Быгатӥсь нылпиос понна «Шундыкар-2014» лагерь
Азькыл Комикс культура Россиын каленнэн ке но, азьланьске. Трос гинэ изданиос пото, комиксъёсты вузанъя нимаз магазинъёс усьтӥсько. Адямиос малпало, гожто но суредало комиксъёсыз. Комикс лэсьтон понна кулэ сценарий. Лэсьтоно раскадровка. Суредано. Буёл пыртоно. Сюжетъя нуись текст гожтоно. Комикс суредан – со кино но литература удысъёсъя мынӥсь искусство. Европаын но Америкаын комиксъёс бадӟым инты басьто: отын соосты президентъёс, спорт но кино кизилиос люкало. Соос пичи дырысенызы комиксъёсты лыдӟыса будэмын. Европаын та удыс – укмысэтӥ искусство. Отын со туж вылиё но дано хобби - дунзэ но аспӧртэмлыксэ валась адямиослы. Куддыръя комиксъёс пичиослы гинэ сӥземын яке серемес веранъёс гинэ шуо. Куке но ваньмыз воштӥськоз. Комиксъёс ӵем дырья верало мургес но тунсыкогес веранъёсты, малпанъёсты, «серьёзной» литератураен ӵошатыса. Соин ик та искусствоез уг яра дунтэматыны. Та удыс пинал на - солэн луоз аслаз зарни вакытэз. Комикс культуралэн туж бадӟым луонлыкез, комикс лэсьтӥсьёс сое усьтыны тыршо. Оло та бичет, кудзэ тӥ али кияды кутӥськоды, трос аръёс ортчыса, луоз туж шер пумиськись экземпляр, киысь кие бай коллекционеръёс пӧлын гинэ вузаськылоз. Нош сыӵе вакытъёс вуытозь, тодматске пиналъёслэн ужъёсынызы авторской, тунсыко веранэнызы. 2014-тӥ арын быгатӥсь нылпиос понна «Шундыкар» лагерьын «Суредасьёс» отряд комикс лэсьтыны дышетскиз. Вань одӥг нюанс. Татын ӧвӧл кыӵе ке идеология пуктэмын - котькудӥз лэсьтӥз сое, мар солы матын но валамон. Соин ик соос туж пӧртэмесь. Михаил Николаев, суредась, быгатӥсь нылпиос понна «Шундыкар-2014» лагерьын ужам ӧнерчи.
Сильвестрова Наталия “Шундыкар” вае шумпотон”
Пудова Татьяна “Дуно Эше”
Малыгина Олеся “Чорыган”
Малыгина Олеся “Зор”
Прокопьева Марина “Кин со?”
Прокопьева Марина “Кин со?”
Чузова Софья “Looser day”
Чузова Софья “Looser day”
Вахрушев Александр “Эшъяськон”
Вахрушев Александр “Эшъяськон”
Вахрушев Александр “Эшъяськон”
Вахрушев Александр “Эшъяськон”
Вахрушев Александр “Эшъяськон”
Федотова Мария “Мон таксист луо”
Федотова Мария “Мон таксист луо”
Корепанова Анна “Школа шузимытэ”
Корепанова Анна “Школа шузимытэ”
«Суредасьёс» отряд
«Шундыкар» 2014