BISKIW

BISKIW Pamantalaan sa mga Bisayang Kiwi

Unang Isyu 2012

May Bag-ong Opisyales ang KBNZ Mga bag-ong opisyales gibotohan sa mga sakop sa piniliay sa Katilingbang Bisaya sa New Zealand (KBNZ) niadtong Hunyo 23, 2012 sa Freemans Bay Community Centre, Auckland, New Zealand.

Si Mel B Libre, manlalaban og CPA sa Pilipinas, mopuli ni Rosendo Menchavez isip pangulo sugod karong tuiga 2012. Si Menchavez misilbi sa maong posisyon sukad sa pagkamugna sa KBNZ niadtong 2008.

Ang ubang mga opisyales mao sila si: Ron Bate, bise presidente; Tess Baclay, sekretarya; Love Ycong, treasurer; Jojo Taghoy, auditor; og Alvin Soniega, PRO. Ang mga tsirman sa mga komitiba sila si: Sendo Menchavez, fundraising; Chichi Abadingo, membership/yahoo; Dexter Ycong, website; og Elmer Cerna, social services.

Sa iyang mensahe, ang mogawas nga Pang. Sendo nagpasalamat sa tanan sa ilang pagsuporta sa nagkadaiyang mga tulumanon sa KBNZ susama sa hinabang sa mga Pilipino sa Auckland mga may panginahanglan, mga Pilipino didto sa Christchurch nga naapektuhan sa linog, og usab ang mga biktima sa Bagyo Sendong sa Cagayan de Oro og Guihulngan, Negros Oriental. Iyahang gipatalinghugan ang pagkamananaog sa KBNZ sa First Auckland International Carnival o ang aktibong paghatag og halad sa Santo Nino sa duha ka miaging Sinulog sa Auckland.

Ang hepe sa Tahanang Pilipino Aotearoa Trust Agnes Granada, nga sakop sa KBNZ, ming-awhag sa tanan sa pagsuporta sa pagtukod og Tahanan Centre para sa mga Pilipino og ubang mga migrante sa New Zealand. Ang KIS (Kayth, Ina og Shaine) misunod og dalit sa awit sa Tahanang Pilipino.

Sa iyahang pagdawat sa katungdanan isip pangulo, si Pang Mel nagkanayon nga dili kinahanglang daghan ang tulumanon sa KBNZ kon dili kinahanglan nga kini makalingaw og mabulukon. Gihangyo niya ang mga nanambong sa pagsuporta sa iyang administrasyon.

Sa bahin ni Dr Tony Noblejas, ang inducting officer, miingon siya nga dako ang iyang pagtuo sa KBNZ tungod sa daghan niining mga proyekto ubos sa liderato ni Pang Sendo. Nagpasalig siya nga mosuporta sa KBNZ sa mga umaabot nga mga tulumanon niini.

Lingaw usab ang tigum diin dunay mga huning binisaya, mga dula og sayaw.

Editoryal: Mas Lingaw Gyud sa KBNZ Ang kinabuhi dinhi sa New Zealand lahi ra kaayo sa Pilipinas. Kay wala ma’y suluguon, ang mga Biskiw mao’y mag-atiman sa tanang buluhaton sa panimalay. Gikan sa pagluto, panghugas sa pinggan, paglaba sa bulingon, pagpangutaw sa nalabhan, paglimpyo sa balay, og uban pa. Makalipong gyud.

Bisan pa niini, ang kadaghanan sa mga banay mogahin og panahon sa pagsimba og pagbisita sa mga higala sa Sabado og Dominggo. Unya duna’y uban nga nagmatinud-anon sa ilang relihiyoso nga mga kapunungan susama sa Couples for Christ og TawagAwit.

Makapanahon ba kaha ang mga Biskiw pag-unong sa mga kalihokan sa Katilingbang Bisaya sa New Zealand?

Ang bag-ong mga opisyales sa KBNZ nagkasabot nga ang tema sa 2012-2014 mao ang “Mas lingaw gyud sa KBNZ”. Paningkamotan sa KBNZ nga ang mga tulumanon nga ipasiugda makahatag og kadasig sa mga moapil niini. Dili kinahanglan nga daghan ta’g mga tulumanon kon dili ang importante nga ang mga programa lingaw, diin magkahiusa kita pinaagi sa mga hudyaka, mga awit, mga sayaw og dili nato hikalimtan ang salu-salu sa kinaham natong mga putahe.

Ato usab nga hinumduman nga duna ta’y obligasyon sa atong palibut, komunidad og kadtong mga dunay panginahanglan. Kon duna’y masakit, atong bisitaan. Kon duna’y bagyo o linog, magpadala ta’g hinabang. Kon duna’y imbitasyon aron mapakita ang atong kultura, maghimo kita’g pasundayag. Ang pagtabang makahatag baya og kalipay, dili lamang sa atong kaugalingon kon dili ngadto usab sa atong isig kaingon.

Giawhag ang tanang mga Biskiw sa paggahin og panahon para sa atong pundok, diin ang katawa og pahiyom mao’y tumong.

BISKIW Ginama sa Katilingbang Bisaya sa New Zealand Editor: Maylaine Cerna; Tigpamaba: Alvin Soniega; Litratista: Carmel Villaver

MENSAHE ROSENDO R. MENCHAVEZ Pangulo, 2008-2012

First of all, may I greet each and every one hello and warm welcome to our gathering. I am glad to see you once again, guys. Maayong gabii ninyong tanan.

I would also like to express my heartfelt thanks to all who have reposed their trust and confidence and allowed me to lead our growing organization – KBNZ. Proud kaayo ko, and at the same time humbled, for I know that there are others more deserving to hold this position, but having served as a good soldier fighting in Mindanao a lifetime ago, I always stick to the maxim, “Obey First Before You Complain.”

To the KBNZ Core Group and all members thank you so much for your cooperation and support in my leadership and in our projects.

Most, if not all of us are Christians bound to obey, follow and abide by God’s Law. How do we best manifest God’s presence but through the activities that we pursue?

We have extended help to our less fortunate brothers and sisters in the Philippines and here in New Zealand specifically the victims of flash floods and earthquakes, we recognized Filipino student achievers, we promoted our talents in singing, dancing and drama, in upholding our Filipino culture, traditions and especially our Filipino values.

Allow me to enumerate these activities: sending aid to Filipino earthquake victims in Christchurch; sending help to Bagyo Sendong victims in Cagayan de Oro City and Guihulngan, Negros Oriental; giving cash awards to student achievers in Waitakere Primary School; successful staging of Disco Diskoral; helping TawagAwit in the gift-giving to new migrants during the Christmas annual Open Gatherings; presentations in Sinulog 2011 and 2012; winning the Auckland International Carnival; giving financial assistance to individuals needing help; engaging in beach clean-up; and well-attended AGMs, Family Days and Christmas parties.

To benefit our members, the Board of Trustees agreed to a $10 Lifetime KBNZ Membership Fee effective this year.

Of the many activities we have organized, I have become hopeful because of the Bayanihan spirit inherited from our forebears that remains strong in our being. We must continue preserving the cultural heritage of our ancestors, by proudly showcasing these, especially here in New Zealand.

It is my wish and hope that together we remain united in fostering our customs and tradition for ourselves, for our children and our children’s children.

Finally, I appeal to everyone to continue cooperating wholeheartedly in whatever endeavours and undertakings KBNZ and its leadership will conduct in the future. Thank you very much, daghang salamat kaninyong tanan.

MENSAHE MEL B LIBRE Pangulo, 2012-2014 Maayong Gabii kanatong tanan!

Una sa tanan magpasalamat ako sa tanang mingtambong niining atong tapok-tapok og eleksyon sa mga bagong opisyales ning atong kapunungan. Sa Pilipinas init og samok kaayo ang eleksyon nganhi sa ato susama sa panahon, bugnaw og hapsay.

Ato usab nga pasalamatan ang mga mang-aawit nga nihalad sa ilang mga nindot kaayong mga huning binisaya, og usab sa atong inducting officer, Dr Tony Noblejas.

Dili nako tas-on kining akong mensahe isip bag-ong pangulo sa Katilingbang Bisaya sa New Zealand.

Lisod nga sundon ang pagdumala sa atong kapunongan sumasa sa atong presidente Sendo Menchavez nga abtik og kugihan, apan maningkamot ako nga sa inyong tabang og suporta mahimong makahuluganon ang inyong pagtampo sa KBNZ. Dili kinahanglang daghan ‘tag mga tulumanon, kon dili ang importante nga ang atong mga programa makalingaw, mabulukon og makahatag og kadasig sa isig kaingon.

Pagahimoon nato ang tapok tapok susama niini karon, duna’y pa-ugnat sa kusog, duna sab ta’y tigum para sa espetuhanong aspeto sa atong kinabuhi. Gani giimbitar ko kamo sa sunod natong kita-kita sa ikatulong Dominggo sa Septiembre diin mag-awit kita’g Binisayang Misa sa Our Lady of Lourdes Glen Eden, og human mag-salo-salo ‘ta.

Usa sa tumong ning atong administrasyon mao ang pagpalambo sa pinulungang binisaya aron dili nato makalimtan, aron dili makalimtan sa atong mga kabataan.

Sa katapusan, salamat sa inyong pagbulig nako isip inyong pangulo sa KBNZ. Magmalampuson lamang ang atong kapunungan kon kita magtambayayong, magalayon og magkahiusa.

Mabuhi ang KBNZ! Mabuhi kitang tanan!

BALITA Mas Lingaw Gyud sa KBNZ Ang opisyal nga slogan sa KBNZ mao ang “Mas lingaw sa KBNZ”. Ang unang poster nigawas niadtong unang semana sa Hulyo diin ang mga nawong sa bag-ong mga opisyales gipatik og iulohan “Mga Alagad”. Kada duha ka semana pagailisdan kini og laing mga hulagway. Giawhag ang mga sakop sa KBNZ sa pagpadala sa ilang lingaw nga litrato aron nga mapatik kini sa poster.

Cebu Pop Music Festival Ang pasundayag sa huning Binisaya sa AGM, nakakuha sa atensyon sa usa sa mga nagpasiugda sa Cebu Pop Music Festival sa Sugbu. Si Gloria Villarojo nagpadala og imbitasyon pinaagi sa Facebook, diin giawhag ang mga sakop sa KBNZ sa pagsumitir og original nga mga kanta sa ika-33 nga edisyon sa maong bangga. Si Ron Bate, bise president sa KBNZ, naghimo’g usa ka tapok-tapok sa mga hilig moawit, mobalak og motokar og instrument aron maghimo’g mga bag-ong awit para sa bangga. Kini paggahimoon sa Dominggo Agosto 5 sa Whangaparaoa.

Seminar sa Auckland Pinoy Usa ka seminar sa “Migrant Law and Criminal Law” gihimo sa Auckland Pinoy Yahoo group diin mokabat og hapit duha ka libo ang mga sakop. Si Chichi Abadinggo, usa sa mga koordinator sa maong grupo og opisyal sa KBNZ, ming-awhag sa mga sakop sa KBNZ sa pagtambong niining tulumanon sa Hulyo 21, 2012, 1-4 sa hapon, Ponsonby Community Centre, 20 Ponsonby Terrace, Ponsonby, Auckland. Palihug og rehistro sa: http://tinyurl.com/d64wepx. Si Pangulo Mel Libre maghimo’g “car pool” aron mag-uban sa among kalihokan.

Biskiw, Miss Teen Face of Beauty International New Zealand 15-anyos nga Biskiw, si Myo Smith maoy midaug sa Miss Teen Face of Beauty International New Zealand 2012 sa bangga niadtong Hulyo 14 sa Auckland. Sa iyang report, ingon si Chichi Abadingo, “Ang mga Bisaya nanaka sa entablado dihang gideklarar nga si Myo maoy mananaug. Kami pud ang pinakasabaan to cheer her on. payter form kaayo mi, in full force ang biskiw support. mura ug pista lagi - gipanggutom pagkahuman, nahurot namo ang siopao, banana cue, ug dinuguan.”

Semana sa Pinulungang Binisaya Ang KBNZ magpasiugda sa unang Semana sa Pinulungang Binisiya sa New Zealand gikan sa Septiembre 10-16. Ang tulumanon molakip sa bangga sa balak, harana, tigmo, paggitik og mubong sugilanon. I-anonsyo sa kada adlaw ang tulo sa kinamaayohan sa kada bangga og sa Dominggo (Sept 16) ang mga mananaog ipaila sa Pasundayag. Sa Septiembre 14 ang KBNZ mao’y mangulo sa misa para sa Novena sa Snr Sto Nino adto sa Balmoral. Sa Septiembre 16 duna’y Tabo sa Banay og Misang Binisaya sa parokya sa Our Lady of Lourdes sa Glen Eden.

Bayranan isip Sakop Ang mga sakop sa KBNZ mi-uyon sa resulosyon nga gipasaka niadtong AGM, diin ang Membership Fee aron mahimong sakop sa KBNZ gibutang sa $10 sa kada banay, og kini kausa ra bayri.

Kadtong nakabayad na, dili na kinahanglang mobayad.

MGA HULAGWAY

Tanang Hulagway gikuha ni Carmel Villaver wa’y labut ang katapusan ni’ng pahina kang Chysler Charlow

Mga Hulagway/Carmel Villaver

Mas lingaw gyud sa

KBNZ Semana sa Pinulungang Binisaya

SSeeppttiieem mbbrree 1100--1166,, 22001122,, AAuucckkllaanndd NNeeww ZZeeaallaanndd Bangga sa Balak, Harana, Tigmo, Pagitik og Mubong Sugilanon Ang detalye ipagawas sa sunod nga isyu sa BISKIW

Di’ ba mas lingaw!