Tanto per di gargossa... ...in Alegria
For Graisani “Only” Di Giovanni Marchesan “Stiata”
Gradese D.O.C. -
Io volo a Cuba Poi vado a Rio Bisbiglia annoiata Una Lei. - Invesse me Che son nato in Cuba Risponde un Lui - Vago su’l Rio In Palu a ciapa gui! -
-
-
Quanto sabion che vien in tera... Ma no bastara’ A coverze Dute le bruture -Passate Presenti e future!-
-
Quanta zente in Ciesa Per fasse mete la cenere E duti sbassa ‘l cavo. Davanti de ‘l Paron Oniun fa ‘l bravo Ma fora de la porta... -e qua me manca la rimaSi!... Fora la porta de la Ciesa Duto como’ prima!
Nianche al osto Che te da’ de beve No ‘l volarave a d’esse In quel posto Dopo Che ‘l t’ha sbodao Al quinto bicer E tu T’ha scuminssiao A di Le solite monade...
-
-Mistier difissile ‘l nostro Dise un bagnin Del “reparto Sabbiature” - Tu devi coverze ‘l cliente Drento la busa... in quele calure. E dopo de un’ora Possibilmente VIVO Tiralo fora...-
Gereno Un dosso griso Sospeso tra mar e cielo Co’ sabion e fango Duto intorno La luna de note Al sol de zorno Gereno... -’Ste robe le ‘veno ‘ncora Ma seno un’oltra roba. -Menomal che oni tanto Vien l’aquagranda in Portanova...
-
La SAFICA Gera una vecia fabrica Per ‘nscatola’ ‘l pesse... ‘Desso a la’ I fa’ un’oltra fabrica Piu’ moderna...ACCOGLIENTE. Una fabrica Per ‘nscatola’ la zente!
-Senta Lei che e’ gradese A che ora passa l’autobus Per la “Pineta”?-Siora Per la “Pineta” no se’ Ma de siguro a le oto Passa quel che va’ in “Taroto”-
Co belo “Il Museo del Mare” De fora Al xe duto un specio. ...e la nave antiga? -I la mete co’ ‘l museo deventa vecio...
Onda va Un’ onda vien E noltri seno in meso. Speremo ben...
Su’ reparo Gheta vento cruo E fora, xe un poca de mareta. Per quili co’l cavo nuo Xe megio ficasse la bareta. Qui veci che vol fa i spavaldi E nianche ‘nbotonasse ‘l tabaro Doman, se va ben, I sara’ qua co’l cataro...
Al se ha messo Co’l pesse bon... Elo No ‘l ha capio Che al di de incuo No quel scartao Ma ‘l pesse bon Xe al primo A d’esse magnao!...
‘Ste mamole nove Che camina incuo per stra’ Le ha dute i vogi in rie Le ha dute un bel sta’. Lisiere le xe Sbrumose como’ restie... E soto Quele piture in viso Como’ le sove none de palu’ Le ha bose salda e antiga Anche se invesse de reparo Le dise “Diga”...
Aquasalagia Sabion e Palu’. Duto ‘l resto ‘Veno fato noltri. Cu’...? Cu’ ha sbaliao de piu’!
Scusi... Da che parte sta’ la Diga? -Su ‘l reparo sioraE la passeggiata a mare? -Su ‘l reparo incoraScusi...ma che vuol dire? -Siora... Xe difissile de “capire”-
Mamolo! No sta’ fame sinti foresto Desendome - Lei la xe de Grado?Anche se me He un pochi de ani de piu’ e tu, t’ha ‘l telefonin Vinimo duti do’ de’l palu’ Opur de “Strunsulin”...
Me vien senpre mal La rima co’ - RISTRUTTURAZIONE Un tecnico che val Me ha sugerio - DEMOLIZIONE...-
-
Tenpo indrio Se cognosseveno duti Siuri e poviri Beli e Bruti... ‘Desso duto ‘l mondo Ha quatro soldi in scarsela Cussi Se mascheremo La’ che ‘ndeno Quel che feno Cu’ che seno... -Ma co’ verzeno la boca Se reveleno Duti... Elo, me e anche tu Perche’ Palu’...resta palu’!
-
Giovanni Marchesan Stiata,
graisan, è autore teatrale prima che poeta e le sue opere sono state rappresentate ovunque trasportando di peso il nostro piccolo mondo condendolo con un commovente senso di umanità accompagnato da una lucida saggezza da umorista. I suoi versi, iniziano tutti con la maiuscola, sono moderni e rappresentano i vezzi dell'ambiente e della gente, guizzano veloci senza rime obbligate, senza nessuna pretesa intellettuale. La brevità è una componente essenziale della sua poesia che è da "sentire" non da "capire". Una grande umanità permea tutto perchè Giovanni Marchesan Stiata è l'uomo della porta accanto che sente il bisogno di esternare i suoi pensieri ma senza farli pesare, perchè gli va. Questa raccolta - Tanto per dì gargossa... in Alegria...- nasce dall'amicizia e dall' interesse che Giovanni ha provato per le nuove tecnologie di comunicazione. Parlando con lui davanti a un bicchiere di vino l'ho convinto che si poteva pubblicare un libro per un pubblico potenziale enorme a costi zero. Questa è la sua sfida ai nuovi orizzonti - un mondo antico mostrato con tecniche moderne, una riflessione in velocità, senza contraddizione ma a braccetto.
Lugnan Ennio