O Barbanza 9 by marcusfernandez

O Barbanza

Visita a nosa

WEB

Número 9

obarbanza.gal

Febreiro 20

DO BARBANZA A VEDRA Entroido para todos

Juan Pouso, concelleiro de Cultura do Son 11

“No noso concello temos unha manchea de actividades nas que participar e lugares que visitar”

Avanzamos co galego

Foto: turismo.gal

O CELGA 2 xa pode cursarse en liña a partir de marzo

 O Entroido galego está feito de conexións. Por exemplo as que unen os concellos do Barbanza, dunha beira e máis da outra, e, tamén, as que dan unidade aos municipios da Ulla. Neste número de Entroido puxemos de manifesto estas comunicacións por onde circulan o humor, a creatividade e máis a festa, dando conta dos programas de actividades dos nosos concellos. Será unha viaxe de subida e baixada pola ría de Arousa (Ribeira, A Pobra, Boiro, Rianxo) e polo río Ulla (Vedra), con parada obrigada, antes ou despois, en Porto do Son.

Excelencia, calidade e bo facer

Recoñecemento ao Náutico de Boiro – Marina Cabo de Cruz

ai15819279595_A3-Diputacion_SSociales_PretoDeTi_BARBANZA.pdf

17/2/20

9:26

O Barbanza

Febreiro 20

 INTRODUCIÓN

Os concellos de Barbanza renden homenaxe aos espíritos libres do Entroido Felipes, Mecos, Toribiños, Felipiños e Ósos

e ben a sona vai parar á provincia de Ourense e á comarca da Ulla, non hai dúbida de que o Entroido é unha festa moi presente en toda a xeografía galega e que goza do mérito de ter dado o chimpo do rural ao urbano, do tradicional ao moderno, coma se en realidade non se tratase de dous mundos distintos e contrapostos. Cando chega o Entroido decatámonos de verdade de que na nosa terra, nin o rural é cen por cen rural nin o urbano enteiramente urbano. O devandito déixase ver especialmente en comarcas como a do Barbanza, onde os seus habitantes teñen unha parte moi importante de si mesmos fóra do espazo urbano. Esta conexión crea canles de comunicación por onde os datos circulan de continuo. O uso tan estendido de palabras como “choqueiro”, cuxa raíz está nas chocas do gando, non só no Entroido senón durante todo o ano, é proba diso. Está claro que se noutros sitios teñen as súas pantallas, os seus cigarróns ou peliqueiros, aquí temos os choqueiros, que teñen a vantaxe de non

EDITA: GRUPO CÓDIGO CERO COMUNICACIÓN S.L. Rúa das Hedras nº 4, 1º G 15895 Ames (Milladoiro) Tel.: 981 530 268 - 608 240 160

O Barbanza

ter un formato tan definido, permitindo un horizonte máis amplo de creatividade. Se ben se perdeu en parte a raíz do seu significado (xa case ninguén pon as chocas enriba para advertir, dende os camiños, da súa presenza festeira), as e os choqueiros barbanzáns seguen a ser figuras humorísticas, satíricas e moi creativas, que renden cada ano unha homenaxe á economía circular doméstica e á reciclaxe téxtil (o choqueiro vístese co que ten máis a man, mesmo con fundas de traballo ou con roupa antiga que se acubilla nos armarios para ser aireada no Entroido, literalmente) e que tamén fan tributo do tempo pasado (é moi común nos concellos de Barbanza a xente que se viste de antiga) e da liberdade de espírito (o choqueiro ou a choqueira é unha veciña e un veciño que tolea temporalmente, que rexouba cos que non van disfrazados para ver se caen na conta da súa verdadeira identidade, que vai por libre e ao que se lle permite facer cousas que noutro intre do ano e noutras circunstancias, non se lle permitiría).

DIRECTOR: Joferpa director@obarbanza.gal WEBMASTER: Marcus Fernández webmaster@codigocero.com REDACCIÓN: Fernando Sarasketa Sonia Pena

A Ulla, un Entroido para ver e escoitar Arousa Norte ten unha conexión natural coa comarca da Ulla: o río principal que enriquece a ría é o mesmo que enriquece os concellos da devandita comarca. Estes días a conexión é tamén unha conexión festeira, que, se ben presenta marcadas diferenzas en canto á aparencia externa das celebracións e dos seus protagonistas, comparte varios elementos que se poden resumir nun só: o elemento común de todos os Entroidos galegos que é a interrupción temporal das rutinas e das obrigas. O Entroido da Ulla é, con todo, inigualábel e único. Celébrase en Vedra, Boqueixón, Vila de Cruces, Teo, Touro, Santiago, A Estrada e Silleda e está marcado polas figuras dos xenerais e os correos a cabalo, ataviados con vestimentas que son unha imitación, pasada polo prisma da retranca, das roupas militares da segunda metade do século XIX. Entre os concellos que máis actividade rexistran estes días atópase o de Vedra (cos seus militares a cabalo, coa súa Escola de Xenerais para nenas e nenos de entre 9 e 16 anos, estreada este ano), do que ofrecemos información cumprida nas páxinas interiores.

Foto: turismo.gal

Ana Rial Maneiro redaccion@obarbanza.gal

PUBLICIDADE: publicidade@obarbanza.gal

MAQUETACIÓN E DESEÑO: Óscar Louzán

CORREO DO LECTOR: lectores@obarbanza.gal

FOTOGRAFÍA: Beatriz Martínez del Campo y Ricoy Joferpa

A NOSA WEB www.obarbanza.gal REDES SOCIAIS: facebook.com/obarbanza www.instagram.com/o_barbanza/

Outro compoñente importante do Entroido no Barbanza é a figura do persoeiro ao que se lle dá sepultura, se queima e se lle rende homenaxe. Este persoeiro pode adquirir moitos e moi variados nomes (o Felipe nos concellos de Ribeira e Porto do Son, o Felipiño e o Óso nas parroquias de Boiro, o Toribiño en Rianxo, a Sardiña en Noia, etc), pero son diferentes maneiras de falar dunha mesma cousa: de que a festa rematou e de que toca volver á normalidade e ás rutinas. A queima ou enterro destes persoeiros nos concellos do Barbanza, xeralmente nos mércores de cinza, aínda que non sempre, vén a ser o clímax final dunha historia con moitos protagonistas, cada quen coas súas características (o festeiro, o preguiceiro, o lambón, o que andaba tralas mulleres), que aparecen sintetizados e resumidos no monifate que vai alegremente ao sacrificio, acompañado en procesión dos choróns, das choronas e de diferentes representantes “eclesiásticos”. O Meco, o Felipiño ou o Toribiño serían polo tanto os heroes que, cabalgando a ombreiros da xente, pasan folla até que se volva abrir o libro do Entroido, o ano vindeiro. acompañado en procesión dos choróns, das choronas e de diferentes representantes “eclesiásticos”. O Meco, o Felipiño ou o Toribiño serían polo tanto os heroes que, cabalgando a ombreiros da xente, pasan folla até que se volva abrir o libro do Entroido, o ano vindeiro.

whatsapp: 608 240 160 IMPRIME: PUBLICACIONES TAMEIGA, S.L. Número 9 (febreiro 2020) Publicación periódica. Tirada: 7.000 exemplares Depósito Legal: C 668-2019 I.S.S.N.: 2659-8256

ENTROIDO 2020 Do 21 de febreiro ao 1 de marzo

NREDA NO ENTROIDO No Espazo Municipal de Usos Múltiples (R/ Galicia). Sábado 22 e luns 24 de febreiro de 11:00 a 13:30 e de 17:00 a 20:30 h. Martes 25 e mércores 26 de febreiro de 11:00 a 13:30 h. Actividades infantís, obradoiros, inchable, visita de mascotas animadas, música e animación, zona de peques (de 3 a 7 anos).

ENTERRO DO FELIPE

RIVEIRA

Mércores 26 de febreiro: O finado FELIPE DE RIVEIRA R.I.P. Saída ás 19.30 h dende a praza do Porto (Capitanía Marítima) pasando por Malecón, Concordia, Galicia, Santa Uxía, Praza do Concello, Rosalía de Castro, Galicia, Manzanares ata chegar á Praza de Pontevedra ao ritmo da charanga O Santiaguiño de Padrón. Incineración na Praza de Pontevedra. Degustación de doces típicos do Entroido na Rúa de Portugal (Auditorio). ou se chove será na carpa do Entroido no Malecón.

*Espazo Concilia: Deixa ao teu neno/a de 3 a 7 anos, un máximo de 1,5 h cada xornada para mercar no comercio local -ata o tope de 20 cativos a un tempo-.

PARQUE XIGANTE DE INCHABLES, MUSICA E ANIMACION Sábado 22 de febreiro: Praza do Concello, de 11:00 a 13:30 e de 17:00 a 19:30 h.

CHOQUEIRA INFANTIL Domingo 23 de febreiro: Ás 17:00 h. no Espazo Municipal de Usos Múltiples (rúa de Galicia) terá lugar a GRANDE FESTA INFANTIL amenizada por animadores de xogos, mascotas, karaoke, desfile de disfraces con entrega de diplomas, obradoiros variados e moito máis... Todos os nenos e nenas deberán ir disfrazados. Entrada libre e de balde!

EXPRESO DO ENTROIDO Tren infantil que percorrerá as distintas rúas da cidade. Sábado 22 de febreiro, de 11 a 14 e de 17 a 20 h. Saída e chegada da Praza do Concello. Nota: A entrada será por orde de fila priorizando un neno/a por adulto no caso de cheo.

FESTA INFANTIL DO

BAILES DE ENTROIDO DOS NOSOS MAIORES ACTIVIDADES EN COLABORACION

COA HOSTALERIA ENTROIDO 2020

CONCURSO DE DISFRACES Luns 24 de febreiro dende as 22:00 ata as 04:00 h. PREMIOS: - Mellor disfrace individual (200 € ao primeiro, 100 € ao segundo e 75 € ao terceiro) - Mellor parella (400 € ao primeiro, 200 € ao segundo e 100 € ao terceiro) - Mellor grupo composto por un mínimo de 4 persoas (800 € ao primeiro, 400 € ao segundo e 225 € ao terceiro) Poderá participar calquera persoa maior de idade. O concurso levarase a cabo polos distintos locais da hostalería de Riveira selando a tarxeta nun mínimo de 5 bares. Bases dos concursos en www.riveira.gal

RUTA DE TAPAS DO PEQUENO ENTROIDO Domingo 1 de marzo: De 12:00 a 15:00 h nos locais participantes poderán degustar as tapas típicas do Entroido por 2,50€ e votando a mellor tapa participar no sorteo dunha noite de Turismo Rural para 2 persoas. Organiza o Concello de Riveira e a hostalería local.

CONCELLO DE RIVEIRA

Domingo 23 de febreiro: ”DÚO CHARADA” na Casa do Mar de Corrubedo, a partir das 7 da tarde! Sábado 29 de febreiro: ”TRÍO NOSTALGIAS” no Liceo Marítimo de Riveira, a partir das 9 da noite. Entrada gratuíta.

ANIMACION MUSICAL NA RUA COAS CHARANGAS:

Venres 21 de febreiro: “O SANTIAGUIÑO DE PADRON” a partir das 10 da noite! Sábado 22 de febreiro: “OS CELTAS da Baña” a partir das 10 da noite e “O SANTIAGUIÑO de Padrón” a partir das 11:30 da noite! Domingo 23 de febreiro: “O SANTIAGUIÑO de Padrón” a partir das 6 e media da tarde! Luns 24 de febreiro: “OS CELTAS da Baña” a partir das 10 da noite e “O SANTIAGUIÑO de Padrón” a partir da 1 da madrugada! Martes 25 de febreiro: “O SANTIAGUIÑO de Padrón”, “CHARANGA BB+” e “FANFARRIA FURRUXA” a partir das 6 da tarde! Mércores 26 de febreiro: “O SANTIAGUIÑO de Padrón” a partir das 7 e media da tarde! Sábado 29 de febreiro: “O SANTIAGUIÑO de Padrón” a partir das 11 da noite! Domingo 1 de marzo: “O SANTIAGUIÑO de Padrón” a partir das 12 da mañá!

PEQUENO ENTROIDO Sábado 29 de febreiro: Ás 17:00 h. no Espazo Municipal de Usos Múltiples (rúa de Galicia) terá lugar a GRANDE FESTA INFANTIL amenizada por animadores de xogos, mascotas, karaoke, obradoiros variados e moito máis... Todos os nenos e nenas deberán ir disfrazados. Entrada libre e de balde!

FESTIVAL DE MURGAS E COMPARSAS Martes 25 de febreiro: Ás 17:00 h. sairán do Auditorio Municipal as murgas e comparsas, acompañadas no desfile polas charangas “O SANTIAGUIÑO” , “CHARANGA BB+” e “FANFARRIA FURRUXA”. Desfile por rúas de Portugal, Romero Ortiz, Galicia e Malecón ata carpa do Entroido. Presentarán o festival “OS 7 MAGNÍFICOS MÁIS UN (Pedro Brandariz e Fran Rei)” Primeiro Premio: 1.000 € - Segundo Premio: 600 € Terceiro Premio: 400 € - Premio Local: 350 €. Festival e actuación: Carpa do Entroido no Malecón. Bases en www.riveira.gal

FESTA DA NOITE DE ENTROIDO Luns 24 de febreiro: Ás 00:00 h. na Carpa do Entroido do Malecón terá lugar o CONCERTO de

“LOS ALCÁNTARA” con música dos anos 60´, 70´e 80´seguida de

sesión discomóbil ata as tantas. Entrada libre e de balde!

Máis información nos programas de man ou en www.riveira.gal

Concellería de Cultura

Segundo o art. 8 da LO 1/1982 de 5 de maio de dereito á imaxe, infórmase que a organización poderá realizar imaxes para uso propio ou difusión desta programación. Respectaranse os dereitos recollidos na LO 3/2018 de 5 de decembro de Protección de Datos Persoais e a LO 1/1996 de 15 de xaneiro de Protección Xurídica do Menor.

O Barbanza

Febreiro 20

 ENTROIDO  RIBEIRA

Ribeira celebra o seu Entroido mesturando tradición e novas propostas  O Festival de Murgas

e Comparsas realízase o martes 25, festivo local, con saída do Auditorio municipal, ás 17.00 horas.  Na xornada do

mércores 26 procédese co enterro do Felipe, saíndo ás 19.30 horas desde a praza do Porto (Capitanía Marítima)

s disfraces, a música e a troula acaparan Ribeira do 21 de febreiro ao 1 de marzo con motivo da celebración do Entroido. Diversas actividades destinadas a tódolos públicos compoñen a programación deste ano. Unha das fortes apostas son os numerosos grupos e charangas que animan os emprazamentos nestas datas e en tódolos horarios, facendo especial fincapé no sábado 22 e luns 24. Toman parte desta cita O Santiaguiño de Padrón, Os Celtas da Baña, Charanga BB+ ou Fanfarria Furruxa, entre outros. Neste eido, destaca o concerto programado para o luns 24, ás 00.00 horas, na carpa do Malecón a cargo do grupo Los Alcántara, que se encarga de achegar temas dos 60, 70 e 80. A continuación, a sesión Discomóbil toma o relevo para amenizar a madrugada. Tamén cómpre salientar o concurso de disfraces de Entroido que se leva a cabo o luns 24, desde as 22.00 ata as 04.00 horas, polos distintos locais participantes da hostalería. Hai gratificacións económicas nas modalidades de individual, parella e grupo. O prazo de envío das fotografías para a deliberación do xurado é desde ese mesmo día ata as 23.59 horas do 2 de marzo. Neste senso, repártense premios por valor de 2.500 euros. O Festival de Murgas e Comparsas realízase o martes 25, festivo local, con saída do Auditorio municipal, ás 17.00 horas, acompañadas por numerosas charangas e perso-

Presentación do Entroido de Ribeira

naxes desfilando por rúas Portugal, Romero Ortiz, Galicia, praza da Concordia, García Bayón, Malecón ata a carpa do Entroido na praza do Porto. O dúo cómico formado por Pedro Brandariz e Fran Rei presenta este festival. En total, destínanse 6.000 euros -3.650 euros para as gratificacións e 2.350 euros para os premios-. A decisión recae nun xurado composto por seis membros: tres profesionais; a concelleira de Cultura, quen ostenta a presidencia do mesmo; un membro elixido ao azar entre o público; e un secretario. Na xornada do mércores 26 procédese co enterro do Felipe, saíndo ás 19.30 horas desde a praza do Porto (Capitanía Marítima) pasando por Malecón, Concordia, Galicia, Santa Uxía, praza do Concello, Rosalía de Castro, Galicia, Manzanares ata chegar á praza de Pontevedra, onde se efectúa a queima. De seguido, é o momento de degustar preñados, orellas e rosquillas, acompañados de viño e demais bebidas.

No ámbito da gastronomía, o sábado 29 celébrase a primeira edición do Concurso Gastropopular do Entroido en Bandourrío, a partir das 11.00 horas. Hai distinción á Mellor Orella, Mellor Milindro e Mellor Filloa; así como cata gratuíta con tódolos produtos presentados, xogos populares, inchables, música e animación infantil. En colaboración coa hostalería, o 1 de marzo ten lugar a Ruta de Tapas do Pequeno Entroido. Cada petisco ten un custe de 2’5 euros e a charanga O Santiaguiño de Padrón pon o toque musical. Entre as papeletas dos asistentes sortéase unha noite para dúas persoas nunha casa de turismo rural; mentres que o local máis votado resulta galardoado. Como xa se mencionou anteriormente, trátase dunha festa que chega a tódolos rangos de idade. Os maiores teñen a oportunidade de desfrutar do baile da man do Dúo Charada, desenvolvéndose o domingo 23, a partir das 19.00 horas, na Casa do Mar de Corrubedo. Mentres

tanto, o Grupo Nostalgia fai o propio o sábado 29, a partir das 21.00 horas, no Liceo Marítimo de Ribeira. No que respecta ao público infantil, poden gozar das actividades enmarcadas dentro do Nreda, situado no espazo municipal de usos múltiples da rúa Galicia. Así mesmo, cóntase co Espazo Concilia, onde os proxenitores poden deixar as súas crianzas para mercar no comercio local. A Choqueirada Infantil singulariza a xornada do domingo 23 cunha gran festa de disfraces, a partir das 17.00 horas, no referido espazo municipal e contando con animadores de xogos, mascotas, karaoke, desfile con entrega de diplomas, obradoiros, etcétera. Esta proposta amplíase ao sábado 29 coa Festa Infantil do Pequeno Entroido, en horario de 17.00 a 20.30 horas. Outras citas para marcar no calendario por parte dos cativos é o sábado 22, pois a praza do Concello acolle inchables e a saída do tren expreso que percorre as distintas rúas da cidade.

O Barbanza

Febreiro 20

 ENTROIDO  A POBRA DO CARAMIÑAL

A Pobra vive por segundo ano consecutivo o seu Entroido Esperpéntico

ovas datas nas que a creatividade, a gastronomía e a diversión cobran gran protagonismo. A Pobra somérxese de cheo no Entroido con numerosas propostas destinadas a tódolos rangos de idade e volve celebrar, por segundo ano consecutivo, un día de festa seguindo a temática do esperpento. O festexo arranca o venres 21 con programación desde as 17.00 ata as 20.00 horas, contando con cabina móbil Chocolate e touro mecánico no toldo da praza Maior. Tamén hai merendola para tódolos asistentes a cargo da ANPA O Areal, Bandaseca e Cadreche. A troula continúa no referido emprazamento, a partir das 23.00 horas, con Disco Móbil Chocolate que ameniza a festa choqueira. O Cantón da Leña convértese o sábado 22 en centro neurálxico da segunda edición do Entroido Esperpéntico, unha iniciativa que xurdiu da man de Adriana Rego e Vou Films. As actividades desenvólvense de xeito ininterrompido desde as 11.00 horas. Esta xornada inclúe cinema, a exposición Vístete de Entroido! -composta por máscaras, vestiarios e figurinos-, xogos tradicionais, showcooking, música a cargo de Dixie Kings ou concurso de máscaras, entre outros. Así, remóntase aos anos 20 e 30 do século pasado cunha festa de época. Neste senso, convídase a veciñanza e visitantes a disfrazarse de tal xeito que contribúan a recrear a atmosfera na que se publicou a triloxía Martes de Carnaval, de ValleInclán. Sácase tamén unha revista que referencia todo o que ten que ver co máximo expoñente do esperpento e a obra Los cuernos de don Friolera; ademais de engalanarse a contorna do Museo con motivos alusivos aos referidos tempos. O colofón a este día é o DJ esperpéntico que pon música ata ao redor das 02.00 horas. No que respecta ao certame de máscaras, a gañadora acada un premio consistente nunha gran cesta de produtos relacionados co cocido galego. No referido ao eido audiovisual, realízanse tres proxeccións dunha adaptación cinematográfica de Los cuernos de don Friolera, integrada en Martes de Carnaval. Ademais, Suso Martínez, como tenente Astete, ofrece un monólogo; mentres que o actor César Cambeiro pronuncia o discurso interpretando ao nomeado intelectual.

Foto: Abelardo Soler - ABSO

Presentación do Entroido de A Pobra

 O festexo arranca

o venres 21 con programación desde as 17.00 ata as 20.00 horas, contando con cabina móbil Chocolate e touro mecánico no toldo da praza Maior.

O domingo 23, a partir das 17.30 horas, segue a celebración, nesta ocasión, ambientada no espazo. O toldo da praza Maior alberga animación infantil, obradoiros, photocall e elaboración de postais e cartas. Realízase un concurso para rapazada ata os 14 anos e o certame reparte un total de cinco premios valorados en 650 euros. As persoas agraciadas

 O Cantón da Leña

convértese o sábado 22 en centro neurálxico da segunda edición do Entroido Esperpéntico. As actividades desenvólvense de xeito ininterrompido desde as 11.00 horas. Foto: Abelardo Soler - ABSO

participan disfrazadas no desfile do martes 25, o cal sae ás 17.30 horas desde A Covecha ata rematar na rúa Castelao, onde se leva a cabo o concurso presentado polas humoristas Anabel Gago e Chelo do Rejo (A Quixota e Sancha Panza). A cantidade máxima a repartir en distincións sitúase ao redor dos 5.000 euros e, mentres o xurado delibere, Batukabras encárgase de que non decaia a diversión. Finalmente, o sábado 29 procédese, ás 18.00 horas, co enterro do Felipe, organizado pola veciñanza da parroquia do Xobre. A saída efectúase desde O Campo do Maño e a queima realízase no pantalán.

Febreiro 20

O Barbanza

 ENTROIDO  BOIRO  RIANXO

Desfiles e concursos protagonistas en Boiro

Entroido de Boiro vén este ano cun amplo abano de actividades variadas para veciños e visitantes de todas as idades. Para poñer o foco nesta vertente diversa do Febreiro Choqueiro boirense, o Concello e unha manchea de asociacións e colectivos locais presentaron a axenda cultural e festeira que abranguerá practicamente todo o mes de febreiro (e parte do de marzo) e que terá varios centros neurálxicos de actividade. Haberá música, ruadas, exaltacións gastronómicas, concursos e, como non, as tradicionais despedidas ao Felipiño de Escarabote e máis ao Óso de Abanqueiro. Á presentación do programa asistiron a concelleira de Cultura, María Outeiral, o técnico de Cultura, Alberto García, Alfonso Alcalde, da Asociación Comisión de Festas da Boliña, Lucia Pérez, da asociación que organiza o Enterro do Felipiño en Escarabote e José Blanco, da organización do Enterro do Óso en Abanqueiro.

O programa comeza o 21 co Concilio de Abadesas, unha ruada aberta á participación da veciñanza (todo o mundo pode participar, co único requisito de levar como complemento da vestimenta elementos relixiosos). O desfile, no que participa a charanga Vai de Baile, comeza as 19.00 horas no Centro Cultural de Boiro e remata

 O programa comeza

o 21 co Concilio de Abadesas, unha ruada aberta á participación da veciñanza.

na Pousada da Galicia Imaxinaria. O sábado día 22, a Asociación Comisión de Festas da Boliña organiza o seu tradicional Entroido, coa Festa da Orella (que vai xa pola súa edición número 13), maquillaxe infantil e música. Será no campo de Revelar, na Boliña, a partir das 19.00 horas. O domingo 23 o Concello promove un desfile infantil pola rúa peonil e haberá tamén animación para os mais cativos e actuación de Magín Blanco na praza da Mancomunidade. O martes 25 celebrarase o xa tradicional desfile e concurso de disfraces e carrozas, no que se van repartir 3.000 euros en premios. O desfile este ano sairá un pouco antes, ás 17.00 horas, e farao da praza do Concello. A programación de Entroido remata a fin de semana seguinte, co Domingo de Enterros, que será o 1 de marzo. Como novidade, este ano haberá un tren que percorra o municipio para levar a xente duns enterros a outros e no que irá a charanga Faíscas da Pontraga. Sairá de Boiro pola mañá e percorrerá Abanqueiro, Escarabote e Boiro.

Rianxo será unha gran festa choqueira entre os días 21 e 29 de febreiro

s celebracións rianxeiras do Entroido concentraranse en diferentes emprazamentos (sobre todo) entre os días 21 e 29 de febreiro. O comezo virá marcado pola Festa do Entroido do 21 de febreiro, organizada pola Asociación Festival Rock In Rian na praza Castelao, a partir das 23.00 horas, con carpa incluída. Ao día seguinte, o sábado 22, no mesmo emprazamento e mesma carpa da praza Castelao, celebraranse as Olimpíadas Pallasas de Peter Punk (xogos, probas e actividades diversas dirixidas ao público familiar), cuxo prazo de inscrición abrirase ese mesmo día ás 16.00 horas. Esta actividade virá da man da Comisión de Festas Virxe do Carme de Rianxo. Na noite do sábado 22, tamén na carpa do Entroido da praza Castelao, actuará a partir das 22.30 horas a charanga Cada un con quen veu. Tamén haberá un baile de Entroido amenizado polo grupo Pantuma-K e

Mínimo Eventos. Organiza a Comisión de Festas Virxe do Carme. Ao día seguinte, domingo 23, a praza de Castelao será (a partir das 17.30) novamente o epicentro festeiro, coa celebración do Certame de Carrozas e o desfile que recalará na praza dende a zona portuaria. Haberá tres premios de 800, 600 e 400 euros e até 5 accésits de 150 euros. Tamén están previstos obradoiros e xogos diversos na carpa do Entroido, un espectáculo de animación de rúa (O Mundo do Circo) da man de Troula Animación e máis un

 O domingo 23, a praza

de Castelao será (a partir das 17.30) novamente o epicentro festeiro, coa celebración do Certame de Carrozas e o desfile.

sorteo de agasallos entre as persoas disfrazadas. O luns 24 desenvolverase no Pavillón Polideportivo de Rianxo a activi-

dade De-porte Choqueiro, organizada pola Concellería de Deportes, entre as 16.30 e as 19.30 horas. O martes 25 volvemos á praza Castelao, á carpa do Entroido, para participar noutro programa de obradoiros e xogos a partir das 17.00 horas. O mércores 26, será a quenda do Toribiño, o histórico monifate rianxeiro, que será enterrado a partir das 20.00 na praza Castelao e que participará na tradicional procesión festeira polas rúas de Rianxo até a contorna portuaria (zona de queima). Organiza a Asociación Festival Rock in Rian. A festa oficial rematará o sábado 29, en Taragoña (Campo de Pasos a partir das 17.00 horas, con inchables, obradoiros e concursos de carrozas organizados pola veciñanza), e máis en Araño (coa Festa do Cocido a partir das 21.30 horas no Centro Cultural de A Capela, que inclúe cea e baile, e que está organizada pola Asociación A Carballeira de Baia).

O Barbanza

Febreiro 20

 ACTUALIDADE  BOIRO

O Náutico de Boiro – Marina Cabo de Cruz recibiu a placa de Galicia Calidade

Náutico de Boiro – Marina Cabo de Cruz recibiu o pasado 6 de febreiro un importante recoñecemento á excelencia dos seus servizos e da súa xestión e, tamén, ao prestixio acadado no panorama galego, estatal e internacional. Estamos a falar da distinción de Galicia Calidade, que enxalza os clubs náuticos da nosa terra que foron quen de superar os rigorosos criterios establecidos pola devandita marca da Consellería de Economía. Na entrega da placa acreditativa do selo participaron alcalde de Boiro, José Ramón Romero, o director xerente de Galicia Calidade, Alfonso Cabaleiro, o director técnico de Galicia Calidade, Javier de Miguel, e o presidente do Náutico de Boiro, Manuel Fajardo.

Placa acreditativa do selo Galicia Calidade

Por certo que o Náutico de Cabo de Cruz foi a primeira de entre as entidades deportivas dos nosos portos (un total de 14 clubs, entre os que se contan o de Portonovo, Vigo, Portosín, Sada, Ribadeo, Sanxenxo, A Coruña e Ribeira, entre outros) á que lle foi entrega-

 O Náutico de Cabo de

Cruz foi a primeira de entre as entidades deportivas dos nosos portos á que lle foi entregada oficialmente a distinción de Galicia Calidade.

da oficialmente a dita distinción. Segundo se explicou na colocación da placa, a marca Galicia Calidade avala a excelencia das instalacións náutico-deportivas de Galicia, que lidera o número de náuticos con Q de Calidade Turística de España.

O Barbanza

Febreiro 20

 ENTROIDO  PORTO DO SON

Juan Pouso  CONCELLEIRO DE CULTURA DE PORTO DO SON

“O noso lema é que traballamos para a xente pero sobre todo coa xente”

localidade de Porto do Son xa está quecendo motores para unha chea de actividades que están programadas para os vindeiros días. Concursos de disfraces, obradoiros e propostas gastronómicas ocuparán as xornadas do entroido sonense. O concelleiro de cultura, Juan Pouso, anima a todos os veciños e visitantes a “sacarlle o mellor partido” a estas festas tradicionais.

te, xa que dunha maneira ou outra, atrévome a dicir que todo o concello participa desta festa directa ou indirectamente sobre todo o luns que é festivo local. Nos últimos anos vén xente doutros Concellos a concursar ou a visitar o lugar. - E de seguro que haberá premios para os máis enxeñosos... - Os premios son bastante apetecibles pero non so se valora o enxeño, tamén se valora a posta en escena, o traballo que teñen os disfraces e o acabado, a estética e a letra da murga.

- Un ano máis chega o Entroido a Porto do Son. Como se vive esta época entre os veciños? - Esta claro que son datas onde os que mais desfrutan son os nenos e estes contaxian os mais maiores facendo destas fechas algo especial para desfrutar en familia. Os veciños soen ser bastante participativos sobre todo nas actividades mais populares como son os concursos de disfraces, os obradoiros infantís e a filloada (realizada por voluntarios) que se celebra o domingo. Pero tamén se disfrazan durante o fin de semana para desfrutar desta data.

- Para os que aínda non están decididos a participar, onde poden atopar toda a información relacionada co Entroido? - As bases están colgadas na paxina web do concello e no BOP. Pero desde a oficina de Cultura, ou ben chamando ou ben en persoa, estaremos encantados de resolver calquera dubida. Tamén animaría a que se apuntasen todos o que non o teñen claro xa que é gratuíto e hai unha fecha límite, e ninguén poderá concursar pasada esa data. - Estas datas non só son disfraces, caretas e risas, tamén o Entroido é símbolo de gastronomía. Poderemos degustar algo en Porto do Son? - Neste Concello temos moitos e bos profesionais dos fogóns. Estou seguro en todos e cada un dos locais hostaleiros terán algo preparado para estas datas.

 Os veciños soen ser bas-

tante participativos sobre todo nas actividades mais populares como son os concursos de disfraces, os obradoiros infantís e a filloada. - Xa temos o cartel e haberá moitas actividades nestes días. Que imos poder ver e facer no Son? - O Son é un Concello turístico polo que aparte das actividades realizadas polo Concello como son os concursos de disfraces, talleres para os mais cativos e a filloada hai moitos lugares que se poden visitar para o desfrute de aquelas persoas que veñan de fóra do Concello. Aproveito para convidar a todos aqueles que veñen a gozar do Entroido a Porto do Son que visiten os lugares mais emblemáticos do concello. Tamén o resto das parroquias do concello teñen actividades promovidas por diferentes asociacións relacionadas co Entroido. - Canta xente participa nestas festas? - É difícil cuantificar a cantidade de xen-

Concurso de comparsas

- Nalgúns sitios hai enterro da sardiña, noutros monifates… No Son hai un personaxe estrela? - O noso Felipiño de toda a vida, onde choraremos por el o longo da ruada que descorrerá polas rúas da Vila. - En moitas ocasións temos visto a membros do consistorio participando, por exemplo, na carreira Sin Son 10K. Sorprenderán participando na festa de disfraces? - Esta claro que si, son datas para pasalo ben e desfrutar o igual que o resto dos veciños, nestes casos non somos todos iguais.

Filloada realizada por voluntarias

- Algunha recomendación para os veciños e visitantes? - Que o pasen ben nesta festa, que é unha vez o ano e hai que sacarlle o maior partido.

do 13 de xaneiro ao 2 de febreiro de 2020

IES Afonso X O Sabio (Cambre) - IES Antón Alonso Ríos (Tomiño) - IES Ánxel Fole (Lugo) IES Arcebispo Xelmírez I (Santiago de Compostela) - IES Eduardo Blanco Amor (Ourense) CPR Plurilingüe Fogar de Santa Margarida (A Coruña) - IES Illa de Ons (Bueu) IES As Lagoas (Ourense) - IES de Poio (Poio) - IES de Vilalonga (Sanxenxo)

O Barbanza  ENTROIDO

Febreiro 20

 CONCELLO DE VEDRA

Vedra, terra de xenerais e correos

e norte a sur e de este a oeste, Galicia arrecende a Entroido nestes días. Preto do Barbanza está un dos epicentros destas festas: o Entroido do Ulla. Foi declarada como Festa de Interese Turístico no ano 2013 e non é para menos xa que centos de xenerais e correos bañan estas terras nesta época do ano. Un concello que o sabe ben é o de Vedra que nestes días énchese de xenerais e correos que van polas aldeas entoando os seus atranques. Desde tempos devanceiros estes engalanados xenerais do Ulla xunto cos seus respectivos exércitos, cabalgan a lombos dos seus cabalos tamén adobiados con espellos e plumas por todos os recunchos do concello durante o Entroido. Cabe destacar os traxes tanto dos xenerais coma dos correos, inspirados nos exércitos napoleónicos pero sobre todo o que chama a atención son os seus sombreiros (bicornios) cheos de

Fotos: turismo.gal

plumas de cores e adornos. O momento máis esperado é o dos famosos atranques, que son batallas dialécticas enxeñosas e cargadas de sátira sobre o panorama actual que estoupan as gargalladas e soben os ánimos de todos os veciños e visitantes. E a estes exércitos sempre lles acompañan as chamadas parrandas

 O Entroido do Ulla

foi declarada como Festa de Interese Turístico no ano 2013.

ou coros de nenos, ataviados dos traxes tradicionais e que van cantando polas aldeas. Tampouco poden faltar as carrozas ou as comparsas. Sen dúbida, Vedra coñece a perfección a festa do Entroido e así a transmite de xeración en xeración con emoción e nervios pero sobre todo, con moita tradición.

Febreiro 20

O Barbanza

 EDUCACIÓN

Teleformación do galego

Certificado de Acreditación da Lingua Galega (CELGA) universalízase coa posta en marcha do nivel de aprendizaxe 2 (B1) na modalidade de teleformación, tal e como anunciou a Xunta hai un ano, cando avanzou que antes do remate da lexislatura estarían implementados e en funcionamento todos os cursos preparatorios das probas de acreditación dos catro primeiros niveis CELGA (ao 5 só se pode acceder mediante a validación de estudos universitarios de especialidade en galego). O vindeiro 16 de marzo arrancan os primeiros cursos en liña preparatorios das probas do CELGA 2, que ofrecen un total de 150 prazas distribuídas en cinco aulas virtuais e que requiren matrícula previa gratuíta desde a Sede Electrónica da Administración autonómica ata o 19 de febreiro. Así o deron a coñecer a principios de febreiro, en conferencia de prensa, os secretarios xerais de Política Lingüística e da Emigración, Valentín García, e Antonio Rodríguez Miranda, respectivamente, e a directora da AMTEGA, Mar Pereira, acompañados do responsábel da empresa encargada de desenvolver este proxecto, Imaxin, Diego Vázquez Rey. “Galicia estrea o curso CELGA 2 en liña e dá un paso importante completando a oferta formativa en liña destinada ao coñecemento do galego e á súa acreditación”, sinalou Valentín García, avanzando tamén que os vindeiros traballos destinados á formación e aprendizaxe do galego mediante o sistema CELGA “van centrar esforzos na inclusión para adaptar materiais, recursos e metodoloxías ás diferentes necesidades especiais da cidadanía”. A directora da AMTEGA destacou que a tecnoloxía elimina os límites temporais e espaciais e as fronteiras, facilitando o acceso a formación desde calquera lugar do mundo. Pereira enmarcou esta iniciativa nas medidas para incrementar os servizos en liña aos galegos, entre eles a teleformación, e tamén nas actuacións para facilitar o acceso universal e a difusión da cultura e

O CELGA 2 poderase cursar en liña a partir de marzo

CELGA 2 en liña

a lingua galegas como o portal da lingua, o tradutor Gaio e todas as liñas da Memoria Dixital de Galicia, na que se enmarca a recente posta en marcha do portal de toponimia e a aplicación que permite a colaboración da cidadanía para recompilar e xeorrefenciar os topónimos galegos. Pola súa banda, o secretario xeral da Emigración, Antonio Rodríguez Miranda, salientou a importancia dunha iniciativa que pon a disposición de toda a colectividade a aprendizaxe da nosa lingua. “A partir de hoxe, calquera galego en calquera lugar do mundo pode acceder a este curso”, incidiu.

 O novo curso

CELGA 2 completa a oferta formativa en liña do sistema CELGA nos catro niveis que se poden acreditar mediante exame.  O vindeiro 16 de

marzo arrancan os primeiros cursos en liña preparatorios das probas do CELGA 2.

O novo curso CELGA 2 en liña completa a oferta formativa en liña do sistema CELGA nos catro niveis que se poden acreditar mediante exame, para facilitar o acceso á formación en lingua galega da poboación adulta sexa cal for o lugar onde viva e a ocupación e horario que teña. Os obxectivos e contidos do curso CELGA 2 en liña correspóndense cos do nivel B1 do Marco europeo común de referencia para as linguas (MECRL). Para alcanzar este nivel, o curso emprega textos, vídeos e audios en diferentes tipos de actividades prácticas, de acordo coa pedagoxía construtivista social que o guía e que implica a colaboración, o papel activo do discente e a reflexión crítica. Así, través dunha interface de navegación sinxela, lixeira, eficiente e intuitiva, o alumnado accede a unha das oito unidades do curso, organizadas arredor dunha tarefa principal e divididas en catro bloques: comprender, explorar e reflectir, practicar e comunicar e viaxar. Neles, o alumnado atopará actividades tipo consulta, tarefa, diálogo, chat, foro, glosario, wiki, cuestionario ou reunión, entre outras posibilidades. O curso CELGA 2 en liña axústase aos obxectivos, ao programa e ao contido curricular establecidos para cada un dos niveis sinalados na Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (CELGA). Foron elaborados por un grupo de expertos docentes partindo do manual Aula 2 pero cunha ampla actualización tanto nos textos, nos vídeos como nos audios, adaptados para os deseños de novas actividades máis actualizadas. Estes curso vanse desenvolver entre o 16 de marzo e o 8 de maio, segundo o recollido na resolución publicada no DOG o pasado 29 de xaneiro.

 Os obxectivos e conti-

dos do curso CELGA 2 en liña correspóndense cos do nivel B1 do Marco europeo común de referencia para as linguas (MECRL)