საქართველოს ადვოკატები დამოუკიდებელი პროფესიისათვის

Final Draft

საქართველოს ადვოკატები დამოუკიდებელი პროფესიისათვის Georgian Lawyers for Independent Profession სტრატეგიული გეგმა 2010-2013 წწ

ქალაქი თბილისი 2010 წელი.

საქართველოს ადვოკატები დამოუკიდებელი პროფესიისათვის

I. შესავალი „საქართველოს ადვოკატები დამოუკიდებელი პროფესიისათვის“ (შემდგომში: „ს.ა.დ.პ.“ ან „გაერთიანება“ ან „ორგანიზაცია“) ადვოკატების ნებაყოფლობითი გაერთიანებაა, რომელიც საქართველოში მართლმსაჯულების სისტემის სრულყოფისა და კანონის უზენაესობის განმტკიცების ხელშეწყობას ისახავს მიზნად. საქართველოს ადვოკატთა კორპუსისა და „ს.ა.დ.პ.“-ის წინამშე არსებული გამოწვევების წარმატებით დაძლევის მიზნით, ადგილობრივი საკონსულტაციო კომპანიის „ი-ემ-სი“-ს მონაწილეობით ორგანიზაციამ წინამდებარე საშუალოვადიანი სტრატეგიული გეგმა შეიმუშავა. ორგანიზაციის გამგეობის თითოეული წევრი, „ს.ა.დ.პ.“-ის სხვა წევრებთან და მხარდამჭერებთან ერთად აქტიურ მონაწილეობას იღებდა სტრატეგიული დაგეგმვის პროცესში. გეგმაში ასახულია როგორც გამგეობის წევრების, ასევე „ს.ა.დ.პ.“-ის რიგითი წევრებისა და დაინტერესებული მხარეების მოსაზრებები იმ პრიორიოტეტულ ამოცანებთან დაკავშირებით, რომელთა გადაჭრასაც ორგანიზაცია მომდევნო სამი წლის განმავლობაში ეცდება. წინამდებარე გეგმაში თავმოყრილია „ს.ა.დ.პ.“-ის სტრატეგიის საკვანძო ელემენტები, კერძოდ:  ორგანიზაციული თვითშეფასების მიმოხილვა;  გარემო ფაქტორების ანალიზი;  გაერთიანების ფუნდამენტური კორპორატიული ღირებულებები;  ორგანიზაციული ხედვა და მისია;  სტრატეგიული მიზნები, პროგრამული შედეგები, კრიტიკული ვარაუდები (აუცილებელი წინაპირობები) და რისკები;  პარტნიორები, რომლებიც მნიშვნელოვან როლს ასრულებენ გაერთიანების საქმიანობაში;  დეტალური სამოქმედო გეგმები, სადაც გაწერილია რიგი აქტივობები სტრატეგიის განსახორციელებლად;  დაინტერესებული მხარეების შენიშვნები და წინადადებები სტრატეგიულ გეგმასთან მიმართებაში;  თითოეულ მიზანთან და შედეგთან მიმართებით პროგრესისა და შესრულების ინდიკატორები. გაერთიანების მისია 2010-2013 წლებისათვის - „საქრთველოს ადვოკატები დამოუკიდებელი პროფესიისათვის” თავისუფალ პრაქტიკოსთა გაერთიანებაა, რომელიც ხელს უწყობს ადვოკატთა დამოუკიდებელი კორპუსის ჩამოყალიბებასა და იურიდიული პროფესიის განვითარებას, საქართველოში მართლმსაჯულების სამართლიანი სისტემის უზრუნველყოფისათვის“ - ყველაზე ამბიციურ მოსალოდნელ შედეგს, ანუ მიღწევების უმაღლეს საფეხურს წარმოადგენს, რის შესრულებაზეც გაერთიანება პასუხისმგებლობას იღებს. მისიის ფორმულირება ხაზს უსვამს ორგანიზაციის განზრახვას, მნიშვნელოვანი წვლილი შეიტანოს მართლმსაჯულების სისტემის სრულყოფაში, რაც ადვოკატის ინსტიტუტის შემდგომი გაძლიერებით უნდა მიიღწეს. მისიის განხორციელებას ხუთი სტრატეგიული მიზანი უდევს საფუძვლად, სახელდობრ: 1.

2.

3.

4.

5.

მართლმსაჯულების სისტემის სრულყოფის ხელშეწყობა საქართველოს ადვოკატთა კვალიფიკაციისა და პროფესიონალიზმის ამაღლება საადვოკატო საქმიანობის მაღალი პროფესიული სტანდარტების დამკვიდრების ხელშეწყობა საადვოკატო საქმიანობის თვითრეგულირებადი სისტემის ჩამოყალიბების ხელშეწყობა გაერთიანების ინსტიტუციური გაძლიერება და ფინანსური და ორგანიზაციული მდგრადობის უზრუნველყოფა

„საქართველოს ადვოკატები დამოუკიდებელი პროფესიისათვის“ არაკომერციული და აპოლიტიკური გაერთიანებაა, რომელიც თავისი მიზნების მისაღწევად მზადაა ღიაა კონსტრუქციული თანამშრომლობისათვის მართლმსაჯულების სფეროში მოქმედი ყველა სამთავრობო თუ არასამთავრობო სტრქუტურებსა და საერთაშორისო ორგანიზაციებთან. წინამდებარე სტრატეგიული

2

საქართველოს ადვოკატები დამოუკიდებელი პროფესიისათვის

გეგმით გათვალისწინებული მიზნების მისაღწევად ორგანიზაციას ინტენსიური ურთიერთობები ექნება საქართველოს პარლამენტთან, საქართველოს პრეზიდენტის ადმინისტრაციასთან, საქართველოს იუსტიციის სამინისტროსთან, აღმასრულებელი ხელისუფლების სხვა სტრუქტურებთან, იუსტიციის საბჭოსა და საერთო იურისდიქციის სასამართლოებთან. „ს.ა.დ.პ.“-ის წევრები არიან ადვოკატები, რომელთაც მიღებული აქვთ საადვოკატო საქმიანობის უფლება, კანონმდებლობით დადგენილი წესით. საქართველოში არსებობს სსიპ „საქართველოს ადვოკატთა ასოციაცია“, რომლის წევრობაც სავალდებულოა ადვოკატის სტატუსის მისაღებად (ე.წ.

Mandatory Bar). „საქართველოს ადვოკატები დამოუკიდებელი პროფესიისათვის“ კერძო სამართლის იურიდიული პირია და რაც ყველაზე მნიშვნელოვანია, მის საწესდებო მიზნებში არ შედის პროფესიული საადვოკატო პრაქტიკის რეგულირება ან ლიცენზირება. გაერთიანება აპირებს თავის წევრთა საადვოკატო პრაქტიკაში დააკვიდროს დაწესებულ მინიმალურზე მაღალი პროფესიული და ეთიკური სტანდარტები, მოახდინოს განგრძობითი იურიდიული განათლების ინოვაციური სისტემისა და ეთიკურ საადვოკატო პრაქტიკაზე მონიტორინგის სისტემის მოდელირება, რომლის შედეგებიც ხელმისაწვდომი იქნება როგორც ადვოკატთა სხვა გაერთიანებებისათვის, ასევე, ზოგადად, ფართო საზოგადოებისათვის. საჭიროებისა და თხოვნის შემთხვევაში, გაერთიანების წევრები მზად არიან, წინამდებარე გეგმის თანახმად განხორციელებული საქმიანობების შედეგად დაგროვილ გამოცდილებაზე დაყრდნობით მონაწილეობა მიიღონ საადვოკატო საქმიანობის რეგულირებაზე პასუხისმგებელი ორგანიზაციის მიერ პროფესიული და ეთიკური სტანდარტების შემუშავებაში, განგრძობადი იურიდიული განათლებისა და პროფესიული პრაქტიკის რეგულირების სისტემის შემუშავებასა და დანერგვაში.

2010-2013 წწ სტრატეგიული გეგმის განხორციელებისას „საქართველოს ადვოკატები დამოუკიდებელი პროფესიისათვის“ თავის ძირითად პარტნიორებად ასევე მოიაზრებენ საქართველოში მოქმედ საერთაშორისო ორგანიზაციებს, განვითარების სააგენტოებსა და უცხოეთის ქვეყნების დიპლომატიურ წარმომადგენლობებს, რომლებიც დაინტერესებულნი არიან საქართველოში დემოკრატიული პროცესების შემდგომი განვითრებითა და კანონის უზენაესობის დამკვიდრებით. მიუხედავად იმისა, რომ გაერთიანებამ დღემდე რამდენიმე მნიშვნელოვანი ინიციატივა თავისი წევრების შენატანებითა და შემოწირულობებით განახორციელა, წინამდებარე სტრატეგიული გეგმით გათვალისწინებულია მთელი რიგი ინოვაციური საპილოტე აქტივობებისა, რომელთა წარმატებით რეალიზებაც მნიშვნელოვნად არის დამოკიდებული ადგილობრივ თუ საერთაშორისო დონორებთან თანამშრომლობაზე. მომდევნო რამდენიმე წლის განმავლობაში გაერთიანება მჭიდროდ ითანამშრომლებს ადგილობრივ და საერთაშორისო ბეჭდვით, სატელევიზიო და ელექტრონულ მედიასთან, რამაც ერთის მხრივ, უნდა უზრუნველყოს გაერთიანების საქმიანობის მაქსიმალური გამჭირვალობა, ხოლო მეორეს მხრივ, ორგანიზაციის მიერ დასახული პრიორიტეტული ამოცანების, (მათ შორის, მართლმსაჯულების სისტემის სრულყოფისა და საადვოკატო საქმიანობის მაღალი პროფესიული და ეთიკური სტანდარტების დამკვიდრების) შესრულებაში ადვოკატებისა და ფართო საზოგადოების ჩართულობა.

II. სამართლებრივი სტატუსის, საწესდებო მიზნების, წევრობისა და მართვის პროცედურების მიმოხილვა „საქართველოს ადვოკატები დამოუკიდებელი პროფესიისათვის“ განუსაზღვრელი ვადით შექმნილი ადვოკატების ნებაყოფლობითი და უფლებადამცავი გაერთიანებაა. თავისი სამართლებრივი სტატუსით გაერთიანება პირთა წევრობაზე დაფუძნებული კერძო სამართლის იურიდიული პირია და შექმნილია საქართველოს სამოქალაქო კოდექსის საფუძველზე. გაერთიანება მოქმედებს საქართველოს კონსტიტუციის, კანონმდებლობისა და საკუთარი წესდების შესაბამისად. მას გააჩნია განცალკევებული ქონება და ბალანსი, საანგარიშწორებო და სხვა სახის, მათ შორის, სავალუტო ანგარიშები ბანკში, მრგვალი ბეჭედი, ემბლემა და ხელმძღვანელო ორგანოს მიერ დამტკიცებული სხვა სიმბოლიკა.

3

საქართველოს ადვოკატები დამოუკიდებელი პროფესიისათვის

ორგანიზაციის წესდება 2009 წლის 19 დეკემბერს ჩატარებულ დამფუძნებელ კრებაზე მიიღეს. ამჟამად ორგანიზაცია 300-ზე მეტი ადვოკატის ინტერესებს წარმოადგენს. გაერთიანების თითოეული წევრი ამავდროულად სსიპ საქართველოს ადვოკატთა ასოციაციის (ე.წ. Mandatory Bar) წევრიცაა. გაერთიანების საწესდებო მიზნები განსაზღვრავს ორგანიზაციიის სამოქმედო სფეროსა და ინსტიტუციურ პრიორიტეტებს. კერძოდ, გაერთიანება მიზნად ისახავს:  საქართველოში მართლმსაჯულების სისტემის სრულყოფასა და კანონის უზენაესობის განმტკიცების ხელშეწყობას;  იურიდიული პროფესიის განვითარების ხელშეწყობას;  საზოგადოებაში სამართლებრივი კულტურისა და მართლშეგნების დამკვიდრებას;  იურიდიული მეცნიერებისა და იურიდიული განათლების სისტემის მხარდაჭერას;  ადამიანის უფლებათა შესახებ დამოუკიდებელი და კომპენტენტური საზოგადოებრივი აზრის ფორმირებას;  ადვოკატებისათვის მათი საქმიანობის განხორციელებაში თანადგომას, მათ შორის ადვოკატის პრესტიჟისა და პროფესიული დონის ამაღლებას;  ადვოკატის უფლებების, პროფესიული თავისუფლების, ინტერესების და დამოუკიდებლობის დაცვის ხელშეწყობას;  საადვოკატო საქმიანობაში ჩაურევლობის უზრუნველყოფას;  ადვოკატთა კვალიფიკაციის დონის ამაღლებას;  დამოუკიდებელ ადვოკატთა ძლიერი კორპუსის შექმნასა და საადვოკატო საქმიანობის, როგორც თავისუფალი პროფესიის შენარჩუნებას;  ადვოკატების საერთო პროფესიული ინტერესების დაცვასა და ლობირებას;  საზოგადოებაში ადვოკატის ნდობისა და რეპუტაციის ამაღლებას;  ადვოკატთა კორპუსის კონსოლიდაციას;  კანონშემოქმედებითი საქმიანობაში, სასამართლო პრაქტიკის განზოგადებასა და სამართლებრივი პროექტების განხორციელებაში მონაწილეობას;  სოციალურად დაუცველ პირთათვის უფასო იურიდიული დახმარების გაწევას;  ადვოკატთა კლუბის ორგანიზებას. გაერთიანების წევრობა ორგანიზაციის წევრობა არის ნებაყოფლობითი. გაერთიანების წევრი შეიძლება გახდეს საქართველოს მოქალაქე, რომელსაც მიღებული აქვს უმაღლესი იურიდიული განათლება, საქართველოს კანონმდებლობის შესაბამისად მინიჭებული აქვს საადვოკატო საქმიანობის განხორციელების უფლება (ადვოკატის სტატუსი), გაწევრიანების მოთხოვნით, დადგენილი წესით, მიმართა კავშირის გამგეობას და წარადგინა კავშირის მინიმუმ 5 მოქმედი წევრის დადებითი და დასაბუთებული რეკომენდაცია. ორგანიზაციის გამგეობა, განცხადების მიღებიდან ერთი თვის ვადაში, გაწევრიანების მსურველთან გასაუბრების საფუძველზე, იღებს გადაწყვეტილებას პირის გაერთიანებაში გაწევრიანების ან გაწევრიანებაზე უარის თქმის შესახებ. გაერთიანების მართვა ორგანიზაციის მართვის ორგანოებია საერთო კრება და გამგეობა. გაერთიანების უმაღლესი ორგანოა წევრთა საერთო კრება, რომელიც იმართება სულ მცირე წელიწადში ერთხელ, როგორც წესი, დეკემბრის მეორე შაბათ დღეს და იგი უფლებამოსილია თუ მასზე წარმოდგენილია კავშირის წევრთა ნახევარზე მეტი. როგორც წესი, საერთო კრება გადაწყვეტილებებს იღებს ღია კენჭისყრით, წარმოდგენილ წევრთა უბრალო უმრავლესობით.

4

საქართველოს ადვოკატები დამოუკიდებელი პროფესიისათვის

საერთო კრების მოწვევისა და თავმჯდომარეობის უფლებამოსილება გააჩნია გაერთიანების თავმჯდომარეს, ან მის მიერ უფლებამოსილების განხორციელების შეუძლებლობის შემთხვევაში, თავმჯდომარის მოადგილეს. რიგგარეშე საერთო კრების მოწვევის მოთხოვნისა და დღის წესრიგში ცვლილებების შეტანის უფლებამოსილება გააჩნია გაერთიანების წევრთა არანაკლებ 1/5-ს ან/და გამგეობის არანაკლებ 3 წევრს. გაერთიანების საქმიანობას საერთო კრებებს შორის პერიოდში წარმართავს გამგეობა, რომელიც აღმასრულებელი ორგანოა და ანგარიშვალდებულია საერთო კრების წინაშე. გამგეობა შედგება 12 წევრისაგან, რომლთაც 2 წლის ვადით ირჩევს საერთო კრება, ორგანიზაციის წევრთა შემადგენლობიდან. გამგეობის წევრებად არჩეულად ითვლებიან ის კანდიდატები, რომელიც მიიღებენ სხვა კანდიდატებზე მეტ ხმას. კანდიდატების მიერ ხმათა თანაბარი რაოდენობის მიღების შემთხვევაში, თუ მათი რაოდენობა აღემატება ასარჩევ წევრთა რაოდენობას, ტარდება განმეორებითი კენჭისყრა. გამგეობის სხდომა იმართება სულ მცირე თვეში ერთხელ. გამგეობა უფლებამოსილია თუ მის სხდომას ესწრება წევრთა ნახევარზე მეტი. როგორც წესი, გადაწყვეტილებები მიიღება დამსწრე წევრთა უბრალო უმრავლესობით. ხმის გაყოფის შემთხვევაში გადამწყვეტია თავმჯდომარის ხმა. გაერთიანების ხელმძღვანელობა და წარმომადგენლობა გაერთიანების ხელმძვანელობისა და წარმომადგენლობის უფლებამოსილება გააჩნია თავმჯდომარეს, რომელიც იმავდროულად არის გამგეობის თავმჯდომარე. იგი არის ორგანიზაციის წარმომადგენელი მესამე პირებთან და საერთშორისო ურთიერთობებში. გაერთიანების თავმჯდომარეს და თავმჯდომარის მოადგილეს, 2 წლის ვადით, სიითი შემადგენლობის უმრავლესობით ირჩევს კავშირის გამგეობა თავისი შემადგენლობიდან. თავმჯდომარე და თავმჯდომარის მოადგილე შრომის ანაზღაურებას იღებენ გაერთიანების სახსრებიდან. აპარატი გაერთიანების მართვის ორგანოები თავის საქმიანობას ახორციელებენ აპარატის დახმარებით, რომელსაც ხელმძღვანელობს აპარატის უფროსი, რომელსაც თანანმდებობაზე ნიშნავს გამგეობა. აპარატის უფროსი უძღვება აპარატის მუშაობას და პასუხისმგებელია გაერთიანების მართვის ორგანოების მიერ მიღებული გადაწყვეტილებების შესრულებაზე. კომიტეტები და კომისიები ორგანიზაციაში იქმნება მუდმივმოქმედი კომიტეტები სამართლის დარგების მიხედვით, სასამართლო პრაქტიკის განზოგადების მიზნით და დროებითი კომისიები იურიდიულ პროფესიაში არსებული პრობლემატური საკითხების ირგვლივ. მუდმივმოქმედი კომიტეტები და დროებითი კომისიები იქმნება გამგეობის გადაწყვეტილებით, თავად გამგეობის ან ორგანიზაციის წევრთა არანაკლებ 10 წევრიანი ჯგუფის ინიციატივით. მუდმივმოქმედი კომიტეტების და დროებითი კომისიების საქმიანობის წესს ამტკიცებს გამგეობა.

III. ინსტიტუციური თვითშეფასება და გარემოს ანალიზი წინამდებარე სტრატეგიული გეგმით განსაზღვრული მიზნები, ამოცანები და საქმიანობები სტრატეგიული დაგეგმვის ეტაპზე ჩატარებული ინსტიტუციური თვითშეფასების შედეგებს ეყრდნობა. „ს.ა.დ.პ.“-ის წევრებმა თვითშეფასება და გარემოს ანალიზი დაგეგმვის საწყის ეტაპზე ჩაატარეს და შიდა ინსტიტუციური ანალიზის პარალელურად გამოავლინეს ორგანიზაციისაგან დამოუკდებელი გარეშე ფაქტორები, რომლებიც მნიშვნელოვან ზეგავლენას ახდენენ ერთის მხრივ, „ს.ა.დ.პ.“-ის სამოქმედო სფეროზე, ხოლო მერეს მხრივ, ორგანიზაციის მიერ განხორციელებულ ან მომავალში განსახორციელებელ საქმიანობებზე. (ა) ინსტიტუციური თვითშეფასება: ძლიერი მხარეები  გაერთიანების წევრებისა და გამგეობის მოტივაციის მაღალი ხარისხი, უზრუნველყონ საადვოკატო საქმიანობის მაღალი სტანდარტები;  გაერთიანების წევრების პროფესიონალიზმი;

5

საქართველოს ადვოკატები დამოუკიდებელი პროფესიისათვის

      

   

წევრთა რაოდენობა; კოლეგიური და პოზიტიური ურთიერთობები ორგანიზაციის წევრებს შორის; ორგანიზაციის უნიკალურობა (ორგანიზაცია წევრობაზე ორიენტირებული ერთადერთი კერძო სამართლის იურიდიული პირია, რომელიც აერთიანებს პრაქტიკოს ადვოკატებს); ადვოკატთა ახალგაზრდა თაობის სურვილი, მონაწილეობა მიიღონ გაერთიანების საქმიანობაში; ქვეყანაში არსებული სამართლებრივი გარემოს შესახებ ინფორმაციისადმი ხელმისაწვდომობა; გაერთიანების წევრების მაღალი პროფესიული რეპუტაცია და საზოგადოებრივი იმიჯი; გაერთიანების თანამშრომლობითი ურთიერთობები არასამთავრობო სექტორთან, მასმედიის საშუალებებთან და საზოგადოებასთან ურთიერთობის კამპანიების განხორციელების შედეგად შეძენილი გამოცდილება; გაერთიანების წევრების მიერ მართლმსაჯულების სფეროსა და საადვოკატო პრაქტიკასთან დაკავშირებით არსებული გამოწვევების შესახებ ინფორმაციისადმი ხელმისაწვდომობა მოხალისეების მხარდაჭერა და ჩართულობა გაერთიანების საქმიანობაში; წევრთა ფინანსური და მატერიალური კონტრიბუციები; გამგეობის წევრების ორგანიზაციული მართვის გამოცდილება.

როგორც თვითშეფასებამ გვიჩვენა, გაერთიანების ძლიერი მხარეები ხშირად მისი წევრების ინდივიდუალურ პროფესიონალიზმს, ცოდნას, რეპუტაციასა და კონტაქტებს ეყრდნობა და ამ ეტაპზე თავად ორგანიზაციას, როგორც განცალკევებულ იურიდიულ პირს ბევრი ძლიერი მხარე არ გააჩნია, რაც გაკვირვებას არ უნდა იწვევდეს იმის გათვალისწინებით, რომ ორგანიზაცია სულ რამდენიმე თვის წინ დაფუძნდა და ჯერ-ჯერობით არ დაუწყია სრული დატვირთვით მუშაობა. ამასთან, გაერთიანების წევრები სრულად აცნობიერებენ, რომ წევრების მაღალი მოტივაცია, ჩართულობის ხარისხი განხორციელებულ საქმიანობებში, მნიშვნელოვანი ფინანსური და მატერიალურ-ტექნიკური შენატანები (რაც არცთუ ჩვეულებრივი მოვლენაა საქართველოს სამოქალაქო სექტორისათვის) საყურადღებო ფაქტორებია, რომლებიც ცალსახად მიუთითებს გაერთიანების ინსტიტუციური განვითარების პრესპექტივებსა და პოტენციალზე. (ბ) ინსტიტუციური თვითშეფასება: სუსტი მხარეები  ფინანსური რესურსების არარსებობა  ორგანიზაციული სტრატეგიის არარსებობა  ორგანიზაციული მართვის არასაკმარისი გამოცდილება;  გაერთიანების წევრებთან კომუნიკაციის მექანიზმების ნაკლებობა;  საზოგადოებასთან ურთიერთობის სტრატეგიის არარსებობა;  გაერთიანების ნორმალური ფუნქციონირებისათვის სათანადო მატერიალურ-ტექნიკური ბაზის არარსებობა;  რეგიონალური ინიციატივების ნაკლებობა;  საერთაშორისო და დონორ ორგანიზაციებთან თანამშრომლობითი ინიციატივების ნაკლებობა  აღმასრულებელი რგოლის არარსებობა გაერთიანების წევრების მიერ გამოვლენილი სუსტი მხარეები სიმპტომურია ბევრი ახალდაფუძნებლი არასამთავრობო ორგანიზაციისათვის. ნორმალური ფუნქციონირებისათვის შეუსაბამო ფინანსური და მატერიალურ-ტექნიკური ბაზა, ასევე თანამშრომლობის დაბალი ხარისხი საერთაშორისო და ადგილობრივ ორგანიზაციებთან ის გამოწვევებია, რომელთა დაძლევასაც კავშირი მომდევნო სამი წლის განმავობაში ეცდება. მიუხედავად იმისა, რომ გაერთიანებას ამჟამად ბევრი მოტივირებული წევრი და მოხალისე ჰყავს, გამგეობა სრულად აცნობიერებს, რომ წევრებთან კომუნიკაციის ეფექტიანი მექანიზმების ამოქმედებამ, კავშირის მართვაში გამჭირვალობის დიდი ხარისხის უზრუნველყოფამ და წევრების ჩართვამ გადაწყვეტილებების მიღებაში უნდა უზრუნველყოს ერთის მხრივ, არსებული ინტერესისა და მოტივაციის შენრჩუნება, ხოლო მეორეს მხრივ, ახალი წევრების მოზიდვა. (გ) გაერთიანების კორპორატიული ღირებულებები

6

საქართველოს ადვოკატები დამოუკიდებელი პროფესიისათვის

        

სამართლიანობა აპოლიტიკურობა კოლეგიალობა ერთიანობა და გუნდურობა თავისუფლება გადაწყვეტილების მიღებაში მიღებული გადაწყვეტილებების პატივისცემა და შესრულება სამართლებრივი სისტემისა და კოლეგების პატივისცემა ინტერესების დაცვა მხოლოდ კანონისა და კორექტულობის ფარგლებში მემკვიდრეობითობა

(დ) გარემოს ანალიზი: ხელშემწყობი ფაქტორები შიდა ორგანიზაციული გარემოებების გარდა, გაერთიანების საქმიანობაზე ზეგავლენას ახდენს გარეშე, ორგანიზაციის კონტროლისაგან დამოუკიდებელი ფაქტორები, რომლებიც უნდა გაითვალისწინოს გაერთიანებამ საქმიანობების დაგეგმვისა და განხორციელების დროს. ორგანიზაციის შექმნა მართლმსაჯულების სფეროში არსებულმა გამოწვევებმა და ამ გამოწვევების დასაძლევად ადვოკატთა საერთო ძალისხმების მობილიზების საჭიროებამ განაპირობა. ამას გარდა, საერთაშორისო თანამეგობრობისა და ორგანიზაციების, ასევე, პირველ რიგში, ადგილობრივი საზოგადოებრივი მოლოდინი, საგრძნობლად გაუმჯობესდეს მდგომარეობა მართლმსაჯულების სისტემაში, მნიშვნელოვანი ხელშემწყობი გარემოებებია გაერთიანების საქმიანობის შემდგომი განვითრებისათვის. ორგანიზაციის საქმიანობისათვის ხელშემწყობი ფაქტორებია:  მართლმსაჯულების სისტემის რეფორმირებასთან დაკავშირებით არსებული საზოგადოებრივი მოლოდინი  საერთაშორისო ორგანიზაციების დაინტერესება, სახელმწიფომ მოახდინოს მართლმსაჯულების სისტემაში არსებული გამოწვევების დაძლევა;  საერთაშორისო ორგანიზაციებისა და უცხოეთის სახელმწიფოების ინტერესი მართლმსაჯულების სისტემაში არსებული ნაკლოვანებების მიმართ  ქვეყანაში სამართლებრივი სისტემის მდგრადობის უზრუნველყოფის მოთხოვნა;  პროფესიული ფინანსური კრიზისი;  სისტემაში არსებული საკითხების გადაწყვეტის საჭიროება და მათი აქტუალურობა. (ე) გარემოს ანალიზი: დამაბრკოლებელი ფაქტორები ხელშემწყობი ფაქტორების გარდა, გაერთიანებას თავისი საქმიანობის წარმართვა მოუწევს რიგი დამაბრკოლებელი გარემოებების გათვალისწინებით, რომელთაგანაც მხოლოდ მცირე ნაწილი არ არის უშუალოდ დაკავშირებული ადვოკატთა კორპუსთან, საადვოკატო საქმიანობასთან და გამომდინარეობს სხვა სექტორების პოლიტიკური თუ სოციალური ინტერესებიდან (მაგალითად, სახელმწიფოს არასაკმარისი პოლიტიკური ნება და მზაობა, მოახდინოს მართლმსაჯულების სფეროში არსებული პრობლემების ეფექტურად დაძლევა). ამასთან, ხელშემშლელი ფაქტორების დიდი ნაწილი პირდაპირ არის დაკავშირებული ადვოკატთა არასაკმარის პროფესიონალიზმთან და მოტივირებულობასთან. საზოგადოების სამართლებრივი კულტურის დაბალი დონე, ნიჰილიზმი და უნდობლობა დამაბრკოლებელი გარემოებების კიდევ ერთი, უმნიშვნელოვანესი ჯგუფია, რამაც შესაძლოა კიდევ უფრო გაართულოს გაერთიანების მიერ წესდებითა და წინამდებარე სტრატეგიული გეგმით დასახული მიზნების მიღწევა.     

მართლმსაჯულების სისტემაში არსებული გამოწვევები მართლმსაჯულების სისტემაში არსებული პრობლემებისადმი ადვოკატთა კორპუსის დიდი ნაწილის ინდიფერენტულობა; სახელმწიფოს მხრიდან დარგში არსებული პრობლემების უგულებელყოფა; კანონშემოქმედებით პროცესში ადვოკატთა მონაწილეობის არაადეკვატური ხარისხი; ადვოკატთა დაბალი პროფესიონალიზმი;

7

საქართველოს ადვოკატები დამოუკიდებელი პროფესიისათვის

          

საადვოკატო უნარჩვევების განვითრების კუთხით იურიდიული განათლების ეფექტური სისტემის არარსებობა; პარალელური, ხელისუფლებას დაქვემდებარებული უფასო იურიდიული დახმარების სტრუქტურების არსებობა; ქვეყნის პოლიტიკური და სოციალ-ეკონომიკური არასტაბილურობა; საზოგადოების ნიჰილისტური დამოკიდებულება ადვოკატის პროფესიისადმი; ეფექტური საადვოკატო პრაქტიკის განხორციელებისათვის შეუსაბამო სამართლებრივი ბაზა; სახელმწიფოს მხრიდან პოლიტიკური ნების არ არსებობა, გააძლიეროს ადვოკატის როლი მართლმსაჯულების სისტემაში; პროფესიული საქმიანობის განხორციელების პროცესში ადვოკატის დაცვის სამართლებრივი გარანტიების არარსებობა; ადვოკატის ეთიკური სტანდარტების არცოდნა ან უგულებელყოფა ადვოკატთა კორპუსის მნიშვნელოვანი ნაწილის მიერ; მართლმსაჯულების სისტემისადმი საზოგადოების ნდობის დაბალი ხარისხი; ადვოკატთა უფლებების დარღვევის ხშირი ფაქტები (ადვოკატებზე ზეწოლისა და დაშინების შემთხვევები); საზოგადოებაში სამართლებრივი კულტურის დაბალი დონე.

8

საქართველოს ადვოკატები დამოუკიდებელი პროფესიისათვის

IV. გაერთიანების სტრუქტურა

V. გაერთიანების ხედვა, მისია და ღირებულებები (ა) ხედვა ზნეობრივ ღირებულებებზე ადამიანისათვის

დაფუძნებული

სამართლიანი

სახელმწიფო

თითოეული

გაერთიანების ხედვა წარმოადგენს მის გრძელვადიან, ყოვლისმომცველ მიზანს, რომელიც მიიღწევა ორგანიზაციის წესდებითა თუ სტრატეგიული გეგმით განსაზღვრული საქმიანობის განხორციელებით, სხვა არასამთავრობო ორგანიზაციების, სახელმწიფო დაწესებულებებისა თუ საერთაშორისო სტრუქტურების მონაწილეობით. თავისი არსით, ხედვა ის შედეგია, რომლის დადგომა მხოლოდ ერთი, ცალკეული ორგანიზაციის ძალებითა და მცდელობებით შეუძლებელია. ხედვაში განსაზღვრული იდეალური მდგომარეობის

9

საქართველოს ადვოკატები დამოუკიდებელი პროფესიისათვის

დადგომაში გაერთიანების გარდა ბევრმა სხვა სახელმწიფო თუ კერძო ინსტიტუციამ უნდა მიიღოს მონაწილეობა. უფრო მეტიც, საჯარო დაწესებულებებს ბევრად უფრო მეტი პასუხისმგებლობა აკისრიათ სამართლიანი სახელმწიფოს ჩამოყალიბებაში, ვიდრე ნებისმიერ არასამთავრობო ორგანიზაციას. ამასთან, ორგანიზაციის ხედვა გვეხმარება, სტრატეგიული გეგმა ავიყვანოთ უფრო მაღალ საფეხურზე და მოვაქციოთ მართლმსაჯულების სისტემის სრულყოფისა და სამართლიანი სახელმწიფოს ჩამოყალიბების უფრო ფართო ინტერესების კონტექსტში. გაერთიანების ხედვა ცხადყოფს, რომ როგორც ორგანიზაციის, ასევე მისი სტრატეგიის საბოლოო ამოცანაა არსებითი წვლილი შეიტანოს სამართლიანი, ზნეობრივ ღირებულებებზე დაფუძნებული სახელმწიფოს ჩამოყალიბებაში, სადაც ყველასათვის თანაბრად იქნება უზრუნველყოფილი უფლებებისა და ინტერესების დაცვა. (ბ) მისია 2010-2013 წლებისათვის ”საქართველოს ადვოკატები დამოუკიდებელი პროფესიისათვის” თავისუფალ პრაქტიკოსთა გაერთიანებაა, რომელიც ხელს უწყობს ადვოკატთა დამოუკიდებელი კორპუსის ჩამოყალიბებას, საქართველოში მართლმსაჯულების სამართლიანი სისტემის უზრუნველყოფისათვის. წინამდებარე საშუალოვადიანი სტრატეგიული გეგმის ფარგლებში, ხედვა წარმოადგენს გაერთიანების სამოქმედო პრიორიტეტებს მომდევნო რამდენიმე წლისათვის. სტრატეგიის შემუშავების პროცესში გაერთიანებამ მოახდინა არსებული ინსტიტუციური თუ საქმიანობის სფეროსთან დაკავშირებული საჭიროებების პრიორიტეტიზაცია და ღია, თანამონაწილეობითი პროცესის შედეგად გამოკვეთა პირველი რიგის ამოცანები, რომელთა გადაჭრაც ორგანიზაციას ხელეწიფება მისთვის ხელმისაწვდომი ადამიანური, დროის თუ ფინანსური რესურსებით. როგორც მისიის ფორმულირება ცხადყოფს, გაერთიანების სტრატეგიის უმთავრესი ამოცანაა, მომდევნო სამი წლის განმავლობაში არსებითი წვლილი შეიტანოს საქართველოში მართლმსაჯულების სამართლიანი სისტემის ჩამოყალიბებაში, რაც მიღწეულ უნდა იქნეს დამოუკიდებელი, პოლიტიკური თუ სხვაგვარი ზეწოლისაგან თავისუფალი ადვოკატთა კორპუსის ფორმირებითა და ეთიკური, კვალიფიციური საადვოკატო პრაქტიკის დამკვიდრებით. ცხადია, მართლმსაჯულების ეფექტიანი და სამართლიანი სისტემის დამკვიდრება არ არის დამოკიდებული მხოლოდ საადვოკატო პრაქტიკაზე და აქ მრავალ სხვა ფაქტორს აქვს გადამწყვეტი მნიშვნელობა (მათ შორის, სასამართლოს დამოუკიდებლობას, ადამიანის უფლებათა დაცვის მექანიზმების ეფექტიანობას და ა.შ.). თუმცა, გაერთიანების საწესდებო მიზნებიდან და სპეციფიკიდან გამომდინარე, ორგანიზაციამ პასუხისმგებლობა აიღო სწორედ იმ საკითხების გადაწყვეტაზე, რომლებიც უშუალოდ საადვოკატო პრაქტიკასთან არის დაკავშირებული. გაერთიანების სამოქმედო პრიორიტეტები კიდევ უფრო მეტად არის დეტალიზებული სტრატეგიულ მიზნებსა და მოსალოდნელ (პროგრამულ) შედეგებში.

VI. გაერთიანების სტრატეგიული მიზნები და პროგრამული შედეგები სტრატეგიული მიზანი 1: მართლმსაჯულების სისტემის სრულყოფის ხელშეწყობა პროგრამული შედეგი 1.1: გაერთიანება მდგარი, ეფექტური მექანიზმის მეშვეობით მონაწილეობს სამართალშემოქმედებით პროცესში

10

საქართველოს ადვოკატები დამოუკიდებელი პროფესიისათვის

2010 წლიდან ორგანიზაცია ეცდება ზეგავლენა მოახდინოს იმ საკანონმდებლო და კანონქვემდებარე ნორმატული აქტების შემუშავების პროცესზე, რომელიც პირდაპირ უკავშირდება საადვოკატო საქმიანობის რეგულირებას, ასევე, მართლმსაჯულების სისტემის შემდგომ სრულყოფას. სამართალშემოქმედებით ინიციატივებში გაერთიანების ჩართვა დამოკიდებულია, პირველ რიგში, იმ კონკრეტულ საჭიროებებზე, რომელთა გადაჭრაც ადვოკატთა კორპუსის მიერ პრიორიტეტად იქნება აღიარებული. ამ ამოცანების გადასაჭრელად, ორგანიზაცია მჭიდროდ ითანამშრომლებს საქართველოს პარლამენტთან, იუსტიციის სამინისტროსთან, აღმასრულებელი ხელისუფლების სხვა ორგანოებთან და ნებისმიერ სხვა საჯარო თუ კერძო სამართლის დაწესებულებებთან, რომლებიც დაინტერესებულნი არიან მართლმსაჯულების სისტემაში არსებული ხარვეზების აღმოფხვრით და/ან ამ მხრივ კონკრეტული ფუნქციები ან პასუხისმგებლობები აკისრიათ. სტრატეგიული მიზანი 2: საქართველოს ადვოკატთა კვალიფიკაციისა და პროფესიონალიზმის ამაღლება ადვოკატთა კვალიფიკაციისა და პროფესიონალიზმის ამაღლება ეფექტიანი განგრძობადი იუდირიული განათლების სისტემის დანერგვითა და მიზნობრივ ჯგუფებზე ორიენტირებული სასწავლო კურსების განხორციელებით იგეგმება. ამას გარდა, ორგანიზაცია ეცდება უზრუნველყოს თავისი წევრები იურიდიული ლიტერატურითა და ელექტრონული საგანმანათლებლო რესურსებით. ადვოკატებისათვის საინტერესო საკითხების ირგვლივ სასამართლო პრაქტიკის განზოგადება და მისი მიწოდება პრაქტიკოსი ადვოკატებისათვის გაერთიანების საქმიანობის ერთ-ერთი ძირითადი მიმართულება იქნება. პროგრამული შედეგი 2.1: გაერთიანების მასშტაბით დანერგილია განგრძობადი იურიდიული განათლების სისტემა გაერთიანება, ინოვაციური პროექტის სახით, განახორციელებს სავალდებულო განგრძობადი იურიდიული განათლების სისტემის დანერგვას, რითაც გაერთიანების წევრის პროფესიულ ვალდებულებად განისაზღვრება ყოველწლიურად კონკრეტული ტრენინგ საათების და კურსების გავლა, რისი შეუსრულებლობაც გამოიწვევს დისციპლინურ პროცედურების დაწყებას. პროგრამული შედეგი 2.2: გაერთიანების წევრებს, ადვოკატებს, დაინტერესებულ პირებსა და ორგანიზაციებს შესაძლებლობა აქვთ გაიარონ ორგანიზაციის ტრენინგ-ცენტრის მიერ ორგანიზებული სასწავლო კურსები მომდევნო ორი წლის განმავლობაში გაერთიანება უზრუნველყოფს თავის საქმიანობაში განვითრების კომპონენტის ადვოკატთა სწავლებისა და უნარ-ჩვევების ინსტიტუციონალიზაციას, რაც მიიღწევა ტრენინგ-ცენტრის შექმნითა და წევრებისა და ადვოკატების საჭიროებებზე ორიენტირებული ტრენინგებისა და სასწავლო კურსების ჩატარებით. უფრო მეტიც, ორგანიზაციის მდგრადობისა და დამატებითი ფინანსური რესურსების მოზიდვის უზრუნველსაყოფად, გაერთიანება დაინტერესებულ პირებს ასევე შესთავაზებს ფასიან სასწავლო პროგრამებსა და მასტერ-კლასებს. პროგრამული შედეგი 2.3: გაერთიანების წევრებისთვის ხელმისაწვდომია საგანმანათლებლო რესურსები და ონლაინ ბიბლიოთეკების მომსახურება

11

საქართველოს ადვოკატები დამოუკიდებელი პროფესიისათვის

საქართველოში საადვოკატო პრაქტიკის ხარისხი მნიშვნელოვნად გაუმჯობესდება, თუ ადვოკატებისათვის ხელმისაწვდომი იქნება უახლესი იურიდიული ლიტერატურა და საგანმანათლებლო რესურსები, მათ შორის, ელექტრონული ბიბლიოთეკების მომსახურება. მომდევნო წლების განმავლობაში გაერთიანება ეცდება საერთაშორისო და ადგილობრივ პარტნიორებთან თანამშრომლობით შექმნას იურიდიული ბიბლიოთეკების რეგიონული ქსელი და წევრებისათვის ხელმისაწვდომი გახადოს იურიდიული ინტერნეტბიბლიოთეკების მომსახურება. პროგრამული შედეგი 2.4: განზოგადოებულია სასამართლო პრაქტიკა და პრაქტიკოსი ადვოკატებისათვის ხელმისაწვდომია შესაბამისი ანალიტიკური მასალები სამართლის დარგების მიხედვით შექმნილი ოთხი სამუშაო ჯგუფის მეშვეობით გაერთიანება უზრუნველყოფს ორგანიზაციის წევრებისა და ადვოკატებისათვის საინტერესო საკითხების ირგვლივ სასამართლო პრაქტიკის განზოგადებას და შედეგების მიწოდებას ადვოკატთა კორპუსისათვის. უფრო მეტიც, ორგანიზაცია მონაწილეობას მიიღებს უზენაესი სასამართლოს მიერ წარმართულ განზოგადების პროცესში. განზოგადების პროცესის შედეგად შექმნილი მასალები ორგანიზაციის ვებ-გვერდის მეშვეობით იქნება ხელმისაწვდომი. იმ შემთხვევაში, თუ ორგანიზაცია მოიპოვებს სახსრებს, იგი უზრუნველყოფს აკადემიური ხასიათის პერიოდული ჟურნალის გამოცემას, სადაც სხვა ინფორმაციასთან ერთად ასევე განთავსდება ანალიტიკური მასალები სასამართლო პრაქტიკის შესახებ.

სტრატეგიული მიზანი 3: საადვოკატო საქმიანობის მაღალი პროფესიული სტანდარტების დამკვიდრების ხელშეწყობა მომდევნო რამდენიმე წლის განმავლობაში ორგანიზაცია გეგმავს შეიმუშავოს და გაერთიანების მასშტაბით დანერგოს საადვოკატო საქმიანობის პროფესიული სტანდარტები, ქცევის კოდექსი, ასევე, შემოთავაზების შემთხვევაში, მონაწილეობა მიიღოს საადვოკატო საქმიანობის რეგულირებაზე უფლებამოსილი ორგანიზაციის მიერ ყველა ადვოკატისთვის სავალდებულოდ შესასრულებელი პროფესიული სტანდარტების შემუშვებაში. ადვოკატთა პროფესიულ საერთაშორისო ასოციაციებსა და გაერთიანებებში გაწევრიანება და მათ მუშაობაში წვლილის შეტანა გაერთიანების ერთ-ერთი მთავარი ამოცანა იქნება უახლოესი ორი წლისათვის. პროგრამული შედეგი 3.1: გაერთიანების წევრები თავისი პროფესიული საქმიანობის განხორციელებისას ეყრდნობიან გაერთიანების მიერ შემუშავებულ საადვოკატო საქმიანობის პროფესიულ სტანდარტებს საადვოკატო საქმიანობის მაღალი პროფესიული სტანდარტების შემუშვებითა და დანერგვით, ასევე გაერთიანების წევრების მიერ ამ სტანდარტების შესრულებასა და დაკმაყოფილებაზე მონიტორინგის ეფექტიანი სისტემის ამოქმედებით, გაერთიანება პროფესიული ასოციაციის მიერ მაღალკვალიფიციური პრაქტიკის უზრუნველყოფის ერთგვარ მოდელირებას მოახდენს. ცხადია, გაერთიანების ეგიდით შემუშავებული პროფესიული სტანდარტები და ქცევის წესები სავალდებულოდ შესასრულებელი მხოლოდ ორგანიზაციის წევრებისათვის იქნება და ვერ გავრცელდება იმ ადვოკატებზე, რომლებიც არ არიან გაერთიანების წევრები. ამასთან, პროფესიული სტანდარტების პრაქტიკაში

12

საქართველოს ადვოკატები დამოუკიდებელი პროფესიისათვის

გამოყენების შედეგები ხელმისაწვდომი ყველა დაინტერესებული მხარისათვის იქნება, მათი ზოგადად დარგის მასშტაბით დანერგვის ხელშესაწყობად. პროგრამული შედეგი 3.2: გაერთიანების წევრები თავისი პროფესიული საქმიანობის განხორციელებისას იცავენ გაერთიანების ეგიდით შემუშავებულ და დამტკიცებულ ქცევის კოდექსს პროფესიული სტანდარტების გარდა, გაერთიანება შეიმუშავებს და დანერგავს ადვოკატის ქცევის (ეთიკის) კოდექსს და ასევე აამოქმედებს ქმედით მექანიზმებს, რომლებმაც უნდა უზრუნველყოს ორგნიზაციის წევრების მიერ დადგენილი ნორმების გამოყენება პროფესიულ პრაქტიკაში. პროგრამული შედეგი 3.3: საქართველოში სავალდებულოდ შესასრულებელი ადვოკატის საქმიანობის პროფესიული სტანდარტები ითვალისწინებებენ გაერთიანების მიერ წარდგენილ მოსაზრებებს, შენიშვნებსა და რეკომენდაციებს საადვოკატო საქმიანობის რეგულირებაზე პასუხისმგებელი ორგანიზაციის დაინტერესების შემთხვევაში, გაერთიანების წევრები მონაწილეობას მიიღებენ ყველა ადვოკატისთვის სავალადებულოდ შესასრულებელი პროფესიული სტანდარტების შემუშავების პროცესში და ადვოკატთა კორპუსსა და ყველა დაინტერესებულ პირს გაუზიარებენ ორგანიზაციის ფარგლებში დაგროვილ გამოცდილებას. პროგრამული შედეგი 3.4: გაერთიანება გაწევრიანებულია ადვოკატთა საერთაშორისო ორგანიზაციებსა და ქსელებში მომდევნო ორი წლის განმავლობაში გაერთიანება გეგმავს გაწევრიანდეს ადვოკატთა ავტორიტეტულ საერთაშორისო ორგანიზაციებში და აქტიური მონაწილეობა მიიღოს მათ საქმიანობაში. საერთაშორისო ქსელებში მონაწილეობამ და ინფორმაციის გაზიარებამ კიდევ უფრო უნდა გაზარდოს ორგანიზაციის შესაძლებლობები, ეფექტიანი მომსახურება გაუწიოს თავის წევრებს, ადვოკატებს და დაიცვას პროფესიის ინტერესები საქართველოში. ამ ეტაპზე ადვოკატთა საერთაშორისო ასოციაციასა და ევროპის იურისტთა ასოციაციაში გაწევრიანება ასოციაციის პრიორიტეტული ამოცანაა. სტრატეგიული მიზანი 4: საადვოკატო საქმიანობის თვითრეგულირებადი სისტემის ჩამოყალიბების ხელშეწყობა შედეგი 4.1 შემუშავებულია საადვოკატო პროფესიის მართვის ისეთი სისტემა, რომელიც ეფუძნება უფლებამოსილებათა გადანაწილების დემოკრატიულ პრინციპს და რომელიც დამოუკიდებელია გარეშე ჩარევისაგან, მათ შორის, პოლიტიკური ზეგავლენისაგან მსგავსად 1-ლ სტრატეგიულ მიზანში მიმოხილული, გაერთიანების ფარგლებში საადვოკატო საქმიანობის პროფესიული სტანდარტებისა და ადვოკატთა ქცევის კოდექსის მოდელირებისა, მომდევნო სამი წლის განმავლობაში საუკეთესო საერთაშორისო პრაქტიკისა და გამოცდილების გათვალისწინებით ორგანიზაცია მოახდენს საადვოკატო საქმიანობის თვითრეგულირებადი სისტემის შემუშავებასა და მის პილოტირებას გაერთიანების მასშტაბით. ეს სისტემა უნდა ეფუძნებოდეს შემდეგ პრინიპებს: ფროფესიაში შესვლის საკითხის გადაწყვეტა მხოლოდ საადვოკატო გართიანებების მიერ; მინიმალური ეთიკის

13

საქართველოს ადვოკატები დამოუკიდებელი პროფესიისათვის

სტანდარტების დადგენა მხოლოდ საადვოკატო გართიანებების მიერ; დისციპლინური დევნის განხორციელება მხოლოდ საადვოკატო გართიანებების მიერ. მოდელირების შედეგები ხელმისაწვდომი იქნება საადვოკატო საქმიანობის რეგულირებაზე პასუხისმგებელი ორგანიზაციის, ასევე, ყველა ინტერეს ჯგუფების და იურიდიული თუ ფიზიკური პირისათვის. სტრატეგიული მიზანი 5 – გაერთიანების ინსტიტუციური გაძლიერება და ფინანსური და ორგანიზაციული მდგრადობის უზრუნველყოფა ზემოთ განხილული მიზნებისა და ამოცანების მიღწევა მნიშვნელოვნად არის დამოკიდებული გაერთიანების ორგანიზაციულ შესაძლებლობებზე, ადამიანურ, მატერიალურ-ტექნიკურ და ფინანსურ რესურსებზე და წევრებთან, საზოგადოებასა და დაინტერესებულ მხარეებთან კომუნიკაციასა და თანამშრომლობის ხარისხზე. პროგრამული შედეგი 5.1: გაერთიანებას შემუშავებული აქვს სახსრების მოძიების სისტემა წინამდებარე სტრატეგიული გეგმთ გათვალისწინებული ინიციატივების წარმატებით განხორციელება დამოკიდებულია ორგანიზაციის შესაძლებლობებზე, მოიზიდოს ფინანსური, ექსპერტული და ტექნიკური დახმარება ადგილობრივი თუ საერთაშორისო დონორებიდან და ბიზნესორგანიზაციებიდან. გაერთიანების გამგეობის წევრების დიდ ნაწილს გააჩნია ორგანიზაციული მართვისა და დონორებთან ურთიერთობის გამოცდილება. ამასთან, ორგანიზაცია გეგმავს დაიქირავოს ფანდრაიზერი, რომელიც გამგეობის მიერ განსაზღვრული პრიორიტეტების შესაბამისად, შეადგენს და დონორებს წარუდგენს გაერთიანების პროგრამებსა და პროექტებს. პროგრამული შედეგი 5.2: საწევრო შენანატნების გადახდა ხორციელდება გამგეობის მიერ დადგენილი წესის შესაბამისად 2010 წლის მაისში ორგანიზაციის გამგეობა შეიმუშავებს გაერთიანების წევრების მიერ საწევრო გადასახადის გადახდის წესებს და დააწესებს დიფერენცირებულ გადასახადს ქ. თბილისსა და რეგიონებში მოღვაწე ადვოკატებისათვის. რაც ასევე მნიშვნელოვანია, ორგანიზაცია განსაზღვრავს წესებს, რომელიც უზრუნველყოფს გაერთიანების წევრების ინფორმირებას საწევრო გადასახადების, ისევე, როგორც ნებისმიერი სხვა ფინანსური სახსრების გამოყენების შესახებ. პროგრამული შედეგი 5.3: დამხმარე ეკონომიკური საქმიანობის შედეგად გაერთიანებას გააჩნია შემოსავლის მდგრადი წყარო ორგანიზაციის ფინანსური და ინსტიტუციური მდგრადობის უზრუნველსაყოფად გაერთიანება გეგმავს 2011 წლისთვის შეიმუშავოს დამხმარე ეკონომიკური საქმიანობის სტრატეგია და განახორციელოს იგი მომხმარებელთა ინტერესებზე ორიენტირებული იურიდიული და საგანმანათლებლო მომსახურების, გამოცემებისა და სახელმძღვანელოების გაყიდვის გზით. პროგრამული შედეგი 5.4: გაერთიანებას გაჩნია გამართული მატერიალურ-ტექნიკური ბაზა, სათაო ოფისი და რეგიონალური ოფისები (ქუთაისი, გორი, ბათუმი, ზუგდიდი, თელავი) მომდევნო ორი წლის განმავლობაში გაერთიანების მიერ შემუშავებული პროგრამები და პროექტები, სადაც კიდევ უფრო მეტად იქნება დაკონკრეტებული ორგანიზაციის ამოცანები

14

საქართველოს ადვოკატები დამოუკიდებელი პროფესიისათვის

და მათი მიღწევის გზები, აუცილებლად გაითვალისწინებს ორგანიზაციის ინსტიტუციური განვითრების საჭიროებებს. ამ საჭიროებებს შორის ორგანიზაციის სათაო და რეგიონული ოფისების გახსნა, აღჭურვა და მათი დაუბრკოლებელი ფუქნციონირებისათვის აუცილებელი პირობების შექმნა პირველი რიგის გამოწვევაა. მანამდე კი გაერთიანება წევრების მატერიალურ-ტექნიკურ საშუალებებს გამოიყენებს. პროგრამული შედეგი 5.5: გაერთიანებას შემუშავებული აქვს წევრებთან კომუნიკაციის დახვეწილი მექანიზმები გაერთიანება წევრობაზე ორიენტირებული კერძო სამართლის იურიდიული პირია. მისი მთავარი დანიშნულებაა ეფექტიანი მომსახურება გაუწიოს ორგანიზაციაში გაწევრიანებულ პირებს განათლებისა და უნარჩვევების განვითრების შესაძლებლობათა უზრუნველყოფის კუთხით, გაუადვილოს მათ პროფესიული პრაქტიკის განხორციელება და დაიცვას მათი ინტერესები საჯარო სექტორის წინაშე. წევრების მაღალი პიროვნული მოტივაციის შენაჩუნებისა და გაერთიანების საქმიანობაში მათი ჩართულობის უზრუნველსაყოფად, ორგანიზაცია გეგმავს შეიმუშავოს წევრებთან ურთიერთობის პოლიტიკა, სადაც დაკონკრეტდება ისეთი საკითხები, როგორიცაა წევრთა უფლებები და მოვალეობები და მათი განხორიცელების/შესრულების წესები, გაერთიანების მატერიალურ-ტექნიკური რესურსებით სარგებლობის წესები, ორგანიზაციის ხელმძღვანელი ორგანოების წევრების წინაშე ანგარიშგების საკითხები და ა.შ. უფრო მეტიც, ორგანიზაცია გეგმავს შეიმუშავოს სამართლიანი საკადრო პოლიტიკა, რაც წევრებს შესაძლებლობას მისცემს თავისი ინტერესებისა და კვალიფიკაციის შესაბამისად მონაწილეობა მიიღონ გაერთიანების მიერ განსახორციელებელ პროექტებსა და პროგრამებში. საუკეთესო საერთაშორისო პრაქტიკის გათვალისწინებით, ორგანიზაციის ვებ-გვერდზე ასევე წარმოდგენილი იქნება ორგანიზაციის წევრ ადვოკატთა სრული სია, მათი საქმიანობის სფერო და საკონტაქტო ინფორმაცია, რაც საადვოკატო მომსახურებით დაინტერესებულ პირებსა და ორგანიზაციებს შესაძლებლობას მისცემს, პირდაპირ დაუკავშირდნენ მათთვის სასურველ ადვოკატს ან მის იურიდიულ ფირმას. პროგრამული შედეგი 5.6: მიზნობრივ სფეროებსა და საკითხებთან მიმართებაში საზოგადოებასთნ ურთიერთობის კამპანიები წარიმართება გამგეობის მიერ დამტკიცებული საზოგადოებასთან ურთიერთობის პოლიტიკის შესაბამისად გაერთიანების საქმიანობის შესახებ ფართო საზოგადოების ეფექტიანად ინფორმირების უზრუნველსაყოფად, 2010 წლის სექტემბერში ორგანიზაცია შეიმუშვებს და დაამტკიცებს სტრატეგიას, რომლის მიხედვითაც მომავალში განხორციელდება საზოგადოებასთან ურთიერთობის ყველა ინიციატივა. ასევე იგეგმება გაერთიანების ვებ-გვერდის ამოქმედება.

15