SIDRE Y BLOGS

62

SIDRE Y BLOGS Ciderinlove: Amor de sidre

FICHA TÉUNICA

ciderinlove.com

Editora: Annie Bystryn

Marcu xeográfi cu: Estaos Xuníos

Siguidores:

- Twitter: 107 - Instagram: 1299

Estayes:

- Navegador sidreru - Sidreríes y llagares - Esfrutar - Deprender

Nos Estaos Xuníos la sidre ye tamién una auténtica pasión pa muncha xente; la sidre artesano ellaborao por métodos tradicionales en concreto, ye la que namora a los autores d’esti blog nel que comparten col mundiu los sos conocimientos ya’l so fondu amor sidreru

Sidre fecho por métodos tradicionales, esclusivamente con mazana, utilizando races específi ques de sidre de ca fastera y preferentemente ellaborao por piqueños productores. Eso ye lo que busquen en ‘Cider in Love’, el blog sidreru que vos presentamos esti mes. Esti tipu de sidre pue paecer lo más cenciello de topar, si vives n’Asturies y los productores de sidre, ya seya casero o industrial, sumen delles centenes nun país de pocu más de 10.000 km2 y los eventos sidreros son continuos. Pero si vives en Norteamérica la densidá sidrera ye muncho menor y la cosa ponse un pocu más abegosa. Asina qu’en ‘Cider in Love’ punxéronse la misión de guetar pel so país les meyores sidres tradicionales y presentá-yosles a los munchos fanáticos sidreros d’esa parte’l mundiu. “Facemos una escoyeta de sidres históriques increyibles y difíciles d’atopar, de productores de tol país y conectamos a les persones direutamente colos productores pa pidilo en llínia” resumen el so llabor. La hestoria de la sidre en Norteamérica remóntase a los colonos, cuando la escasez d’agua potable llevó a facer de la sidre la bébora base a toles edaes, achacándose al viaxe de Johny Appleseed (Xuanín Semiente de pumar) el so espardimientu dende Pensilvania a lo llargo de tola Vega l’Ohio. Tres de décades nes que foi cuasique escaecía, el consumu ya ellaboración de sidre lleva dende entamos d’esti mileniu reñaciendo con puxu nos Estaos Xuníos. En ‘Cider in Love’ estremen cuatro rexones sidreres, Nueva Inglaterra, Nueva York, California y Noroeste, y en toes elles recomienden sidre que prebar y llagares y sidreríes que visitar, faciendo un comentariu sobro ca llagar y ca sidre nes sos estayes de “navegación” y “sidreríes” -refi riéndose a llagares-. Aparte, nel so blog puen alcontrase noticies venceyaes, eventos cola sidre de protagonista, propuestes gastronómiques de maridaxe y recetes sidreres, dando una perespecial emportancia a los ellaboraores de sidre casero, ufriendo información sobro’l procesu de produción, races de mazanes de sidre, sistemes de tastia, mitos, datos prestosos, vezos ya hestoria de la sidre.

SIDRE Y BLOGS French Cider: falemos de sidre

FICHA TÉUNICA

frenchcider.com

Editora: Joan Harkins

Siguidores:

- Twitter: 32 - Facebook: 413

Estayes:

- Tienda - Coleiciones - Descubrimientos - “Sobre nosotros” - Blog - Noticies

Sosprende esti blog nel que los productos franceses son, como’l so nome indica, protagonistes n’esclusiva, pero que ta fechu dende Seattle por una autora estauxuniense y col norteamericanu comu públicu oxetivu

De xemes en cuandu les casualidaes camuden la vida d’una presona. Joan Harkins, oriunda de Seattle, taba de vacaciones cuando se-y antoxó una pizza napolitana y de rebote conoció la sidre francesa nun café de Saint-Enogat, Bretaña. La primer bolée (taza de cerámica tradicional na que se bebi la sidre bretona) foi pa ella un auténticu descubrimientu. Depués d’esa bolée vinieron más, investigando a fondo los llagares franceses y alcontrando una pasión que quinxo compartir col mundiu de vuelta al so llar. Pero nun lo fi zo darréu, primero pasó dos años prebando otres sidres del mundiu, tastiando, comparando y afi tándose nel comecimientu de que, pa ella, la bona sidre ye la francesa. Dende entós, dedícase a ufrir al mundiu una curiada escoyeta de les meyores sidres y perees de Francia, estáu del que non solo adoptó la sidre, sinón l’estilu de vida, l’enfoque gastronómicu ya’l compromisu presonal d’alcontrar alternatives naturales y saludables pa beber y comer. A la so vuelta nos Estaos Xuníos llevó consigo muncho de la cultura francesa, incluyendo’l gustu polos alimentos orgánicos, ensin trasxénicos nin aditivos y el placer de los saborgos cenciellos y puros que namás s’alcuentren nos alimentos naturales, por supuestu, cola sidre ocupando nello un llugar privilexáu. Bretaña, Normandía y Picardía son les principales paraes d’un blog qu’ufre un repasu al mundiu de la sidre francesa, la so “poirée” ya’l Calvados (tamién podemos topar Armagnac, Pommeau, Cognac y Whisky francés) y una güeyada a una cultura sidrera defi nía pol amor a la tierra, nesi sen bien asemeyada a la asturiana. Si bien la so páxina tien un envís nidiamente comercial, con delles estayes destinaes a la venta al por menor y al por mayor de sidre, poirée, pommeau y calvados, tamién podemos alcontrar nesti blog una bona estaya de noticies, recetes de platos y cócteles con sidre y mazana; información interesante sobro eventos, llagares y races de mazanes de sidre o entrevistes a los protagonistes del entornu sidreru francés. Imprescindible pa quien quiera averase al panorama sidreru del estáu francés dende una perspeutiva amplia y con valores.