O Barbanza 13 by marcusfernandez

O Barbanza Número 13

obarbanza

@obarbanzagal

@o_barbanza

Visita a nosa

WEB

608 240 160

obarbanza.gal

Setembro 20

Unha comarca en loita contra a COVID-19

 Remata o verán, un dos máis espectaculares dos últimos anos en canto o tempo, pero que por desgraza a situación sanitaria non axudou a vivir en toda a súa intensidade. A pesar diso, o turismo nacional desembarcou na comarca e o aluguer de casas e pisos tivo unha forte suba, sobre todo nos concellos máis pequenos. A crise, porén, fixo que moitos establecementos pecharan e que a hostalería e o comercio se resentisen bastante. As praias, a gastronomía e as nosas augas, non foron suficientes para que a ausencia de festas cubrise a chegada

masiva de visitantes e que tirase da economía comarcal como outros anos. Menos mal que o apoio dos veciños consumindo a nivel local, mitigou algo a crise orixinada pola pandemia. Por desgraza preséntase un outono non moi positivo pero entre todos sairemos da situación. Unha palabra ten que estar presente nas nosas vidas mais que nunca, "Solidariedade". Entre todos o lograremos, e repetimos a mensaxe que lanzabamos desde a nosa publicación: “Sexamos conscientes e controlemos". Vémonos a diario en "obarbanza.gal".

Distanciad@s pero activ@s

Concellos, empresas e cidadanía impulsan a economía e a cultura

As patronais opinan 5 /9

As asociacións analizan os puntos fortes e febles do Barbanza contra a crise

10/11

Contra vento e marea

Confírmase o papel dos deportes náuticos

12/13

Toda a actualidade da comarca nas tĂşas mans SĂguenos en:

obarbanza

@obarbanzagal

@o_barbanza

608 240 160

obarbanza.gal

Visita a nosa web

O Barbanza Diario dixital

O Barbanza

Setembro 20

ACTUALIDADE  NOVAS 

O Barbanza EDITA: Grupo Código Cero Comunicación S.L. Rúa das Hedras nº 4, 1º G 15895 Ames (Milladoiro) Tel.-fax: 981 530 268 - 608 240 160 www.codigocero.com DIRECTOR: Joferpa director@obarbanza.gal WEBMASTER: Marcus Fernández REDACCIÓN: Fernando Sarasketa Sonia Pena redaccion@obarbanza.gal FOTOGRAFÍA: Beatriz Martínez del Campo y Ricoy Joferpa DESEÑO E MAQUETACIÓN: Grupo Código Cero Comunicación PUBLICIDADE: publicidade@obarbanza.gal CORREO DO LECTOR: lectores@obarbanza.gal A NOSA WEB www.obarbanza.gal IMPRIME: TAMEIGA, S.L. Número 13 (setembro 2020) Publicación periódica. Tirada: 7.000 exemplares Depósito Legal: C 668-2019 I.S.S.N.: 2659-8256

A rehabilitación do Pazo de Goiáns chegaría ao seu remate antes do vindeiro verán

s traballos de recuperación e posta en valor do Pazo-Torre de Goiáns de Boiro avanzaron de xeito importante este verán, un ritmo de obra que conseguiu abreviar os prazos previstos en orixe. Segundo nos fixo saber o Concello, está previsto que as tarefas rematen a comezos do vindeiro verán. Os avances no proxecto viñeron dados en boa medida pola urxencia para conservar e protexer tan relevante edificio, que tiña o tellado derrubado e cuxa estrutura estaba a verse seriamente afectada polas filtracións de auga. A previsión é que a cuberta fique colocada antes da tempada de choivas.

No mes de agosto, os traballos que se realizaron foron os seguintes: -- Rematouse a estabilización e encintado dos muros de pedra. -- Rematouse a aplicación de morteiros tradicionais de cal nos parámetros que van revestidos. -- Retiráronse as fiestras de madeira aproveitábeis para usar como modelo das novas xanelas. -- Rematouse a división e recebo da zona de aseos e cuarto de instalacións, para poder comezar os acabados finais. -- Recuperáronse ocos e armarios realizados en pedra que se atopaban tapiados debido a numerosas reformas do pazo. -- Preparáronse as cor-

nixas e topetes de remate dos muros para recibir a cuberta de madeira. -- Comezouse coas tarefas de estabilización e limpeza da Torre de Goiáns. -- Está en fabricación a estrutura de madeira que vai formar o primeiro andar e a cuberta, que está previsto que se coloquen no mes de setembro.

-- Estanse a realizar as canalizacións ocultas do sistema de climatización de aire interior. -- Estanse a seleccionar os materiais de acabado (tellas, terrazo, alicatados...) escollendo entre as opción de diversos provedores para determinar os materiais de acabado que mais se axusten ás características propias do pazo.

Toxo Telecom estreou web este verán

oxo Telecom, a operadora de Ribeira, dende onde subministra fibra, móbil, TV e telefonía fixa, estreou este verán a súa nova páxina web, www.toxotelecom. gal. Trátase dun coidado servizo de información e comunicación cuxa posta en marcha foi, en palabras dos responsábeis de Toxo, “un dos grandes acontecementos da empresa neste 2020”, que, ademais, vén co engadido extra de ser

un produto cen por cen “do país”. A web, de feito, foi deseñada en galego, desenvolvida en Ribeira (polo equipo da cooperativa local ctBarbanza), concibida co dominio .gal e aloxada en Santiago de Compostela. Ou sexa, máis nosa imposíbel. A páxina, que tamén se achega en castelán, foi moi ben recibida polos usuarios de Toxo, non só pola súa importante “galeguidade”, senón tamén

pola utilidade, a sinxeleza e a claridade dos seus recursos, que se artellan en catro puntos fundamentais (fibra, móbil, TV e

contacto) e que se complementan con información detallada das diferentes modalidades de contrato que se ofrecen.

Setembro 20

O Barbanza

 FESTAS DO NAZARENO  A POBRA DO CARAMIÑAL

A Pobra mantén viva a súa festa grande

s complexas circunstancias sanitarias, sociais e económicas polas que estamos a pasar cambiarán o xeito de achegarnos á cultura e ás festividades tradicionais da nosa terra, pero non mudarán o seu fondo e a súa esencia. A festividade do Nazareno na Pobra do Caramiñal, declarada Festa de Interese Turístico Galego no ano 2000, é un exemplo perfecto disto: un tesouro histórico que segue entre nós, cunha axenda reducida e con estritas medidas de seguridade anti-COVID habilitadas polo Concello (todas as actividades desenvolveranse seguindo un rigoroso protocolo de distanciamento

e desinfección), e que permanece intacto para, entre outras cousas, axudarnos a sobrelevar a adversidade. Este ano haberá menos afluencia de público, está fóra de toda dúbida, pero a devoción, a petición e o agradecemento seguirán aí, se cadra aínda con maior intensidade. Cunha duración de catro días (venres 18, sábado 19, domingo 20 e luns 21), a xornada cun compoñente máis relixioso será a do domingo, coas misas, a partir das 10.00 horas na praza Alcalde Segundo Durán, estando previsto que o último dos oficios sexa emitido en directo por Canal Barbanza e en streaming dende a canle de Youtube do Concello da Pobra do Caramiñal.

Actividades para O Nazareno 2020  Venres 18

 Luns 21

• Actuación de Broken Peach. Primeiro pase de 21.00 a 22.00 horas, e segundo pase de 10.45 a 11.45 horas. Cantón da Leña.

• Alboradas no rural (parroquias do Xobre, Santa Cruz e San Isidro) da man de Arrancadeira, Trécola e Os Caraveiros. A partir das 10.00 horas.

 Sábado 19

• Showcooking e reparto de tapas polas terrazas dos locais hostaleiros da man de Kike Piñeiro e Eloy Cancela (A Horta do Obradoiro). Mañá e tarde.

• Pasarrúas de música e baile tradicional con Arrancadeira (sae da Covecha e remata nos Xardíns de Valle-Inclán), Trécola (sae da rúa da Feira e remata na praza de Maura) e Os Caraveiros (sae do paseo dos Areos e remata no Cantón da Leña). De 20.30 a 22.30 horas. • Actuación de Millo Miúdo, ás 13.30 horas, nos Xardíns de Valle-Inclán. • Actuación de Puzzle, ás 21.30 horas, no Cantón da Leña.

 Domingo 20 • Misas na praza Alcalde Segundo Durán, ás 10.00, 11.30 e 13.00 horas. A última emitirase en directo por Canal Barbanza e en streaming desde a canle de Youtube do Concello da Pobra do Caramiñal.

• Actuación de Circanelo, ás 18.30 horas, no Cantón da Leña.

NOTA: Tódalas actividades se desenvolverán seguindo un protocolo de seguridade e as medidas implantadas por mor da COVID-19. Para as actuacións disporanse cadeiras para controla-la cabida do evento e procederase á desinfección dos espazos e mobiliario cando conclúa cada unha.

• Actuación de Setestrelo, ás 20.00 horas, na praza Alcalde Segundo Durán.

Domingo 20 Misas na praza Alcalde Segundo Durán, ás 10.00, 11.30 e 13.00 horas. A última emitirase en directo por Canal Barbanza e en streaming desde a canle de Youtube do Concello da Pobra do Caramiñal.

Tódalas actividades se desenvolverán seguindo un protocolo de seguridade e as medidas implantadas por mor da COVID-19.

Concello da Pobra do Caramiñal

Nazareno

O Barbanza A POBRA DO CARAMIÑAL

A Pobra aposta polos espíritos emprendedores O Concello sumará un novo centro colaborativo á rede provincial de espazos de coworking

Rede Provincial de Espazos de Traballo Colaborativo da Deputación da Coruña está a piques de dar un novo paso en materia cuantitativa e cualitativa. Así o fixeron saber a entidade provincial e o Concello da Pobra do Caramiñal, que iniciaron os contactos para integrar o espazo de traballo colaborativo da vila (o coworking da Pobra) na devandita rede provincial, conformándose un tecido de traballo innovador no que tamén se integran Boiro, Oleiros, Carballo, Brión, Moeche ou Ames (Milladoiro), concellos que aglutinan espazos de emprendemento ligados a aqueles sectores nos que teñen meirandes fortalezas e potencial. A primeira xuntanza celebrouse en agosto na sede da Deputación. Participaron o deputado da área de emprego, Xosé Ramón Riobóo, o alcalde pobrense Xosé Lois Piñeiro, a concelleira de Promoción Económica, Charo Varela, a concelleira de Cultura, Sanidade e Relacións Institucionais, Patricia Lojo e a coordinadora do Plan de Emprego Local da Deputación da Coruña, Marisa Lista.

 Segundo fixo saber o

rexedor da Pobra, “O FabLab é unha instalación que vive da mesma filosofía que a do coworking, a do traballo colaborativo e de aprender de outros” Nesta reunión Riobóo salientou que “a Deputación da Coruña ten un especial interese en promover o emprendemento e a creación de novas empresas na provincia, motor da nosa economía” e que “desde o Plan de Emprego Local se están a realizar grandes esforzos por impulsar ás novas empresas e reter o talento novo na provincia”. O coworking da Pobra, emprazando no antigo Restaurante Lagar, conta cunha superficie de 265 metros cadrados e catro áreas diferenciadas: unha para usos múltiples, unha sala para cursos e informática e dúas zonas Fab-Lab (laboratorios de creatividade) nas que se poderá acceder as novas tecnoloxías, como á impresión 3D.

Setembro 20

 ACTUALIDADE 

Segundo fixo saber na xuntanza o rexedor da Pobra, “O Fab-Lab é unha instalación que vive da mesma filosofía que a do coworking, a do traballo colaborativo e de aprender de outros”. Piñeiro salientou a reunión como “moi positiva, cremos que vamos a conseguir o pulo que estábamos buscando para o noso coworking grazas ao asesoramento da Deputación. Con esta iniciativa, o Concello quere dar, en colaboración coa Deputación, un paso máis no ámbito da promoción económica e empresarial que vén desenvolvendo e incidir máis “no fomento da cultura do emprendemento”. As dúas entidades coincidiron en salientar que “existe unha correlación positiva entre a promoción do espírito emprendedor e os resultados económicos en termos de crecemento, supervivencia de empresas, innovación, creación de emprego, cambio tecnolóxico e incremento da produtividade que ofrecen as perspectivas de desenvolvemento socioeconómico para a comarca do Barbanza”.

A Torre de Bermúdez pon a punto os seus elementos de madeira

Concello da Pobra do Caramiñal está a desenvolver unha serie de actuacións de mantemento e arranxo na Torre de Bermúdez, sede do Museo Valle-Inclán, co fin de poñela a punto de cara á tempada de outono e inverno. En concreto os traballos destes primeiros días de setembro céntranse na rehabilitación e recuperación dos elementos de carpintaría.

O Goberno local informou de que a Torre de Bermúdez, Monumento Histórico-Artístico Nacional e Ben de Interese Cultural (BIC), precisaba de traballos de mantemento nos madeirames exteriores (portas e xanelas), así como no mobiliario funcional empregado para a atención ao público (consignas e móbeis de oficina). Por outra banda, tamén se efectuou a realización de peañas para esculturas que alberga o Museo.

Setembro 20

O Barbanza

 ACTUALIDADE  RIBEIRA

Unha nova realidade chamada ecommerce Entra en funcionamento a plataforma Ribeira Store con 129 negocios

plataforma Ribeira Store (www. ribeirastore.com) xa é finalmente unha realidade para usar e para tirarlle proveito. A presentación oficial e definitiva da plataforma de comercio electrónico celebrouse o pasado 29 de agosto na praza consistorial, onde o alcalde Manuel Ruiz comezou a súa intervención salientando unha das grandes vantaxes do servizo: a de que tan só cun móbil ou un ordenador os veciños poidan mercar os produtos e servizos dos comerciantes que están ao seu carón. O marketplace ribeirense iniciou a súa andaina cun total de 129 negocios adscritos á plataforma e a posibilidade de adquirir 593 artigos diferentes (máis de 900 no caso de que se inclúa as distintas variedades de cada un dos mesmos). A plataforma, que irá incorporando máis negocios e máis artigos a medida que se asente, está dispoñíbel tanto en galego como en castelán.

 Unha das grandes

vantaxes do servizo é a de que tan só cun móbil ou un ordenador os veciños poidan mercar os produtos e servizos dos comerciantes que están ao seu carón.

Tal e como recordou a concelleira Innovación Tecnolóxica, Ana Barreiro, durante o acto de presentación, “a idea de lanzar esta plataforma xurdiu durante o confinamento como unha forma de axudar aos nosos empresarios e autónomos nuns tempos nos que os seus ingresos se viron mermados drasticamente”. A edil avanzou que logo de dous meses realizando unha

campaña de captación vaise poñer en marcha agora unha campaña de marketing dixital para visualizar e priorizar a plataforma en Internet, en tanto que o seu colega da área de Promoción Económica, Ramón Doval, salientou que Ribeira Store “está aquí para quedar”. Edelmiro Justo, de TokApp (a empresa responsábel de desenvolver o marketplace), explicou que o

lanzamento de Ribeira Store é a primeira fase dun plan que contempla tamén a próxima posta en marcha dunha aplicación móbil (que, entre outras prestacións, levará integrada a propia ecommerce) así como a construción dunha nova páxina web institucional máis potente, versátil e intuitiva que a actual. O emprendedor tamén fixo unha sinxela demostración de como funciona Ribeira Store, onde se pode buscar tanto por produtos como por comercios e inclúe a posibilidade de realizar ofertas e promocións tal e como de feito teñen realizado xa varias tendas.

Ribeira celebra a patroa con eventos gratuítos e seguros

un ano normal, Ribeira acollería estes días múltiples actividades para celebrar a súa patroa, Santa Uxía. Con todo, o Concello fixo un esforzo para manter acesa a chama da celebración, achegando unha decena de eventos en formatos medios e pequenos, gratuítos e baixo estritos protocolos de seguridade. A axenda comeza o día 11 ás 19 horas coa actuación de Fran Rei na praza da Porta do Sol co seu espectáculo Superheroe. Ás 21 horas celebrarase un novo concerto da programación das Rúas Musicais: nesta ocasión será a banda local Espazo en branco a que toque na praza de Vigo. Tamén ás 21 horas haberá unha ruada de musica tradicional co Grupo Tahume, con saída do parque García Bayón e desfile polas rúas e prazas da urbe ata rematar no Museo Municipal ás 22.15: hora na que dende o balcón deste edificio actuará a coñecida gaiteira Susana Seivane.

O sábado 12, Día de Santa Uxía, a partir das 11 está prevista unha ruada de música tradicional coa banda de gaitas Os Castros de Ames, con saída do parque García Bayón para rematar na Porta do Sol. Ás 12, oficiarase unha misa solemne na honra da patroa no adro da igrexa e a praza da Porta do Son que estará cantada polo Coro Parroquial. Ás 13 horas haberá na praza de Compostela un novo concerto das Rúas Musicais que correrá a cargo de Blow. Ás 19 horas, a Porta do Sol dará cabida á unha actuación infantil e familiar cos Contos de Pablísimo. E xa para rematar a xornada, ás 21.30 horas na Porta do Sol actuará o grupo Gallaecia Small Band con Paty Lesta. O domingo 13 de setembro desenvolverase ás 13 horas un concerto de Thais Suki na rúa Santa Uxía para pechar as Rúas Musicais.

O Barbanza

Setembro 20

BOIRO  ACTUALIDADE 

Innovación en 360º

gal.

O coworking Emprende Lab Barbanza amplía o prazo de presentación de propostas

proxecto de traballo innovador e colaborativo (coworking) Emprende Lab Barbanza, que desenvolve o Concello de Boiro con financiamento da Deputación Provincial da Coruña e a colaboración da Asociación Boirense de Empresarios (ABE) amplía o seu prazo de presentación de propostas. Os proxectos poden presentarse ao coworking de Boiro ata o vindeiro 18 de setembro, as bases e toda a información están a disposición dos usuarios na web específica do novo centro-laboratorio de traballo emprendedor: www.labbarbanza. gal. O Concello explicou tamén que o programa de formación e aceleración Emprende Lab Barbanza vai acoller 20 proxectos na fase inicial de formación e asesoramento, dos cales 10 pasarán á fase de aceleración. Todas as persoas participantes van ter acceso a obradoiros de formación de carácter teórico-práctico, cada un deles deseñado para “capacitar ás persoas participantes de xeito intensivo”, sinalou o Concello, engadindo que estas actividades inspiranse na metodoloxía boot-camp, “identificando dificultades, propoñendo estratexias para superalas e aportando ferramentas concretas para poñelas en práctica”.

Un punto de encontro de

empresas e startups

para promover o emprendemento e o autoemprego na comarca

 O programa de formación

e aceleración Emprende Lab Barbanza vai acoller 20 proxectos na fase inicial de formación e asesoramento, dos cales 10 pasarán á fase de aceleración. O programa está destinado a novas empresas e a empresas xa constituídas que buscan ampliar as súas liñas de traballo ou negocio. O principal obxectivo de Lab Barbanza é fortalecer o actual ecosistema emprendedor da comarca do Barbanza, favorecendo o establecemento e permanencia no espazo de traballo colaborativo de novas empresas baseadas en talento, innovación e o rápido crecemento. O prazo de presentación de propostas está aberto, e pode facerse ata o vindeiro 18 de setembro. As bases do programa e toda a información está a disposición das persoas interesadas na devandita web do proxecto ou no enderezo electrónico info@labbarbanza.

Talleres formativos

Emprenday Espazo de traballo

Mentoring Demoday labbarbanza.gal

APÚNTATE

Ata o 18 de setembro de 2020

Setembro 20

O Barbanza

 ACTUALIDADE  RIANXO

O comercio rianxeiro quere ser universal A ARE e o Concello dan forma a un directorio web e un innovador marketplace

ARE e o Concello de Rianxo deron este verán un paso definitivo de cara a creación dunha plataforma online consistente nun gran directorio do sector empresarial local e dun marketplace que permitirá ao comercio ampliar as súas ventas chegando a un maior número de potenciais clientes. O proxecto ten ás súas costas meses de traballo, afondando no interese do empresariado mediante xuntanzas ou organizando reunións especializadas co obxectivo de analizar as características específicas que debe ter a ferramenta que se vai crear e de como desenvolver e financiar o proxecto conxuntamente. O proxecto, do que se darán a coñecer detalles concretos en datas vindeiras (o nome, a imaxe e o deseño definitivo da plataforma, a súa construción, etc), está a coller corpo estes días da man da empresa que resultou finalmente seleccionada para a realización do portal. Na recta final do proceso de materialización farase un novo chamamento ao empresariado local para informalo de xeito máis concreto sobre o funcionamento da plataforma e os servizos que poderá ofrecer a través dela.

A ARE e o Concello lembraron que o servizo estará aberto a todos os negocios con sede no concello de Rianxo e que estes poderán participar nel simplemente formando parte do directorio empresarial ou tamén ofrecendo os seus produtos

e servizos a través do marketplace. Ademais, contratarase persoal especializado especificamente para asesorar aos negocios e axudalos no seu proceso de integración e adaptación ao servizo dixital. A través desta plataforma tamén

Chega a USC senior entre o 5 e o 14 de outubro

n outubro vai recalar en Rianxo a nova edición, a cuarta, do campus senior da Universidade de Santiago (USC), a universidade para maiores de 50 anos. A iniciativa Camiños de Coñecemento e Experiencia, que vén da man da institución académica compostelá en colaboración, no caso rianxeiro, coa Área de Cultura do Concello, desenvólvese entre os días 5 e 14 de outubro, no Auditorio, e inclúe seminarios e obradoiros sobre teatro, criminoloxía ou educación parental. A axenda inaugúrase o día 5 co Semi-

nario estilos educativos parentais, en horario de 16.30 a 18 horas, e conta coas contribucións das profesoras Diana Priegue Caamaño (Facultade de Ciencias da Educación da USC) e Cristina Varela Portela (Facultade de Ciencias da Educación). As actividades seguen o día 6 de outubro cun Obradoiro práctico sobre estilos educativos parentais, coas mesmas educadoras que no seminario teórico e co mesmo horario. Ao día seguinte celébrase no mesmo horario o curso Introdución á criminoloxía. A criminoloxía e a

se poderán ofrecer servizos de recollida en tenda ou entrega a domicilio. Así mesmo, os negocios que o precisen ou queiran utilizalo, poderán ofrecer aos seus clientes a posibilidade de solicitar cita previa desde a propia plataforma.

Formación en páxinas web para a mocidade

O política criminal. Imparte Ana Moure Soengas, da Facultade de CC. Políticas (USC). O día 9 de outubro desenvólvese un Obradoiro práctico sobre análise dunha pegada dactilar, por Ana Moure Soengas, no mesmo horario cás xornadas previas. O día 9 está previsto un

seminario sobre teatro, A construción do personaxe, a cargo da profesora Beatriz Porrúa Refojo, do Programa Universitario de Maiores (IV Ciclo) da USC. As actividades volven o día 14, cun obradoiro práctico sobre teatro impartido tamén por Beatriz Porrúa.

Concello de Rianxo vai poñer en funcionamento unha iniciativa para ampliar a formación da xente nova e dotar ás mozas e mozos de instrumentos, recursos e coñecemento que lles permitan abrir a meirande cantidade de portas no mercado laboral. Trátase do Obradoiro de Garantía Xuvenil Carnero Valenzuela II, que ten o obxectivo concreto de formar a 16 alumnos e traballadores na especialidade de Confección e publicación de páxinas web.

O Barbanza

Setembro 20

PORTO DO SON  ACTUALIDADE 

Acción de urxencia en Baroña O Concello de Porto do Son impulsa un plan para reparar o deterioro que causan no castro os visitantes e as inclemencias

Castro de Baroña, un dos grandes tesouros de Porto do Son (sinal de identidade e destino seguro e tranquilo para este verán tan atípico), está no punto de mira do Concello para avanzar novos na súa conservación, rehabilitación e posta en valor. En termos máis concretos, o Goberno local informou os días pasados de que prepara un plan de intervención para os vindeiros catro anos que, entre outras cousas, inclúe a adecuación dos principais elementos do complexo arqueolóxico, descuberto no 1933 e declarado Patrimonio Artístico Nacional e Ben de Interese Cultural. Amais tamén se porá o foco en baleirar novamente o foxo, que reborda da area traída polas mareas. Os traballos, que se agarda comecen en breve, están a ser perfilados por un equipo coordinado polos arqueólogos Luis Francisco López e Tico Concheiro. Segundo fixeron saber o alcalde Luis Oujo e o mailo concelleiro de Cultura, Manel Deán, é de urxencia arranxar o deterioro que nestes últimos provocaron nos edificios do castro

a acción dos visitantes e tamén das inclemencias climáticas. A nivel máis concreto, e malia que o groso das moitas visitas que recibe o complexo de Baroña é respectuoso coa conservación do mesmo, hai sempre unha pequena parte que arranca anacos de murallas para levalas como recordo ou para facer moreas a xeito de fitos ou construcións. O rexedor fixo saber que “este verán, malia a crise sanitaria, a punta de Baroña foi o destino de moita xente”, o que, unido ás elevadas cifras de afluencia doutros anos e ao feito de que se leva tempo sen facer tarefas de restauración, pon de manifesto o urxente do plan. Os arqueólogos, pola súa banda, fixeron saber que o xacemento precisa cada ano, ao remate da tempada alta, labores de arranxo e mantemento. Con esta base, sinalaron, poderanse en breve acometer outros importantes traballos, como por exemplo escavar a contorna do castro cuxos tesouros aínda están pendentes de saír á luz. O alcalde engadiu que xa están en marcha as xestións para obter axuda do Goberno galego, co fin de obter financiamento. En

 O Goberno local

prepara un plan de intervención que, inclúe a adecuación dos principais elementos do complexo arqueolóxico declarado Patrimonio Artístico Nacional e Ben de Interese Cultural breve enviaráselle á Consellería de Cultura o informe completo dos arqueólogos. O complexo arqueolóxico de Baroña, como lembraremos, é un dos xacementos máis importantes da Idade de Ferro en Galicia, que non só é de salientar pola súa importancia histórica e arquitectónica senón tamén polo impoñente da súa xeografía e da súa paisaxe: 22.622 metros cadrados de superficie batidos ou acariñados (dependendo do clima reinante) polo océano Atlántico.

Máis capacidade para crear emprendemento

orto do Son fixo balance do seu empuxe innovador e xerador de empresas, poñendo o foco na súa vertente como Concello Emprendedor, distintivo que acompaña o municipio dende hai agora dous anos. Segundo fixo saber a Consellería Economía, responsábel de conceder os ditos recoñecementos (33 na provincia da Coruña e 133 en toda a xeografía galega), Porto do Son foi quen de duplicar, no devandito período de tempo, a súa capacidade para xerar novas pemes. Concretamente, xeráronse dende o remate do verán de 2018 un total de 17 empresas, unha cifra que representa o dobre das habilitadas no treito de tempo que abrangue de 2016 a 2018: un total de oito. Parte da responsabilidade destas cifras recae no Viveiro de Empresas locais (onde se ofrece formación innovadora, comunicacións, contactos e acubillo para as firmas que comecen a súa andaina) e máis no labor xerado polo Blog de Emprego de Porto do Son (https://empregoportodoson. wordpress.com/), un servizo en liña permanentemente actualizado (renovándose cada pouco con novas ofertas e propostas) que acadou dende a súa posta en marcha unha chea de visitas: máis de 2.000 ao mes.

Setembro 20

O Barbanza

 ACTUALIDADE  EMPRESA

Forza anti-COVID As nosas patronais coinciden na necesidade de axilizar as axudas ao empresariado local e avanzar en coordinacións

uixemos contar coas opinións directas dos presidentes das nosas asociacións de empresarios ante os grandes desafíos que nos agardan co remate do verán. Todos eles poñen o foco en enxalzar o importante potencial do noso

Luis Duro

tecido económico para superar a adversidade e máis o labor daqueles cidadáns (a gran maioría) que foron fieis ao comercio de proximidade, agora que os establecementos dos seus veciños, amigos e familiares máis precisaban da súa fidelidade.

 presidente da Asociación

Rianxeira de Empresarios (ARE)

“É necesario que as administracións deixen de ir pola súa conta” - Como presidente da asociación de empresarios do seu concello, cre vostede que o tecido comercial do municipio ten potencial para saír desta situación de crise sanitaria e económica? - O tecido comercial sairá desta crise na mesma medida que o faremos o resto dos sectores. Esta crise afectou a tódolos sectores da economía, en maior ou menor medida, e a reactivación económica será conxunta. Vai ser imposible evitar que algúns comercios queden polo camiño. Comerciantes que están preto da idade de xubilación optarán por acollerse a esta de xeito anticipado e se non hai quen colla o relevo o comercio desaparecerá. Pero tamén haberá emprendedores que creen novos negocios, persoas que logo de perder o seu traballo aposten polo autoemprego. - Que bota en falta vostede no traballo que están a levar a cabo as administracións para axudar ás pemes e ao sector comercial a recuperarse canto antes desta adversidade, ou a adaptarse de urxencia á nova realidade? - Sobre todo boto en falta coordinación. Cada administración vai pola súa conta e, aínda que se crearon liñas de axudas específicas para o COVID, en moitos casos estas teñen o mesmo obxecto xa sexan da administración autonómica ou da local. - Cre que a cidadanía está respondendo, agora que é, con toda probabilidade, cando máis se precisa o seu apoio? - A maioría dos veciños si están a responder, moitos nunca deixaron de facelo

e sempre confiaron no comercio local. Pero aínda hai xente que se escuda nos prezos e na escaseza da oferta para non consumir no comercio local. Os prezos low cost de moitas grandes marcas atraen enormemente e con iso é difícil competir pero, ao final, a boa calidade e o bo servizo seguen a estar nas tendas pequenas con nome propio que conforman o tecido comercial das nosas vilas. - Que medidas revitalizadoras e antiCOVID prepara a asociación para este inicio de outono? - Estamos a traballar conxuntamente co Concello na creación dun gran escaparate online do tecido empresarial rianxeiro e na creación dun marketplace no que poderán incluírse os comercios que o desexen. Este é un proxecto moi complicado para o que precisamos a implicación de todos e cremos que pode ser de gran axuda. Tamén estamos a traballar nunha campaña coa que se distribuirán bolsas e paraugas entre os clientes.

Manuel Tomé

 presidente de Asociación

de Empresarios de Pobra do Caramiñal

“Precisamos con urxencia máis colaboración entre as administracións locais e autonómicas” - Como presidente da asociación de empresarios do seu concello, cre vostede que o tecido comercial do municipio ten potencial para saír desta situación de crise sanitaria e económica? - A COVID-19 xerou e está a xerar graves efectos psicolóxicos na nosa sociedade, provocando perdas importantes nas nosas empresas como consecuencia do peche dos establecementos e da escasa actividade empresarial dos que quedaron abertos. Para neutralizar en parte a situación precisamos con urxencia colaboración das administracións locais e autonómicas. Os impostos en primeiro lugar. - Que bota en falta vostede no traballo que están a levar a cabo as administracións para axudar ás pemes e ao sector comercial a recuperarse canto antes desta adversidade, ou a adaptarse de urxencia á nova realidade? - Máis axilidade e implicación na colaboración destinada ás nosas empresas. - Cre que a cidadanía está respondendo, agora que é, con toda probabilidade, cando máis se precisa o seu apoio?

- Consideramos que os cidadáns, cos seus limitados recursos dispoñibles, colaboran aplicando con dedicación as regras sanitarias que nos indican. - Que medidas revitalizadoras e antiCOVID prepara a asociación para este inicio de outono? - Como intermediarios entre administracións políticas sanitarias, colaborar cos nosos empresarios na aplicación das medidas recomendables. É imposible programar medidas concretas pola situación cambiante do problema que nos afecta, unha crise sanitaria que nos brinda a diario unha gran cantidade de incertezas.

O Barbanza

Setembro 20

EMPRESA  ACTUALIDADE  Francisco Martínez Gude

 presidente de

Daniel García

 presidente da Asociación

Asociación de Empresarios de Ribeira

Boirense de Empresarios (ABE)

“Boto en falta máis disciplina e máis traballo para evitar un novo confinamento”

“Desexaríamos máis cobertura para os sectores máis prexudicados e máis axudas directas”

- Como presidente da asociación de empresarios do seu concello, cre vostede que o tecido comercial do municipio ten potencial para saír desta situación de crise sanitaria e económica? - O potencial é enorme. Á calidade do servizo e dos produtos únese un compromiso case total coas máis estritas medidas antiCOVID, co fin de garantir a seguridade dos clientes. Neste sentido, a maioría dos establecementos están a cumprir con todos os protocolos, dispensando xeles, desenvolvendo labores continuos de desinfección, ventilando, tendo remesas de máscaras por se houbese algún cliente que non tivese unha máscara en condicións, etc. - Que bota en falta vostede no traballo que están a levar a cabo as administracións para axudar ás pemes e ao sector comercial a recuperarse canto antes desta adversidade, ou a adaptarse de urxencia á nova realidade? - Eu o que boto en falta é que as axudas cheguen máis rápido e de xeito máis eficaz. Tamén me gustaría que houbese máis disciplina para garantir que a totalidade de poboación respecte as normas de seguridade. Se ben a maioría da xente de Ribeira está a aplicar estas medidas no seu día, sempre hai alguén, unha pequena parte, que non as aplica. Creo que é moi importante que as autoridades eviten isto. Que traballen máis en asegurar a disciplina que en prepararse para un novo confinamento. Obrigarnos novamente a quedarnos na casa sería fatal para o noso sector, sería o remate definitivo. Boa parte do tecido comercial e empresarial non podería superar novamente unha situación coma esa. Remontar en outono sería complicado. Unha das cousas que podemos facer para evitalo é incrementar o control. Ocorrería o mesmo que cando imos conducindo e vemos unha patrulla de tráfico, que todo o mundo vai ao

xeito e as infraccións diminúen e desaparecen. - Cre que a cidadanía está respondendo, agora que é, con toda probabilidade, cando máis se precisa o seu apoio? - Por suposto que si, tanto coa hostalería como co comercio. A cidadanía de Ribeira envorcouse ao máximo co seu sector, un comportamento que nos encanta porque entronca cunha das nosas prioridades dende que chegamos á asociación: conseguir que a xente de aquí aposte polos establecementos de aquí. Isto non se consegue, ou non totalmente, con Internet. A Rede axuda, é un complemento, pero é a presenza da xente nas tendas a prioridade para nós. - Que medidas revitalizadoras e antiCOVID prepara a asociación para este inicio de outono? - Estamos preparando a campaña de Nadal. Imos con cautela e rodeados de incertezas, poñendo todo da nosa parte para que a veciñanza siga apostando por Ribeira, e contando para isto co apoio total do Concello, co que seguimos traballando cóbado con cóbado.

- Como presidente da asociación de empresarios do seu concello, cre vostede que o tecido comercial do municipio ten potencial para saír desta situación de crise sanitaria e económica? - O tecido empresarial do municipio xa vén de superar outras crises e agora mesmo conta con esa experiencia para afrontar esta situación. De feito, moitos negocios estiveron traballando durante o Estado de Alarma, o que transmitiu unha imaxe de certa tranquilidade económica no concello. O tecido empresarial de Boiro, ao estar suficientemente diversificado, ofrece unha gran estabilidade ao que tamén contribúe a súa traxectoria, experiencia e fortaleza, sen esquecernos que a localización do concello é excelente para o desenvolvemento económico. - Que bota en falta vostede no traballo que están a levar a cabo as administracións para axudar ás pemes e ao sector comercial a recuperarse canto antes desta adversidade, ou a adaptarse de urxencia á nova realidade? - Botamos en falta máis comunicación entre administración e sector empresarial, maiores coberturas para os sectores mais prexudicados (por exemplo no referente a ERTEs e ceses de actividade) e máis axudas económicas directas. Isto é que están a demandar agora mesmo as pemes, pero tamén unha maior axilidade para a tramitación e resolución dos expedientes. - Cre que a cidadanía está respondendo, agora que é, con toda probabilidade, cando máis se precisa o seu apoio?

- A cidadanía si que esta axudando, a nivel empresarial notouse un repunte importante do consumo nos primeiros momentos do post-confinamento e existe unha conciencia mais local para apoiar aos negocios do concello. Alegrámonos de que estea calando a mensaxe Pensa global, actúa local, lema que a ABE usa nas publicidades dos novos aparcamentos públicos. - Que medidas revitalizadoras e antiCOVID prepara a asociación para este inicio de outono? - Seguimos apostando polo labor de información ao minuto os socios sobre as continuas modificacións normativas que cada día se publican nos boletíns oficiais, ademais, como especialistas en subvencións, estamos redobrando o esforzo neste sentido e vimos de completar nas últimas semanas máis de 50 expedientes de tramitación de axudas para os nosos socios. Este labor compleméntase coa organización de diferentes campañas de promoción comercial que se desenvolverán nos último trimestre do ano.

Setembro 20

O Barbanza

 ACTUALIDADE  REGATAS

Espectáculo deportivo de primeira na Ría de Arousa Ziralla Primero, Sadamar e Piko Norte, vencedores na XIV Regada Gadis

Texto e fotos: Juan Caballero

inalmente a XIV Regata Gadis convocada polo Club Náutico e Deportivo de Ribeira saldouse cun importante éxito de convocatoria e organización, con espectáculo deportivo incluído nun trazado costeiro pola Ría de Arousa de 12 millas de percorrido. Houbo caras novas no máis alto do podio respecto da edición de 2019, onde os postos dourados foron ocupados polos que roldaban o cetro dun clásico como é a Gadis na comarca do Barbanza. Con esta guisa, o Ziralla Primero, de Ramón Barreiro, do Ro Yachts Club, facíase co triunfo na división dos máis poderosos, os Regata, seguindo o seu ronsel na segunda praza o Chispetrén de Jesús Iglesias, do Club Náutico Arousa Norte. Terceiro resultou ser o Corsario, de Javier Durán, do Club Náutico de Vilagarcía. Na Clase Cruceiro/Regata gañou o Sadamar, de Nito Enríquez, do Club Marítimo La Penela, seguido do vencedor na pasada edición da categoría, o Cámping Ría de Arousa de José Manuel Pombar, da Real Federación Galega de Vela. Terceiro foi o A Píllara, de José Manuel Ben, do Club Náutico e Deportivo de Ribeira. Por último, a Clase Cruceiro foi para o Piko Norte, de José Manuel Castro, do Club Náutico de Boiro, que tan boa tempada estival está a realizar desde que volveu a competición. O segundo posto foi para o Arousa VI, de Torres Colomer, presidente do club anfitrión, o Deportivo de Ribeira. E terceiro o Leonciño, de Domingo Pérez, tamén de Ribeira. O comité da regata deu con puntualidade a saída ás 14.00 horas, elixindo o numeral 8 dos 12 posibles. Con 12 millas de percorrido trazouse desde a saída un desmarque coa proa cara a punta Lucía, situada en extremo oeste da praia de Coroso. Tras virar a boia fondeada ao efecto, os veleiros puxeron rumbo cara aos Esqueiros por Babor, Rúa por Babor, Moscardiño tamén tomada por Babor, Maño por Estribor e chegada nas inmediacións do porto de Ribeira.

A entrega de premios celebrouse ás sete da tarde nas instalacións do club, asistindo ao acto o alcalde de Ribeira, Manuel Ruiz; o delegado de Gadis en Ribeira; o capitán marítimo de Vilagarcía, Manuel Martínez; o xefe do Posto de Inspección Fronteiriza, José Carlos Matilla; a presidenta da Asociación Local de Cruz Vermella, Ángeles Cores; sendo anfitrión do acto o presidente do Club de Ribeira, Xosé Luís Torres Colomer. Segundo informou a organización, na regata cumpríronse ao detalle todos os protocolos de seguridade ante a COVID-19, unhas medidas (por exemplo a do distanciamento) que xa veñen garantidas pola propia natureza deste deporte náutico. Así, tralo período de confinamento

e dando luz verde, tanto o Goberno de España e a Xunta de Galicia, a algunhas das actividades deportivas que menor risco supoñen á hora de poder transmitir a COVID, a vela largou amarras no Barbanza dando renda solta ás enormes ganas que os regatistas tiñan por volver facerse á mar. En palabras do Club, a Regata GADIS foi, sen ningunha dúbida, un alento de esperanza para poder seguir desenvolvendo máis competicións debido, sobre todo, ao exemplar comportamento de todos os participantes, onde a responsabilidade unipersoal e plural ante os demais foi exercida, con toda conciencia, atendendo ás directrices marcadas desde o Club Náutico e Deportivo de Ribeira.

osé Luís Torres Colomer leva cinco ano ao fronte do Club Naútico de Ribeira, conta cun grande equipo no que se apoia e o Mar, así con maiúsculas, é a súa paixón. Xubilado, segue navegando no Arosa VI, logo de facelo en buques durante vinte anos e dunha carreira política que ocupou, a maiores, varios lustros da súa vida. Ocupou altos cargos da Xunta, sempre relacionados co mundo do mar, foi deputado autonómico, senador, presidente e vicepresidente da Deputación da Coruña, presidente da FEGAMP e doutros organismos, amais de alcalde de Ribeira durante vinte anos. Nesta entrevista fálanos, precisamente, dunha chama que segue acesa: a súa paixón por navegar. - Como empezou a sua vinculación co mundo do mar? - De pequeno os meus avós maternos tiñan unha fábrica de salgadura en Palmeira e contaban con barcos e buques auxiliares e chalanas. Foi aí, de cativo, cando se iniciou a miña vinculación co mar e así empecei a navegar durante 20 anos. Agora, xa xubilado, sigo co meu veleiro o Arosa VI e dirixindo co meu equipo o Club Naútico de Ribeira. - Cal é a contorna marítima que prefire para navegar? - Desde logo a Ría de Arousa sen esquecer as Rías Altas e loxicamente toda a costa galega. - Que é mais difícil, navegar sobre as ondas ou facelo na política? - Eu teño dito que prefería un mes de temporal forte que un día como político con problemas serios. - Estes semanas realizáronse varias regatas nun período tan atípico, cal sería o balance e resultado das mesmas? - Tanto o económico como o deportivo víronse afectados, pero fómonos defendendo. Moitos patrocinadores decidiron suspender o seu apoio debido á situación da COVID-19. Celebramos a regata Gadis e a nivel máis local e organizamos probas de óptimis e de laser para animar aos rapaces

O Barbanza

Setembro 20

NÁUTICA  ENTREVISTA 

Xosé Luís Torres Colomer  presidente do Club Náutico de Ribeira

“Os clubs náuticos xeran riqueza e traballo”

que están na Escola de Vela, unha experiencia na que conseguimos un importante éxito, xa que participaron 40 rapaces en óptimis e seis en laser. No que se refire á navegación en tránsito, esta caeu debido a estar pechadas as fronteiras. Iso si, notamos algo de compensación nos tránsitos de barcos españois de esloras significativas. - Colaboracións coas institucións? - Debera ser maior. Sempre hai axudas e subvencións para o deporte da vela e para mellorar as instalacións, aínda que, como digo, debera ser maior, se ben a situación non axuda. Serían benvidas máis axudas como as que presta Ramiro Carregal, no que temos un grande apoio. - Desde a súa perspectiva que é mellor: as regatas dun día, de fin de semana ou de varias xornadas? - Vai para gustos, a regata Rías Baixas é unha regata deportiva de barcos de elite cun fondo moi social. A regata de fin de semana é mais cómoda e mais levadeira para a

xente que pode dispoñer de dous días. A min persoalmente gustaríame ter unha competición de varios días de navegación sen tocar porto, regatas de altura. Hai unha moi bonita que é de Conde Gondomar e de Baiona a Corcubión e regreso. - Como está a colaboración con Portos de Galicia e como están as actuais instalacións? - Temos unhas instalacións que pouco a pouco imos mellorando e conseguimos o pantalán espigón que antes non tiñamos e que nos protexe do nordés, e a partir de ai habilitamos un cuarto peirao flotante novo para tránsitos e barcos propios e melloramos as instalacións do club e para a Escola de Vela. Fixemos un investimento forte no pantalán de 130.000 euros e con Portos temos unha relación fluída e estamos mergullados en prorrogar a concesión. - Estanse aproveitando os recursos con que contamos nos clubs náuticos da ría e nos seus portos? - Eu creo que o turismo náutico deberiamos promovelo máis e aí necesitamos o apoio institucional e vender máis esta natureza,

 Eu creo que

o turismo náutico deberiamos promovelo máis e aí necesitamos o apoio institucional e vender máis esta natureza, esta riqueza e estas instalacións.

esta riqueza e estas instalacións que temos. Facelo non só a nivel de España, senón tamén a nivel internacional e poñendo o foco, por exemplo, no norte de Europa. - Desde a rúa os clubs náuticos sempre se vincularon a un status social a xente con posibilidade económica. Segue a ser asi ou cambiou a situación? - En absoluto. Ao principio os clubs náuticos eran mais de elite, hoxe en día os clubs e en concreto o de Ribeira contan con socios de todos os niveis e están abertos a todo o

mundo. Hai socios de todas as profesións e dos mais de 400 asociados algo mais da metade terá barco. - Esa impresión de status fai que non chegue os cidadáns a importancia de contar con este tipo de instalacións, como facemos chegar á xente a importancia de contar con náuticos? - As instalacións atraen xente. Aquí non só vén xente socia senón que todo o mundo pode acceder e usar zonas comúns. Amais, atráense barcos doutros sitios, o que xera carga de traballo, por exemplo na mariña seca, onde se arranxan as embarcacións, píntanse e fanse reparacións mecánicas. Ademais, estes traballos e os tránsitos e a compra de víveres supoñen un complemento ao porto pesqueiro de Ribeira. Contar con estas instalacións trae riqueza e traballo. - Mar, política, club náutico, cal é a próxima aventura de Xosé Luís Torres Colomer? - A miña próxima aventura é adicarme á patria chica. É dicir, á miña familia, aos meus fillos, aos meus netos e aos amigos.

Setembro 20

O Barbanza

 ACTUALIDADE  CULTURA

Novos talentos en cuestión de lingua Convocadas 10 bolsas de formación e proxectos de investigación no Centro Ramón Piñeiro

Consellería de Cultura e Turismo publicou a convocatoria de dez bolsas de formación en proxectos de investigación no Centro Ramón Piñeiro para a Investigación en Humanidades (CRPIH), dependente da Secretaría Xeral de Política Lingüística. A convocatoria ten como obxectivo reforzar a investigación lingüística, literaria, histórica e antropolóxica sobre a lingua propia de Galicia, co fin de avanzar na súa normalización e promover o seu uso en todos os eidos profesionais e sociais. En concreto, os proxectos para os que se convocan prazas, moitos deles cunha clara vertente tecnolóxico e dixital, son o Dicionario galego-italiano (Galita), Bibliografía da literatura galega, Corpus de referencia do galego actual (Corga), Cantigas de Santa María, Prosa literaria medieval, Terminoloxía científico-técnica, Recursos para o desenvolvemento das tecnoloxías da fala, Proxecto Base de datos do Atlas Lingüístico Románico (ALIR) e Dicionarios de literatura. A duración das bolsas abranguerá do 1 de novembro de 2020 ao 31 de outubro de 2022, cunha retribución mensual de 990 euros. As solicitudes deberán presentarse a través da sede electrónica da Xunta de Galicia antes do vindeiro 7 de setembro. O Centro Ramón Piñeiro é un organismo dependente da Secretaría Xeral de Política Lingüística (Consellería de Cultura e Turismo)

 A convocatoria ten

como obxectivo reforzar a investigación lingüística, literaria, histórica e antropolóxica sobre a lingua propia de Galicia, co fin de avanzar na súa normalización e promover o seu uso.

100.000 euros a disposición das entidades locais

Secretaría Xeral de Política Lingüística publicou no seu portal os detalles da súa convocatoria de axudas ás entidades locais da Comunidade Autónoma destinadas á promoción e uso da lingua galega. Segundo indicou a secretaría xeral que dirixe Valentín García, as entidades beneficiarias destas subvencións serán, por unha banda, “entidades locais de Ga-

que se encarga de impulsar e difundir proxectos de investigación lingüística, literaria, histórica e antropolóxica centrados en Galicia. Actualmente, as súas liñas de traballo xiran arredor da lingüística aplicada, a literatura medieval, a recuperación de publicacións literarias ou a identidade colectiva desde o punto de vista antropolóxico. Desde a súa fundación, hai 26 anos, pasaron máis de 500 investigadores ou bolseiros que formaron parte dos diferentes proxectos de investigación impulsados desde o centro.

licia” e, pola outra, “agrupamentos de concellos que xuntaran forzas para un proxecto común”. Quedan excluídas destas axudas as deputacións provincias. O obxectivo específico, segundo se informa nas bases, é “convocar axudas, en réxime de concorrencia competitiva, destinadas a fomentar a prestación dun servizo lingüístico, mediante o mantemento ou reforzamento dos existentes para o ano 2020, en concellos ou en agrupamentos con poboación igual ou superior aos 3.000 habitantes”.

Do mesmo xeito, a Xunta, no marco da súa aposta pola formación e excelencia, vén ofertando nos últimos anos un amplo abano de programas formativos en todas as súas áreas. Así, no caso da Consellería de Cultura e Turismo convócanse anualmente máis dun cento de prazas que permiten ampliar a formación e coñecementos nos ámbitos culturais e turísticos con estadías en bibliotecas, arquivos, oficinas de turismo ou universidades, entre outras.

O importe total da contía é de 100.000 euros. Respecto do terreo a cubrir polas axudas porase o foco nos servizos lingüísticos locais (departamentos das entidades que teñen as funcións de planificar, xestionar, executar e avaliar medidas e accións co obxectivo de incrementar o uso da lingua galega en todos os ámbitos de actuación da organización, tanto interna como externamente) e en apoiar o mantemento e o reforzamento destes servizos.

O Barbanza

Setembro 20

EMPRESA  ACTUALIDADE 

Innovación e saúde alimentaria dende A Pobra

CONGALSA lanza web de novos produtos saudábeis para o consumidor dixital: Ibercookfunfood.com

empresa de alimentación CONGALSA, con sede de operacións na Pobra do Caramiñal, encara esta recta final do verán con novidades relevantes ligadas á innovación e ás tecnoloxías. Así, logo de ser recoñecida por segundo ano consecutivo no Informe Ardán da Zona de Franca de Vigo (nas categorías de empresa xeradora de riqueza e empresa innovadora), a compañía de produtos do mar anunciou este setembro a posta en marcha dunha nova web para “o consumidor dixital”. Trátase de Ibercookfunfood.com, un sitio web que serve de referencia inter-

 Ibercookfunfood.com,

é unha web que serve de referencia internacional á marca Ibercook Fun Food, unha gama de produtos na que a empresa aposta por “novos e mellores alimentos para gozarmos na casa”.

nacional á marca Ibercook Fun Food, unha gama de produtos na que a empresa pobrense aposta por “novos e mellores alimentos para gozarmos na casa”. O lanzamento da gama deu comezo coa publicación da devandita web, dispoñíbel en español e inglés, a través da cal os seus usuarios poden ir descubrindo todas as novidades da marca. O redeseño, en palabras de CONGALSA, salienta por mostrar unha feitura “máis informal e desenfadada”, dúas características que constitúen as claves de comunicación da gama, tanto no packaging como nas accións promocionais, co obxectivo posto “nun target máis novo”.

Segundo explica a empresa da Pobra do Caramiñal, “a través desta liña dirixímonos a un comprador cada vez máis habitual da categoría de conxelados, que busca alimentos saudábeis, doados e convenientes, pero tamén preocupado por realizar unha compra máis eficiente e con reducir a presenza do desperdicio alimentario”, destaca Julio Simarro, director Comercial e de Mercadotecnia da compañía, poñendo o foco na relación calidade-prezo inmellorábel da nova proposta. O afianzamento no mercado da gama Ibercook Fun Food virá acompañado dun traballo intenso nas redes sociais, que son ferramentas de uso común en CONGALSA e coas que se pretende, novamente, axudar aos consumidores a descubrir os beneficios de incluír os produtos conxelados na súa cesta da compra e como poden gozar nas súas casas das receitas dunha gama de produtos en expansión.