TIR AR STAD BRYN GLAS, BRYNSIENCYN
Datblygiad 12 o gartrefi newydd fforddiadwy effeithlon o ran ynni, yn cael eu hadeiladu gan DU
Construction ar ran ClwydAlyn ac mewn partneriaeth â Chyngor Sir Ynys Môn a Llywodraeth Cymru.
Mae’r cynllun hwn yn rhan o raglen ddatblygu ClwydAlyn i ddarparu 1500 o gartrefi yng Ngogledd Cymru erbyn 2025 gyda buddsoddiad o £250 miliwn.
RHOI YN ÔL I’R GYMUNED
DIWEDDARIAD AM Y CYNNYDD AC EDRYCH YMLAEN
Mae’r gwaith ar y safle yn mynd yn ei flaen yn dda gyda’r gwaith Archaeoleg ar ben, mae’r peiriannydd wedi bod ar y safle i farcio plotiau 7-12 a bydd hyn yn gadael i ni dyllu’r sylfeini yn barod ar gyfer y gwaith blociau. Bydd y slabiau concrid yn cael eu gosod ar gyfer plotiau 7-12, ac yna bydd y fframiau pren yn dilyn, yn ein diweddariad nesaf bydd newidiadau mawr ar y safle gyda’r tai ar eu traed yn barod am eu toeau a’r gwaith rendro.
Rhan bwysig o ymrwymiad ClwydAlyn i adeiladu tai fforddiadwy o safon uchel yw sicrhau bod yr holl bartneriaid sy’n rhan o’r cynllun yn ymrwymo i roi yn ôl i’r cymunedau lleol yr ydym yn gweithio ynddyn nhw mewn amrywiaeth eang o ffyrdd yn unol â’n blaenoriaethau tlodi. Bydd hynny yn ei dro yn helpu i gyfoethogi ein cymunedau trwy roi cefnogaeth lle mae ei angen, boed hynny yn helpu pobl yn ôl i waith, brwydro yn erbyn bod yn ynysig yn gymdeithasol, cefnogi preswylwyr sydd mewn tlodi tanwydd neu roi mynediad at fwyd maethlon.
CLWYDALYN.CO.UK YNYS MÔN
GWANWYN 2023
Ein blaenoriaethau
tlodi i breswylwyr
Cynyddu gwaith, hyfforddiant, addysg a gwirfoddoli
Lleihau tlodi bwyd
Ein cenhadaeth
Gyda’n gilydd i drechu tlodi
Lleihau tlodi tanwydd
Cynyddu cynhwysiant digidol
Cwmpas Gwerth Cymdeithasol: Gweithgareddau a gwasanaethau sy’n mynd tu hwnt i’r gofyn i gyflawni deilliannau gwerth cymdeithasol sy’n cyfrannu at ein blaenoriaethau tlodi a’n cenhadaeth i drechu tlodi.
CARTREFI YNNI EFFEITHIOL
Nod ClwydAlyn yw taclo tlodi tanwydd a helpu i leihau’r effaith y gall cartrefi
llai effeithlon o ran ynni ei gael ar iechyd a lles pobl. Wedi eu hadeiladu gan
ddefnyddio technolegau mwy gwyrdd a dyluniadau blaengar, mae’r cartrefi
newydd yma’n effeithlon iawn o ran ynni ac yn manteisio ar:
• Pympiau gwres ffynhonnell aer
• Paneli trydan solar
• Cartrefi wedi eu gosod i wneud y mwyaf o’r haul a golau naturiol
• Cyfleusterau gwefru ceir trydan
• ‘Dulliau Adeiladu Modern’, gan ddefnyddio cymaint o ddeunyddiau naturiol a chynaliadwy ag sy’n bosibl
• Canfod deunyddiau gan
weithgynhyrchwyr a chyflenwyr lleol, gan gadw’r ôl troed carbon yn isel
Gall y cartrefi yma wneud gwahaniaeth mawr. Byddant yn helpu preswylwyr i gefnogi’r amgylchedd; arbed ynni gwerthfawr ac fe allant arbed arian yn y pen draw hefyd.
A ydych yn gwybod am unrhyw grwpiau cymunedol, ysgolion, elusen neu sefydliad nid er elw yn yr ardal sydd angen cefnogaeth? Os felly, byddem yn falch iawn o gael clywed amdanyn nhw, anfonwch e-bost at: info@duconstructionltd.co.uk
DIDDORDEB MEWN GYRFA YN Y MAES ADEILADU?
Mae ClwydAlyn a DU Construction yn gweithio gyda’i gilydd i gefnogi pobl sy’n byw yn y cymunedau i waith, hyfforddiant, prentisiaethau. Os oes gennych ddiddordeb mewn profiad gwaith, lleoliad hyfforddi neu waith / prentisiaeth, mewn amrywiaeth mawr o grefftau adeiladu. Cysylltwch â DU Construction ar: info@duconstructionltd.co.uk
RHEOLI’R SAFLE AC
ORIAU GWEITHREDU
Mae Tîm Rheoli Safle ar y safle bob amser, sydd wedi ei hyfforddi i reoli’r holl weithrediadau a gweithgareddau’r isgontractwyr yn ddiogel.
Yr oriau gweithredu nodweddiadol yw dydd Llun i ddydd Gwener rhwng 8am a 6pm a dyddiau
Sadwrn 8am hyd 4.30pm. Os bydd angen i waith arbenigol ddigwydd ar unrhyw adeg tu hwnt i’r oriau hyn, byddwn yn cysylltu â chi. Byddwn yn
parhau i gyfathrebu yn gyson trwy gylchlythyr wrth i’r datblygiad symud yn ei flaen.
CYSYLLTWCH Â NI
Os bydd gennych unrhyw ymholiadau neu bryderon, peidiwch ag oedi cyn cysylltu â
Steven Hughes ar 07557275657 a fydd ar gael i ateb unrhyw ymholiadau all fod gennych. Fel arall, os byddai’n well gennych gysylltu
â ni trwy e-bost, ein cyfeiriad yw: info@duconstructionltd.co.uk
DILYNWCH NI AR Y CYFRYNGAU CYMDEITHASOL
Am y newyddion diweddaraf am y datblygiad, gan gynnwys delweddau o’r ffordd mae’r safle’n datblygu, dilynwch ClwydAlyn ar y cyfryngau cymdeithasol. @ClwydAlyn
Mae ClwydAlyn yn Gymdeithas Gofrestredig Elusennol
