udal aldizkaria
Oinbusa martxan jarriko da, ikastetxeetara joateko mugikortasun ohituretan eragiteko
2018ko MAIATZA • 191. ZENBAKIA
ABARAXKA
Altzibar, Iturriotz eta Ugaldetxotik ikastetxeetara joateko bide seguruak markatu dira Ikasleak herriko hezkuntza zentroetara oinez joateko programa da Oinbusa. 2008/2009 ikasturtean, Udalaren, ikastetxeen eta guraso bolondresen ahaleginari esker, martxan jarri zen. Datozen asteetan, berriz martxan jarriko da proiektua Haurtzaro eta Elizaldeko ikasleen artean. Mugikortasun iraunkorra bultzatzeko eta autoen erabilera murrizteko, haurren autonomia lantzeko eta bizilagunen arteko harremanak sendotzeko balio du Oinbusak. Helburua ohitura aldaketa sustatzea eta Oinbusa iraunkorra izatea da. Horretarako, Udalak bide seguruak markatu eta seinaleak jarri ditu Altzibartik, Iturrioztik eta Ugaldetxotik ikastetxeetara.
Guraso bolondresen laguntza HH eta LHko ikasleen kasuan, guraso bolondresekin batera antolatu dira Oinbusak. Era berean, LHko ikasle helduenak ttikiagoen arduradun egitea ere bultzatu nahi da, haurren autonomia lantzeko. Hain zuzen ere, DBHko ikasleak dagoeneko autonomoak direlako, Oinbusaren filosofia azaltzeko eta bide seguruak non dauden azaltzeko bilerak egin dira Haurtzaro Ikastolako eta Elizalde Institutuko ikasle ordezkariekin -gero ikaskideen artean informazioa zabaltzeko-. Gainera, Haurtzaroko eta Elizaldeko ikasleek Udalari bide seguruak markatzen lagundu diote ibilbideetan zehar.
Haurtzaro Ikastolako DBHko ikasleak margoketak egiten. Elizalde Institutuko DBHko ikasleekin bilera.
Altzibar-Iturriotz espaloia konpontzeko lanak 186.000 €ko inbertsioa egingo du Udalak oinezkoen bidea txukun jartzeko Altzibar eta Iturriotz arteko espaloia konpontzeko lanak egingo dira. Agerre-alde etxaditik Ziara kale arteko oinezkoen bidea konponduko da. Lanak, Altzibartik hasiko dira datozen egunetan.
ABARAXKAREN AZKEN HILABETEA Urte bat gehiago bizitu dugu Abaraxka ludotekan erletxoekin eta gure ekintzetan parte hartu duten eragile eta norbanakoekin. Ikasturteko azkeneko hilabetean murgildu gara eta konturatu gabe gainera! Ziztada goxoak bailitza pasatu zaigu ikasturtea, ziztu bizian. Ekintza batetik bestera eta herrian barrena jolasean hegan izan gara: ludotekan lagunekin, Gau Beltzean beldurrez, Soinuenekoekin tailerretan, Torri Gukinekoekin elkarlanean, gurasoekin kafe tertulietan, Petra Lekuonan jolasean, Laborekoekin paperezko ametsetan… Zenbat hegaldi eta egonaldi ezberdin egin ditugun, astean zehar, asteburuetan, opor partean...! Urteari bukaera emateko ekainaren 1ean, ostirala, gero arte jaia eta Abaraxka Ludotekaren itxiera ospatuko dugu. Gurekin parte hartu duten herritar eta eragileak eskertzeaz gain, jolasak, meriendatxoa eta musika zuzenean izango dugu. Bai, bai, adin ezberdineko herritarrok dantzan eta algaraz gozatuko dugu azken egun hau. Gainera, Hernaniko gaztetxo talde bat izango dugu gurekin arratsaldea girotzen eta alaitzen. Esan bezala, ekainaren 1a izango dugu Abaraxkan erletxoekin egoteko azken eguna. Herritar guztiak gonbidatuak zaudete itxiera festa ospatzera. Adi egon, eguna iragartzeko kartela eta berriak egingo ditugu, ordutegiak eta zehaztuaz. Urrian berriz irekiko ditugu hegoak eta berriz gure Abaraxka erletxoz beteko dugu orain arte bezala. Ekainaren 4tik aurrera hezitzaileok buru-belarri udalekuetan murgilduko gara, uztailean herria erletxo txikiz beteko baitugu. Edonon ikusiko gaituzue lorez lore, parkez parke eta auzoz auzo korrika eta saltoka, herritarrei eta herritarrekin ziztada goxoak partekatuz.
Hamar asteko aurreikuspena dute lanek eta 186.000 €ko inbertsioa egingo du Udalak espaloi hau konpontzen. Altzibarren eta Iturriotzen, bi auzoetan jasotako eskaera izan da bide hau konpontzea. Orain, lan hauekin auzotarren eskaerari irtenbidea emango dio Udalak eta mugikortasun iraunkorraren aldeko urrats aproposa izango delakoan ere bada, oinezkoentzako bide seguru eta egokiak jarrita.
Errenta aitorpena euskaraz egiteko deia
Tximeleta elkarteak Oiartzungo Udala saritu du
‘Euskara saltsan’, jatetxeak euskalduntzeko
Udako kirol jardueretan izen-ematea, irekita
Silo plastikoaren bilketa egingo da hilaren 24an
Errenta aitorpena egiteko epea irekita dago ekainaren 30a arte. Gipuzkoako Foru Aldundiaren Ogasun sailarekin herritarrek duten betebehar hau euskaraz betetzera animatu nahi ditu Udala aurten ere oiartzuarrak. Iaz, errenta aitorpena euskaraz egin zuten oiartzuarren kopurua pixka bat jaitsi zen (%0,44) eta aurten berriz kopuru hori igotzea da gure erronka. Oiartzuarrok behin baino gehiagotan adierazi dugu euskaraz bizitzeko nahia eta jardun ekonomikoan ere hala egiteko pausoa ematera animatu nahi ditugu.
Tximeleta Elkarteak Oiartzungo Udala saritu du Anoetako Belodromoan egindako Gimnasia Erritmikoko II. Eskolarteko Jaialdian, “Oiartzungo Udalak sustatzen dituen balore hezitzaileengatik”. Enekoitz Markos Kirol zinegotziak jaso zuen aipamena ekitaldian. Oiartzungo Udalaren izenean, sariarengatik eskerrak eman zituen Markosek “eta kirolaren eta jarduera fisikoaren bidez balore hezitzaileak lantzen laguntzen duten kirol-elkarteen lana” errekonozitu zuen; tartean, baita ere, Tximeletak herrian gimnasia erritmikoaren bidez egiten duena.
Aurten, jatetxeen gremioan euskararen erabilera sustatzeko lanketa martxan jarri du Oarsoaldeako Euskara Batzordeak, Euskara saltsan izenarekin. Orain arte, jatetxeetako menuak euskaratu dira. Udazkenean, bezeroen artean 50 €ko sei sari banatuko dira herri bakoitzean eta eskualde mailan, Zuberoa jatetxean bi lagunentzako otordua. Oraingoz, Oiartzungo 24 jatetxek hartuko dute parte egitasmoan, baina interesatuak daudenek Ttur-Tturreko merkatariostalari@tturttur.eusera idatz dezakete.
Eskualdeko lau udalek elkarrekin antolatu dituzte udako kirol jarduerak. Dagoeneko izen-ematea irekita dago, Oiartzungo kasuan, Elorsoro kiroldegian. Oiartzunen 12 jarduera egiteko aukera izango da ekainaren 25etik irailaren 9a bitartean; lau urtez gorako haur eta gaztetxoentzat izango dira guztiak. Hala ere, lau udalen arteko elkarlanean antolatutako egitasmo honi esker, haur eta gaztetxo oiartzuarrek Errenterian, Lezo eta Pasaian antolatu diren jardueretan ere parte hartzeko aukera izango dute.
Silo plastikoaren bilketa berezia egingo du Udalak hilaren 24an (osteguna). Aurreko bi egunetan -hilak 22 eta 23utzi beharko da belar bolak biltzeko erabiltzen den plastiko berezia bilketarako zehaztutako puntuetan: Ergoienen, Arbelaitz bidearen sarreran; Gurutzen, Bizardia Elkartearen aurrean; Karrikan, Gaintzabal bidearen hasieran; eta Ugaldetxon, Txaparreko zintzilikarioen ondoan edo Zerradi poligonoko aportazio gunearen ondoan. Baserrietan tarteka sortzen den hondakin berezia da plastikoa eta urtean bi bilketa antolatzen ditu Udalak hondakin hau egoki kudeatzeko.
!
aski prexk aldizkaria
MAIALEN IRASTORZA: “Nik jantziko nituzkeen moduko poltsak diseinatzen ditut”
Klixk!
Maialen Irastorza dago Maixalaren atzean. Duela urte eta erdi inguru hasi zen, ia nahigabe, proiektu honekin. Ordutik, poltsak diseinatzen eta josten ditu. Egiten duen lana bertatik bertara ezagutu nahi baduzue, Oiartzungo Euskal Jaian (hilak 26) eta Etxalarko Gasna Ferian (ekainak 3) jarriko du postua.
Iturri Merkatari Elkarteak Oiartzunen bizi, Oiartzunen erosi kanpaina martxan jarri du. Hilaren 25 arte martxan egongo den kanpainan parte hartzen ari diren herriko komertzioetan erosten duten bezeroen artean 100 €ko bost sari banatuko dira.
Nola sortu zen Maixala proiektua? Koadrilako bati poltsa bat egin nion oparitzeko eta Txerri Eguneko azokarako animatzeko esanez hasi zitzaizkidan ingurukoak. Haurdun nengoen, denbora banuen eta postua jartzera animatu nintzen. Poltsa mordoxka egin nituen, jendeari gustatu zitzaizkion eta enkarguak jasotzen jarraitu nuen. Beraz, proiektuarekin hastea erabaki nuen. Nahiz eta Ingurugiro Zientziak ikasi, ondoren josten formatu zinen, Maixalarekin hasi aurretik. Asun Dominguezen akademian bi urtez patroigintza eta josgintza ikasi nituen. Jostea beti izan da hobby bat niretzat. Ama jostuna izana da eta hasieran asko lagundu zidan, baina orain oso ongi moldatzen naiz bakarrik. Maixala du izena zure markak. Ba al du azalpenik? Ba, ez! Txerri Egunean postua jartzeko izen bat pentsatzen hasi nintzen. Nahi nuen goxoa izatea, hizkuntza guztietan ongi egitea belarrira... Horixe okurritu zitzaidan eta horrela geratu da. Kalean baten bat Maixala poltsarekin ikusten duzunean, zer sentitzen duzu? Berdin zait ezaguna edo ezezaguna izan, izugarrizko ilusioa egiten dit. maixala.com martxan jarri berri duzu. Zergatik erabaki duzu internetera jauzia ematea? Proiektua zabaltzea da nire asmoa. Errazena webgune bidez egitea iruditzen zitzaidan. Gainera, erosketak egiteko errazagoa da. On-line erosteko aukera ematen dut orain. Hiru hizkuntzatan dago webgunea -euskaraz, gazteleraz eta ingelesez-. Edozein eskaera berezi egiteko nirekin kontaktuak jartzeko modua izango da. Azokak sortzaile eskulangile hasiberrientzako aukera onak al dira? Bai. Zure produktua ikusarazteko, jendeak probatzeko, prezioak tanteatzeko, oihala ukitzeko aukera... ematen dute. Pixkanaka aurrera egin behar da, baina hasteko ongi dago. Adibidez, orain Beasaingo denda batek nirekin kontaktatu du eta poltsa dexente hartu dizkit. Nire asmoa denda gehiagotara joatea da poltsak eskaintze-
ra. Gisa honetako proiektu bat bakarrik aurrera ateratzea erraza al da? Dena nik egin behar dut: diseinatu, josi, promozionatu, i+d... Ez dirudi, baina gauza asko egin behar dira horrelako proiektu bat aurrera ateratzeko. Hala ere, badut bazkidea: Iker -bikotea-. Dena kontsultatzen dut berarekin. Goi mailako ikastaro bat egin du ekintzailetzaren inguruan eta asko laguntzen dit. Oso inbolukratua dago proiektu honetan. Etengabe ari naiz diseinu berriak pentsatzen, tela berriak probatzen hasi naiz -orain larrua sartzen hasi naiz-... Profesionalizazio bidea hori da. Adibidez, hasieran telak denda txikietan erosten nituen, baina orain Italiatik eta Frantziatik ekartzen dut materiala. Bartzelonan Nazioarteko Feria bat egiten da eta hara joan nintzen. Kontaktuak egin nituen hornitzaileekin eta agente-komertzialaren bidez egiten ditut orain eskaerak. Gauza da gutxieneko kopuruak oso handiak direla niretzako eta negoziatzen aritzen naiz... Zuk zeuk diseinatzen dituzu josiko dituzun poltsak. Nondik abiatzen zara?
Herrian bizitzeak saria du Itturrirekin
Berrerabiltzea telazko poltsekin lantzen
Ekofish proiektuaren baitan, Elizalde Institutuko eta Haurtzaro Ikastolako DBH 3. mailako ikasleek antolatuta, telazko poltsak egiteko tailerra antolatu dute, oihal hori berrerabiltzeko aukerak landuz.
Oinarria gehiegi kargatu gabeko poltsa sinpleak diseinatzea da, elegantzi puntu batekin. Hori izaten dut buruan lanean hasteko orduan. Nik jantziko nituzkeen moduko poltsak diseinatzen ditut. Hortik abiatuta, koloreak nahasten ditut, baina beti sinpletasuna, elegantzia eta erosotasuna kontuan hartuta. Maixalaren txokoa nolakoa da? Etxeko gela batean tailerra dut prestatua lanerako. Estruktura bat dut, oihalekin, mozteko lekua dena. Gero, plantxatzeko tokia eta makinaren lekua ere baditut. Materiala gordetzeko txokoa ere bai. Gaur goizean bertan, enpaketatzeko mahaia jarri dut. Estudioa bete xamarra dago eta pentsatzen ari naiz garajean beste txoko bat prestatzea. Orain arteko eskaera bereziena zein izan da?
Haurrek ere dolua egin behar dutelako
Aingeru Oiartzabal psikologo oiartzuarra doluan aditua da. Abaraxka ludotekaren eskutik, haurrekin heriotzaren gaia nola landu zenbait irizpide emateko hitzaldia eskaini zuen. Guraso interesatu ugari hurbildu ziren, eta galderak egiteko aukera izan zuten.
Unibertsitate garaiko lagun bat Miamin bizi da eta, berarentzako eta lankideentzako poltsak eskatu zizkidan. Orain arte poltsak eta motxilak egiten dituzu. Baduzu sorkuntza zabaltzeko asmorik? Jende askok galdetzen dit, baina, printzipioz, ez. Niretzako arropa josten dut, baina oso gustura nago poltsak egiten. HARREMANETARAKO: www.maixala.com Instagram: maixala_ Facebook orrialdea: mai xala
TELEFONO BALIAGARRIAK: - Udaleko informazio bulegoa: 943 49 01 42 - Udaltzaingoa: 943 49 33 11 - Taxia eta taxibusa: 943 49 14 74 - Elorsoro udal kiroldegia:943 49 25 52 - Manuel Lekuona udal biblioteka: 943 49 38 64 - Osasun Zentrua: 943 00 65 05 - Urmendi Haur Eskola: 943 26 00 86 - Elizalde Herri Eskola: 943 49 01 93 - Haurtzaro Ikastola: 943 49 16 59 - Oiartzun Irratia: 943 49 37 11 - Helduen Heziketa Iraunkorra-EPA: 943 49 00 48 - Bidez Bide/Bidelagun programak: 690 769 466
GUARDIAKO FARMAZIA: Maiatzaren 11tik 17ra
Egunez: Antunez • Doneztebe plaza, 5 • 943 49 03 52 Gauez: Artetxe • Erdiko kalea, 26 (Errenteria) • 943 51 77 40