TIR HEN YSGOL Y BONT YNYS MÔN
Datblygiad 52 o gartrefi
newydd fforddiadwy effeithlon
o ran ynni, yn cael eu hadeiladu
gan Williams Homes ar
ran ClwydAlyn ac mewn
partneriaeth â Chyngor Ynys
Môn a Llywodraeth Cymru.
Y DIWEDDARAF AM Y CYNNYDD
AC EDRYCH YMLAEN
Mae’r gwaith ar y safle yn mynd yn ei flaen yn dda, ac ym Mawrth a Mai, symudodd 23 o breswylwyr / teuluoedd i’w cartrefi newydd.
Mae’r gwaith plannu a thirlunio wedi eu cwblhau ar gyfer y 2 gam cyntaf gan gynnwys y goeden Nadolig gymunedol!! Bydd cam olaf datblygu’r cartrefi newydd yma yn cael ei gwblhau yn hwyr yn yr haf. Cyn i breswylwyr symud i mewn byddant yn cael cyfle i fynd ar daith o gwmpas eu cartrefi newydd a chael digwyddiad croesawu, lle byddwn yn rhoi gwybodaeth iddyn nhw am eu cartrefi newydd a’r technolegau newydd (pympiau gwres ffynhonnell aer) a llawer mwy. Allwn ni ddim aros i roi eu goriadau i bawb.
EIN DATBLYGIAD TAI MWYAF ARLOESOL ETO!
Gwelir y cartrefi yma fel rhai o’n datblygiadau tai mwyaf arloesol eto, £13.9m (tir, adeiladu a chostau eraill) gyda grant o £9.1m o Raglen Tai Arloesol Llywodraeth Cymru. Mae Rhaglen Tai Arloesol
Llywodraeth Cymru yn cefnogi ffyrdd newydd o gyflawni tai fforddiadwy, yn canolbwyntio ar gartrefi carbon isel, effeithlon o ran ynni, gan helpu i daclo tlodi tanwydd.
Ymrwymodd ClwydAlyn i archwilio syniadau ar gyfer cartrefi carbon isel a dyluniadau arloesol ac nid yw datblygiad Hen Ysgol y Bont yn eithriad, gyda chynaliadwyedd a chymuned yn ganolog i’r cynllunio.
Trwy gydol gwahanol gamau’r datblygiad rydym wedi bod yn
ffilmio, gyda 4 ffilm wahanol i gyd, o ddechrau’r gwaith hyd ei gwblhau. Ar hyn o bryd rydym yn gweithio ar y ffilmiau yma gyda
Llywodraeth Cymru a byddant yn cael eu rhannu’n fuan trwy sianeli cyfryngau cymdeithasol
Llywodraeth Cymru!
PRESWYLWYR YN SYMUD I’W CARTREFI!
Llongyfarchiadau i’n holl breswylwyr sydd wedi symud i’w cartrefi newydd yn Hen Ysgol y Bont, a elwir yn awr yn Faes yr Ysgol a Stryd y Bont. Ar eu diwrnod symud, gofynnwyd i breswylwyr amrywiol beth oedden nhw’n ei feddwl o’u cartrefi newydd, a dyma oedd gan Ruth, Nicole, Annest a Mr a Mrs Jones i’w ddweud…
RUTH - SYMUD I MEWN YM
MAWRTH 2023
“ Bydd symud i fy nghartref newydd yn newid llawer ar fy mywyd gan ei fod mor braf, modern a ffasiynol. Roeddwn yn byw mewn tŷ tri llawr sydd wedi ei gondemnio ac yn damp a pheryglus i fyw ynddo, y gwresogi’n wael a’r biliau trydan yn costio £70 i £80 yr wythnos. Mae gen i fab anabl sy’n 35 oed ag awtistig, a bydd byw yn fan hyn rŵan a chael cymaint o le yn help mawr iddo. Gyda’r paneli solar a system wresogi iawn hefyd bydd yn arbed arian i ni ac rydym yn edrych ymlaen yn fawr at gael byw yma.”
NICOLE - SYMUD I MEWN YM
MAWRTH 2023
“ Mae ein cartref newydd yn wych ac rydym wedi cyffroi ac rwyf yn teimlo’n lwcus iawn o’i gael. Mae gan ein plant anghenion ychwanegol a gan mai dim ond 5 munud i ffwrdd mewn car yw eu hysgol erbyn hyn, bydd hyn yn arbed arian i ni ar gostau petrol. Bydd y patrwm a’r gawod newydd hefyd yn eu helpu i ddatblygu eu sgiliau helpu eu hunain a’u hannibyniaeth, ac mae’r cyfan yn wahaniaeth anferth i’n cartref blaenorol. Yno roedd gennym nwy LPG, ac mae hanner tanc o danwydd yn costio llawer – bydd byw mewn cartref effeithlon o ran ynni yn arbed arian i ni a bydd mor dda i’n teulu cyfan.”
MR A MRS JONES – SYMUD
I MEWN YM MAI 2023
ANNEST – SYMUD I MEWN YM MAI 2023
“ Mae’n rhyddhad mawr symud i mewn a dweud y gwir. Rwy’n fam i 2 blentyn - mae’r hynaf yn 2 oed ac mae gennyf fabi 9 mis oed. Bydd byw yma yn rhoi cyfle iddyn nhw gael eu hystafell eu hunain; cyn hyn roedden ni’n aros yn nhŷ fy rhieni yn eu hystafell fyw ac roeddwn yn gorfod cysgu ar y soffa. Erbyn hyn mae genno ni i gyd ein lle i ni ein hunain, a gyda’r ysgol yn agos, mae hyd yn oed yn fwy cyfleus. Rwy’n edrych ymlaen at weld faint y gallaf ei arbed ar filiau mewn cartref effeithlon o ran ynni, a rŵan mod i’n gallu creu patrwm, fe allaf chwilio am waith rhan-amser yn yr ardal leol.”
“ Rydym wedi gwirioni ein bod yn cael symud ac mae ein cartref newydd yn bendant yn mynd i newid ein bywydau ni. Mae’n wahanol iawn i’n hen gartref, lle’r oeddem wedi byw ers 12 mlynedd heb ystafell ymolchi i fyny’r grisiau. Roedden ni hefyd yng nghanol nunlle a thywydd drwg, eira, glaw a llifogydd yn effeithio arnon ni. Er bod ein cartref newydd ar stad, dydio ddim yn teimlo felly hefo’r holl le sydd ar gael, a gyda’r prisiau’n codi, mae pob ceiniog yr ydym yn ei harbed mewn cartref effeithlon o ran ynni yn helpu. Y pethau syml y mae pobl eraill yn eu cymryd yn ganiataol sy’n fawr i ni, ac yn bennaf oll, byddwn yn gallu byw rŵan, nid dim ond bodoli.”
CANLYNIADAU’R AROLWG
HYD YN HYN!
Er mwyn sicrhau ein bod yn datblygu’r cartrefi gorau ar gyfer ein preswylwyr a’u bod yn hapus gyda nhw, ac sy’n gwneud gwahaniaeth i’w bywydau, rydym yn gofyn iddyn nhw lenwi arolwg 6 wythnos ar ôl symud i mewn a 9 mis ar ôl symud i mewn. Gallwn wedyn adolygu a dysgu o’r canlyniadau. Dyma gipolwg ar rai o’r cwestiynau / canlyniadau.
Dros 90% o’r preswylwyr yn fodlon ar safon a gorffeniad eu cartref newydd.
Mae ClwydAlyn yn Gymdeithas Gofrestredig Elusennol