Der Reiche guckt in’s Pock’t-buch nei Mit Wasser in de Aage, Un saagt’s Geld kummt net schtarrich genunk nei Un fangt aa zu klaage.
TOUCH OF DUTCH Submitted by Larry Gradwohl
Unzufriddeheit unner de Mensche Mer hen en gross un reiches Land, Des brauch mer Leit kaum saage, Sie hen schier alles in der Hand, Doch duhn sie alsfatt klaage.
Ee Mann saagt’s iss mir zu kalt, Un weil es kalt iss, schellt er, En annrer dem die Hitz net gfallt, Wunscht es waer noch viel kelder. Im Summer wann die Hitz aageht, Dann duhn mer oftmols saage, „Oh! Wann es yuscht mol rege deedt Fer drei, vier ganze Daage.“
An Lewesmiddel fehlt’s uns net, Net oft an Schtrimp un Schuh, En yeder hot sei waarmes Bett, Un Gleeder aazuduh.
Un wann es noch zu lang aahalt, Un Sach fangt aa zu faule, Dann heert mer bald, dass Yung un Alt Gaar heftich driwwer-maule.
Mer hen aa Heiser, gross un glee, Un Offe uns zu waerme Darrich all die kalde Winders Schnee Un darrich die kalde Schtaerme.
Un do iss gaar nix in der Welt, Iwwer was Leit so klaage, Als iwwer Rege, Eis un Kalt, Un waar‘m un heese Daage.
Mer sott doch denke all de Leit, Umringt mit so viel Sache, Sie waere immer gsaettisfeit Un deede alsfatt lache.
Sie klaage schier gaar alle Zeit, Mer sehnt sie net oft Lache; Un warre aa net gsaettisfeit, Bis sie mol Wedder mache.
Des iss doch awwer net der Fall, Mer heert’s yo alle Daage, Dass unser Friend un Nochber all Behaft sin mit dem Klaage.
Un wann’s so kummt in unsrer Zeit, Ich saag gewiss ken Lieg, Dann gebt es gaar erbaermlich Schtreit Un Fechterei un Grieg.
Der Aarme heert mer dann un wann, Er klaagt er hett ken Geld, Un meent er waer der aarmschde Mann In all der grosse Welt.
En Maedel klaagt sie hett ken Boh Un lang genunk gewaart hett, Sie waer zufridde mit dem Joh, Continued on page 40
Jack Follweiler’s Garage COMPLETE MECHANCIAL WORK
Over 35 Years Experience
All Work Guaranteed WE BUY
USED OR UNWANTED
AUTOS
6932 Jay St. Slatington, PA 18080
610–767–4414
NOVEMBER 19, 2020 || townandcountrygazette.com
39
