www.udmdunne.ru
¹ 84 (24823)
Потто Удмурт Элькунысь Кун Кенеш но Кивалтэт
âèðíóíàë 2011-òћ àð 15-òћ èíâîæî
№ 6 (6)
Миклош Дэметэр: яратоно ке - удмурт сямен, тышкаськоно ке - удмурт кылын 4-òћ áàì.
..
Лопшан ÊûŸå àìàëú¸ñûí ñþðîíî... àðìèå? 6-òћ áàì.
..
70-ти аръёсы берытскон Ìîäíîé ëóîí ïîííà îäíî ÷åáåð ïќðìûòñêîíî ќâќë. 7-òћ áàì.
Утялскы корт йырад Компьютерад пуктэм удмурт шрифтэд ого-пало ужа? Удмурт букваосыд куддыр олокыӵе тумошо пусъёс сьӧры ватӥсько? Озьыен, тыныд басьтӥськоно… утялскон борды! Компьютердэс сузяно вужмем удмурт шрифтлэсь. Нялтас вераса, таӵе шрифтэн гожъясько на шаерысьтымы вузъёс, Кун Кенешлэн пресс-службаез но куд-ог газетъёс-журналъёс. Но улон одӥг интыяз уг сылы. Озьыен, удмурт текстэз удмурт сямен бичан борды рос-прос басьтӥськоно ни - пуктоно Юникод калыккуспо стандартлы тупась шрифтэз. Талы сӥзем акция ӧсъёссэ вӧлъяз Удмурт кун университетысь удмурт филология факультетын кылем толэзьлэн пумаз. Та проектлэн кичӧлтӥсьёсыз Олёш Шкляев но Денис Корнилов басьтӥськизы суррогат шрифтъёсты лицензиен юнматэмъёсыныз вошъян борды. Со сяна, таос ик тыршизы удмурт орфографиез эскерись бета-версиез, озьы ик удмурт-ӟуч электрон кыллюкамез компьютере пуктон ласянь. Ваньзэ тае быдэстон сярысь ужпум ӝутэмын вал «Удмурт кенеш» огазеяськонлэн пумиськоназ. Удмурт шрифтъёсты, озьы ик удмурт кылын гожъяськонъя программаосты компьютере пуктон азинтӥське. Кин мылкыд каре корт йырзэ - компсэ - удмуртомытыны, вазиське dartlyk@yandex.ru адресъя.
Шыпыт ке - жингрес! Удмурт кылын инди-рок кырӟанъёсты быдэстӥсь группалы - «Сайлент Ву Гурлы» - синмаськемын быдэс Ижкар! Егит артистъёс - Светлана Ручкина (вокал), Вова Жуйков (гитара), Анатоль Галиханов (бас-гитара), Гриша Степанов (барабан жугись) - кырӟам-вераменызы паймытӥзы 12тӥ июне Россилэсь но Ижлэсь нуналзэс пусйыны Ижысь Шор площаде люкаськем калыкез. Паймоно кадь: «Сайлент Ву Гур» группамылы синмаськемын ни кунгожсьӧръёс - тужгес но Финляндия. Та кунысь учкисьёслы кылем арын турнезэс радъязы. Со вие ик Удмурт шаерысь паськыт публика соос сярысь тодытэк улӥз, шуыны луоз. Табере, удмуртъёс гинэ ӧвӧл, шаерамы улӥсь ӟучъёс но, мукет выжыысь калыкъёс но шӧдӥзы-валазы удмурт роклэсь кужмо чузъяськемзэ. Эх, чидаз ни Интернет но: «SWG»-ослэн бамзы тырмытэмын вал сюлэм усьтонъёсын, шуныт кылъёсын. «Сайлент Ву Гуръёслы» Ижысь бадӟым сцена вылын кырӟаны луонлык усьтӥз кылем толэзьёсы шаерамы ортчем Крезьгуръя чемпионат. «SWG»-ос отчы пыриськись группаосты шӧдскымон азьпалтӥзы но вормисе потӥзы. «Сайлент Ву Гурысь» артистъёс асьсэ сярысь вераны уг ярато. Группазылэсь пуштроссэ валэкто вашкала удмурт мадёнэн («сайлент» англи кыл возьматэ шыпыт шуэмез): «Тодӥськод-а, кыӵе шыпыт луэ зоръёс ортчем бере?.. Инлэн синкылиосыз кисьтӥсько, шуръёслы пӧрмыса, ог-огенызы сьӧлтасько… Тыныд сипырто кадь: вить на кӧня ке... Шыпытын кылыны тыршы крезьгурез… Кылод сюлэммылэсь кырӟанзэ… Вулэсь шыпыт кырӟанзэ…» Ма шуод на: «шыпытъёслэн» данзы жингрес! «SWG»-ослэн калыкез паймытэмзы сярысь лыдӟе 2-тӥ бамысь. ЛЕЛЁК