bezero arreta / harpidetzak:

607 530 424 – jizagirre@hitza.eus 902-82 02 01 – harpidetza@hitza.eus

04 GOIBERRI

IRITZIA

Joseba Imaz Ganzarain

go ere badela eta horretaz jabetzea. Ezin dugu ahaztu, ezta ere, gure herrietan azken urteotan eman den eraldatze handi bat. Gure auzo eta kaleak herritarren bizitzarako gero eta erosoagoak dira. Oinezkoentzako abegikorragoak, inondik ere.

Adituen esanetan, azken urteetako krisialdi ekonomikoak erakutsi digu zeinen inportantea den, hala ere, aisialdiaz gozatzeaz gain, eguneroko gauzekin gozatzen jakitea. Eta familia nahiz lagunartea bezalako balioak mantentzea. Balio horietara itzuli omen dira herritarrak.

Aldaketa positiboa da hori guztia, zalantzarik gabe. Bi gau-

Kazetaria

Goierri tropikala z, egon zaitezte lasai, ez noa eguraldiaren inguruan hitz egitera. Konformista samarra naizelako zerutik datozen eguzki-printzak edo euri-jasak baloratzeko garaian. Ez nauzue askotan harrapatuko egiten duen beroa dela eta kexu, ezta gurean (zorionez) hain ohikoa dugun hezetasunagatik gaizki esaka. Artikulu honen titulua irakurtzerakoan eguraldiari buruz pentsatu baduzue, ez naiz horretaz ari.

Atzo bertan etorri zitzaidan burura Goierri tropikala espresioa, Beasaingo estaziotik etxera nindoala. Nekatuta lanegunaren ondoren, bizikletaren gainean.

Urte batzuk pasa ditut herritik kanpora bizitzen –ez naiz oso urrutira joan, ez pentsa–, baina herrira bizitzera bueltatzean jabetu naiz zer nolako aldaketa eman duen gure gizarteak azken hamarkadetan. Ez dut esan nahi aldaketa lehena-

E

gotik ere ez datorrenik, agian ez naiz konturatu orain arte, agian beste hogei urte egin beharko genuke atzera horretarako.

Ez naiz gai, ezta ere, aldaketa horren atzean dauden arrazoi sozio-ekonomikoak azaltzeko.

Aditu batek esango luke ziur asko herritarren erosketa ahalmena handitu egin dela, aisialdiaz gozatzeko kontzeptua eta mentalitatea zabaldu dela.

Kontua da estaziotik etxera egunero egiten dudan bide horretan inoiz baino jende gehiago ikusten dudala kalean pasieran ibiltzen, tabernetako mahai edo terrazetan kontukontari edo, besterik gabe, parkeetako bankuetan eserita, inguruan gertatzen denari begira.

Herrialde tropikaletako giroa ekarri dit gogora, kaleko lasaitasun hori, bizitzaz gozatu eta kalean patxada osoz ibiltzeko jarrera zabaldu hori.

Garbi ikusten dut aldaketa horien atzean badagoela mentalitate aldaketa bat. Aisialdiaz gozatzeko jarrera, esate baterako. Bizitzan lanaz gain gehia-

ÂŤGure auzo eta kaleak herritarren bizitzarako gero eta erosoagoak diraÂť

zarengatik beldur naiz hala ere.

Batetik, krisialdiaren amaierarekin ea balio horiek ez ote zaizkigun berriro ere ahaztuko, berriro ere ezerezean geldituko.

Eta, bestetik, eguneroko plazerrekin gozatu behar horrekin, ez ote ditugun ahaztuko gure gizarteak oso barneratuta izan dituen beste balio garrantzitsu batzuk. Kultur bizitza, herriko bizitzan parte-hartzea, ekintzaile izaera, lanaren kultura, konpromiso politiko edo soziala, esate baterako.

Ez dago zalantzarik Goierri tropikalean ongi bizitzeko aukerak ditugunik, eta jarraitu dezagun horrela. Ez litzateke txarra ordea, gure ikur izan diren balio horiek ere etengabe eguneratu eta geureganatzen jarraitzea.

GOIBERRI 05

IRITZIA

Asteko irudia

Josu Maroto

Goierri Valley «Gipuzkoako Silicon Valley, baina ederragoa, seguru!».

Horrela dio Josu Marotok metalaren eta mekanikaren sektoreko Goierriko 33 enpresek sortu duten aliantzari buruz.

Lehen UHF deitzen genuen katean, Kukaikoak zuzenean ikusi nituen Max sariak jasotzen. Gero whatsappean ibili den bideoa ikusita, oraindik, ez zait zirrara txikitzen.

Fermin Muguruzaren Adarra sariarena ez dut inon ikusi, baina irakurri bai, eta ederra iruditu zait hau ere. Zakilixutek esango lukeen bezala, «Goia jo zuen». 2003koa, ordea, ikusi nuen. Euskal kantu onenaren saria eman zioten Espainian nonbait, eta berak Egunkaria-ri eskaini, garai berean, Arantxak Iturbek, Ai ama! antzerkilanarengatik jasotakoarekin, egin zuen bezala.

Badira bestelako aukerak. Mikel Peruarena, Marlon Brando eta Bob Dylan ez ziren Nobela, Oscarra, eta Euskadia, atzekoz aurrerako hurrenez hurrenean, jasotzera joan. Hala ere, hiru kasuak ez dira erabat konparagarriak. Marloni eta Bobi, esango nuke, sariari zegokion dirua iritsi zitzaiela.

Beraz, sarien eskaintzetan hiru aukera behintzat badira: inguruari eskaini, aldarrikapen-borroka bati eskaini edo jasotzera ez

joan. Hiru aukerak ez dira hermetikoak. Nahas daitezke. Eskaintza bera 1 eta 2 aukera izan daiteke eta 3 jarrera hartu.

Ez dut inoiz inori eskaintzarik egiteko aukerarik/beharrik izan. Ez dakit zer egingo nukeen ere, gainera. Zuk? Demagun aurkezleak hitz egin duela: «Igo dadila oholtza gainera, ondo merezitako saria jasotzera, Aitor Calvillo. Zurea da hitza».

Asier Iriondo

bat eta

Beno, beno, beno…! Inori dominak bular gainean ipini aurretik nola pasa dituk sanferminak? Zezenen aurrean lasterka? Iruñean? Lesakan?… Egia esan sekula ez diat irudikatu nire burua honelako eskenatoki batean, ez zezenen aurrean Iruñeko entzierroan, ezta oholtza gainean ere. Tira, zezenen aurrean askotan ibilitakoa nauk, eta baita ondorio zuzenak jasotakoa ere! Baina hori beste baterako utziko diat.

Hire izena aipatu eta saria jasotzera? Ziur ingurukoak gogoan izango nituzkeela eta haiei eskaini, bizitzak garbi erakutsi baitit, niri behintzat bai, inor ez dela inor ingurukoen lankidetzarik gabe. Ziur, zer esan aurretik ere prestatuta izango nuela, baina baita ziur nago ez nukeela aurrez prestatutakoa esango eta bat-batekotasunera joko nuela. Inoiz saria jaso beharko banu ere, eta merezita ez dudalakoaren ustean baldin banago, ziur uko egingo niokeela jasotzeari eta benetan merezi duen beste norbaiti eskaintzea eskatuko nukeela.

Bestalde, ondo merezitako sariak askotan hil ondorengo kontuak izaten direla ere ez didak ukatuko! Beraz, askotan pentsatu diat honelakoak ez jasotzearen ondorio bizirik hagoenaren seinale

bat Aitor Calvillo

ere izan litekeela. Baina, berandu jasotzea sekula ez jasotzea baino hobea ere badelako ustean nago. Beraz, ikusiko duanaren moduan, bakoitzak ustez ondoen egiten duenarekin aurrera eta merezitako sariak iritsiko dituk halakoren batean. Edo ez! Baina ziur saria ez dudala sekula helburu izango. Aitortza. Hori akaso, zenbat jende ari den lan isilean eta gizarteak inolako aitortzarik ez. Zerrenda luzea osatuko nuke nik, eta ez zuk aurretik aipatutako Marlon Brando eta enparauak, ustez gertuago baditugu beste izen batzuk. Ea hurrengo batean honelakoak aipatzeko tartea hartzeko moduan gauden!

06 GOIBERRI

ASTEKO GAIA

Goierri Valley, altzairuzko bailara Metalgintzaren batasuna irudikatu du Goierri Valley elkarteak bailara behean, marka bezala. Bertan harremanak, jakintza eta teknologia partekatu, eta kanpora nazioartekotze estrategia zehaztuko du. Txikiak eta handiak batu dira.

Aimar Maiz Ordizia Goierri behealdeak marka komun baten azpian bateratu ditu bailarako metalgintza eta sektore horretako industriak.

Goierri Valley elkartea ekainaren 8an aurkeztu zuten, 33 enpresaren batasuna. Orain, bes-

te 13 enpresa eta bost bazkide laguntzaile sartuko dira elkargora. Zuzendaritza Batzordeak uztailaren 5eko bileran onartu zituen kide berriak altzoan, eta orain bazkide guztiek emango diote oniritzia. Guztira, 6.100 langilek osatuko dute enpresa-

elkartea, CAF, Ampo, Orkli, Indar, Irizar, Hine eta Jaso traktoreek tiratutako gurdian.

Elkarte izaera hartu du Goierri Valleyk. Zuzendaritza Batzordea zazpi ordezkarik osatu dute: sei enpresak eta administrazioaren aldetik Goieki enpre-

sa publikoak. Lehendakaritza Orklik hartu du, idazkaritza Goiekik, eta diruzaintza Gune Mekanizatuak enpresako ordezkariak eramango du.

Elkarteak izaera enpresariala du, eta enpresek hartu dute gidaritza, nahiz akuilua Goieki

GOIBERRI 07

ASTEKO GAIA

Goierri Valley elkartearen Zuzendaritza Batzordearen bilera, uztailaren 5ean, Goiekiren Ordiziako egoitzan.

«Bailara indartsua, leihakorra eta garatua izateak asko laguntzen digu»

AIMAR MAIZ

«Goierri Valleyk, CAFentzat, hainbat onura suposatzen ditu. Bailara indartsu, lehiakor eta teknologikoki garatua edukitzearen sendotasunak asko laguntzen digu, kanpoko herriekin lehian aritzeko.

Gertutasunagatik, hornitzaileekin eta bailarako jendearengan eduki dezakeen efektu sozialagatik. Horrelako ekimen bat sortzea, enpresa, txiki, ertain eta handiek elkarrekin kolaboratzeko, eta bailara bezala mundura zabaltzeko aukera emateko, baliabide ona da. Kanpoan lan egi- Aitor Imaz ten dugu guk, baina gertutasunean oina- CAF Ingeniaritzako arduraduna rri sendoak eduki nahi ditugu».

Datua

51

Enpresa. Goierri Valley elkartea laster 51 enpresak osatuko dute.

Ekainean 33 fundatzailek eratu zuten Goierri Valley. Orain, beste 18 enpresa sartzea onartuta dago.

Bazkide berri horietatik 13 enpresak dira, eta bost bazkide kolaboratzaileak izango dira. Izenak, datorren astean jakinaraziko dituzte.

6.100 lanpostu. Goierri Valleyn elkartu diren 51 enpresek 6.100 lanpostu dituzte, denen artean.

Goierri beheko industria arloko enpleguaren %75 da hori. Goierrin, bestetik, lanpostu gehien duen sektorea industriarena da; enplegu guztiaren %55 suposatzen du eskualdean.

izan zen. Bazkide fundatzaileez gain (33), orain beste 18k bat egingo dute.

Bi kide figura ditu Goierri Valleyk: bazkideak eta bazkide laguntzaileak. Bazkide, Goierriko enpresa, industria, eta industriari zerbitzua ematen dioten enpresak izan litezke. «Gehientsuenak bertan egotea da nahia», dio Goiekiko gerente eta elkarteko idazkari Iker Galparsorok. Bazkide laguntzaileak eskualdetik kanpokoak ere izan litezke, «baina benetan hemen dagoenari zerbait desberdina edo diferentziala aportatzen diotenak izan behar dute, benetan lagunduko dutenak gure helburuak aurrera eramaten».

Ekimenaren lehenengo hazia 2008an ereindakoa da. «Ez da bat-batean eratu elkartea», gogorarazi du Goierri Valleyren presidente Jose Luis Perezek.

Garai hartan, krisia sumatzen

hasia zen jada. Lana jaitsi zen, eta enpresa txiki eta ertainak elkartzen hasi ziren, Goiekiren aterkipean.

«Urtebete edo bi geroago, enpresa traktoreak hasi ginen elkartzen. Harrezkero, modu formalagoan edo informalagoan, lankidetzan, hizketan eta elkartzen segitu dugu».

«Enpresen arteko harremana sakontzeko aukera ezin hobea da» «Ampon beti izan dugu bailararekiko sentiberatasun handia. Eduki izan dugu, eta edukiko dugu etorkizunean ere. Printzipio horretan, aukera handia da Goierri Valley. Enpresa txikientzat eta ertainentzat ere aukera ona da, baina baita traktore garen enpresentzat ere. Gure arteko harremana sakontzeko aukera ezin hobea delako».

«Lehen ere harreman sarea bazen Goierrin, baina elkarte honek ofizialdu, eta, batez ere, sakondu egingo du. Harre- Jon Gorrotxategi manak estutzeko tartea eta aukera zego- Ampo Lehendakaria en, eta sendotuko du».

«Markak prestigioa lortzen badu, horren azpiko guztiok izango dugu»

Txikiak eta handiak, bat Txiki-ertainak batetik eta handiak bestetik, bi forotan zebiltzan ideiak, enpresak eta eginahalak batzea izan da Goierri Valleyren lehenengo lorpena.

Berritasuna, hain justu, enpresa traktoreen euren arteko, eta txikien bat egitea izan da. «Garapena da, poliki-poliki hasitakoa lankidetza-esparru gehiagotara nola zabal litekeen ikustea», dio Perezek.

Hilabeteko bizitzarekin, oraindik ez du aurrera begirako estrategiarik finkatu Goierri Va-

«Goierri Valley markak prestigioa lortzen baldin badu, horren azpian gauden guztiok prestigio gehiago izango dugu. Ikuspegi hori daukagu. Hasten ari da, eta ospe oneko bihurtu beharra daukagu. Baina CAF bat edo enpresa handiak hemen sartzean, duten prestigioarekin, nabaritzen da dagoeneko. Enpresek geure artean konpetentzia bezala ikusteari utzi beharra daukagu. Kontrakoa: gainontzeko mundu zabalaren aurrean —askoz handiagoa dena—, denok batera jardutera Jose Mari Flores ohitu beharra dugu. Gehitzea da, eta en- Arri Gerentea presa batek beti gehitu egin behar du».

08 GOIBERRI

ASTEKO GAIA

«Handien estrategia eta helburuak jakiteak txikiei ere laguntzen digu» «Orain arte ere enpresa txiki eta ertainak traktore handiekin lanean aritu gara, baina beraien estrategiarekin sekula ez dugu gertutasunik eduki. Orain, estrategia horiek denon artean lantzea oso aberasgarria da. Lurralde batzuk badira guk sekula ez ikasi, ez ikusi egiteko aukerarik izango ez genukeenik. Orain, aukera asko eta kolaborazioa lantzeko atea ireki da».

«Mahai berean eseri, eta handien estrategiak, helburuak eta etorkizuneko Alazne Goikoetxea ikuspegia jakin dugu. Horrek guri laguntzen digu, bai inbertsio mailan, bai gure Gune Mekanizatuak Gerentea ildoak edo gogoeta zuzentzeko garaian».

«Hornitzaile izatetik harago, enpresa handiekin kolabora litekeela ikusi da»

Manex Berzosa Ogei Komertziala

«Enpresa txikien arteko kolaborazioa lantzen urte asko daramagu. Baina handiekin kolaboratzea, hornitzaile izatetik harago, posible dela eta denontzako positibo izan daitekeela ikusi dugu. Txiki-ertainen aldetik, lehiakortasuna hobetzeko eta mundura begiak zabaltzeko; handien aldetik, beren arteko kolaborazioaren bidez, bakarrik lan eginda baino lehiakorrago izateko, bailaran mailan».

«Lehengo elkarlana indartu eta eraginkorrago bihurtzen du Goierri Valleyk.

Handiekin zegoen isolamendua puskatu da. Denontzat onura ekar dezake».

«Gaur egun, bakarka iritsi ezin den tokian proiektuak sor litezke»

Jose Luis Perez Orkli Lehendakaria

«Enpresa txiki-ertainen foroan eta handien foroan pauso bat gehiago emateko unea zela ikusi dugu: elkartean batu, eta kooperazioa are gehiago indartu. Honek guztiak kanpoko finantzazio bidea irekiko digu, diru laguntzena, lehendik ere batera egiten ari ginen lana sendotzeko».

«Enpresa bakoitzak, bakarka, bere bidea eta estrategia du. Batik bat handiek.

Horrek hala segiko du, baina Goierri Valleyk gure arteko sinergiak aurkituko ditu. Elkarlan proiektuak sor litezke enpresekin eta haien bezeroekin, gaur egun bakarrik iritsi ezingo liratekeen tokian».

lleyk, baina horixe du etorkizun hurbilean eginkizun behinena.

Etxe bakoitzak bere negozioa gobernatzen segiko du, estrategia, merkatu eta produktuekin. Ikusita, gainera, oso salgai, zerbitzu eta sektore desberdinetakoak direla elkartu diren industriak (grafikagintzatik autobusgintzara).

Elkarteak «sinergiak» bilatuko ditu, bazkideen artean.

«Esan ohi dena: bat eta bat ez dadila bi izan, bi eta erdi baizik», laburbildu du Orkliko lehendakari Jose Luis Perezek.

Enpresen arteko sinergiak bilatuko ditu Goierri Valleyk, baturaren emaitzak banakakoa hazteko Traktoreen artean ere lankidetzarako mamirik badagoela uste du Perezek, gai asko partekatuta

Aukera ugariak, irekita Hari mutur asko ditu lotzeko oraindik Goierri Valleyk, jarduerari eta funtzionatzeko moduari dagokionez. Baina zenbait asmo erakutsi ditu. Enpresen arteko bertako lankidetza da, bat. Zentzu horretan, enpresa txiki eta ertainen arteko lankidetza proiektuak gara daitezkeela aipatu du lehendakariak, bai enpresekin, bai beraien bezeroekin. Bat egiteak ahalmen gehiago eman diezaieke, bakarrik iritsi ezingo luketen tokiraino ailegatzeko.

Teknologien «batuketa» da beste arlo bat. «Produktu jakin bati, balio erantsi handiagoa eman dakioke bakoitzak menperatzen dituen teknologiak elkarri lotuta. Adibidez, hori dagoeneko egiten ari gara».

Hirugarren lan esparru bat, enpresa handien edo traktoreen arteko ulermena da. «Traktoreak agian beste dimentsio batean daude, dibertsifikazioan gehiago pentsatuz, edo antena teknologikoak edukitzeaz ere bai; eta, jakina, nazioartera gehiago irekitzen pentsatuz».

Eskualdeko erraldoiek, arlo horretan, landu ditzakete oraindik makina bat ildo; Perezek dioenez, «parkekatu»: jakintza, merkatuak, dibertsifikatzen lagun diezaguketen enpresa-proiektuak, edo elkarrekin sortutako startup bateratuak (negozio berri bat ideiatu, hasi edo muntatu nahi

dutenak dira startup enpresak). Azken batean, aukerak eta arriskuak elkarbanatzea da kontua», azaldu du Perezek.

Hori bai, oraindik elkarteak zer sorotan goldatuko duen zehaztu gabe daukala argitu du lehendakariak. «Denera irekita dago, sortzen den orori eta enpresei bururatzen zaigunari eta elkarteari balioa eman diezaiokeela ulertzen dugunari».

Misio komertzialak Enpresen arteko lankidetza sarea martxan jarri zenetik, 2008an, saiakera batzuk egin dituzte Goierriko enpresek zenbait misio batera garatzeko.

Txiki-ertainak nazioarteratzea izan da helburu bat, orain arte, edo ferietara joatea.

Misio komertzial txiki batzuk ere egin dira, nazioarteratzeko bidean. Baina praktikan hutsetik hasi nahi du Goierri Valleyk nazioartekotze prozesuan, eta elkarte gisa «estrategia garbi bat» markatuko du.

Batera lantzeko asmoa duten estrategia hori gero nola itzuliko den ere ez dute oraindik zehaztu. Emaitzak «enpresak sendotzea, horiei onura ekartzea, bide berriak irekitzea eta lanpostuak sortzea» izan behar duela aurreratu dute.

GOIBERRI 09

ASTEKO GAIA

Enpresa txikietatik sortu zen ekimena, eta enpresa traktore ia denak sartu dira; eta bultzatzeko, parte hartzeko gogoarekin, gainera. Harrituta gaude zer nolako arrakasta izaten ari den etxe barrenean. Kanpora begira ere bai, erakunde, enpresa eta instituzio asko deika ari dira, ekimenaren berri izateko.

Goierri Valleyren berritasuna enpresa handiak sartzea da?

Haientzat zer interes du?

AIMAR MAIZ

Iker Galparsoro

Nik uste dut zerbaitek batzen gaituela, eta zerbait hori Goierri dela. Konturatu gara Goierri izaera edo sentimendu hori benetan traktoreetan ere badagoela. Goierriren parte sentitzen dira, eta eman diezaioketena asko dela badakite.

Elkartean egon eta ekarpena egin nahi dute. Orduan, guretzat oso-oso pozgarria izan da enpresa guztiak nola batu diren ikustea. Dudarik gabe, gainera.

Goiekiko gerentea eta Goierri Valleyren idazkaria

Sinergia aktibo bat da, berez.

«Goierri izaera enpresa traktoreetan ere badago, Goierriren parte sentitzen dira»

Guretzat funtsezkoa, hasieran, hori da. Eskualdeko erakunde eta enpresen arteko elkarlana bultzatzea, eta dauden sinergiak baliatzea. Hori ondo egiten baldin badugu, kanpora saltoa ematea errazagoa izango da.

eraldaketan motorea izatea da helburua, eskualde mailan.

Aimar Maiz Ordizia

Nondik erne da elkartea?

2008an martxan jarri genuen enpresen arteko lankidetza sarea, eta hark izan dituen egitasmo, foro eta lantaldeen ondorioz, beharrezkoa ikusi zen era batera edo bestera egituratzea.

Bai enpresei zuzenean parte hartzeko aukera emateko, bai erabakiak hartzeko garaian beraiek ere planteatzeko; bestetik, enpresa denen artean zer nolako estrategiak hartu edo ekintzak garatzeko.

Metalgintza sektorea hartu duzue oinarri. Hor zentratuko da?

Gure helburua da industria eta metalgintza sektorea sendotzea. Enpresen arteko harremanak estutu, eta etorkizunari begira proiektu berriak garatu, enpresa gehiago sortu. Industriagintzak izan behar duen

Zer, nola eta norantz dauka eraldatu beharra metalgintzak?

«Industria eta metalgintza sendotu nahi dugu, eta eraldaketaren motore izan» «Nazioartekotze prozesurako estrategia garbi bat markatzea behar dugu orain»

Beti dago aldatzeko beharra, eta enpresek badakite hori.

Gaur egun, ezin dugu orain dela 15 urte egiten genuena egin, eta hemendik 15 urtera ere beste era batera, beste zerbitzu eta produktu batzuk landu beharko ditugu. Eraldatzeko beharbeharrezkoa da hausnarketa.

Enpresa traktoreek duten informazioa eta merkatuaren ezagutza oso zabala da. Agian, txikiek ez daukate hainbeste baliabide. Ezagutza hori guztia partekatu nahi dugu, eta denen artean erabakiak hartu.

Orain arte, enpresen batasun esperientzia nolakoa izan da?

Espero genuena baino asko hobea. Izugarrizko ilusioa dute.

Nazioartekotze horretan, zer fasetan dago Goierri Valley?

Orain behar duguna nazioartekotze prozesurako estrategia bat da. Momentu honetan, dauzkagun ekintzak iraganetik jasotzen ari garen batzuk dira.

Hurrengo urteetarako, Goierri Valley bezala estrategia garbi bat markatu behar dugu.

Eskualdera nola itzuliko den diseinatu duzue?

Landu behar da. Baina, irizpide nagusi bezala, Goierriko enpresentzat eta Goierri Valleyko enpresentzat onurako proiektuak izango dira. Onuradunak goierritarrak eta Goierriko enpresak izango gara.

Zein zentzutan?

Batez ere enpresa txikiak sendotuko ditu, eta lanpostu gehiago sortu, horiei aukera emanez merkatu eta sektore berrietara zabaltzeko.

10 GOIBERRI

GAZTEAK

ÂŤAbiadurarekin libre sentitzen naiz motorreanÂť Moto GP pilotu profesionala izan nahi du Xabi Zurutuza legazpiarrak. Egina du dagoeneko bidearen zati handi bat.

Tere Madinabeitia Legazpi Xabi Zurutuza (Legazpi, 2006) sei urte zituenean hasi zen motorrarekin lehiatzen. Gaur 11 urte ditu eta Minimotard 65 kategoriako Espainiako txapelketa du buruan. Proba bat jokatzeko falta dela, sailkapenean bigarren doa.

Noiz hasi zinen motorrean?

Aita Josu eta Andoni eta Martxel anaiak beti izan dira motorzaleak. Ni bi urte eta erdirekin hasi nintzen quad batekin eta urtebetera minimotoarekin.

Eta lehian?

Lau urte nituenean inguruko minimoto erakustaldietan parte hartzen hasi nintzen eta denak irabazten nituen. Gero, 6 urterekin Castejonera (Nafarroa) joaten hasi nintzen, Lorenzo Competicion pilotu eskolara, eta Espainia osoko Lorenzoren beste eskolen arteko ligan parte hartu nuen minimoto Polini batekin. Hasieran ez, baina 7-8 urterekin lasterketa guztiak irabazten nituen.

Zer ikasi zenuen eskolan?

Teknikak, gero lasterketetan aplikatzeko: bihurguneak nola hartu, nola azeleratu, derra-

Babeslea

peak egiten... Bizikletan ibiltzen ginen, yoga ere egiten genuen elastikotasuna lantzeko, eta trial eta moto-krosa ere egiten genuen indarra hartzeko.

Orain zein kategoriatan zaude?

Sx65 edo Minimotard 65 kategorian hasi nintzen 9 urterekin.

Minimotard-a motokroseko motorra da, baina asfaltoko gurpilak ditu. Lasterketak karting zirkuitutan egiten dira, eta zirkuituaren arabera, luzera ezberdina dute, baina txanda bakoitza 10 minutu gehi bi itzulikoa da. Abiadura handia hartzen dugu motor horiekin: 150 kilometro orduko.

TERE MADINABEITIA

Abiadura gustuko al duzu?

Bai, asko. Libre sentitzen naiz.

Zenbat eta abiadura handiagoa dibertigarriagoa da, baina burua oso argi eduki behar da eta erreflexu onak.

Nolako pilotua zara?

Nire idoloa Marc Marquez da, nik berak bezalako pilotatze estiloa daukadalako: agresiboa naiz, motorra oso azkar etzaten dut, kolpean azeleratzen dut...

Espainiako Txapelketan lehian ari zara orain.

Bai, aurtengo denboraldian Es-

painiako txapelketan eta Zona Norte izenekoan nabil, guztira 14 proba. Espainiakoan Lleidako Alcarrasen, Kadizeko Jerez de la Fronteran eta Pontevedrako Forcarein egon naiz. Irailean Leongo La BaĂąezan amaituko da. Bigarren egiteko aukera handiak ditut.

Eta datorren urteari begira?

Kategoria altuagoarekin probatuko dut: Premoto 4. Motorra

handiagoa da, abiadurako probatarako. CEV edo Espainiako Abiadura Txapelketa egingo dut, zirkuitu handiagotan. Gure aurrekontua handitu egingo da, eta DMT taldean egon arren, babesleak behar ditugu. Orain arte Kuber eta Aterki izan ditut laguntzaile, baita osaba bat ere.

Ea Diputazioak ere laguntzen digun, dirua futbol zelaiak egiteko bakarrik eman beharrean.

GOIBERRI 11

GURE LURRA

Zumarragako baserritarren azokan 26 postu daude; denetik eros daiteke. TERE MADINABEITIA

ria, Legazpi, Azkoitia, Arama...

Denetik eros daiteke bertan: barazkiak, lekaleak, ogia, gazta, arrautzak, hestebeteak, lore eta landareak, baratzerako landareak, gozoak... Bertan egindakoa eta bertan produzitutakoa.

Hainbat proposamen

Lehen sektoreari bultzada Zumarragan larunbateko azoka dinamizatu nahian dabiltza, lehen sektorearen erakusleihoa den aldetik.

Tere Madinabeitia Zumarraga Zumarragako Udalak urteak daramatza lehen sektorea indartzeko lanean, herriaren garapen ekonomikorako alor estrategikoa dela ulertzen baitute. Orain pausu bat aurrera eman dute eta proiektu zehatz bat jarri dute martxan, urtean zehar egiten diren feriak eta la-

runbateroko azoka dinamizatu nahian.

Proiektua aurrera eramateko udaleko hainbat sail elkarlanean ariko dira, mahai politikoteknikoa osatuta: Landa garapena, Euskara, Berdintasuna, Gazteria, Udaltzaingoa, Kultura, Ekonomia... eta Goimen elkartea. Rosa Maiza Ekonomia-

ren Sustapenerako zinegotziak eta Maialen Aramendi teknikariak koordinatuko dute proiektuaren lanketa.

Lanketa horrek izaera parte hartzailea izango du, eta saltzaileenaz gain, erosleen eta herritar guztien iritziak bilduko dituzte. Horretarako, helbide elektronikoa jarri dute martxan: azokazumarraga@gmail.com.

Baserriarren erakusleiho Santa Lutzi feriaz, Buzkantza Egunaz eta artisauen bi azokez gain, larunbateko azokak, baserritarrenak, ezinbesteko garrantzia izango du proiektu honetan, lehen sektorearen erakusleihoa delako eta herriko ekonomian eragiten duelako.

Herriko plaza nagusian egiten da azoka Zumarragan, eta baserritarren gunea udaletxearen pareko arkupeetan dago.

26 postu jartzen dira guztira, eta saltzaileak Zumarraga bertakoak eta inguruko herrietakoak dira: Urretxu, Ezkio, Gabi-

Abiatu berria da proiektua eta oraindik ez dute ezer zehaztuta, baina landu dituzte etorkizun hurbilerako hainbat proposamen.

Toki fisikoari erreparatuko diote, batetik, baserritarren azoka dinamizatzeko proiektuan; berritu egin nahi dute gunea, kristalezko itxiturak egin eta argiztapena hobetu, besteak beste.

Bestetik, ekintzak eta jarduerak ere aurreikusten dira, esate baterako, sentsibilizazio kanpainak, sustapenak, tailerrak eta haurrentzako ekitaldiak.

Eta komunikazioaren alorra ere landu nahi dute. Izan ere, Zumarragako azokak nortasunik edo markarik ez duela, eta herritik edo bailaratik kanpo ez dela ezagutzen uste dute. Horregatik garrantzitsua da ezagutaraztea; marka bat sortuko dute identitate hori lortzeko eta zumarragarrek berea senti dezaten larunbateroko hitzordua.

Azken batean, lortu nahi dutena da gizartea jabetzea azokak duen garrantziaz eta, horrekin, baserritarren lana edo nekazaritza sendotzea.

12 GOIBERRI

ERREPORTAJEA

Ehiztarien herria Zegaman ehiza zaletasun handia dago, usotarako toki ona baita. Hala, ehizarekin lotutako hainbat ekimen abian jarri dira. Bihar azoka egingo dute eta zegamar batek txakurrei basurdeak ehizatzen irakasteko gunea ireki du.

Asier Zaldua Zegama Zegama ehiztarien paradisua bilakatu da. Ehizarako toki ona izateaz gain, zaletasun honekin lotutako bi ekimen jarri dituzte abian: azoka, eta txakurrei basurdeak ehizatzen irakasteko gunea.

Egitasmo hori Ander Lasa ehiztari zegamarrak jarri du martxan. Horretarako, 40 hektareako lursaila erosi du Naparriturrin, Otsaurtetik gertu.

«Animaliarik hil gabe gozatzeko aukera ematen dugu. Basurde batzuk ditugu gure lur eremuan, txakurrei barre egiteko

prestatuta. Txakurrak baino askoz ere azkarragoak dira eta askotan ez dituzte aurkitzen. Gainera, aurkitzen badituzte, izkin egiten saiatzen dira. Bestalde, eremu itxia denez, bertan ehiza garaitik kanpo ere txakurrak aska daitezke».

Hala, txakur gazteek basurdeak ehizatzen ikasten dute.

Arrasto txakurrak bakarrik sar daitezke eta suzko armak erabiltzea debekatua dago. Ez da negozio bat, ehiztari lagunei eskaintzen dien zerbitzu bat baizik.

Lasa Zegamako Koba base-

rrikoa da. Umetatik da ehiza zalea. Hasieran usotara joaten zen eta egun basurdetara.

«Usoa ehizatzea ez dago norberaren esku, usoa bertatik pasatzea behar baita. Basurdetara joatea politagoa da».

Ander Lasak ireki duen gunean arrasto txakurrak bakarrik sar daitezke

Frantzian, arrunta

Animaliarik hil gabe gozatzea da helburua, eta suzko armak sartzea debekatua dago

Hala, txakurrak basurdeak ehizatzen trebatzeko gune bat prestatzea erabaki zuen.

«Frantzian betidanik eduki dituzte halako eremuak, eta jendea hara joaten da txakurrei irakastera. Hori dela eta, aspaldi nuen buruan halako toki bat

GOIBERRI 13

ERREPORTAJEA

geroz eta lan zailagoa duten bitartean, geroz eta basurde gehiago daude: baserritar gutxiago daude, sasi gehiago...».

Lasak dioenez, basurdeak ehizatzea ez da jendeak uste bezain arriskutsua. «Arrisku puntu bat du eta esperientzia oso garrantzitsua da, baina istripu gutxi egoten dira. Eskalatzaileen edo eskiatzaileen artean istripu gehiago egoten dira».

Dena den, Zegaman usotarako zaletasun handiagoa dago. «Hemen ez dugu itsasorik. Mendia besterik ez dugu.

Hori dela eta, normala da ehiztari asko egotea. Usotarako zaletasun handia dago, usotarako toki ona baita».

Ehiza eta natura azoka

prestatzea. Ez zegoen horrelakorik, eta behar zen».

Duela bi urte ireki zuen. «Hasieran, aldundiak ez zuen batere argi ikusi. Azkenean, beharrezkoa zela konturatu ziren eta lagundu egin zidaten. Egunero dago zabalik eta jende askok deitzen dit: Santanderretik, Mirandatik, Lizarratik... Izan ere, gertuen dagoena Huescako Ainsa herrikoa da, baina han oso ur gutxi dago. Eta txakurrek eta basurdeek ura behar dute».

Gainera, Zegamako parkea

oso ondo kokatua dago. «Jendeak erdi-erdian nagoela esaten dit. Hegoaldeko lau hiriburuen artean gaude eta N-1 errepidea hamar minutura dugu».

Hori guztia gutxi balitz, ehiztariei erosotasunak eskaintzen dizkiete. «Txabola bat dugu, sukalde batekin. Bertan, ehiztariek arropa aldatu dezakete eta zerbait jan». Izan ere, geroz eta gehiago dira basurdeetan aritzen diren ehiztariak. «Basurdetarako zaletasun handia dago. Gainontzeko ehiztariek

Ezkerreko irudian, txakurrei basurdeak ehizatzen irakasteko gunearen ikuspegia. Goikoan, Ander Lasa, zakurrekin. ASIER ZALDUA

Hala, ez da harritzekoa duela urte batzuk Karraztarro ehiza elkartea sortu izana. Elkarte hori federazioaren postuak txukun mantentzeko eta ekintzak antolatzeko sortu zen. Elkarteak 80 bazkide ditu eta urtero ehiza eta natura azoka antolatzen dute. Aurtengoa bihar izango da, hilaren 15ean.

Ekintza ezberdinak egongo dira: txakur erakusketa, plater tiraketa, arku tiraketa, falkoneria, tiro simulatzailea, haur jolasak, ehiztari erreskatea...

Gainera, 33 postu jarriko dituzte. Armak, arropa, oinetakoak, autoak, atoiak, pentsua, labanak, txakurrak... egongo dira salgai. Gainera, Karraztarrok taberna jarriko du.

14 GOIBERRI

INTERNET

saretik Teknologia

Multimedia

Ehunmilak proba iruditan

Kanon digitala ezarriko dute

Asteburuan eta astean zehar ez da beste konturik izan Goierrin. Ehunmilak probak milatik gora korrikalari eta 1.500 boluntariotik gora bildu baititu. EHM, G2H eta MMM lasterketek irudi ikusgarriak utzi dituzte aurten ere. Bideo eta argazki guztiak, webguneko atal berezian jaso ditugu.

Espainiako Diputatuen Kongresuak aste honetan onartu du kanon digitala ezartzeko lege dekretua. Egileei emango zaien ordaina aparailu eta ekipo elektronikoetan kobratuko dute. Horrek, produktu horiek eurotik gora garestitzea ekarriko du. Behin-behinean ezarriko da ordainketa lehen urtean.

goierri.hitza.eus/ehunmilak-2017

Klik

Han eta hemen

Ormaiztegiko Udalaren ataria

8.000 lagun Encounter-ean

‘Sarean’ irratsaio berria, igandero

Ormaiztegiko Udalak webgunea berritu du. Itxura berria emateaz gain, udaleko zerbitzu telematikoak egin edota Zubipe kiroldegia erreserbatzeko aukera izango da bertatik. Herriari buruzko informazioa, albisteak eta ekitaldien agenda ere jasotzen ditu.

Euskal Encounter topaketak marka guztiak hausten jarraitzen du, eta aurtengoa, inoizko ediziorik jendetsuena izango dela aurreratu dute antolatzaileek. Izan ere, 25. urtemuga bete du Encounterrak, eta uztailaren 22tik 25era, 8.000 lagun bilduko dituzte BECen.

PuntuEus fundazioak eta Euskadi Irratiak, ingurune digitalari buruzko Sarean irratsaioa sortu dute. Leire Palaciosek gidatzen du saioa, eta igandero entzun daiteke, 15:00etatik 16:00etara. Lehenengo saioa –hilaren 9koa– sarean.eus webgunean ere entzun daiteke.

GOIBERRI 15

MOTZEAN

Trikuarriren erromeria Urretxu-Zumarragako gazte talde batek osatutako musika taldea da Trikuarri.

Zorioneko gaizki ulertu batek eragin zuen taldearen sorrera. Erromeria taldea dira eta kide guztiak musika eskolatik ateratakoak direla nabari dela diote.

Miriam Luki Urretxu Trikuarri osatzen duten kideetatik hiruk aurretik beste talde bat zuten. Neskek osatutako taldea zen, Katekexix. Nahiko kontzertu eman zituzten neskak izateagatik handik eta hemendik deitu zituztelako: «Ez daude neskek bakarrik osatutako hainbeste talde eta egun moreak edo feminismoari lotutako egunetarako deitzen gintuzten», dio Amaia Rodrigez Trikuarriko kantariak. Katekexixen gainbehera iritsi zen eta handik Trikuarrira egin zuten salto. Jauzia zoria lagun egin zuten.

Urretxuko Iparragirre institutuaren 50. urteurrena ospatzekoak zirela-eta, abestiren bat jotzeko eskaera egin zieten artean Trikuarri taldea osatu gabe zegoenean. Abesti batzuk jotzeko elkartu ziren, baina taldekideetako batzuk taldea sortzeko elkartuko zirela ulertu, eta gaizki ulertu hartatik sortu ziren. Rodrigezekin batera Uxue Kerejetak (trikitia eta ahotsa), Arri Iraetak (bateria jotzailea) eta Itsaso Larrañagak (gitarra) osatzen dute taldea. Orain, baxu-jotzailearen bila dabiltza.

Institutuko emanaldiaren aurretik elkartu eta jotzen hasi ziren. Lehenengo bi kontzertuak egun berean egin zituzten.

Gaztetxean Korrika Urretxutik pasatzen zen egunean, eta Urretxu-Zumarragaren Ikastolaren 50. urteurrenaren harira egun berean egindako ospakizunean. Gero Ataunen, Ormaiztegin eta Urretxuko Iparragirren Institutuan jo zuten.

Poliki bada ere, aurrera egiteko asmoa daukate. Orain alda-

Trikuarri taldeak Goierriko hainbat tokitan jo du jada; Ataunen, Ormaiztegin, Zaldibian eta Urretxu-Zumarragan, besteak beste. UNAI DEMIGEL

keta unean daude eta udan ez dira taula gainean gehiegi arituko.

Entsegu lokalen premia

Trikuarri osatzen duten kideetatik hiruk neskez osatutako Katekexix taldean jotzen zuten Entsegu lokalen falta nabarmendu dute, eta pentsatu baino talde gehiago ari direla diote

Aho batez diotenez, nabaritzen zaie musika eskolatik ateratakoak direla. Uxue Kerejeta erromeria doinu zalea da eta haren eskutik iritsi dira besteak trikiti estilora. Itsaso Larrañagak partiturak ateratzen ditu, Arri Iraetak erritmoak, Uxue Kerejetak trikitia moldatu eta ahotsen tonuak lantzen ditu Amaia Rodrigezekin batera.

Musika ondo pasatzeko jotzen dutela diote. Momentuz ez dabiltza ezeren bila, baina dauzkaten ikasketak oinarri, musikalki kantak ateratzeko

gaitasuna izan badutela gehitu dute. Hasi zirenetik beste musika egile batzuen kantak jo dituzte eta oraingoz ez daukate euren kantak sortzen hasteko asmorik. Hori esanda ere, aterik ez dute ixten. Trikuarriko musikariek euren gaztetasuna alde daukate.

Orain artean Gaztetxean hala moduz egin dituzte entseguak, eta Sekundino Esnaola musika eskolan ere bai. Azpimarra egin diote bi herriotako entsegu lokalen gabeziari.

«Talde asko daude, baina ezkutuan ari dira entseguak egiteko gunerik ez dagoelako», diote.

Lokalak egiten dituztenean pentsatu baino talde gehiago aterako direla gehitu dute.