Os determinantes

1

Na procura dos soños

Acadar os soños ou os obxectivos que nos marcamos non resulta doado, require constancia e moito esforzo para non renderse ante os primeiros atrancos. Nalgúns ámbitos hai que enfrontarse ademais a prexuízos por causa da cor da pel ou do sexo. Así sucede en ocasións na práctica deportiva. Mais o deporte é tamén unha ferramenta de transformación que axuda a superar dificultades e limitacións e que se converte en fonte de empoderamento e de realización persoal.

Que vantaxes ten a práctica habitual dalgún deporte?

Cal é o teu deporte favorito? Por que?

E ti que opinas?

DEPORTE E SUPERACIÓN

Que valores transmite a práctica deportiva? Existe plena igualdade no mundo do deporte?

Coñeces deportistas que triunfasen malia a súa orixe? Coñeces deportistas que triunfasen malia algunha discapacidade física ou intelectual?

Consideras que as mulleres teñen igualdade de oportunidades no deporte?