Goiberri 280. zenbakia

Goierritarraren eta Otamotzen astekaria

280. zenbakia. 2018ko apirilaren 27a

Joseba Villarreal legazpiarrak Sorgintxulo aisialdi taldearen sorreraz eta pobreziari gerra egiteko deialdia luzatuko duen Maiatzaren Lehenaz hitz egin du. MIRIAM LUKI

Joseba Villarreal ELAko sindikalizazio arduraduna ÂŤBadirudi Maiatzaren Lehena belaunaldi baten mito bihurtu delaÂť 10-11

Arantxa Ormazabal 3 Iritzia 4-5 Helena Bilbao futbolaria 6 Latxa Esnea elkartea 8-9 Irene Lasa, Malaysian lanean 12-13 Saretik 14 Ordiziako emakumeen saskibaloiaren aitzindariak 16-17 Errezeta 19

02 GOIBERRI

PUBLIZITATEA

GOIBERRI 03

KATE MOTZEAn

TERE MADINABEITIA

Arantxa Ormazabal Taxi gidaria

«Eguneko zentroari esker dago taxi plaza Zegaman» Tere Madinabeitia Zegama Arantxa Ormazabal (Zegama, 1965) taxi gidaria da 2004az geroztik. Zegaman bertan du plaza.

Eguneko zentroetako erabiltzaileen garraioa –Zegamak eguneko zentroari esker duela taxi plaza aitortzen du– eta beste zerbitzu txiki batzuk osatzen dute bere egunerokoa.

munduko lasterkari onenak eramaten ditut.

Janari bat.

Zaletasun bat?

Eta edari bat?

Olioz margotzea eta Donostiara egun pasa joatea.

Oporretarako leku bat?

Peñiscola.

Handia.

Goierriko txoko bat.

Liburu bat.

Zegama bera.

Aspaldi ez dut irakurri, baina lehen liburuak jan egiten nituen.

Bat esateko, Isabel Allenderen Mas alla del invierno.

Amets bat?

Musika talde bat.

Orain ez, baina lehen bai. Nik BTP baimena atera nuen.

Eta abesti bat?

Mendi maratoiaren egunetan

Lanean ez banago, sagardoa.

Pelikula bat.

Gidatzeko baimen berezia behar al da taxi gidaria izateko?

Egin duzun zerbitzu bereziena?

Itsaski entsalada epela.

Bruce Sprinsgteen.

Eñaut Elorrietaren edozein, edo Gontzal Mendibilenak.

Diruz laguntzen duten erakundeak: Udalak: Altzaga, Arama, Ataun, Beasain, Itsasondo, Olaberria, Segura, Urretxu, Zaldibia, Zerain eta Zumarraga

GOI B ERRI

Jubilatzean bidaiatzea.

«Bidegorrian argia jarriko nuke Seguraraino, gauean ibili ahal izateko»

Argitaratzailea: Goierriko Hedabideak SL Zuzendaria: Iñaki Gurrutxaga Kudeatzailea: Josu Iñigo Koordinatzailea: Tere Madinabeitia

Diseinua eta banaketa: Bidera zerbitzuak. Berria Taldea Lege gordailua: SS-1638/2011

Zeri diozu beldurra?

Kontrolatzen ez dudan gauzari.

Zegamako alkate bazina?

Bidegorrian argia jarriko nuke Seguraraino, gauean ibiltzeko.

Zegaman biziko ez bazina?

Donostian.

Egoitzak: Beasain:

Webgunea:

Oriamendi, 32. 20200.

Posta elektronikoa:

goiberri.eus

Urretxu:

goiberri@hitza.eus

Iparragirre, 11 (Kaletxiki). 20700.

Publizitatea:

Telefonoak: Beasain: 943-16 00 56 Urretxu: 943-72 34 08

Bezero arreta / harpidetzak:

607 530 424 – jizagirre@hitza.eus 902-82 02 01 – harpidetza@hitza.eus

04 GOIBERRI

IRITZIA

Garbiñe Etxaniz

Elikadura integratiboan aholkularia

Askatasunaren haziak andana Shiva ( D e h ra d u n , India, 1952) munduan ospe gehien duen ekologista, feminista eta zientzia-filosofoetako bat da. ¿Quién alimenta realmente al mundo? (Capitán Swing) liburua argitaratu berri du, eta bertan kritika zorrotza egiten die gure gorputza eta ingurumena «pozoitzen» dutenei.

Bestelako etorkizun bat izan dezagun haziak gordetzen ditu, 5.000 inguru ditu gordeak. Jaso zuen lehendabizikoa artatxiki hazia izan omen zen; erein zuen eta 2.000 artatxiki hazi lortu zituen, baserritarrei banatu zizkienak. Vandana Shivak garbi eta ozen esaten du hazi askerik gabe ez dugula askatasunik nola elikatu nahi dugun aukeratzeko, eta ondorioz, ezta nola bizi nahi dugun eta zer izan nahi dugun aukeratzeko ere….

Nekazaritza ekologikoa munduko ekoizpenaren %1 da, eta 793 milioi lagunek gosea pasatzen dute. Elikagai txarrak elikadura bakarra izatearen arrazoia Monsanto, Bayer, Dow, Dupont eta Sygenta korporazioek osatzen duten kartel pozoigarria dela dio Vandanak.

V

Eta korporazio handi horiek guztiek oinarri sendoa dute gerra arkitekturan; izan ere, nekazaritzaren industriak erabiltzen dituen baliabideak industria militarretik datoz: kontzentrazio esparruetan erabiltzen ziren gasak dira egungo pestiziden jatorria.

Haziak «urre berdea» dira; nekazariei saltzen dizkieten hazien patenteak korporazioek dituzte. Hazi horiek genetikoki manipulatuak daude, ez ugaltzeko diseinatuak daude, eta beraz, urtero erosi behar dira, haziengatik ordaindu egin behar da. Eta gainera, erabiltzen diren pestizida eta gainontzeko produktu kimikoak ere korporazio handi horienak dira. Hurrengo pausoa klimaren datuak eta aseguru konpainiak kontrolatzea izango omen da, eta, satelite bidez, baserritarrari zer behar duen esatea!

Eta orduan, «totalitarismo» honen aurrean, nola egin iraultza? Gaur iraultza sukaldean hasten da, eta horretarako zenbait erabaki hartu behar dira: hazi askeak erabiltzea, banaketa sistema anonimoen parte izatea, elikaduran oinarritutako komunitatea sortzea.

Kalitate txarreko elikagaiak

globalizatu egin dira. Gure osasunak eta planetarenak erantzun indibidualak behar ditu, gutako bakoitzarenak. Kontsumitzaileak baserritarrekin elkartzea eta merkatuak sortzea ezinbestekoa da, hori baita modu bakarra elikagai ekologikoen prezioa ez dadin izan elikagai industrialena baino %30 garestiagoa, eta gainera, dibertsitateari egindako kaltearen ondorioz orain eskuragarri ez ditugun elikagaien %80 berreskuratuko genuke.

Vandana Shivak askotan esan izan du munduan gosea izatearekin arrazoi bakarra merkataritza harreman bidegabeak direla. Eta horrekin amaitzeko biodibertsitatean oinarritutako nekazaritza organikoa proposatzen du.

Biodibertsitatearen garrantzia oinarri hartuta, eta bere lurraldean zabaltzeko asmoarekin, Navdanya proiektua sortu zuen 1987an Vandana Shivak.

Navdanya-k bederatzi hazi esan nahi du eta Indiako hazien dibertsitatea babesteko mugimendua da. Horrez gain, nekazariei adore ematen saiatzen dira, ez dezaten etsi presio politiko eta ekonomikoen pean.

Egungo paradigma zientifikoarentzat natura materia inerte eta zatitua da, eta erdigunean kokatzen du lehia, lankidetzaren ordez. Kapitalismoan eta betiereko lehia horretan dago Shivaren ustez arazoaren sustraia, benetako aberastasun iturriak ezkutatzen dituelako: natura eta gizakia. Agroekologia ordea, Itzultze legean oinarritzen dela dio Shivak, eta horren arabera, izaki bizidun guztiek neurri berean eman eta jasotzen dute.

Vandana Shivak garbi du planeta salbatzeko irtenbidea biodibertsitatea eta organikoa erein eta kontsumitzea direla.

Berak dioenez hazia da elikadura kateko lehenengo katebegia eta hazia babestea gure eginbeharra da, hazia partekatzea, gure kultura.

GOIBERRI 05

IRITZIA

Asteko irudia

Josu Maroto

Maiatza Imanolen hitzekin Maiatzean sartzera goazela eta, Josu Marotok hilabete horri buruz Imanol kantariak idatzitako abestia ekarri du gogora: «Badator maiatza eta beti etortzen zait burura Imanolen abesti eder hau».

San Prontxio on, Iriondo! Hi ibiliko haiz ondo!Hala espero diat nik behintzat! Izan al hitzean Ordiziako bertso saioan? Kostata baina oztopo guztien gainetik azkenean lortu genian saioa burutzea. Elurra, haizetea, argindarra... denak kontra izan genizkian zorigaiztoko Errege Egun hartan. Baina oraingoan bai, antolatu eta egin diagu. Ni nire aldetik txalo zaparrada handi bat bidali beharrean nagok bertaratu ziren guztiei. Horiena guztiena bai meritua!

Eguraldiari bizkarra eman eta zintzo-zintzo munduko bertsolaririk onenak ikustera Ordiziara. Bejondeizuela!

Eta bertsolariek ere eurenetik onena eman zutela ezin ukatu.

Dotore joan huan nire ustez saioa. Sarriegik ere jaso zian ezustean bertso eskolakoen eskutik oparia eta ederki eskertu honek. Maialenek ere utzi zetian zenbait harribitxi eta horietako batekin behintzat geratu nitxoan ni: «ETB Tele 5-ren kopia bat besterik ez da». Joño! Pentsatzen hasi eta bazeukak arrazoi puntua! Hala ere, Herri txiki, infernu handi bezalako saioak nabarmendu nahiko nizkikek nik. Poza ematen dik Euskal Herriko txoko askotan ditugun altxorrak argitara ateratzea, haiek entzutea. Gabiriako kasuan horiek bai euskaldun jatorrak. Hitanoz eta gaztelaniako ter-

minoak sartuta (leche entera...). Eta zer? Ez al dek hori normaltasuna?

Hala euskararen normalizazioari begira hobea dek Aiaraldeatik iritsitako notizia? Artziniegako Udalak (Araba) bertako euskarazko hedabidea diru laguntzarik gabe utzi dik aurtengo aurrekontuak aurrera egiteko EAJ-k PP-rekin akordioa sinatu ostean. To! Euskara lehia politikorako erabili ditek bertan. A zer etorkizuna!

Eskerrak ingurumari honetan bestelakoak ere badiren eta, adibidez, poza eman zidan orain gutxi Itsasoko herritarrek (herri burujabea) auzolanerako erakutsi duten gaitasuna. Auzolana galduta zegoelakoan nengoen baina...

Aitor Calvillo

bat eta

Ez nintzen Ordiziako saioan izan, baina, duela ordu erdi piztu dut Goierri Telebista, eta Unai Agirre ari zen azken agurra kantatzen. Ondorengo agurrak eta Aitor Sarriegiri GoiBek egindako omenaldi ederra ikusi ditut.

Saioa bukatu denean, nahi gabe, Tele5 jarri dut eta, nahi gabe, pixkatxo batean, Factor X programari begira egon naiz. Laura Pausini eta Risto Mejide ezagutu ditut. Beste bi epaimahaiko ere baziren. Ez dakit nondik hartu duten eredua, baina, Bagoazen antza hartu diot. Neuk nahiago dut originala eta originaleko jendea.

Joan den astean, Gure Esku Dago ekimenak aurkezpena egin zuen Legazpin eta, parte hartzaileen artean izan ziren, Bagoazeko Maria Redondo eta 3zpa4ko Mikele Arizkorreta eta Xegun Altolagirre.

Nire jendea dira. Risto eta Laura beraienak dira.

bat Asier Iriondo

Aiaraldeako euskaldun jatorrak ere atera ziren Herri Txiki Infernu Handi programan. Publiko aurreko atala Luiaondoko pilotalekuan grabatu zuten. eitb.eus-en ikus daiteke bertako berri. Eta aiaraldea.eus agerkarian ere bai.

06 GOIBERRI

GAZTEAK

Helena Bilbao, Oker txakurrarekin, Lieke Martensen kamiseta soinean duela. ASIER ZALDUA

Futbolari onenaren kamiseta, Ezkion Asier Zaldua Ezkio Nesken futbolak pauso erraldoiak eman ditu azken urteetan. Klub handiek nesken taldeak atera dituzte eta goierritar askok emakumezko jokalariak gizonezkoak bezainbeste edo gehiago jarraitzen dituzte. Ezkion bizi den Helena Bilbao zumarragarrak, adibidez, emakumezko futbolariak sare sozialetan jarraitzen ditu eta horrek saria ekarri dio: iaz munduko jokalari onena izendatu zuten Bartzelona taldeko Lieke Martensek babestutako lehiaketa bat irabazi du eta

Babeslea

berak sinatutako kamiseta oparitu dio.

Bilbaori umetatik gustatzen zaio futbola. «Baloi eta pilota guztiak atsegin nituen. Pilotan ere jokatu nuen. Azkenean, futbola aukeratu nuen». Urola, Ilur eta Beasain taldeetan jokatu du, eta egun Goierri Gorrin jokatzen du. Erdilaria da.

Futbolean jokatzeaz gain, lehen mailako taldeak eta jokalariak jarraitzen ditu. «Lehen mailako jokalariak jarraitzen ditut, Twitter bidez. Jarraitzen ditudanen artean Lieke Martens Bartzelona tal-

deko herbereetarra dago». Jokalari horrek neskak We Play Strong lehiaketan parte hartzera animatu zituen eta Bilbaok parte hartzea erabaki zuen. «Futbolarekin lotutako argazkiak eta bideoak bidali behar ziren. Argazkietan eta bideoetan futbolean jokatzen azaldu behar ginen, edozein toki eta egoeratan. Helburua neskok ere futbola maite dugula erakustea zen».

Txakurra ere, futbolaria Lehiaketaren berri izan zuenerako Bilbaok bideo bat grabatua zuen eta hori bidaltzea erabaki zuen. «Etxe aurrean grabatu nuen, Oker txakurrarekin». Txakurrari ere baloiarekin jolastea gustatzen zaio eta etxeko baloia galdu du. Hori dela eta, argazkian baloirik gabe ageri dira.

Txakurrarekin grabatutako

bideoa editatzeko orduan, txuri-beltzera pasatu zuen.

«Txakurra eta ni bakarrik azaltzen gara koloretan: txakurra beltza da eta lepoko gorria du eta ni jertse gorriarekin eta praka beltzekin ageri naiz. Jendeak bidalitako lanak ikusten hasi nintzen eta ez zitzaizkidan oso originalak iruditu. Nireak irabazteko aukerak zituela iruditu zitzaidan».

Eta hala suertatu zen.

«Mezu bat bidali zidaten eta helbidea eskatu. Dagoeneko berak sinatutako kamiseta esku artean dut».

Martensez gain, Bartzelonako eta Athletic-eko jokalari batzuk jarraitzen ditu. Baita Irene Paredes legazpiarra ere.

«Irene da nire jokalari kuttuna.

Izan ere, Legazpikoa da eta herriko taldean hasita, egindako lanari esker, nahi duen lekura iritsi da», amaitu du Bilbaok.

GOIBERRI 07

PUBLIZITATEA

Goierri Eskolak Ate Irekien Jardunaldira gonbidatzen zaitu.

Ezagutu ezazu Lanbide Heziketako gure eskaintza.

Maiatzak 5, larunbata, 10:00etan

www.goierrieskola.eus Arranomendia, 2 • ORDIZIA • 943 880 062

08 GOIBERRI

GURE LURRA

Sektorearen defentsan Latxa Esnea Kooperatiba elkartea 2011n sortu zen sektorearen interesak defendatzeko helburuarekin. Gaur egun Euskal Herri osoko 35 bazkidek osatzen dute elkartea; horietatik bost goierritarrak dira.

Josune Zarandona Latxa Esnea Kooperatiba elkarteak agerraldia egin du berriki gizarteari bere lan ildoarenberri emateko. Mariano Imaz

(Ataun, 1958) kooperatibako lehendakariak esan duenez, «elkarlanean oinarritutako kooperatiba sortu dugu, sektorearen interesak defendatzeko

baliabide gisa». Prentsaurrekoaren bitartez, «esnea ekoizten denetik gazta egiten den arteko balio katearen lan osoa aitortu» nahi izan dute.

Dorrea eta Larra gaztandegiekin (Nafarroa) eta Buruaga Arditegiarekin (Araba) sinatu dituzten lan kontratuen berri ere eman dute agerraldian.

GOIBERRI 09

GURE LURRA

Ezkerrean, Latxa arrazako ardiak Goierriko lurretan bazkatzen. Eskubian, Latxa Esnea kooperatibak berriki eman duen prentsaurrekoa. GOIBERRI

koitzak zenbat esne litro salduko duen zehaztea, baita saldutako esne hori Idiazabal edo Erronkari gazta egiteko erabiliko dela ziurtatzea ere», gaineratu du Imazek.

Ibilbide horren guztiaren nolabaiteko kontrola bermatzeko «jatorri izendapenaren baldintzak zorrotz» betetzen dituzte, baita Europak nahiz Hego Euskal Herriko gobernuek jarritako kontrolak ere. «Horiek dira gure garanteak, eta eskaintzen dugun kalitatearen bermea ematen digutenak».

Amildegia edo irtenbidea «Hasieratik gure apustua latxa ardiarekin lan egitea izan da», esan du Imazek. Eta ez hori bakarrik, baita «Idiazabal eta Erronkari jatorri izendapenen mantalean» lan egitea ere bai.

«Hori da gure jokalekua, eta bertara hurbiltzen direnekin lan egingo dugu», gaineratu du.

Kooperatibaren eredua Horiexek dira, Latxa Esnea kooperatibak zehaztutako ereduaren oinarriak. Baina ez bakarrak. Artzainen, esne saltzaileen eta gazta egileen lana duintze aldera, «esnea saltzerako orduan saltzailearen eta erosleen artean oinarrizko prezio bat ziurtatzea» ere kooperatibaren marra gorrien barruan sartzen da. Gainera, garrantzitsua da bazkideentzat baita ere, «aurrez ekoizle ba-

«Merkatuan lehiakor izateko prezioak bota dituzte esne ekoizle askok» «Globalizazioa olatu handi bat da; baina olatu horien gainean surf egiten jakin behar dugu» Mariano Imaz

Latxa Esnea kooperatiba

Baina kalitatea eskaintzea ez da gaur egun nahikoa, merkatua «oso zaila» baitago. «Merkatuan lehiakor izateko prezioak bota dituzte esne ekoizle askok eta askok», zehaztu du Imazek. Gaztela-Manchako eredua bezala izendatu du, kooperatibakoak ez diren artzain asko «%30 gutxiago» kobratzen ari direla esan du, adibidez. Baina etorkizunak ez luke hortik jo behar Imazen iritziz: «Hortxe legoke gure sektorearen amildegia».

Aterabidea, aldiz, non dagoen garbi dauka. Kalitatean sakontzeaz gain, lanbidea eta produktua bera duindu behar dira, oinarrizko prezioak ezarrita. «Globalizazioa olatu handi bat da. Baina olatu horien gainean surfa egiten jakin behar dugu; eroslea motibatu».

Izan ere, erosleek produktu bakoitzaren atzean dagoen historia ezagutzea ezinbestekoa da. Bertako gazta erosteak tokiko ekonomiei mesede egiteaz gain, landa eremuen, horren aberatsak ez diren zonaldeen eta guztiok gozatzen dugun natura ingurunearen biziraupenari ere mesede egiten baitio. Latxa Esnea kooperatiban hain zuzen, «produktu guztiek merkatuan balio bat izan dezaten, eta artzainek lanbide duin bat izan dezaten lan egiten dugu».

Kontrako jarrerak Gaur egun, Hego Euskal Herriko 35 bazkidek osatzen dute Latxa Esnea kooperatiba. Horietatik bost goierritarrak dira.

Guztira, «800.000 litro esne» saltzen dizkio urteko kooperatibak industriari, aurrez aipatutako baldintzetan. Guztiaren %19,73 suposatzen du Goierriko esneak.

Datuak datu, prentsaurrekoak sektorean «eztabaida sortu» duela dio Imazek. Askok eta askok, «kontsumitzaileek, agente ezberdinek... azken urteetan egindako lanagatik zoriondu egin gaituzte», esan du.

Baina izan da bestelako jarrera adierazi duenik ere kooperatibako lehendakariaren esanetan. «Ez dugu ulertzen, sektorearen alde daudela esaten duten horietako batzuen jarrera», azaldu du.

Gutxiengoa badira ere, jarrera horiek «mindu» egin dituztela nabarmendu du ataundarrak: «Gure ereduaren alde ez agertzeaz gain, kasu batzuetan muzin egin, eta beste batzuetan kontra ere agertu dira», amaitu du.

10 GOIBERRI

ELKARRIZKETA

Joseba Villarreal ELAko sindikalizazio arduraduna

«Batzuk aberastasuna sortzen dugu, eta beste batzuk pobrezia banatu» Miriam Luki Legazpi Joseba Villarreal (Legazpi, 1970) saltsa guztietako perrexila dela idatzia utzi zuen Nerea Elustondo bertsolariak, eta Villarrealek berak dioenez, «nire burua ondoen aurkezten duten hitzak dira».

Bizitzan, honezkero, «hainbat gauza» egin dituela dio.

G OI B ERRI -k hitzordua egin du harekin, besteak beste, Sorgintxuloren sorreran ibili zelako eta, gaur, apirilaren 27a, Maiatzaren 1aren atarian gaudelako.

Sorgintxulo sortu zenutenetik 20 urte dira jada. Legazpiko Santikutz jaietako pregoia egingo dute apirilaren 30ean.

Sorreraren nondik norakoa kontatuko zeniguke?

Hainbat lagun elizako Erkatz aisialdi taldean monitore gisa ari ginen. Apaiz bat etorri zitzaigun nahikoa fede ez genuela esatera. Geuk haurrekin balioetan lan egiten genuela erantzun genion eta transmititzen genizkiela gizatasuna, elkartasuna, errespetua, abertzaletasuna, euskararekiko maitasuna, ingurugiroaren zaintza eta abar.

Apaiz hark, agian nahi gabe, erronka bota zigun. Prozesu bat abiarazi genuen eta apaiz etxera urtebetez joan ginen harekin gai ezberdinei buruz hitz egitera. Zalantzak, kezkak eta kon-

traesanak partekatu genituen berarekin.

Eta prozesua amaitzean?

Erabaki genuen Erkatz ez zela gure espazio naturalena. Apaizarekin adostu genuen guk talde berria sortuko genuela. Eliza Erkatz izenarekin geratuko zen, gure aldetik asko ematea izan zen izenak bazuelako Legazpin nolabaiteko prestigioa. Edozein modutan, gu talde bat osatzekoak ginen eta izen berria asmatzeko prest geunden.

Ika-mika txiki bat izan genuen apaizak Erkatzen material guztia –kanpin dendak, jangela, sukaldeak...– beraientzat nahi zituelako. Azkenean, modu onean konpondu ginen.

Sorrera erraza izan ez bazen ere, gu denok, inolako banaketarik gabe, aurrera egin genuen elkarrekin. Ederra izan da, gerora, gurekin ibilitako haurrak begirale gisa ikustea. Halaber, nire bi alabak udalekuetara joaten dira eta tokirik izan ez dutenean negar egin dute. Guri, pluralean esan dezaket, Sorgintxulok guk berari baino askoz gehiago eman digu.

Orduan Sorgintxulo sortu zenuten.

«Guri, pluralean diot, Sorgintxulok guk berari baino askoz gehiago eman digu»

Bai. Udaletxean ezagunak ginen eta diru laguntzak eskatzeari ekin genion, baita Gipuzkoako Foru Aldundian ere. Sorgintxuloren balioak oso antzekoak ziren, baina elizatik kanpo jada.

Hala, kristautasunak zentralitatea izateari utzi zion.

«Barru-barruan daramatzat konpromisoa eta gizartea eraldatzeko grina»

Orain, atzera begirakoa eginez gero, zer datorkizu burura Sorgintxuloren jarduna ikustean?

Nik Sorgintxulo denaren parte txiki bat erein dudala. Saltsa askotan sartuta ibili naiz, baina Sorgintxulorekiko harrotasuna sentitzen dut.

«Badirudi Maiatzaren Lehena belaunaldi baten mito edo erritu bihurtu dela»

Saltsa askotan ibilia zarela esan duzu eta Elustondok perrexil gisa aurkeztu zintuen behin. Saltsa horiek aletuko zenituzke?

Legazpin horixe izan naizela esango nuke, bai. Gaztetxearen lehenengo etapan, kuartela okupatu eta udaletxearekin Nafarroa kalean lokal bat izatea adostu genuenekoa. Intsumisioaren garaian, Legia (Legazpiko Gazte Intsumiso Antimilitarista) taldea sortu genuen. Bertso-Olariak eskolaren hastapenetan ibili nintzen, bertsoak estropeatzen. La Salle eskubaloi taldeko zuzendaritzan aritu izan naiz. Ene Bada! astekariaren koordinatzailea izan nintzen urte eta erdiz. Udalean kultur eta gazteri teknikari lanak egin nituen ordezkapenetan, eta Oñatin ere aritu nintzen. Taberna bat hartu nuen, Kulturweben lan egin nuen...

Zerrenda amaigabea dirudi.

Dena dela, ibili zaren saltsa horiek guztiak hari berarekin josi daitezke, herrigintzarenarekin alegia.

Bai, barru-barruan dauzkat konpromiso politikoa eta gizartea eraldatzeko grina. Pertsonekin lan egitea gustatu izan zait beti, hala arlo profesionalean nola militantzian. Izan ere, ELA sindikatuan lanean haste-

GOIBERRI 11

ELKARRIZKETA

ko aukera sortu zitzaidanean, bide beretik joan ahal nintzela izan zen gehien erakarri ninduena.

Gaur-gaurkoz zein da ELAn egiten duzun lana?

Sindikalizazio arduraduna naiz, hau da, sindikatua nola hedatu eta garatu daitekeen esparru ezberdinetan; hain zuzen, dagoen espazioetan eta egon nahi duenetan.

Garai onak al dira sindikatuentzat?

Ez, erronka asko ditugu. Prekarietateari nola aurre egin, egoera okerrenean daudenekin nola aritu elkarlanean eta nola integratu sindikatuan, politika neoliberalen testuinguruan langileen bizi baldintzak nola bermatu, soldata eta emakumeen arrakalari nola aurre egin...

Bestalde, sindikatuok harri dezente bota dizkiogu gure buruari eta sinesgarritasuna irabaztea da beste erronka handi bat. Sindikatuon praktika ez egokiak bistan geratu dira eta ez dugu praktika onak erakusteko horrenbesteko abildaderik izan. Dena dela, jendea afiliatzen da, beti ere, sindikatua eraginkorra ikusten duen neurrian. Hitzetan, ekintzengan sinisten du jendeak.

Badator Maiatzaren Lehena.

MIRIAM LUKI

Maiatzaren 1a belaunaldi baten mitoa, errituala edo ospakizun eguna dirudi. Ezjakintasuna dago. Ia-ia bakarrik sindikatuontzat inportantea den eguna dela dirudi. Alabaina, langileok gure eskubideak kalean lortu genituen eta Maiatzaren 1a kalean egoteko eguna da.

Gure leloa Pobreziari gerra, inor ez dago soberan izango da.

Pobreen arteko gerra bat bultzatu nahi dute, langileen artean gatazka sortu, alegia, nor dagoen nor baino okerrago, eta hortik borroka sustatzea. Gaur egun, batzuk aberastasuna sortzen dugu eta beste batzuk pobrezia banatzen dute. Oraingo egoera ez da gaurko bakarrik, guretzat betiko nahi duten egoera dela esango nuke.

12 GOIBERRI

ERREPORTAJEA

Malaysia urrunean Beasaingo Irene Lasa Lopez Malaysiako Kuala Lumpur hiriburuko britainiar eskolako gaztelerako irakaslea da. Bi urte daramatza bertan 2 eta 8 urteko haurrekin lanean, eta Malaysiako aniztasunak harritu du gehien.

Loinaz Agirre Beasain Etxetik urrun du lantokia Irene Lasa beasaindarrak, Asiako kontinente urrunean dagoen Malaysian. Kuala Lumpur hiriburuko The British International Schooleko irakaslea da.

Duela bi urte iritsi zen bertara, eta lanbidea eta zaletasuna uztartzea lortu du Lasak: «Betidanik gustatu izan zait bidaiatzea eta kultura desberdinak ezagutzea».

Nafarroako Unibertsitatean egin zituen irakasle ikasketak, eta Indian praktikak egiteko aukera izan zuen. Beasaindarraren esanetan, «asko gustatu zitzaidan nazioarte mailako ikastetxe batean lan egiteko esperientzia». Beraz, unibertsitateko azken hilabetean, ikasketa amaierako proiektua egiten ari zela, Nafarroako The British School ikastetxean lan egiteko aukera izan zuen hiru astez, ira-

kasle laguntzaile bezala. Abuztua eta amatasun baja bat tarteko, zazpi hilabetez aritu zen bertan. Bukatutakoan Dublinera [Irlanda] joatea erabaki zuen ingelesa hobetzera: «Hiru hilabeteko ikastaro trinkoa egin nuen bertan Advanced azterketa gainditu arte».

Dublindik Malaysiara Baina Dublinen zegoen bitartean, atzerrian lan aukerak bilatzen jarraitu zuen: «Oso pozik egon nintzen British School Foundation enpresan lanean eta horregatik mundu mailan dauzkaten ikastetxe guztietara [55] curriculuma bidaltzea erabaki nuen». Malaysiako hiriburuko ikastetxeko webgunearekin topo egin zuen orduan: «Haur eta Lehen Hezkuntzan gaztelera hizkuntzako irakaslea behar zutela irakurri nuen».

Curriculuma bidali eta aste ba-

tzuk beranduago Lasarekin harremanetan jarri, bi elkarrizketa egin eta aukeratua izan zen. Bi urte daramatza bertan eta beste bi urte gehiago egiteko aukera ere badauka: «Beste bi urteko kontratua sinatu nuen otsailean. Hala ere, urte betez bakarrik egoteko aukera ere badaukat abenduaren 3a baino lehen eskolan jakinarazten badut».

Bi eta zortzi urte bitarteko haurrei gaztelera erakusten die.

Aukerako ikasgaia da, Mandarin hizkuntzarekin batera. Beasaindarraren esanetan, «bata edo bestea aukeratu behar dute, eskolan hasten diren momentutik».

Hezkuntza oso anitza Oso anitza da Malaysiako hezkuntza sistema, publikoa, pribatua eta homeschooling-a.

«Malaysia bere aniztasunaga-

Kultur eta etnia aniztasunagatik ezaguna den herrialdea alaysiako aniztasunak harritu du gehien Irene Lasa beasaindarra, etnia eta kulturaren nahasketak. «Malaysiar musulmanak gehiengoa badira ere, txinatarrak eta indiarrak publikoki oso ikusgai daude, Asiako bi arraza talde handienak Malaysiako demografian ere nabari dira». Hori dela eta, «erlijio desberdinak bakean elkarbizi dira eta erlijio desberdinetako tenpluak (mezkitak, elizak, hindu tenpluak...) aurkitu daitezke edonon».

Txinatarren eta indiarren eragina nabarmena da, «bai hizkuntza dela eta baita egunerokoan ere: janari eta arropa denda ezberdinak aurkitu ditzakezu edonon, adibidez». Era horretan, «zure mentalitatea erabat aldatzen da, ikuspegi sakonago bat izatera eta kultur-erlijio guztiak errespetatzera laguntzen baitu hemen bizitzeak».

M

«Familiek eta ikasleek irakasleekiko ikaragarrizko errespetua dute» Irene Lasa Irakaslea

tik da ezaguna, kulturan eta erlijioan, nahiz eta herrialde musulmana izan. Eta horrek ere hezkuntzan du eragina, aukera ugari eskainiz». Hala ere, «hezkuntza publikoa Euskal Herrian kalitatekoa da, baina Malaysian, tamalez, ez. Eskola pribatuak oso onak dira hemen eta lehia handia dago hauen artean». Pribatuan aukera handia daukate nazioarte mailako ikastetxeetan, «curriculum britainiarra jarraitzen dutenak, amerikarra, frantziarra, alemaniarra, australiarra eta japoniarra, besteak beste». Britainiarnazioarteko curriculumean oinarritzen du bere izaera Lasaren eskolak.

Hizkuntzari dagokionean, «Euskal Herrian euskara derrigorrezkoa den bezala, malaybahasa hizkuntza ere derrigorrezkoa da hemen ikastetxe guztietan. Dena den, Malaysian jaiotako umeentzat bakarrik da derrigorrezkoa, eta ikasgai bezala». Bestalde, ingelesa Malaysian denek dakite, gutxi bada ere. «Euskal Herrian, ingelesaren garrantziaz kontzientziatzen hasi arren, asko dugu hobetzeko, eta hau eskoletan lantzen hasi beharko litzateke».

Ikasteko gogoa Eskola ordutegiari dagokionean, zortzi orduko eskola jarduna izaten dute, 07:30etik 15:30era.

«Eskolan bazkaltzea derrigorrezkoa da bai ikasleentzat, bai irakasleentzat ere». Izan ere, hezkuntzak garrantzia handia

GOIBERRI 13

ERREPORTAJEA

Malaysiako kultura ezagutzen ari da Irene Lasa beasaindarra.

GOIBERRI

du malaysiarrentzat. «Irakasle izatea hemen zoragarria da. Familiek eta ikasleek irakasleekiko ikaragarrizko errespetua dute eta baloratuak gara asko». Oro har, haurrek, ikastea gogoko dutela dio: «Eta gehiago ikasteko prest daude beti.

Nire ikasleek etxeko lanak eskatzen dizkidate!». Hori bai, «gure eskolako ikasle gehienek jolasteko denbora askorik ez dute, eskola ondoren jarduera ugari egiten dituzte eta: musika tresnak jotzen ikasi, igeriketa klaseak edo bestelako kirolak, hizkuntza berri bat ikasi... Halaxe da Asiako mentalitatea».

Hizkuntzei ere garrantzia handia eman diete han. «Hizkuntza ezberdinak hitz egiten dira Malaysian, txinatar eta indiar kulturen eragina handia baita. Hala ere, Malaysiak hizkuntza propioa badu, malaybahasa deiturikoa». Ikastetxe gehienetan eskaintzen zaie malaysiarrei bigarren edo hirugarren hizkuntza ikasteko aukera: «Malay guztiek dakite ingelesa modu batean edo bestean».

Amonaren janaria faltan Esperientzia polita eta aberatsa bizitzen ari da beasaindarra Malaysia urrunean, asko ikasten ari da. Malaysiatik Euskal Herrira zer ekarriko lukeen galdetuta, honela erantzun du: «Zugandik ezberdina den horrengan beldurrik ez izateko sentimendua. Interesatu, ezagutu eta errespetatu desberdina dena».

Euskal Herritik eramango lukeena ere garbi dauka: «Zalantzarik gabe, familia eta lagunak. Hauek gehiago ikustea asko gustatuko litzaidake». Eta familiarekin eta lagunekin batera, amonaren janaria. «Janari hoberik ez dago eta asko sentitzen dut faltan!»

14 GOIBERRI

INTERNET

saretik Sarean ikusia

domeinuak.eus

Klik

Gazteen artean Youtube nagusi

Txikipedia, entziklopedia txiki eta askea Euskal Wikilarien Elkarteak gazteentzako Wikipediaren bertsioa sortu du: Txikipedia.

8-13 urte bitarteko umeentzako euskarazko entziklopedia ÂŤtxiki eta askeaÂť izan nahi du. Vikidia umeentzako entziklopediaren edukiak txertatu dituzte. Baina hasi besterik ez dira egin. Horregatik, edukiak sartzeko prest dagoen edota artikuluak itzuliko dituen jendea behar dute. Testuak, adin horretarako egokituta egongo dira. eu.wikipedia.org

Euskarazko Internet Eguna maiatzaren 17an Dagoeneko hirugarren urtea betetzeko bidean da Euskarazko Internet Eguna. PuntuEus fundazioak eta UEU Udako Euskal Unibertsitateak antolatu dute elkarlanean, eta Donostian egingo dute, maiatzaren 17an.

Dagoeneko 8.200 webgunek baino gehiagok erabiltzen dute PuntuEus domeinua. Eta datu horri erreferentzia egin nahi izan diote aurtengo Internet Egunean, 10.000ra goaz, bazatoz? lemarekin.

Nazioartean ospatzen den Internet Egunarekin bat egin, eta euskarak sarean duen presentzia ikusarazteko ekitaldia da. Arlo horretako eragile ugari bilduko dira bertan.

Ekitaldia Miramongo Parke Teknologikoan izango da, maiatzaren 17an, arratsaldeko 17:30ean. UEUk antolatutako Informatikari Euskaldunen Bilkuraren ondoren egingo dute.

Parte hartu nahi dutenek, domeinuak.eus webgunean eman dezakete izena.

15 eta 29 urte arteko euskal gazteen erdiak kultura digitala kontsumitzen du egunero. Hala dio Eusko Jaurlaritzaren Gazteen Euskal Behatokiak egindako ikerketa batek. Aisialdi digitalaren barruan, Youtube da nagusi; %43,1 egunero sartzen da eta %78,3 astero. Bideo jokoak ere asko erabiltzen dituzte (%38,5), kontsolan, ordenagailuan nahiz sakelako telefonoan.

Aurrekontu Irekia sarean ikusgai Gipuzkoako Foru Aldundiak 2019ko aurrekontua osatzeko Aurrekontu Irekia egitasmoa jarri du martxan. Herriz herri egiten ari diren saioez gain, sarean ere parte hartu daiteke.

Aurrekontuen zirriborroa ikusi, eta nahi duenak, proposamenak eta ekarpenak egin ditzeke gipuzkoa.eus/partaidetza webgunearen bidez.

16 GOIBERRI

ERREPORTAJEA

Emakumeei bidea irekitzen 1978an jokatu zuen lehenengoz neska talde batek saskibaloian Ordizian.

Aitortza egin die klubak taldekideei.

A. Vierbücher Ordizia «Beste garai batzuk ziren», horiek dira Maite Lizasok (Ordizia, 1961), Marisabel Mediavillak (Ordizia, 1962) eta Marixabel Usabiagak (Ordizia, 1958) behin eta berriz errepikatutako hitzak. Ordiziako Saskibaloi Taldeko emakumezkoen lehenengo taldeko jokalariak izan ziren hirurak. Harrezkero, 40 urte pasatu dira eta orain, klubak, aitortza egin die talde hura osatu zuten emakume guztiei.

Karmele Etxeberria, Ascen Markinez, Marian Dominguez, Elena Guerrero, Gemma Pagnon, Arantxa Goiburu, Ana Rosa Etxarri, Arrate Pagnon, Amaia Mingo eta aurretik aipatutako beste hirurak izan ziren lehenengo talde hartako jokalariak. Entrenatzaileak, berriz, Juan Antonio Garate eta Roberto Sanz. Emakumeek osatutako lehenengo saskibaloi taldea zen Ordizian, eta «Ilusio eta gogo handiz osatu» zuten gainera, haiek adierazi dutenez.

Gogoratu dute nola garai hartako egunkarietako kroni-

ketan ere agertu zen beraien albistea. Garai hartan «umeak» ziren, eta «harrituta» begiratzen zituzten eurak protagonista ziren albiste haiek. Gaur egun, emakumeek kirola egitea oso ohikoa eta arrunta bada ere, «haiek, beste garai batzuk» zirela errepikatzen dute.

Urtebete ligan Lehenengo talde hark «ibilbide laburra baino oso intensoa» izan zuen, Lizasok berak kontatu duenez. 1978an jokatu zuten lehenengo liga, urtebete entrenatzen igaro ondoren. «Ordu asko igarotzen genituen Beti Alai pilotalekuan, mutilen entrenamenduak ikusten», argitu du Usabiagak. Entrenamenduak ikusten bakarrik ez, haien kasa saskibaloian ere jokatzen zuten.

Hori horrela, Ordiziako klubak taldea osatzeko eskaintza egin zien eta neska taldeak «pozik» eman zuen baiezkoa.

«Urte haietan jende oso konprometitua zegoen klubeko zuzendaritza taldean; Joxe Oiar-

Goian, 1978ko nesken saskibaloi taldeko irudia. Eskubian, Maite Lizaso, Juan Antonio Garate, Marisabel Mediavilla eta Marixabel Usabiaga, gaur egun.

ORDIZIAKO SASKIBALOI TALDEA / A. VIERBÜCHER

Aitortzaren unean hasi ziren ohartzen jokalariak orain 40 urte egin zutenaren garrantziaz

bide, Jose Felix Sarasola edo Txarli besteak beste, eta haiengandik jasotako babesa oso handia izan zen», gogoratu du Garatek.

Taldeko neskek, 15-16 urte inguru zituzten orduan eta gaurgaurkoz arraroa izan badaiteke ere, partidak jokatzeko ekipazioa lortzeak «ahalegin handia» suposatu zien: «Galtzerdiak inguruko enpresa batek eman zizkigun, horrela behintzat, denek berdinak eramango genituen; prakak, guk geuk erosi genituen, denontzat berdinak hartu genituen ekipazio itxura izan zezan; kamisetako zenbakiak josita eramaten genituen eta zapatilak? Zapatilak ere hala moduzkoak erabiltzen genituen, gaur egungoak bezalakoak behintzat ez ziren».

GOIBERRI 17

ERREPORTAJEA

Entrenatzeko baldintzak ere, ez ziren askoz hobeak: «Praileetan hasi ginen entrenatzen, euria, beroa edo hotza egin, ez genuen kale egiten», kontatu dute hiru jokalari ohiek.

Partidak etxetik kanpo jokatzen zituztenean ere, abentura ugari. «Autobusik ez genuen, gurasoek edota gertukoek kotxean eramaten gintuzten.

Kontuan izan, garai hartan etxe guztietan ez zegoela kotxerik».

Beste batzuetan trenez ere joaten ziren.

Oraindik ondo gogoan dute, lehenengo partida irabazi zuten egun hura. «Donostian izan zen, San Bartolome taldearen aurka eta 29-31 egin genuen.

Oso partida borrokatua izan zen hura», gogoratu du Garatek. Irabazi zuten partida bakarra hori izan zen eta ondoren, «garaipen hura ospatzeko, Pias tabernan pote bat hartu» zuten. «Sekula ahazten ez den egun horietako bat izan zen guztiontzat», erantsi du entrenatzaile ohiak.

Gaur egun, garai hartan ireki zuten bidearekin eta etorkizunari begira haiek egindako ahaleginak suposatuko zuenarekin «kontziente ez» direla adierazi dute.

Aitortza «hunkigarria» Pasa den larunbatean, Ordiziako Majori kiroldegian, klubeko EBA mailako mutilek etxean jokatzen zuten ligako azken partida zela aprobetxatuz, aitortza egin zioten lehenengo emakumezkoen taldeari. «Oso hunki-

garria izan zen», jokalari eta entrenatzaile ohiak esan dutenez.

«Gaur egungo neskato gazteenen taldeak, opari bana eman ziguten jokalari bakoitzari. Gu jokalari gineneko argazkia zen», gaineratu dute.

Horrez gain, taldeko argazkia ere atera zuten. «Aitortzaren unean hasi ginen konturatzen egindakoaren garrantziaz», nabarmendu dute. Gaur-gaurkoz 13 talde ditu Ordiziako Saskibaloi klubak, eta horietako zazpi neskek osatzen dute.

18 GOIBERRI

MOTZEAN

euskaraz hitz egiteko aukera dut. Ni ere herri baten jaio nintzenez eta denoi musika gustatzen zaigunez, ez da harritzekoa guztiok ondo konpontzea.

Zein da gehien gustatzen zaizun euskarazko hitza?

Euskarazko abesti bat idatzi behar dut. Nor naiz ni? Zein zara zu? izango da bere izenburua.

Hiru N eta hiru Z dituelako eta nor hitza bi eratara esan daitekeelako atsegin dut. Oraindik ez naiz euskaraz idazteko gai, baina izenburua badut eta zertaz idatzi behar dudan ere badakit.

Filosofia atsegin duzu.

Flavio Banterla, bere diskoarekin, Secundino Esnaola musika ikastetxeko lorategian. ASIER ZALDUA

Flavio Banterla

Galdera horiek zure lehen diskoan presente daude.

Musikari italiarra

ÂŤEuskaldunek emandako hitza betetzen duzue eta hori asko gustatzen zaitÂť Asier Zaldua Zumarraga Flavio Banterla (Italia, 1975) Erasmus egitera etorri zen Euskal Herrira eta bertan gelditu zen. Egun, Zumarraga eta Urretxuko Secundino Esnaola musika eskolako irakaslea da.

Mystic Pop taldearekin lehen diskoa argitaratu du.

Nolatan heldu zinen Euskal Herrira?

Erasmus egitera etorri nintzen Donostiara, Paduako unibertsitatetik. Erasmus egiten ari ziren gainontzekoekin elkartu beharrean, euskaldun batzuekin joan nintzen bizitzera. Zornotzako mutil baten oso laguna egin nintzen eta asteburutan bere herrira eramaten ninduen.

Zergatik gustatu zitzaizun Euskal Herria?

Hemengo kultura asko gustatu zitzaidan eta bertako jendeak oso eskuzabal jokatu zuen nire-

kin. Heldu nintzenean oso italiarra nintzen eta asko ikasi nuen beraiengandik. Heldu nintzenean pertsona mota bat nintzen eta beste kultura batekin topo egitean ni nintzen guztia ikasia zela konturatu nintzen. Horregatik gelditu nintzen: ikasitakoaz gain, beste zerbait ere ba ote nintzen ikusteko. Nire buruari egiten diodan galdera. nagusia hori da: ikasitakoa naiz ala beste zerbait?

Zer iruditu zitzaizun deigarriena?

Dagoeneko zaila egiten zait galdera horri erantzutea. Bertsolariek zur eta lur utzi nindutela gogoratzen dut. Bestalde, euskaldun baten hitzak duen balioa asko gustatzen zait.

Emandako hitza betetzen duzue beti.

Nolatan heldu zinen Urretxu eta Zumarragara?

Metafisika gustatzen zait, nire buruari buruzko galderak eta gizateriaren galdera nagusiak egitea: nor gara? nondik gatoz?

Nire neska-lagunak Zumarraga eta Urretxuko musika eskolan lan egiten du. Hona etorri nintzen batean, Jon Goenagarekin topo egin nuen. Goenaga eta biok ikaskideak izan ginen eta musika-informatika eskolak ematea proposatu nion. Hala hasi nintzen hemen lanean.

Zer da musika-informatika?

Musika grabatzeko eta konposatzeko erabiltzen da. Musikainformatikari esker, edozein musikarik maketa bat graba dezake bere etxean.

Zer moduz Urretxu eta Zumarragan?

Oso ondo. Lankideekin eta ikasleekin primeran moldatzen naiz eta ikastolaren 50. urteurreneko abestiaren grabazioan lagundu nuen. Noizean behin ikasle zaharrenekin pintxo-potera joaten naiz. Gainera, euskaltegira noa eta ikasleekin

Abesti guztietan norberari buruzko galderak daude eta nire argialdi uneen berri ematen dut. Argialdi une horiek zoriontasun edo bake uneak dira.

Abesti bakoitza nire buruarekin konektatuta sentitu naizen une bati lotutako pilulatxoa da.

Nola definituko zenuke zure musika?

Abestiak entzuteko errazak dira. Pop musika da, orkestra moldaketekin eta musika elektronikoarekin. 60ko hamarkadako musika italiarraren antzekoa da, baina musika elektroniko ukituak ditu.

Kontzertu asko lotu al dituzu?

Hilaren 24an Donostiako FNAC-en jo behar dugu eta 25ean San Telmo museoaren ondoan. Bestalde, maiatzaren 18an Madrilgo Reina Sofia museoan joko dugu, Radio 3k gonbidatuta. Ekainean Tabakalaren joko dugu.

Diskoak harrera ona izan du.

Pozik nago, komunikabide garrantzitsutan jarri baitute. 40 Principales irratian, adibidez, zerrenda bat egiten dute Euskal Herriko hamar abestirekin eta nire kanta bat hirugarren postuan egon da.

GOIBERRI 19

ERREZETA

Puntalette risotto faltsua barazkiekin eta ahatearekin MIKEL ALBISU

Urki Balerdi Urki Balerdi zeraindarra Beasaingo Rubiorena jatetxearen arduraduna da 2015eko abenduaz geroztik.

Barazkirik finena?

Zainzuriak.

Arrainik goxoena?

Berrugeta (Corvina).

Haragirik gustukoena?

Bocado de la Reina esaten zaion txekorraren aldakako haragi zati bat.

Otordu bat ondo bukatzeko?

Mazedonia.

Ardo zuri bat?

Sauvignon gozo bat.

Eta beltza?

Ez naiz batere zalea.

Derrigorrezkoa duzun ongailua edo espeziea?

Soja saltsa.

Rubiorenan eskaintzen duzuen platerik goxoena?

Txipiroi eta onddo salteatuak foiearekin.

Zein sukaldari miresten duzu?

Hilario Arbelaitz.

Osagaiak

Prestaketa

Puntaletteak Ahate iztertxoak Gari zainzuriak Perretxikoak Tipulina Ziazerba Baratxuria Ahate urdaiazpikoa Foie gras freskoa Esne gaina

Puntalettea Lapiko batean, oliotan, baratxuri xehatu pixka bat egin, eta ondoren puntaletteak bota.

Apur bat erregosi ondoren, urarekin busti arroz bat izango balitz bezala. 10-12 minutu bitartean egosi, ondoren lapikotik atera, eta ur hotzetan hoztu.

Barazkiak Puntalettea arrozaren forma duen pasta mota bat da.

Arroz alea baina handixeagoa izaten da, testura sendo eta atseginarekin. Egokia da risotto edo arroz krematsu eran prestatzeko.

Tipulina xehatu, eta zartagin batean egin gozatu arte. Prest daukagunean, aurrez ebakitako perretxikoak gehitu, eta bertan salteatu prest utzi arte.

Beste alde batetik, gari zainzuriak zatitu eta zartagin batean salteatu, ondoren perretxikoe-

kin nahastu eta denari salteatu azkar bat eman.

Ahate iztertxoei haragia atera eta xehatu ondoren, aurreko nahasketari gehitu. Ondoren, lapiko batean jarri eta esnegaina bota. Hori apur bat irakiten eduki zapore guztiak ondo nahastu daitezen. Jarraian gatz puntua eman eta azkenik puntaletteak eta ziazerbak gehitu.

2-3 minutuan su baxuan nahastu eta, ahal bada, krematsu puntuan utzi.

Aurkezpena Platera osatzeko ahate urdaiazpikoa eta foie malutak jarri gainean.