3 minute read
GERARDO MENÉNDEZ. SIDRA MENÉNDEZ
Dientru les actividaes del Clú de LA SIDRA visitamos el llagar xixonés Menéndez, un llagar con capacidá pa cinco millones de llitros y muncha hestoria, lo que falando de sidre traduzse’n munchu conocimientu
Advertisement
Un intre de la visita al llagar. Los toneles son de castañal, menos ún que ye de carbayu.
Nel llagar de Menéndez nun hai enólogu: los conocimientos trespasaos de xeneración en xeneración algamen pa que Gerardo Menéndez cumpla esa función
La visita mensual del Clú de LA SIDRA llevómos esti mes de payares a conocer les istalaciones de Sidra Menéndez. Nun se pue visitar esti llagar y nun destacar les magnífiques istalaciones d’un llagar impolutu y curiáu al detalle, a un pasu de la ilesia del sieglu XII, San Xuan de Fano. Anque lleven mayando sidre dende los años 40, foi en 1.991 cuando s’asitiaron en Fano, a poca distancia del llagar primitivu. Nel 2.009 remocicóse de nueu tol llagar, faciendo d’elli ún de los más modernos y de más capacidá d’Asturies. Anguañu Sidra Menéndez ye un llagar modernu que conxuga les técniques tradicionales, de siempres,
c/Pola de Siero, 12. 33207, Gijón t. 985 31 94 10 c/Sanz Crespo, 15. 33207, Gijón t. 985 35 99 81
carretera de Peón AF 331, km 276 Alto del Infanzón, Gijón t. 985 13 50 30 avd. De Lugo, 136. 33401, Avilés t. 984 08 73 46
cola tecnoloxía más puntera nunes impresionantes istalaciones arrodiaes de pumaraes. Cuntar coles desplicaciones de Gerardo Menéndez ye siempres una esperiencia prestosa y mui istructiva, nun escaecemos qu’esti ye de los pocos llagares nos que nun ye preciso un enólogu pa controlar la evolución de la sidre, yá que los conocimientos apináos por esti llagareru, de la tercer xeneración d’esti clan de llagareros, a lo llargo d’una vida dedicao a la sidre, son abondos comu pa controlar con ellos tol procesu, daqué que fae mui de cerca y dende’l primer pasu, que ye, por supuestu, la mazana. En Sidra Menéndez tienen perclaro que lo principal pa facer bona sidre, ye cuntar cola mazana afayaízo, en cantidá y en condiciones, daqué qu’esti añu complicóse un migayín. Sicasí, sigún mos desplicó, aparte de los sos veceros asturianos, tienen controlaes delles pumaraes en Galicia. Les races de mazana gallega en sí nun-y gusten, alcuéntrales de tastu llixeru y acolloraten la sidre, pero nos caberos 15 ó 20 años hai delles pumaraes en Galicia nes que se tan llantando pumares de variedaes asturianes, lo que garantiza qu’apurren a la sidre les carauterístiques deseyaes. Ta nidio qu’eses mazanes, anque seyan de races asturianes, al nun tar producíes n’Asturies nun valen pa facer la sidre con Denomación D’Orixen Protexío, marca de la que Gerardo Menéndez ye firme defensor, produciendo dende’l 2.003 la so sidre DOP Val d’Ornón a la que más alantre sumó Sidra Menéndez Ecolóxica, que conxuga eses dos marques de calidá, la ecolóxica y la DOP. Pa elles cuenta cola mazana de les sos pumaraes y d’otres acoyíes a la DOP. Agora mesmo Sidra Menéndez tien presencia nel mercáu con cuatro marques propies: Menéndez, Llagar de Quintana, Val d’Ornón DOP y Menéndez Ecolóxica DOP; marques que podemos atopar en cualisquier puntu del Estáu, yá que tan presentes nos lliniales de les principales cadenes d’alimentación d’España.
