O Barbanza - Número 2

O Barbanza Edición Arousa Norte

www.obarbanza.gal

Ribeira  A Pobra  Boiro  Rianxo

Número 2

Xullo 19

CATRO GOBERNOS SEN MAIORÍA

 Barbanza-Arousa Norte terá representación nas alcaldías dos principais partidos: PP (Ribeira); PSOE (Boiro); BNG (Rianxo); Nós Pobra (Pobra do Caramiñal). Catro alcaldes, catro partidos, catro estilos. E todos cunha característica común: gobernarán en minoría o que provocará intestabilidade ou políticas de consenso. Só unha cara nova, o alcalde de Boiro, José Ramón Romero, Martiño. Os catro posaron para O Barbanza na Curota. En páxinas interiores contamos a crónica desta foto.

Música, cultura e gastronomía Comeza a gran tempada festeira do Barbanza

Onde mellor que na praia 16

A comarca marca diferenzas en cantidade e calidade de areais

Novas instalacións de remo 18

Cabo de Cruz e Aguiño terán novas instalacións para o deporte remeiro

20

O Barbanza Edición Arousa Norte

O Barbanza Edición Arousa Norte

EDITA: Grupo Código Cero Comunicación S.L. Rúa das Hedras nº 4, 1º G 15895 Ames (Milladoiro) Tel.-fax: 981 530 268 - 608 240 160 www.codigocero.com DIRECTOR: Joferpa director@obarbanza.gal WEBMASTER: Marcus Fernández webmaster@codigocero.com REDACCIÓN: Fernando Sarasketa Sonia Pena Ana Rial Maneiro redaccionribeira@obarbanza.gal redaccionapobra@obarbanza.gal redaccionboiro@obarbanza.gal redaccionrianxo@obarbanza.gal MAQUETACIÓN E DESEÑO: Óscar Louzán FOTOGRAFÍA: Beatriz Martínez del Campo y Ricoy Joferpa PUBLICIDADE: publicidade@obarbanza.gal CORREO DO LECTOR: lectores@obarbanza.gal A NOSA WEB www.obarbanza.gal REDES SOCIAIS: facebook.com/obarbanza www.instagram.com/o_barbanza/ IMPRIME: PUBLICACIONES TAMEIGA, S.L. Número 2 (xullo 2019) Publicación periódica.

Tirada: 7.000 exemplares Depósito Legal: C 668-2019 I.S.S.N.: 2659-8256

Neste número S

acar á rúa o primeiro número dunha revista en papel é complicado, pero máis difícil aínda é lanzar o segundo número. Por que motivo? Pois basicamente porque ten que quedar claro que vas en serio e que non se trata dunha arroutada temporal e persoal, neste caso concreto a decisión nosa de publicar unha revista (o primeiro número de O Barbanza) que veu estreitamente ligada ás eleccións municipais do pasado mes de maio, sendo unha xanela a todas as cousas das que se informaron durante os procesos electorais.

Pero claro, as eleccións pasaron e tocaba facer que o proxecto madure. Temos moitas cousas en contra? Pois temos unhas cantas, para comezar os hábitos de lectura da xente xa non son os mesmos, sobre todo entre as novas xeracións. Agora á rapazada gústalle acceder á información e á cultura polos novos dispositivos, e neste sentido está claro que a viraxe de costumes foi unha viaxe de ida e volta. Porén, nós e todos os que impulsaron recentemente iniciativas que apostan por publicar en formato tradicional (combinándoo coas feituras dixitais, no noso caso a través da páxina web obarbanza.gal, plenamente operativa a día de hoxe, e as redes sociais), queremos ser un pouco como a industria do vinilo no sector discográfico, que ten o seu sitio e os seus seareiros malia todo o que teñen avanzado os servizos tecnolóxicos para satisfacer as demandas dos afeccionados á música. Son incompatíbeis na música os formatos tradicionais cos dixitais? Non o son, e de feito cónstanos que hai moita xente que os combina sen problema. Pois nós, dende O Barbanza, queremos actuar tamén nese punto: no punto onde as publicacións en papel conviven enriquecedora e sosegadamente coas publicacións dixitais.

Respecto dos contidos, este novo número é un xeito de facer reconto dos moitos e interesantes acontecementos ligados aos anteriores comicios. As augas xa discorren tranquilas e, basicamente, era a hora de facer reconto. Para comezar, consideramos que era preciso falar cos novos alcaldes e que nos contasen as súas inquietudes e os seus plans de futuro, tanto os inmediatos como os concibidos para medio e longo prazo. Neste senso puidemos constatar que o miolo das preocupacións e os desafíos repítese en todos os concellos, malia as súas características propias. En certa maneira, é lóxico que se así sexa e que o común, o que nos une, se acabe por impoñer: a xente de Ribeira, Pobra, Boiro e Rianxo somos parte do mesmo barco.

O equipo de “O Barbanza”

www.codigocero.com D I A R I O D E N O VA S T E C N O L Ó X I C A S D E G A L I C I A Sigue a última hora de todo o que che interesa en materia de I+D+i.

O noso boletín diario é o de maior difusión por subscrición en Galicia, tal como o amosan os máis de 3.000 subscritores que reciben no seu correo electrónico un resumo de xeito gratuíto do máis destacado en materia de novas tecnolóxicas.

A que agardas? Subscríbete XA!

Síguenos en:

3

Xullo 19

4

Xullo 19

O Barbanza Edición Arousa Norte

 ENTREVISTA

Manuel Ruiz Rivas

 ALCALDE DE RIBEIRA

“O noso concello é un exemplo de diálogo e altura de miras”  Se a fórmula funcionou, para que cambiala? Así opina o alcalde Manuel Ruiz (que afronta estes días o inicio do seu terceiro mandato en Ribeira) a respecto do que considera un dos grandes logros das lexislaturas previas: ter conseguido grandes cousas con diálogo, poñer a Ribeira como un exemplo de colectividade diversa funcionando de maneira conxunta ante os bens comúns da cidadanía. Na súa opinión, o concello é hoxe en día un modelo de municipio no que todas as persoas se senten representadas.

Quedan tarefas por facer?

A resposta é afirmativa, pero dende o actual equipo de Goberno semellan ter as cousas claras: cómpre seguir na mesma liña de participación e diálogo e, con esta base, traballar para seguir impulsando conxuntamente a ampliación do polígono industrial, a variante-circunvalación que resolva os problemas de tráfico na cidade, a humanización dos espazos urbanos, a rehabilitación dos barrios antigos ou a construción dun novo auditorio que impulse cultural e socialmente a actividade cidadá de Ribeira.

-A

situación deixada polas eleccións foi de incerteza, pero semella que agora as augas volven estar tranquilas. Que conclusións saca Manuel Ruiz do acontecido (os hipotéticos gobernos alternativos, os posíbeis pactos, as elucubracións) no concello durante e despois das eleccións?

- Ante todo, quero agradecer o importante apoio recibido nestes comicios locais polo meu partido, cun resultado que nos consolida como a opción preferida pola xente do concello. Agora, pasadas as eleccións, penso que cada un dos grupos políticos representados na Corporación ten que asumir a súa cota de responsabilidade en función dos votos que lles concederon as urnas e traballar polo concello.

- Considera que na anterior lexislatura funcionou finalmente a fórmula do goberno en minoría e os acordos e pactos de consenso coas demais forzas políticas locais? Foi unha fórmula de éxito e, polo tanto, era lóxico que non mudase?

- A pasada lexislatura, o concello foi un exemplo de como con diálogo, vontade e altura de miras logrouse desenvolver entre todos os grupos un modelo de municipio no que cada un de nós nos sentíamos representados. A miña aspiración é que se poida seguir pola mesma liña, aportando e aplicando partes de cada programa electoral na actividade municipal, porque o que está en xogo non é o prestixio dunha sigla ou outra, senón o progreso do concello e os seus habitantes.

- Di vostede que a nova lexislatura comeza con moito traballo, que hai que resolver as tarefas pendentes do anterior mandato.

O Barbanza Edición Arousa Norte

5

Xullo 19

ENTREVISTA

COMPOSICIÓN DA NOVA CORPORACIÓN MUNICIPAL Alcalde Manuel Ruiz Rivas, do PP. A corporación municipal ten como edís a María José Sampedro Fernández, Ana Isabel Ruiz Reiriz, Ramón José Doval Sampedro, Manuel Emilio Pérez Outeiral, Ana Isabel Barreiro Rego, Víctor Reiriz Lampón, Juana María Brión Santamaría e Elvira Pereira Ageitos, do PP; Vicente Mariño de Bricio, Mª Herminia Pouso Maneiro, Mª Dolores Elorduy Callón, Miguel Ángel Vázquez Salgueiro, Emilio Andrés González Regueira, Gerardo Pardavila Fernández e Asier Casais Álvarez, do PBBI; José Manuel Vilas Álvarez e Rita Rial Fernández, do PSdeG-PSOE; Xosé Vázquez Cobas e Luís Antonio Pérez Barral, do BNG; e, Xurxo Ferrón Vidán, de Suma Ribeira.

Por exemplo, ampliar o polígono industrial. Que toca facer agora neste punto?

- Segue avanzando a tramitación administrativa e, unha vez obteñamos a aprobación inicial, veremos de localizar conxuntamente coa Asociación de Empresarios as empresas que estean interesadas en ocupar o polígono. Será o penúltimo paso antes da súa urbanización.

- Outro dos desafíos que toca resolver é consolidar o modelo humanizado de cidade. Fixéronse avances importantes e valentes pero cómpre resolver o reto de comunicar os dous extremos da cidade: o da beiramar, por unha banda, e o que está orientado terra a dentro, pola outra. Como ten previsto o Concello resolver este importante desafío? De que maneira se pode desconxestionar unha rúa como como Romero Ortíz, que multiplicou o volume de tráfico por ser, precisamente, unha alternativa para comunicar o porto cos barrios do interior de Ribeira, por exemplo o do Monumento?

- A variante, tamén chamada circunvalación, e á gran infraestrutura destinada a desconxestionar o tráfico na cidade. A súa construción

Manuel Ruiz Rivas ALCALDE DE RIBEIRA

 Cada un dos grupos

políticos representados na Corporación ten que asumir a súa cota de responsabilidade en función dos votos que lles concederon as urnas e traballar polo concello elevarase por riba dos 9 millóns de euros e a Xunta xa conta cunha primeira redacción do proxecto, que estará en exposición pública en poucos meses. E efectivamente: entre outros beneficios implicará o alivio da circulación en Romero Ortiz ao tempo que se mellorará a comunicación co Touro.

- Que ten previsto o Concello con respecto á biblioteca municipal?

Ten proxectado ampliala ou buscar un novo emprazamento? Hai quen propón mercar algún inmóbel histórico da cidade, céntrico, e habilitalo como biblioteca e, por suposto, como centro cultural e social dinamizador...

- Nos últimos anos se estiveron a dar pasos importantes para mellorar a instalación actual, ampliando horarios, aumentado o espazo de estudo ou afinando as súas condicións en canto a climatización, accesibilidade e illamento acústico. Malia así, continúa tendo carencias e tentaremos buscar unha solución dialogando co resto dos grupos, que pasará pola súa ampliación ou a construción dunha nova e o reoaproveitamento do local actual.

- No que atinxe ao novo auditorio, que datos concretos lles podemos transmitir aos cidadáns?

- O proxecto xa está en redacción logo de que un estudo mallorquino gañase o concurso de ideas convocado ao efecto, ao que se presentaron 36 propostas, un número moi estimable. Agardo que pasado o verán teñamos o documento técnico definitivo nas nosas mans para podelo licitar. Por certo, quen se achegue

polo Concello pode ver na mesma porta de entrada unha recreación da proposta gañadora. Persoalmente, opino que ademais de ser funcional vai marcar esteticamente o entorno da praza do Centenario.

- No que se refire ao centro de saúde e a súa hipotética ampliación, que ten programado o Goberno local entrante?

- Este é un asunto respecto do que estamos en conversas co SERGAS para que se poida materializar tan ansiada remodelación. Son optimista.

- Para rematar, hai outro reto na cidade de certa complexidade que se pode extrapolar a outras poboacións: a necesidade de poñer en valor as zonas antigas, poñéndolle freo á degradación dos edificios e das contornas históricas.

Na cidade hai contornas onde proliferan as vivendas baleiras e degradadas, mesmo no centro.

Que vai propor o seu Goberno para frear este proceso?

- Xa no anterior mandato a Corporación avaliou os condicionantes á hora de implantar unha Área de Rehabilitación Integral para atallar esta problemática. Estou certo de que nesta lexislatura se darán os pasos oportunos para sacala adiante.

6

Xullo 19

O Barbanza Edición Arousa Norte

 ENTREVISTA

Xosé Lois Piñeiro

 ALCALDE DA POBRA DO CARAMIÑAL

“Queremos incrementar aínda máis o grao de participación da cidadanía”  Nós Pobra foi a forza máis votada no concello. En palabras do alcalde Xosé Lois Piñeiro, investido para o novo mandato este pasado mes de xuño co apoio do PSdG local, isto significa varias cousas fundamentais: para comezar, que a cidadanía do concello soubo ver os esforzos despregados durante os catro anos previos, un traballo “que puxo o interese público por enriba de calquera outra consideración”.

Ademais, engade, non só houbo capacidade para facer as cousas ben, senón para asumir e recoñecer as cousas que non se fixeron deste xeito.

Agora, di, toca poñerse mans á obra para encarar os principais retos do concello, que son compartidos polos restantes municipios da comarca en maior ou menor medida.

Entre estes atópase o reto de impulsar o comercio local e os índices demográficos. Neste punto, Piñeiro anuncia colaboración co sector, un incremento do solo industrial e máis axudas para as familias no camiño da plena conciliación (por exemplo un bono para axudalas a pagar o servizo de gardería en tanto non se poña en funcionamento unha escola municipal de 0 a 3 anos).

Respecto da fórmula da participación veciñal, unha das principais metodoloxías de traballo de Nós Pobra, seguirá adiante e mesmo intensificarase.

-O

s comicios locais que vimos de deixar atrás guindaron unha serie de novidades salientábeis en Boiro (coa posibilidade real dos grupos da esquerda para formar goberno) e, tamén, en Ribeira (coa destacada irrupción dos independentes). Porén, na Pobra non se pode dicir que houbese grandes novidades. Volveu gañar Nós Pobra. Por que motivo considera que a cidadanía quixo renovar a confianza mostrada no partido?

- Houbo un cambio significativo, somos a forza máis votada. Sentimos ese apoio como un forte empuxón para seguir cara adiante. Coido que a xente soubo ver o noso traballo, o noso esforzo por mellorar en todas as áreas e viron os resultados que obtivemos. Saben que teñen un goberno serio e responsable, que cando se equivoca é quen de admitilo, pero sempre co interese público por riba de calquera outro.

- Que toca facer agora? Que será o primeiro que fagan Xosé Lois Piñeiro e o seu equipo á fronte do Goberno de Pobra?

- O primeiro tratar de executar as obras pendentes do mandato anterior. Contan con orzamento e están aprobadas, só queda facelas realidade. Temos que superar os atrancos en canto a permisos que nos poñen outras administracións.

Logo estableceremos as prioridades para os vindeiros catro anos, son moitas, pois ideas e proxectos non faltan. O que se precisan son recursos económicos, que procuraremos tamén conseguilos para chegar ao máximo posible.

- Polo que puidemos escoitar na campaña electoral, e malia o carácter continuista dos resultados destas eleccións con

O Barbanza Edición Arousa Norte

7

Xullo 19

ENTREVISTA

COMPOSICIÓN DA NOVA CORPORACIÓN MUNICIPAL Alcalde Xosé Lois Piñeiro García, de Nós Pobra.

A corporación municipal ten como edís a Rosario Varela Fernández, José Carlos Vidal Suárez, María Genoveva Hermo Santos e José Andrés Lojo Fernández, de Nós Pobra; Manuel Durán Guillán, Francisco Javier Otero Maceiras, Jesús Dieste Buceta, María González Santos e Mª Beatriz Martínez Outeiral, do PP; Ramiro Ouviña Ouviña e Mª Cristina Andrade González, do BNG; e, Patricia Lojo Nine, do PSdeG-PSOE. Foto CEDIDA

Xosé Lois Piñeiro ALCALDE DA POBRA DO CARAMIÑAL

 Coido que a xente

soubo ver o noso traballo, o noso esforzo por mellorar en todas as áreas e viron os resultados que obtivemos. Saben que teñen un goberno serio e responsable respecto ás anteriores hai unha serie de demandas claras por parte da cidadanía. Por exemplo, constatamos un interese común en reactivar o comercio, o tecido empresarial e a capacidade da Pobra para reter e captar xente nova.

Que ten proxectado o seu grupo de Goberno para seguir avanzando neste eido?

- Son das tarefas máis complicadas ás que nos enfrontamos. A nivel de comercio a competencia é moi dura, non só coas grandes áreas comerciais das cidades, tamén con

Internet. Seguiremos colaborando co sector no deseño de campañas innovadoras e creativas, tratando de afianzar á xente da vila pero tamén procurando atraer a clientela de fóra.

Imos traballar para incrementar o solo industrial. Para fixar poboación, son moitas as políticas que poden incidir positivamente, pero especialmente os servizos que somos quen de ofrecer. Os de conciliación son un éxito e cobren todos os días non lectivos e laborables do ano. Propomos un bono para axudar ás familias a pagar o servizo de gardería, en tanto non sexamos quen de poñer en funcionamento unha escola municipal de 0 a 3 anos. Tamén trataremos de por en marcha un bono alugueiro destinado ás familias con nenos/as menores de 3 anos.

- Nos días previos aos comicios de maio, Xosé Lois Piñeiro fixo fincapé en que un dos obxectivos primordiais do Goberno de Nós Pobra para os vindeiros catro anos ía ser “manter a liña de traballo da lexislatura anterior”, priorizando a participación veciñal, e levándoa aínda máis lonxe.

En que medidas se vai concretar esta aposta pola concorrencia da xente, por traballar a carón da cidadanía?

- A participación veciñal é un dos piares nos que se sustenta Nós

Pobra. O noso goberno non tivo nada que ver cos anteriores. Celebramos innumerables asembleas veciñais, abertas á veciñanza ou dirixidas a sectores concretos, como a hostalería ou o comercio. Agora toca desenvolver o regulamento de participación veciñal e establecer mecanismos de toma de decisións regulamentados. O noso compromiso de seguir celebrando as asembleas veciñais é firme, escoitando e informando á xente de todo o que é de interese público. Temos que incrementar o grao de participación da cidadanía. A mellor forma é tendo moi en conta as propostas que recollemos e facéndoas realidade o antes posible.

tamén tecnolóxicas, algunhas de última xeración. Somos un dos poucos concellos que conta con centro de recollida para animais abandonados, e con vivenda de emerxencia social que terminaremos de dotar de xeito inmediato, aprobando un regulamento de uso o antes posible. No eido da cultura queremos seguir avanzando na posta en valor do traballo dos artistas locais, sexan do tipo que sexan, e promovendo a súa formación e aparición de talentos. Ao igual que no deporte, o módulo cuberto de atletismo existe en moi poucos municipios de Galicia. A vangarda está ao noso alcance en moitos eidos, só hai que ter a valentía e a decisión para camiñar cara ela.

- Dicía vostede que un dos seus obxectivos é situar a Pobra na vangarda social, económica e cultural da comarca e de Galicia enteira. Cre vostede que o concello ten vimbios para conseguilo?

- Témolos, e de feito estamos a facelo. Poucos concellos contan cun espazo de traballo colaborativo como o Coworking Pobra, dirixido a persoas que conten cun proxecto empresarial e queiran desenvolvelo no noso concello. Este ano abriremos a Casa da Mocidade, que contará cun espazo “fab lab”, onde os nosos mozos e mozas poderán aprender a crear con ferramentas tradicionais e

- Ten proxectada o seu Goberno algunha medida para incrementar a presenza de poboación nos núcleos antigos da vila e, tamén, para impulsar o acondicionamento e rehabilitación de edificios históricos abandonados?

-Temos pensado promover a rehabilitación de edificios a través da creación dunha bolsa de axudas. Na liña que marcamos coa aprobación da compra de terreos no Castro da Croa, temos intención de cada ano facernos cun elemento protexido, poñendo especial interese nos de maior relevancia dentro do patrimonio arquitectónico e cultural da Pobra.

8

Xullo 19

O Barbanza Edición Arousa Norte

 ENTREVISTA

José Ramón Romero García

 ALCALDE DE BOIRO

“As eleccións municipais supuxeron un cambio necesario”  Finalmente houbo viraxe política en Boiro. Un dos grandes protagonistas deste cambio é José Ramón Romero García, Martiño, o novo rexedor. En O Barbanza quixemos que nos contara cousas sobre estes primeiros días de lexislatura, sobre o que toca facer primeiro e, tamén, sobre as impresións que lle deixaron os anteriores comicios. Segundo di, a cidadanía quixo que virase o rumbo político de Boiro e así o reflectiron as eleccións.

José Ramón Romero ALCALDE DE BOIRO

 No primeiro no que

estamos a traballar en materia de organización é na limpeza xeral das beirarrúas, as cubertas vexetais e na mellora e arranxo da iluminación en todo o municipio

-Q

ue conclusións podemos tirar destes comicios locais que se veñen de celebrar, tanto no caso de Boiro como da comarca do Barbanza en xeral?

- As eleccións municipais supuxeron para Boiro un cambio moi importante, un cambio necesario e que a cidadanía pedía, pero aínda queda moito traballo por diante para facer realidade ese cambio en todas as políticas que dende o Concello se estaban levando a cabo.

- Que toca facer agora? Que será o primeiro que fagan Martiño e a súa equipa á fronte do Goberno de Boiro?

- O primeiro hai que facer e que xa comezamos e unha revisión da organización xeral do concello, dos medios que se dispoñen, do equipamento e tamén do orzamentos para establecer as prioridades nas principais deficiencias para abordalas. Tamén potenciar todos os departamentos do Concello e técnicos municipais.

- Os montes de Boiro arden cada ano. Este mesmo ano, en plena primavera, boa parte dos montes da parroquia de Lampón foron pasto das lapas, chegando o lume a rentes dos núcleos de poboación. Que podemos facer para evitalo? Ten pensado o seu equipo de Goberno algunha medida urxente para poñerlle freo a esta lacra?

- Fomentaremos a limpeza dos montes e comezaremos a establecer medidas correctoras e de protección ademais de apoiar aos corpos e forzas de seguridade e técnicos forestais na vixilancia dos nosos montes para evitar que se repitan situacións como a desta primavera.

- Unha das cousas que máis preocupan á cidadanía de Boiro e ao resto da Comunidade galega é o futuro do Pazo-Torre de Goiáns e a súa contorna, se cadra o tesouro arqui-

O Barbanza Edición Arousa Norte

9

Xullo 19

ENTREVISTA

- Temos previsto un estudo para declarar tanto o edificio como á súa contorna Ben de Interese Cultural (BIC). Manter a estrutura existente e dar tamén os primeiros pasos para devolverlle ao xardín o esplendor de antano. Tamén vemos interesante fomentar os obradoiros de emprego neste espazo. Temos que estudar a remodelación do equipo de Goberno anterior xa que a modificación das paredes interiores e o tellado non foi acertada.

- Entre as medidas de acción inmediatas que propuxo vostede na campaña pre-electoral figuran unhas cantas moi salientábeis. Por exemplo, mellorar os servizos de Internet e favorecer o emprendemento, o comercio e o traballo colaborativo. Que iniciativas concretas se levarán a cabo neste ámbito dende o novo Concello?

- No relativo a Internet mantivemos xa unha reunión con Telefónica para comezar a levar a fibra óptica de alta velocidade a diversos puntos do municipio aos que até o de agora este servizo non chegaba, algo que nos parece fundamental para o desenvolvemento do rural. Estamos facendo tamén as xestións para conseguir unha subvención que nos permita potenciar un programa de coworking en Boiro, amais de poñer en marcha un Punto de Atención ao Empresario para potenciar as axudas aos emprendedores e, tamén, establecer un diálogo continuo coa Asociación Boirense de Empresarios para atender as súas demandas.

- Outro dos puntos fortes arquitectónicos do concello é o Edificio das Colonias. Cal vai ser o seu futuro?

- O noso programa recolle a medida de acondicionar os edificios que temos en desuso para que os poidan usar as distintas entidades do municipio. No caso do edifico das Colonias, o uso que temos previsto é como espazo para as entidades e clubs deportivos. Un lugar no que poidan gardar o material que precisen e tamén un sitio que poidan empregar como oficina.

- Outra das preocupacións do PSdG é a de achegar contornas urbanas máis humanas e con mellor calidade de vida.

Que ten proxectado en materia de humanización?

- O primeiro no que estamos a traballar en materia de organización é na limpeza xeral das beirarrúas, as cubertas vexetais e na mellora e arranxo da iluminación en todo o municipio. Mais adiante centrarémonos na reorganización dos espazos de aparcamento e tamén na mellora da accesibilidade en todo o centro urbano.

tectónico, cultural e paisaxístico máis importante do concello e, dende hai tempo, vítima do desleixo e das trabas burocráticas das diferentes administracións implicadas. Que ten proxectado o equipo de Martiño para devolverlle ao pazo e a súa contorna natural o esplendor que merecen? Haberá proxecto novo ao respecto ou prolongarase a iniciativa de remodelación do anterior grupo de Goberno?

Foto CEDIDA

- No plan do PSdG boirense tamén figuraba crear unha cidade do deporte.

En que vai consistir esta iniciativa?

- A cidade deportiva que temos en mente é un proxecto a longo prazo para que todos os deportistas de Boiro teñan un lugar no que adestrar e estean todos localizados nun punto. O emprazamento para isto será na contorna do Campo de Fútbol Municipal de Barraña, xa que hai espazo suficiente para acoller todas as dependencias que se necesitarían. A idea non é facelo todo xa, senón ir traballando segundo as necesidades para construír pouco a pouco esa cidade deportiva.

COMPOSICIÓN DA NOVA CORPORACIÓN MUNICIPAL Alcalde José Ramón Romero García, de PSdeG-PSOE. A corporación municipal ten como edís a Juan José Dieste Ortigueira, Fernando M. García Diéguez, Manuel Romero Vázquez, Carmen Beatriz Deus Míguez, Mª José Lorenzo Ouviña, Diego Santamaría Vila e Benigno Miguel González Bermúdez, do PP; José Luis Ruiz Laíño, José Marcos Fajardo Outeiral, Mª Luísa Outeiral Campos e Mª Luísa Collazo Tubío, do PSdeG-PSOE; Raquel Suárez Regades e Carlos Blanco Ansoar, do BNG; Dores Torrado Ares, de Boiro Novo; Manuel Velo Velo, de IC Boiro; e, José Carlos Rodríguez Muñiz, de Ciudadanos.

10

Xullo 19

O Barbanza Edición Arousa Norte

 ENTREVISTA

Adolfo Muíños Sánchez

 ALCALDE DE RIANXO

“Queremos sentar as bases dun goberno estábel, forte e con capacidade de traballar”  Adolfo Muíños Sánchez (Bloque Nacionalista Galego) vén de comezar o seu terceiro mandato á fronte de Rianxo. Unha lexislatura para, nas súas palabras, resolver os problemas das veciñas e veciños, que son, como dixo en repetidas ocasións durante a campaña electoral, o centro da xestión e da acción do seu goberno.

Na entrevista que nos concedeu estes días lembrounos que a fórmula do diálogo verase mantida e reforzada os vindeiros catro anos. Tamén se intensificarán os esforzos para crear un goberno estábel, para fortalecer o comercio local e para afrontar con firmeza un desafío estreitamente relacionado co devandito: frear o despoboamento e, en concreto, a marcha de xente nova á procura de oportunidades noutros concellos.

Outra das grandes liñas de acción será a loita contra os lumes e a destrución repetida dos montes, un problema que afecta practicamente todos os anos ao territorio (o último lume arrasou en marzo máis de mil hectáreas). Segundo nos conta, o Goberno local vén de redactar un plan de emerxencia específico e integral contra os incendios.

Adolfo Muíños ALCALDE DE RIANXO

 Entendo a capacida-

de de establecer diálogo, tamén a capacidade de traballo humilde e constante así como a xestión dos recursos

O Barbanza Edición Arousa Norte

11

Xullo 19

ENTREVISTA

-Q

ue conclusións podemos tirar destes comicios locais que se veñen de celebrar, tanto no caso de Rianxo como da comarca do Barbanza en xeral?

- A necesidade de diálogo e a perda de maiorías vai ser cada vez máis evidente e gañará quen teña a capacidade de estabelecelo co resto de formacións. Entendo que custará máis, pois os concellos son máis plurais, en xeral, e con máis formacións e máis diversidade.

- O BNG de Rianxo foi a forza máis votada en case todas as mesas municipais. En que puntos pensa vostede que radicou o éxito acadado?

- Entendo que na capacidade de estabelecer ese diálogo, tamén na capacidade de traballo humilde e constante así como na xestión dos recursos e os pasos dados para ir paso a paso mellorando o concello.

- Que toca facer agora? Que será o primeiro que fagan Adolfo Muíños e a súa equipa á fronte do Goberno de Rianxo?

- Sentar as bases dun goberno estábel, forte con capacidade de traballar desde as áreas de xestión.

Unha delas en concreto, dar os últimos pasos para dotarnos dun Plan Xeral, algo moi avanzado mais que no último tramo deste ano debe

recibir aprobación plenaria. Tamén toca avanzar os recursos para remodelar o Pazo de Rianxiño. E sacar adiante varios procesos de contratación pendentes para preparar xa outros.

- Un dos puntos nos que coincidiron todos os candidatos que participaron nas pasadas eleccións municipais foi a necesidade de reactivar comercialmente o concello: fai falla impedir que sigan pechando comercios, poñer en marcha máis empresas, impulsar innovación e dinamizar o polígono. Vostede mesmo coincidiu tamén na necesidade de afrontar estes retos. Que medidas ten o novo Goberno de Rianxo para encarar estes desafíos?

- De entrada traballar na elaboración dun Plan consensuado de Dinamización Comercial no que se analicen as causas dunha maneira obxectiva, que tamén nos falen das causas comúns a todos os concellos: competencia áreas comerciais, comercio a través de Internet... e das propias de Rianxo: prezo elevado alugueiros, relevo xeracional, etc. E, evidentemente, que logo se apunten solucións concretas por onde resolvelas.

No que atinxe ao plan, estes días mesmos xa estivemos xuntándonos coa nova xerente da empresa dona dos terreos, Beatriz Sestayo, de Sea Suelo, para impulsar actuacións.

- Outro dos puntos abordados nos programas políticos foi o despoboamento. Rianxo é o concello de Arousa Norte que máis xente nova está a perder.

Por onde pensa que deben pasar as medidas que reteñan poboación?

- Todos os concellos temos este problema, non só é Rianxo. O envellecemento da poboación afecta incluso a países en teoría prósperos, industrializados e de pleno emprego como é Alemaña, Franza... En todo caso a solución a un problema europeo, español e galego terá múltiples factores e debe respostar a interrogantes como: que se fai para aumentar o número de fillos e fillas por parella (baixou de 2 a 1.2), como diminuír a idade de maternidade do primeiro fillo (está en 31 anos). Son respostas complexas nas que están embarcadas as nacións europeas.

Varas máxicas municipio a municipio, non as vexo, excepto a de mellorar servizos para as familias, como é abrir comedores escolares en todos os centros, impulsar unha nova gardería ou medidas de conciliacion como plans madruga son algunhas delas. Tamén impulsar o parque empresarial para xerar emprego aínda que isto matízoo: mesmo concellos cun 100% de ocupación empresarial nos seus polígonos baixan poboación.

- Que toca facer agora para impulsar o centro de día?

- Como dicía, de entrada toca recadar da Deputación da Coruña o pago dos 300.000 euros que prometeu da compra, impulsar entre as administracións a colaboración para a súa reforma e buscar complicidade da Xunta para a xestión.

- Rianxo arde cada ano. Recentemente (este mesmo ano) boa parte do seu territorio foi pasto das lapas, chegando o lume a rentes dos núcleos de poboación. Que podemos facer para evitalo? Ten pensado o seu equipo de Goberno algunha medida urxente para poñerlle freo a esta lacra?

- Acabamos de redactar un Plan de Emerxencia contra os incendios que debe ser aprobado pola corporación. Nel fixemos xa a sinalización das máis de 8.000 parcelas en catastro que deben limpar os seus donos. Ademais, estamos agardando polo subministro dun visor da Xunta para facilitar a xestión de eliminación de biomasa desas zonas.

Tamén teremos operativas desde comezos de xullo dúas brigadas.

Mais o importante será seguir traballando en inverno e primavera na obrigatoriedade limpeza das franxas e cooperar para un troco nas especies da masa forestal de Rianxo cara ás frondosas.

Foto CEDIDA

COMPOSICIÓN DA NOVA CORPORACIÓN MUNICIPAL Alcalde Adolfo Muíños Sánchez, do BNG. A corporación municipal ten como edís a Adelina Ces Quintáns, Xusto Xosé Ordóñez Figueira, Hadriana Ordóñez Otero, Tobías Betanzos Rego e Raquel García Abuín, do BNG; Germán Allut Vidal, Mariano José Moares Rial, Francisco Rubio Vicente e Alicia Carou Romero, do PP; María del Carmen Figueira Ares, Francisco Javier García Ares, María José Tembra Muñiz e Rosa Ana García Figueira, do PSdeG-PSOE; Julián Bustelo Abuín e Julio Alcalde Hermo, de Rianxo en Común; e, Sara Resúa Patiño, de Ciudadanos.

12

Xullo 19

O Barbanza Edición Arousa Norte

 CRÓNICA

Historia dunha foto

A

xornada elixida para fotografar aos alcaldes foi a do propio día de San Xoán, que este ano foi festivo no municipio boirense. A mañá amenceu co ceo toldado do fume das cacharelas desa noite e de nubes que prognosticaban chuvia. A medida que ascendíamos rumbo á Curota a brétema facíase cada vez máis espesa.

Chegado o momento custaba diferenciar o entorno e o lixeiro vento mecía a condensación matutina dun lado a outro. Nin o astro rei era quen de facer chegar os seus raios para temperar unha sensación de friaxe nada propia do estío. O miradoiro de Valle-Inclán ofrecía unhas vistas bastante diferentes do que estamos acostumados. Había mar, si, pero de néboa. Decidimos ascender máis, ata o último miradoiro coa esperanza de que quizais puideramos albiscar a silueta recortada da costa contra a ría de Arousa, as casas, os diferentes núcleos de poboación onde en

pouco tempo comezaría o afán do día a día.

Mais foi misión imposible, polo que tivemos que volver ao emprazamento ideado inicialmente. Iso si, a viaxe non foi en balde. Polo camiño atopamos cabalos, vacas, un falcón e diversos animais propios do ecosistema da serra. Tras aparcar, baixamos do coche para que a fotógrafa, Beatriz, puidese valorar a luz e decantarse polos planos a captar. Ao fin de contas, o tempo melloraba e xa se podía avistar a vila pobrense. Pouco despois das 10.00 horas chegou o primeiro alcalde, o de Boiro, José Ramón Romero, quen xa viña traxeado para a recollida, en Sanxenxo, das nove bandeiras azuis que lle corresponden ao concello que rexe. Tras os saúdos iniciais, Beatriz dispúxose a fotografalo, mentres agardábamos polos demais. Pasados apenas dez minutos, o alcalde de Rianxo, Adolfo Muíños, desembarcou do seu vehículo. Volveron os saúdos e, novamente, Beatriz afanouse na súa tarefa.

Romero e Muíños conversaban cando chegou

o rexedor de Ribeira, Manuel Ruiz, quen se uniu a eles despois dos correspondentes estreitamentos de mans. A fotógrafa continuo co seu labor, mentres esperábamos polo alcalde pobrense. Cando o reloxo marcaba as 10.45 horas, os tres rexedores presentes explicaron que xa tiñan que marchar para atender os seus deberes. Beatriz colleu o teléfono e marcou o número do Concello da Pobra para preguntar polo alcalde. O interlocutor ao outro lado da liña indicou que se poría en contacto con el. Tras dez minutos de espera chegou o rexedor da Pobra do Caramiñal, Xosé Lois Piñeiro, saudando e desculpándose pola tardanza aducíndoa a cuestións familiares. Por esta razón, non foi posible captar aos catro en conxunto. Tentando roubarlle o menor tempo posible, Beatriz finalizou o traballo de retratar aos mandatarios municipais e cada un regresou aos seus quefaceres. A brétema desaparecera, xa se divisaba o panorama ao completo.

O Barbanza Edición Arousa Norte

13

Xullo 19

O DEPUTADO PROVINCIAL 

O pobrense Manuel Durán, único deputado provincial da comarca

ración das catro deputacións galegas que, en apenas tres anos, supuxo un investimento de 283 millóns de euros.

Por outra banda, son nove os concellos da zona adscritos á xunta electoral de Noia, correspondéndolle tres deputados: dous do PP e un do PSdeG-PSOE. Os escanos populares están ocupados por Manuel Durán, da Pobra do Caramiñal, e Beatriz Molinos, de Outes; mentres

que o socialista corre a cargo de Sandra González Castro, de Noia.

Así, os populares repártense en dúas anualidades, entrando catro persoas. Neste primeiro período do mandato están presentes Manuel Durán e Beatriz Molinos, para dar paso no segundo período a José Javier Pego, de Porto do Son, e Teresa Villaverde, de Lousame. Esta última é a única que repite como

deputada provincial, pois xa formou parte da anterior corporación.

No caso dos socialistas, estes logran recuperar a un representante da comarca na institución provincial, pois durante os últimos catro anos o cargo correspondeulle á nacionalista Ánxela Franco, quen faleceu recentemente.

Os plenos seguiranse celebrando os últimos venres de cada mes.

Benvidos ao Circo dO

TEMÁtica circo

V

alentín González Formoso foi reelixido presidente da Deputación da Coruña no pleno extraordinario de constitución da nova corporación. González Formoso obtivo así os 17 votos que suman os grupos provinciais do PSdeG-PSOE, 11 deputados e deputadas; BNG, 4; Marea Atlántica, 1; e, Alternativa dos Veciños, 1. Pola súa parte, a candidata do Partido Popular, Rosa Gallego Neira, alcanzou 14 votos.

Estes resultados xa se deixaban prever días antes, cando PSdeG-PSOE e BNG reeditaron o seu goberno de coalición nesta institución provincial.

Así, a Deputación conta cunha única vicepresidencia a cargo do nacionalista Xosé Regueira,

substituíndo así a Goretti Sanmartín.

O acordo tamén establece a creación de nove áreas de goberno, as cales serán: Economía, Facenda, Especial de Contas, Persoal e Réxime Interior; Benestar e Educación; Promoción Económica e Asistencia a Municipios; Cooperación, Plans Provinciais, Turismo e Patrimonio Histórico e Cultural; Vías e Obras Provinciais; Cultura, Igualdade e Normalización Lingüística; Deporte e Mocidade; Contratación, Patrimonio e Equipamentos; e, Transición Ecolóxica, Emprego e Territorio Sostible.

No seu discurso de investidura, González Formoso fixo referencia a diversos investimentos, dos cales algúns se deben á posta en marcha do Plan Único, un plan de coope-

venres 26

s áb ado 27

Batukabras

C h a r a n g a TN T

patrocinadores

D O M I NG O 2 8

Bar Nuevo Bar Amanitas Bar Alameda Bacelos Bar 4.20 Gelys Catro Canos A cova da vella A kunka Galeon NÁutico London La embajada Casa Manuel Barquiña LA'CALLE Rockabery Verocca OLIMPO BRISAS CUROTIÑA

Re c o l l i d a d e P re m i o s 2 1 :0 0 h. na p ra z a d o e m i g ra nt e

mellor grupo - 350€ mellor parella - 250€ individual + orixinal - 150€ Individual + divertido - 150€ mellor maquillaxe - 150€

14

O Barbanza Edición Arousa Norte

Xullo 19

 RESULTADOS DAS ELECCIÓNS MUNICIPAIS POR PARROQUIAS

Ribeira RESULTADOS COMPARADOS POR PARROQUIA Parroquia

PP

PBBI

PSOE

BNG

Suma Ribeira

IPdeR

C´s

CONCELLEIROS

CxG

2015

2019

2015

2019

2015

2019

2015

2019

2015

2019

2015

2019

2015

2019

2015

2019

2.351

2.509

-

1.331

942

846

1.212

791

-

406

678

312

878

187

-

137

Castiñeiras

272

180

-

233

109

47

94

40

-

116

59

31

76

6

-

1

Carreira

482

447

-

373

190

90

182

120

-

27

122

72

94

12

-

11

Aguiño

514

370

-

839

421

158

192

121

-

45

122

57

184

15

-

26 19

Ribeira

Artes

154

136

-

124

63

56

59

41

-

18

34

23

65

11

-

Oleiros

256

170

-

231

88

38

49

32

-

12

43

32

42

18

-

1

Palmeira

574

526

-

396

244

221

281

121

-

86

88

37

127

28

-

12

Olveira

390

339

-

166

75

65

85

55

-

18

77

40

59

9

-

11

Corrubedo

213

216

-

58

43

49

52

48

-

37

28

14

107

4

-

10

5.206

4.893

-

3.751

2.175

1.570

2.206

1.369

-

765

1.256

618

1.632

290

-

228

TOTAL

CONCELLEIROS

A Pobra do Caramiñal RESULTADOS COMPARADOS POR PARROQUIA Parroquia

Nós Pobra

PP

BNG

PSOE

2015

2019

2015

2019

2015

2019

2015

2019

Posmarcos

257

363

438

389

336

186

149

181

Castelo

264

353

384

360

256

135

97

94

Caramiñal

572

661

586

623

382

206

196

228

Lesón

205

273

301

272

223

136

90

146

O Xobre

265

369

295

324

241

126

126

102

1.563

2.019

2.004

1.968

1.438

789

658

751

TOTAL

Boiro

CONCELLEIROS

RESULTADOS COMPARADOS POR PARROQUIA Parroquia

PP

PSOE

BNG

BOIRO NOVO

ICB

CIUDADANOS

2015

2019

2015

2019

2015

2019

2015

2019

2015

2019

2015

2019

2.018

1.701

404

1.363

532

510

455

347

508

311

397

284

O Castro

584

428

152

397

151

142

108

78

91

93

68

111

Lampón

746

638

145

349

93

95

127

89

95

66

56

36

Abanqueiro

418

394

64

206

196

175

85

57

67

32

76

60

Cespón

487

375

120

307

136

108

67

56

120

79

52

59

Boiro

Bealo

174

167

37

75

62

54

28

32

54

49

31

16

Cures

205

198

10

100

35

57

38

32

11

15

16

18

Macenda TOTAL

79

163

17

68

6

37

19

18

12

25

0

22

4.711

4.076

949

2.865

1.211

1.188

927

709

958

670

620

606

CONCELLEIROS

Rianxo RESULTADOS COMPARADOS POR PARROQUIA Parroquia

BNG

PP

PSOE

ReC

CIUDADANOS

CxG

2015

2019

2015

2019

2015

2019

2015

2019

2015

2019

2015

2019

Rianxo

981

967

567

502

617

510

335

385

-

136

-

122

Taragoña

401

464

452

283

282

225

112

117

-

106

-

10

Araño

235

230

227

164

198

138

83

178

-

33

-

12

Isorna

48

65

146

130

180

155

24

38

-

16

-

2

Asados

338

313

164

151

227

150

88

120

-

29

-

13

Leiro TOTAL

161

182

131

161

178

109

53

58

-

34

-

12

2.164

2.221

1.687

1.391

1.662

1.287

695

896

-

354

-

171

16

Xullo 19

O Barbanza Edición Arousa Norte

 OCIO

De festa en festa e tiro porque me presta

S

e algo caracteriza aos barbanzáns son as ganas de troula. Por iso non resulta estraño a gran cantidade de festexos e eventos que se levan a cabo.

Desde festas gastronómicas, a romarías pasando polas celebracións propias do estío, así como diversas actividades.

Aínda que os pratos fortes son nos meses de xullo, agosto e setembro, moita xente comezou a quentar motores xa en xuño.

Axenda para o mes de xullo  Ribeira • FESTAS DE AGUIÑO do 13 ao 16.

• FESTA DA DORNA do 18 ao 24.

• FESTAS DE RIBEIRA do 31 de xullo ao 4 de agosto.

 A Pobra do Caramiñal • FESTAS DO CARME DO CASTELO do 19 ao 21 de xullo.

 Boiro • FESTAS DE VERÁN do 5 ao 10.

• FESTAS DE SAN CRISTOVO DE ABANQUEIRO o 10.

• FESTAS DE SAN BIEITO DE CESPÓN o 11.

• FESTAS DO SACRAMENTO DE CURES o 13 e 14.

• FESTAS DO CARME EN CABO DE CRUZ o 15 e 16; A PROCESIÓN DO CARME. • FESTA DO CARME EN CESPÓN o 16.

• FESTAS DE SANTIAGO DE LAMPÓN o 20, 21, 22 e 25.

• FESTIVAL DE BANDAS DE MÚSICA DE BOIRO e a PROCESIÓN MARÍTIMA DA VIRXE DOS MARES EN ESCARABOTE o 21.

• CONCENTRACIÓN MOTERA DE BOIRO do 26 ao 28.

 Rianxo • MERCADO CELTA do 11 ao 14.

• FESTAS DO CARME do 13 ao 16.

• FESTAS DE TARAGOÑA do 19 ao 22.

• FEIRA DO LIBRO DE RIANXO o 21 e 22.

• FESTIVAL ANTROSPINOS o 26 e 27.

Procesión do Carme en Cabo de Cruz

Virxe do Carme, protectora dos mariñeiros

A

Virxe do Carme é homenaxeada en todos aqueles municipios con tradición mariñeira, por iso non resulta estraño que case cada parroquia dos concellos do norte da ría de Arousa celebren unha festa na súa honra. Moitas delas aproveitan para celebrar as súas festas do verán, outras organizan procesión marítima, procesión terrestre, Misa solemne, Misa cantada ou ofrenda. As posibilidades e variantes son numerosas. A devoción fundaméntase en que é a avogosa dos oficios relacionados co mar. Deste xeito, buscan o seu amparo no futuro e agradecen a protección recibida. Por iso, son moitas as familias, cuxos membros acoden ao completo a estes festexos. Aínda que o propio día é en xullo e a maioría dos lugares escollen este mes, a festividade repártese nos distintos meses do ano. Destaca o caso da parroquia ribeirense de Aguiño, onde a celebración adquire un cariz especial porque esta figura relixiosa tamén é a súa patroa. Así, as súas festas son moi coñecidas.

Deste xeito, festexaranse desde o 13 ao 16 de xullo e conta cunha programación do máis variada con eventos para tódalas idades que inclúe xogos, inchables, festa da escuma, tren, partido de fútbol de solteiros contra casados, a tradicional sardiñada e a sesión de fogos de artificio o último día. Ademais, numerosas actuacións que serán as encargadas de poñerlle ritmo á vida diúrna e nocturna coma gaiteiros, disco móbil e as orquestras El Combo Dominicano ou Gran Parada, entre outros. E, por suposto, terá lugar a misa e procesión na honra da Virxe do Carme.

Axenda das festa do Carme  Ribeira: • FESTAS DE AGUIÑO do 13 ao 16 de xullo.

 A Pobra do Caramiñal: • FESTAS DO CARME DO CASTELO do 19 ao 21 de xullo.

• FESTAS DO CARME DOS PINCHEIROS desde a tarde do 16 ao 19 de agosto.

 Boiro: • FESTAS DO CARME EN CABO DE CRUZ o 15 e 16 de xullo.

• PROCESIÓN DO CARME EN CABO DE CRUZ E FESTA DO CARME EN CESPÓN o 16 de xullo.

• PROCESIÓN MARÍTIMA DA VIRXE DOS MARES EN ESCARABOTE o 21 de xullo.

• PROCESIÓN MARÍTIMA DA VIRXE DO CARME DO BODIÓN o 1 de setembro.

• FESTAS DA VIRXE DO CARME DE BODIÓN o 1 e 2 de setembro.

• FESTAS DO CARME EN MACENDA do 13 ao 17 de outubro.

 Rianxo: • FESTAS DO CARME do 13 ao 16 de xullo.

• FESTAS DO CARME DE LEIRO do 11 ao 13 de outubro.

O Barbanza Edición Arousa Norte

17

Xullo 19

OCIO

A marea dorneira inundará Ribeira

1970 algúns dos fundadores da Festa da Dorna na Sala Cambeiro

A

partir do 18 de xullo subirá a marea dorneira que inundará toda Ribeira de música, cores, festa e diversión durante sete días. Algunhas das actividades que figuran na programación son o ‘Enjalanamento de Fanequeiras’ que consiste en que as diferentes peñas decoren os seus locais sociais, normalmente establecementos de hostalería; o ‘Concurso de Escaparates’ no cal os comercios contribúen a acrecentar o ambiente dorneiro enchendo os seus establecementos con motivos propios da festa; a ‘Ruta Estrelas Mijelín de Tapas’ na cal participan as diferentes fanequeiras con innovadores aperitivos; a ‘Rejata de Embarcasións Feitas á Machada e Propulsadas a Pan de Millo. Jran Premio Cuttre Sark’ na que as peñas constrúen orixinais embarcacións coas que saen desde o porto de Ribeira para a posterior regata na praia de Coroso; o ‘Jran Premio Ícaro de Vó sen

Motor’ para o cal os participantes se arman de valor tirándose desde o espigón portuario cos seus aparellos voadores desafiando a lei da gravidade; os ‘Xojos de Mar’; os ‘Xojos de Terra’; o ‘Sertame Itinerante de Cansión de Tasca’ no que as diferentes peñas percorren as fanequeiras interpretando cantigas; o ‘Jran Prix de Carrilanas’ que conta cos bólidos das peñas baixando desde o alto da Mámoa e collendo as curvas como poden; ou, o ‘Festival Rock & Dorna’ que este ano contará coas actuacións de Sés, A Banda da Loba, De Vacas e Never Loura, entre outros. O día 24 será o momento de arriar a pañoleta ao son do himno dorneiro para despedir a LXXI singradura e comezar a tachar os días no calendario ata o próximo ano. Pero para que o síndrome posdorneiro sexa máis soportable, o 9 de agosto celebrarase o ‘Baile de Jala’ onde os asistentes lucirán as súas mellores vestimentas.

Boiro da o pistoletazo de saída das celebración de xullo coas súas Festas de Verán

A

s Festas de Verán de Boiro marcan, dalgún xeito, o inicio dos festexos da época estival nos catro municipios que conforman Arousa Norte, pois son as primeiras de semellante magnitude. As rúas están decoradas de milleiros de pequenas luces que compoñen a temática propia do verán coma son as flores tropicais e o arrecendo a froitos secos garrapiñados, algodón de azucre, patacas fritas, hamburguesas ou kebabs fan que máis dun estómago empece a emitir sons reclamando comida.

Ademais, hai atraccións para os pequenos -e non tan pequenos, para que enganarnos- e diversos postos con venta de abelorios, xoguetes, libros, artesanía, roupa e calzado, entre outros. Este ano celébranse do 5 ao 10 de xullo, cinco días de troula cunha programación do máis variada e grandes orquestras.

As actividades comezaron o venres, 5 de xullo, cos pasarrúas das peñas e o pregón das festas a cargo das traballadoras das conserveiras que son as homenaxeadas deste ano, así como a actuación da Capitol, na praza de Galicia, e o Concerto pola Igualdade a cargo de A Roda e Najla Shami, na praza do centro social. A xornada do sábado, día 6, arrancou coa festa tradicional da malla do centeo no parque da Cachada con degustación e xantar popular, mentres que a noite estivo amenizada por Aroña, Xilbarbeira, Alianza e Noche de Estrellas. O domingo 7 tiveron lugar as actuacións de Claxxon, Pasarela, Abeloura e Xabier Díaz e Adufeiras de Salitre; mentres que a tradicional gran tirada dos fogos de artificio foi aprazada por causas alleas á organización. O luns, Día das Peñas, desenvolvéronse tódalas actividades peñeiras no parque da Cachada coma, por exemplo, a xuntanza, os xogos para adultos e cativos, a festa da auga

Festa tradicional da malla do centeo

con mangueirazo de honra a cargo da deportista Ana Bugallo e sesión musical; ademais de que as orquestras Finisterre e El Combo Dominicano asumiron a tarefa de poñer a bailar a todo aquel que se achegou á praza de Galicia durante a noite.

Hoxe, martes 9 e penúltimo día, a Banda de Música de Boiro e o grupo

Caxade realizarán as súas actuacións, para máis tarde ser a quenda de Los Satélites e Panorama. Mañá, mércores 10, toca despedirse das celebracións por todo o alto ata o próximo ano, misión encomendada ao eido musical con representantes como Marbella, París de Noia, Ortiga e Maryland.

18

Xullo 19

O Barbanza Edición Arousa Norte

 OCIO

Barbanza, onde o mar e a terra se unen  Xa chegou o verán e con el comeza a tempada máis cálida do ano. Os turistas chegan a Ribeira, A Pobra do Caramiñal, Boiro e Rianxo para desfrutar das súas vacacións. Pola súa parte, os veciños da comarca anímanse a facer máis vida na rúa animados polo bo tempo e máis horas de luz solar. E, como non podía ser doutro xeito, as praias convértense nos lugares máis concorridos.

No norte da ría de Arousa temos a sorte de gozar destes enclaves que resultan do máis variado e para tódolos gustos.

Praia do Vilar

 Ribeira

O

municipio de Ribeira combina ribeiras de augas mansas propias do interior da ría de Arousa e areais amplos que se atopan directamente coa apertura do océano Atlántico enfrontándose continuamente ao mar salvaxe e ás correntes de vento. Moitas das súas praias atesouran dunas e grandes rochas que exercen de límite natural. As primeiras representan o paso do tempo, vítimas de como mudou o litoral ao longo dos séculos, mentres que as segundas custodian os enclaves como se de vixías inalterables se tratasen.

1. A Ameixida sitúase na parroquia de Castiñeiras. Cunha lonxitude de 100 metros, trátase dun areal resgardado con area fina. Dispón de aparcamento, limpeza, socorrista, ducha, servizos, fondeo e surf.

2. A Corna pertence metade á parroquia de Pal-

meira, metade ao concello veciño da Pobra do Caramiñal. Trátase dunha das máis extensas cos seus 1.100 metros, resgardada e con area fina. Conta con estacionamento, limpeza, socorrista e fondeo.

3. A Catía atópase na parroquia de Aguiño. Xunto a O Castro, conta con 900 metros de costa, aberta e con area fina. Dispón de aparcamento, limpeza, socorrista, ducha, servizos e surf.

4. A Ladeira localízase na parroquia de Olveira.

Aberta e con 1.000 metros de area fina. Conta con limpeza, socorrista, fondeo e surf.

5. Castiñeiras encóntrase na parroquia que leva o seu mesmo nome. Resgardada, conta con 100 metros de area fina. Dispón de estacionamento, limpeza, ducha, fondeo e surf.

6. Coroso é unha das praias máis coñecidas

Imaxes CEDIDAS

e visitadas do municipio, tanto polos propios veciños coma por turistas. Unha parte dela pertence á propia cidade de Ribeira e a outra á parroquia de Palmeira. A súa lonxitude é de

700 metros, resgardada e area fina. Conta con aparcamento, limpeza, accesibilidade, socorrista, ducha, servizos, surf e cun paseo marítimo.

7. O Castro sitúase na parroquia de Aguiño.

Xunto A Catía, conta cun litoral de 900 metros, aberta e de area fina. Dispón de estacionamento, limpeza, socorrista, ducha, servizos, fondeo e surf.

8. O Prado pertence á parroquia de Corrubedo.

Cunha lonxitude de 300 metros, aberta e area fina. Conta con limpeza, ducha, servizos e fondeo.

9. O Touro atópase na parroquia de Castiñeiras.

Con 10 metros de longo, resgardada e de area fina. Dispón de aparcamento, limpeza, socorrista, ducha, servizos, fondeo e surf.

10. O Vilar é unha das grandes xoias naturais do

concello. Localízase na parroquia de Carreira e intégrase no Complexo dunar de Corrubedo e Lagoas de Carregal e Vixán. Aberta e cunha costa de 1.200 metros de fina area. Conta con estacionamento, limpeza, accesibilidade, socorrista, ducha, servizos e surf.

11. Río Azor encóntrase na parroquia de Palmeira.

Resgardada, con 150 metros de area fina. Dispón de limpeza, socorrista, ducha e servizos.

O Barbanza Edición Arousa Norte

19

Xullo 19

 A Pobra do Caramiñal

A

Pobra do Caramiñal ofrece praias de augas tranquilas ao atoparse no interior da ría. Os veciños e turistas poden escoller entre ribeiras en contornas urbanas ou outras máis illadas como se fosen oasis no medio do deserto. De calquera dos xeitos, está asegurada a relaxación e o contacto coa natureza.

1. A Corna, coma xa dixemos anteriormente,

pertence metade á parroquia pobrense de O Maño e metade á parroquia ribeirense de Palmeira. Trátase dun areal fino cunha extensión de 1.100 metros e resgardada. Conta con aparcamento, limpeza e socorrista.

2. A Illa-A Laxe sitúase na parroquia de O Maño.

Cunha lonxitude de 400 metros, resgardada e de area fina. Dispón de limpeza, socorrista, ducha e servizos.

3. A Lombiña-Cabío trátase dunha das máis

turísticas do municipio pobrense e pertence á parroquia de O Maño. Con 600 metros de

longo, resgardada e area fina. Conta con estacionamento, restaurante, limpeza, ducha, servizos e fondeo.

4. Agronovo atópase na parroquia de O Maño.

Resgardada e cun litoral de 180 metros de fina area. Dispón de limpeza.

5. Niñeiriños localízase na parroquia de O

Maño. Resgardada, con 250 metros de area fina. Conta con limpeza.

6. O Areal encóntrase no centro da propia vila.

Costa de 500 metros de area fina, resgardada.

Dispón de aparcamento, restaurante, limpeza e socorrista.

 Boiro

A

s praias do municipio de Boiro son un dos seus grandes reclamos turísticos. Este ano conseguíronse tres Q de Calidad Turística e nove bandeiras azuis en Barraña, Carragueiros, Mañóns, A Retorta, Barraña-Saltiño, Ladeira do Chazo, Piñeirón, sendeiro e centro social. O concello lidera así a clasificación provincial de areais que contan con este recoñecemento.

1. A Retorta sitúase na parroquia de Castro.

Cunha lonxitude de 250 metros, trátase dun areal resgardado con area grosa. Conta con estacionamento, restaurante, pícnic, limpeza, accesibilidade, socorrista, ducha e servizos.

2. Barraña-Saltiño atópase na contorna urbana

da cidade, cunha extensión de 620 metros, resgardada e de fina area. Dispón de aparcamento, restaurante, pícnic, limpeza, accesibilidade, socorrista, ducha e servizos.

3. Carragueiros pertence á parroquia de Castro.

Trátase dunha das máis extensas cos seus 1.510 metros, resgardada e con area grosa. Conta con estacionamento, restaurante, limpeza, accesibilidade, socorrista, ducha e servizos.

4. Ladeira do Chazo localízase na parroquia de

Abanqueiro. Resgardada e cun litoral de 940 metros de area fina. Dispón de aparcamento, limpeza, socorrista, ducha e fondeo.

5. Mañóns encóntrase na parroquia de Aban-

queiro. Resgardada, con 1.300 metros de fina area. Conta con estacionamento, restaurante, pícnic, limpeza, accesibilidade, socorrista, ducha e servizos.

6. Piñeirón pertence á parroquia de Castro. Con

85 metros de longo, resgardada e de area fina.

Dispón de limpeza, socorrista, ducha, servizos e fondeo.

7. Barraña sitúase na cidade boirense. Cunha

costa de 3.000 metros de fina area e resgardada. Conta con aparcamento, restaurante, pícnic, limpeza, accesibilidade, socorrista, ducha e servizos.

 Rianxo

N

o interior da ría de Arousa está Rianxo con areais tranquilos debido á súa posición resgardada.

Nalgúns deles incluso se poden atopar as pegadas dos antigos moradores de Galicia cos restos dun castro e de varios petróglifos

1. As Cunchas atópase na parroquia de Leiro.

3. O Porrón pertence á parroquia de Leiro. Res-

2. A Torre localízase na parroquia de Taragoña.

4. Tanxil encóntrase na contorna urbana rianxei-

Cunha lonxitude de 130 metros, resgardada e area grosa. Dispón de estacionamento, bar/ cafetería, pícnic, limpeza e accesibilidade.

Ten unha elevada ocupación, 930 metros de costa con area fina e resgardada. Conta con aparcamento, bar/cafetería, pícnic, limpeza e accesibilidade.

gardada e con 400 metros de fina area. Dispón de estacionamento, restaurante, limpeza e accesibilidade. ra e trátase dunha das máis visitadas por propios e alleos. Resgardada, cun litoral de 220 metros de longo e de area grosa. Conta con aparcamento, restaurante, limpeza, accesibilidade, socorrista, ducha e servizos.

20

Xullo 19

O Barbanza Edición Arousa Norte

 DEPORTES  Boiro  Ribeira

Cabo de Cruz e Náutico de Ribeira contarán con novas sedes para os seus clubs de remo O remo é un dos deportes máis insignes da comarca da Barbanza. De feito, foron moitas as alegrías e vitorias acadadas ao longo da historia dos clubs de cada un dos concellos. Por esta razón, o Club de Remo Cabo de Cruz e o Club de Remo Náutico de Ribeira contarán con novos edificios á altura dos seus logros onde os mozos e mozas poidan practicalo nunhas condición óptimas.

 Club de Remo Cabo de Cruz

E Proxecto do novo edificio para o Club de Remo en Cabo de Cruz

n abril comezaron as tarefas de demolición das estruturas do vello inmoble crucense, as cales se prolongaron durante horas ata que a zona quedou cuberta de escombros, para limpar posteriormente a parcela sobre a cal se levantará a futura sede. Porén, os labores xa se iniciaran días atrás coa retirada por parte de operarios daqueles elementos non estruturais coma fiestras, chapas metálicas ou uralitas, entre outros. Ao tratarse de pezas fabricadas de diversos materiais, foi preciso sacalos por partes para clasificar os residuos por categorías. Incluso resultou necesario solicitar un permiso á Conselle-

ría de Medio Ambiente para tirar o fibrocemento que había en máis de cen metros cadrados. Ademais, a empresa adxudicataria do concurso para realizar as obras da futura nave disporá de dezaoito meses para levantar a construción. O total da actuación contará cunha inversión de máis dun millón de euros, incluíndo o custo dos traballos previos de derrubamento, así como o acondicionamento do emprazamento. Mentres tanto, os integrantes do club de remo crucense establécense de forma provisional nun recinto de O Corviño, onde dispoñen de tódolos servizos que precisan ata a apertura das novas instalacións.

 Club de Remo Náutico de Ribeira

P Proxecto do novo edificio para o Club de Remo Náutico de Ribeira

ola súa parte, os ribeirenses disporán da súa nova sede en Aguiño, concretamente fronte ao edificio da lonxa.

Será un edificio de 1.500 metros cadrados de superficie repartidos en tres niveis e que cubrirá unha das necesidades máis importantes coma é un espazo de almacenaxe situado na parte lonxitudinal da planta baixa.

Ao seu lado irán os vestiarios, unha sala de espera e o foso de adestramento. No primeiro andar situaranse os ximnasios, cunha parte para máquinas e outra para exercicios de cardio, mentres que no piso superior irán os despachos e unha sala multiusos con capacidade para cen persoas. A pesar de que a maior par-

te das instalacións son modulares, a nave combinará zonas acristaladas con vistas ao mar e outras semitranslúcidas que permitirán intuír o que hai dentro. Así mesmo, o proxecto inclúe unha zona cuberta e mobiliario urbano na parte dianteira, así como 37 prazas de aparcamento. Ademais, prognostícase que a actuación se licite no último trimestre do ano, unha vez se poxe a parcela do matadoiro municipal, a cal podería achegarse ao millón de euros, dos cales preto de 500.000 financiarán a nova sede.

Deste xeito, o inmoble podería entrar en funcionamento o próximo verán e o Concello xa solicitou permiso a Portos de Galicia para iniciar as obras.

O Barbanza Edición Arousa Norte

21

Xullo 19

CULTURA 

O

Concello de Boiro comeza da man de José Ramón Romero García (Martiño) e o seu equipo de Goberno unha nova andaina política, social, económica e, tamén, cultural. Acompañando esta nova etapa, centralizando parte das dúbidas e requirimentos da cidadanía, atópanse cuestións longamente adiadas como a cuestión da nova vida do Pazo-Torre de Goiáns, recentemente esborrallado e incluído, polo seu longo historial de desleixo e ruína, na listaxe vermella de bens ameazados que elabora Hispania Nostra.

A lexislatura anterior rematou achegando un algo de esperanza: en abril o Executivo boirense convocou un concurso para levar a cabo a rehabilitación do inmóbel, ao que aspiraban dúas empresas do sector.

O novo Goberno de Martiño seguirá por esta senda da esperada rehabilitación e posta en valor, pero cunha serie de novidades moi salientábeis. Para comezar, ten previsto un estudo para declarar tanto o edificio como á súa contorna Ben de Interese Cultural (BIC).

En termos máis concretos, o novo alcalde comunicou a O Barbanza a intención do Concello de “manter a estrutura existente e dar tamén os primeiros pasos para devolverlle ao xardín o esplendor de antano”, ao que se sumaría unha nova liña de actividade que estaría directamente encamiñada a xerar oportunidades formativas para os colectivos locais: “Vemos moi interesante fomentar os obradoiros de emprego neste espazo”.

Entre as tarefas pendentes, recoñece Martiño, tamén figura a de “estudar a remodelación do equipo de Goberno anterior, xa que a modificación das paredes interiores e o tellado non foi acertada”.

O proxecto previo O proxecto do anterior Executivo incluía unha reforma íntegra da vivenda principal e da torre, ao mesmo tempo que se mantería a feitura orixinal das escaleiras, os muros e a balaustrada. A iniciativa tería un custe de arredor de un millón de euros.

A intención era pór en valor o edificio e toda a súa contorna, incluídos os xardíns a día de hoxe comestos polo abandono, uns xardíns que pola gran riqueza dos seus elementos (estatuas, pedra gravadas, fontes, especies vexetais de gran valor), o

A esperada nova vida do Pazo de Goiáns O Concello de Boiro quere devolver ao edificio e os seus xardíns o esplendor de antano

escritor e historiador Manolo Gago sitúa ao mesmo nivel de beleza cós do Pazo de Oca, na Estrada. Os traballos a despregar inclúen estancias polivalentes para exposicións, conferencias ou obradoiros e unha biblioteca.

Nova vida?

O ano 2019 pode ser o ano do reEstamos ante o monumento máis importante de Boiro e do Barbanza? A moitos non lles trema a voz á hora de dicir que si, e non son poucos os que o sitúan á altura das construcións máis esplendorosas e sobranceiras de Galicia e España.

O Pazo-Torre de Goiáns, cuxa parte arquitectónica xa é Ben de Interese Cultural (BIC), está emprazado na parroquia de Lampón, en Boiro, e é unha construción de época baixomedieval, que foi fundada a mediados do século XVI e que logo recibiu diversos engadidos (até o XVIII) que foron enriquecendo a súa estrutura.

Amais da torre e do salón nobre, ten elementos que fan inesquecíbel cal-

O Pazo-Torre de Goiáns, Ben de Interese Cultural (BIC), está emprazado na parroquia de Lampón, en Boiro, e é unha construción de época baixo-medieval fundada a mediados do século XVI quera visita, como as escaleiras que culminan no miradoiro con balaustrada da torre, que ten conexións claras coa arquitectura compostelá (foi reconstruída logo da revolta dos Irmandiños por Domingo de Andrade, autor da torre da Berenguela da Catedral de Santiago). Na torre-pazo viviron familias como Soutomaior, Caamaño, Mariño, Varela, Ulloa, Mendoza ou Castro e Parga. O recinto acubilla unha capela, pombais, unha fonte de pedra e o devandito embarcadoiro ao río Coroño.

Tempos que xa non son

P

Por Fernando Sarasketa

rimeiro foi o misterio e a fascinación arredor do PazoTorre de Goiáns. Daquela, quen collía a estrada cara a Santiago non tiña outra que circular a carón do pazo, pola súa parte superior (aínda non se convidaba a facelo pola estrada de Barraña), e gozaba dunha perspectiva inmellorabél da construción, os xardíns e os seus anexos, que, malia tocados polo tempo, aínda non era a triste ruína na que acabaría converténdose.

Logo, anos máis tarde, algúns de nós puidemos visitar o monumento, pola inestimábel e sempre agradecida mediación do guardés doutro edificio pacego de semellante nome, o Pazo de Otero Goiáns de Ribeira, e descubrimos que a sensación de abraio aínda dispuña de marxe para medrar. E medrou, na visita vespertina, cos paseos polos xardíns (baixamos até o embarcadoiro en sombras), coas pequenas e intensas estadías nas históricas habitacións (aqueles espazos abovedados e aqueles móbeis mergullados no sono da antigüidade) e coa privilexiada suba ao cumio da torre, onde foron reprimidas as ganas de botar un berro irmandiño ou (daba igual) de calquera facción ideolóxica ou política. O caso era berrar.

Tempo despois o berro foi doutra índole, máis ben de carraxe, logo de ver como o que parecía que ía aguantar para sempre o paso (e o peso) dos séculos, acababa por esborrallarse. Así, aínda que agora o Concello de Boiro recalque que o proxecto de rehabilitación do mítico pazo-torre é firme e non hai volta atrás nin posibilidade de adiamento, a carraxe e a mágoa seguen un pouco presentes, latentes, porque, se ben é certo que hai esperanza para unha nova vida do edificio e a súa contorna, non era, como se adoita dicir nestes casos, necesario ter chegado até este punto.

22

Xullo 19

O Barbanza Edición Arousa Norte

 ENTREVISTA

Paula Cons

F

inalmente rematou a rodaxe de O Santa Isabel (Agallas Films), a película sobre o naufraxio do buque do mesmo nome, preto de Sálvora, e á espera de que se produza a agardada estrea (chegará ás salas en 2020), nós quixemos falar con Paula Cons, a directora. Paula cóntanos sobre o intre mesmo en que comezou a ver que no naufraxio do vapor (que transportaba 260 persoas con destino a Bos Aires e que se afundiu na madrugada do dous de xaneiro de 1921) había unha historia, sobre o apoio recibido pola poboación e os medios locais e, sobre todo, sobre a inspiración recibida polas “heroínas de Sálvora”, as mulleres da illa que se botaron ao mar para axudar no rescate dos náufragos (esa mesma noite os homes estaban en terra firme celebrando o Nadal). Trátase de María, Josefa e Cipriana, interpretadas no filme por Nerea Barros, Victoria Teijeiro e Ana Oca. As verdadeiras protagonistas da historia.

- Paula, cando e de que maneira se lle ocorreu que tralo afundimento do buque Santa Isabel había unha historia que contar?

- Eu son xornalista e sempre me interesa escribir sobre feitos reais pouco coñecidos, e xa todo o meu entorno o sabe, así que cando unha amiga colega de profesión foi a unha mostra sobre o Santa Isabel, veu contarme a historia decontado.

En canto lin o libro de Xosé María Fernández Pazos e a saber máis das heroínas, souben que aí había unha historia.

- Que pesou máis para vostede á hora de decidirse a facer esta película, o naufraxio en si mesmo con todas as súas vicisitudes e dificultades ou a valentía das mulleres que son, ao mesmo tempo, todas as mulleres?

- Para min o interesante da historia, desde logo, son elas e a illa de Sálvora, como quen di, o afundimento é tan só unha escusa.

- Se cadra o filme sexa unha boa oportunidade de reivindicar o papel feminino na historia, sempre nun segundo plano. É esta unha película de empoderamento e sororidade, dous termos dos que tanto se fala?

- Haberá que vela… A verdade é que hai moita xente que me di que

 DIRECTORA DA PELÍCULA "SANTA ISABEL"

“O interesante do filme son as mulleres e a illa de Sálvora”

- Cales foron as súas principais influencias e referentes (cinematográficos, literarios) á hora de encarar a materialización do filme?

Por onde decidiu que había que tirar unha vez que tivo todos os recursos ao seu alcance?

- Eu creo que a decisión máis atrevida foi facer un thriller en troques dun drama histórico. Influencias moitas e moi dispares, desde ter moi moi presente a alguén como Castelao e a súa ollada, a fotógrafa Ruth Mathilde Anderson, ata a pegada de películas como Os santos inocentes de Mario Camus ou O Fillo de Sául de László Nemes, ou O Piano de Jane Campion.

- Cal foi a resposta da xente local perante a rodaxe? Houbo facilidades ou houbo atrancos?

- Absoluta colaboración. Estamos impresionados e encantados con toda a axuda recibida, desde o Concello de Ribeira, a poboación cando se celebrou o casting (con máis de 500 persoas presentadas), a prensa local…

é feminismo 2.0, porque as protagonistas son mulleres imperfectas, que cometen erros, que provocan a dúbida no espectador. Nada de idealizar.

Pero son mulleres, protagonistas femininas, que moven a trama, elas soas, e sen dúbida é unha película de relación entre dúas mulleres e do que son quen de facer.

- Cre vostede que o naufraxio do buque e todo o que aconteceu despois, principalmente no relativo aos comportamentos humanos, son temas que lonxe de perder actualidade, están máis vixentes ca nunca? Servirannos para tirar conclusións de valor?

- Eu non me creo tan importante como para conseguir que alguén saque conclusións de valor… trato de expresar e contar o que eu creo que debía ser contado. O filme fala de inmigración, de como nós noutras épocas eramos os que iamos cunha man detrás doutra a América, que parece que algunhas veces o

O filme fala de inmigración, de como nós noutras épocas eramos os que iamos cunha man detrás doutra a América esquecemos. E fala de temas que creo que non están resoltos na nosa costa. Pero fundamentalmente é unha película, que pretende emocionar e entreter, nada máis. Non é un ensaio, nin un documental. A partir de feitos e personaxes reais é pura fabulación, e en moitos casos moi moi afastada da historia real.

- Foi complexo atender ao rigor histórico ou resultou ser máis sinxelo do que agardaba (máis relacionado co sentido común)? Sabemos que neste punto tamén contou coa axuda do historiador local Xosé María Fernández Pazos, o principal investigador deste naufraxio. En que puntos e sobre que cuestións houbo que solicitar máis a súa axuda?

- Pois desde as preguntas máis absurdas como se había cans na illa, ata as máis complexas contamos co apoio de Xose María Fernández, aínda que xa estaba todo no seu libro.

Tiramos, efectivamente de moito sentido común, pero o departamento fixo un labor de investigación. E tamén contamos coa axuda impagable da Asociación Cultural Dorna con Salvador á fronte.

- Cando calcula que poderá estar listo o filme para ser estreado en salas?

- Estará xa rematado a finais do verán pero coido que a salas non chegará antes do 2020.

- Cre vostede que será (co seu pano de fondo de abnegación e heroicidade) unha boa historia galega que amosarlle ao mundo?

- Encantaríame. E unha excelente oportunidade de coñecer un lugar tan especial como Sálvora.

O Barbanza Edición Arousa Norte

23

Xullo 19

NOVAS  A Feira do Libro de Galicia chega a Rianxo o 25 de xullo

Rianxo homenaxeará á xente do mar co novo Rock in Rian

A

s Feiras do Libro de Galicia (Federación de Librarías de Galicia) seguen o seu itinerario pola nosa terra, un percorrido descentralizador que complementa as recaladas nas grandes cidades coas estadías en localidades de menor tamaño pero que tanto en inverno como en verán atesouran importantes comunidades de seareiras e seareiros da lectura (e de todas as cousas que acompañan a publicación literaria). No que se refire a Barbanza, logo da visita a Ribeira está programada unha recalada de catro xornadas (entre o 25 e o 28 de xullo) en Rianxo.

Q Será a parada número doce dunha xira libreira que inclúe presentacións de libros, charlas coloquios, concertos e actividades infantís.

A rapazada de Boiro ten en agosto unha cita coa robótica

O

Concello de Boiro e a aula local CeMIT (AMTEGA) queren que este verán sexa un verán enriquecedor e construtivo para a rapazada local con interese na robótica e na programación. Esta é fórmula que acompaña o Campamento Tecnolóxico que se celebra entre os días 1 e 23 de agosto no primeiro andar do Centro Social de Boiro: a fórmula de xuntar lecer e espírito creativo arredor das novas ferramentas. A actividade, que ten aberto prazo de inscrición (até o 11 de xullo), ten dous piares temáticos básicos: comezar a aprender a construír robots e, tamén, programar aplicacións e ferramentas.

Scratch e as súas posibilidades centrarán parte do programa de actividades.

O proxecto de normalización do galego do IES da Pobra, Premio Rosalía de Castro

A

Deputación da Coruña fixo públicas as entidades distinguidas este ano (décima edición) cos Premios Rosalía de Castro.

Trátase do portal web científico-tecnolóxico GCiencia e máis o proxecto 21 Días co Galego, posto en marcha no 2013 dende o IES da Pobra para normalizar a presenza activa da nosa lingua cunha metodoloxía innovadora: convidando ao alumnado a vivir tres semanas enchoupándose

de galego en todos os seus quefaceres diarios.

O certame da Deputación, que busca recoñecer e visualizar iniciativas que vivifiquen a nosa lingua en todos os ámbitos culturais, sociais, económicos, tecnolóxicos ou científicos, recoñeceu a Gciencia polo seu “papel na difusión do galego” e 21 Días co Galego polo seu “traballo de animación ao uso da nosa lingua na mocidade”.

As bibliotecas de Barbanza terán novas axudas para dinamizar a lectura

A

s bibliotecas municipais da comarca van recibir apoios da Xunta para impulsar e fortalecer actividades que fomenten a lectura, poñendo o foco nas novas xeracións. Trátase dun programa de axudas que vén cunha contía total de 200.000 euros, a distribuír en bibliotecas de 154 localidades da nosa terra. As axudas chegarán ás catro grandes bibliotecas municipais de Arousa Norte (a de Pobra, a de Boiro, a de Ribeira e a de Rianxo), e tamén á axencia de lectura de Escarabote (Boiro). Todas elas recibirán algo máis de mil euros cada unha. As subvencións da Consellería de Cultura pódense consultar no Diario Oficial de Galicia do mércores 3 de xullo.

uen queira rock, cultura mariñeira galega, modernidade e tradición popular, todo mesturado e axitado con agarimo e talento, vai ter todos estes ingredientes o mes de setembro en Rianxo, o día 14 no Parque Galiza como epicentro da actividade musical, popular e literaria. Estamos a falar do festival Rock in Rian, O Festival da Ría, un destacado certame de balde que promete ser a gran despedida festeira do verán. Por certo que a organización (a comisión de Juadalupeñas de Rianxo) presentou recentemente o cartaz desta súa 12 edición. Actúan Reincidentes, Ebri Knight, Dios Ke Te Crew, Festicultores, Mekanika Rolling Band e La Duendeneta.

Segundo informa a organización, este ano o festival estará cen por cen adicado á xente do mar. “Gustaríanos homenaxear a todos eses veciños e veciñas que traballaron por e para Rianxo a base de suor e sangue”, sinalan.

O Parque Natural de Corrubedo mostra a súa riqueza con visitas guiadas

O

Parque Natural do Complexo Dunar de Corrubedo e Lagoas de Carregal e Vixán (Ribeira) está estes días a pleno rendemento no que a actividades de divulgación se refire. De feito, a dirección ten preparadas unha serie de accións de balde para este mes de xullo.

Para comezar, están programados roteiros guiados para coñecer a riqueza natural do parque, de martes a domingo, con horarios de partida ás 11.00 e ás 16.30 horas (agás o sábado).

Asemade, cada sábado organizaranse eventos de divulgación especiais.

Estas actividades son de balde, pero participar nelas cómpre inscribirnos previamente, ao achegarse un número limitado de prazos. Podemos facelo a través do teléfono 981 878 532 ou ben de xeito presencial no propio Centro de Recepción de Visitantes do Parque.