MINI INFO

Il diavolo veste Prada

»Il diavolo veste Prada« (2006) é n film che cunta de na jona che á impormó stlüt jö so stüde de jornalism che, do avëi chirí bele codî da laur, ciafa da podëi scrí ,sciöche assistënta, por la revista de moda Runway. Ara n’á nia ciamó dër nu le monn dla moda, ne se vist nia aladô, mo por ester al’altëza de chësc laur, óra fá dldöt: ara müda vistimënt y frisur, fej döt chël che süa capo-redadëssa ti comana da fá y n’á plü feter nia dlaurela por sües mius compagnes. Impormó inurcaltan s'intënera de chësc y ara ó mudé döt…

Cruella (2021)

La jona Estella ó deventé conesciüda tl ciamp dla moda. Ara á n gran talënt por le design, mo ara é dër fetra ti confrunc di atri. Insciö ti á süa mama dé bele da picera le surainom Cruella, che ó dí crödia. Cun dodesc agn restera zënza geniturs y zënza scioldi. Sü mius compagns é dui leri y ma por caje röiera tl ambiënt di ric y conesciüs…

Museum dl’ëra a Maran

Tl Museum dl’ëra a Maran él da odëi guanc y cosses da vigni de, da plüdadî cina aldedaincö

Egetmann

La defilada dl Egetmann a Tramin é na defilada da carlascé che vëgn fata vigni dui agn. Na particolarité de chësta defilada é i gragn »Schnappviecher«, che é figures gonot plü altes de 3 metri y che á n ce che ti somëia a n cocodril y na bocia che se dëura y se stlüj, fajon na gran vera. Dër tröpa jënt vá a ti ciaré a chësta defilada y nia düc ne röia pormez. I organisadus s'á damané che chësta defilada vëgnes tuta sö sciöche arpejun culturala mondiala nia materiala dl'UNESCO.