«Alle saman tel» av Kristin Roskifte

«Alle saman tel» · ISBN 978-82-8460-003-1 · Tekst og illustrasjon: Kristin Roskifte · © Magikon forlag 2025 · 1. opplag Omsett frå bokmål til nynorsk av Helge Torvund · Originaltittel: «Alle sammen teller» · Formgiving: Svein Størksen Trykk: Livonia, Latvia · Papir: Arctic Volume White 150g · Sats: DIN Regular 12/15 · Utgitt med støtte frå Norsk kulturfond, Norsk illustrasjonsfond og Grafill · Magikon forlag, Fjellveien 48A, N-1410 Kolbotn, Noreg · www.magikon.no

Eitt menneske. Han ligg og tel hjarteslaga sine. Han lurer på kor mange menneske som ser på dei same stjernene nett no.

To menneske på tur i skogen. Ein av dei seier noko som den andre vil hugsa resten av livet.

personar på ein sigerspall.

Fire personar i eit band. Ein av dei er tvilling. Éin lurer på kva dottera skal få i bursdagsgåve. Éin kjem snart til å skada seg.

Fem menneske i ein familie. Tre av dei elskar å lesa bøker. Éin har ein hemmeleg kjæraste.

Seks menneske i ein heis. Ein av dei er redd for å gå glipp av noko. To kjenner seg einsame.

Sju personar i ein vitnekonfrontasjon. Fire av dei har aldri gjort noko gale. Alle er redde for å verta peika ut.

Åtte personar i ein gymtime. Alle er redde for å bli valde sist til kanonballaget. Éin gler seg til bursdagen til systera si.

Ni personar som står i kø. To har viktige avgjersler å ta. Éin kjem snart til å verta misnøgd. Éin gler seg til å gå på kino med sonen sin.

Elleve personar på eit fotballag. Ti av dei liker å spela fotball. Éin gruer seg til å gå på skulen.

Tolv personar i eit bursdagsselskap. To tenkjer at tida går altfor fort. Éin tykkjer det er altfor lenge til sin eigen bursdag.

Tretten personar på teiknekurs. Tolv av dei gløymer alt anna medan dei teiknar. Éin skal snart bli pappa for første gong.