VIII. INFRASTRUCTURA, TRANSPORTE Y TELECOMUNICACION

VII. UTILIDAD, ENERGIA Y MEDIO AMBIENTE

E estado di nos medioambiente y ecologia ta e resultado di nos maneho riba utilidad y energia. Proyectonan concreto cumpliendo cu e metanan di desaroyo sostenibel proclama pa Nacionnan Uni, lo yuda mantene nos progreso den direccion sostenibel y duradero. Infrastructura mester hisa calidad di nos barionan, aumenta efi ciencia di nos economia y optimalisa mobilidad. Tur plan pa proyecto y partnernan strategico cu mester sigura un desaroyo sostenibel y decarbonisacion di nos medioambiente, mester wordo reanuda.

Puntonan di accion:

• Den e periodo di gobernacion venidero e compromiso ta pa Parkietenbos wordo sanea completamente; • Investiga sostenibilidad riba termino largo pa deshaci di desperdicio actual; promove reciclahe, re-uzo, of otro tratamento pa diferente tipo di desperdicio; • Decarbonisa nos emicion di CO2 y gasnan ekivalente conforme e Acuerdo di Paris; • Pa implementacion di decarbonisacion lo midi nos nivel di decarbonisacion y tambe e costonan di energia pa asina den tur caso por garantisa pueblo stabilidad di tarifanan di energia y awa; • Uza e combustibel mas limpi pa genera electricidad y reanuda aliansanan strategico entre Gobierno, nos companianan di utilidad y partnernan internacional; • Aumenta uzo di biento y solo pa genera energia y continua cu e proyectonan solar riba dak di nos scolnan y realisa e proyectonan solar mas grandi cu tabata planea; • Reforesta Aruba den e sentido mas amplio di palabra. Recupera mondinan y crea mas areanan berde riba nos isla.