45. zenbakia
DATA
ORDUA
1
-
EKINTZA
Altzibarko festak
1-6
08:00-14:30 Euskara laguntzen eskaera
1-31
10:00-21:00 Udako igerilekua
2-4 2-30
09:00
Ikastaroa: PC, teklatua eta sagua erabiltzen ikasi
09:30-13:30 Udaleku irekiak
2-4-9-1116-18-2325-30
19:00
Sokatira entrenamenduak (neskak)
3-10-17
11:00
IT txartelaren azterketa
3-5-10-1217-19-2726
18:30
Danborrada entseguak (haurrak)
5-18
09:00
Ikastaroa: Oinarrizko Internet
7
18:30
Udako kontzertua (Laguntasuna fanfarrea eta Bohas orchestra)
7
21:00
Afari herrikoia
11
19:00
Euskaraldiaren bilera
14
19:00
14-15
13:00
15
LEKUA
ANTOLATZAILEA
Altzibarren
Altzibarko Jai Batzordea
Udaletxeko harreran
Udala
Udako igerilekuan
Udala
KZgunean
KZgunea
Haurtzaro Ikastolan
Abaraxka ludoteka eta Udala
Udako igerilekuko lokalean
Sokatirako neskak
KZgunean
KZgunea
Haurtzaro Ikastolako pilotalekuan
Ergoiengo Jai Batzordea eta Haurtzaro Ikastola
KZgunean
KZgunea
Doneztebe plazan
Soinuenea Fundazioa
Kontzejupean
Soinuenea Fundazioa
Fermiñenen
Euskaraldiko lantaldea
Lartaun abesbatzaren kontzertua
Hipatiaren lorategian
Lartaun abesbatza
Balaitousera irteera
Haurtzaro Ikastolatik
Girizia Mendi Taldea
Arditurrin
Udala eta Gipuzkoako Parketxe Sarea
Txinalkan izen-ematea
Udaletxean eta Elorsoro kiroldegian
Udala
Haurtzaro Ikastolako pilotalekuan
Ergoiengo Jai Batzordea
10:00-14:00 Arditurri Eguna (10. urteurrena)
15-30
-
17-19-2726
20:00
Danborrada entseguak (helduak)
19-23
09:00
Ikastaroa: Planifikatu bidaiak
KZgunean
KZgunea
24-25-2728-29-3031
-
Iturriozko festak
Iturriotzen
Iturriozko Jai Batzordea
24-27
09:00
Ikastaroa: Facebook
KZgunean
KZgunea
27-30
11:00
Ikastaroa: On-line izapideak Osakidetzarekin
KZgunean
KZgunea
31
19:30
Ainara Ortega eta Iñaki Salvador
San Esteban parrokian
Harri Beltza
deialdiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.
Euskaraldiaren prestaketa hasi da Oiartzunen Euskararen erabilera gehitu nahi da ahobizi eta belarriprest-ekin
Azaroaren 23tik abenduaren 3a bitarte Euskal Herri osoan egingo den ekimena da Euskaraldia. Euskararen erabilera gehitzeko gure herriak ahobizi-z eta belarriprest-ez betetzea da helburua.
2018ko uztaila
www.oiartzun.eus
Xanistebanak Iraitz Arabolazaren kartelak iragarriko ditu
Arraguako Aldeguna elkarteak botako du txupinazoa Aurtengo xanistebanak Iraitz Arabolazaren Non zozte? kartelak iragarriko ditu. Guztira, 27 lan aurkeztu dira aurtengo lehiara.
Oiartzunek, iazko abenduan Konpromisotik aD/Ritzera ekimena egin zuen, antzeko asmoekin. Egindakoa baloratu ondoren, Oiartzunek Euskaraldian parte hartzea garrantzitsua dela uste izan da, ekimena herriko ezaugarrietara moldatuz eta Oiartzungo euskararen erabileran pausoak ematen jarraitzeko.
Jai Batzordeko ordezkariek egin dute epaimahaikide lana: Aldeguna elkartea; Antiju Morik; Ardi Latxa elkartea; Arraztalo; Artaso elkartea; Auzokalte elkartea; Bizardia elkartea; Girizia elkartea; Girizia pala; Haurtzaro Atletismo Taldea; Haurtzaro Dantza Taldea; Haurtzaro Ikastola; HELTA; Honbu Kenpo Kai; Ibargain elkartea; Lartaun abesbatza; Mindara; Xanistebanetako Pregoia eta Txost.
Ekainean Euskaraldia aurkeztu eta Oiartzunen nola landu hitz egiten hasteko lehenengo bilera irekia egin zen. Hortik, Euskaraldiaren lantaldea osatu da. Aurrerantzean ere, bilera irekiekin jarraituko da.
Jai Batzordeko ordezkariek hala erabakita, aurten Arraguako Aldeguna elkarteak emango dio hasiera xanistebanei, abuztuaren 2an txupinazoa botata. IRABAZLEAK: Irabazlea: Iraitz Arabolaza Etxenagusia. Oiartzuar onena: Eneko Salaberria Gonzalez. Akzesitak: Fabian Iraola Poirotte eta Onintza Etxebeste Liras. 100TZE beka: Saioa Iñarra Hernandez eta Janire Perurena Oiartzabal.
Euskaraldia prestatzeko lehenengo bilera.
"Non zozte?" kartela.
Elizalde Herri Eskola, Eskola Kirolara bizikletaz
Urmendi Eguna, 0-3 hezkuntza komunitatearen festa
Udako igerilekua, irekita
Elizalde Herri Eskola izan da eskualdeko Eskola Kiroleko jardunaldietara bizikletaz desplazamendu gehien egin dituen ikastetxea. Hori saritzeko, ikasturte bukaeran Eskola Kirolako mugikortasun berdearen saribanaketa bertan egin zen eta bi bizikleta jaso zituen opari Elizaldek.
Urmendi Eguna ospatu zuen udal ikastola partzuergoak, 0-3 adin-tarteko hezkuntza komunitatearen festa. Eguraldiak asko lagundu ez bazuen ere, Maria Garaiar plazako egoitza nagusian antolatu ziren ekintzek eta txokoek batu zituzten guraso, haur eta irakasleak
Udako igerilekua irailaren 16a arte irekita dago. Elorsoroko bazkideek bazkidetza-zerbitzuen barruan dute. Gainerakoek denboraldiko bonoa (familiarra 122,4 €; helduak 91,80 € eta gazteak 61,20 €) edo eguneko sarrerak hartuta sartu daitezke igerilekura (helduak 7,30 € eta 3,65 € gaztea).
K ELKARRIZKETA • Orkatz Argote eta Ekain Etxeberria “Herriarteko Txapelketak ikusleengan sortzen du zerbait berezia” Gipuzkoako Herriarteko Txapelketan Oiartzungo pilotariak eskuz eta palaz parte hartu dute. Oiarpeko Ekain Etxeberria (eskuz) eta Txosteko Orkatz Argote (palaz) dira horietako bi. Herriarteko txapelketako lehenengo sentsazioak zein izan dira? EKAIN ETXEBERRIA: Gu final-zortzirenetatik hasi gara. Iaz finalera iritsi ginenez, aurrerago hasi gara jokatzen. ORKATZ ARGOTE: Zortzi herrik jokatu dugunez, zuzenean final-laurdenetatik hasi gara. Pala modalitate ezezagunagoa da, baina Oiartzunek badu jokatzeko ohitura, ezta? ORKATZ: 1994an antolatu zen aurrenekoz pala Herriartekoa, eta ordutik Oiartzun urtero atera da. Oiartzun bi bider izan da palaz Herriartekoaren irabazle, 1996an eta 2001ean (aurten ere bai). Izan ziren final batzuk, Oiartzun Errenteriaren kontra, non pilotari guztiak Girizia Kirol Elkartekoak ziren. Zeintzuk osatu duzue taldea? ORKATZ: Titular gisa Oinatz Aizpuruk, Jon Irigoienekin pala motzean eta paleta larruz, Antxin Ezkerro eta ni. Nik normalean pala motzean jokatu izan dut, baina Jon Irigoien ni baino hobea da. EKAIN: Guk hiru kategoriatan jokatzen dugu. Kadetetan, Ekain Sein eta Xabier Aburuza dira bikote titularra, eta ordezko, Mikel Aranburu. Jubeniletan, titular, Oroitz Sein eta Josu Azpiroz, eta ordezko, Ekaitz Salaberria. Seniorretan, ni atzelari eta Jokin Hernandez eta Zigor Salaberria aurrelari. Herriartekoan herriaren izenean jokatzen da. Berezia egiten al du horrek?
ELKARRIZKETA • Ixi Ibarguen eta Udane Madariaga “Auzoetan suaren inguruan sortzen zen giroak inbirituta hasi gara” Doneztebe plaza inguruko zenbait bizilagun elkartu eta plazako sanjuan sua indartezko asmotan dabiltza. Horietako bi dira Ixi Ibarguen eta Udane Madariaga. Plaza inguruko bizilagun batzuk elkartu zarete sanjuan sua indartzeko asmoz. Zergatik? IXI IBARGUEN: Ikusten genuen auzoetan giroa sortzen dela suaren inguruan, aitzakia horreki jendea elkartu egiten dela eta pixka bat inbirituta hasi gara. Ibintzak (Iragorri) komentatu zidan zeozer egiteko asmoa zegoela eta animatu nintzen. UDANE MADARIAGA: Oihana (Mujika) aspalditik ari zitzaidan komentatzen plazan zerbait egin beharko genukeela. Nik orain arte Gurutzen ospatu izan dut sanjuan sua. Baina egia da falta sumatzen genuela, batez ere umeak dauzkagunok. IXI: Orain arte oso su ttikia izaten zen, segituan bukatzen zen festa, triste xamarra zen... Zer da prestatu duzuena?
K ORKATZ: Pilotariengan baino, eta batez ere eskuaren kasuan, ikusleengan sortzen du halako zerbait berezia. Urtean zehar Madalensoron partida pila izaten dira, baina Herriartekoa denean bezainbeste jende ez da joaten ikustera. Palaren kasuan, finalera iritsi izan garenetan ingurukoak hurbildu izan dira, baina bestela ez du tiradarik. Betidanik horrela izan dela esatera nindoan, baina aurten Mugarri pilotaren ingurukoa izango da eta argazki batzuk ikusten aritu naiz 50. hamarkada hasieran frontoia lepo beteta agertzen zena pala partidetarako. EKAIN: Oso ados nago esan duenarekin. Urtean zehar partida mordoa jokatzen ditugu Madalensoron eta asko kostatzen da jendea frontoira hurbiltzea. Herriartekoa jokatzen dugunean, askoz jende gehiago hurbiltzen da. Maila batean, sentitzen duzu zure herria defendatzen ari zarela. Denok jokatu nahi izaten dugu Herriartekoa. Gainera, azken urteetan nahiko belaunaldi txukunak suertatu dira, talde onak atera ditugu. ORKATZ: Txapelketa honetan ohitura izaten da herri batek besteari afaria edo bazkaria ematea. Pilotarientzako hori da politena. EKAIN: Guk hemen jokatzen dugunean, kontrarioekin Iturriozko Iturri Berri elkartean afaria egiten dugu. Etsaitasuna kantxan utzi eta harmonia on bat sortzen da. Hori da polita. Z e n b a t g a r r e n Herriartekoa da zuotako bakoitzarentzat? ORKATZ: Nik eskuz jokatu izan dut. Bost bat aldiz parte hartu nuen modalitate horretan, eta palaz 2003tik urtero parte hartu dut -2008an izan ezik-.
EKAIN: Aurtengoa seigarren urtea dut jarraian. Infantila nintzela hasi nintzen, Kadetetan sartu nindutelako. Seniorretan ardura gehiago sentitzen da. Puntuak berdina balio du, baina ttikiago nintzenean ez nion garrantziarik ematen, gustura jokatzea zen inportantea. Lehenengo partida galduz gero, zaharragoek hobetuko zutela pentsatzen nuen. Orain pisu hori gure gain dago. Iaz finalera iritsi zen Oiartzun eskuz. Aurten nolako panorama duzue? EKAIN: Aurten panorama oso zaila dugu. Hasieran herrien artean adarrak egiten dira zozketa bidez. Finalerdietara iritsiz gero, Azpeitiarekin gurutzatuko gara, gure iazko borreroarekin. Urtetik urtera talde hobea ateratzen dute, eta aurtengoa inoiz atera duten onena da. Edozer gauza gerta daiteke, baina oso zaila dugu finalera heltzea (finalerdietatik ez da pasatu aurten Oiartzun). Eta, palan, badago destakatzen duen herririk? ORKATZ: Azkeneko urteetan Andoain izan da. Aurten batek utzi du eta taldea pixka bat ahuldu da, baina azkeneko 10 urteetan 8-9 aldiz iritsi dira finalera. Donostia ere txukun ibiltzen da. Madalensoron jokatzea abantaila izaten al da Herriartekoan? EKAIN: Bai, eta ez. ORKATZ: Chauvinismoa dirudi, baina Madalensoro dagoen frontoirik onena da. Noblea da. EKAIN: Frontoi honek dituen ezaugarriak oso leku gutxitan aurkitzen dira. Lurra ona da, frontisa ere bai... Gustura jokatzen dugu guk, baina kontrarioek ere bai. ORKATZ: Beste frontoietan handicap gehiago egoten dira lurrarekin, argiekin, irteerekin... Zerbait arraroa beti izaten da. Kanpotik datozenek Oiartzunen ongi jokatzen dute. EKAIN: Oiartzunen jokatzen ari zarenean ongi jokatu nahi duzu, zure jendea dagoelako ikusle, eta batzuetan nerbioek pasada txarra ematen dute.
IXI: Ideia pila bat bota ziren elkartu ginenean. UDANE: Festa beti bezala, ikastolako dantzariekin hasi da. Gero, su handia muntatuko dugu. Trastoak izkina batean izan ditugu eta denon artean jarri dugu. Gero, sua piztu genuen. IXI: Killirikupen joan gara trastoak jasotzen. UDANE: Gero, afaria izan zen: etxetik eramandakoa eta sardina erreak. Jon Martinek aipatu zuen erritual bat, berak umetan Ugaldetxon ezagutua: ohitura omen zen patatak bildu, sutara sartu, eta gero, haiek jatea. Herri batzutan agertzen da ohitura hori. Berreskuratu egin dugu. Jan ondoren, musika saio inprobisatua izan zen. IXI: Udanek zumitzezko kutxa bat ere lortu du gauza txarrak, beldurrak... idatzita han sartu eta sutara botatzeko. Nola antolatu duzue festa? UDANE: Hilabete eskasean egin dugu. Berandu hasi gara eta ahal duguna egin dugu. IXI: Behin elkartu gara. Giro polita sortu da. Ia denak gurasoak izan gara. Dexente elkartu gara. UDANE: Gure artean harreman gehiegi ez dugunak elkartu gara. Jende ezberdin asko. Ezagunak, baina elkarrekin sekula ezertan aritu gabeak. Hori izan da politena. Elizalde da herriko auzorik populatuena, baina auzo-giro gutxien duela aipatzen da askotan. Ados al zaudete? IXI: Nik uste baietz. Orain arte, gu ere auzoetara mugitu izan gara sanjuan suan: Iturriotzera, Altzibarrera...Plazan geratu izan garen urteetan, etxekoekin zerbait egin dugu. Haurtzaro Dantza Taldeak aurten ere dantzatuko du. Koordinazioa beharrezkoa izan da, beraz. UDANE: Bai. Dantzariek gero beraien auzoetara joan nahi izaten dute. Guraso asko elkartu zaretela aipatu duzue. Zuen seme-alabak nola bizitu dute plazako sanjuan sua?
UDANE: Nireak, haserre, bere etxeko kutxa erreko dugulako, kar-kar! IXI: Guk ttikitan asko bizitzen genuen sanjuan sua auzoan. Gure semealabei esan diegu aurten zerbait berezia egin dugula plazan. Ea eurek ere hemendik aurrera bizitzen duten sanjuan sua gauza berezi gisa. Plazaren erdi-erdian piztu duzue sua, ezta? IXI: Pentsatu genuen plaza ez zen tokiren batean egitea sua eta aritu ginen aukerak begira ere. Baina oso zaila zen... UDANE: Araudiarengatik, plazan sua bailaz inguratu izan behar dugu. Eta haurrentzako ez da hain polita. Eremu pribatuetan, adibidez, ez dago halakorik egin beharrik. Xabik (Salaberria) kontatu zuen Arizkunen etxe atari bakoitzean lasto-fardo bati su ematen diotela eta bizilagunak atariz atari saltoka joaten direla. Polita zitekeen bibliotekatik behera hori egitea, baina ezinezkoa da... Zergatik animatu zenituzkete plaza inguruko bizilagunak hurbiltzera? UDANE: Hasteko, auzo girorako. Eta, bestetik, sanjuan suaren inguruan dagoenarengatik. Hurrengo urteari begira solstizioa ospatze aldera, gauzak ongi landu eta buelta erdia ematea da gure asmoa, kristautasunak kutsatu gabeko ospakizun bat egite aldera. Gure amonek sanjuan berde, berde, berde, sorginak eta zapoa erre, eta horrelako abestiak abesten zituzten, baina guk ez di gure haurrei sorginak eta zapoak erretzen erakutsiko; beste gauza batzuk, baizik: inkisidoreak, amesgaiztoak, beldurrak... IXI: Aritu ginen sanjuan suaren inguruan zer dakigun elkarbanatzen eta Jon Martin baserrietan galdezka aritu da. Jakin dugu garai batean emakumeak zuela protagonismoa: suarekin zelaiak bedeinkatzen omen zituzten. UDANE: Ura ere asko erabiltzen omen zen. Hurrengo urterako etxekolan potoloa dugu ohitura hau ikasten eta ulertzen. Gainera, Jon Martinek bertso bat sortu du plazako sanjuan surako: Sanjuan sanjuan zu piztera nijuan/sanjuan sanjuan kixkal su bajuan.
KLIXK Ergoienen festa, Altzibarren jai!
Ergoiengo festak giro ederrean pasatu dira aurtengoan ere. Nahiz eta eguraldia ez zen zintzoegi portatu ergoiendarrekin, prestatutako guztiarekin aurrera egiteko aukera izan zuten. Ekaina bukaeran, Altzibarko festak ere izan dira (edizio hau ixterakoan, oraindik ospatzeko zeuden).
Ikastola Eguna, festa luzatuz
Haurtzaro Ikastolak festa eguna ospatu zuen ekaina hasieran. Beste urteetako festa motzegi omen zela eta, aurten, afaltzeko ogitartekoak bertan jaten luzatu zuten eguna ikasle, guraso eta langileek.
Erabakitzeko eskubidearen alde, 1.500 oiartzuar
Gure Esku Dagok Donostia eta Gasteiz lotzeko 202 kilometrotako giza katea osatu zuen. 1.500 oiartzuar baino gehiagok bete zituzten kate horretako 23. eta 25. kilometroak, Orio eta Zarautz artean. Beste behin ere, euskal herritarrok gure etorkizuna erabakitzeko eskubidea aldarrikatu zuen GED-ek.