Oiartzungo
86. zenbakia
2018ko abuztua
www.oiartzun.eus
udalainformatzen
Mugikortasun iraunkorra bultzatzen duen Oiartzun 26 2 Sarrera | 3 Agurra | 4 Udal Albisteak | 18 Iritzia | 20 Auzoak | 22 Herriko berri | 26 Erreportajea | 29 Iruditan | 32 Gotti Betti
oiartzungoudalainformatzen
telefono interesgarriak Udal telefono zenbakiak
Zerbitzuak
Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza eta Atez ateko bulegoa 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11 Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10
Osasun zentroa 943 00 65 04 DYA 943 46 46 22 Jubilatuen elkartea 943 49 00 02 Zaharren egoitza 943 26 10 80 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oarsoaldea eskualdearen garapenerako agentzia 943 49 41 29 Behemendi 943 49 02 19
Turismoa Hezkuntza Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93 Komunikabideak Oiartzun irratia 943 49 37 11 Oarsoaldeko Hitza 943 34 03 30
Haurtzaro ikastola 943 49 22 12 Elizalde Herri Eskola 943 49 01 93 Elizalde Institutua 943 49 10 17 Urmendi Haur Eskola 943 26 00 86 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48
Harremanetarako, ekimenen berri emateko, proposamenak egiteko… hau da Oiartzungo udal aldizkariaren helbide elektronikoa: komunikazio@oiartzun.org
ohar garrantzitsua Udal aldizkaria euskara hutsean kaleratuko da. Oiartzungo Udalak urte asko daramatza euskara normalizatzearen aldeko lana eginez. Aldizkari hau, horregatik, euskara hutsean kaleratzen da. Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo komunikazio@oiartzun.org helbide elektronikora mezu bat bidaliz. Eskaera egitean, nork bere datuak eman beharko ditu, aldizkaria jaso ahal izateko.
NOTA IMPORTANTE La revista se publicará íntegramente en euskera. El ayuntamiento de Oiartzun lleva muchos años comprometido con la normalización del euskera. Esta misma revista, por eso, se publica únicamente en euskera. No obstante, todo aquel que este interesado tendrá la posibilidad de recibir un resumen de los contenidos más importantes de cada número. Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección komunikazio@oiartzun.org. Al realizar la solicitud, el interesado deberá facilitar sus datos, para poder recibir la revista. Argitaratzailea: Oiartzungo Udala Diseinua eta maketazioa: Dixidu Diseinu Grafikoa Inprimaketa: Antza Komunikazio Grafikoa Lege Gordailua: Donostia-1216/91
2
www.oiartzun.eus
oiartzungoudalainformatzen
agurra
Jon del Olmo LarraĂąaga Ogasun zinegotzia Kaixo oiartzuarrok! Xanistebanak hurbiltzen ari diren honetan, hitz hauek idaztea egokitu zait Udalaren berri ematen duen aldizkari honetan. Eragileak, norbanakoak eta Udala bera buru-belarri gabiltza festetako egitaraua osatu eta festa ahalik eta arrakastatsuenak izan daitezen. Zinegotzi naizenetik herritar askok galdetu didate: Eta zu zein sailekoa zara? Ogasuneko zinegotzia izaki, aurpegi arraroa jarri ohi du jendeak erantzuna entzunda. Hala ere, batzuetan ahaztu egiten zaigun arren, aurretik aipatu ditugun festak eta beste zenbait egitasmo Ogasun sailean egiten den diru-bilketa eta kudeaketari esker egin daitezke. Eta udan egitasmoen erritmoa moteltzen den arren, dagoeneko hurrengo urteko aurrekontuetan pentsatzen hasiak gara. Iraila hasierarako lehenengo zirriborroa edukiko dugu eta zirriborro horrekin joango gara auzoetara iraila
bukaeran. Auzo batzarretan izaten dugu Udalean ikusten ditugun beharrak auzotarrekin elkarbanatu eta hurrengo urtea ahalik eta hoberen antolatzeko aukera. Beraz, edonork ideiarik badu, ongi etorriak izango dira. Auzo batzarrak ez dira bide bakarra horretarako, webgunea, sare-sozialak eta zinegotziak ere hor baikaude. Gardentasunaren bidean, urtero zintzilikatzen ditugu aurrekontuak webgunean eta horien bilakaera hiru hilabetero. Aurten, berritasun gisa, Xanistebanetako aurrekontua ere argitaratuko dugu, garrantzitsua baita denok jakitea diru publikoa zertan gastatzen dugun. Gastatzeko baitago, baina ongi gastatzeko. Nahi duenak, eskuragarri izango du www. oiartzun.eus/eu/Festak/Xanistebanak loturan. Besterik gabe, Ogasuneko gaiak aspergarriak izango ez zirelakoan, Xanistebanik alai eta zoriontsuenak opa dizkiet oiartzuarrei. Gora Xanistebanak eta gora gu!
www.oiartzun.eus
3
oiartzungoudalainformatzen
udal albisteak Mugikortasun eredu iraunkorra sortuz Urtero, auzo batzar guztietan agertzen da mugikortasunaren gaia. Eredu iraunkorraren aldeko apustua egin nahi du Udalak Mugikortasuna gai zabala da: bere baitan hartzen ditu oinezko bide seguruak, bidegorriak, garraio publikoa, ibilgailu pribatuaren erabilera, aparkalekuak‌ Auzo batzar guztietan, mugikortasunarekin lotutako gaiak errepikatzen dira urtero: abiadura arazoak, espaloien mantenua, auto eta oinezkoen arteko elkarbizitza, bidegorriaren erabilera...
Oiartzungo Udalak ahalik eta mugikortasun eredurik iraunkorrena bultzatu nahi du, ahal den neurrian ibilgailu pribatuak alde batera utzi eta oinezko, bizikletazko zein garraio publikoko joan-etorriak sustatuz. Horretarako, zenbait hobekuntza eta erraztasun bideratu dira herri mailan azkenaldian.
BIDEGORRIA: Bidegorria herriaren arnasgune izateaz gain, auzoen arteko komunikaziorako bidea da, bai oinez eta bai bizikletaz. Bidegorri sarean mantenu eta hobekuntza lanak egin dira. Epe motzean, hobekuntza gehiago aurreikusita daude.
Altzibar-Karrika: Altzibar-Karrika bidegorriaren lotura hobetu eta luzatuko da. Proiektua idatzita dago eta urtea bukatu aurretik lanak gauzatzen hastea da Udalaren helburua. Ergoien: Arbelaitz bidea bidegorriarekin lotu izanak bide horretako etxebizitzetako bizilagunei oinez bide segurua izateko aukera eman die eta beste auzoetara -Altzibar, herrigunea‌- zein Ergoiengo erdigunera iristeko aukera. Ugaldetxo: Ugaldetxon, bidegorria Kalexa plazarekin eta kirol-gunearekin lotzeko zubia eraikiko da. Proiektua idatzita dago eta aurten hasiko dira lanak. 200.000 ₏ inguru inbertituko ditu Udalak lotura seguru honetan. Zubi honek Ugaldetxori egitura emango dio.
4
www.oiartzun.eus
oiartzungoudalainformatzen
udal albisteak OINEZKOENTZAKO BIDE SEGURUAK: Segurtasuna bermatzea da oinezko desplazamenduak bultzatzeko puntu garrantzitsuenetako bat. Hori dela eta, legegintzaldi honetan espaloiak berritzea eta berriak sortzea apustu garrantzitsua izan da. Hala ere, oinezkoen segurtasuna eremu gehiagotatik ere bermatu behar da eta horretarako neurriak ere hartu dira. Altzibar-Iturriotz: Altzibar eta Iturriotz arteko espaloia berritu da, Zelaia etxadia eta Ziara kalearen artean. Bi auzoetatik iritsitako eskaera zen bide horren mantenu-lana egitea. 186.000 â‚Ź inbertitu ditu Udalak lan hauetan. Arragua: Ganboxa ingurua berrantolatzeko lanen baitan EuskoTren parean espaloi zati berri bat eraiki da. Elizalde: Legarreako irisgarritasuna hobetzeko egin diren lanen baitan, oinezkoentzako bide segurua kontuan izan da. Legarreako malda oinezkoentzako irisgarriago bihurtzeko egin dira lanak, hein handi batean. Elizalde eskolaren ondoko pasabidea ere berritu eta argitu da legegintzaldi honetan. Auzotarren eskaera izateaz gain, emakumeentzako puntu beltzen inguruko diagnostikoan ere eremu hori agertu zen, gune ilun eta segurtasun gutxiko gisa definituta. Manuel Lekuona etorbidea ere berritu da. Oinezkoentzako bide seguruagoa zehaztu da, ibilgailuen eremua mugatuz. Lurzorua ere egokitu da, oinezkoentzako egokiagoa izan dadin. Udako igerilekua irekita dagoen garaian trafikoa berrantolatu da espaloiak oinezkoentzako libre uzteko. Goizueta kale parean errepidea moztuta, hilerri arteko errail bat aparkatzeko jarrita, espaloiak libratzea lortu da.
Iturriotz: Tronpeoko maldan oinezkoentzako bide segurua markatu da eta eskola-ordutegiaren barruan, trafikoarentzako norabide bakarra jarri da (ikastetxeetatik Iturriotzera jaitsi behar da). Ikastetxeetako sartu-irteerak trafiko handiko momentuak izaten dira eta segurtasuna bermatzeaz gain, trafikoa antolatzeko hartutako neurria izan da, Haurtzaro Ikastolarekin eta Elizalde eskolarekin kontrastatua eta adostua. Ibarren, semaforoak jarri eta zebrabidea egiteko proiektua idatzita dago. GI-3631 errepidea Gipuzkoako Foru Aldundiarena izanik, ezinbestekoa izan da negoziaketa. Horren ondorioz, Aldundiak eremu honetarako proiektua idaztea lortu du Udalak.
Karrika: Lehendik bazegoen Larraldapa eta Beheko Errota arteko espaloia berritu da eta Beheko Errotatik plaza arte, espaloi berria egin da eremu batzuetan (Iturburu haurtzaindegi aurrean eta Karrika kalean -Olaleku eta Etxezahar artean-). Beheko Errota eta Etxetxo arteko tartean, oinezkoentzako bide segurua markatu da.
Ugaldetxo: Mendibil, Katalintxo eta Juansendo kaleetako espaloiak berritu dira. Ihurrita bideko espaloia ere konpondu da (Ugaldetxo industrialdearen parekoa).
Poligonoak: Lintzirin eremuan oinezkoentzako espaloiak egin dira, eremua biziberritzeko lanen baitan. Oraintxe bukatu da Lintzirin eremuaren biziberritzearen hirugarren eta azken fasea. Horrez gain, Ugaldetxo eta Arragua lotzen dituen ArangurenTalaia poligonoko espaloia ere berritu eta konpondu da. www.oiartzun.eus
5
oiartzungoudalainformatzen
udal albisteak OINBUSA:
6
Zer da? Oinbusa ikasleak ikastetxeetara oinez joateko egitasmoa da. Garai bateko mugikortasun ohiturak galdu dira eta, geroz eta gehiago, gurasoek banaka daramatzate euren seme-alabak ikastetxera. 2008/2009 ikasturtean Oiartzunen martxan egon zen Oinbusa berreskuratu da.
Helburuak Mugikortasun iraunkorra sustatu eta auto kopurua murrizteaz gain, ohitura osasuntsuak, bizilagunen arteko harremana eta haurren autonomia sustatzen ditu Oinbusak.
Zergatik? Eskola Agenda 21n baitan, 2017/2018 ikasturtean mugikortasun iraunkorra landu dute herriko 1.400 ikaslek ikastetxeetan eta euren eskaera ere izan da Oinbusa martxan jartzea.
Nola funtzionatzen du? Altzibartik, Iturrioztik eta Ugaldetxotik bide seguruak markatu dira Elizalde Herri Eskolara eta Institutura, eta Haurtzaro Ikastolara. Gezi horiek markatzen dute bidea eta puntu batzuetan (geltokiak), ikasleak Oinbusera batzen dira. LHko ikasleekin guraso bolondresek egiten dute joan-etorria. DBHko ikasleak, euren kabuz joaten dira.
www.oiartzun.eus
oiartzungoudalainformatzen
udal albisteak BIZIKLETENTZAKO APARKALEKUA: Maiatzaz geroztik, bizikletak uzteko tokia prestatu da Euskal Herria plaza barruan. Honela, herrigunera bizikletaz etortzea bultzatu nahi da, eta txirrinda uzteko toki segurua jarri oiartzuarren eskura. Erdigunean ere zerbitzu hau jarri da, herritarren eskaeretatik abiatuta. Elizalde auzoan bertan, Elorsoro kiroldegian ere badago bizikletentzako aparkalekua. Baita Haurtzaro Ikastolan eta Elizalde eskolan ere, ikasleentzat.
GARRAIO PUBLIKOA:
erabiltzaile oiartzuarrek Lurraldebuseko tarifen onurak jaso ditzaten (gaur egun 0,70 â‚Ź balio du bidaia-txartel bakoitzak).
Xorrola: Herri barruko autobusa ongi errotutako zerbitzua da: urtean 73.000 erabiltzaile inguru ditu (2017ko datu zehatza 73.371 erabiltzaile izan zen). Iaz garraio publikoaren inguruan herritarrekin egin zen partehartze prozesutik ateratako ondorioak direla eta, kontratuaren urtebeteko luzapenean, froga gisa, abuztu guztian goizez zerbitzua eskainiko du aurten Xorrolak: 07:10etik 15:10era, astelehenetik ostiralera (xanistebanetako zerbitzu berezia mantenduko da). Nahiz eta Lurraldebus txartelarekin bidaiatu daitekeen Xorrolan, Udalaren erronka epe ertainean Xorrola eta Lurraldebusen arteko hitzarmena sustatzea da, honela,
Taxibusa: Ergoien, Gurutze, Legarre eta Karrikatik pasatzen den taxibusak bestelako garraio publikorik ez duten auzoetako bizilagunei eskaintzen die zerbitzua. 0,50 â‚Źren truke, herrigunearekin lotzen ditu Oiartzungo landa-eremuko auzoak. Epe motzean, zerbitzua eskaintzen duen ibilgailua aldatuko da, auto elektriko batekin. Honela, gutxiago kutsatuko da. www.oiartzun.eus
7
oiartzungoudalainformatzen
udal albisteak LANIN, euskara eskolak eta Lanbarrengo konpromisoak LANIN egitasmoak Lanbarren poligonoko 21 enpresa ttiki eta ertain bisitatu ditu, lan-munduan euskararen erabilera gehitu eta normalizatzeko egitasmoaren berri emateko. Horietako 12k konpromisoak hartzeko borondatea agertu dute. Azken hilabete honetan, lanketa bera egiten aritu da LANIN Lintzirin eta Makarrastegi poligonoetan. Egitasmoaren barruan, Lurauto enpresako hamar ikasle euskara eskolak hartzen hasi dira, Udalak lagunduta.
Euskararen paparazzi onenak, oiartzuarrak Oarsoaldeko Euskara Batzordeak antolatutako Euskararen paparazziak argazki lehiaketako sari nagusia Oiartzunera etorri da aurten: 400 â‚Ź eskualdeko establezimenduetan erabiltzeko. Alazne Etxeberriak eta Irati Odriozolak Kastro tabernan ateratako argazki bat izan da irabazle lehiaketara aurkeztutako 42en artean.
Euskaraldiaren prestaketa hasi da Oiartzunen Euskaraldia izango da azaroaren 23tik abenduaren 3ra, Euskal Herri osoan, euskararen erabileran eragiteko. Oiartzunen, iazko Konpromisotik aD/Ritzera egitasmoaren ondoren, erronkari heldu diote Udalak, euskalgintzak eta norbanakoek. Batzar ireki bidez antolatuko da prestaketa, dagoeneko martxan dena.
8
www.oiartzun.eus
oiartzungoudalainformatzen
udal albisteak
UEMA Egunean, ‘Konpromisotik aD/Ritzera’ azaltzen Diman (Bizkaia) ospatu den azkeneko UEMA Egunean, Oiartzungo Konpromisotik aD/Ritzera egitasmoaren berri eman zen. Aitziber Arnaiz Euskara teknikariak eta Irati Etxebeste Arnasgune Lantaldeko kideak beste herri euskaldunei beharrezko azalpenak eman zizkieten.
Jatetxeak, euskararen saltsan Oarsoaldeko Euskara Batzordeak aurten jatetxeen gremioan euskararen normalizazioa sustatuko du. Menuak euskaratzen hasi dira eta udazkenean, Oiartzunen 100 €ko sei sari banatuko dira kanpainan parte hartzen duten herriko jatetxeetako bezeroen artean. Oiartzungo 26 jatetxek parte hartuko dute egitasmoan.
Redadeg, oiartzuarrak ere bretoieraren alde Bretoieraren aldeko Redadeg lasterketan parte hartu du oiartzuar talde batek aurten, Oiartzun-Karaez Senidetza Elkarteak eta Oarsoaldeko AEK-k bultzatuta. Josune Cousillas eta Domi Azpiroz zinegotziek ordezkatu dute Udala. Oiartzungo Udalak kilometro bat erosi du; eta Haurtzaro Ikastolak beste bat.
www.oiartzun.eus
9
oiartzungoudalainformatzen
udal albisteak
Ganboxa txukuntzeko lanak egin dira Arraguako Ganboxa eremua berrantolatzeko lanak egin dira: kalea konpondu, aparkalekuak atondu (87 guztira), Euskotren parean espaloia egin eta Iturrine plaza zein autopista azpiko zubiraino asfaltoa botatzea izan da lanen helburua. Arraguako auzo batzarretan jasotako eskaera izan da eta 180.000 â‚Ź inbertitu ditu Udalak.
Aparkaleku berria Elizalde auzoan Elizalde auzoko Ormazabal-enea eremuan aparkaleku publiko berria sortuko du Udalak. 85 autorentzako tokia izango du eta irekia izango da. Lanak datozen asteetan hasiko dira.
Iparralde etorbidean trafiko aldaketak Iparralde etorbidean, Legarreatik Gurutze aldeko norabidean ezingo da aparkatu Ormazabal-eneako aparkalekuaren lanak bukatzen direnetik aurrera. Gipuzkoako Foru Aldundiak Iparralde etorbideko berrantolaketa lanak baimentzeko jarritako baldintza izan da hori. Legarreatik Arragua aldera, berriz, aparkalekuak txukundu dira. Legarreako lanak ere azken fasean sartu dira.
10
www.oiartzun.eus
oiartzungoudalainformatzen
udal albisteak
Oiartzungo Politika Feministen I. Plana egiten ari da Udala Udala Oiartzungo Politika Feministen I. Plana lantzen ari da, Feminismo sailaren bidez. Emakunderen diru-laguntza jaso du Udalak lan hau gauzatzeko: planaren %75a finantzatuko da laguntza honen bidez. Besteak beste, 2008an egindako diagnostikoa eguneratu eta datozen urteetarako helburuak, lehentasunak eta esku-hartzeak zehazteko balioko du. Urte bukaerarako prest egongo da Plana.
Chavela Vargasen bizitza, LGBTQ mugimendura hurbiltzeko Chavela Vargas abeslari ezaguna izan da aitzakia Sexu Askapenerako Nazioarteko Eguna Oiartzunen ere ospatzeko. Berdintasun sailak eta Oiartzungo Feministen Asanbladaren arteko elkarlanari esker nazioarteko film jaialdietan erakutsi den dokumentala gurean ikusteko aukera izan dugu.
Udalekutako hezitzaileak hezkidetzan hezten Udaleku irekietako 40 hezitzailek hezkidetza tailerra jaso dute, Urtxintxa Bizkaiako dinamizatzaile baten eskutik. Hezkidetzaren inguruko oinarrizko printzipioak ezagutu eta Oiartzungo udaleku irekiak generoak baldintzatu gabeko udaleku aske eta hezitzaileak izateko. Berdintasun eta, Gazteria eta Kirol sailek elkarlanean antolatu dute tailerra.
www.oiartzun.eus
11
oiartzungoudalainformatzen
udal albisteak
Oiartzungo Ondarearen Proiektua osatzen hasi da Oiartzungo kultura eta historiaren ondarea bildu eta Ondarearen Proiektua osatzeko egitasmoarekin hasi da Udala, herritarrekin elkarlanean. Aurkezpen publiko baten ondotik, Ondarearen Mahaia osatu eta lehenengo erronka dagoeneko egina eta bilduta dagoen argitalpen, ikus-entzunezko eta material grafikoaren inbentarioa egitea izango da.
Udal artxibora ikasleen bisitak Udal artxiboa ondare iturri izugarria da, eta maiz, ezezaguna. Ekainean, EHUko Antropologia graduko ikasleak hurbildu ziren Alvaro Aragon historialari oiartzuar eta irakaslearekin Oiartzungo herriaren altxor hau ezagutzera.
Xanistebanetako txupinazoa Aldeguna elkarteak botako du Aurtengo xanistebanei Arraguako Aldeguna elkarteak emango die hasiera, Jai Batzordeak hala erabakita. Elkarteak aurten 50 urte betetzen dituela eta xanistebanetako Jai Batzordeko kide gisa urteetan egindako lana errekonozitu nahi izan zaio festen hasierako txupina botatzeko ohorea emanez. Xanistebanetako aurrekontua xehetuta ikus daiteke www.oiartzun.eus-en.
12
www.oiartzun.eus
oiartzungoudalainformatzen
udal albisteak
Txomin Perurenaren garaikurrak, herritarren bistara Txomin Perurena txirrindulari ohiak Oiartzungo Udalari emandako garaikurrak Elorsoro kiroldegiko sarreran jarri dira, beirate batean, herritar guztien bistara. Beiratea desestaltzeko ardura Perurenak berak izan zuen.
Alain Isasa senseiari harrera Alain Isasa Zufiria senseiari harrera egin zion Udalak kenpo kaiko Munduko Txapelketara joan aurretik, herri guztiaren partetik animoak emateko. Emaitza onarekin itzuli zen Budapestetik (Hungaria): Munduko txapeldunordea da oiartzuarra.
Tximeletak Oiartzungo Udala saritu du Tximeleta Elkarteak, Gimnasia Erritmikoko II. Txapelketaren baitan, Oiartzungo Udalari omenaldia egin zion, “Oiartzungo Udalak kirolaren bidez sustatzen dituen helburu hezitzaileak” direla eta. Enekoitz Markos Kirol zinegotziak jaso zuen aipamena, “kirolelkarteek ere balore hezitzaileak lantzeko egiten duten lana” eskertuz.
www.oiartzun.eus
13
oiartzungoudalainformatzen
udal albisteak San Markoseko 2016ko aurrekontuak ere baliogabetuak Oiartzungo, Hernaniko eta Usurbilgo udalon helegitea aintzat hartuta, Euskadiko Auzitegi Nagusiak San Markos Mankomunitateko 2016ko aurrekontuak baliogabetu ditu. Bigarren aldiz, arrazoia eman digute epaitegiek. Sententzia eskuetan, bai San Markosen eta baita Gipuzkoako Hondakinen Kontsorzioan ekarpenak eta tarifak kalkulatzeko irizpide justuak aldarrikatu ditugu, Europatik ere badatorren gehien birizklatzen dutenak saritzeko irizpidea kontuan hartuta.
HOBEKI-ko kide bihurtu da Oiartzun Oiartzungo Udala HOBEKI erakundeko kide bihurtu da, hondakinen kudeaketa arduratsu eta jasangarriaren aldeko udalerrien elkartea. Euskal Herri mailako erakundea izateko asmoz sortu da eta oraingoz 11 udalerri gara kide: Oiartzun; Antzuola; Berastegi; Berriatua; Donemiliaga; Hernani; Larrabetzu; Leintz-Gatzaga; Segura; Usurbil eta Zaldibia.
Ganaduzaleen Elkartearen estatutuak eta zuzendaritza berrituak Oiartzungo Ganaduzaleen Elkarteko estatutua eta zuzendaritza batzordea berritzen lagundu du Udalak. Laster Larre Planaren baitan egingo diren lanen egutegia zehazteko batzarra egingo da. Aurtengo lanak ere Udalak eta Gipuzkoako Foru Aldundiak finantzatuko dituzte: erakunde bakoitzak 30.000 â‚Ź bideratuko ditu Larre Planera.
14
www.oiartzun.eus
oiartzungoudalainformatzen
udal albisteak
Zuhaitz landaketa, Altzi inguruan Aurten, zuhaitz landaketa Gurutzen izan da, Altzi inguruan. Beste urte batez, Udalak herriko ikastetxeetako ikasle eta gurasoen laguntza izan du bertako basoa berreskuratzeko lanean.
Torri Gukin, Deustuko Unibertsitatean hizpide Torri Gukin egitasmoko parte-hartzaileak eta dinamizatzailea Deustuko Gizarte Heziketa graduko ikasleekin elkartu dira, egitasmoaren nondik norakoak azaltzeko. Marta Ruiz irakasleak gonbidatuta joan ziren erretiro aktiboari buruz hitz egitera.
Elizalde Herri Eskola, Eskola Kirolera bizikletaz desplazamendu gehien egin dituen eskualdeko ikastetxea Eskualdeko Eskola Kirolako jardunaldietara desplazamendu berdeak sustatzeko lanean ari dira eskualdeko lau udalak eta Eskola Kirolako koordinatzaileak azken urteetan. Pixkanaka, goiti doa kopurua: azken ikasturtean desplazamenduen ia erdiak hala izan dira (garraio publikoan, oinez, bizikletaz edo kotxe partekatuan). Eskualdeko ikastetxeen artean, Elizalde Herri Eskola izan da bizikletaz desplazamendu gehien egin dituena. www.oiartzun.eus
15
oiartzungoudalainformatzen
udal albisteak Udala bulego elektronikoa prestatzen ari da Oiartzungo Udala zerbitzu elektronikoak eskaintzeko prestatzen ari da. Momentuz, eskaera orokorrak on-line tramitatzeko aukera dago www. oiartzun.eus webgunearen bidez, TRAMITEAK atala erabiliz. Bulego elektronikoaren lege eskakizunetara egokitzeko, udaletxeko harrera egokitu da azken hilabete hauetan. Besteak beste, B@kQ identifikazio elektronikorako pasahitza eskatu dezakete herritarrek bertan.
Larzabal etxadiko sarrera, kamioi handientzako itxita Larzabal etxadiko sarreran kamioi astun eta handien sarrera saihesteko galiboa jarri da eta ikusgarriagoa izan dadin, zinta argitsuekin eta gorriz margotu da. Auzotarrek eskatuta jarri da, kamioi handiak nahastuta sartu eta ezin atera ibiltzen zirelako.
Cadarso kutsaduraz garbitu eta botatzeko lanak Altzibarko Cadarso enpresa botatzeko lanak udara bukaera edo udazken hasieran hasiko dira, lanak esleituta baitaude. Bitartean, eremua kutsaduraz garbitzeko lanak egiten ari da Udalak.
16
www.oiartzun.eus
oiartzungoudalainformatzen
plenoak 2018/03/28. Erretiratuentzako pentsio duinak aldarrikatu ditu Udalak. Duintasuna elkartearen eskaerarekin bat egin zuen EH Bilduk eta erretiratuentzako 1.080 €ko pentsioa aldarrikatu. EAJ abstenitu egin zen, “Eusko Jaurlaritzan EAJk hartu duen posturarekin ados gaudelako”. Jexux Leonet alkateak herriko datu batzuk eman zituen: Oiartzungo pentsiodunen %25a 300 € kobratzen dituzten emakumeak dira. OMTE herriko musika taldeen elkarteari Mendibilgo lokala beste bost urtez erabiltzen uzteko hitzarmena ere onartu zen, ahobatez. Gipuzkoako Hiri Hondakinen Kontsorzioak (GHK) 2018rako hondakin organikoaren eta errefusaren tratamendurako jarri dituen tarifak errekurritzea ere onartu zen, EAJren abstentzioarekin. Eneritz Arbelaitz alkateordeak azaldu zuenez, “2016an tarifa hauek kalkulatzeko modua aldatu zuen GHK-k. Europako zuzentarauen kontra, hondakinak gutxitzen ahalegin gehien egiten dituztenak zigortzen ditu, saritu beharrean”.
Auzitegiak betetzen zela ebatzi zuen eta Estatuko abokatuak apelazio-errekurtsoa jarri zuen. Jakinarazi zen apelazioa ez zitzaiola onartu eta sortutako gastuak ordaindu beharko dituela. Jexux Leonet alkateak auzi honen inguruan adierazi zuenez, “ez da gure bandera, derrigortua da eta jazarpen etengabea pairatu dugula argi utzi nahi nuke”. 2018ko lehenengo hiruhileko aurrekontuaren exekuzioaren berri ere eman zen. Gai honekin lotuta, legeak berri-ematearen maiztasuna zehaztera behartzen denez Udala, orain arte bezala hiru hilero berri ematen jarraitzea erabaki zuen Oiartzungo udalbatzarrak, ahobatez. Apirileko protokolo gastua 125 € izan zen lore eta eskelatan. Era berean, aurrerantzean udalbatzarretan kontratu txikien berri ez dela emango jakinarazi zuen udal idazkariak eta www. oiartzun.eus-en argitaratuko direla, legeak exijitzen duen bezala.
Martxoko protokolo gastuak 254,20 € izan ziren lore, eskela eta luntxetan.
2018/05/30. Enplegu Zentro Berezien legedia sortzeko eskaera, gaixo psikikoen gizarteratzean laguntzeko.
2018/04/25. Espainiako banderaren sententzia betetzen dela ebatzi du epaitegiak.
Arraztalo eta Aldura elkarteekin adostutako mozioaren bidez, Oiartzungo udalbatzarrak Eusko Jaurlaritzari Enplegu Zentro Bereziak sortzeko eskatuko zitzaion, “gaixo psikikoak gizarteratzeko funtsezkoa baita lana”. Espainiako estatuan EAE da erkidego bakarra Enplegu Zentro Bereziak ezin direna sortu, legedi faltagatik.
Udalbatzarrean jakinarazi zen Espainiako administrazio orokorrak Oiartzungo Udalaren kontra jarritako apelazioerrekurtsoa ez dela onartu. Iazko azaroan Espainiako administrazio orokorrak helegitea jarri zuen Oiartzungo Udalaren kontra, 2012an Espainiako bandera jartzera derrigortzen zuen sententzia ez zela betetzen esanez. Abenduan, Donostiako
Oiartzungo bake-epailea eta haren ordezkoa izendatu ziren: Nagore Vega Telletxea izango da titularra eta Pilar Iparragirre ordezkoa. Maiatzeko protokolo gastua 380 € izan zen bidaia, opari, harpidetza eta bazkaritan.
www.oiartzun.eus
17
oiartzungoudalainformatzen
iritzia Xanistebanak zer dira zuretzat? Zertan parte hartzen duzu? Zer sumatzen duzu faltan?
Ane Arruabarrena Ugartemendia
Gaur egun lanean nago, orduan, xanistebanak aste barruan izateak asko eragiten dit eta ezin dut atera edo beste modu batera disfrutatu. Posible dutenetan, gehienetan gauez ateratzen naiz. Pena ematen dit gauetako gauzetan edo gazte guneetan bakarrik parte hartzeak; beste programazio bat egongo balitz, gazteentzako ere egunez zerbait egongo balitz, animatuko nintzateke, dudarik gabe. Hori da faltan botatzen dudana, egunerokotasunean gazteentzako ekintzak egotea, ez bakarrik haurrentzako ekintzak edo helduentzako idi-demak eta horrelakoak…
Naiara Azpiroz Lekuona
Haurren ekintzetan parte hartzen dut xanistebanetan. Erabat aldatu dira herriko festak niretzat: lehen, dena gauez bizitzen nuen eta orain dena egunean zehar. Uste dut badaudela ordu batzuk hilak geratzen direnak, ez dagoena ekintzarik, edo dena pilota da eta ez baizaizu gustatzen… Guk haurrentzako ekintzetan parte hartzen dugu, etapa horretan gaudelako.
Beñat Etxeberria Intxausti
Herriko jaiak, lagunentzako eta dibertitzeko momentuak dira. Xanistebanak hoberenak dira. Nik tabernan lanean pasatzen ditut eta aukera dudan neurrian lagunekin ongi pasatu, disfrutatu eta parranda pixka bat egiten dut. Deskantsoa falta izaten zait xanistebanetan, batez ere lanean bizitzen baititut. Zerbait faltan esatekotan, gauez bijilantzia gehiago behar litzatekeela esango nuke. Iaz izan ziren lapurretak, bronkak… horrelakorik gabeko xanistebanak ederrak lirateke.
Iñaki Fernandez de Gorostiza Erzilbengoa
Jaiak, oporrak, parranda eta giro polita dira niretzako xanistebanak. Arkume Egunera antolatzen denetik joan izan naiz. Lehen, Arkume Eguna egiten ez zenean ere, azkeneko eguna niretzako politena izaten zen. Goizeko giroan hutsune batzuk badaudela iruditzen zait. Egun batzuetan ekintza asko pilatzen dira eta beste batzuk ahul xamar geratzen dira.
18
www.oiartzun.eus
oiartzungoudalainformatzen
iritzia
Antton Goiria Iruretagoiena
Oiartzuarra izanik, niretzako festa onenak dira! Orain arte, Sagardo Egunean izaten zen pintxo lehiaketa antolatzen aritu izan gara. Aurten, dultzainarekin ezin nuelako bateratu, utzi egin dut. Dultzainarekin, gure egun handia abuztuaren 4a izaten da: arratsaldean urtero saioa egiten dugu. Eta Arkume Eguna ere ezin da huts egin! Uste dut denentzako eskaintza egoten dela xanistebanetan: haurrentzako, zaharrentzako, tartekoentzat‌ Ongi daude dauden bezala.
Mari Jose Loperena Maia
Gure bueltatxoak eginez bizitzen ditugu xanistebanak, gustura ateratzen gara. Ikastolako tabernan eta beste tokietan afariak egiten ditugu. Adibidez, dantzariak ikustera joaten gara. Egunez baino gehiago ateratzen gara gauez, afaltzera eta. Ez dut ezer faltan sumatzen festetan, niretzako, ongi daude dauden bezala.
Itsaso Markos Azpiroz
Herriko jaiak egun garrantzitsuak dira niretzat. Txosna gunean laguntzen dut txanda batzuk egiten eta ekintza batzuetan parte hartzen dut. Gazte Egunean parte hartzen dut bai edo bai, oraindik behintzat! Berri Txarrak-en kontzerturen bat ongi egongo litzateke‌ kar-kar-kar‌ Baina bestela, xanistebanak ongi daudela uste dut.
Unai Odriozola Zugarramurdi
Xanistebanak niretzako herri giroan bizi behar diren jai euskaldunak dira. Herrikoa bazara, gehiago sentitzen diren jai batzuk dira. Herrikoek herriarentzako egiten dituzten jai gisa ikusten ditut. Gehienetan gauez bizitzen ditut, baina egunez aprobetxatzen saiatzen naiz. Oso-oso gustura ibiltzen naiz xanistebanetan, erruz gustatzen zaizkit. Niri gustatzen zaidana musika da, eta ahalik eta kontzertu gehienetara joaten saiatzen naiz. Gazte bazkarian parte hartzen dut, noski. Eta beste ekitaldiak kontzertuekin konpaginatu badaitezke, saiatzen naiz joaten. Herri barrikotearen gisan, gustatuko litzaidake herri bazkari bat egitea: haur, gazte, heldu, zahar‌ denak batera. Noski gozatzen dugula gure adin tartekoekin, baina gustatuko litzaidake herri osoa elkartzea.
www.oiartzun.eus
19
oiartzungoudalainformatzen
auzoak Altzibar
Olatxo izena du altzibartarren auzo lokalak, auzotarrek hala erabakita. Olaldeko etxeetan dagoen lokalaren erabilera auzotarrek definitu dute (Jai Batzordearen, erretiratuen eta gurasoen beharren arteko oreka bilatuta). Apirilaren 16an inauguratu zuten, jai giroan.
Elizalde
Madalensoro pilotalekuko lanak bukatzera doaz. Bitarte honetan, erabiltzaileekin (Eskola Kirola, Girizia Pilota, Oiarpe eta Txost) parte-hartze prozesua egin da frontiseko horma zein kolorez margotu erabakitzeko. Euren aholku teknikoak kontuan hartuta, beltzez margotu da.
20
www.oiartzun.eus
Arragua
Inaxi Etxebeste Lopetegik 100 urte bete zituen martxoaren 16an. Udal ordezkarien bisita eta lore-sorta jaso zuen Ganboxa kaleko bere etxean fetxa seinalatu horretan, familia ondoan zuela.
Ergoien
Silo plastikoaren azkeneko bilketan 600 kilo bildu ziren Ergoienen, Gurutzen, Karrikan eta Ugaldetxon horretarako prestatutako bost puntuetan.
oiartzungoudalainformatzen
auzoak
Gurutze
Maldaburu herribidearen sarreran 3,5 tonatik goitiko ibilgailuentzako seinalea jarri da, bide horretara ezin dutela sartu adierazteko. Gertatu izan diren nahasketak saihesteko hartutako neurria izan da.
Karrika
Karrikako bidea zabaldu eta txukuntzeko lanak bukatu dira. Esandako epearen barruan gauzatu dira bidea zabaldu, oinezkoentzako bide seguruak markatu, espaloia berritu eta Larraldapatik Karrika Xabal arteko bidea asfaltatzeko lanak.
Iturriotz
Ekofish egitasmoaren baitan, Mater Ontzi Museoak eta Elizalde Institutuko DBH 3. mailako ikasleek Oiartzun ibaiaren garbiketa antolatu zuten. Iturrioztik Altzibar arteko tartea garbitu zuten igande goiz batean. Ekofish egitasmoan Haurtzaro Ikastolako eta Elizaldeko ikasleek parte hartu dute, Eskola Agenda 21n baitan.
Ugaldetxo
Kalexa kooperatibako bizilagunek Ugaldetxo Kultur Taldeari lokal bat utzi diote, auzoko festak prestatzeko bilerak egiteko eta euren ekintzak prestatu ahal izateko. Atamitxen bildu izan da urtetan Ugaldetxo Kultur Taldea, jabearekin tratua egina zutelako eremu hori urbanizatu arte. www.oiartzun.eus
21
oiartzungoudalainformatzen
herriko berri Janusz Borkowski, Maria Manera eta Sandra Mosquera: “Datozenekin lan egitea ongi dago, baina harrera egon dadin jasotzen dutenek ere badute zeresana” Janusz Borkowski (Polonia), Maria Manera (Herrialde Katalanak) eta Sandra Mosquera (Ekuador) arrazoi ezberdinek ekarri zituzten Oiartzunera duela urte batzuk. Noizbait eurak etorri bezala, Oiartzunera etortzen diren bizilagunei harrera egiteko planean aritu dira Udalari laguntzen. Noiz eta zergatik iritsi zineten Oiartzunera? MARIA MANERA: Urrian bost urte beteko dira Oiartzunera heldu nintzela. Nire bikotearen lanarengatik etorri nintzen. Hasieran Donostian bizi ginen, baina handiegi egiten zitzaigunez, inguruko herri txikiagoak bisitatzen hasi ginen. Oiartzun gustatu zitzaigun, gustuko etxebizitza bat topatzeko zortea izan genuen eta hementxe bukatu genuen. SANDRA MOSQUERA: Ezkondu ginenean pisu bila hasi ginen Donostian, baina oso garestia zen. Oiartzunen modu onean aurkitu genuen pisua. Euskal Herrian 25 urte daramatzat, eta Oiartzunen 24. JANUSZ BORKOWSKI: 2013 hasieratik bizi naiz Oiartzunen. Arrazoi nagusia nire bikoteak herriari buruz eginiko marketing ona izan zen, berak aurretik ezagutzen zuelako. Eta nik, egian esan, Donostian lau urte pasa eta gero, herri txikiago batera joateko beharra nuen. Hasieratik txundituta geratu nintzen Oiartzungo naturarekin (Aiako Harria), herri giroarekin (Sagardo Eguna, ihoteak...) eta, orokorrean, anonimoa ez izatearen sentsazioa gustatzen zait. Zein izan zen Oiartzuni buruzko lehenengo inpresioa? JANUSZ: Nire lehen inpresioa inguru zoragarria eta herri oso dinamikoa dela izan zen. Asko gustatzen zait dena gertu izatea. Plazara igo eta han tramite guztiak egin ditzakezu, trago bat hartu, erosketak egin edo lagunak topatu. Euskaltegia ere han bertan dago. Aparkalekua doakoa izatea ere oso positiboa ikusi nuen. MARIA: Lehenengoa, ingurua. Herria eta ingurua zoragarriak dira. Erdigunean bizi bazara, erraztasun askoko bizimodua izan dezakezu: hurbil dituzu biblioteka, kiroldegia, plaza, komertzioak… Eta herriak duen bizitza handia: kalean jendea dago, jarduera asko daude, festak… Horiek izan ziren inpresio positiboenak. Jendea oso atsegina da, baina ez dena hain guay da puntu batetik aurrera zaila dela haratago joatea. Koadrila kontzeptua aztertuko nuke! Liluragarria da, kar-kar! SANDRA: Ni 1992ko irailean etorri nintzen Euskal Herrira eta urte hartako urrian Kilometroak Oiartzunen izan ziren.
22
www.oiartzun.eus
Oso eguraldi txarra egin zuen, baina etorri ginen. Itzulia eman genion herriari eta izugarri gustatu zitzaidan. Senarrak Donostian lanarengatik bizi nahi zuen, baina niri hango auzoak, eraikin handiak… ez zitzaizkidan gustatzen. Oiartzunen oso paisaia polita ikusi genuen. Hasiera batean, ez genuen planteatzen hona etortzea, iruditzen zitzaigulako Donostia baino garestiagoa izango zela. Suertatu zitzaigunean Oiartzunen etxe bat topatzea, oso pozik jarri ginen. Eta behin bizitzera etorrita, horren polita al da? JANUSZ: Oso pozik bizi naiz Oiartzunen eta ekintzetan parte hartu dudanean oso ongietorria izan naiz. Baina egia da oso zaila dela koadrila batera sartzea, eta horren pena badut. SANDRA: Nik, orokorrean, esperientzia polita izan dut Oiartzunen. Egia da koadriletan sartzea zaila dela. Umeak etorri zirenean parkean lagun batzuk egin nituen; horrek asko lagundu zidan. Haurrekin harremanetan barrurago sartzea errazagoa da.
JANUSZ BORKOWSKI: “Eraikitzailea izan da espiritu positiboa eta konstruktiboa izatea”
Haurrek Oiartzunen integratzen laguntzen dute, beraz? MARIA: Bai, laguntzen dute. Eta kalean bizitzeak, espazioak partekatzeak… Elkarrizketa hau erantzuten ari banaiz, noizbait beste zerbaiten parte izan naizelako da. Baina zuen seme-alabak oiartzuar peto-petoak dira… SANDRA: Noski! Haientzat Oiartzungo festak baino hoberik ez dago mundu honetan! MARIA: Nire seme zaharrenak danborra jotzen du, palan jokatzen du eta euskal dantzetan dabil, pentsa! Sinestezina da! Zuek herriko ekintzetan parte hartzen duzue. Zerk bultzatuta? SANDRA: Seme-alabak ikastolan zeudenean herriko ekintzei buruzko abisu asko heltzen zitzaizkigun. Ahal genuenetan
oiartzungoudalainformatzen
herriko berri parte hartzen genuen, batez ere beraiek ere parte hartzen bazuten. Baina ikastola bukatu zutenean, hori ere bukatu zen eta ez ginen enteratzen zer gertatzen zen herrian. Harrera Planaren kontua iritsi zenean, parte hartzeko modu bat zela pentsatu nuen. Orain, Euskaraldia iritsi da eta beste modu bat da parte hartzeko. Urte batzuetan deskonexio gisako bat izan dugu eta ez dugu hainbeste parte hartu herriko gauzetan. Konturatu gabe gertatu zen eta, bat-batean, ez zaude herrian. Eta guk uste dugu parte hartzea polita dela eta interesgarria
Janusz Borkowski.
dela. MARIA: Integratzea ez da oso zaila borondatea eta gogoa baduzu, eta integratzeari denbora eta energia eskaintzen badiozu. Topatuko duzu bidea erraztu eta lagunduko dizun jendea. Baina integrazioak ez luke etorriberriaren gogo, energia eta motibazioaren mende egon beharko. Nik etxe bat dut, maite nauen familia bat, dirua‌ baina iritsi daiteke fisikoki eta emozionalki azpiegitura gutxiago duen jendea, zeinak ez duen energiarik integrazioari eskaintzeko. Ze zaila izan behar duen nik bezain erraz ez duenarentzat! Kalean, eskolan edo udaletxean norbait jatorra topatzearen esku ez luke egon behar integrazioak. Giltza magikorik ez dut, baina uste dut esfortzua egin beharko genukeela eta hain erraz ez duenari bidea erraztu. Gogorra da zure etxetik, ingurunetik‌ urruti egotea. Bakarrik sentitzea jendez inguratuta zaudenean, puf..! Uste dut, gizarte bezala, ezin dugula onartu gure herrian babestua sentitzen ez den jendea bizitzea. SANDRA: Euskal Herrira arrazoi ekonomikoengatik etortzen denaren egoera oso desberdina da. Urte batzuetan etorkin latino talde batekin harremanetan egon nintzen. Esaten nien ghettoak ez bilatzeko, irekitzeko, integratzeko‌ baina beti
jotzen zuten beraien artean ibiltzera. Errazena eta naturalena da zure egoera berean daudenekin ibiltzea. Gehienek burua beren herrian eta familian dute. Etorriberriek pentsatzen dute urte batzuk pasatuta itzuli egingo direla beraien herrira. Gero, urteak pasatzen dira eta ezin dute. Azkenean, erabakitzen dute hemen geratzea, baina zaila da egoera horretan integratu nahi izatea eta baita ere bertakoek harrera ona egitea. Hizkuntza ere oztopo handia da. Hala ere, horrek ez du esan nahi ez dugunik saiatu behar. Duela pare bat urte, Udala Euskara eta GizarteOngizate sailetatik Harrera Plana prestatzen hasi zenean zuengana jo zuen laguntza eske. Zergatik erabaki zenuten laguntzea? MARIA: Nirekin ludotekaren bidez jarri ziren harremanetan. Haurrak dituzten familia etorriberriak ordezkatzea nahi zuten, nolabait. Bilera batzuk egin genituen Harrera Plana diseinatzeko. Iritsi nintzen momentura itzuli nintzen, zerk lagunduko ote zidan orduan pentsatzeko. Hori izan da nire aportazioa. Ziurrenik, orain esango nukeena desberdina izango litzateke. Niri integratzen asko lagundu zidaten jai herrikoiek, baina ez zegoen modurik jakiteko noiz ziren, nork antolatzen zituen, nondik zetozen... Etortzen direnekiko enpatia eta ahizpatasunarengatik esan nuen lagunduko nuela, ardura sozialarengatik eta gogoa ere banuelako. Saltsera xamarra naiz, eta egitasmo polita iruditu zitzaidan, lan gehiegi eskatzen ez zuena eta jendea ezagutzeko ere balioko zidana. SANDRA: Niri Aitziberrek (Arnaiz; Euskara teknikariak) deitu zidan. Ni etorri nintzenean ez zegoen horrelakorik, baina Harrera Plan bat egotea bera ideia oso polita iruditu zitzaidan. Planteatzen zena ez zen beste herrialdeetatik etorri zirenei bakarrik harrera egitea, baita ere Espainiako estatutik etorritakoei. Prestatu zen bideoa eta liburuxka oso lagungarriak iruditu zitzaizkidan. JANUSZ: Oso ideia interesgarria iruditu zitzaidalako eta enpatiagatik. Horrelako keinuen bitartez etorriberriak errazago dauka herrian ongi sentitzea, benetan ongietorria dela eta onartua dela eta ez duela trabarik egiten sentitzea. Beharrezkoa al da Harrera Plana? JANUSZ: Nire ustez bai. Herrian ez baduzu ezagunik, ezinbestekoa da. MARIA: Nik uste dut baietz. Toki berri batera bizitzera joate hutsa zailtasun bat da. Udalak, administrazioak, kontuan hartzen zaituela jakinaraztea niretzako oso garrantzitsua da. Zuzenean edo zeharka, lagunduko zaitu. Gainera, ongi diseinatua badago eta funtzionatzen badu, denontzako hobe! Ongizatea laguntza ekonomikoetatik haratago doa. Zure etxetik zoazenean, nahiz eta erabaki kontzientea izan, babestua sentitzea oso baliagarria da. www.oiartzun.eus
23
oiartzungoudalainformatzen
herriko berri SANDRA: Ni etorriberria banintz eta gutun bat jasoko banu, oso positiboa irudituko litzaidake. Emaitzak hobeak edo okerragoak izango dira, baina planteamendu hutsa, jada ona da. Harrera saioetan ere parte hartu duzue: zein sentsazio izan zenuten? SANDRA: Bilerak ondo joan ziren. Etorriberri gehienek ez zekiten euskaraz, braz, gazteleraz egin zitzaien. Baina, bilera eta gero, zer? Badakit zaila dela, baina loturaren bat falta dela iruditzen zait. Pertsona horiek ezagutu ondoren, harremana nola jarraitu daiteke? Beraiek nahi al dute? Zer bilatzen dute bileretara joaten direnek? Laguntza ekonomikoa, eta bestela ez zaie interesatzen? Horiek nire galderak dira… Nik etorriberri batekin harremanetan jarraitu nuen. Oso gaizki zegoen ekonomikoki. Denborarekin, harremana galdu egin genuen, baina jakin nuen geroz eta okerrago zegoela. Eta orain, deitu eta zer esan behar diot? Dirurik ez diot emango, baina agian jaso dezaket... JANUSZ: Bilera eraikitzailea iruditu zitzaidan eta gustatu zitzaidan ikustea horrelako espiritu positibo eta konstruktiboa. Gonbidatu guztiak ez zeudela iruditu zitzaidan baina agian gonbidapena beste formatu batean egiteak jende gehiago animatuko luke. MARIA: Datozenekin lana egitea oso ongi dago, baina harrera egon dadin, jasotzen dutenek ere badute zeresana. Udaletxeak harrera egitea oso ongi dago, baina zu ez zara udaletxearekin biziko, baizik eta bizilagunekin. Eta zer egiten du herriko jendeak zu herriko parte zarela sentitzeko? Hori ere landu beharko litzateke. Dagoeneko hemen gaudenak gure etxean sentitzen garenaren erosotasunetik errazago dugu teorikoki. Beraz, nola egingo dugu gure etxea gehiagorena ere izateko?
24
Etortzea nahi dugu, eta nahi dugu gustura egotea eta parte hartzea herriko bizitzan. Nire herrira, Kataluiniara, joaten naizenean zoragarria iruditzen zait Ganbia eta Senegalgo haurrak herriko plazan katalanez jolasean ikustea. Hori da denok nahi duguna. Eta hori ez da beraien lana bakarrik, baita ere hartzen dituztenena, aukera emanez hor egoteko, espazioaren parte izateko, parte hartzeko… Jendeak ulertu behar du harrera egiteko esfortzua egin behar dugula. Bestela, kanpotik zatoz eta ez zaude seguru, beraz, zer egin behar duzu? SANDRA: Batzuetan pentsatzen dut Harrera Planeko koadrila egin dezakegula herriko zenbait ekimenetara elkarrekin joateko: adibidez, ihoteetara edo Arkume Egunera. Festara gonbidatzea bakarrik ez da nahikoa askotan.
MARIA MANERA: “Gizarte bezala ezin dugu onartu gure herrian babestuta sentitzen ez den jendea bizitzea” Zuek hirurok euskara ikasi duzue edo ikasten ari zarete. Oiartzunen integratzen laguntzen al du? SANDRA: Ni senarrarengatik hasi nintzen euskara ikasten. Oso euskaltzalea da eta erabaki genuenean Euskal Herrira etortzea, banekien ikasi beharko nuela. Nire harridura eta sorpresarako, hizkuntza jakiteak ate asko ireki dizkit, lagunak egitea erraztu dit. Euskaraz dakizula jakiten dutenean euskaldunek hobeto hartzen zaituzte, nahiz eta gero gazteleraz hitz egin. Euskara ikasteko pausoa ematea garrantzitsua da euskaldunentzat.
Sandra Mosquera eta Maria Manera.
www.oiartzun.eus
oiartzungoudalainformatzen
herriko berri JANUSZ: Dudarik gabe. Euskaldun batekin harremantzeko orduan nik euskaraz egiten dudalako tratu hurbilago eta lagunkoiagoa jasotzen dut. Euskara da oiartzuarren bihotzera sartzeko giltza, kar kar kar! MARIA: Euskara ikastea logikoa eta eginbeharrekoa zen, euskara hitz egiten den herrialde batean bizi naizelako. Erabaki politiko bat ere bada. Oiartzunen bizitzeak euskara ikastea azkartu eta errazten du, baina batzuetan frustratzen naiz eta pentsatzen dut errazagoa zatekeela nire bizitza euskararik gabe! Kasketa txikia azkar pasatzen zait, badakidalako horrela izan behar duela, eta pozten naiz hala delako. Nik ia dena ulertzen dut, baina hitz egitea gehiago kostatzen zait. Ulertzea beharrezkoa da, gutxienez euskaldunek ez dezaten beste hizkuntza batera pasatu behar. Hala ere, ulertzen dut batzuen bizitza nahiko konplikatua dela, gainera euskara ikasteko. Ez da nire lana besteak epaitzea. Hala ere, integraziorako tresna garrantzitsua da, harremanak egiteko, euskaltegian bertan jendea ezagutzen duzu… Etorriberri bati zein aholku emango zeniokete, Oiartzunera egokitzea errazteko? JANUSZ: Atzerritarra baldin bada, euskaltegian izena emateko eta denei, dudarik gabe, herriko ekintzetan parte hartzeko. Eta horretarako, Oiartzunen aukera asko dago. SANDRA: Nik beti esaten dut euskara ikasteko. Ez dut esaten euskara maila altua behar denik! Etorkin elkarte hartan euskara pixka bat ikasteko esaten nien: agurtzen, zenbakiak, oinarrizko galderak… Etorriberri askok ostalaritzan egiten dute lan eta ongi datorkie lau hitz jakitea. AISA ikastaroa oso ongi dago, maila hori bera nahikoa da, eta gehiago nahi duenak jarraitu dezala. Euskara maila minimoa modu bat da ondo hartua izateko. MARIA: Nik ere gomendatuko nieke euskara ikasten saiatzeko, kontuan hartzeko hizkuntza. Baita ere animatuko nituzke iniziatiba izatera, plazan egotera eta ekintzetan parte hartzera, jakinik batzuetan ez zarela parte sentituko eta ez dela deus egingo zu parte zarela sentiarazteko… Baina kalean egoteko modu asko daude. Frustrazioak kudeatzen ikasteko ere esango nieke. Batzuetan gauza batzuk egin nahiko dituzu ezingo dituzunak egin, gizarte estrukturak ez duelako baimenduko. Beraz, alternatibak bilatu behar dira. Beti topatuko duzu bidea erraztuko dizun jendea eta aukera horiek baliatu behar dira. SANDRA: Beraien kultura azaltzeko ere esango nieke. Harremana aberasten du. Kultura balore eta ohitura onak oso positiboak dira edozein gizarterentzako. Askotan beraien kultura etxe barruan bizitzen dute eta uste dut baliozko gauza asko ditugula partekatzeko. Eta oiartzuarrok, nola erraztuko genieke integrazioa etorriberriei?
MARIA: Batetik, enpatia pixka bat edukita. Pentsatu norberari nola gustatuko litzaiokeen hartua izatea beste norabait joan behar izanez geroz, humanitate aldetik. Bestetik, pentsatuta mundu guztiak baduela zerbait aportatzeko. Etorriberriek beste kultura, beste hizkuntza, beste esperientzia batzuk, beste kausa batzuetako militantzia, beste ezagutza pertsonal batzuk izango dituzte… Ziur Oiartzunentzako ere aberasgarria izango dela. SANDRA: Ireki daitezela gauza berriei eta baloratu ditzatela positiboki, aberastu egingo dira besteak ezagututa. Kultura bakoitzak duen alde positiboa indartu behar da. Eta partekatu. Askotan beldurra dago bertakoa galtzeko. Eta hori ez da gertatuko. Ni ekuadortarra naiz eta senarra, euskalduna. Poliki-poliki joan gara bata bestearen kultura ezagutzen eta baloratzen. Oso aberatsa izan da bai guretzako eta bai gure seme-alabentzat. Herri batean, gurea galtzeko beldurrik ez da eduki behar. JANUSZ: Ireki koadrilen atea, kar kar kar. Lagungarria izango litzateke espazioak sortzea etorriberrien eta bertakoen arteko hartu-emanetarako, adibidez Oreretan egiten den Bizilagun programa bezalakoekin.
SANDRA MOSQUERA: “Kultura bakoitzaren alde positiboa indartu behar da. Beldurra dago bertakoa galtzeko, eta hori ez da gertatuko” Bukatzeko, gaur egun nola sentitzen zarete Oiartzunen? JANUSZ: Oso libre eta maitatua sentitzen naiz. MARIA: Ni integratua sentitzen naiz. Baina ez naiz %100ean bertakoa sentitzen. Oso gustura nago hala ere. Nire denboraren zati handi bat eskaintzen diot herriari, herriko elkarteei eta ekintzei. Baina badago puntu bat oraindik ez naizena etxean sentitzen. SANDRA: Alde batetik, normala da. Hizketan hastean oiartzuarrak hasten dira halako etxekoari buruz, halako familia, halako etxeaz… eta ni galduta sentitzen naiz! Horrek ez du laguntzen elkarrizketa askotan integratzen. Ni oso ondo sentitzen naiz, oso harrera ona egin didate eta lagunak egin ditut ikastolaren inguruan. Egia da puntu bat iristen dela ezin dena hortik pasa. Lagun bezala, ez dago mugarik inoz. Orokorrean euskaldunek, eta oiartzuarrek ere bai, badute muga hori. Ez da ni kanpotarra naizelako, euskaldunen artean ere badago. Oso erreserbatuak zarete orokorrean, eta oso nobleak. www.oiartzun.eus
25
oiartzungoudalainformatzen
erreportajea Arditurri, 10 urte meategien eta Aiako Harrien altxorrak erakusten Arditurriko Interpretazio Zentroak 2008ko ekainean ireki zituen ateak 2008ko ekainaren 1ean ireki zituen ateak Arditurriko Interpretazio Zentroak. Ordutik, 142.654 lagunek (2017ko abenduaren 31 arteko datua) baino gehiagok bisitatu dute gutxienez erromatar garaitik datatutako aztarnak dituen meatze eremua. 1984an bukatu zen Compañía Asturiana de Minas enpresaren aktibitate ekonomiko industriala Arditurrin. Urte batzuk beranduago, 1999an, erosi zion Udalak eremua Asturiana de Zinc enpresari. Lau urte lehenago, 1995ean, Aiako Harria Parke Naturala sortu zen eta Arditurriko eremu osoa bere baitan babestu zuen. Sorrera hartan, Aiako Harriaren etorkizuneko Interpretazio Zentroa jartzeko toki aproposena hura zela ondorioztatu zen, baina jabetzarik gabe, ezinezkoa zen proiektu hura gauzatzea.
Arkeologoen estimazioen arabera, bi mendez ustiatu zuten Arditurri erromatarrek. “Erromatar garaia eta gero, hurrengo aipamen dokumentatua XI-XII. mende ingurukoa da. Hortik aurrerako dokumentuak badauzkagu. Tartean zer gertatu zen indusketen bidez jakiten da. Esaten da Arditurriko meategiak iaia etenik gabe aritu zirela lanean”, azaltzen du Itsaso Aritzeta, Arditurriko gidak. Aktibitate industrial handiko eremua izan da Arditurri mende luzetan. Eta ez soilik meategiengatik. Eremu horretan burdinolak ere ugariak ziren garai batean. Garai industrialari dagokio heldu zaigun informazio ugariena. Sein familiarekin hasi zen garai horretako Arditurriko ustiapena, baina urte garrantzitsuenak Chavarri anaien gidaritzapekoak izan ziren: XX. mende hasieran 400 langile inguru aritzen ziren lanean Arditurrin. Ferrokarrila eraikitzeko erabakia orduan hartu zen. “Inbertsio hori egiteko, ustiaketa handia zela argi dago”. Dokumentazioaren arabera, 120 milioi tonelada material atera ziren Arditurriko meatzeetatik jardunean aritu zen azkeneko 100 urteetan. 1984an itxi zenean, 90 bat langile aritzen ziren bertan.
Joxepa Oiartzabal eta Pier Elizondo inaugurazio egunean meategien ateak irekitzen.
Arditurriko meategien historia Nahiz eta arkeologoek uste ziurrenik lehenago ere meatzaritza egon bazegoela Arditurrin, frogatuta dagoena da duela 2.000 urte erromatarrek ustiatzen zutela, Kristo Ondorengo I. mendea baino pixka bat lehenagotik, alegia. Uste da erromatarrak ez zirela kasualitatez iritsi Oiartzunera, meatzaritza aztarnek erakarri zituztela baizik, baina oraindik froga ziurrik ez da topatu erromatarren aurreko meatze ustiapena baieztatzen duenik.
26
www.oiartzun.eus
Altxor baten jendarteratzea 2006an, Arkeolan eta Felix Ugarte Elkarteko kideek Arditurri balorean eta jendeari erakusteko moduan jartzeko proposamena egin zuten, “altxor bat zela” argudiatuta. Ondoren, Oiartzungo Udalaren eta Gipuzkoako Foru Aldundiko Ingurumen eta Mendi sailaren hitzarmena tarteko, bi milioi € inbertitu ziren Arditurri eremuan parketxea, museoa eta meategi zati bat irekitzeko. Udalak OTASA elkarte anonimoa sortu zuen garai hartan. Gaur egun, OTASA Arditurri museoko bisita gidatuak eskaintzeaz eta beharrezko mantenu lanen eta inbertsioez arduratzen da. Hamar urte hauetan Arditurriko eremua osatu egin da. Bi urtez (2009-2010ean), Arkeolan indusketak egiten aritu zen gaur egun sakoneko bisitako pasarela den eremuan. Arkeologoak lanean ziharduten eremua bisitatzeko aukera eskaini zen urte haietan. Felix Ugarteko espeleologoak ere indusketak egin dituzte.
oiartzungoudalainformatzen
erreportajea zehar bisita gehienak eskolenak izaten dira. Asteburuetan, berriz, beste mota bateko bisitariak izaten ditugu. Dinamika erabat ezberdina da: hitz egiteko modua aldatzen da, bisita eta azalpen berdinak izanagatik ere. Egokitu behar duzu, ez da gauza bera 20 umeko talde batekin aritzea edo talde familiar batekin”. Arditurriko bisitarien profila oso anitza da. Gehienak Gipuzkoa, Bizkaia eta Nafarroatik etortzen dira, eta ondoren, Madril eta Herrialde Katalanetatik.
Arditurriko meategia, barrutik.
Indusketak bukatutakoan, eremu hori ikusgai jartzeko lanak egin zituen Udalak, bi fasetan: lehenengo, eskailera egin zen goiko eta beheko mailak lotzeko. Horrekin batera, kanpoko eremuan segurtasuna bermatzeko lanak egin eta kargatzeko eremua errekuperatu ziren. Bigarren fasean, sakoneko meategiari irteera berria eman eta legeak eskatzen zituen irisgarritasun zein segurtasun neurriak egin ziren. Lan horien ondorioz, gaur egun 500 metro bisitatu daitezke (goiko pasarelan 200 metro eta beheko pasarelan beste 300). 2009ko abenduan Gipuzkoako Foru Aldundiak; Parke Naturalak zituzten Oiartzun, Aia, Ataun, eta Oñatiko udalerriek eta Kutxa Fundazioak Gipuzkoako Parketxe Sarea (GPS) sortu zuten. Gerora, Zegama ere batu zen Fundaziora. “Gipuzkoako kulturpaisaiak eta natura edonoren eskura jarri nahi izan zen, kaletik mendirako bidea erraztu ezagutza orekatu dadin, garena eta duguna gehiago estimatu dezagun eta gure ondare diren natura eta nortasuna babesteko”, azaldu du Luis Mari Zaldua GPS-ko zuzendariak. “Gizakia eta naturaren arteko harreman historikoaren emaitza dira kultur-paisaiak”, zehaztu du. Meategietako bisitak Kristina Brit OTASAko idazkariak dioenez, “bisitari kopurua pixkanaka-pixkanaka goraka doa”. Aritzeta Artelatzeko gidariak azaltzen duenez, “kopuruetan, oinarrizko bisita da gehien egiten dena, eskola talde dexente etortzen zaizkigulako. Baina ikasleak kenduta, sakonekoa erakargarriagoa da. Asko, oinarrizko bisita egin ondoren sakonekoa egitera bueltatzen dira”. Oinarrizko bisitak ordubete irauten du eta sakonekoak, ordu eta laurden. Bietan, erromatarren garaitik hasten dira Arditurriko gidarien azalpenak. “Astean zehar, ikasturtean
Egun bereziek, harrera ona Hala ere, meategien bisitak baino askoz gehiago eskaintzen du Arditurrik. Ekintza bereziak antolatzen dira “kultura eta natura balioan jartzeko”: Bide Berdeen Eguna eta Arditurri Eguna (biak 2011tik ospatzen dira); txondorra (2012tik 2016ra egin zena); erakusketak (iaz XX. mende hasierako argazki originalak eskuratu zituen Udalak eta urria arte, 70. hamarkadako Arditurriri buruzkoa dago ikusgai); argazki ikastaroak; txorikanten tailerrak; hegazti-askatzeak… Antolatzen diren ekintza bereziek harrera oso ona izaten dutela baieztatzen du Aritzetak. Behemendiren Tren Berdea ere joaten da tarteka Arditurrira, osagarri gisa. “Egun berezi gisa antolatzen dugu eta oso arrakastatsua izaten da”. Aurten, esaterako, abuztuko asteazken guztietan izango da aukera Tren Berdean Arditurrira joateko.
Bide berdeen eguna antolatzen da Arditurrin.
Langileei, aitortza Langileak presente izaten eta omentzen saiatu da Udala Arditurri jendaurrera ireki zenetik. 2008ko maiatzaren 30eko inaugurazio ofizialean, Joxepa Oiartzabal eta Pierre Elizondo ama-semeek www.oiartzun.eus
27
oiartzungoudalainformatzen
erreportajea ireki zituzten meategiko ateak; urte askoan Arditurriko langile izan ziren biak. “Langileak errekonozituak sentitzen direnean gustura hartzen dituzte ekimenak. Arditurriren figura turistikoa herritarrengan txertatzea kosta egin da bere garaian itxiera traumatikoa izan zelako. Auzo oso bateko gizonak lanik gabe gelditu ziren: batzuek Asturiasera lanera joan behar izan zuten, beste batzuk lanik gabe geratu ziren… Arditurri balioan jartzea zenbaitentzako ez zen erraza izan. Horregatik, administrazioak aitortza egitea estimatu egiten dute”. Aurreko abenduan, argazki erakusketaren inauguraziora langile izandakoak gonbidatu ziren. “Giza irudiak faltan sumatzen ditugu Arditurrin; bestelako datu asko ditugu baina alde humanoa falta zaigu”, dio Britek. Zenbait urtetan txondorra piztu da Arditurrin.
“Arditurri Egunak, Bide Berdeenak… Ekintza herrikoiak egitearen poderioz, txertatzen joan da Arditurri oiartzuarren altxorra dela. Baina, hasiera batean, bazeuden zalantzak. Orain, kanpotik norbait etortzean Arditurri erakusten diote oiartzuarrek”.
Gipuzkoa mailan, Bide Berdeen sarea osatzeko prozesua martxan da, eta Arditurri ere bertan dago. Bide Berdeak garai batean trenbide izan eta gaur egun oinezkoentzako edo txirrindularientzako berreskuratutako bideak dira. Datorren urteari begira, Bide Berdeen Eguna dataz eta formatuz aldatzeko asmoa dute Udalak eta GPS-k: orain arte irailean, Mugikortasun Astearen barruan ospatu izan da, baina 2019tik aurrera Bide Berdeen Egunerakin uztatuko da, maiatza hasieran. Arditurriko Bide Berdea irisgarritasun egokiaren ikur bihurtzea da etorkizunari begira dagoen erronka nagusietako bat: “Inguruko zerbitzuak ere egokitzea landu behar da, horretarako bideak bilatuta”, dio Britek. “Meategia bera egokituta dago, egin izan ditugu gurpildun aulkian oinarrizko bisitak”, kontatu du Aritzetak.
Iazko abenduan, argazki erakusketaren inaugurazioa.
Etorkizuneko asmoak Aiako Harria mendia eta Aiako Harria Parke Naturala ezagunak direla uste dute Britek eta Aritzetak, baina meategiak oraindik ezazagunak direla: “Jendea harrituta geratzen da bisita egin ondoren”. Maiz gertatzen da etxekoa ez dugula ezagutzen eta urrutitik etortzen zaizkigula gurea ezagutzera: Mexikoko Guanajuato estatuko turismo ordezkaritza eta Asturiastik etorri izan dira Arditurri ezagutu eta eredutzat hartzera. “Iaz sortu zen Burdinaren Bidea erakundearen barruan sartu gara. Pirinioen bi aldeetan burdinaren ustiaketa egon zen tokietako errekurtso turistikoak indartzeko eta batzeko helburua du, publizitate mailan katea sortzeko eta elkarlanerako”.
28
www.oiartzun.eus
Bide horretan, itsutasuna, gortasuna… edo bestelako murriztasunak dituztenek bisita egokituak eskaintzea da hurrengo erronketako bat (itsuekin egin izan dira). Baina, “zenbaitetan, ez dira guk bezain azkarrak izaten pausoak”, dio Britek. Oraindik, ibilbide luzea du egiteko Arditurrik.
INFORMAZIO PRAKTIKOA: Telefonoa: 943 49 50 69/943 49 42 48 E-maila: arditurri@gipuzkoamendizmendi.net Webgunea: www.arditurri.com
oiartzungoudalainformatzen
iruditan
Slalom lehiaketa
Herri Musika Jardunaldiak
Gazte akelarrea
Barrikote herrikoia
Oiartzungo VI. Flauta Jaialdia
Dantzari Txiki Eguna
Ekofish proiektuaren aurkezpena
Bizardiaren martxa neurtua
Motxiladun umeei buruzko hitzaldia
2016ko sanferminetako bortxaketaren sententziaren kontrako elkarretaratzea
Altsasuko auzipetuei elkartasuna
Txori-kantuen ibilaldia
Bidarteko hilketa matxistaren kontrako elkarretaratzea www.oiartzun.eus
29
oiartzungoudalainformatzen
iruditan
30
Arraguako festak
Elizalde Eguna
Euskal Jaia
Sagardo Eguna
Ibargaingo ikasturte bukaerako kontzertua
‘Oiartzunen bizi, Oiartzunen erosi’ kanpainaren sariak
Urmendi Festa
Gitarra emanaldia
Ikastola Eguna
Txinalkaren emanaldia: ‘Futbol-partida’
Haurtzaro Dantza Taldearen eta Oiartzungo Flauta Taldearen emanaldia
Elizalde Dantza Taldearen ikasturte bukaerako emanaldia
“Esklabo alaiak”-en aurkezpena (Asisko Urmeneta)
Herriarteko Pala Txapelketako finala: Oiartzun irabazle
www.oiartzun.eus
oiartzungoudalainformatzen
iruditan
Ergoiengo festak
Intxixu Trail
Oiartzuarrak Gure Esku Dago-ren Giza Katean
Auntxa Trikitixa eta Irungo Kontserbatorioko taldeen emanaldia
Elkarretaratzea erasoen aurka
Altzibarko Sanjuan sua
Arraguako Sanjuan sua
Elizaldeko Sanjuan sua
Iturriozko Sanjuan sua
Ugaldetxoko Sanjuan sua
Altzibarko festak
Saharako haurrei ongietorria, ‘Oporrak bakean’
Soinuenearen Udako Kontzertua
Arditurri Eguna
www.oiartzun.eus
31
Abuztua DATA
ORDUA
EKINTZA
1-31
11:00-20:00
1-8-1522-29
-
1-31
10:00-14:00 16:00-18:00
1
19:00
2-6
-
Xanistebanak
10-11-1215
-
Karrikako festak
Udako igerilekua Tren Berdea Argazki erakusketa Xanistebanetako kultur ekitaldia
LEKUA
ANTOLATZAILEA
Udako igerilekuan
Udala
Pagoaldetik
Udala eta Gipuzkoako Parketxe Sarea
Arditurriko Parketxean
Udala eta Gipuzkoako Parketxe Sarea
Udaletxeko areto nagusian
Udala
Elizalde auzoan
Udala eta Xanistebanetako Jai Batzordea
Karrikan
Artasoko Jai Batzordea
LEKUA
ANTOLATZAILEA
Udako Igerilekuan
Udala
Arditurriko Parketxean
Udala eta Gipuzkoako Parketxe Sarea
Elorsoro kiroldegian eta udaletxean
Udala
Manuel Lekuona bibliotekan
HELTA
Gurutzen
Gurutzeko Jai Batzordea
Haurtzaro Ikastolatik
Girizia Mendi Taldea
Bidegorria eta Arditurrin
Udala eta Gipuzkoako Parketxe Sarea
Doneztebe plazan
Euskaraldiko lantaldea
Udaletxeko areto nagusian
Hirukide Euskadiko Familia Ugarien Federazioa
Petra Lekuona zaharren egoitzan
Osasun Pastorala
Karaez, 4
Udala
Ugaldetxon
Ugaldetxo Kultur Taldea
Iraila DATA
ORDUA
EKINTZA
1-16
11:00-20:00
Udako igerilekua
1-30
10:0014:00/16:0018:00
Argazki erakusketa
1-14
-
3-11
10:3012:30/17:0019:00
14-15-16
-
15-16
15:30
Mendi-irteera: Tozal de Guara
16
Goizez
Bide Berdeen Eguna
19
19:00
Euskaraldia prestatzeko bilera
20
18:00
Hirukide elkartearen aurkezpena
24-28
-
26
19:00
28-29-30
-
Txinalkan izen-ematea Helduen tailerretan izen-ematea Gurutzeko festak
Aiton-amonen Astea Gazteen antzerki taldeen bilera Ugaldetxoko festak
deialdiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.