Touch of Dutch

Submitted by Larry Gradwohl

Es Gleichnis vun de Schaffleit im Drauwe-gaarde

Mattheus 20:1-16 Amish Bible

1 “Es Himmel-reich iss wie en Bauer, wu mariyets frieh nausgange iss fer Schaffleit dinge fer sei Drauwe-gaarde. 2 Un nooch dem as er un die Schaffleit eenich waare, as ihre Loh ee Schtick Geld der Daag sei soll, hot er sie in sei Drauwe-gaarde gschickt. 3 Un noh baut nein Uhr iss er widder nausgange un hot annri gsehne am Market-blatz rumschteh am nix Duh. 4 Un er hot zu ihne gsaagt, ‘Gehnt aa in mei Drauwe-gaarde un was ewwer, as recht iss, bezaalt ich eich.’ Noh sin sie gange. 5 Noh baut middaag un widder an drei Uhr, hot er seem Ding geduh. 6 Baut an die fimf Uhr iss er widder naus gange un hot alsnoch annri gfunne am datt Schteh. Noh hot er sie gfrogt, ‘Fer was schteht dihr do der ganz Daag un duhnt nix?’ 7 Sie hen gsaagt zu ihm, ‘Weil nimmand uns gedunge hot.’

8 Un wann owets kumme iss, hot der Eegner vum Drauwe-gaarde gsaagt zu seim Iwwer-sehner,

‘Ruf die Schaffleit bei un geb ihne ihre Loh. Schteht mit die letschde un geh nuff bis die eerschde wu gedunge waare.’ 9 Un wann selli, wu gedunge waare am fimf Uhr kumme sin, hen sie ee Schtick Geld grickt. 10 Endlich wann die eerschde kumme sin, hen sie gedenkt sie griehe meh, awwer yeder vun ihne hot aa yuscht ee Schtick Geld grickt. 11 Un wann sie ’s grickt hen, hen sie gegrummelt iwwer der Bauer, 12 Un hen gsaagt, ‘Die Letschde hen yuscht ee Schtund gschafft, un du hoscht sie gleiche gemacht mit uns, wu der ganz Daag