Traballo nais 2

“Miña nai, miña naiciña, miña avoa, miña avoíña, como elas dúas, ningunha; que me quentan a cariña, que me quentan a cariña, que me quentan a cariña coa calorciña das súas”

ALUMNADO DE 4º B CURSO 2016- 17 CEIP JUAN FERNÁNDEZ LATORRE

CRISTINA

FELIPE

A miña nai chámase María Cristina Figueroa.

Naceu en Santiago de Compostela o 14 de abril de 1983.

Estudou Auxiliar de Farmacia. Gustáballe estudar e gustaríalle seguir con Xeriatría.

Comezou a traballar de garda de seguridade e agora traballa de xardineira co meu pai (o seu propio xefe).

Gustaríalle traballar de Auxiliar de Farmacia.

A miña nai é moi graciosa e divertida; gústame estar con ela. Axúdame cos deberes e non me gusta cando vai axudar ao meu pai, porque non pode estar comigo.

BELÉN

ROI B.

A miña nai chámase Mª Belén García Vázquez e naceu en A Coruña, o 6 de outubro de 1968.

Estudou Relacións Laborais e Auxiliar de Enfermería; gustáballe moito estudar.

Comezou a traballar hai moitos anos, cando tiña 21 anos. O seu traballo gústalle, aínda que é moi movido e con esforzo físico, e pásao ben cos compañeiros. Pero páganlle pouco.

Gustaríalle outro traballo no que lle pagaran máis.

A miña nai é moi boa, amable e cociña moi ben, pero baila de pena.

CARMEN

ELISA

A miña avoa chámase Carmen Lens García. Naceu o 4 de abril de 1958, no Val do Dubra (A Coruña).

Estudou ata 6º de EXB e gustáballe moito aprender.

Comezou a traballar con 12 anos. Tivo que deixar o colexio para axudar aos seus pais no campo. Agora traballa de empregada do fogar, e está contenta cos seus xefes e co que lle pagan.

Gustaríalle ter máis estudos, porque hai cousas que non entende. E gustaríalle ter estudado perruquería ou para ser mestra.

A miña avoa é simpática, moi boa e traballadora.

MERCHE

DAVID

A miña nai chámase Mercedes Fandiño. Naceu en Baracaldo (Bilbao).

Estudou Maxisterio na Universidade do País Vasco e Pedagoxía en Santiago de Compostela.

Comezou a traballar despois da súa época de estudante. Estudou o que lle gustaba, pero como non sabía escribir moito en galego, decidiu escoller outros camiños relacionados tamén coa educación.

Gustaríalle ser profesora, pero está contenta co seu traballo de coidadora, axudando a nenos e nenas con discapacidade..

A miña nai ás veces enfádase comigo, pero me quere moito e é divertida.

PATRI

ANA

A miña nai chámase Patricia Fernández; naceu na Coruña o 10 de maio de 1974.

Estudou Ciencia Económicas, porque sempre lle gustaron os números. A carreira que fixo gustoulle moito.

Comezou a traballar nunha corredoría de seguros hai 15 anos. É a directora da administración e leva a contabilidade da oficina. Lévase moi ben co seu xefe e os seus compañeiros; de feito, unha das súas compañeiras, é a miña madriña, Lidia.

Gustaríalle que a corredoría medrase para poder cobrar algo máis e ter máis estabilidade. Pero di que ten moita sorte, porque traballa no que lle gusta.

A miña nai é xenerosa e aínda que ás veces me berra un pouco, é a mellor nai do mundo.

BEGOÑA

LEO

A miña nai chámase Begoña Castro Novo. Naceu no ano 1970, nunha aldea chamada Mens (Malpica), na casa dos meus bisavós.

Estudou Psicoloxía en Santiago de Compostela.

Comezou a traballar como Auxiliar Administrativa aos 26 anos, tamén en Santiago. Traballou tamén varios anos nunha casa de turismo rural.

Gustaríalle traballar de Policía Nacional, pero non puido, porque non tiña altura suficiente.

A miña nai é moi cariñosa e moi xenerosa, traballadora, ordenada e meticulosa. Pero tamén é impaciente e un pouco berrona. De todas as maneiras, sempre a vou querer.

ANA

ÁNGELA

A miña nai chámase Ana Isabel Sánchez Torrrado e naceu o 31 de xullo de 1970, en Boiro.

Estudou Bacharelato. Quería estudar Deseño e Moda, porque lle gustaba moito.

Comezou a traballar aos 16 anos, para empezar a gañar cartos. Está contenta co seu traballo, cos compañeiros e co seu xefe.

Gustaríalle ser dependenta de tenda, porque lle gusta moito a moda.

A miña nai é moi boa; gústame porque se porta moi ben comigo e sei que me quere moito (e eu a ela tamén).

YENI

LUIS

A miña nai chámase Yenifer de Los Santos e naceu en República Dominicana.

Estudou Graduado Escolar e Bacharelato.

Comezou a traballar aos 18 anos e gustaríalle ter estudado Empresariais.

Agora está traballando nunha panadería.

Gustaríalle traballar só de luns a venres para ter a fin de semana libre e poder estar con nós. No traballo lévase moi ben coas súas compañeiras. E tamén lle gustaría traballar nun banco.

A miña nai é moi comprometida co seu traballo. É moi esixente comigo, pero me quere moito e sempre está disposta a axudarme.

MONTSE

ANTÍA

A miña nai chámase Mª Montserrat Vidal Diz. Naceu o 26 de marzo de 1968, no concello de Barakaldo, na provincia de Bizkaia.

Estudou Patronaxe e Confección e Deseño e Moda. Non puido facer Enxeñería Téxtil.

Comezou a traballar mentres estudaba.

Ao rematar os seus estudos traballou de operaria téxtil onde fixera as prácticas, ata que un ERE a deixou sen traballo. Despois empezou a traballar como profesora do téxtil.

Gustaríalle ter máis estabilidade laboral.

Sempre está estudando cousas novas e reciclándose (agora está estudando Inglés na Escola de Idiomas) A miña nai é fantástica, boísima e moi rebelde. É a mellor e máis traballadora que existe no mundo.

SUSANA

ALBERTO

A miña nai chámase Susana Aller Fernández e naceu o día 31 de marzo de 1969, en Ferrol.

Estudou Maxisterio e Técnico de Análises Clínico á xente. Lévase moi ben cos seus compañeiros de traballo.

Comezou a traballar aos 18 anos de dependenta, ao tempo que estudaba para mestra, pero por circunstancias da vida, nunca exerceu como tal. Leva 17 anos traballando como teleoperadora; é un pouco monótono, pero está contenta de poder axudar aos demais.

Gustaríalle exercer como mestra de nenos que non teñen acceso fácil á educación.

A miña nai é graciosa, simpática e un pouco seria ás veces, traballadora e moi cariñosa. Quéroa moito.

DELIA

MARTÍN

A miña nai chámase Delia Ares Senra, e naceu en Lugo, o 12 de novembro de 1974.

Estudou Química, e o que máis lle gustaba era a Bioloxía e a Química.

Comezou a traballar no ano 2001.

Traballa de garda no porto de A Coruña e o que máis lle gusta do seu traballo é que o fai ao aire libre. O que menos lle gusta é que ten demasiados xefes. Os seus compañeiros son tamén os seus amigos.

Gustaríalle traballar axudando á xente.

Sempre fai cursos para aprender cousas novas.

A miña nai é moi boa persoa, porque me leva ao parque, faime a cea, cómprame roupa e pásame música.

EVA

NOA

A miña nai chámase Eva Pereira Villar. Naceu o 21 de abril de 1975 en A Coruña.

Estudou Auxiliar Administrativo porque tiña máis saída laboral, aínda que o que lle gustaba era Filoloxía Inglesa.

Comezou a traballar con 22 anos de teleoperadora. Hoxe segue no servizo técnico da mesma empresa. Traballa moito e páganlle pouco, pero ten a vantaxe de ter as tardes libres. Ten moitos compañeiros que, co paso dos anos, xa son amigos.

Gustaríalle aprender máis idiomas e ter máis cartos para viaxar polo mundo.

A miña nai é simpática, divertida, graciosa, lista e traballadora. Gústame o seu carácter. É moi cariñosa, sempre ten un sorriso na cara e encántame cando xoga comigo.

SONIA

IAGO

A miña nai chámase Sonia Gay Sánchez e naceu na Coruña, o 10 de outubro de 1974.

Estudou a carreira de Bioloxía e Xeoloxía, o que quería facer. Gustáballe moito estudar.

Comezou a traballar no ano 1999, dando clase nun instituto. O seu traballo gústalle moito e está moi contenta con el.

Gustaríalle traballar nun parque natural, pero ten dúbidas.

A miña nai é moi boa e amable; trata moi ben a todas as persoas e ela é unha gran persoa.

ROCÍO

ANTÍA

A miña nai chámase Rocío Cao Rodríguez e naceu o 6 de outubro de 1980 en Loiba (Ortigueira).

Estudou Técnico Especialista en Radiodiagnóstico e recepcionista.

Gustáballe estudar, quería ser veterinaria, pero ao final, non o foi.

Comezou a traballar no 2001, porque quería independizarse. Gústalle moito o seu traballo, porque atende á xente na recepción dunha escola de inglés. O soldo non está mal e a relación cos xefes e compañeiros é moi boa.

Gustaríalle ter máis tempo libre para estar coa familia e un traballo que lle permitira viaxar máis.

A miña nai é moi boa e divertida, cómprame moitas cousas e déixame ir a todos os sitios. A miña nai é a mellor nai do mundo enteiro.

CARLA

LUCÍA

A miña nai chámase Carlota Verdía Pousa. Naceu en A Coruña, o 26 de marzo de 1976.

Estudou Bacharelato no IES Salvador de Madariaga. Gustáballe moito estudar e quería facer Historia do Arte, pero non puido.

Comezou a traballar aos 18 anos pasando o ferro de forma industrial.

Estaba contenta con todo o do seu traballo.

Gustaríalle ter feito Historia da Arte e tamén Patronaxe Industrial.

A miña nai é guapa, traballadora, lista, creativa, non se rende ante as dificultades e fai todo o que sexa por nós.

CRIS

ANA Mª

A miña nai chámase Mª Cristina Ramos Espiñeira. Naceu en Sobrado (A Coruña), o 19 de febreiro de 1982.

Estudou Bacharelato e COU. Comezou a traballar cos 16 anos coidando nenos e dando clase de baile galego.

Despois, para mellorar economicamente e ter mellores horarios, foi traballando de camareira, dependenta, teleoperadora, caixeira e repoñedora.

Agora traballa na casa; é ama de casa.

Gustaríalle estudar Educación Social, para axudar a xente desfavorecida.

A miña nai é divertida, comprensiva, lista e moi traballadora. Encántame a miña nai!

ROSA

SERGIO

A miña nai chámase Rosario Fernández Letellier e naceu en Venezuela, o día 9 de novembro de 1969.

Estudou no Colexio Público Curros Enríquez e no Instituto Celso Emilio Ferreiro de Celanova (Ourense).

Comezou a traballar aos 16 anos facendo extras de camareira e aos 21 empezou como perruqueira, e aínda hoxe traballa niso. É autónoma e atopa o seu traballo moi pracenteiro.

Gustaríalle ter estudado Bioloxía e idiomas ou ser mestra.

A miña nai é moi boa e lista e aínda a enfado moitas veces, ela sempre fala comigo intentando facer que entenda as cousas. Quéroa moito!

MAITE

VALERIA

A miña nai chámase Mª Teresa Íñiguez Vázquez, aínda que todos a chaman Maite. Naceu o 6 de xullo de 1982, na Coruña.

Estudou EXB e BUP. Despois non quixo facer bacharelato, porque tiña moi claro que ía ser perruqueira e fixo unha FP desa profesión.

Comezou a traballar moi nova. No ano 2000 compaxinaba estudo e traballo, porque así aprendía traballando ao tempo que gañaba algúns cartos para os seus gastos. Agora ten o seu propio negocio, un Salón de Perruquería.

Gustaríalle dedicarlle máis tempo á perruquería, pero como ten dúas fillas, só vai traballar polas mañás, para poder dedicarnos máis tempo á miña irmá e a min.

A miña nai é guapa, divertida, simpática, traballadora, limpa, moderna, boa nai,... é boa en todo.

LAURA

CANDELA

A miña nai chámase Laura Fernández Pereiro e naceu na Coruña, o 11 de setembro de 1977.

Estudou no Instituto Eusebio da Guarda da nosa cidade. Gustáballe moito estudar.

Quería facer Medicina, pero ao final fixo Fisioterapia.

Comezou a traballar no ano 1999, nunha clínica en Lalín (Pontevedra) e dous anos máis tarde, cambiou para o Hospital San Rafael, en A Coruña, porque estaba máis preto da casa. Está moi contenta co traballo aínda que lle gustaría que lle pagaran máis. Cos seus compañeiros lévase moi ben.

Gustaríalle especializarse en Osteopatía.

A miña nai é moi cariñosa, moi guapa e moi boa comigo. Sempre está coidándome e axudándome con todo. Quéroa moito!

ANA

ENARA

A miña nai chámase Anabel García Graña e naceu o 24 de decembro de 1972 en Bournemouth (Inglaterra).

Estudou Tradución e Interpretación de Idiomas (inglés e francés) en Granada.

Comezou a traballar no ano 1997 como intérprete, pero deixouno un pouco máis tarde, porque era moi estresante. Dende o ano 1998, traballa como tradutora na casa.

Encántalle o seu traballo porque os seus clientes son moi amables e considera que lle pagan ben.

Gustaríalle dedicarse a facer manualidades ou escribir contos para nenos, porque lle encantan as actividades creativas.

A miña nai é moi simpática e boa; sempre pensa en nós e ela para min é xenial e perfecta.

VANESSA

LUCÍA

A miña nai chámase Vanessa Cupeiro González. Naceu o 17 de febreiro de 1980 na Coruña.

Estudou Perruquería e Auxiliar de Enfermería hai dous anos. E isto foi o que máis lle gustou.

Comezou a traballar cando tiña 19 anos.

Tivo distintos traballos. Agora é caixeira (leva xa 15 anos). Está moi contenta co seu traballo e faino moi ben. Lévase estupendamente cos seus compañeiros e xefes e, de cando en vez, saen xuntos de cea.

Gustaríalle traballar nun hospital de auxiliar, xa que lle gusta moito coidar enfermos.

A miña nai é moi boa comigo; dela gústame todo e para min é a mellor nai do mundo.

MARÍA

ROI

A miña nai chámase María Martínez López e naceu na Coruña, o 11 de marzo de 1977.

Estudou Perruquería cando acabou EXB. Comezou a traballar aos 16 anos, porque na casa facían falta os cartos.

Agora traballa nun supermercado e está contenta co que fai.

Gustaríalle poder pilotar avións.

A miña nai é moi boa e moi cariñosa comigo, quéreme moito e eu tamén a ela.

AURI

PABLO

A miña nai chámase Auri Cánovas Montes e naceu o 13 de decembro de 1981, en Pontevedra.

Estudou Administración e Finanzas, e aínda que non era o que ela prefería, gustáballe moito estudar.

Comezou a traballar con 16 anos. Agora está contenta co seu traballo, co seu xefe e cos seus compañeiros e compañeiras.

Parécelle un traballo divertido.

Gustaríalle ser médico para poder axudar á xente que está enferma.

A miña nai é cariñosa, guapa, lista, traballadora, boa, xenerosa e moi boa cociñeira.

MARÍA

DANIELA

A miña nai chámase María Díaz Eirís. Naceu o 20 de decembro de 1977 na Coruña.

Estudou Enfermería e Informática, aínda que ela quería facer Veterinaria, pero non puido ser. Gustáballe moito estudar.

Comezou a traballar con 21 anos porque quixo ela. Agora é empresaria; está contenta co seu traballo. É a xefa e o trato cos seus compañeiros empregados é moi bo.

Gustaríalle máis ser veterinaria porque lle encantan os animais, pero no seu traballo séntese moi ben.

A miña nai é guapa, lista, amable e moi simpática. O que máis me gusta dela é que teño a sorte de tela comigo.

MARI

ALBERTO

A miña avoa chámase Mª Carmen Nouche Blanco e naceu o 19 de maio de 1954.

Estudou os estudos básicos do seu tempo porque tivo que poñerse a traballar.

Comezou a traballar moi nova, aos 14 anos. Traballou nunha zapatería e nun supermercado. Agora xa non traballa fóra da casa, pero na casa fai moitas cousas.

Gustaríalle que todos estiveramos moi ben, que non nos pasara nunca nada.

A miña avoa é moi guapa, quéreme moito e cóidame moi ben. Gústame todo da miña avoa. Quéroa moito, moito!

NOTA DOS AUTORES E DAS AUTORAS: Aquí remata a nosa homenaxe a cada unha destas mulleres, máis ca traballadoras, que todos os días están pendentes de cada un e cada unha de nós, sen descansar e sen durmir se á preciso.

Grazas, mamás!

Grazas, avoas!