Spitali i specializuar FILIP VTORI
UDHËZIM PËR PACIENTËT АBP HOLTER MONITORING (monitorim i shtypjes së gjakut) HOLTER 24 – ORË EKG (monitorim i ritmit të zemrës)
02 / 3091- 484
1
Ç’është ЕКG holter monitoringu ЕКG Holter-monitoring paraqet inçizim në kontinuitet të ritmit të zemrës gjatë 24 orëve, derisa i kryeni aktivitetet tuaja të përditshme. Shërben për detektimin e ritmit jo të rregullt të zemrës dhe për caktimin e terapisë.
Çfarë mund të pres kur të vendoset aparati Аparati për ЕКG holter-monitoring do t’ju vendoset në ambulantën e qendrës urgjente për diagnostifikim “Filipi Vtori”. Me vete duhet të sillni gjetjet nga shikimi i fundit intern dhe listën e fundit të terapive nëse merrni një të tillë. ЕКG holteri rregullohet në atë mënyrë që disa elektroda të vogla ngjitëse vendosen në gjoks për t’i detektuar sinjalet elektronike të zemrës dhe për t’i dërguar deri te portabël-rekorderi që e mbani në këllëfin e rripit. Ky nuk e inçizon zërin apo ndonjë lloj zhurme tjetër përveç punës së zemrës suaj. Pas mbarimit të inçizimit nëpërmjet kartelës elektronike të dhënat e inçizuara barten në kompjuter ku bëhet leximi dhe analiza e rezultateve. E patjetërsueshme është të mbani evidencë për aktivitet tuaja: kohën e aktiviteteve fizike, pushimin, kohën e marrjen së terapisë( nëse merrni) dhe të gjithë simptomat që do t’i ndjeni. Krahas aktiviteteve të përditshme domosdoshmërisht duhet të bëni disa episode të lodhjes në gjatësi 15-30 min. (ecje në përpjetëza, ecje të shpejtë, hipje dhe zbritje nëpër shkallë). Pas 24 orëve ktheheni prapa për të hequr Holterin dhe për të analizuar rezultatet.
2
Çfarë nuk duhet të bëni derisa e mbani aparatin nuk duhet të prekni elektrodat dhe aparatin; nuk duhet të laheni derisa e mbani holterin; duhet ta ruani nga goditjet fizike; shmangni ngritjen e peshave të mëdha e të rënda dhe mbajtjen gjatëkohë të duarve lart. Telefoni celular dhe kompjuteri nuk e pengojnë punën e holterit
Çfarë mund të pres pas marrjes së rezultatit Pas marrjes së rezultatit mjeku i juaj lexon dhe sqaron rezultatin dhe varësisht prej tij cakton terapinë dhe trajtimin tuaj të mëtutjeshëm.
Ç’është АBP monitoringu АBP monitoringu është monitorimi në kontinuitet i shtypjes së gjakut gjatë 24 orëve, derisa i kryeni aktivitetet tuaja të përditshme. Me të zbulohen variacionet në vlerat e shtypjes së gjakut dhe diagnostifikohet sëmundja e hipertensionit. Ky ndihmon që terapia e shkruar të dozohet sipas ritmit të ditës dhe të arrihet shërim efikas i shtypjes së lartë të gjakut, i cili nëse nuk trajtohet në mënyrë përkatëse çon në infarkte të zemrës dhe të trurit, sëmundje të veshkave etj.
3
Çfarë mund të pres me vendosjen e aparatit Aparati ABP monitoring do t’ju vendoset në ambulantën e Qendrës urgjente diagnostike “Filip Vtori”. Planifikoni ditën kur keni caktuar kontrollin për të mos vozitur automjetin në relacione të gjata dhe për të mos kryer punë të rënda fizike. Aparati përbëhet nga një manshetë e cila vihet në dorën tuaj dhe një portabël-rekorder i cili regjistron matjet e shtypjes së gjakut (qëndron në këllëfin e rripit). Në periudhën ditore matjet kryhen çdo 30 minuta, ndërkaq në periudhën e natës çdo 60 minuta. Matjet e pasuksesshme përsëriten në interval prej 3 minutash. Gjithmonë kur fillon matja, reduktoni aktivitetin tuaj fizik në minimum, ndërkaq dora në të cilën e mbani manshetën le të pushojë. Rezultatet e matjeve nuk do të tregohen në displejin. Është e domosdoshme të mbani evidencë për aktivitetet tuaja, si: kohën e aktiviteteve fizike, pushimin, kohën e marrjes së terapisë (nëse merrni) dhe të gjitha simptomat të cilat i ndjeni. Krahas aktiviteteve të përditshme domosdoshmërisht duhet të bëni disa episode të lodhjes (ecje në përpjetëza, ecje të shpejtë, ngjitje dhe zbritje nëpër shkallë). Pas 24 orëve ktheheni prapa për ta nxjerrë aparatin dhe për t’i përpunuar në mënyrë kompjuterike të dhënat.
Ç’duhet të dini derisa e mbani aparatin Nëse aparati fillon të masë vazhdimisht, në çdo 5 minuta, na kontaktoni në tel. 02/3091-484 dhe konsultoni një infermiere se si të veproni në mënyrë të përshtatshme. Duhet të keni kujdes për të mos e lëvizur dorën në të cilën e keni manshetën dhe për të mos mbajtur barrë në të ndërsa zgjat matja.
Çfarë mund të pres pas marrjes së rezultatit Pas përpunimit të të dhënave, rezultatin e lexon mjeku, i cili cakton terapinë dhe trajtimin tuaj të mëtutjeshëm. Nëse është e nevojshme, ai do t’ju udhëzojë në hetime të mëtutjeshme.
4