VII. UTILIDAD, ENERGIA Y MEDIO AMBIENTE

PLAN DE RENOBACION ECONOMICO

Trabou, trabou y mas trabou cu salarionan decente y drechi. Pone Aruba traha bek. Reactiva inmediatamente turismo y amplia airlift den forma agresivo . Esaki ta cosnan cu gobiernonan di AVP a yega di haci caba den pasado y nos lo hacie un biaha atrobe.

Crea oportunidadnan nobo. AVP lo pone prioridad pa diversifica nos economia dor di start sector y industrianan nobo cu ta sostenibel y tecnologicamente inovativo, incluyendo industrianan creativo.

Introduci incentivonan di impuesto y otro sosten strategico pa negoshinan chikito y mediano y pa empleadonan independiente pa asina permiti nan start di nobo y re-inventa nan mes.

Den dialogonan cera y respetuoso trahadornan y dunadornan di trabou ta implementa reglanan pa tansforma crecemento economico den mas trabou cu miho pago, oportunidadnan nobo y mehora condicionnan di trabou secundario.

Goberna den dialogo cu tur sector den nos comunidad pa rescata, renoba y reconstrui Aruba. Den dialogo cu sector priva (y Reino) nos ta bay traha pa normalisa oranan di trabou y miho salarionan den henter e pais.

RESCATACATA RENOBA RENOBA RECONSTRUIRECON TRUI