Eru þvagfærasýkingar að angra þig?

Guðrún Bergmann, heilsu- og lífsstíls– ráðgjafi, rithöfundur og leiðbeinandi á HREINT MATARÆÐI námskeiðum.

Náttúrulegar leiðir gegn þvagfærasýkingum

Allar rannsóknir sýna að konum er mun hættara en körlum við að fá þvagfærasýkingar, sama á hvaða aldri þær eru. Talið er að ein af hverjum fimm konum fái þvagfærasýkingu einu sinni á ári eða oftar. Þar sem þvagrásin er mun styttri hjá þeim en körlum eiga bakteríur mun greiðari aðgang að henni.

Þvagfærasýkingar eru skilgreindar með einu heiti, hvort sem þær eru í nýrum og þvagpípum sem liggja frá þeim niður í blöðru, eða í þvagblöðru og þvagrás. Algengast er að sýkingarnar séu í þvagblöðru og þvagrás og oft er um síendurteknar sýkingar að ræða. Nái sýkingin upp í nýru getur ástandið orðið lífshættulegt.

Fæðan getur haft áhrif á blöðruvefinn

Mín reynsla er sú að ákveðnar fæðutegundir – mismunandi milli fólks – geti valdið bólgum, sársauka og vanlíðan í blöðruvefnum. Glúten og sykur eru þar ofarlega á lista, en aðrar fæðutegundir geta líka valdið skaða. Fylgstu endilega með því hvort sársauki, sviði eða önnur vanlíðan í blöðru eykst þegar þú borðar eftirfarandi fæðutegundir – og leggðu þig fram um að forðast þær ef svo er:

Glúten – egg – sykur – gervisæta – mjólkurvörur – nautakjöt, nema það sem er alið sem grasbítar – kjúklingakjöt, ef sýklalyf eru notuð við framleiðsluna – náttskuggagrænmeti, sem eru kartöflur, eggaldin, paprika og tómatar. Þessar fæðutegundir eru þekktir bólguvaldar: soja – sítrusávextir – kíví – jarðhnetur – maís – kaffi – súkkulaði – ger – allar baunir – hrísgrjón – alkóhól – kakó – edik – sterkkryddaður matur.

Bætiefni sem vinna á þvagfærasýkingu

Ein ástæða þess að konur fá þvagfærasýkingar er að slímhúð í legi og þvagblöðru þynnist með aldrinum, auk þess sem hormónaframleiðsla minnkar. Þá eiga E. coli-bakteríur, sem orsaka um 90% þvagfærasýkinga, auðveldar með að koma sér fyrir í slímhúðinni og valda bólgum, verkjum og vanlíðan.

Almennt eru þvagfærasýkingar meðhöndlaðar með sýklalyfjum, en bætiefni eins og Allibiotic frá NOW vinnur líka á sýkingum. Allibiotic er jurtaformúla sem í er hvítlauksþykkni og hefur verið notuð í meira en tvö þúsund ár (Hippókrates) til að vinna á sýkingum og bakteríum. Í jurtaformúlunni er líka að finna ylliber, þykkni úr ólífulaufum og óreganóolíu. Í blöndunni eru líka ómeltanlegar trefjar úr lerki, en þær virka sem „prebiotic“ eða fæða fyrir góðgerlana í þörmunum – en gott ástand þar er undirstaða fyrir sterkt ónæmiskerfi.

Taka þarf inn tvöfaldan skammt af Allibiotic í allt að þrjá mánuði, samhliða góðgerlum og öðrum bætiefnum. Þau bætiefni sem virka vel á þvagfærasýkingar eru talin upp hér á eftir og býr hvert um sig yfir sérstökum eiginleikum.

D-Mannose frá NOW – Algengt hefur verið að ráðleggja trönuberjasafa, til að styrkja nýrun og koma í veg fyrir þvagfærasýkingar. Efnið sem gefur trönuberjasafa þennan heilandi eiginleika eru sykrur sem kallast D-Mannose. Þótt D-Mannose sé í sömu fjölskyldu og aðrar sykrur, eins og frúktósi, glúkósi, laktósi og súkrósi, virkar D-Mannose á allt annan hátt í mannslíkamanum. D-Mannose er það sem kallast glyconutrient (orkunæring) sem gerir hann að heilsueflandi sykri.

Upptakan á D-Mannose er mun hægari en á glúkósa og hann þjónar ekki sem orkuforði fyrir líkamann eins og glúkósinn gerir. Vegna einstakra eiginleika sinna brotnar D-Mannose ekki niður fyrr en hann skilst út með þvagi. Hann safnast heldur ekki upp í líkamanum eins og glúkósi gerir. Sá D-Mannose sem þú tekur inn sem bætiefni síast í gegnum nýrun og þaðan um þvagfærin til útskilunar.

Þegar D-Mannose fer um þvagrásina, festir hann sig við E. coli-bakteríur sem þar kunna að vera og við þvaglát skolast svo D-Mannose ásamt bakteríunum út úr líkamanum. Ýmsir læknar í Bandaríkjunum sem stunda heildrænar lækningar, telja D-Mannose vera bæði bestu vörn gegn sýkingum, svo og besta efnið til að meðhöndla þvagfærasýkingar.

Cranberry Caps frá NOW – Þar sem trönuberin eru römm á bragðið eru ekki allir sem treysta sér til að drekka hreinan trönuberjasafa, sé hann sættur með sykri gerir hann meiri skaða en gagn. Hreinn trönuberjasafi hefur í margar aldir verið notaður af grasalæknum, bæði í Evrópu og Bandaríkjunum, til að meðhöndla þvagfærasýkingar. Hylkin virka eins og safinn, nema þau eru ekki römm á bragðið. Ef þú velur að nota hylkin er ráðlegt að nota þau í sex mánuði samfellt til að ná viðvarandi árangri. Athugið! Ef slímhúð í blöðru er orðin þunn gætu trönuberjahylkin valdið sviða. Hættið þá að taka þau.

C-1000 með Rose Hip frá NOW – Stundum dugar að nota skyndilausn með C-vítamíni við þvagfærasýkingu. Þá eru tekin inn 1000 mg af því á tveggja tíma fresti. C-vítamínið gerir þvagið súrt og við það verður blaðran ekki eins aðlaðandi umhverfi fyrir skaðlegar bakteríur, auk þess sem C-vítamínið styrkir ónæmiskerfið.

Þetta mikið magn af C-vítamíni á stuttum tíma getur leitt til niðurgangs og þá þarf að minnka inntöku á því. Ekki er hætta á að taka of mikið C-vítamín, því það er vatnsuppleysanlegt og það sem ekki nýtist skolast úr líkamanum. Gott er að drekka mikið vatn, helst eitt glas hverja klukkustund frá morgni og fram að kvöldmat, samhliða þessari meðferð við þvagfærasýkingu. Skili hún ekki árangri á tveimur til þremur sólarhringum þarf að leita annarra leiða.

Women’s Probiotics – Rannsóknir hafa sýnt að heilsufarsástand æxlunar-, þvag- og kynfæra kvenna er mjög háð þeim örverum sem fara inn í, koma sér fyrir í eða hafa tímabundin áhrif á leggöngin eða kynfærin. Women‘s Probiotics góðgerlablandan er framleidd eftir klínískar prófanir með þremur góðgerlaafbrigðum, sem stuðla að bættri heilsu kvenna á öllum stigum lífsins. Rannsóknir sýna að góðgerlarnir koma sér fyrir í leggöngum kvenna og stuðla að réttu pH-gildi (sýrustigi) í þeim og stuðla að heilbrigðri starfsemi ónæmiskerfisins í þunguðum konum og konum með börn á brjósti. Góðgerlablandan dregur úr uppþembu og stuðlar að reglulegri hægðalosun. Hún stuðlar einnig að öflugra ónæmi hjá konum á öllum aldri.