Rivarè ai Foghi? In Progress

CussĂ se rivo ai foghi? di Ennio Lugnan

Scrivi per inserire testo

Pe n s i e r i e i m a g i n i i n libertĂ sensa creansa ne rispeto

2

Aria Lisiera

Aria lisiera comò i to oci soleva le aneme par le note de un organo.

I tasti, niri i svola col ritmo de parole susurae nel tempo.

No stà fermà al gno respiro lasélo volà su le ale del vento.

Caresséme, pian cò la to bava lisiera e fàme provà emosiuni comò caligae del cuor.

E ‘sta note, seren, rinasso per tornà a vive pò tornà a murì ancora.

Sognà Diverso sognà, gargun che core incontro a un pensiero diverso vardà, gargossa che ciapa color in un oltro universo segnà, garghe risposta no scrita in un sielo lisiero cercà, in quel'alba che porta la luse un oltro, diverso, sognà.

,

Facile Ze facile rifiutà de ripensà, de vardà i spassi svodi tra una parola e l'oltra facile spostà al svardo de un' oltra parte sensa veghe i gambiaminti e crè che sia un valor facile xe rinunsià a domandàsse, a metesse in discussion, a dàsse. dificile xe crede che sia duto quà.

Ninte storia ninte storia, ninte bandiere soto tochi d'universo che i cage a l'infinito in un bicer svodo nite versi, ninte lagreme solo oci, mane, spale solo moti pini de luse e picole parole d'amor.

Novo anno Xe scura la stansa, ma passa un filo de luse, intanto noltri, intorno, tratignìmo al respiro.

E vardemo fisso al lusor, tentando de sintì al primo pianto che ne 'nunsi ‘l arivo de ‘l Anno Novo

Piere Volaravo capì la lingua de le piere su la spiagia, rubai quel che le se dise co 'l scuro de luna, savè le parole de dì co riva l'onda per ciacolà del momento che no ze 'ncora, ma 'l sarà.

Odio al vento odio al vento che te scompone i pensieri che te tormenta al vardo che sburta piÚ vanti le poche sertesse che t'ha odio al vento e lo bramo che 'l me porti lisiero a pusame sul respiro di un amor ancora nò svolao via.

Casa del sol

xe 'na casa piena de sol quela che vive de un supio de vento umido e raro lo speta in silensio e spera de incrociĂ in sielo un volo de pensieri lisieri e colorai

Te vevo perso Cristo.

Te serchevo in cese iluminàe, sora de altari ornai de otuni lusenti, de tovagie ricamae nasàndo profumi de fiuri e de incensi.

No t'he catao!

T'he sercào anche in cese pìcole, bandonàe sensa fiuri, ne ori, ne lumi nasando oduri de mufe de timpi passài.

No t’he catao!

Un cameron de un ospissio scuro, adobao de tristessa.

In un leto de fero un muceto de ossi infagotao, do oci persi in un volo de ricordi, 'na vose, quasi un sangiosso: - Tu son qua?

E' bagnao do lavri sichi, è caressao un viso intrapolao; cavili suai, color del grasso.

- Si, son qua cò tù!...

Co 'na man de cera n'te la mia al sa, contento, indormensao.

Ancora son tornao e ancora e ancora.

Finalmente, Cristo,te vevo catao!

Fremito Viviamo per un fremito d'aria, per un filo di luce, dei pi첫 vaghi e fuggevoli moti del tempo, di albe furtive, di amori nascenti, di sguardi inattesi......

Scondeme Scòndeme comò 'na volta, comò l'ultima quando tu me scondivi drio la schena per no fame cognosse dal mondo, dal mondo che me varda drento comò fosso sovo, scòndeme.

Vogio veghe sensa esse visto traversà ociade, viri e barcuni traversà strade al sol e al caligo Scòndeme al destin de le parole sparie scòndeme e spieghéme comò se tien al fiao in silensio.

Scòndeme fin ché sarè pronto ad amà la vita

La note La note xe un specio che no riflete visi amici ma spirti che bala, in silensio. vardo e no me vego ma sento che stĂ rivando un timido riflesso de me visto de dentro.

Al

Tempo Al tempo che he me meto a vardalo, lo vego sparì e svoltà riciapàse al megio posto lassandome indrio, a suà Al tempo che è non l' me vien drio, al se trasina, elo e le sò pause, oltra i barcuni in spessaura, e ‘l me sfida Al tempo me tignarà su le spine al versarà l'orizonte ma solo a partia finia.

Al Mondo Quanto me piase al mondo L'aria, al so fiao La luna, che xe in quarta Al salso del mar Le ciacole tra amici La caressa del vento.

Dò veci che camina pian Al svolo dè corcai.

Quanto me piase al mondo.

Amor virtuale Veghete sensa vardate... co l'ocio sfogao del pensier...

Sentite sensa tocate... co al desiderio, doloroso de la carne...

Amate sensa avete... co l'ilusion de la speransa...

Morì sensa cognosete... co un svodo disperao in fondo al cuor...

Fiumi de parole è scrito solo pe podè...in fondo... vè un ilusion...

Galegio in un mar de de sogni... e no devo perdeme... in stò palù deserto...

Zà, ma l'amor virtuale ze una trapola vera... sigh...prosit.

L’Anema

l’ anema, ‘sta messa spopolagia ‘ndola solo Dio al ze in genogio ‘sto scheletro fato de parole no de ossi la se dismissia ‘co gargossa va mal. eli, de novo carne fresca sul banco del becher.

Al Sogno in Machina Al sol, basso su ‘l orizonte, l'ha duti i culuri.

La piova l'ha lassao sull'asfalto un velo de stele.

Xe un momento, no viaso piĂš, volo.

Me lasso indrio ‘sto serpente de lata che me inpresona, drio de me malatia e tristessa.

Soto de me , cativeria e indiferensa, me, nuolo finalmente libero, rio felice.

E volo fin al prosimo clacson!!!!!

Memoria libera aahgh!!! hé la RAM fiapa. anche al disco ze lento al video, staca, me devo riformatà, lo sento.

No! no posso fàne a meno, co i to veci dati no i gira i mie programi.

Incuo, però, me é stancao e, in un momento, hé cancelao duto in un lampo.

Ah, desso sì. memoria libera! fresca, imacolagia Desso sì, stago megio, via duto quel che gera!

Megio desso che t'he cancelagia!

Bicer de Vita 'ncora un sorso, per desmentegĂ ma de novo la note co fame no la finisse de filĂ gropi e ogni volta ze un colpo! le vite se incrosa 'ncora, de novo sentense de novo ansie de novo paure. ah se vesso piĂš testa per coverse le robe e conviseme che la vita ha senso che no ze solo comedia. ma l'anema me scampa sola da ogni fuga che la cata e la me inpinĂŹsse ogni bicer de vita che la veghe.

De un' oltra parte ...gera facile un tenpo ma hè ghitao via un mucio de energia ...per al ritorno. ..lasso là le parole mai dite e gheto via duti i mie miti e zà che son me gheto via anche me!

HÊ deciso de perdeme nel mondo anche se sprofondarè ma lasso che la testa me porti via... de un'oltra parte.

Mondo novo Noltri co la boca spalancagia bevemo aqua de mar ingabiai in saltareli che nissun usa pi첫.

In tera, strade fantasma aria rarefagia velme aride tochi de mar serai, segnai da un liquido nero.

Mar che brusa tera che arde aria che te sofoca.

Ze al mondo novo, Ze per duti al stesso futuro.

Me calcolo calcolo valor ogni forma de vita calcolo valor al vin, fin che dura al pasto, un soriso involontario, cu che ze stanco perchè ‘l ha lavorao do veci che i se vol ben. calcolo valor, quel che doman no valarà più ninte e quel che incuo al val ancora poco calcolo valor sparagnà l'aqua giustà un per de scarpe vecie calcolo valor sta sito rivà dalongo co i ciama aiuto esse riconosinti sensa ricordàsse de che calcolo valor savè al nome de un vento calcolo valor volè ben e pensà che sia un onor

Semo noltri semo noltri scorie de duti i giurni scorie che no fa rumor semo una societĂ seragia a ciave 'ndola che tu pol 'ndĂ fora de testa per monade semo noltri storie che no ha futuro semo un picolo punto su un grando muro 'ndola scuminsiĂ a scrive una riga scrive de una speransa che no ze piĂš.

Perdon Quando tu crĂŹ che sia al momento giusto quando tu pinsi che al to mondo se rinova, Nel piĂš profondo de la to anema gargossa se move.

Le persone che tu i vol ben le to paure le sconfitte tu ricordi to pare che te porteva a veghe al mar 'lora tu te ricordi che tu devi solo domandĂ perdon.

ze facile ze facile, in fondo,disse lassàsse contà lassà che la notte sia dolorosa e urlante i giurni spasemai metri de parole sbavai da la boca parole che le vien a gala de una macia de mar smossa da la noia. ze facile contà monade co le parole ze facile dopo negà e ripensà al svodo lassao tra una roba dita e l'oltra ze facile voltàsse de un'oltra parte e rinuncià a fàsse domande a donasse ai oltri. ze dificile crede che la tò vita sia duta quà

Giossa de Vita a ogni moto, a ogni soriso, a ogni picolo susiao, comò piova de mominti che i sbrissa via sui to oci comò aqua de primavera su i viri 'ncora fridi volaravo tocà ogni picola giossa de vita che cage sul to viso, ma sbrissando la va via, e bagnà me i dii.

Sogni in Pal첫 "in Pal첫 i sogni se scrive a matita, se scolora de giorno, I vive de note, co la luna."

Tempo de sabion

No cognosso al score del vive perfeto Ma me inchino al sol e a la luna.

Vardo e scolto al gnò tempo vego realtae vivo sogni amo le ilusion ma la riva ze lontana le paure pian a pian domina.

Ze un tempo de sabion al mio.

Zogo de la fin. ...femo un zogo al zogo del mondo, un giorno dopo l'oltro strade rote per pusti persi ninte de veghe, 'ndemo controcorente gambiemo verso finimo al viaso a l'alba, fine de la strada quel che resta xe i saludi a i amissi. e le notisie de la fine del mondo.

Mamuli Mamuli su machine veloci, i naviga nel cuor de la note i rie de la vita intanto che i la rosega, co fame.

Le gome le lassa sie perfete comò rii la musica violenta, i bassi me trapana la pansa I me varda, riando, comò fossa i eleti i suli che i ha la ciave de le emosiuni I rie ma no i sà che anche me comò ili e rosegao la vita bevendo al so sangue Anche me comò ili me zuguevo la vita invese de vivela.

Onda marina Ze un isola de spuma e scusse e ze la to isola t'ha finio de sognà e veghe arcobalini.

La radisa che te feva cresse s'ha sugao a la fine.

Tu i ha creduo ai amissi più stupidi, a le aparense, la pigrisia, l'istae tu podivi esse un zovene forte, cavàte da ‘l onda e da la marea. ma ormai t'ha la vita stentagia e ferma tu tu t'ha spasemao de la forsa de la zoventù e no tu ne capivi l'energia.

Resta ne la to isola de spuma e scusse.

Sogni e scopi Per ogni nuolo che se mete fra me e al sol ze infinite stele che me varda sensa esse viste...

Per ogni sogno che hé realisao ne ze mile che hé fato sensa savè che fossa sogni... sensa un scopo zugà.. sensa un scopo vive.. sensa un scopo vive zugando.. sensa scopo zugà a vive... sensa scopo rivà a casa

Vevemo paura Vevemo paura, noltri inamorai geremo convinti che dopo no sarave stagia la stessa roba.

Brusai dal sol, secai dal sal disegnando sirci sul sabion bagnao, Vemo capio, l'amor ze duto no ze mai l'ultima volta Strenzendo tra le man un toco de mar un brivido, un pensier.

"No ze ninte che te spasÊma comò l'amor".

Acqua nel segelo 'na fantulina la zoga metendo nel segelo al sabion, cò la man drento e fora la missia aqua e capame e sta aqua ferma par che vogia contà storie storie de veci marineri de pusti lontani de bonasse in candela de pescauri brusai del sol de caligae, e de femene che speta. su 'n colpo la svoda al segelo e la roversa duto l'aqua tase, sparindo sul sabion, resta le storie de contai a un fantulin.

Abbracciare il Mare Duto sarà in salita, tu varà vertigini de sima in sima.

Tu caminarà co i trampuli tra i nuoli ma rivao, cò i brassi verti e spalancai, tu strensarà al mar.

Un mondo, diverso scuminsia dai to pensieri, se tu sinti l'aria dentro, se tu la sinti alsasse, 'lora girete e la tera, de là in alto, no sarà più solo una piera.

La Poesia Al so sguardo Ze solo una so parte, quela imaterial epur tu ne sofri e tu ne godi ze ‘l ocio che vardando al sielo ne veghe oltri mile e soto de ili, fantasmi Ze infin la so parte imaginaria, crua, ne le parole la pol esse dolse o inconsolabile.

Ze un' età Ze un età, fata de longhe note soto tera, quando al scuro diventa color unico pe vestìme e 'frontà al mondo. ze un' età, comò un vulcan 'ndola duto pol gambià batendo fra al martelo e 'l fero batendo forte fra cuor e cervelo ze un età che tu vardi distirao le stele cagete 'dosso e 'l respiro va e vien comò caligà ma tu te rinovi dentro.

Ze un età che tu sà che se tu vol al sol tu ami al giorno ma se tu vol le stele tu devi invultissate ne la note.

Giossa de sol 'na giossa de sol dopo una scorlada del segelo la s'ha ficao nel sabion.

Sotofondo Se una vose l' ha in sotofondo al silensio de i morti me scolto perchè atirao da un senso che, de là, manca ze perchè s'ha verto 'na porta sul sovo 'ndà continuo e lisiero.

I semi de la Note La note, l'ha sempre ragion ela, la note siga forte e me gira la testa me fa mal, me vien quasi de ghità fora de tanto forte ciacola ‘sta note e me vien vogia de sigà anche mé me trasino drio un saco pien de duti sti sighi, dentro un saco ,digo, a quando meno tu te lo speti la note lo verse, lo spalanca e la rie, forte ma i sighi non se la sente de vignì fora, ansi no i se sente per ninte me scopia la testa, volaravo sigà e la note, alora, te caressa e un poco te passa dal saco vien fora semi de parole e le te se pianta in stomego, e zà in stomego, perchè la testa te scopia e la bate forte, ne la pansa semi de parole libere le vien fora dal saco site site, sensa regolà cu che vien prima o dopo.

La memoria no vesso la memoria disegnaravo tamburi de sabion stanchi del bate del sol sagome, lustre de sudor, là su la spiagia bianca de luna co nastri de parole vive che i cage de la boca ombre de nuoli de vardà e ripartÏ a oci bassi comò alberi piegai sui ginugi del tempo ma oci de amor i canta pian lavri verti in atesa, arcobalini che finisse de garghe parte, ne la memoria.

Credere Fasso fadiga a crede ma se pol sempre pregà, mandà a duti mesagi de amor.

Spero, co fadiga, ma per duto vego signi de verità e belessa.

Cree e sperà i verse al camin de l'amor.

Nasse la pase per cu che sa 'ncora sognà

Tramonto de la vita Ze un'età questa, 'ndola le certesse scuminsia scantinà e sempre de più se pensa de no falgia a passà la vita sensa esse tocai.

Lontan, i vinti ani i te varda ansimando, ma la morte t'ha cavao i fradei, t'ha obligao a pensai, a portate via i mominti più beli.

Tu sa che podarave esse i ultimi e podarave no esse al giorno dopo al sono inevitabile.

Sarè tera anche me quando la mia acqua la finirà de score, E al mar, che hè tanto amao, sarà al mio sielo.

Che gera?

E gera un moto comò de vento che cò i dii sui cavili mola gropi de ricordi che sbrissa sui oci verti. e gera la piova comò fondo de pitura pronto a spenelà domande su 'n anema ancora zovene e gera 'na testa comò scandagio soto al mar pè sercà soto al leto al destin desiderao ma desso ze un cuor disegnao col deo sul vero 'panao

Parole parole usae catae a ore perse su nastri de strade bagnae lagreme de inchiostro sbrissolose, e vaghe co giurni agitai da mancanse e noia. un intervalo de pensieri sparsi ingrumai in parole. parole che no le ze co mĂŠ adesso ma le rivarĂ , poche per volta, per no esagerĂ ....

Scamparemo scamparemo insieme noltri. tignindosi per man.

Te darè al tò mondo in dono 'ndola al mondo ze un puntin lontan. sensa ombre e sensa vinti tu sarà gnò sol e mia vita e sensa forze , te tignarè tra i dii. te vestirè de stele, comò velo lusente, e fando 'na riada, sensa gravità. scrivarè al tò nome in sielo.

Al tenpo no basta Mane umide sul viso a coverze un dolor lisiero che diventa rosso e spera 'na freva sbrissolosa de 'na smania che torna a fracĂ , a scoldĂ svardo fredo de un specio inbrunio da ociade tristi cussĂŹ la ragion te lassa e riva l'angoscia de un atesa stanca ma dolse ne la note che avansa al mio tenpo no basta e me serco de scanpai de man.

Prima e 'desso Una volta rievo mundi de più, piansevo anche più de 'desso.

Me rabievo facile e me esaltevo per ninte.

Gero cargo de sintiminti 'ndevo a torsio tra noia e alegria savevo duto del cuor, del sielo cognosevo ogni mio esse, vivo o morto 'Desso ze comò che vesso al torsicolo emotivo no me volto più indrio no sé più vardame intorno Per fissà garghedun devo fermame Prima sighevo 'desso domando prima me divertivo 'desso zogo prima spalanchevo i oci 'desso li strenzo prima vevo una vita a tresentosessanta gradi 'desso basta.

Prima mandevo a cagà al mondo 'desso la carta igenica la porto me.

Per caso per caso quando tu dormi sensa savè, co i dii te fasso sgrissuli e tu rii tu rii senza dismisiate cussi contenta del tò corpo tu rii tu son contenta de la vita anche dormindo me ricordo de quel giorno, tu m'ha dito: lasseme dormì devo finì un sogno.

Al Paese de i Corcali L' aria trema de ricordi, su 'sta tera la storia pesa.

I ani no i ne lassa ma i passa.

Me vago la, fin al mar nel paese de le aleghe, del sal.

Sento vose che conta storie fantastiche visionarie, 'ndola 'l ator ze l'imaginario.

L'anema vibra.

I eroi i nasse, i more resta la poesia.

L' orizonte te da vertigini I corcali, in libertĂ , i gira intorno al mondo no i ha paese, al so paese ze al mar