Kalahari Bulletin 28 Feb 2013 by kalaharibulletin

28 FEBRUARIE 2013

VERSPREIDINGSGEBIED: UPINGTON, KEIMOES, KAKAMAS, GROBLERSHOOP, KATHU, KURUMAN, DANIËLSKUIL, OLIFANTSHOEK, POSTMASBURG

GRATIS

TEL. 0543313482

Roeiers kom toon ver rnuf

Neem aan marathon deel Lizette Slabber DIE Groen Kalahari-kano-marathon vind vanjaar die tweede keer plaas en beloof om net so ’n groot sukses te wees as in 2012. Vanjaar gaan die roeiers die driedaagse marathon van 21 tot 23 Maart van Upington tot by Khamkirri naby Augrabies aanpak. Verlede jaar was die marathon in K2-formaat, maar word vanjaar in K1-formaat aangepak. Die kode verwys na die aantal mense in die kano. Gawie Nieuwoudt, organiseerder, sê die marathon is verlede jaar deur van SuidAfrika se bekendste roeiers bygewoon. “Die roeiers het veral die omgewing en sy mense, die vriendelikheid, gasvryheid en die veiligheid op die water as hoogtepunte uitgesonder. Hulle dink dit was een van die beste marathons tot nog toe in Suid-Afrika,” het hy gesê. Die marathon het nie net groot toerisme-waarde vir die streek ingehou nie, maar ook wêreldbekende roeiers na die streek gebring. Volgens Nieuwoudt is Hillary Pitchford en Abby Adie, wat die vrouewenners was, onder die tien topvroueroeiers ter wêreld. Lance King, Heinrich Shloms, Eric Zondi (derde in vanjaar se Dusi), Michael Mbandwa (voormalige Dusi-wenner), Pierre-André Rabie en Gavin

White het almal verlede jaar aan die marathon deelgeneem en beloof om vanjaar terug te keer. Shloms en King het verlede jaar gewen. Die Groen Kalahari-kanomarathon bied ’n wonderlike toerisme-inspuiting vir die omgewing. “Ons was baie gelukkig, want etlike tydskrifte en koerante het oor ons geskryf en ons was verskeie kere op televisie. “Ons reken ons het ongeveer R1 miljoen se blootstelling aan die toerisme-omgewing verleen,” het Nieuwoudt gesê. Verlede jaar het 48 roeiers deelgeneem, maar Nieuwoudt hoop vanjaar sal 100 roeiers die marathon aanpak. “Belangriker is egter dat ons groter gemeenskapsbetrokkenheid wil hê. By die wegspring, plekke langs die rivier en by die einde moet daar oral mense saam met ons kom kuier. “Dit is die grootste sportbyeenkoms in die streek, kom neem deel.” ) Op dag een roei die deelnemers van Upington tot by Oranjerus (34 km), op dag twee roei hulle 39 km vanaf Ikaia op Keimoes tot by Die Mas op Kakamas. Op dag drie spring hulle by Die Mas op Kakamas weg en eindig ná 26 km by Khamkirri op Augrabies. Vir verdere inligting besoek www.gkcm.co.za of www.facebook.com/gkcanoemarathon.

DIE tweede Groen Kalaharikanomarathon vind van 21 tot 23 Maart van Upington tot by Augrabies plaas.

Foto: Verskaf

KALAHARI BULLETIN, DONDERDAG 28 FEBRUARIE 2013

Nalatigheid glo rede vir sterfte Ruan Bruwer ’n KLAG van strafbare manslag word deur die polisie ondersoek nadat moontlike nalatigheid tot die dood van ’n vragmotorbestuurder gelei het. Die nalatige oopstel van ’n pad waaraan ge-

werk word vir verkeer in albei rigtings kon moontlik tot die noodlottige botsing aanleiding gegee het. ’n Boer van die Grootdrink-distrik, Pieter Theron, is dood en nog ’n man ernstig beseer toe Theron se druiwevragmotor Donderdagmiddag sowat 40 km buite Groblershoop op die N10 teen ’n ander vragmotor gebots het. Die bestuurder van die ander voertuig, Kobus Burger, is ongedeerd, maar ’n insittende, Gordon Ntong, het beenbreuke opgedoen en is in die intensiewesorgeenheid in die Kimberley-hospitaal. Hy moes deur die brandweer uit die vragmotor bevry word. “Hy is nie by sy positiewe nie, maar reageer wel,” het Wollie Burger gesê wat saam met sy broer, Kobus, op die Opkyk-landgoed by Grootdrink boer. Hy meen daar was sonder twyfel nalatigheid aan die kontrakwerkers se kant. Die botsing is moontlik veroorsaak deurdat die werkers die pad oopgestel het nog voordat die padtekens verskuif is sodat die padverbruiker kon sien in watter baan gery moet word. “Ek het self so 15 minute voor die ongeluk dieselfde pad gery en het gesien hulle is besig om die padteken te verskuif, want hulle was op pad huis toe.” Volgens lt. Sergio Kock, polisiewoordvoerder, word die presiese besonderhede van die ongeluk nog ondersoek. “Na bewering het ’n vragmotor wat van Groblershoop na Grootdrink op pad was uitgeswaai vir ’n padteken in die pad en dit het van voor teen ’n aankomende vragmotor gebots.”

DIE twee vragmotors wat Donderdagmiddag sowat 40 km buite Groblershoop op die N10 teen mekaar gebots het en die lewe van ’n boer van die Grootdrinkomgewing, Pieter Theron, geëis het. Foto: Verskaf Volgens ’n ingenieur wat op konstruksieterreine werk, Francois Burger, is dit van kardinale belang om die verkeer aan albei kante te keer wanneer tweerigting-verkeer by konstruksieterreine herstel word. “In hierdie tyd het die kontrakteur tyd om alle tydelike verkeerstekens te verwyder om sodoende nie verwarring te veroorsaak wanneer die pad weer vir verkeer oopgestel word nie. “Uit ondervinding is dit baie moontlik dat dié proses nie volgens prosedure plaasgevind het nie,” het Burger verduidelik.

Vyf in ongeluk beseer Anena Burger en Charné Kemp

VYF mense is beseer in nog ’n ongeluk waarin ’n toetsmotor betrokke was. Dit is die tweede toetsmotor-ongeluk in die afgelope paar maande. Vyf mense is verlede Dinsdag met ligte beserings in die Gordonia-hospitaal opgeneem nadat ’n Porsche-toetsmotorbestuurder na bewering versuim het om by ’n padwerkversperring te stop. Die bestuurder het by twee vragmotors verbygery en veroorsaak dat twee bakkies teen mekaar gebots het. Dit volg op die noodlottige ongeluk ’n maand gelede waarin ’n SANParke-bestuurder en sy dogter omgekom het. Dié Golf VII-toetsmotorbestuurder is onlangs weens hul dood aangekla. Die jongste ongeluk het omstreeks 07:00 op die N14 by die Ses Brugge-afdraai gebeur. Volgens Enslin van der Westhuizen, bestuurder van Supa Quick op Upington, was sy

16/35

19/39

SW5

personeel op pad werk toe. Hulle was in ’n konvooi motors wat deur die padwerkversperring gery het. Die Porsche-bestuurder, wat van voor gekom het, het twee vragmotors verbygesteek wat by die padversperring gestop het. Hoewel beamptes by die versperring die Porsche-bestuurder probeer stop het, het hy glo verby gejaag. Die bestuurders in die aankomende baan het die toetsmotor probeer vermy. Van der Westhuizen sê sy personeellid het beheer verloor en teen die bakkie voor hom gebots. Die werknemers van Supa Quick, Tom Okkies, Nicolaas Koopman, Aubrey Esau, Lewies Duimpies en Ricardo Plaatjies, is gistermiddag uit die Gordonia-hospitaal ontslaan. Volgens kapt. Jacques September, polisiewoordvoerder, ondersoek die Rosedale-polisiekantoor ’n klag van roekelose of nalatige bestuur. ) Benjamin Werkshage (30), ’n werknemer van Volkswagen, is op 7 Februarie op borgtog van R200 000 vrygelaat nadat hy op twee aanklagte van moord in die hof op Upington verskyn het. Die verhoor is tot 7 Augustus uitgestel. Dit kom nadat die direkteur van openbare vervolging die klag van strafbare manslag na moord verander het. 20/39 Werkshage was na bewering op 26 JanuNW5 arie sowat 70 km buite Upington op die pad na Askham in ’n

Hy meen wat moontlik gebeur het, is dat swak beplanning of kommunikasie daartoe bygedra het dat verkeer van albei kante te vroeg toegelaat is om te ry. “Volgens ooggetuies was die werkers steeds besig om die tekens van die middellyn van die pad te verwyder toe die verkeer van albei rigtings die pad begin gebruik het. “As gevolg hiervan was daar duidelik ’n voorval waarin die dieselvragmotor ’n noodrem moes gebruik omdat die bestuurder nie kon uitswaai weens die aankomende verkeer nie.”

SÓ lyk die skade aan die bakkie van die Supa Quickonderneming wat vir ’n Porschetoets motor moes uitswaai wat na bewering ver suim het om by ’n padwerkversperring op die N14 buite Upington te stop. Foto: Anena Burger botsing reg van voor betrokke. Hy het volgens ooggetuies glo aan die regterkant van die pad gery. Raymond Jansen (38) en sy tienjarige dogter, Kaitlyn, is in die botsing dood. Die impak van die ongeluk het albei motors aan die brand laat slaan. Jansen was in die motor vasgepen waar hy doodgebrand het. Sy vrou, Amanda, en seun Raymondé (13 maande), is later na die die Mediclinic, George, oorgeplaas. Hulle is ontslaan en sterk by die huis aan. “My seuntjie kan nog nie loop nie, want sy gebreekte linkerbeen het nog plate in. Sy steke word vandag uitgehaal. My regterbeen en linkerarm is gebreek. Ek het ’n pen in my been. Ek sal eers oor drie maande kan loop,” sê Jansen. Haar seun Bradley (16) sukkel nog om die dood van sy pa en suster te verwerk.

KALAHARI BULLETIN, DONDERDAG 28 FEBRUARIE 2013

Twee van streek in nuwe bundel Lizette Slabber ’N BORDJIE VERGIFNIS, ’n bundel kortverhale, is Vrydagaand in The Mill op Upington bekend gestel. Die bundel, saamgestel deur Anzil Kulsen, bekende skrywer op Upington, bevat inspirerende kortverhale deur bekende mense soos Amy Kleinhans, Christo Davids (van 7de Laan) en ook gewone mense wat hul inspirerende stories met ander mense wou deel.

Kulsen sê Lapa wou ’n nuwe genre van ’n Christelike en inspirerende aard aanpak. Sy en Lapa het dus op die idee gekom om inspirerende verhale in ’n bundel saam te voeg. Bekende televisie- en radio-persoonlikhede is genader en die tydskrif Kuier het ’n kompetisie begin waarin hy mense gevra het om hul stories in te skryf. Volgens Kulsen is meer as 200 inskrywings ontvang en het twee van die skrywers wat gekies is, van

Upington en Kakamas gekom. Lisl Fair van Kakamas se verhaal is onder die skuilnaam Elizabeth Hancke in die bundel ingesluit. Fair sê die geskiedenis van Kakamas het haar geïnspireer. “Ek en my gesin het eendag ’n koppie naby Kakamas geklim en toe dink ek aan die film An Englishman who climbed up a hill and came down a mountain en ek dink aan hoe die eerste inwoners van Kakamas die kanaal met die hand

gegrawe het en hoe dit hulle moes verander. “Daarby het die verhaal van vroue wat randfigure in daardie tyd was my altyd gefassineer. En daar het die verhaal ontstaan.” Hoewel Fair die skryf van ’n kortverhaal as moeilik en uitdagend beskryf het, het Joanna Gouws van Upington haar kortverhaal in slegs een dag geskryf. “ ’n Foto van ’n vriendin toe sy klein was het my eendag opgeval. Ek was so vasgenael deur die hart-

seergesiggie op die foto dat ek sommer begin huil het. Ek het een oggend opgestaan en die verhaal in een dag geskryf en nog twee dae gevat om dit te redigeer.” Volgens Kulsen is al die verhale in die boek gekies, omdat hulle wys “dit nie saak maak wat jou omstandighede is nie, daar is altyd hoop”. En met dié resep het sy beslis ’n wenner geskep, want volgens Kulsen is daar sedert die boek in Desember uitgereik is reeds meer as 800 boeke verkoop.

’N BORDJIE VERGIFNIS.

LISL FAIR en Joanna Gouws se kortverhale is in die boek ’n Bordjie Vergifnis ingesluit. Dié boek is deur Anzil Kulsen saamgestel. Van links is Fair, Kulsen en Gouws. Foto’s: Lizette Slabber

KATHU PLUMBING SPECIALS !!!!!!!! WHILE STOCKS LAST

13 IAN FLEMMING STR, KATHU Tel: 053-7232670 Trading Hours:

E&OE. WHILE STOCKS LAST. PICTURES ARE A REPRESENTATION THAT MAY VARY. CREDIT AVAILABLE subject TO APPROVAL. ALL PRICES VAT INCLUSIvE.

KALAHARI BULLETIN, DONDERDAG 28 FEBRUARIE 2013

Kalahari ál gewilder DIE besondersheid van die Groen Kalahari word ál meer deur toeriste van Suid-Afrika en ook die buiteland ontdek. Dit is eintlik opvallend hoe baie toeriste in viertrekmotors in die strate rondry en selfs hoe gereeld ’n mens vreemde tale in winkels hoor. Dit is asof die aantal buitelanders die afgelope paar jaar eksponensieel toegeneem het. Dit is nou wel waar baie van dié mense wat vreemde tale in die winkels praat, is mense wat by die toets van motors of die bou van sonparke betrokke is, of net buitelanders wat by die kelders betrokke is, maar nogtans is daar ’n groot toename in die aantal toeriste wat die streek besoek. Dit is te verstane, want die natuurskoon, interessante plantegroei en dierelewe maak die streek werklik iets wat elke toeris behoort te besoek. Die drie toeristeroetes – die Ko-

kerboomroete, die Rooiduinroete en die Boegoeberg-ekoroete – stel die gemeenskap en die omgewing pragtig ten toon. Die Groen Kalahari-kanomarathon beloof om binne ’n paar jaar een van die groot kano-uitdagings in Suid-Afrika te wees. Daarom lyk dit al hoe meer asof Upington verby sy status as oorslaapdorp beweeg het om ’n volwaardige toeristemekka uit eie reg te word. Die kopskuifbal is aan die rol met die dat mense Upington nie meer as net die deurgang na Namibië of die Kgalagadi-oorgrenspark beskou nie, maar as ’n plek waarop gesinne met gemak ’n week of twee kan kom bly en ’n besonderse ervaring kan beleef. Die hele omgewing kan tog net baat by ’n toename in toeriste en dalk, net dalk, bring die stoomtreine nog meer buitelandse toeriste wat hul sterk dollars en euro’s hier in ons streek kom bestee.

Tref geestelike voorsorg Philip van Vuuren DIEFSTAL, inbrake en roof is nie meer ’n vreemde verskynsel op Kuruman, of in Suid-Afrika, nie. So word ons toe ook ’n teiken. Een môre om 04:00 word ons deur die aanhoudende geblaf van die honde gewek. Ek besef iets is verkeerd. Met die oopmaak van die voordeur vind ek ’n oopgebreekte hek en ’n half afgeskroefde slot aan die voordeur. Terwyl ek nog verbaas probeer ondersoek instel, hardloop die skelm voor verby en slaan op die vlug. Dit was my eerste ondervinding, maar genoeg om my en my gesin te ontwrig. En dit het my laat dink aan Johannes 10:10: ’n Dief kom net steel en slag en uitroei; Ek het gekom sodat julle lewe en oorvloed sal hê. Diefstal en inbrake is so oud soos die berge self. So het die dief sy inbraak gemaak in die tuin van Eden destyds met die sondeval. Hy het nie belang gestel in materiële dinge nie. Hy het die mens kom beroof van sy heerskappy, hy het hom beroof van sy liefde vir God en vir mekaar. Hy het van hom ’n vlugteling gemaak dat God hom moes soek en in Genesis 3:8 moes vra: Mens waar is jy? Wanneer ’n dief by jou inbreek, is dit nie net waardevolle dinge wat hy steel nie, maar ’n stukkie van jou siel wat hy saamneem. Hy los spore van vrees, twyfel en angs. Sê nou hy kom weer? Jy word van jou vrede besteel en hy wek aggressie in jou aan. ’n Inbraak het nie net ’n invloed op jou besittings nie, dit raak jou hele gees, siel en liggaam.

Net ná so ’n poging skerp ons ons persoonlike veiligheid op. Slotte, grendels en drade word aangebring. Ons sluit ons by die buurtwag of veiligheidsmaatskappy aan om ons te help as so iets weer sou gebeur. Daar is baie maniere om ons huise en eiendom en lewe te probeer beskerm en beveilig. Maar watter geestelike en sielkundige voorsorg tref ons om ontslae te raak van die spanning, vrees, twyfel en angs wanneer die aand en nag aangebreek het en jy vir elke geluidjie en gekef van die honde opspring? Ons is so gefokus op ons besittings en skatte, maar wat van ons siel? Matteus 6:19: Moenie vir julle skatte op die aarde bymekaarmaak, waar mot en roes verniel en waar diewe inbreek en steel nie. Maak vir julle skatte bymekaar in die hemel waar geen mot of roes verniel nie en waar diewe nie inbreek en steel nie. . . . Want waar julle skat is daar sal julle hart ook wees. Met geestelike voorsorg dwing die Here ons as gesin om weer die Woord nader te bring en soos in die ou dae boeke te vat. So begin ons weer te bid en besef ons is van die Here afhanklik. Ons sal ons geloof, ons geluk, ons vrede as skatte moet versamel, want dit is ons behoud. (Past. Philip van Vuuren is ’n leraar van die AGS-gemeente Oasis op Kuruman en kan by 082638-9474 gebel word.)

’n SATERDAGMIDDAG langs die viswater van die Oranjerivier. Stywe lyne in ’n ry en sommer net lekker in die sand sit terwyl jy wag vir die grote om die aas te gryp. Foto: Anena Burger

Bome beskermd INWONER, Kuruman: EK rig die skrywe, omdat ek bekommerd oor die afkap van kameeldoringbome in die veld oorkant Fonteinstraat 33 tot 39 is. Ek en my kinders loop elke aand om die blok en het opgemerk afgesaagde takke lê oral in die veld. Een aand was daar ’n bakkie met ’n vol vrag takke in die veld. Toe ons nou die aand weer gaan stap het, was ’n groot kameeldoringboom afgesaag. Ek kom oorspronklik van Kathu en weet dus dié bome mag nie net afgekap word nie. Daar moet eers toestemming by Natuurbewaring verkry word. Al was die bome nie beskermd nie, dink ek nie mense kan net op munisipale terrein bome vir vuurmaakhout afsaag nie. Ek sien oral op die dorp mense saag ou bome se takke af. Ek weet nie of die mense, veral nuwe intrekkers, weet die boom word beskerm nie.

Antwoord oor elektrisiteit MUGGIE, Kuruman: GRAAG reageer ek op die skrywe van “Kragteloos Kuruman” in Kalahari Bulletin van 21 Februa-

rie 2013. Aangeheg is ’n skrywe van die munisipale bestuurder insake “Kragteloos” se probleme. Ons is meegedeel dat die direkteur van finansies uitstedig is, daarom het ons nog nie ’n verslag van die Ga-Segonyana-munisipaliteit ontvang nie. Ons verstrek graag ’n voorbeeld van hoe ’n rekening van die munisipaliteit moet lees. As u byvoorbeeld 700 kWh gebruik, moet u rekening soos volg lees: 50 kWh @ R0,66 R33,00 300 kWh @ R0,77 R231,00 250 kWh @ R1,04 R260,00 100 kWh @ R1,09 R109,00 700 kWh R633,00 Volgens die munisipaliteit is die rekening soos volg: 600 kWh @ R1,04 R624,00 100 kWh @ R1,09 R109,00 700 kWh R733,00 Die munisipaliteit hef dus R100 per maand onregmatig van elke gebruiker wat meterkrag gebruik en wat meer as 600 eenhede per maand gebruik. Volgens ons beskeie mening is die probleem te wyte daaraan dat die rekeninge nie plaaslik opgestel word nie, maar dat inligting aan ’n

konsultant in KwaZulu-Natal versend word wat dan die rekenings opstel en versend. Heel moontlik dieselfde firma wat bykans R1 miljoen betaal is om die begroting op te stel wat ná ons besware tersyde gestel is. Volgens ons inligting besit die munisipaliteit ’n masjien wat die uitdruk en versending van rekenings plaaslik moontlik maak. Waarom word dit nie gebruik nie en word die diens uitgekontrakteer? Ons het reeds verskeie probleme met kragtariewe met die munisipaliteit bespreek en verskeie aanpassings is reeds deur die munisipaliteit gedoen. Die koopkragtariewe is afwaarts aangepas wat tot voordeel van die inwoners van Kuruman, Bankara en Wrenchville is. Graag wil ek inwoners versoek om Afriforum te ondersteun en lid te word. Afriforum is ’n burgerlike beweging en het nie ’n politieke agenda nie. U kan die sekretaresse, Ansie Cilliers, vir meer besonderhede by 082-410-7502 bel. (Die skrywer van die brief is reeds 71 jaar en woordvoerder vir plaaslike regering Afriforum: Kuruman-tak. Hy voel dit is nou tyd dat jonger mense na vore tree om leierskap in die organisasie oor te neem.)

MEESTER: ’n strokiesprent deur Danie Cronjé.

As krag afgaan, daal die hitte neer Annerie Louw

DIS Sondag omstreeks 14:30. Jongste is minder as ’n halfuur gelede terug Pretoria toe. Ek het my hartseer ná die groetery probeer wegsteek deur na die kombuis te vlug. Gelukkig was dit deurmekaar genoeg dat Dierbaarste dit nie snaaks gevind het dat ek begin opruim nie. Ek probeer die spore van ’n paar traanstrepe op my gesig vir hom wegsteek deur die skottelgoed uit die skottelgoedwasser uit te pak en die volgen-

de sarsie weer in te pak – dankbaar vir die voorreg van ’n skottelgoedwasser. Die waaier sing gesellig en ek voel die koel wind teen my bene. In hierdie stadium het die bloedigheid van die warm middag my nie gepla nie. Dierbaarste kyk rustig televisie sonder sweet op die bolip en ek vang ook so af en toe wanneer iets interessants opkom. Frodo voel die rustigheid van die huis aan en lê uitgestrek met sy hondelyfie op die koel kombuisvloer. Die volgende oomblik gaan die

krag af. So ’n ontstellende, gereelde gebeurtenis die afgelope tyd. Die skottelgoedwasser stop in sy skuimspore en die waaier raak vinnig stil. Die hitte kom sit in my nek terwyl Dierbaarste saggies ’n kru-woordjie uiter. Ons dink ons koopkrag is op en hy bring die kwitansie om krag op te

sit. Ek tik die nommers in, maar niks registreer nie. Ons dink al ons krag is seker op daarom registreer die nommers nie. Hierdie tyd van ’n Sondagmiddag is dit onbillik om enigiemand te vra wat ons te doen staan. Ons bestudeer die kwitansie met die nuwe krag en die hele kaart se nommers en syfers en woorde en ons druk elke moontlike dingetjie op die kragboks wat na ’n knoppie lyk, maar die kragboks kyk net met sy dooie gesig terug na ons. Dierbaarste stel vas dat die ander

huis wat nie koopkrag het nie, se krag ook af is en effe verleë slaak ons ’n sug van verligting. Nou weet ons ten minste wat aangaan. En nou weet ons ook dat dit vir ’n onbeperkte tyd sal aangaan. Ons stel ons dus in op die swetende tyd wat voorlê. Ek het op die kaal keramiekteëls gaan lê en dis ongelooflik hoe koel dit ’n mens maak. So het ek darem my Sondagmiddagslapie gehad. Met die opstaan was my een been nou wel dood, maar ek het ten minste nie gesweet op ’n warm bed nie.

KALAHARI BULLETIN, DONDERDAG 28 FEBRUARIE 2013

Ouer ontevrede oor ‘Spud’-boek Annerie Louw ’n OUER van ’n gr. 9-leerling het ’n beswaar by ’n hoërskool in die distrik John Taolo Gaetsewe oor die keuse van die voorgeskrewe boek Spud vir gr. 9’s ingedien. “Ek meen die materiaal is pornografies en neem ’n neerhalende houding teenoor die vroulike geslag in. Dit is nie geskikte leesstof vir ’n 14-jarige Christelike leerling wat met morele waardes opgevoed word nie. Ons taak as ouers en onderwysers is tog om ons kinders op te voed. Om hulle in ’n groep in klasverband bloot te stel aan beskrywings van jong seuns se geslagsdele en masturbasie vervul tog nie die taak nie en maak sensitiewe kinders net verleë. Die minagting van die volwassenes se gevoel oor die boek en die gebrek aan terugvoering ná my gesprek met die skoolhoof skep die indruk dat opvoeding nie meer ons taak is nie,” meen die ouer. Die voorsitter van dié betrokke skool het gereageer op die ouer se beswaar deur verskoning aan te bied vir die lang tydperk wat dit geduur het (18 Januarie tot 18 Februarie) om die saak met die skoolbeheerraad te bespreek, aangesien die beheerraad hom eers van die inhoud van die boek moes vergewis het. Die uitkoms van die bespreking is in ’n brief aan die ouer geformuleer: Die skool beskou dit as die ideale geleentheid om aan leerlinge uit te wys waar leerlinge immoreel optree. Dit is dus juis ’n geleentheid

vir leerlinge om die korrekte waardes aan te leer. Die onderwysers betrokke onderneem ook om die sensitiewe dele in die boek vir selflees as tuiswerk te gee en dan in die klas op die aanleer van die regte waardes te fokus. Wat die leesboek betref, was die besluit van die volle skoolbeheerliggaam op die aanbeveling van die finansiële komitee dat die skool nie nou die uitgawe kan bekostig om die reeks te vervang nie en dat die leerlinge dus sal voortgaan om dit te lees. Die ouer was nie tevrede met die antwoord nie. Die ouer meen om te sê dat korrekte waardes aan leerlinge geleer word deur immoraliteit uit te wys is ’n belaglike opmerking. “Met ander woorde, as jy hoë morele waardes by jou kind wil kweek soos om nie na pornografie te kyk nie, moet jy vir hom of haar ’n paar pornografiese flieks wys en sê: ‘Reg, my kindjie, jy moet dit wat jy nou gesien het nooit doen nie’. “Die skade is mos dan reeds gedoen. Of die boek voorgelees word en of daar selflees plaasvind, dit bly steeds geskrewe pornografie,” meen die ouer. Enigeen wat die boek ken en graag daarop kommentaar wil lewer, kan kommentaar na die koerant (annerie.louw@volksblad.com of faks 053-7120303) stuur. Kommentaar kan ook op die webblad www.kalaharibulletin.co.za by die berig gelewer word.

Stap saam met Kansa Annerie Louw DIE Kansa Relay For Life op Kuruman vind van Saterdag 2 Maart om 18:00 tot Sondag 3 Maart om 06:00 op die Hoërskool Kalahari se Kameelboompark plaas. Die Kansa-verteenwoordiger, Lizanie Wall, sê die hoogtepunt is die opening met die kanker-oorwinnaars se ereronde om 18:00. Pieter Smith sal om 20:00 optree en die luminaria vind om 21:00 plaas. Verskeie plaaslike kunstenaars sal vermaak oor die aand heen verskaf. Stalletjies met worsbroodjies, sosaties, pannekoek, roomys, warm drankies, energiedrankies en gloeistokkies kan besoek word. Daar sal ook ’n Shavathon-stalletjie wees vir diegene wat hul hare wil sny, spuitverf of jel. Rig navrae aan Lizanie Wall by 082-710-4450 of lwall@cansa.org.za.

PIETER SMITH

Foto: Internet

KALAHARI BULLETIN, DONDERDAG 28 FEBRUARIE 2013

Studente op plegtigheid vereer DIE 219 studente van die NCR-FET Upington-kampus wat verlede Woensdag sertifikate en diplomas op die diplomaplegtigheid ontvang het, se aand is nog spesialer gemaak deur die sanger Larry Joe se optrede as motiveringspreker. Larry Joe het sy eerste CD drie jaar gelede in die Douglas-gevangenis opgeneem en het op die diplomaplegtigheid sy motiverende verhaal met die studente gedeel. In die ingenieursdepartement, wat onder meer pas-en-draaiwerk, motorwerktuigkunde, elektriese infrastruktuur en konstruksie insluit, het 25 studente sertifikate ontvang. Dertien studente het die N1- tot N6-deeltydse-ingenieursertifikate ontvang. In die afdeling sakestudies van vlak 2 tot vlak 4 was ses studente suksesvol. Daar is N4- en N5-menslikehulpbronbestuursertifikate aan 116 studente oorhandig. In die afdeling bestuursassistente N5 en N6 is 13 studente vereer. Altesaam 33 finansiële bestuursertifikate is oorhandig. Ná ’n N4-kursus wat ses maande duur, volg studente ’n verdere N5en N6-kursus. Die N6-sertifikaat is gelykstaande aan matriek plus 18 maande naskoolse opleiding. Ná 18 maande se praktiese ondervinding kan studente aansoek doen om ’n nasionale diploma. Die departement van onderwys het Woensdagaand op die geleentheid 10 nasionale diplomas uitgereik. Daar is ook op die geleentheid twee boekpryse en sertifikate, wat deur die ATKV geborg is, aan presteerders in Afrikaans op vlak 4 oorhandig. Hulle is Samantha Titus met ’n slaagsyfer van 75% in Afrikaans en Rachel Visagie met ’n slaagsyfer van 73%. René van der Merwe van die Rooiduin-tak van die ATKV op Upington het gesê dit is ’n plesier vir die ATKV om op die wyse by die Upington-kampus be-

’n GROEP van die studente wat op die NCRFETUpingtonkampus se diplomaplegtigheid trofeë ontvang het.

Foto’s: Pieter van Wyk

trokke te wees. “Ons is trots op ons Afrikaanse studente,” het sy gesê. Studente is ook met trofeë vir besondere prestasies in elke vak vereer en twee studente is uitgesonder vir hul hoë persentasies. Hulle het wisseltrofeë sowel as prysgeld ontvang. Hulle is Bogosi Seitshegetso (pas-en-draai vlak 4) en Lilanie Mooi (finansiële bestuur N5.). Mooi se moeder, Patricia Mooi, het haar eerbewyse in haar afwesigheid ontvang.

REGS: Lilani Mooi (finansiële be stuur N5) en Bogosi Seitshegetso (pasendraai vlak 4) is as die beste twee akademiese studente aange wys. Van links is Patricia Mooi (wat die trofee namens haar dogter ont vang het), Percy Sago, Seitsheget so en Willy Delie.

VAN links is Percy Sago, (uitvoerende hoof van die kolle ge), Larry Joe en Willy Delie.

KALAHARI BULLETIN, DONDERDAG 28 FEBRUARIE 2013

Wrenchvillers aangeval, beroof Lynn-Mari Olivier TWEE inwoners van Wrenchville is op 9 Februarie omstreeks 22:00 by die stopstraat by die Palmgate-sentrum oorval. Die slagoffers was op pad huis toe ná ’n besoek aan ’n plaaslike restaurant toe twee rowers hulle by die stopstraat oorval en in hul motor geklim het. Die rowers het hulle met messe gedreig en gedwing om na ’n nabygeleë veld te ry waar hul skoene uitgetrek is en hulle met skoenveters vasgebind is. Die een rower het hul bankkaarte gevat en die geheime kode gebruik om geld te trek. Daar is R2 500 by die OTM onttrek. Ná die onttrekking van die geld het die rower teruggekeer en die slagoffers losgemaak.

Hulle het deurgaans gedreig om die vroulike slagoffer te verkrag. Met die losmaak het die slagoffers ontsnap en die veld in gehardloop. Daar was egter ’n draad wat hulle in hul ontsnapping gestuit het. Hulle was toe verplig om oor die hakiesdraad te klim om hul vlugtog voort te sit. Die Daniëls-kuilpad het voor hulle gelê en hulle het soontoe gehardloop met die hoop op hulp van die verbygangers, maar die verbygaande motors het draaie om hulle gery. By ’n nabygeleë lodge het hulle hulp gekry en die polisie ontbied. Die twee slagoffers moes daarna die misdaadtoneel vir die polisie gaan uitwys. Dit was naby ’n water-reservoir. Albei het verskeie kneuswonde opgedoen.

Open their new building in Kuruman FROM the left are Gary Bell (Bell Equipment CEO), Peter Bell (director: engineering), Karen du Plessis (credit/admin controller), Bokkie Coertzen (managing director) and Les Lothian (general manager). Photos: Supplied

MEMBERS from head office and the personnel of Bell Equipment at the official launch of their new building in Kuruman.

Entrepreneurs awarded SUCCESSFUL entrepreneurs from the John Taolo Gaetsewe District whose businesses were funded by Anglo Zimele reaped the benefits of their hard work during an award ceremony hosted by TrioPlus Development, formerly known as Dia-Plus. TrioPlus Development is a fully-fledged training and business mentoring company that has developed a mentoring methodology over the past five years. The methodology is currently implemen- FROM left are the TrioPlus award winners Theodore Moeti (business ted at the Business developer), Thato Balepile (owner: ThubaKoboSegole Guesthouse) Development Sup- and Dorcas Burger (owner: Reka Thusa Cleaning). Photo: Supplied port Centres in Kuruman and Postmasburg, all funded by Anglo as they were able to hand in 48 business plans American Kumba Iron Ore. during 2012 to the Sishen Mine. “Twenty seAccording to Stephanie Roodt, manager at ven of the business plans have been approved TrioPlus, entrepreneurs were awarded for for funding while the rest are still awaiting their inventiveness, diligence and innovati- approval. In addition to that we have mentoveness. “We also gave awards to entrepre- red 15 non-funded businesses and 68 funded neurs who were able to repay their business small and medium enterprises. Five of these loans, brand their companies and create sus- companies have secured contracts with Kumtainable jobs,” explained Roodt. ba Iron Ore,” said Roodt. She added that these TrioPlus Business developers also display- businesses have managed to create 537 jobs ed commitment in developing entrepreneurs in the John Taolo Gaetsewe District.

KALAHARI BULLETIN, DONDERDAG 28 FEBRUARIE 2013

Hungarians enjoy SA wine Lizette Slabber TWO winemakers from a picturesque winery in the south of Hungary visited the Orange River Cellars’ Keimoes Cellar during the sunsoaked month of February. Peter Urban and Orsi Bodri from Bodri Pincészet (Pincészet means winery) in the Szekszard wine region in the south of Hungary have been visiting Keimoes from 8 February. This is their second visit to South Africa, but last year they only spend time in

ORSI BODRI and Peter Urban from Hun gary visited the Keimoes Cellar in Februa ry. Here they are with the imported Hunga rian oak barrels in which chenin blanc is aged. Urban said Hungary has a worldwi de reputation for producing barrels of a ve ry high quality. Photo: Lizette Slabber

Cape Town and Stellenbosch. They met Chris Venter, manager of the Keimoes Cellar, in Hungary last year and he invited them to the Northern Cape to see how this wine region works. According to Urban they enjoyed their stay in Keimoes. “We are very happy to be here. Everybody is so nice and we had no problems. We felt like we became part of the team.” Not even the weather with its constant forays in the 40°C bothered them. They also come from a region where the summers are dry, but their winters can see temperatures of -10°C. Urban said they are not used to the quantities of grapes we produce here. “We have never experienced harvesting up to or even more than 40 tons per hectare. In Hungary to make a good quality wine we only harvest up to 13 tons per hectare.” He added they also have a problem with water in summer. “You have so much water here, in dry summers we have difficulty in providing the vineyards with water. We only receive between 600 and 800 mm rain during summer.” Although their winery in Hungary makes mostly red wines, they are pleasantly surprised with the white wines that are produced here. “The white wines in the Orange River region are very good and especially the chenin blanc and the colombard is very refreshing.” Urban also said although this area with its weather and the quantities that are produced are not ideally suited for the making of red wines, he can see a good progression in the making of red wines. “Ruby cabernet can be made into an easydrink good quality wine,” he said. They enjoyed their visit to this region because of the challenges winemakers here face because of the quantity of grapes they receive. “To take a few grapes and produce a boutique wine is not nearly as challenging as working with the quantities your winemakers face.”

Padda gewild op internet Jody Nel ’n YOUTUBE-VIDEO van ’n padda uit die Noord-Kaap wat lyk en klink soos ’n sagte speelding wat fluit (squeaky toy) het ’n internetsensasie geword en in nege dae meer as 3,3 miljoen trefslae gekry. Dean Boshoff, ’n natuurliefhebber van Durban, het die video van 29 sekondes van die woestynreënpadda (Breviceps macrops) verlede Woensdag op YouTube gelaai. Teen Vrydag het sowat 20 000 mense daarvan gehou en meer as 3 000 het kommentaar gelewer. Selfs die Huffington Post in Amerika en Brittanje se Daily Mail het oor die padda berig. Boshoff, ’n reptielteler en fotograaf, het in ’n e-pos aan die Huffington Post gesê hy het op die padda afgekom terwyl hy in die Noord-Kaap was om foto’s van reptiele en amfibieë te neem. Luidens die e-pos het hy een oggend op die

duine by Port Nolloth in die Namakwalandstreek geloop toe die padda se snaakse piepgeluid sy aandag getrek het. “Ek het ’n videogreep van die padda se verdedigingsroep gemaak. “Die padda het my deur sy skrikwekkende strydkreet gewaarsku,” het Boshoff op YouTube geskerts. Prof. Alan Channing, ’n herpetoloog, het aan News24 gesê die geluid wat die padda in die video maak, is ’n noodroep. Hy sê elke paddaspesie se noodroep is uniek, maar die fisiologiese meganisme om die roep te maak is dieselfde. Die Wêreldbewaringsunie lys die woestynreënpadda as kwesbaar. Dit beteken daar is ’n groot moontlikheid dat die padda in die natuur bedreig kan word. Boshoff kon nie vir kommentaar bereik word nie. ) Die video kan by www.youtube.com/ watch?v=cBkWhkAZ9ds gesien word.

IRENE VISSER by die Kalbaspadstal waar haar pragtig versierde kalbasse verkoop word.

Foto: Lizette Slabber

Kuns haar passie Lizette Slabber “TOE hulle my naam roep, was ek só bly dit het vir my gevoel asof ek gaan flou word.” Só sê Irene Visser wat Saterdagaand, 16 Februarie, in Kimberley in die Noord-Kaap het Talent-kompetisie die derde plek in die handwerk-, kuns- en modeontwerp-afdeling opgeraap het. Dié kompetisie deur die departement van sport, kuns en kultuur se doel is om kuns en kultuur te ontwikkel en terselfdertyd landelike ontwikkeling ’n hupstoot te gee. Visser het in die eerste ronde van die kompetisie op Topline ’n masker, wynvat en staanlamp uitgestal. Al drie dié artikels word van kalbasse gemaak wat Visser behandel en versier. Sy het die eerste ronde gewen en het verlede jaar tydens die Erfenisdagvieringe van haar kalbas-produkte op Upington uitgestal. Slegs Visser is uit die Kheis-distrik gevra om die laaste ronde van die kompetisie in Kimberley by te woon. Volgens Visser het die beoordelaars haar kalbasprodukte as “mooi, uniek en iets heel

anders” beskryf. “Ek geniet my werk vreeslike baie,” het sy gesê en op die vraag waar sy haar idees kry, geantwoord: “Aanvanklik het ek net heel natuurlik op die kalbasse geverf, maar nou gee Wollie Burger, eienaar van die Kalbas-padstal, sekere idees oor watter motiewe gaan werk, dan sit ek my idees by en so kom die hele proses baie natuurlik bymekaar.” Dit neem ongeveer twee dae om ’n kalbas te versier. Dit word eers voorberei waarna die gate volgens ontwerp ingeboor word. Dan word die patrone geverf voordat die kalbas behandel word sodat die patrone nie verdof nie. Dan is ’n nederige kalbas in ’n lamp, kershouer, bak, spaarbussie en nog vele meer omgetower. Visser geniet dit die meeste om lampe te maak. “Alles is vir my lekker, maar die lampe het ’n spesiale plek in my hart,” het sy gesê. Haar kalbasprodukte is al so ver as Durban en Kaapstad versend en “ons het selfs ’n paar kalbasse oorsee gestuur”. Visser was die enigste wenner wat ’n prys vir handwerk ontvang het en sy wil haar prysgeld gebruik om vir haar ’n huis in Topline, waar sy woon, te bou.

KALAHARI BULLETIN, DONDERDAG 28 FEBRUARIE 2013

DIE gr. 7leerlinge van die Laerskool Sentraal geniet die blaaskans tussen die opvoedkundige praatjies deur om ’n bietjie in die swembad af te koel.

Kom op sottekamp aan DIE nuwe gr. 8’s van die Hoërskool Martin Oosthuizen (HMO) op Kakamas is met al die HMOgasvryheid en tradisie op ’n sottekamp by dié skool verwelkom. Op dié kamp leer hulle HMO se tradisies en sommer mekaar ook goed ken. Hulle oefen vir die sottekonsert saam met die senior raad, kuier lekker saam en slaap baie min. Hier kom die gr. 8’s op die skoolplaas aan. Foto: Verskaf

Leer ken park DIE gr. 7-leerlinge van die Laerskool Sentraal op Kakamas het ’n opvoedkundige uitstappie na die Augrabies-waterval Nasionale Park gehad. Op die uitstappie het die personeellede van die park die leerlinge meer oor die besonderse plante en diere van dié omgewing geleer. Tussen die praatjies deur was daar tyd om ’n bietjie in die swembad te ontspan en die natuurskoon te geniet.

“ONS is lief vir dié wêreld,” sê die vyf leerlinge terwyl hulle hulle in die pragtige uitsig verlustig.Foto’s: Verskaf

Spog met 22 leerlinge DIE Upington Christian Academy kan vanjaar met 22 leerlinge spog. Hier is die leerlinge saam met personeellede op die eerste dag van skool. Die personeellede is van links Mandy Schlebusch, Neels Vorster, Thia van Wyk, Aggy Strauss en June Brown. Foto’s: Verskaf

DIE openingstoneel van die Hoërskool Martin Oosthuizen (HMO) se sottekonsert.

Konsert ’n eerste

DIE nuwe gr. 1’s aan die Upington Christian Academy is van links Thembe hile Kella, Joshua Davids, Shayla van Kradenburg en Danro Jordaan.

DIE sottekonsert van die Hoërskool Martin Oosthuizen (HMO) op Kakamas het vanjaar ’n splinternuwe baadjie aangetrek. Vanjaar is die sottekonsert die eerste keer in die vorm van ’n melodrama aangebied. Al die gr. 8-leerlinge was dus

deel van een storielyn en die aand het op massadeelname, skouspelagtige danse en baie humor gefokus. Met ’n wye verskeidenheid musiek is die storie vertel van die held van die Hoërskool Huppelrand wat tussen die wulpse

Foto: Verskaf

Monique of die oulike Lientjie moet kies. Die afrigting is deur Niki Kotze en Rian Rautenbach en hul medelede van die senior raad waargeneem, terwyl Barnie Mans, drama-onderwyser aan die HMO, ’n wakende oog gehou het.

KALAHARI BULLETIN, DONDERDAG 28 FEBRUARIE 2013

Gatsby enchants matrics 2013 Annike Taljaard

FROM left are Annike Taljaard, Francisca Mynhardt, Sanet Badenhorst, Jessica Fourie, Louisa Botma and Angelique Skead.

FROM left are Jan Hendrik Opperman, Christel Smit, Kobus van Wyk, Leandi Kruger and David Raff.

Photos: Lizette Slabber

THE year is 1926. New York is still living the aftermath of the First World War: Women are more independent and immorality rules. Everybody has their opinion of the way of the world, none more prominent in the world of the future than F. Scott Fitzgerald. His book, The Great Gatsby, is a cynical celebration of love and life in the 1920’s. On 21 February 2013 the matrics of the Duineveld High School once again entered the world of flappers and bootleggers in a lavish, exuberant celebration of this book. Dressed up straight out of the 1920’s, the Home Language matric class of 2013 arrived in a variety of colours, dapperly laying claim to the theme of the American dream. The Gordonia Girls’ Hostel courtyard, with trees covered in fairy lights, served as a magical imitation of Gatsby’s great lawn. After a few minutes of party chit-chat, the partygoers were treated to a short re-enactment of the book by Chantelle Scheepers (Jordan), Sharné van Zyl (Daisy), Japie Cloete (Tom), Jonker Coetzee (Nick) and Cobus Grové (Butler), followed by watching the movie of The Great Gatsby. After the movie had started, snacks were served and glasses of mocktails were refilled. Ask anyone who attended, this was a night to remember. Matrics stopped the movie to drink a toast to their class before dancing to some classic jazz beats and songs, including Adios and String of pearls by Glen Miller and Shaboom by Crew Cuts; everyone portraying their unique version of the tango and the Charleston. The ubiquitous enchantment of the night coupled with the theatrical display of the themes made this night a huge success.

KALAHARI BULLETIN, DONDERDAG 28 FEBRUARIE 2013

Jong ruiters wys hul slag DRIE leerlinge van die Hoërskool Duineveld het vir die eerste keer aan ’n dresseerskou

deelgeneem en besonder goed gepresteer. Louisa Botma (gr. 12) het drie eerste en een tweede plek behaal. Leandri du Toit (gr. 10) het een eerste, twee tweede en een derde plekke behaal. Dioné Cilliers (gr. 10) het een tweede en drie derde plekke behaal. Al drie leerlinge het in die Lollypop 1-, 2-, 3- en 4-afdelings meegeding. Die volgende kompetisie vind in Mei plaas, waarna die ruiters in April aan ’n groot kompetisie gaan deelneem. Met hierdie kompetisie kan hulle na hoër vlakke van deelname deurdring. Al drie die leerlinge word deur Janien Strauss van MG Stables en Ryskool op Louisvale afgerig.

LOUISA BOTMA met Jaudimey Nadirah het met 90,1% die beste presteer. Kobus Meyer is die eie naar.

VAN links na Dioné Cilliers op Karana Katarina, Leandri du Toit op Smile DonnaLee en Louisa Botma op Jaudimey Nadira. Foto’s: verskaf

KALAHARI BULLETIN, DONDERDAG 28 FEBRUARIE 2013

BMW 318i, 2005, R59 500. 2005 Palio 1500, many extras, R32 500. Phone 072 472 8686 or 071 967 0285. KONTANT VIR MOTORS en bakkies. Skakel 072 472 8686 of 071 967 0285.

DRAGTIGHEIDSTOETSE: Meet is weet. Bevorder produksie. Bepaal dragtigheid in groot- en kleinvee. Alle toetse is uitwendig. Skakel my gerus. Lelani 073 831 3567 lelanijvrensburg@gmail. com

SENTRA 16V, 1996, extras R24 500. 1998 Golf 1800, extras, R24 500. Phone 072 472 8686 or 071 967 0285. TAZZ 160i, 2002, many extras, R43 500. 2001 Corolla 1300, many extras, R42 500. Phone 072 472 8686 or 071 967 0285.

GESOEK: BRUGSPELERS vir sosiale brugaande in Kuruman. Skakel 082 791 4249.

GROOT, RUIM 6slaapkamerhuis, groot leefarea, eetk, stoep. Op plaas 18 km vanaf Hotazel. R22 000, krag en huishulp uitgesluit. Ideaal vir kontrakteurs. EENMAN-WONINGS te huur 18 km van Hotazel op plaas. R6 000 per woning, water en krag ingesluit. Skakel 076 805 4557.

1,8-M-VERTOONYSKAS: R22 000 ohb. 10-brander-gasbraai, R8 000 ohb. 530-l-Defy-vrieskas, R4 500 ohb. Yskaste onder waarborg (nog nuut). Skakel 083 963 5723.

KURUMAN: 4 SLK, 2 badk, swembad, dubbelskadunet parkering. Sekuriteitsheining en hek. R10 000 p.m. Skakel Ernest 083 283 5568 of Jaco 078 099 9003 alle ure KURUMAN: 5/6 slk, 2 badk, 2 kombuise, ideaal vir kontrakteurs. Ook geskik vir wooneenheid en kantore. Geleë in Hoofstraat, Kuruman. Onmiddellik beskikbaar.Prys ohb, verval vir langtermynkontrak. Skakel Alta 072 761 5941.

COLUMBIA-9-10-08-KB-LH

053 712 1961 053 712 2068

EK IS OP SOEK NA 'N betroubare huishulp, moet medies geskik wees, kan lees en skryf en goed met kinders kan werk. Skakel 082 449 7405. SECURITY GUARDS NEEDEDIN KURUMAN Grade E.D.C. SEND CV TO 086 773 6409.

KURUMAN: 3 slk, 2 badk, sit/eetkamer, TV-kamer, swembad, d/motorhuis. R15 000 p.m. Beskikbaar 1 April 2013. Skakel Louise 083 294 6453.

Big Save Pools and Lapa: Januarie special. 5x3 Pool R30 000 6x4 Pool R35 000 6x4 Lapa R15 000 8x3 Pool R40 000 Bennett:079 124 7713

Columbia Carpets/ Blinds

LARGE ONE-BEDROOM flat. Situated close to shops and in a beautiful garden setting. Secure parking with electric gate, R4 500 p.m. 072 492 4144.

ASSISTENT- BESTUURDER benodig vir gastehuis. Moet geen afhanklikes hê nie. Goeie menseverhoudings, onder druk kan werk. Fleksi-ure kan werk. Moet kan inwoon. Rybewys 'n vereiste. Kompeterende salaris. Stuur CV na amaziahbb@yahoo.co.uk Sluitingsdatum 4 Maart 2013.

N.L. Jele

In die boedel van wyle Nozizwe Lydia Jele, identiteitsnommer 640920 0887 088, van Hoofstraat 4, Mothibistad 8474. Boedelnommer: 8758/2012. Skuldeisers van bogenoemde boedel word hiermee versoek om binne 30 dae vanaf 28 Februarie 2013 hul eise te bewys en hul skulde te betaal by die ondergetekende. KBVS PROKUREURS Posbus 565 Bearstraat 51 Kuruman 8460.

ELEKTRIESE HEININGS: Beveilig u eiendom. Vir professionele installasie, skakel Francois 072 156 4035. HEKMOTORHERSTEL en -installasie. Skakel Okker 082 829 0292.

WARRIOR VIAGRA: Nou in Kuruman beskikbaar. Sterker, langer ereksie. Hou 10 keer langer uit. Verbeter jou sekslewe ten volle. 100% geldterugwaarborg. 100% veilig (medies getoets). 073 894 5273 073 522 8346. Beskikbaar by Jimmy's Drankwinkel, h/v Livingston- en Shortstraat, Kuruman & Upington Hannes 078 722 4631.

HIRING OF TLB: Phone 053 712 3100 of 082 350 3693. zolkrag@vodamail.co.za

AFFORDABLE LOANS: MONTHLY EARNERS ONLY Up to R15 000. Call/SMS 072 432 0243

1997 Hilux 2800, long base, R44 500. 1999 Mazda 2500, long base, R37 500. Phone 072 472 8686 or 071 967 0285. BANTAM 1600, 2006, canopy, R59 500. 2004 Isuzu 2500, R49 500. Phone 072 472 8686 or 071 967 0285. HILUX 2400, 1996, R43 500. 1997 Hilux 220, canopy, R42 500. Phone 072 472 8686 or 071 967 0285. HILUX LEGEND 35 D/cab, 2004 model, 2.7i, canopy, long range fuel tank, white, R125 000. Phone Riaan 082 899 7336. Land Cruiser bakkie,4.2 turbo diesel,intercooler automaties,Ekstras:ABR Bull bar met winch,ABR Air locker en compressor,ekstra spaarwiel met drarak,Duel battery sisteem,kappie en tralies R185 000.00.Skakel 082 789 9848 2011 Toyota Hillux D4D D/C 4x4, met kappie, 70 000.00 km R335 000.00. Skakel 082 789 9848

BMW 650 GS Motorfiets,2011 slegs 2900km,top box en belly plate.R70 000.00 baadjie en helmet ingesluit.Skakel 082 789 9848

1996 UNO, R18 500. 1989 Golf, R16 500. 1988 Jetta, R13 500. Phone 072 472 8686 or 071 967 0285.

AANDAG

ALLE ADVERTEERDERS Die gebruik van die letter

"A", leestekens soos "!" of "*" of die gebruik van syfers met die doel om die advertensie na die bopunt van die klassifikasie-lys te skuif, is streng verbode. SMALLS NOTICE

KALAHARI BULLETIN, DONDERDAG 28 FEBRUARIE 2013

SHAYLA VAN KRADENBURG maak reg om haar “gewig” lekker ver te gooi.

CHARLENE VORSTER gly oor die dwarslat.

Foto’s: Verskaf

Akademie neem deel DIE Upington Christian Academy het aan die atletiekbyeenkoms vir private skole wat deur die Private Skool Cum

Laude gereël is, deelgeneem. Die byeenkoms vind al die afgelope sewe jaar op Upington plaas.

Dit is die derde keer dat die Upington Christian Academy aan dié byeenkoms deelneem.

THANDEKA KELLA gaan dié gewig gooi dat hy trek.

KALAHARI BULLETIN, DONDERDAG 28 FEBRUARIE 2013

’n Paar nuwe Nissans op pad DIE Nissan Juke.

VANJAAR beloof om ’n opwindende jaar te wees vir Nissan met verskeie nuwe modelle wat in Suid-Afrika uitgereik gaan word. Die Nissan Pathfinder-reeks is pas gerasionaliseer en ’n nuwe intreevlakmodel is pas aangekondig in sowel handratas vyfspoed- outomatiese modelle. Die SE-model het ’n 140 kW/450 Nm-turbodieselenjin en 4x4-aandrywing. Standaardtoerusting sluit in klimaatbeheer, ritrekenaar, klipplate, 17”-allooiwiele, radio-CD-speler met Bluetooth,

DIE Nissan Pathfinder.

snelheidsbeheer en verskeie veiligheidstelsels. Teen pryse van R450,900 en R470,900 vir onderskeidelik die handrat- en outomatiese modelle bied die model besonder goeie waarde vir geld. Die Juke-reeks word binnekort met die toevoeging van outomatiese en 4x4outomatiese modelle uitgebrei. Daarbenewens word twee nuwe passasiersmodelle later vanjaar uitgereik, asook Nissan se hoogs aangeskrewe elektriese motor, die Leaf.

KALAHARI BULLETIN, DONDERDAG 28 FEBRUARIE 2013

Atletiekdag vol pret en prestasies DIE Hoërskool Martin Oosthuizen (HMO) op Kakamas het vanjaar oudergewoonte saam met die Laerskool Sentraal, Augrabies-Akademie en Pikkiebult-kleuterskool sy tweedaagse kleure-atletiekby-

DIE rasieleiers van die blouspan “vaar” die stadion in.

Foto’s: verskaf

Toutrek weer ’n treffer OP die eerste Vrydagaand van die eerste kwartaal trek die Hoërskool Martin Oosthuizen (HMO) tou. Die HMO op Kakamas se ouervereniging reël vir dié aand ’n heerlike kuieraand waarop die onderskeie grade se leerlinge en hul ouers mekaar die stryd oor ’n tou aansê. Die toutrekkompetisie begin oudergewoonte met leerlinge van die verskillende grade wat teen mekaar toutrek en dan leer die ouers die kinders hoe die ou, gesoute toutrekkers dit doen. Vanjaar het die gr. 11-seuns en die gr. 12-meisies die toutrekkompetisie gewen.

JEANDRÉ JANSE VAN NIEUWENHUIZEN van die gr. 10span doen sy bes om ’n oorwin ning te verseker. Foto’s: verskaf

ZACK THERON, Jaquin Basson en Dawie Swiegers (gr. 9) trek vir al wat hulle werd is.

RELANDO HAYES en Jaco Esterhuizen het seker gemaak die gr. 12span is ’n span om mee rekening te hou.

eenkoms aangebied. Op dié dag waar die blou- en oranjespanne mekaar die stryd aansê, is Willem Nel aangewys as die seunsatleet wat die meeste punte aangeteken het en Niki Kotze was die mesisie-atleet wat die meeste punte aangeteken het. Die blou matrose het vanjaar die geesbeker gewen, terwyl die oranje Hollanders as die beste span aangewys is.

DIE rasieleiers van die oranjespan is van links Niki Kotze, Aldo lene van Rooyen en Marzanne van Rens burg.

KALAHARI BULLETIN, DONDERDAG 28 FEBRUARIE 2013

Atlete kies koers na Kby AGTTIEN van die Laerskool Oranje-Noord se atlete is gekies om as deel van die Siyanda-atletiekspan aan die Noord-Kaapse laerskole-atletiekbyeenkoms in Kimberley deel te neem.

DIE meisies wat aan die NoordKaapse laerskoleatletiekbyeenkoms gaan deelneem, is van links, voor: Michaela Ruiters, Bernedette van Zyl, Brenda du Toit, Ansuné Smit en Nicolene Loots; agter: Aldelene Grewar, Leandré Hanekom, Carli Thomas, Maré Slabber, Melinke Blaauw en Carmen Bekker. Afwesig: Melisa van Zyl.

Skaak anders bedryf DIE wyse waarop in die Noord-Kaap in skaak meegeding word, is aand die verander. Noord-Kaap Skaak, soos almal dit geken het, verander sodanig dat daar nou na streekspanne gekyk word vir deelname aan die Suid-Afrikaanse kampioenskappe in plaas van ’n enkele Noord-Kaapspan wat voorheen gestuur is. Daar sal byvoorbeeld ’n Frances Baardspan, waarin Kimberley en omgewing verteenwoordig word, en ’n Siyanda-span, waarin Upington verteenwoordig word, gekies word. Dina van der Walt, sekretaresse van Noord-Kaap Skaak, het gesê die organisering in streke moet so gou moontlik begin. “Ons gaan egter vanjaar nog die Suid-Afrikaanse kampioenskappe as ’n Noord-Kaapspan bywoon,” het sy gesê. Om in te val by hierdie vereiste is die Ka-

lahari-skaakklub op Maandag 11 Februarie onder leiding van Hester Nel (voorsitter) gestig. Die doel van dié klub is om skaak op Upington te bevorder en om ’n basis te vorm vir die nuwe wyse waarop skaak in die toekoms bedryf gaan word. Al die skaakspelers in Siyanda is welkom om hulle teen R100 per kwartaal by die klub aan te sluit. Die klub gaan elke Maandag van 18:30 tot 20:30 in die skoolkwartaal bymekaarkom. Die res van die Kalahari-skaakklub se bestuur is Pieter Malan (toernooidirekteur en afrigter), Eben Roux (hulpafrigter), Lea Bester (tesourier), Karin Kruger (sekretaresse), Beatrix Venter (bemarking) en Ingrid Kotzé (lokale en gesellighede). Die Kalahari-skaakklub beplan reeds om met die Kathu-skaakklub, wat onlangs gestig is, te skakel.

DIE seuns wat vir die Siyandaatletiekspan gekies is, is van links, voor: Gideon Breedt, Morné Maree en Nel Hanekom; agter: Handré Bruwer, Jan Duvenhage en Jannie Visser. Foto’s: Lizette Slabber