Sut dych chi’n cael tocyn i’r noson gomedi am £7?

2. Deialog (Fersiwn y De) Dialogue (South Wales Version)

Darllenwch y ddeialog, ac yna llenwch y gridiau ar sail yr wybodaeth a roddir. Dewiswch naill ai fersiwn y De neu fersiwn y Gogledd (tud. 8-9). Read the dialogue, then complete the grids based on the information given. Choose either the South Wales or North Wales version (pages 8-9).

Mae Delyth a Dewi’n siarad yn yr ysbyty.

Delyth: Bore da Dewi. Sut mae dy frawd di? Dewi: Mae e’n cysgu ar hyn o bryd. Mae e wedi torri ei goes, ond bydd e’n iawn, dw i’n siŵr. Delyth: Beth ddigwyddodd? Oedd e’n chwarae rygbi eto? Dewi: Oedd. Ro’n nhw’n chwarae yn erbyn Aberwylan prynhawn ddoe. Roedd e’n edrych yn ofnadwy. Wyt ti yma i weld rhywun? Delyth: Ydw, mae fy mam i yn ward Bryn Mawr. Mae cefn tost gyda hi. Dyw hi ddim yn gallu cerdded o gwbl. Mae hynny’n ddiflas iddi hi – mae hi’n mwynhau mynd am dro bob dydd. Dewi: Wyt ti’n edrych ar ôl y tŷ? Delyth: Ydw, ar ôl y tŷ, y gath a fy nhad! Aethon ni ma’s i gael bwyd neithiwr, ond rhaid i fi goginio rhywbeth gartre heno. Dewi: Aethoch chi i’r Llew Coch? Delyth: Naddo, i’r tŷ bwyta Eidalaidd newydd. Roedd y pizza’n dda iawn, rhaid i fi ddweud. Dewi: Wel paid mynd i fwyta yng nghaffi’r ysbyty. Ro’n i yno neithiwr, ar ôl dod â fy mrawd i mewn, ac roedd y brechdanau’n ddiflas iawn. Delyth: Fydd dim amser gyda fi i fynd i’r caffi beth bynnag. Dw i’n mynd i brynu bananas i fy mam nawr. Dyw hi ddim yn bwyta dim byd arall ar hyn o bryd. Dewi: Ydy hi’n bosib prynu bananas yn siop yr ysbyty? Delyth: Ydy, mae’r siop yn gwerthu tipyn bach o bopeth. Dewi: Da iawn. Rhaid i fi gael papur newydd i fy mrawd. Bydd e eisiau rhywbeth i’w wneud, dyw e ddim yn mwynhau’r teledu a dyw’r ffôn bach ddim yn gweithio yma. Delyth: Popeth yn iawn. Pob hwyl i dy frawd di. Dewi: Diolch. Gobeithio bydd dy fam yn well cyn hir.