Se queres preparante para obter un B1 (e proximamente, B2) en inglés, certificacións indispensables para obter moitos graos universitarios hoxe en día, podes facelo no curso de inglés a distancia That's English!, que se imparte no IES Xesús Taboada Chivite de Verín. O That's English! é a modalidade a distancia da Escola Oficial de Idiomas. É dicir, só tes unha clase semanal de hora e media de duración, pero os cursos e certificados son os mesmos (a túa matrícula, que formalizas na administración do IES Taboada Chivite, é enviada á EOI de Ourense, así que es un alumno máis desa EOI, pero a distancia). A matrícula, que custa 182 euros, inclúe clases todo o ano, CDs, DvDs e acceso a unha plataforma online. Podes formalizala entre mediados de setembro e finais de outubro, e solicitar facer unha proba de nivel (proba VIA) para acceder a un curso superior. Se non queres facer proba de nivel e remataches 4 ESO , accedes directamente a Básico 2, e se remataches 2º de Bacharelato, a Intermedio 1.
Tes máis información: - Na web do IES Taboada Chivite: http://www.iesxesustaboada chivite.org/thats-english - Na web do That's English!: http://www.thatsenglish.com - Chamando ó IES Taboada Chivite (988410041) e preguntando pola profesora do Dpto de Inglés Isabel Cota
That's English! IES Xesús Taboada Chivite