FAVILA

“Nun actu ofi cial, que dante un tapéu con vinu español, cava… yo eso, n’Asturies prohibiríalo”

ÑACÍU EN GRAU Y AFINCÁU N’AVILÉS, FAVILA YE UN PROLÍFICU PINTOR Y ESCULTOR, QUE DISFRUTA ESPARDIENDO’L SO SABER NA ESCUELA D’ARTES Y OFICIOS Y AMUESA UN CALTER AMABLE Y CERCANU CON TOLA XENTE. MENTANTU QUE FACÍAMOS ESTA ENTREVISTA, FOI NOMÁU AVILESÍN DEL AÑU

La primer entruga ye: ¿quién ye Favila pa Favila?

Favila nun ye más qu’un paisanín d’equí, d’Asturies, que siéntese mui asturianu. Mui amante de los vezos, la familia, los collacios. Aprofi to pa desmentir eso de que yo tengo una especie d’aura d’artista. Pa nada, solo soi un pintor. Faigo tamién escultures, porque diviértome munchu con ello. Encántame vivir equí y necesito poques coses: familia, amigos, deprender siempres.

A lo llargo la to vida pintesti cuadros de temátiques mui dixebraes. ¿Qué ye lo que más t’inspira pa pintar?

Yo pinto la vida que me rodea. Formes, situaciones, ambientes que tienen daqué que quiero captar. Y puede ser simplemente un requexu d’una cai, porque da la lluz ellí y creya una triba d’ambiente máxicu. Préstame munchu lo que tien colloríu, por exemplu, los temes folclóricos. El baturiciu. Qu’haiga vida.

Dellos de los tos cuadros tan rellacionaos colos chigres y la sidra…

Sí, porque esi ambiente préstame asgaya. La verdá que munchos de los collacios que fi ce son del ambiente la sidra. Y eso amuesa que la sidra tiene daqué especial…

¿La vida social que va con ello?

Sí, fomenta l’amistanza, axunta a la xente. Por exemplu, nes Cuenques mineres vas tomar sidra y ye como si conocieres a tol mundiu. Y cuandu ponía clases nel institutu de Morea, el primer día que salí a conocer el pueblu entré nuna sidrería, pedí una botella y al poco siento: ¡Qué fais ehí solu, ven p’acá! Esi mesmu día yá conocí a

mediu pueblu. La sidra ye pa tomar en compaña.

Y por eso estimúlate tamién pa pintar cuadros, por ser un ambiente especial

Claro, va xuníu. En Grau había una sidrería que anguañu ta pesllada, llamábase L’Infi ernu, y yo vivía al llau. Vía cuandu facíen la sidra, mayaben la mazana… viví esi ambiente dende rapacín.

¿Hai dalguna cosa que nun pintaríes nunca?

Pero non porque fuera una cosa determinada, sinón porque fuera sosa, porque nun me llamara l’atención, por nun tener formes interesantes. Dafechu, gústenme más les coses fees pa pintar que les guapes. Por exemplu, un horru esboroñando. Alcuérdome tamién de la plaza’l Fontán n’Uviéu. Arregláronlo too tan guapu que cuandu poníame a pintar nun tenía’l sofi tu de testures, manches de muga… pierde autenticidá, el duende.

El to llugar favoritu

Hai munchos, pero diría Grau, porque ellí teo renomances de la infancia… Sicasí, hai sitios guapos per toa Asturies, por exemplu Avilés encántame y si voi a Uviéu, lo mesmu. O Xixón, Candás, Lluancu…

¿Qué ye lo que más te fadia nuna persona?

La zorrería, que nun falen claro dende l’entamu. Gústame que me digan les coses a la cara, ensin rodeos, ensin rendivús. Nun me gusta el que va viendo como puede dir trabayándote pa llueu sacar daqué.

Defi ne’l to día perfeutu

Un sábado a les dos de la tarde más o menos, colos collacios, la muyer y la familia, relaxaos, tomando daqué. Y con quien quiera apuntase.

¿Y un día normal na vida de Favila?

Vengo a poner clases a la Escuela d’Artes y Ofi cios, nun ambiente mui familiar, porque cada clas son unes quince persones, toes con munches ganes y l’ambiente ye mui guapu.

Enseñar lo que sabes ye satisfactorio

Sí, porque yo eché en falta que me falaren claro, tener daquién que me llevara un poco de la manu y fi ciéralo más fácil. Deprender cualaquier cosa ye enguedeyao y ye bono tener daquién trabayando a la to vera, pendiente fasta que entiendas lo que tas faciendo. Ye importante comunicar a otros lo que sabemos facer.

Y los raitanes que pintes, ¿tienen un signifi cáu especial pa ti?

Son el símbolu la galería. Ye un páxaru que prestóme siempres munchu, polos collores. Los que pinto son les críes, que son más gordines y guapines. Entamé a facelo porque sé que un cuadru de mio nun ta al algame de muncha xente, pero ún pequeñu sí.

¿Una bona sidra pa Nuechebona?

Sí, munchu meyor qu’l cava y que’l champagne francés. Arriendes d’ello, agora hai muncha calidá. Ye más, yo recomendaríalo pa cualaquier triba d’actu ofi cial, que dante un tapeu con vinu español, cava… yo eso, n’Asturies prohibiríalo. Tenemos una sidra perbona, inclusu ensin alcohol, hai de potenciar lo de nueso. En cualaquier actu, obligatoriamente, la sidra d’equí. Yá nun digo la d’escanciar, pero les de mesa tan al altor de cualaquier champán.

¿Qué conseyu daríes a una persona que quinxera dedicase a la pintura?

Si quier deprender, que venga a la Escuela d’Artes y Ofi cios que lo tome con afi ción y que seya constante. Buscar a daquién que pueda cha-y un gabitu cola téunica, sobremanera cola base.