Goiberri 255. zenbakia

Goierritarraren eta Otamotzen astekaria

255. zenbakia. 2017ko urriaren 20a

GOI B ERRI Eskukada bete babes Kataluniari Urriaren lehena mugarria izan da Katalunian. Haren oihartzuna nabarmen sumatu da Goierrin 8-11 Izaskun Salazar 3 Iritzia 4-5 Ehizarako armak prest 6-7 Iban Zubeldia argi teknikaria 12-13 Nerea del Barrio gaztea 14 Ile motots solidarioak 15 Hiru Txilipurditan Ataunen 16-17 Kataluniari babesa agertzeko giza-katea antolatu du Gure Esku Dagok. Azaleko irudia, 2014ko giza-katean Lazkaon ateratakoa da. M.ALBISU

02 GOIBERRI

PUBLIZITATEA

GOIBERRI 03

KATE MOTZEAn

Izaskun Salazar

Aurtzakako lehendakaria

«Dantzak bizipoza eta gorputzarekin adierazteko aukera eman dizkit» Josune Zarandona Beasain Izaskun Salazar (Beasain, 1972) 7 urte zituela hasi zen herriko Aurtzaka dantza taldean.

Ordutik ez du eten taldearekiko harremana, eta gaur egun bertako lehendakaria da. Dantzak «bizipoza, lagunak eta gorputzarekin adierazteko aukera» ematen dizkiola dio. Are gehiago, bere bizitza ezin duela dantzarik gabe imajinatu adierazi du. Lanbidez irakaslea da, 18 urtez aritu da Atarrabiako Paz de Ziganda ikastolan lanean.

Orain, Beasaingo Andramendi ikastolan hasi du ikasturtea.

Musika talde bat.

Gatibu.

Abesti bat.

Ostatuko neskatxaren koplak.

Janari bat.

Kokotxak.

Edari bat.

Garagardoa.

Goierriko txoko bat.

Zerain.

Oporretarako leku bat.

Menorka.

Jaso duzun oparirik bereziena.

Ikasle batek oparitu berri didan berak egindako paperezko kutxatxo zoragarri bat.

Amets bat.

Zein zaletasun dituzu?

Momentua bizi dut, ez dakit.

Dantza, bidaiatzea...

Zeri diozu beldurra?

Liburu bat.

Las nueve revelaciones.

Zerk sortzen dizu irribarrea?

Ez naiz batere beldurtia.

Beste baten irribarreak.

«Dantzak asko eman dit, ezingo nuke nire bizitza dantzarik gabe imajinatu»

MIKEL ALBISU

Diruz laguntzen duten erakundeak: Udalak: Altzaga, Arama, Ataun, Beasain, Itsasondo, Olaberria, Urretxu, Zerain, Segura, Zaldibia eta Zumarraga

GOI B ERRI

Argitaratzailea: Goierriko Hedabideak SL Zuzendaria: Iñaki Gurrutxaga Kudeatzailea: Josu Iñigo Koordinatzailea: Tere Madinabeitia

Diseinua eta banaketa: Bidera zerbitzuak. Berria Taldea Lege gordailua: SS-1638/2011

Gorroto duzuna.

Nire erabakietan zer egin behar dudan esatea.

Beasaingo alkate bazina?

Herria dantzan jarriko nuke.

Beasainen biziko ez bazina?

Edonon.

Egoitzak: Beasain:

Webgunea:

Oriamendi, 32. 20200.

Posta elektronikoa:

goiberri.eus

Urretxu:

goiberri@hitza.eus

Iparragirre, 11 (Kaletxiki). 20700.

Publizitatea:

Telefonoak: Beasain: 943-16 00 56 Urretxu: 943-72 34 08

Bezero arreta / harpidetzak:

607 530 424 – jizagirre@hitza.eus 902-82 02 01 – harpidetza@hitza.eus

04 GOIBERRI

IRITZIA

Joxe Begiristain Euskara teknikaria

Zuek euskaraz, nik zergatik ez?

O

so denbora gutxiko tartean bi ekitaldi erabat desberdin bizi izan ditut. Bietan, ordea, agerian utzi didate euskara biziberritzeko ahaleginak miresmena eragiten duela, jende are eta desberdinagoren artean.

Lehena, CAFen mendeurrenaren baitan, Beasaingo lantegian irailaren 23an eta 24an egindako Ate Irekiak jardunaldietan gertatu zitzaidan. Jakina da CAFen urteak daramatzagula trenaren fabrikazio-prozesu osoan euskarari berez dagokion lekua emateko lanean.

Ate Irekiak jardunaldietan, CAFen 100 urte hauetako historia, bilakaera eta trengintzaren hainbat eta hainbat atalen berri eman zen. Panelez irakurgai zen informazioa ele bietan zegoen, aurrena euskarazko testuaz, enpresako Hizkuntza Politika Orokorrak jasotzen duena betez. Eta ibilbidean zehar kokatutako informazio-

pantailetako ahozko azalpenak, euskaraz bakarrik entzun ahal izan ziren. Azalpen horiek gaztelaniaz jarraitu nahi zituenak, pantailan aldi berean idatzita agertzen zen testua irakurri behar zuen.

Ia 7.000 lagun pasatu ziren asteburu horretan bisita gidatuan. Eta asko dira zorionak eman dizkigutenak, euskararen presentzia, handia irudituta, harriduraz. Guk harro jaso ditugu esker oneko hitz horiek, noski, baina antzeman dugu, fabrika zulotik harago ez dakigula saltzen, lan munduan ere euskaraz bizi daitekeela. Goierriko enpresen arteko Euskara Batzordea dugun Ingudea aipatu behar izan diegu adibidetzat, dozena bat enpresa behinik behin bagarela gogoraraziz, lanean euskaraz aritzeko bidea gauzatzen.

Hasieran aipatzen nuen ekitaldietako bigarrena, urriaren 11n Beasainen izandako solasaldia da. Garabide elkarteak urteak daramatza hizkuntza

gutxituak dituzten herri indigenekin esperientzia-trukean.

Oraintxe bertan munduko hainbat bazterretatik etorritako indigenen ordezkari batzuekin hizkuntza biziberritzeko gidaritzari buruzko ikastaldi trinkoan dira bete-betean. Solasaldi irekian, indigena horiek beraien hizkuntzak biziberritzeko zertan ari diren agertu ziguten. Garabideko ordezkaria den Jon Sarasuarekin, Marokoko Milouda El Hankari, amazig hizkuntzaz, Mexikoko Leonardo Duran, nahuatlari buruz, eta, Txileko Paula Onesima, maputxeari buruz, aritu zitzaizkigun. Hiru indigenak bat etorri

ziren euskararen berreskuratze-prozesua mirestean.

Baina kontuz! Bai CAFera bisitan joandako euskaltzaleak eta baita indigena horiek ere, oso jakitun dira euskarak 4050 urte hauetan egin duen bideak, berez, ez duela etorkizunerako aurrerabide bera bermatzen. Jon Sarasuak, euskara-Arantzazu garaiei erreferentzia eginez, zera esan zuen: Arantzazutik Urbiara igota, bertan lainopean geldi ez ote gauden, Aizkorrirako bidean.

Funtsean, hizkuntza bat ez delako hitzen corpus soila.

Hizkuntza, herri baten identitatearen muina da. Bai indigena horientzat eta baita guretzat ere. Euskal nortasunaren oinarria euskal kultura eta euskara dira. ÂŤGuk euskaraz, zuk zergatik ez?Âť zioen Gabriel Arestik, gerora Urkoren bidez ia-ia euskaltzaleon ereserki izateraino heldu zen abestiak geureganatu zituen hitzez. Nago, inor euskarara gonbidatzearen aldiak aspaldi galdu zuela zentzua, inoiz izan bazuen. Jendea euskarara etorriko bada, euskararen beharra nozitu beharko du norberak bere baitan.

Euskarak hegemonia duen jendartean, euskaraz hitz egiteko ohiturarik ez duenak eta euskaraz ez dakienak, ÂŤzuek euskaraz, nik zergatik ez?Âť hausnartu beste erremediorik ez du.

GOIBERRI 05

IRITZIA

Asteko irudia

Josu Maroto

Kataluniari elkartasuna Goierriko Gure Esku Dagok Kataluinaren aldeko giza katea proposatzen duen aste berean, bi Jordi (ANCko Sanchez eta Omninumeko Cuixart) kartzelaratu dituzte.

Elvira, Blanca Esther, Raquel, Sofia, Melodie, Noelia Noemi, Ana Belen. Ez, ez nago haurdun, ez dut neskatxa bat espero eta ez naiz neska izen polit baten bila ari. Emakume izen horiei beste asko gehitu behar zaizkio lehenengoaren aurretik eta, zoritxarrez, beste asko etorriko dira atzetik. 2017an Euskal Herrian indarkeria matxistaren ondorioz hil diren emakumeen izenak dira. Oso desberdinak ziren euren artean: Elvira Portugaletekoa zen eta 92 urte zituen, Raquel bere umearekin batera hil zuten Eibarren, Melodie haurdun zegoen eta erditu baino egun batzuk lehenago hil zuen gizon batek Ustaritzen‌ matxismoa izeberg bat balitz, hilketa hauek punta besterik ez dira, gizon batzuren gailentasun nahiaren islarik bortitzena, gorrotoz betea, non emakumea nahi bezala erabil daiteken ondasun bat besterik ez den. Inoiz ez genituzke imaginatuko maite ditugun gizonak guri mina ematen. Nola hilko nau ba nire aitak, nire bikoteak, nire lagunak, nire osabak? Gure-

tzat pentsaezina den bezala, aipatutako emakumeek ere konfidantza itsua izango zuten euren borreroengan, pertsona baten bizitzak ezer ez duela balio erabaki zuten eguna iritsi zen arte.

Imaginatu azken hatsa bota aurretiko sufrimendua. Eta ez naiz ari sufrimendu fisikoaz. Imaginatu maite duzun norbaitek hiltzen zaituela eta traizioa dela sentitzen duzun azkena. Aberrazio honekin lehen bait lehen amaitzea beharrezkoa da, aitzakirik gabe.

Nagore Belastegi

bat eta

Izebergaren punta. Mugimendu feministak aspaldion gizarteratu duen kontzeptu horren atzean adi aztertu beharreko errealitate andana dago, finean emakumea bigarren maila batera kondenatzen dutenak. Zapaldua izatera alegia. Irudipena dut diskurtso hau mahai gainean jartzen den bakoitzean oraindik ere deseroso sentitzen den gizon eta emakume asko dagoela, beharbada erosoago bizi direlako errealitate hori asumitu gabe, injustizia horri erreparatu gabe. Bortizkeria matxistaren biktima, bizia galdu duten emakumeen izenak zerrenda ilun horretan ikustean asaldatzen gara eta kondenatu egiten dugu, ezin zitekeen bestela izan, baina benetan prest gaude arazoaren muinera jotzeko?

Argi utzi nahi nuke jarraitu aurretik ezin dela gai honekin fribolizatu eta kontzeptuak erlatibizatu ere. Hori esanda, izebergaren punta horren atzean egunerokoan emakumeok jasaten ditugun ezberdintasun egoerak asko dira. Lan arloan formalki eskubide berdinak aitortzen bazaizkigu ere, errealitatea da ardura postuetara iristea oztopatzen digun kristalezko sabaia dugula kokotea-

bat Iraia Oiarzabal

ren gainean. Kontziliazioaz hitz egiten da baina gure herri eta auzoetako etxe gehienetara begiratzea besterik ez da behar zaintza eta etxearen ardura noren gain erortzen den egiaztatzeko. Askatasunaz hitz egiten da eta zorionez urratsak nabarmenak izan dira –pentsa bozkatzeko eskubidea ere borrokatu behar izan zutela gure aurrekoek– baina irabazteko geratzen zaizkigunak ez dira gutxi, gure gorputzen gaineko erabakiak guk hartu ahal izatea, esaterako. Ez dira denak zutabe honetan sartzen‌ Gure esku dago zerrenda beltz hau ezabatzen joatea.

06 GOIBERRI

ERREPORTAJEA

Oroitz Salaberria, Urretxuko Etxaniz arma-dendakoa. ASIER ZALDUA

Ehizarako prest Ehiza denboraldia hasi da eta arma-dendetan lanez gainezka daude: eskopetak prest jarri, osagarriak saldu... Urretxuko Etxaniz dendako Oroitz Salaberriak eta Ordiziako Otegi dendako Iñaki Otegik sasoi hasi berriaz hitz egin dute.

Asier Zaldua Goierriko arma-dendetan ez da giro egun hauetan. Ehiza denboraldia hasi berria da eta lanez gainezka daude: armak gertu ipini, osagarriak saldu...

Goierritarrek zein arma erosten dituzten eta armen mundua asko aldatu den jakiteko, Urretxuko Etxaniz eta Ordiziako Otegi arma-dendetara jotzea da biderik zuzenena.

Goierriko bi denda horietan eskopetak eta errifleak saltzen dituzte. Errifleak ehiza larrirako erabiltzen dira (basurdeak, oreinak, safariak...) eta eskopetak ehiza xeherako. Eskopetek kartutxoak botatzen dituzte eta errifleek balak.

Iñaki Otegik gero eta errifle gehiago saltzen direla dio.

«Gero eta uso gutxiago pasatzen dira, eta gero eta basurde

gehiago dago. Dirudienez, usoek ibilbidea aldatu dute», dio.

Salaberriak ere gero eta errifle gehiago saltzen ditu. «Ehiza larriak gero eta indar handiago du. Izan ere, Gipuzkoan arazo handi bat dugu. Basurdeak baserritarren lurrak hondatzen ari dira eta orkatzak zuhaixkak.

Mendia gero eta zikinago dagoenez, gero eta toki gehiago dute ezkutatzeko. Gainpopulazioa

dago. Nahiz eta ehizarako epea luzatu duten, oraindik ez da arazoa konpondu. Dena den, oraindik eskopeta gehiago saltzen dira. Lehen errifleak hamarretik bi baziren, orain hamarretik lau».

Italiako eskopetak Bai Ordizian eta bai Urretxun, Italian egindako armak saltzen dituzte batez ere. «Hemen sal-

GOIBERRI 07

ERREPORTAJEA

koitzak 30.000 euro inguru balio du. Jekeek erosten dituzte».

Goierritarrak eskopeta merkeagoekin konformatu behar dira. «800 eta 2.000 euro bitarteko eskopetak saltzen ditugu. Gehienak 1.000-1.500 eurokoak izaten dira. Errifleek antzeko prezioa dute, baina bisorea aparte erosten da eta bisorea arma bera bezain garestia da», azaldu du Otegik.

Kanpoko bezeroak

tzen diren arma gehienak italiarrak dira: Beretta, Benelli, Franchi, Bettinsoli... Amerikako Estatu Batuetan, Belgikan eta Alemanian egindakoak ere saltzen ditugu», esan du Otegik.

Baina, Euskal Herrian ez al ziren primerako eskopetak egiten? «Krisiarekin, Eibarko bizpahiru enpresa itxi ziren eta gelditzen direnek gama altuko armak egiten dituzte. Beraien bezero nagusiak jekeak dira.

Egiten dituzten armen %90 esportatu egiten dituzte».

Salaberria iritzi berekoa da.

«Benellik Gasteizen egiten ditu arma batzuk. Browning eta Bergara errifleak ere saltzen ditugu. Azken horiek Bergaran egiten dira eta mundu mailako ospea dute. Baina Euskal Herrian egiten diren arma gehienak oso garestiak dira... Elgoibarko Kemen enpresak 40 bat arma egiten ditu urtean eta ba-

Goierriko arma-dendetara ez dira goierritarrak bakarrik joaten, kanpoko bezeroak ere badituzte. «Webgunea dugu eta Espainian eta Portugalen ere saltzen dugu. Dendara Sakanako, Bizkaiko eta Gipuzkoa osoko jendea etortzen da. Kanpotarrak erakartzeko, tratu pertsonalizatua, zerbitzu ona eta prezio egokiak eskaini behar dira», dio Otegik. Salaberria iritzi berekoa da. Biek arma konponketa tailerra dute.

Bezeroen sexuari dagokionez, gehienak gizonezkoak dira. «%95 gizonezkoak dira. Gehienak 30 eta 60 bitartekoak dira.

Gazteek ez dute dirurik, baina zaletasuna badute. Batez ere herri txikietan: Zaldibian, Zerainen, Zegaman, Idiazabalen, Seguran...», azaldu du Otegik.

Salaberriak Goierri garaian ere zaletasun handia dagoela dio. «Ehiztarien hamarretik bederatzi gizonezkoak dira. Adin guztietako bezeroak ditugu.

Zaharrenek 80 bat urte dituzte eta gazteenek 15. Gazteen artean badago zaletasuna. Goierri garaiko herrietan zaletasun handia dago. Nire ustez, hemendik Tolosara bitarteko herri guztietan antzerako zaletasuna dago».

08 GOIBERRI

ASTEKO GAIA

Eskua emanda Igandean goierritarrak elkarri eskua emanez jarriko ditu Gure Esku Dagok.

Kataluniarrei elkartasuna adieraztea eta Euskal Herriaren erabakitze eskubidearen inguruan urrats bat gehiago egitea dira giza-katearen helburuak.

Loinaz Agirre Euskal Herriaren erabakitzeko eskubidearen alde lan egiten duen Goierriko Gure Esku Dago taldeak giza-katea egingo du hilaren 22an, Kataluniarekin bat, guk ere erabakiko dugu goiburupean. Lazkao, Ordizia eta Beasain uztartuko dituzte goierritarrek elkarri eskua emanda. Bi helburu ditu Gure Esku Dagoren deialdiak: batetik, Kataluniako herritarrei «gure elkartasunik beroena» adieraztea; eta bestetik, «kataluniarrek bezala, gure etorkizuna aske eta demokratikoki erabaki nahi dugula esatea, eta norabide horretan pauso sendoak emateko unea dela adieraztea».

Bi helburu horiek betetzeko, goierritarrek ondo baino hobeto ezagutzen duten giza katearen formatua aukeratu du berriz ere Gure Esku Dagok: «Giza-katea sinbolismo handia duen ekimena da guretzat.

Erabakirako bidea herritarrok egin behar dugula diogu behin eta berriz, eta giza-kateak irudikatzen du hori hobekien», dio GEDek. Herritarrek elkarri eskuak emanda, «zerbaiten parte eta protagonista sentitzen» direla uste dute: «Ondokoari begiratu, diferentziak ahaztu eta bidea elkarrekin egin dezakegula sentitzen dugu. Eskuak emateak esan nahi handia dauka bere baitan».

2014ko ekainaren 8an Durangotik Iruñera bitartean egindako giza-kate hartatik bezala, «igandeko giza-katetik herritarrak indartuta aterako gara, erabakirako bidea elkarrekin egiteko prest. Gure etorkizunari eta erabakiari heltzeko prest».

Izan ere, GEDko kideek nabarmendu dutenez, «guk ere, kataluniarrek bezala, gure etorkizuna aske eta demokratikoki erabaki nahi dugu. Eta norabide horretan pauso sendoak

«Kataluniako gaurko gertakariok zeharo lotsagarriak iruditzen zaizkit»

Joxe Bikuña Ataundarra

Joxe Bikuña ataundarra gertu-gertu jarraitzen ari da azken asteetan Katalunian gertatzen ari dena: «Gaurko gertakariok zeharo lotsagarriak iruditzen zaizkit.

Giza eskubideak, banakakoak eta herriarenak defendatzeko sortutako demokrazia darabilte giza eskubide horiek zapaltzeko. Ni ez nago ados jokabide horrekin; ni Kataluniaren alde nago. Nik, Goierriko giza-katean parte hartuko dut igandean».

emateko unea da». Erabakia gauzatzeko pausoak, «elkarrekin adostuko ditugula» diote: «Bidea egingo dugu. Eta bideak egingo gaitu. Hurrengo geltokia urriaren 22an Ordizia, Beasain eta Lazkao elkartuko dituen giza-katea da».

2.000 laguneko soka

Igandean Lazkao, Ordizia eta Beasain uztartuko dituzte goierritarrek elkarri eskua emanda.

GED arretaz handiz ari da jarraitzen Katalunian gertatzen ari dena,eredugarria dela uste du.

Ordiziako, Beasaingo eta Lazkaoko udaletxeak elkartuz, 3,6 kilometroko giza-katea egitea dute erronka. Horretarako, 2.000 herritar behar direla aurreikusten du GEDk. Antolaketa errazteko, herri bakoitzeko eremu bat finkatu dute, hurrengo orriko mapan ikus daitekeen bezala.

Hiru zati izango ditu igandeko ekintzak. Lehenik eta behin, 12:00etan giza katea osatuko dute; ondoren, 12:20an, giza katearen bi ertzeetatik lekuko bana aterako da. Lekukoak eskuz esku joango dira Beasaingo plazaraino. «Lekukoek aurrera

«Katalunian printzipio demokratiko baten aldeko lanean ari dira» Maitane Legarreta beasaindarraren ustez, «Katalunian printzipio demokratiko baten aldeko lanean ari dira eta Espainiako Gobernua bortizkeriaz eta modu errepresiboan ari da erantzuten. Egoera hau ezin da onartu XXI. mendean. Guztion ardura da gizarte eta mundu demokratiko, justu eta aske baten alde jardutea». Horregatik, igandeko giza-katean parte har- Maitane Legarreta Beasaindarra tuko du Legarretak.

GOIBERRI 09

ASTEKO GAIA

egin ahala katea desegiten joango da. Horrela, guztiok elkarrekin lekukoaren atzetik bidea egin, eta Beasaingo plazan egingo den ekitaldian elkartuko gara». Azkenik, Beasaingo Loinazko San Martin plazan egingo duten «ekitaldi xumearekin» amaituko dute ekitaldia.

Goierritarrak adi Azken asteetan Kataluniako herriari elkartasuna adierazteko Goierrin antolatu diren ekitaldiak jendetsuak izaten ari dira, eta momentua aprobetxatu nahi du GED-k giza katea antolatuz urrats bat aurrera egiteko. «Iruditzen zaigu, urriaren 1eko irudi asko jendeari barneraino iritsi zaizkiola, eta bere egin dituela. Espainiaren jarrera gaitzetsiz Kataluniari babesa emateko, aurreko astean antolatutako mobilizazioetan ikusi dugu, jendea aktibatzen ari dela. Eta horri jarraipena eman nahi diogu giza katearekin».

Gure Esku Dagoko kideak arreta handiz jarraitzen ari dira Kataluniako prozesua. Kataluniarrak egiten ari diren bidea «eredugarria» iruditzen zaie: «Duintasunez ari dira emandako hitza betetzen. Beraien etorkizunaren jabe eta protagonista direla sentitzen dute, jarrera bat da. Pausoak eman dituzten heinean joan dira jarrera hori barneratzen. Herritarrek eraman dute ekimena aurrera, eta beraien ordezkariek ere jarrera aldatu dute. Utopia egi bihurtu dute, herrialde heldu bat dela erakutsiz».

Erasoak, kezkaz Era berean, kataluniarrak «herritar eta komunitate moduan, ahaldunduta» daudela ikusi dute. «Herritarrak ongi antolatuta, iraultza baketsu bat ari dira aurrera eramaten».

Urriaren 1eko erreferenduma bertatik bertara bizi izan dute hainbat goierritarrek: «Hango herritarrekin bizitakoa hitzez azaltzea ez da erraza. Sant Vicenç dels Horts herriko herrita-

Giza-katearen informazioa Bi zutabe izango ditu igandeko giza kateak, Ordiziatik Beasainera eta Lazkaotik Beasainera, guztira 3,6 kilometro. Herri bakoitzarentzat eremu jakin bat finkatu dute antolatzaileek. Dena den, antolaketa errazteko, ibilbidean zehar egongo diren antolakuntzako kideei kasu egitea eskatu dute. ordizia.

Udaletxetik Hemen altzari dendara artean. arama-altzaga.

Hemen altzari dendatik Farmaetxera bitartean. legorreta-gaintza.

Farmaetxetik Lazkaibargo zubiraino. zaldibia.

Lazkaibargo zubitik Narraspe sukaldeak denda pareraino. itsasondo-legazpi.

Narraspetik CAFeko sarrera nagusiraino. beasain.

CAFeko sarrera nagusitik, Zaldi-

zurretako biribilguneraino. ormaiztegi.

Zaldizurretako biribilgunetik autobide azpiraino. urretxu.

Autobidearen azpitik Lazkaoko biribilguneko bide gorri hasieraraino. zumarraga.

Lazkaoko biribilguneko bide gorri hasieratik, lantokiko hesiraino. zegama-zerain.

Hesitik Suministros Jatur enpresa pareraino. segura-mutiloa.

Jaturretik Urbil pabiloiaren hasieraraino. ezkio-itsaso-gabiria.

Azkar garraioak paretik Forjas Irizar bitartean. idiazabal.

Forjas Irizar paretik, Lazkaoko saihesbideko sarreraraino. ataun.

Saihesbide sarreratik Beneditarren artxibo sarreraraino.

olaberria.

Beneditarren artxibo sarreratik jauregiko ateraino. lazkao.

Jauregiko atetik plazaraino. aparkalekuak.

Antolatzaileek CAFeko bi aparkaleku egokituko dituzte iganderako. Lazkao-Beasain zatia egin behar dutenentzat Senperekoa, eta Ordizia-Beasain zatia egin behar dutenentzako Lazkaibargoa.

Aparkalekuetara heltzeko antolakuntzak zenbait seinale jarriko ditu eta seinaleak errespetatzeko eskaria egin dute. Hala ere, bizikletaz, trenez edo autobusez hurbiltzea gomendatzen dute. ordutegiak.

12:00etan giza katea osatuko da eta 12:20an bi ertzeetatik lekukoa hasiko da pasatzen eskuz eskuz.

Amaierako ekitaldia, Beasaingo udaletxe aurrean, Loinazko San Martin plazan egingo dute, 13:00etan.

rrekin dugun harremana sendotuz doa. Espero dugu luze gabe hemen izango ditugula berriz, elkarrengandik ikasteko asko dugu eta».

Bestalde, Espainiako Gobernua Kataluniaren aurka egiten ari den «erasoak kezkaz» jarraitzen ari direla aitortu dute.

Beraz, «urriaren 22ko giza kate-

arekin Kataluniari gure babesa adierazi nahi diegu baita ere.

Bide honetan bakarrik ez daudela, eta une oro alboan izango gaituztela adierazi nahi diegu».

10 GOIBERRI

ASTEKO GAIA

Aimar Maiz «Kataluniako herriaren gehiengoak deskonektatu du Espainiatik, nabarmen. Ez dakigu zer pasatuko den, igual ez dute lortuko. Baina haustura emanda dago. Mundua ez da ezer berdina izango. Eta gurea ere ez».

Ondorio horrekin itzuli da Ion Telleria kazetari idiazabaldarra Kataluniatik. Irailaren 17tik urriaren 11ra han egon da, Gara egunkariarentzat lanean. Kataluniaren autodeterminazio prozesuaren muinean, orain galdera ez da egingo duten ala ez, baizik nola egingo duten.

Lehenengo «kolpea» irailaren 20an iritsi zen, atxiloketekin. «Hor dezente aldatu zen egoera. Lehenengo aldiz, Estatuak indarrez edozer gauza egiteko prest zegoela erakutsi zuen», Telleriaren iritziz.

Indarkeriaren erabilera hori «ezustean» hartu zuten kataluniarrek. Irailaren 6an eta 8an funtsezko legeak onartuta — Erreferendumarena eta Trantsiziorakoa—, Kataluniako Gobernuko goi kargudunen aurkako errepresioa espero zuen jendeak. «Baina, adierazgarria izan zen, alkateen kontra egin zuen Estatuak. Jende asko harrituta geratu zen, goi karguen aurka joan ordez, alkateen kontra joatean».

Urriaren 1ean Erreferendumaren egunean, Kataluniako presidente Carles Puigdemont bozkatzekoa zen Sant Julia de Ramis herrian zen Telleria. Guardia Zibilak eragotzi zuen. «Jendeari joka hasi zirenean —klase guztietakoa zegoen—, gehienek imajinatu ere ez zuten egingo halako egoera bat sufritu behar zutenik. Oso inpaktantea izan zen».

Espainiako Estatuak erreferenduma eteteko zeukan modu bakarra herritarren aurka jotzea izan zen. «Aurretik, poliziak saiatu ziren hautetsontziak topatzen; ez zituzten aurkitu. Jendea bozkatzeko ilaran jarri, polizia ailegatu eta kolpe-

«Debatearen ardatza asko aldatu da. Demokrazia bai ala ez da orain», dio Ion Telleriak «Zalantzan ez dago independentzia adierazpena, efektiboki nola gauzatu baizik» ka hastea, oso zaila zen kataluniarrentzat».

Erantzuna berehala artikulatu zuten, ordea. Tabla per la Democracia mahaia sortu zuten hainbat eragilek, CCOO eta UGT espainiarrak barne.

Ardatza mugitu da

Protesta jendetsuetako bat, urriaren 3an, Bartzelonan. M. OSINALDE

«Ez da berdina izango» Ion Telleria kazetari idiazabaldarrak hiru aste igaro ditu Katalunian, hango erreferenduma eta prozesua jarraitzen

Independentziaren aldekoak ez ziren asko batu dira, urriaren 1az geroz, mugimendura. «Madrilgo medioen aldetik, ematen du dikotomia dela independentziaren aldekoak eta kontrakoak. Baina erreferendumaren bueltan gertatu denarekin, demokraziaren alde ala kontra bihurtu da. Debatearen ardatza dezente aldatu da».

Urriaren 10eko independentzia deklarazioarekin eta berehalako suspentsioarekin, herritarrak «oso-oso goitik, osooso-oso behera» amildu zirela dio Telleriak. «Ni Paseig Lluis Companysen nengoen. Dezepzioa handia izan zen. Baina aurretik jende dezentek esan zigun ez zela aldarrikapena berehalakoa izango. Bukatutakoan, erdi-tristura horretan, gehienek esan ziguten ulertzen zutela hala zegoela egin beharra, ezin zela aitzakiarik utzi elkarrizketarako biderik ez dagoenik».

Orain, Kataluniako klase politikoan dagoen debate handiena ez da independentzia bai ala ez, «baizik hori nola lortu efektiboki gauzatzea: lurraldearen kontrola, nazioartearen aitortza... Gauza praktikoak jada».

GOIBERRI 11

ASTEKO GAIA

Mikel Osinalde

Kataluniako erreferendumean bozkatzaile

ÂŤHilabetetako lan gogorra bukatuta bezala sentitu nintzen bozkatutakoan: pozik, lasai eta itxaropentsuÂť Aimar Maiz Gabiria Sei urte darama Mikel Osinalde Aztiriak (Gabiria, 1977) Katalunian bizi izaten. Hangotartua da, eta Bartzelonan erroldatua.

Urriaren 1ean, Kataluniaren autodeterminaziorako erreferendumean parte hartu eta bozkatu zuen. Ez zailtasunik gabe.

zionez, beste zentro batera joan behar izan zuen.

Zer sentitu zenuen papertxoa hautetsontzian sartutakoan?

Hilabetetako lan gogorra bukatuko banu bezala. Poza, lasaitasuna eta itxaropena.

Erreferendumaren aurkakoek diote leku batean baino gehiagotan bozka zitekeela. Hala da?

Kataluniara 2011n iritsi zinenetik, zertan sumatu duzu independentzia nahia, gizartean?

Nortasun katalana iritsi nintzen egunetik sumatu dut hemen.

Baina ez zegoen oraingo herrialde bateratuaren sentsazio hori; nik, gutxienez, ez nuen sumatzen. Orain dagoen katalanismoa bat-batean azaleratu eta azeleratu zen: 2012ko Diadan. Guztien sorpresarako, bi milioi katalan bildu ziren. Harrezkero, eta Espainiako Gobernuaren pasotismoak lagunduta, gora eta gora egin du.

Erreferendumerako, nola jakin zenuten non eta nola bozkatu?

Zorionez, ez dugu informazio faltarik izan. Whatsapp bidez berriak berehala zabaltzen ziren, eta haietako batean jaso genuen bozkatzeko lekua jakiteko webgune baten berri. Benetan miresgarria izan da zein ondo antolatu diren ikustea, eta zenbat jendek parte hartu duen bozketa egin ahal izan dadin, ordainetan ezer jaso gabe.

Eguna nola antolatu zenuten?

Urtebeteko umetxo bat daukagunez, eta istilu arriskua ikusita, lehenengo ni joan nintzen 9ak aldera. Gero, emaztea, ni etxera iritsi bezain pronto.

Oztoporik izan zenuten?

Eskolara bidean nindoala, poliziak kargatzen ari zirela esaten hasi ziren kalean. Hurbildu nin-

Oso zail ikusten dut, zeuden ilara luzeengatik. Errolda unibertsalaren sistemak akatsak izango balitu ere, bost orduko ilara zegoen!

Bartzelonarrek zer esaten zuten? Zer sumatzen zenuen?

Ezin sinistua, nola zitekeen aitona-amonek bizi izan zutena berriz gertatzea. Hala ere, jendea itxaropentsu zegoen, eta argi zeukan bateraturik lan eginez gero aurrera irten zitekeela.

Mikel Osinalde, urriaren 1ean botoa ematea lortu zuen unean. M. O. tzen, eta hala zen. Anbulantzia bat zaurituak artatzen, poliziak eskolatik irteten, jendea erabat alarmatuta poliziei oihu egiten, eta bozkatzeko eskubidea etengabe aldarrikatzen. Oso azkar egin zuten dena: konturatzerako, beraien lana egina zuten, eta furgonetek denon muturren aurrean alde egin zuten.

Internetarekin ere arazoak izan ziren.

Bai. Horregatik hiru ordu pasa egon ginen geldirik, bozkatu ahal izan gabe. Bozketa fidagarria bermatu ahal izateko, errolda unibertsala egin zuten. Baina zenbait hackerrek sistema bertan behera bota zuten. Zorionez, antolakuntzako programatzaileek lortu zuten sistema sendotzea, eta ordu batzuk ge-

ÂŤOrain dagoen katalanismoa 2012ko Diadan azaleratu eta azeleratu zenÂť roago normal bozkatu ahal izan genuen. Baina ordurako ilarak oso luzeak ziren. Eta bitartean Espainiako Polizia hirian barrena bere lana egiten. Tentsio orduak izan ziren.

Nola eta non bozkatu zenuen?

Bost ordu ilaran itxaron ondoren iritsi zen nire txanda, bai.

Egoera kontuan hartuta, normaltasunez, eta niri zegokidan mahaian. Emaztea gero joan zen, baina ilara oso luzea zegoenez eta astirik emango ez

Zer ondorio utzi du urriaren 1ak, orokorrean?

Gobernu espainiarrarenganako erabateko mesfidantza, eta maite ez zaituzten etxe batean bizitzekoa.

Independentzia gauzatuko da?

Hala espero dut, eta horren itxaropenarekin bizi gara.

Oraingo honetan ateratzen ez bada, ondorio latzak edukiko ditu, bai hezkuntzan, bai autogobernuan... Beraz, aurrera bakarrik egin daiteke orain.

Euskal Herriaren kasurako, zer irakasgai dauka Kataluniak?

Euskal Herriak orain bide ona hartu du, baina bultzadatxo baten beharra sumatzen dut.

Egoera lasai hori baliatu beharko litzateke pausoz pauso aurrera joateko. Orain Espainiaren errepresioa Kataluniara zuzenduta dago, baina hemendik urte batzuetara, joan eta jakin.

12 GOIBERRI

ELKARRIZKETA

Iban Zubeldia Argi teknikaria

«Dena utzi nuen bizitzan benetan nahi nuena izateko» Ariane Vierbücher Ordizia Kontzertu, antzerki edota beste edozein motatako ikuskizun batera joatean, lehenengo planoan azaltzen den irudiarekin gelditzeko ohitura dago. Musikari, aktore edota eszenatoki gainean agertzen diren pertsonaiei erreparatu ohi zaie une horretan, atzean, itzalean dagoen jende horren guztiaren lanaz oso kontziente izan gabe.

Iban Zubeldia (Ordizia, 1983) itzaleko artista dela esan daiteke. Argi teknikaria da eta Berri Txarrak edota Boikot bezalako talde handiekin egin du lan. Urte dezente daramatza Zubeldiak lan horretan eta ondo ezagutzen du argiztapenaren mundua.

Nola hasi zinen argiztapenaren mundu honetan?

Alderantziz egin nuen bidea.

Lehenengo ikasketak burutzea izaten da ohikoa, baina nire kasuan ez zen horrela izan. 17 urte nituela, Trikizio taldeari esker ezagutu nuen mundu hau. Nire kuadrillako batek gitarra jotzen zuen Trikizion. Zegamako jai batzuetan, egundoko zaparrada hasi zen eta dena bertan behera gelditzekotan egon ziren.

Ni han nengoen eta laguntzen hasi nintzen.

Egun hartan laguntzen ibili ondoren, hurrengo egunean

non joko zuten galdetu nien kuadrillakoei. Nafarroan jotzekoak ziren eta joaterik ote nuen galdetu nien. Baietz erantzun zidaten, eta horrela hasi zen guztia. 8-9 urte igaro nituen beraiekin, astebukaeraro argiak jartzen.

Mundu horretan sartu eta ondoren ikasketarik egin al zenuen?

Bai! Indar enpresan ari nintzen lanean une hartan. Kontratu finkoa sinatu eta hilabete batera, baimena eskatu nuen. Lotuta sentitzen nintzen; 24 urte nituen eta ez nintzen pozik sentitzen nire lanarekin. Nire burua handik aurrera fabrikari lotuta ikusteak, sentipen kontrajarriak sortzen zizkidan.

Baimena eskuratu eta Andoainen Irudia eta Soinua ikasketak egin nituen. Erasmus beka ere eskuratu nuen eta Irlandan pasa nuen bolada bat.

Talde batekin urte asko pasa ditzakezu hemen, baina gauza berriak ikusi eta ikasteko gogoa nuen, material berriak ukitzeko eta lan egiteko modu desberdinak ezagutzeko.

Denbora bat Irlandan pasa ondoren, zergatik bueltatu zinen Euskal Herrira?

Willis Drumonds Iparraldeko taldearekin nenbilen, Berri Txarrak taldekoek ere deitu zidaten, eta haiekin lan egiteko as-

tebururo bueltatzen nintzen.

Horrela ezin nuen jarraitu eta azkenean itzultzea erabaki nuen.

Zein da argiek ikuskizun batean betetzen duten papera?

Kontzertu batean, musikari laguntzea dute helburu. Bai erritmo, bai kolore edota formekin jokatzen da. Teknika asko aplikatu daitezke helburu bat lortzeko. Sugestioarekin asko jokatzen da.

«Indarren kontratu finkoa egin eta hilabetera baimena eskatu nuen; hura ez zen nahi nuena» «Sugestioarekin jokatzen dugu, jendearengan sentipen batzuk sortzeko» «Jendea gertu duzun sala txikietan izan ditut nire esperientzia onenak»

Bestelako ekitaldietan, estrategia publizitarioak sartzen dira tartean. Kasu horietan, psikologiak ere zeresan handia du.

Ez gara konturatzen zein moldagarriak garen.

Teknologiek aurrera egin dute eta argiztapena ere asko aldatu da. Nola egiten zenuten lan lehenengo urte haietan eta nola aldatu da lana?

Lanpara bat piztu eta itzaldu zitekeen edota kolorea jarri zitekeen filtro bidez. Eta horrekin bakarrik asko egin zitekeen.

Ondoren, kolore gehiago sartu zituzten, argiei mugimendu gehiago eman zitzaien, argiak mugitzeko abiadura ere aukeratu daiteke, marrazkiak proiektatu daitezke eta intentsitatea ere aukeratu daiteke, besteak beste. Gauza horiek guztiak kontrolatu ahal izateko ordenagailua erabiltzen dugu.

Asko aldatu den mundua da.

Argiztatze lana nola banatzen da?

Eszenatokia hiru dimentsiotako irudi bat bihurtzen dut ordenagailu bidez. Horrela, errealitatean izango dudana birtualki ikusi dezaket eta horrek asko errazten dit lana. Birtualki sortutako eszenatoki horretan dekorazio elementuak eta argiak jar ditzaket. Sortutako eszenatoki birtual horretan programa-

GOIBERRI 13

ELKARRIZKETA

tzen dut guztia. Ondoren, betaurreko birtual batzuei esker, musikaria eszenatokian sartzen dut eta horren gainean diseinatzen da guztia. Ondoren, bizitza errealera eramaten dugu. Egia da gaur egun aurretik egiten dugun lan hori guztia lehen baino handiagoa dela.

Baina emaitzak ere lehen baino hobeak dira.

Garai bateko laneguna kamioia kargatzea eta deskargatzea zen. Orain, aldez aurretik aurre produkzio handia egin behar da.

Aldez aurretik joko duten musika ezagutzea garrantzitsua da?

Bai, oso! Komenigarria da abesti bakoitzaren aldaketa noiz datorren ezagutzea. Talde batzuk, gainera, jotzen hasten diren momentura arte ez dute erabakitzen abestien ordena, beraz, hobe da diskografia ongi ezagutzea.

Kanpokoa exotikoagoa edo hobea dela pentsatu ohi dugu.

Zein da Euskal Herrian argiztapenean dagoen maila?

Sentsazio hori oso ohikoa da.

Kanpoan lanean ibili nintzenean egia da kanpoan aurreratuago dauden sentsazioa eraman nuela, agian industria horrek hemen baino urte gehiago daramatzalako garatzen. Dena den, Euskal Herrira bueltatu nintzenean, konturatu nintzen ez dugula zertan kanpora begira ibili beharrik.

Aipamen berezia egingo zeniokeen zure argiztapen lan bat?

Esperientzia hoberenak sala txikietan izan ditut. Agian horrelakoak begietara ez dira hain ikusgarriak baina jendearen gertutasuna sentitzen duzu toki horietan eta, dudarik gabe, horiekin gelditzen naiz.

Oraintxe zertan ari zara?

A. VIERBĂœCHER

Hurrengo urtera begira ditudan bira batzuk prestatzen ari naiz.

Willis Drummonds eta Boikot talde ere jarraitzen dut eta laster Asia aldera ere joango naiz Andorrako talde batekin. Bestalde, astebukaera honetan egingo den Ordiziarrock jaialdian ere laguntzen nabil.

14 GOIBERRI

GAZTEAK

ÂŤBoluntario izateko nahikoa da gogoa eta ilusioa izateaÂť Nerea del Barrio 8 urte zituela hasi zen Gurutze Gorriko taldean parte hartzen.

Egun, boluntario gisa aritzen da.

J. Zarandona Zumarraga Nerea del Barrio (Zumarraga, 1988) Gurutze Gorria estatu mailan egiten ari den Con V de Voluntariado sariketaren bigarren edizioan saritua izateko aukeratua izan da Gazteak atalean. Sariak bost ataletan banatuko dira: Gazteak, Ekimena, Gainditzea, Sustapena eta Beteranotasuna. Datorren urriaren 27ra arte dago botoa emateko aukera Gurutze Gorriaren Facebookean.

Noiz hasi zinen Gurutze Gorriarekin elkarlanean?

Boluntario bezala, modu profesionalean 2011n hasi nintzen, baina aurretik Gurutze Gorriko haurra izan nintzen. Hau da, Gurutze Gorriaren Gaztea sailean antolatzen ziren aisialdi taldean parte hartzen nuen.

8 urterekin hasi nintzen. Bizitza

Babeslea

GURUTZE GORRIA

guztia daramat Gurutze Gorriarekin harremanetan.

Gaur egun zer da egiten duzuna?

Goierri garaiko Gurutze Gorriko Gazteria saileko zuzendaria naiz. 8 eta 12 urte bitarteko haurrentzako ekintzak prestatzen ditugu. Jokoaren bitartez, Gurutze Gorriaren hainbat balio transmititzen saiatzen gara.

HIESa, genero biolentzia, drogak... bezalako gaiak lantzen ditugu beraiekin. Lehen sorospenetako saioak egiten ditugu,

eta bisitak ere bai, Gurutze Gorriaren delegazioa eta anbulantziak ezagutu ditzaten, adibidez.

Zenbat boluntariok eta haurrek osatzen duzue gaur egun taldea?

Guztira 8 bat boluntario aritzen gara, baina jendea behar dugu gure ekimenak aurrera eramateko. Haurren kopurua asteburuaren araberakoa izan ohi da, baina 30 bat elkartzera iritsi gara.

Nola antolatzen zarete?

Orain, hamabostean behin egiten ditugu saioak. Larunbat arratsaldeetan 16:00etatik 18:00etara elkartzen gara. Urtarrilari begira 12 eta 16 urte bitarteko gazteekin beste talde bat osatu nahi dugu, baina horretarako boluntarioen beharra daukagu.

Nor izan daiteke boluntario?

Edozein. Nahikoa da 16 urte beteta izatea eta gogoa eta ilusioa izatea. Niri boluntario izateak izugarrizko asebetetzea eman dit. Lana da, baina haurrekin bi orduz egon eta ederki pasa dugula ikusteak dena balio du. Boluntariotzak bueltan asko ematen du.

Nola jakin zenuen sariketarako hautatua zinela?

Kasualitatez. Sorpresa handia izan zen hasieran, egia esan, ez nuen espero. Estatu mailan asko gara Gaztea sailean lanean gabiltzanak. Sorpresaren ondoren, Urretxu, Zumarraga eta Legazpiko haurren alde hainbeste urte lanean eman eta gero oso harro nago. Jada ez zait axola sariketa ez irabaztea, hautagaitza bera nahikoa da niretzat.

GOIBERRI 15

MOTZEAN

Ile motots solidarioak behar dira Minbizia duten emakume askok ilea galtzen dute, baina denek ezin dute ileorderik erosi garestiak direlako.

Tere Madinabeitia Urria arrosa kolorez jantzita dago, bularreko minbiziaren inguruan sentsibilizatzeko hilabetea delako. Hainbat kanpaina eta ekitaldi egiten dira urtero hilabete honetan zehar, baina badira beste batzuk urte osoan etengabe egiten direnak edo indarrean daudenak. Horietako bat da Ile motots solidarioak (Mechones solidarios). Goierriko hiru ile apaindegi ari dira parte hartzen egitasmo horretan, eta hainbat eta hainbat emakume hurbiltzen dira horietara bere ilea emateko helburuz.

Ileordeak egiteko ilea Bularreko minbizia jasaten duten emakume gehienek, beste minbizia mota batzuk dituzten askok bezala, ilea galtzen dute

jasotzen duten kimioterapiaren eraginez, baina batzuk ez dute ileorderik erosteko baliabiderik, ileordeak garestiak direlako, batez ere ile naturalarekin egindakoak. Horren aurrean, Arte e Imagen nazioarte mailako ile apaindegi elkarteak ekintza solidario bat jarri zuen martxan 2013an, jendeak bere ilea eman zezan eskatuz, beharra dutenei utziko zaizkien ileordeak egiteko.

Ile apaindegi ugari elkartu dira egitasmo horretara, 500dik gora Espainia osoan.

Goierriko hiru ere kolaboratzaileak dira: Ordiziako E.R. Matxain, Zumarragako Amaia eta Urretxuko M.E. Cuadrado.

Ileorde solidarioak egiteko bere ekarpena egin nahi duenak ile apaindegi horietara joan

E.R. Matxain ile apaindegiko bezero bat mototxa moztu eta gero. HITZA eta ilea prezio sinboliko baten truke moztearekin bat, moztutako hori eman besterik ez du egin behar. Ile apaindegia arduratuko da gero motots solidarioen ekimeneko arduradunei bidaltzeaz. Aurretik moztuta eta gordeta dauden mototsak ere jasotzen dituzte ile apaindegiek. Ileordeak beharra dutenei helarazten zaizkie gero.

Edozein ilek balio du donazioa egiteko: lisoak, kixkurrak, koloreztatutakoak... baldintza bakarra da 20 zentimetroko luzera izan behar duela.

Ile apaindegiak Hiru dira Goierrin mototxa solidarioaen egitasmoan parte hartzen ari diren ile apaindegiak: E.r. Matxain Ordizia. Telefonoa: 943 88 10 35.

M.E. Cuadrado Urretxu.Telefonoa: 943 72 61 95.

Amaia Zumarraga. Tel.: 943 72 38 53.

INFORMAZIO GEHIAGO: www.mechonessolidarios.com Egitasmoarekin kolaboratzeko modu gehiago ere badira.

16 GOIBERRI

ERREPORTAJEA

Sorkuntza dibertsio bihurtuta Hiru Txilipurditan elkarteak zirko eta antzerki ikastaroak eskaintzen ditu.

Gazteentzat aisialdi eredu desberdin eta hezitzailea bideratzea du helburu.

A. Vierbücher Ataun Ume, gazte eta helduentzako aisialdi eskaintza desberdin bat dago Ataunen; Hiru Txilipurditan elkarteak, zirko eta antzerki tailerrak eskaintzen baititu. Ainara Lasa (LasarteOria, 1984) eta Sandra Cliville (Espluges de Llobregat, Kataluni, 1974) dira elkartearen sortzaileak. Ataunen bizi direla urte batzuk badira eta bertan ezagutu zuten elkar. Seme-alaba txikiak dituzte biek eta «haientzat aisialdi eredu osagarri eta hezitzailea eskaintzeko helburuarekin» ekin zioten proiektu honi.

Irailean ekin zioten Hiru Txilipurditan ekimenaren zirko eta

antzerki tailerraren bosgarren ikasturteari. Ekimen herrikoitik abiatutako proiektua da. Asteazkenetan eta ostegunetan, herriko antzokian, haurrei eta gazteei aisialdirako eskaintza zabaltzea du helburuetako bat.

Sorkuntza, kultura eta arte eszenikoen arloak «modako» daudela bai, baina herrian ez zuela «arrankatzen» ikusita, hiru txilipurditan eszenaren erdira jauzi egin du.

Lasa eta Cliville gurasoek bultzatuta sortu zen orain dela bost urte Hiru Txilipurditan. Bi espresio edo arte modalitate horiek eskaintzen dituzte une honetan. «Zirkoarekin eta antzerkiarekin hasi dugu ikastur-

GOIBERRI 17

ERREPORTAJEA

nahiz eta azken horiekin taldea osatzea kostatu. 13 urtetik gorakoen taldean sartu dituzte parte hartu nahi duten helduak.

Hala, beste helburuetako bat hortik ondu nahi dute Hiru Txilipurditaneko kideek: belaunaldien arteko ataundarren arteko topagune izatea. «Garrantzitsua da hori, harremantzeko aukera bat delako».

Herriarekiko harremana

tea, horietan baditugulako espezialistak Ataunera etortzeko prest daudenak», azaldu du Lasak. Horrez gain, «urteotan oso harrera ona izan duten modalitateak dira», gehitu du. Une honetan, adin desberdinetako 60 bat gaztetxok parte hartzen dute. Urtetik urtera, «Ataunen bakarrik ez , Goierri osoan erreferente bihurtu da zirko eta antzerki eskola, eta bere tokia hartzen joan den ekimena» dela nabarmendu dute.

Belaunaldiak elkartuz Adin askotako herritarrentzat zuzenduta daude eskolak; «bai haurrentzat, bai gazteentzat, eta baita helduentzat ere»,

Ezkerrean, Cliville eta Lasa.

Eskuinean, zirko ikastaroaren irudia. ARIANE VIERBÜCHER / HIRU TXILIPURDITAN

Ataunen bakarrik ez, urteekin Goierri osoan erreferente bihurtu da zirko eta antzerki eskola Urriaren 28an «sorpresa ugariz» betetako ikuskizun ibiltaria egingo dute Ataunen

Hiru Txilipurditan elkartea sortzeko ideia jaio zen lehenengo unetik, «Ataungo Udalak bidea asko erraztu» ziela adierazten du Lasak. «Herri antzokia, ikastaroak emateko toki aproposa zela iruditu zitzaigun eta hantxe hasi ginen, udalak baimena eman eta egokitzapen lan batzuk egin ostean», gehitu du Lasak.

Gauzak horrela, Hiru Txilipurditan elkarteak, herriari mesedea nola bueltatu ere badu.

«Herrian talde eragile bat gehiago gara eta gure ikastaroen eskaintza iraunkorraz gain, beste hainbat gauza ere eskaintzen dizkiogu herriari eta eskualdeari», argitu du.

Urtean zehar, hainbat ekintzetan parte hartzen dute; Gabonetan sorkuntzarekin zerikusia duten irteera irekiak antolatzen dituzte, herriko festa batzorde desberdinetan parte hartzen dute, herrian antolatutako kultur ekitaldietan parte hartzen dute edota Antzeztaun

antzerki zikloaren barruan ere ikuskizuna prestatu ohi dute, besteak beste.

Lasa eta Clivilleren hitzetan, «herritarrek, lehenengo momentutik, konfidantza erakutsi diote Hiru Txilipurditan proiektuari eta eskertzeko modua eta egiten duguna erakusteko modua da, guk geuk herrian ekintzak antolatzea edota beste eragile batzuek sortutako ekimenetan parte hartzea».

Antzeztaun zikloa Urrian zehar, Ataunen antzerkiarekin gozatzeko aukera eskaintzen du Antzeztaun zikloak. Ataungo Udalak antolatutako ekimena da eta Hiru Txilipurditan elkarteak ere parte hartuko du. Izan ere, urriaren 28an, azken hilabetean prestatutako ikuskizuna estreinatuko baitute, herritarren eta gerturatzen diren guztien aurrean.

Ikuskizun ibiltaria da jendaurrera eramango dutena eta «sorpresa ugari ekarriko ditu», Lasak dioenez. «Tribu baten istorioa kontatuko diegu ikusleei eta haiek ere tribuaren parte izango dira» aurreratu du.

«Dena den, hori da momentuz kontatu daitekeen gauza bakarra», gehitu du, misterioa gordetzeko asmoarekin.

Hiru Txilipurditan elkarteak, urriko azkeneko larunbatean, 17:30ean estreinatuko du bere lana eta herritar guztiak gonbidatu nahi dituzte.

18 GOIBERRI

INTERNET

saretik Albisteak

Sarean ikusia

‘Euskararen paparazzien’ bila

Euskarabildua jardunaldia hilaren 26an Teknologia aurreratuak marketin eta komunikazio esparruan. Hori izango da aurtengo Euskarabildua jardunaldiko gai nagusia. Bertan, «Euskararen eta Euskal Herriaren erronkak» landuko dituzte, «makinez inguratutako errealitatean». Datorren ostegunean (09:00-14:00) egingo dute Donostiako Kursaalen, eta Euskal Herriko adituez gain, nazioarte mailakoak ere gonbidatu dituzte; horietako batzuk dira Tobias Kamman, Christina Stathopoulos eta Majken Sander. euskarabildua.eus

Gontzal Mugaburu eta Bittor Rodriguez. MIKEL MTZ. DE TRESPUENTES-EHU

elika.eus

Elikadura eta dieta zaintzeko aplikazioa likadurak osasunean duen eraginaz jakitun, EHUko aditu talde batek gure dieta kontrolatzeko aplikazio berri bat garatu du sakelako telefonoetarako. Egitasmoa Elika Elikagaien Segurtasunerako Euskal Fundazioak bultzatu du, Gizentasunaren Ikerketa Taldearekin eta Dietetikako eta Nutrizioko Espainiako Elkarte Zientifikoarekin elkarlanean.

Bilbon egindako Grwoin Young kongresuan aurkeztu zuten.

E

Sortzaileen arabera, «modu osasungarriago batean elikatu nahi duten guztientzako tresna» da. Erabiltzaileari, bere janari kontsumoaren jarraipena egiteko aukera ematen dio, eta baita dieta osasungarri eta orekatu batekin alderatzeko ere.

Hautaketa pantaila baten bidez, egunero kontsumitutako elikagaien erregistroa egin daiteke, eguneko zein astekako txostenak eta aholkuak jasoz.

Aplikazioa doakoa da, eta Android zein iOS sistemadun telefonoetan erabil daiteke.

Urola Garaiko merkataritza arloko Euskara Planaren barruan, Euskararen Paparazziak lehiaketa antolatu dute Urretxun, Zumarragan eta Legazpin. Saltokietan ikusgai eta euskaraz dauden errotuluei, kartelei edo bestelako idatziei argazkia atera eta WhatsApp (628 759 948) edo posta elektroniko bidez (pozikgainera@gmail.com) bidali behar dira.

8. Beldur Barik lehiaketa abian Beldur Barik egitasmoak zortzigarren urtez antolatu du Beldur Barik Jarrera lehiaketa. Emakumeek jasaten dituzten bazterketa egoerei aurre egiteko arte adierazpenak bilatzen dituzte.

12 eta 26 urte arteko gazteek parte har dezakete, ikus-entzunezko lan bat eginda. Lehiaketaren oinarriak beldurbarik.org webgunean aurki daitezke.