Island - Eistland Leikskra 2014 by KSI_Island

ﾃ行land - Eistland

4. jﾃｺnﾃｭ - Kl. 19:15

„Ég vil eiga fyrir því sem ég geri“ Besta leiðin til að eignast hluti er að eiga fyrir þeim. Hvort sem ætlunin er að koma upp varasjóði eða safna fyrir sumarfríi þá er alltaf skynsamlegt að leggja fyrir. Kynntu þér allt um reglubundinn sparnað á landsbankinn.is/istuttumali.

Landsbankinn

landsbankinn.is

410 4000

VELKOMIN Á LEIKINN Mótsmiði sem gildir á alla leiki í undankeppni EM 2016 Fyrir undankeppni EM 2016, sem hefst í september þegar Ísland mætir Tyrklandi á Laugardalsvellinum, geta stuðningsmenn íslenska landsliðsins í fyrsta sinn keypt mótsmiða, sem gildir þá á alla heimaleiki Íslands í undankeppninni. Jafnframt munu mótsmiðahöfum bjóðast forkaupsréttur á miðum á vináttuleiki. Laugardalsvöllur tekur aðeins um 10 þúsund áhorfendur og á síðustu heimaleiki A landsliðs karla í undankeppni HM 2014 seldust aðgöngumiðarnir upp á skömmum tíma. Stuðningsmenn geta, með tilkomu mótsmiðanna, tryggt sér miða á alla leikina í undankeppninni, í sama sætið, og því ekki átt á hættu að missa af miða á einstaka leiki. Miðarnir fara í sölu vel tímanlega áður en undankeppnin hefst og verður nánara fyrirkomulag kynnt síðar.

Landsliðin standa saman Fulltrúar karlalandsliða Íslands í knattspyrnu og handknattleik komu saman í vikunni og sýndu samstöðu með táknrænum hætti. Handknattleikslandsliðið var í miðri þriggja leikja törn, þar sem liðið mætti Portúgölum þrívegis hér á landi, og knattspyrnulandsliðið var að undirbúa vináttuleikinn við Eistland. Þeir Björgvin Páll Gústavsson og Arnór Gunnarsson úr handknattleikslandsliðinu annars vegar og Aron Einar Gunnarsson og Kolbeinn Sigþórsson úr knattspyrnulandsliðinu hins vegar skiptust á landsliðstreyjum og styrktu tengslin á milli liðanna tveggja. Það er nú einu sinni þannig að allt okkar landsliðsfólk er að keppa fyrir land og þjóð, sama í hvaða íþrótt það er, og öll stöndum við saman í baráttunni fyrir Ísland. Áfram Ísland, alltaf, alls staðar, í öllum íþróttum!

Heimir Hallgrímsson Árangurinn hvetur okkur áfram Heimir Hallgrímsson er landsliðsþjálfari ásamt Lars Lagerbäck en hann mun svo taka við liðinu alfarið fyrir undankeppni HM 2018. Heimir hefur ekki átt minni þátt í góðu gengi íslenska liðsins en sænski kollegi hans og því eðlilegt að hann taki skrefið til fulls þegar Lars stígur til hliðar. Hvernig leggst leikurinn við Eistland í þig og hvað vitum við um eistneska liðið? Leikurinn leggst vel í okkur og verður vonandi skemmtilegur. Það er gott að fá leik við Eistland, sem er á svipuðum stað á FIFA-listanum og Lettland, þess vegna erum við þakklátir fyrir að fá þennan leik. Við fengum hann a.m.k. að hluta til í gegnum Lars, sem þekkir þjálfara eistneska liðsins vel. Það er sænskur þjálfari hjá þeim, sem er núna með liðið í mótunarferli, og spilar marga leiki á stuttum tíma, þannig að við vitum ekki alveg hvernig hann spilar þennan leik gegn okkur. Þeir eru með leikmenn í fínum liðum í Evrópu, en við vitum ekki alveg hvernig þeir leggja þennan leik upp gegn Íslandi og hvernig þeir ætla að spila á móti okkur. Við getum lítið kortlagt þá, en það er svo sem ekki tilgangurinn með leiknum, því við erum fyrst og fremst að undirbúa okkur fyrir undankeppni EM í haust. Við förum samt í leikinn til að vinna hann, eins og alltaf, en við erum ekki að fara að vanmeta neinn andstæðing.

Það er mikil fótboltahefð í Eystrasaltslöndunum og þeir ná oft fínum úrslitum. Eruð þið Lars að reyna að finna sterkasta liðið eða leyfið þið einhverjum nýjum eða ungum leikmönnum að spreyta sig? Í fyrsta lagi, þá eru flestir leikmennirnir í hópnum okkar frekar ungir. Þessi leikur er síðasti undirbúningsleikurinn fyrir EM, þannig að við erum, alveg eins á móti Austurríki, að undirbúa liðið fyrir þá leiki. Við eigum fyrsta leik í EM í september á móti Tyrklandi, þannig að það er langt í þann leik og við völdum þá leikmenn sem við teljum að verði í eða við hópinn í september, þó hlutirnir eigi það til að breytast hratt í fótboltanum. Í þessari leikjahrinu, í þessum tveimur leikjum, þá erum við að taka inn í hópinn nokkra sem hafa staðið sig vel og við vildum skoða hvernig þeir falla inn í hópinn og okkar vinnulag. Leikurinn við Eistland er síðasti undirbúningsleikurinn fyrir undankeppni EM 2016. Hvar eruð þið staddir með liðið og eruð þið sáttir við framför liðsins? Við erum sáttir við þær framfarir sem áttu sér stað í síðustu keppni, þó síðasti leikurinn hafi auðvitað valdið vonbrigðum. Mestu máli skiptir

að halda áfram að byggja ofan á það sem við höfum verið að gera og halda áfram að bæta okkur. Liðið er enn ungt, en ekki bara liðið, heldur leikmennirnir sjálfir, sem geta bætt sig sem einstaklingar. Vonandi, þegar kemur að þessum leik við Tyrki, verða okkar leikmenn að spila stór hlutverk í sínum liðum, sem hjálpar þeim að takast á við verkefnin með landsliðinu. Í síðustu keppni var það raunin, þó menn hafi fengið mis mikinn spiltíma síðustu mánuði. Vonandi lagast það í sumar og haust. Situr það eitthvað í þjálfurunum að hafa verið svona nálægt því að komast á HM eða eflir það bara liðið fyrir EM-riðilinn? Ég held að það hjálpi okkur að hafa séð að þetta er hægt, því þetta er ekki bara fjarlægur draumur. Þessi árangur hvetur okkur þjálfarana og alla í kringum liðið til að gera betur, því það vantaði svo lítið upp á. Að hafa gengið í gegnum þetta hjálpar okkur þegar við erum næst í þessari stöðu. Það er kallað reynsla. Eiður Smári Guðjohnsen gaf ekki kost á sér í þetta verkefni. Er hann inni í myndinni hvað EM varðar? Já, hann er inni í myndinni. Eiður kom mér á óvart á vissan hátt, því ég þekkti hann ekkert áður. Hans hugarfar og frammistaða með

hópnum hjálpaði okkur gríðarlega mikið í síðustu undankeppni. Hann var mikilvægur innan vallar sem utan. Ég ber mikla virðingu fyrir honum og vona að hann haldi áfram að spila og haldi áfram að gefa kost á sér í landsliðið. Hversu mikilvægt er að fá sem flesta á Laugardalsvöllinn á þennan leik? Mér finnst spennandi að sjá hvort að öll þessi stemmning sem var búin til í síðustu keppni haldi áfram. Getum við fylgt henni eftir? Vonandi er þessi stemmning komin til að vera. Ég myndi vilja sjá alla þá sem komu til að styðja okkur tryggja sér mótsmiða á leikina þegar þeir koma í sölu, til að fá sama fólkið og býr til stemmninguna á alla leiki. Við fáum ekki marga vináttuleiki til Íslands og þeim mun hugsanlega fækka enn, vegna nýs kerfis leikjaniðurröðunar fyrir landsleiki. Það er því um að gera að mæta á alla leiki sem eru í boði og gefa allt sitt í stuðning við liðið. Það mun skila sér. Ég hvet fólk til að mæta í bláum litum, koma með fána eða annað með sér. Reynum líka að bæta ofan á stemminguna sem var í síðustu keppni. Það á ekki síður við stuðningsmennina en liðið að halda áfram að byggja ofan á góðan árangur.

Íslenskar getraunir eru stoltur styrktaraðili íslenska landsliðsins í knattspyrnu

400 SYNGJANDI STUÐBOLTAR! Tólfan eru opinber stuðningsmannasamtök íslenska landsliðsins í knattspyrnu. Þar fer öflugur hópur stuðningsmanna sem mæta í stúkuna til að styðja við bakið á íslenska landsliðinu. Styrmir Gíslason er tengiliður stuðningsmanna við KSÍ en hann er einn af upprunalegu meðlimum Tólfunnar sem hafa sett skemmtilegan svip á leiki íslenska liðsins.

Segðu okkur aðeins frá Tólfunni og hvernig félagið er rekið? Tólfan var stofnuð árið 2007 til þess að lyfta upp stemningunni á Laugardalsvelli sem okkur fannst vægast sagt orðin ansi döpur. Í dag er Tólfan orðin skipulagðari en hún var og er fimm manna stjórn sem heldur utan um allt dæmið. En þetta er aðallega rekið á gleðinni. Hversu margir félagar eru í Tólfunni og hefur þeim fjölgað á undanförnum árum? Þessu er eiginlega erfitt að svara. Tólfan getur verið allt frá 25 manns og upp í 400 syngjandi stuðbolta. Þetta helst mikið í hendur við gengi og stemninguna fyrir landsliðinu í þjóðfélaginu. En við tókum létta skráningu á sínum tíma og þá voru um 250 manns sem skráðu sig. En það er einmitt verkefni núverandi stjórnar að festa þetta betur í skorðum og blása til alvöru skráningar en það verður nánar auglýst þegar það er komin endanleg mynd á það. Segðu okkur frá dæmigerðum leikdegi hjá landsliðinu hvað Tólfuna varðar. Maður er yfirleitt búinn að næla sér í frí eftir hádegi og svo mættur á okkar heimavöll, Ölver, upp úr 15:00. Þar er yfirleitt brjáluð stemning sem stigmagnast eftir því sem líður á daginn. Þar er magnaður hljómur og alveg geggjað að heyra risa Tólfu hóp syngja sig í gang. Heimir Hallgríms hefur svo haft það sem sið að kíkja á okkur og ræða málin fyrir leik sem er auðvitað frábært framtak. Rétt rúmum klukkutíma fyrir leik safnast svo allir saman og ganga fylktu liði gegnum Laugardalinn að vellinum. Hversu mikilvægt er að þínu mati að hafa öflug stuðningsmannasamtök? Mér finnst það einfaldlega skipta öllu. Það er ekki spurning að þetta hjálpar liðinu á vellinum og ég trúi ekki öðru en að þetta gerir leikinn skemmtilegri og að stærri upplifun fyrir alla sem mæta. Þetta smitar út frá sér enda var magnað hvað allir tóku mikinn þátt í síðustu undankeppni og völlurinn varð algjör gryfja. Fá félagsmenn Tólfunnar einhver fríðindi, t.d. miða á leiki og slíkt?

Við höfum verið að fá afslátt á miðum allt frá stofnun og það mun örugglega ekki breytast. KSÍ hafa líka gefið treyjur og svo eru það eingöngu þeir sem eru með Tólfunni á Ölver sem fá að ræða við Heimi Hallgríms rétt fyrir leik. Er viss um að margir fjölmiðlamenn væru til í að komast þar inn. En það verða svo vonandi fleiri fríðindi sem fylgja fyrir næstu undankeppni þegar stjórnin er búin að klára skráningarmál Tólfunnar. Hvernig verða stuðningsmenn aðilar að Tólfunni? Það eru allir velkomnir í Tólfuna og eins og er þá er einfaldlega nóg að mæta þegar Tólfan auglýsir miðasölu sína, tryggja sér miða og koma sér í gír með okkur á Ölver. En eins og ég hef komið inná þá er von á nýju skráningarkerfi þar sem hægt verður að skrá sig formlega í Tólfuna. Það verður klárt fyrir komandi undankeppni. Við erum með facebook síðu þar sem allar upplýsingar er að finna og ég hvet alla til að gefa henni “læk” og taka þátt í stemmaranum. Margir, m.a. landsliðsþjálfarar hafa talað um mikilvægi Tólfunnar. Takið þið eftir breytingu á stemningu þegar Tólfan er á fullu? Ekki spurning, það getur ekki hafa farið fram hjá neinum. Það er ekki að ástæðulausu sem menn tala um tólfta manninn þegar talað er um stuðningsmenn. Þegar Tólfan er í gír og allir á vellinum eru til í að standa upp og taka þátt þá er Laugardalsvöllur staður sem aðkomuliðin ættu að hafa áhyggjur af. Hvernig líst þér á komandi undankeppni EM? Bara mjög vel, enda agalega bjartsýnn maður. Auðvitað er riðillinn erfiður en það er bara í fínu lagi. Strákarnir eru reynslunni ríkari eftir síðustu undankeppni. Og Tólfan og allir stuðningsmenn eru komnir á bragðið með að búa til tryllta stemningu á pöllunum. Þetta er blanda sem hendir okkur á EM. Má ekki bóka að Tólfan mæti á alla leiki á næstunni til að halda uppi stemningu í stúkunni? Það er alveg á kristaltæru. Við munum mæta á fullu gasi í alla leiki og vonandi rífa alla vallargesti með okkur í gleðina. Það eru ALLIR í Tólfunni. Áfram Ísland !

Eistland Eistneska liðið er sýnd veiði en ekki gefin. Liðið er sem stendur í 93. sæti heimslista FIFA en liðið náði einungis 7 stigum í undankeppni HM þar sem það endaði með 7 stig en Andorra rak lestina í riðlinum með ekkert stig. Eistland er í ansi áhugaverðum riðli í undankeppni EM en England og Sviss eru meðal þeirra liða sem eistneska liðið þarf að mæta og því er verkefnið ansi snúið hjá þeim. Þrátt fyrir að liðið hafi ekki nein stór nöfn í fótboltaheiminum þá eru leikmenn frá Eistlandi víða um Evrópu en aðeins fjórir leikmenn af 18 eru á mála hjá eistneskum félagsliðum.

Ísland og Eistland hafa aldrei verið saman í riðli í undankeppni stórmóts, en liðin hafa þó mæst þrisvar í vináttuleikjum. Frægasti leikurinn er án vafa sá sem fram fór 1996, þegar Eiður Smári Guðjohnsen kom inn á í sínum fyrsta A-landsleik, fyrir Arnór föður sinn. Þess má geta að Bjarki Gunnlaugsson skoraði þrennu í leiknum, í 3-0 sigri. Það búa 1,3 milljónir manna í Eistlandi sem gerir landið töluvert stærra en Ísland hvað íbúafjölda varðar.

Leikmenn Íslands Markmenn

1 Gunnleifur Gunnleifsson 1975 | 2000-2014 | 25 | Breiðablik

10 Gylfi Þór Sigurðsson 1989 | 2010-2014 | 23 | 5 | Tottenham Hotspur FC

12 Hannes Þór Halldórsson 1984 | 2011-2014 | 21 | Sandnes Ulf

13 Guðlaugur Victor Pálsson 1991 | 0 | NEC Nijmegen |

24 Ögmundur Kristinsson 1989 | Fram

Sóknarmenn

Varnarmenn

9 Kolbeinn Sigþórsson 1990 | 2010-2014 | 22 | 14 | Ajax FC

6 Ragnar Sigurðsson 1986 | 2007-2014 | 36 | 0 | FK Krosnodar

22 Halldór Orri Björnsson 1987 | 2012 | 1 | Falkenbergs FF

14 Kári Árnason 1982 | 2005-2014 | 33 | 2 | Rotherham United

23 Guðjón Baldvinsson 1986 | 2009-2014 | 3 | Halmstad

23 Ari Freyr Skúlason 1986 | 2009-2014 | 21 | 0 | OB 3 Hallgrímur Jónasson 1986 | 2008-2014 | 10 | 3 | Sønderjyske 5 Sölvi Geir Ottesen 1984 | 2005-2014 | 24 | 0 | FC Ural 18 Theodór Elmar Bjarnason 1989 | 2005-2014 | 13 | 0 | Randers

Miðjumenn

21 Emil Hallfreðsson 1984 | 2007-2014 | 41 | 1 | Hellas Verona

Liðsstjórn

Lars Lagerbäck Þjálfari Heimir Hallgrímsson Þjálfari Guðmundur Hreiðarsson Markvarðaþjálfari Sveinbjörn Brandsson Læknir Gauti Laxdal Læknir Friðrik Ellert Jónsson Sjúkraþjálfari Rúnar Pálmarsson Sjúkraþjálfari Sigurður Sv. Þórðarson Búningastjóri Óðinn Svansson Nuddari Ómar Smárason Fjölmiðlafulltrúi Gunnar Gylfason Starfsmaður

17 Aron Einar Gunnarsson 1989 | 2008-2014 | 43 | 0 | Cardiff City FC 15 Helgi Valur Daníelsson 1981 | 2001-2014 | 31 | 0 | CF OS Belenenses 8 Birkir Bjarnason | 1988 | 2010-2014 | 30 | 4 | Sampdoria 19 Rúrik Gíslason 1988 | 2009-2014 | 27 | 1 | FC København *Fæðingarár | Ár með landsliði | Leikir með landsliði | Mörk skoruð | Félag

Á r m úla 3 0 | 10 8 Re y k ja v í k | S ím i 5 6 0 16 0 0 | w w w. b o r g u n . i s

• jl.is • JÓNSSON & LE’MACKS

Það eru til ótal gerðir af greiðslu-kortum og margir greiðslumátar. Borgun býður upp á sérsniðnar lausnir sem gera þér kleift að taka við greiðslum á netinu með einföldum og öruggum hætti.

SÍA

Með Borgun getur þú rekið vefverslun með einföldum og öruggum hætti

Það leika að meðaltali

Alls leika um

landsliðsmenn fótbolta

fótbolta með liðum

250

20.000

KOMDU Í

FÓTBOLTA

Undankeppni EM hefst í haust Tyrkland Ísland hefur leik í undankeppni EM á heimavelli þann 9. september þegar Tyrkland sækir okkur heim. Tyrkneska liðið er í 39. sæti á heimslista FIFA en Ísland er sem stendur í sæti 58 af 207 þjóðum sem prýða listann. Tyrkneska liðið endaði í 4. sæti síns riðils í undankeppni EM með 16 stig.

Holland vann riðilinn örugglega en Rúmenar og Ungverjar komu í næstu sætum þar fyrir neðan. Það má samt ekki vanmeta tyrkneska liðið þar sem hinn reynslumikli Fahti Terim er við stjórnvöllinn en það er klárt mál að liðið ætlar sér stærri hluti á EM en liðið náði í undankeppni HM.

Holland Það þarf svo sem ekki að fara mörgum orðum um hollenska landsliðið sem mætir Íslandi á heimavelli þann 13. október. Holland er með eitt sterkasta landslið heims þar sem ekki er þverfóta fyrir stórstjörnum á borð við Robin Van Persie, Arjen Robben og Wesley Snejder.

Louis Van Gaal er þjálfari liðsins en kappinn tekur við liði Manchester United eftir HM í sumar. Það er því ljóst að Ísland þarf að eiga toppleik til að velgja hollenska hákarlinum undir uggum en eins og við höfum sýnt þá eru þeim allir vegir færir sem hafa trú á verkefninu.

MARKAMASKÍNAN

KOLBEINN SIGÞÓRSSON

Stuðningur Skiptir Sköpum Kolbeinn Sigþórsson, leikmaður Ajax, hefur verið iðinn við að skora fyrir íslenska landsliðið. Hann er varafyrirliði landsliðsins og segir íslenska liðið vel stemmt fyrir komandi átök.

hvar þessi lið eru á styrkleikalistanum. Við gerum klárlega miklar kröfur á okkur sjálfa að komast upp úr riðlinum. Við setjum stefnuna á EM í Frakklandi, alveg hiklaust.

Hvernig tilfinning var það að verða meistari með Ajax? Það var alveg frábær tilfinning að verða meistari með Ajax. Þetta er fyrsta tímabilið sem ég ver meistari með þeim þar sem ég spila flesta leikina. Það gerði þetta enn sætara að hafa spilað mikilvægt hlutverk í liðinu og að hafa skorað mörg mikilvæg mörk.

Hvaða lið í riðlinum eru sterkust að þínu mati og hvers vegna? Á því leikur enginn vafi að Holland er með lang sigurstranglegasta liðið. Svo er þetta barátta um næstu sæti þar fyrir neðan. Tyrkir eru góð fótboltaþjóð, Tékkar geta líka gert góða hluti. Lettland og Kasakstan þekki ég ekki jafn vel, en allar þjóðirnar geta strítt hvorri annarri. Við megum heldur ekki gleyma því að Lettland hefur komist í úrslitakeppni EM.

Eftir frábært gengi þar sem íslenska liðið komst í umspil um sæti á HM 2014, hvernig líturðu á landsliðið núna? Við erum klárlega reynslunni ríkari eftir síðustu undankeppni. Við erum ungir ennþá og eigum mörg ár inni til að byggja liðið enn meira upp og styrkja það enn frekar. Seinasta undankeppni gaf okkur mikið sjálfstraust fyrr komandi ár og mun skila sér þegar á reynir. Hvernig líst þér á leikinn gegn Eistlandi? Þessi leikur er fín áskorun og gott að fá að spila á móti Eistlandi. Það er mjög jákvætt að spila við lið sem eru svipuð að styrkleika og þau lið sem við erum með í riðlinum, þannig að það er gott að geta metið styrkleika okkar og sjá hvar við stöndum. Flottur undirbúningur fyrir næstu keppni. Hvað með EM riðilinn, hvernig líst þér á hann og hverjir eru möguleikar okkar? Þetta er einn af erfiðari riðlunu, en mér líst alveg ágætlega á hann. Þetta er riðill þar sem allt gefur gerst. Væntanlega verður mikil spenna og mikið um jafna leiki, sérstaklega ef við lítum á það

U21 og U19 lið karla hafa verið að standa sig vel. Hvernig líst þér á þessa þróun og telurðu að einhverjir leikmenn úr þessum liðum muni banka á dyr A landsliðsins á næstu misserum? Það hefur verið virkilega gaman að fylgjast með þessum liðum og þeirra góða árangri. Það er greinilegt að það eru margir leikmenn að koma upp og það getur bara gert okkur gott ef einhverjir þeirra fara að banka á dyr A liðsins, því aukin breidd í leikmannahópnum gerir okkur sterkari. Vonandi ná þeir að halda sínu striki og þá getum við nýtt hæfileika þeirra sem fyrst. Hversu miklu máli skiptir stuðningur áhorfenda á vellinum? (skilaboð til stuðningsmanna) Eins og sást í síðustu keppni, þegar stuðningurinn fór stöðugt vaxandi eftir því sem leið á keppnina, þá getur þetta skipt sköpum. Góður árangur og góður stuðningur helst í hendur. Vonandi byrja stuðningsmennirnir af krafti með okkur þegar undankeppnin byrjar, því það mun svo sannarlega hjálpa liðinu.

Bílastæðamál við Laugardalsvöll Gott er að minna gesti Laugardalsvallar á að það er fjöldi bílastæða í Laugardalnum er aðeins lítill hluti þeirra beint fyrir utan Laugardalsvöllinn. Á myndinni hér að neðan má sjá hvar hægt er að finna bílastæði í göngufæri við Laugardalsvöll. Við minnum svo vallargesti á að mæta tímanlega á leik Íslands og Eistlands sem hefst kl. 19:15.

Það er gott að vera á góðum tíma til að forðast óþarfa biðraðir. Þá er minnt á að strætisvagnar stoppa víðsvegar í kringum Laugardalinn og geta verið afar góður kostur fyrir marga vallargesti. Mörg hlið verða opin á leiknum til að koma fótboltaþyrstum stuðningsmönnum sem fyrst í sætin sín og biðjum við alla að dreifa álaginu á hliðin.

Laugardalur

-enginn skortur á bílastæðum!

Laugardalslaug 190 stæði World Class 110 stæði

Í Laugardal, einu allra vinsælasta Íþrótta- og útivistarsvæði landsins er að finna yfir 1800 bílastæði.

SUNDLAUGAVE GUR

Laugardalsvöllur 530 stæði

Þó svo að ekki séu laus stæði næst þeim stað í dalnum sem þú ætlar á, bendum við á að víða í Laugardal er að finna næg bílastæði.

AR GU

JAVE G

ÁS

RE YK

Íþróttasvæði Þróttar 130 stæði Laugardalshöll 100 stæði ÍSÍ 50 stæði E N G JA V E

Ð N D S A U T

TBR húsið 80 stæði

Ofan við Fjölskyldu- og húsdýragarð 100 stæði

Skautahöll, Grasagarður 173 stæði

Austan við Laugardalshöll 115 stæði

Á bak við Laugardalshöll 160 stæði

Sýnum sjálfsagða tillitssemi og leggjum aldrei á gangstígum.

www.n1.is

facebook.com/enneinn

Umhverfisvottuð hestöfl Aníta er hestakona. Gammur er hestur. Á Gammi kemst Aníta í tengsl við náttúruna. Gammur kann að meta það. Stundum langar þau að komast fjær hesthúsinu. Þá þarf bíl og ólíkt Gammi þarf bíllinn olíu. Þess vegna eru Aníta og Gammur ánægð með ISO-vottaðar stöðvar N1 sem bjóða upp á jákvæðari orku – VLO-blandaða díselolíu sem minnkar útblástur og eykur endingu vélarinnar. Það er stórt skref í átt að umhverfisvænni þjónustu.

ÍST ISO 14001

Hjá N1 eru níu þjónustustöðvar og eitt hjólbarðaverkstæði ISO- umhverfisvottaðar starfsstöðvar – og það eru fleiri á leiðinni.

Þjónustustöð N1 á Bíldshöfða býður ökumönnum umhverfisvænt íslenskt metan.

Vetnisblönduð lífræn olía dregur úr útblæstri koltvísýrings. Hún er í boði á flestum af 98 útsölustöðum N1.

Í ágúst ætlar Aníta að ríða 1.000 km yfir sléttur Mongólíu og safna fé fyrir Barnaspítala-sjóð Hringsins og Cool Earth verkefnið. N1 óskar henni góðrar ferðar.

Hluti af umhverfinu

Stuðningsmenn

hafa meiri þýðingu en fólk getur ímyndað sér Það kanna að hljóma klisjukennt þegar sagt er að stuðningur áhorfenda geti skipt sköpum í árangri á knattspyrnuvellinum. Staðreyndin er þó sú að þetta hefur raunveruleg áhrif og leikmenn nefna þennan þátt oft í viðtölum við fjölmiðla. Það er ekki að ástæðulausu sem liðum gengur oftast betur á heimavelli en á útivelli. Á heimavelli eru menn í sínu umhverfi, á sínum velli, og umkringdir sínum stuðningsmönnum. Hér að neðan eru tilvitnanir í landsliðsmenn. Orðin segja allt sem segja þarf. Síðasta undankeppni var geðveik. Árangurinn hefði aldrei náðst ef við hefðum ekki haft allan þennan stuðning og alla þessa stuðningsmenn í stúkunni. Það er svo mikilvægt að sjá albláa stúku á þjóðarleikvanginum styðja við okkur ...

Tólfan var gjörsamlega geðveik í síðustu undankeppni. Þetta er það sem þú vilt sem fótboltamaður. Þetta gefur manni auka orku ... Fólk fattar ekki alltaf hvað þetta er mikilvægt, en málið er bara að á heimavelli ertu með þitt umhverfi og þína stuðningsmenn sem styðja við bakið á þér. Það er erfitt að lýsa þessu í orðum, en upplifunin er algerlega mögnuð ... Stuðningsmenn hjálpa okkur gríðarlega mikið, því fleiri sem eru á vellinum og því meiri læti, því meiri kraft fáum við leikmennirnir ... Stuðningsmennirnir mótivera okkur, þeir leggja sig 100% fram og eru jafn mótiveraðir og við í leikjunum. Þeir rífa okkur í gang þegar á þarf að halda ... Við erum að spila fyrir þetta fólk sem er að styðja okkur ... Þetta hefur meiri þýðingu en fólk getur ímyndað sér ...

Landslið

Íslands A landslið kvenna Kvennalandsliðið hefur staðið í ströngu á þessu ári og á næstunni eru spennandi verkefni og mikilvægir leikir. Liðið náði frábærum árangri á Algarve Cup þar sem liðið endaði í þriðja sæti eftir að hafa lagt Svía með tveimur mörkum gegn einu. Er þetta næst besti árangur sem Ísland hefur náð á þessu móti. Í kjölfarið komu sigurleikir gegn Ísrael og Möltu í undankeppni EM áður en liðið beið lægri hlut gegn toppliði Sviss í Nyon. Þann 15. júní verður svo leikið gegn Dönum ytra og í kjölfarið kemur svo heimaleikur gegn Möltu sem fram fer fimmtudaginn 19. júní. Sviss er með örugga forystu í efsta sæti riðilsins, með nítján stig, en Ísland og Ísrael koma þar næst með níu stig en Danir skammt á eftir með átta stig. Þrjár síðasttöldu þjóðirnar hafa allar leikið fimm leiki en Sviss hefur leikið sjö. U19 kvenna Leiknir voru tveir vináttulandsleikur gegn Finnum ytra og töpuðust þeir báðir en leikirnir voru undirbúningur fyrir milliriðilinn sem leikinn var í Króatíu. Þar gerðu stelpurnar jafntefli við heimastúlkur en töpuðu gegn Skotum og Rússum. Leikið var í apríl og síðar í sama mánuði lék U19 gegn Skotum og Færeyingum á undirbúningsmóti UEFA. Sigur vannst á frændum okkar Færeyingum en eins marks tap gegn Skotum. Þessir leikir voru undirbúningur fyrir „næsta“ U19 lið sem leikur í undankeppni EM í Litháen í september. Mótherjarnir þar verða, auk heimastúlkna, Spánn og Króatía. U17 kvenna Undirbúningsmót UEFA í þessum aldursflokki fór fram á Norður Írlandi í apríl og beið liðið lægri hlut gegn heimastúlkum en lagði Wales og

Færeyjar. Framundan er Opna Norðurlandamótið sem fram fer í Svíþjóð í júlí en þar er Ísland í riðli með Svíþjóð, Hollandi og Englandi. U21 karla Framundan er vináttulandsleikur gegn Svíþjóð á Norðurálsvellinum á Akranesi. Leikurinn fer fram fimmtudaginn 5. júní og hefst kl. 19:15. Hvorki fleiri né færri en 11 nýliðar eru í hópnum fyrir þann leik og verður spennandi að fylgjast með þeim. Liðið er í öðru sæti í riðli sínum í undankeppni EM þegar tveir leikir eru eftir. Í mars biðu strákarnir lægri hlut gegn Kasakstan ytra, 3 – 2, en Kasakar eru í þriðja sæti riðilsins. Frakkar eru í efsta sæti með fullt hús stiga en Ísland á eftir heimaleik gegn Armeníu og lýkur riðlakeppninni með leik gegn Frökkum ytra. U19 karla Strákarnir luku keppni í milliriðli EM mánudaginn 2. júní en leikið var á Írlandi. Naumt tap gegn heimamönnum í fyrsta leik og stórt tap gegn Serbum gerðu það að verkum að liðið átti ekki möguleika á því að komast áfram fyrir síðasta leikinn. Þar mætti liðið Tyrkjum og beið lægri hlut, 3 – 4 í miklum baráttuleik. Liðið lék svo tvo vináttulandsleiki gegn Svíþjóð í mars og var leikið í Kórnum. Sigur vannst í þeim báðum, 3 – 0 og 2 – 0. U17 karla Strákarnir í U17 léku tvo vináttulandsleiki gegn Noregi í Kórnum fyrr á þessu ári og töpuðust þeir báðir. Leikið var svo í milliriðli fyrir EM í mars í Portúgal og töpuðust leikir gegn heimamönnum og Úkraínu en jafntefli varð gegn Lettlandi. Framundan í júlí er Opna Norðurlandamótið sem fram fer í lok júlí. Þar er Ísland í riðli með Englandi, Finnlandi og Svíþjóð. Í október leikur svo U17 í undankeppni EM og verður leikið í Moldavíu. Mótherjarnir verða, auk heimamanna, Armenía og Ítalía.

Hvar er sætið þitt?

VILDARPUNKTAR AF ALLRI VERSLUN

FLJÚGÐU VEL MEÐ ICELANDAIR Alltaf innifalið: Frjálst sætaval við bókun I Afþreyingarkerfi 350 klst. I Meira pláss milli sæta Ein ferðataska allt að 23 kg til Evrópu og tvær töskur til N-Ameríku I Matur fyrir börnin Óáfengir drykkir og dagblöð I Vildarpunktar I Flug- og flugvallarskattar

Skoða nánar