Escenografía para unha noite de lúa

Asemblea de ideas Sigue os pasos e crea unha escenografía nocturna cos elementos que ti queiras.

1 Reúne os seguintes materiais. Pinta o exterior da caixa de cor negra.

2 Forra o interior da caixa co papel azul. Pinta o chan de cor gris.

3 Engade salpicado branco para crear efecto estrelado.

Papel pinocho azul

Caixa de cartón de aproximadamente 45 x 35 x 20 cm

Cartolina negra

Papel de xornal

Cartolina branca

4 En cartolina negra, debuxa e recorta os edificios. Engade detalles.

5 En cartolina branca, debuxa, colorea e recorta o resto dos elementos.

6 Pega os elementos en dous planos: ao fondo, os edificios, a lúa e o gato; en primeiro plano, os demais.

O cine de animación de Brenda Chapman e Tim Burton

Brenda Chapman (1962) é unha directora, guionista e animadora estadounidense. Dirixiu a película O príncipe de Exipto (1998) dos estudos DreamWorks Animation, o que a converteu na primeira muller en dirixir unha película animada nun dos estudos de animación máis importantes.

Despois dirixiu outras películas como Brave (2012), para a que creou o personaxe dunha dama medieval que rompe con todos os estereotipos de princesas característicos das películas de Disney.

Tim Burton (1958) é un director de cine, escritor e debuxante estadounidense. As súas películas, inspiradas en grandes obras da literatura gótica, caracterízanse por un estilo moi orixinal, con personaxes únicos e atmosferas tenebrosas cargadas de detalles.

A súa técnica de animación favorita é o stop motion, que consiste en tomar fotos fixas a bonecos articulados en distintas posicións, para conseguir sensación de movemento. Utilizou esta técnica en películas como A noiva cadáver (2005).