www.udmdunne.ru
¹ 104 (24843)
Потто Удмурт Элькунысь Кун Кенеш но Кивалтэт âèðíóíàë 2011-òћ àð 20-òћ ïќñüòîëýçü
№ 7 (7)
Президентлэн пиез инженере .. мыниз ке... Êûçüû òóý ðàäúÿñüêèç âóçú¸ñû ïûðîí. 3-òћ áàì.
.. Мар вуттиз Европаысь егитъёсты Иже? Óäìóðò êûëýç äûøåòûíû ìûëêûä êàðî êóíãîæ ñüќðûñü åãèòú¸ñ. 5-òћ áàì.
Шайтан пусъёс... дась-а асьмеос вылтус экспериментлы? 7-òћ áàì.
Шундыгерой «Шундыкар» лагерьтэк гужем но гужем кадь ӧвӧл ни, огымысь шуо удмурт егитъёс. Зэм но, «Шунды» огазеяськонлэн та проектэз удмурт нылъёс но пиос понна гужемлэн «кортӵогез» луиз ни - сое чидатэк витё республикаысьтымы но, эсьмаса, кунгож сьӧрысь но егитъёс. Ура! Туэ но «Шундыкар» ӧсъёссэ вӧлъяз! 125 кузя нылъёс но пиос люкаськизы «Лесная сказка» лагере. Пӧлазы Эстониысь но, озьы ик Марий Эл, Киров, Пермь улосъёсысь, Башкортостан но Татарстан Республикаосысь пиналъёс. Соос шутэтскозы но, быгатонлыкъёссэс но волятозы: та ласянь пырскозы соослэн дышетӥсьёссы - шаерысьтымы нимо-дано артистъёс, суредасьёс, гожъяськисьёс, архитекторъёс. Кызьы ивортӥз «Шунды» огазеяськонлэн правлениезлэн кивалтӥсез Юлия Никитина, туэез «Шундыкар» ортче калык героез утчан улсын. Дас нунал ӵоже пиналъёс йырзэс сыналозы: кин со - удмурт герой? Кыӵе вал со вашкала дыръя, кыӵе сямо-тусо со али? Шундынылъёс но шундыпиос быръёзы та нимлы тупась эшсэс. Сое ӟечкыланэн ик 24-тӥ июле йылпумъяськоз туэез «Шундыкар». Лели ТУГАШОВА
.. «Бадзым ву» вуттоз Кипрозь Яркыт, вунонтэм праздник радъяло пӧсьтолэзе воткаос. Татысь тымет дуре азьвыл люкаськылӥзы Воткинскын улӥсьёс гинэ, нош табере «Бадӟым ву» ӧръяськиз пасьтана - татчы пыласькыны, шулдыръяськыны, семьяен шутэтскыны, ӵошатскыны вуо Ижысь, Пермьысь но трос мукет городъёсысь мыло-кыдо адямиос. Туэ праздник шукырес чебер пӧрмиз. Радъясьёс зол сюлмаськиллям - мӧзмыны амал ӧй вал. Ву вылын ӵошатскизы уясьёс, луо пӧлын выжыкыл «пӧразы» пиналъёс, ярдуртӥ гочатыса ветлӥзы боди-артэн суредам веськрес нылмуртъёс. Мукетъёсыз апайёс ӝужыт каблук вылын кросс сётӥзы… Пляжын улмолы усён инты ӧй вал. Кивалтӥсьёс гинэ ӧжытак жаль йӧтӥзы: пӧсь шунды улын ваньмыз кылиськизы, чебер бикиниос синмез кыскизы, нош соос дресс-кодлэсь куронзэ тӥяны ӧз дӥсьтэ. Со понна шумпоттӥзы шырыт луэменызы: конкурсын вормисьёслы кузьымъёсын туэ зориз. Чеберъяськон салонэ, массаже сертификатъёс, косметика-парфюмерия, Соль-Илецке путёвкаос, бытовой техника но трос мукет дуно арбериос басьтӥзы ӵошатсконъёсын вормисьёс. Нош тужгес ӟечсэ кузьымез - Кипре путёвка - утӥз Гужемлэн королеваез. Сыӵе нимын-данэн пусъемын Ижысь Татьяна Буркова. ВУНЫЛ Туспуктӥз Владимир БЕЛОМОРСКИХ