Universidad di Pueblo Dec 2015

Informe Special - December 2015 - Aruba

Mensahe di Rudy Lampe

for di Universidad di Frankfurt na Alemania pa su isla stima, Aruba

mensahe

For di Universidad di Frankfurt na Alemania pa su isla stima, Aruba

M

ensahe di Fin di A単a

Mi ta scirbi e mensahe aki for di Universidad di Frankfurt na Alemania. Mi servicio aki nan ta pa sirbi e ser humano for di e mundo academico. E diferente portretnan ta mustra mi persona dunando conferencia na studiantenan di Universidad di Frankfurt of na profesornan di diferente parti di mundo na Universidad di Lublin, Polonia.

For di mi oficina di e Instituto di Teologia intercultural, hunto cu su director prof. dr. Schreijaeck, manera e portret ta mustra, mi ta pensa di un manera positivo riba mi pueblo y mi ta manda energia positivo pa Aruba. Nos ta dren e luna final di 2015 y pa hopi e tabata un perdiodo dificil. Tin famianan a perde un ser keri, of a pasa den malesa grave.

Tambe hopi ta sinti cu nan entrada ya no por cubri tur nan necesidadnan. Aruba a bira hopi caro, especialmente cuminda, awa, coriente, telefon, gasolin, tur loke ta servicionan basico. E trahador ta esun cu mas ta sufri. Prome cu nos status

aparte e clase trahador tabata gana un salario minimo cu tabata hopi mas cu e canasta basico y hasta e por a bai vakantie den exterior si e pareha tabata traha.

Pero awor den 2015 e salario minimo ta representa menos di un tercera parti di e canasta basico. Y

2016 no ta pinta bon, al contrario, si tur e medidanan cu gobierno a anuncia drenta na vigor, bida lo bira hopi mas caro. Con e trahador, cu ta e mayoria di nos poblacion, lo por biba di una manera saludabel, si e placa no ta jega pa cumpra fruta y verdura?

Nos economia no ta sirbi e trahador, e ta sirbi e grandinan. Ora cu nos gobernantenan bisa cu cos ta bai bon, nan ke men, cos ta bai bon pa e grandinan. Ta e grandinan ta paga nan campa単a electoral y e economia ta sirbi interes di e grandinan. A fia placa pa paga e grandinan y awor ta e pueblo trahador tin cu paga e debe aki. Te ainda nos ta paga pa e projecto di Racetrack, pa Calmaquip, unda e responsabelnan a cambia di color y awor ta gel, ainda nos ta paga pa e projecto di dump, y nos lo bai paga pa e renovacion di hospital, di tram, di caya grandi etc y pa tur e projectonan berde.

Mi pueblo ta hundi pa falta di conocimento, asina e profeta Hosea ya a proclama. Den e dianan aki di fin di 2015 y inicio di 2016 cu lo ta mas dificil ainda, e palabranan aki

mensahe ta papia e berdad. Nos tin cu cambia di rumbo, ta urgente un cambio, unda economia ya no ta siribi e grandinan sino e clase trahador. Ta e clase trahador ta traha e riquesa nacional, pero lamentablemente e no ta participa den e riquesa aki.

Temporada di Pasco ta pa recorda e binimento di Hesus na mundo. E ta e Luz den un mundo di scuridad.

Mas cu nunca nos mester di su luz.

Tanto violencia y guera den nomber di Dios, esei ta un blasfemia manera Papa Francisco a bisa, nos no por usa nomber di Dios pa haci maldad. Pasco ta fiesta di luz, pesei ta dorna cu luz di Pasco, pa recorda e Luz di mundo. Cu E manda luz pa nos pueblo, ta nos deseo. Mi ta desea pueblo di Aruba dianan di reflexion den e ultimo fase aki di 2015, cu spiritu divino ilumina nos mente y curazon pa nos sa distingui e lidernan falso di e lidernan verdadero. Mi ta desea pueblo di Aruba feliz dianan di Pasco y hopi felicidad den 2016.

Rudy Lampe