Kolofon

Gelok sit yn in lyts romperke

Lokwinske,

jim binne krekt heit&mem wurden!

Heit en mem fan jim bern, ien fan de nije generaasje, in generaasje dy’t ús wrâld wer in bytsje moaier meitsje sil. En wat fi jn datsto dyn bern dêr de boustiennen foar meijaan meist.

Wy hoopje dy wat boustiennen jaan te kinnen foar it heit&mem-wêzen. Yn dizze Lytse heit&mem ha wy artikels set dêr’tst hooplik echt wat oan ha silst. Lykas hoe’tst wer in bytsje gau fi t wurde kinst nei de befalling. Mar ek oer de meartalige situaasje dêr’t jim bern yn opgroeie sil. Hoe kinst dy it bêste stimulearje?

Ast krekt (wer) heit en mem wurden bist, hast de hannen fol en kinst altyd wol wat handige tips brûke. Mar krekt lykas alle heiten en memmen silst ek wolris in foutsje meitsje. Op side 58 lêst in oantal begjinnersfoutsjes dy’t oaren makke ha doe’t se krekt heit en mem wienen. Mar it moaie dêrfan is: do silst se net gau in twadde kear meitsje.

Fierderop yn dizze lytse útjefte fan heit&mem fynst ek noch in artikel oer in moaie babykeamer, apps foar lytskes, babyboeken en grappige bernepraatsjes. En op side 48 sjochst allegear moaie poppen dy’t it ôfrûne jier berne binne yn Fryslân.

En dan hast fansels noch de boarstfi eding. Wat is no écht handich om te witten? En hoe dogge oaren it eins wat it sliepritueel oanbelanget?

Koartom, genôch te lêzen yn dizze Lytse heit&mem. Om fi erder mei te bouwen. Om troch te jaan oan dyn bern, ús nije generaasje. Wy ha der alle betrouwen yn!

In protte lêswille tawinske! De redaksje fan heit&mem

PS Wolst noch mear lêze? Heit&mem is ek te fi nen op heitenmem.nl en te folgjen fi a: