Confederación Intersindical Galega www.cig-ensino.com
iNFORMA xaneiro 2009
Demanda de conflito colectivo no centro San Xerome Emiliani Cal é a situación actual das traballadoras e traballadores do Centro San Xerome Emiliani? Desde finais do curso pasado a Xunta Directiva do Centro San Xerome Emiliani, incumprindo o que marca o XII Convenio Colectivo de centros asistenciais, comunicou aos traballadores que lles incrementaría a xornada de traballo este curso 2008-2009. Propoñían un incremento de cinco horas semanais, que vulnera o recollido no artigo 9 do Convenio, que establece que os traballadores e traballadoras manterán a xornada laboral que viñeran gozando como condición máis beneficiosa. “Art.9.5. Aqueles traballadores que á entrada en vigor do presente convenio viñesen gozando dunha xornada inferior da establecida no mesmo manterán con carácter estritamente persoal, dita xornada, como garantía persoal. Esta menor xornada, recoñecida como garantía persoal, será absorbible
e compensable coas futuras reducións de xornada que puidesen pactarse no ámbito de aplicación do presente Convenio.” Esta cláusula está recollida no convenio debido a que se produciu un empeoramento das condicións de traballo nestes centros, pois ao unir baixo un mesmo convenio centros educativos e asistenciais, houbo traballadores que resultaron prexudicados ao empeorar as súas condicións de traballo, sen que houbese en contrapartida un incremento salarial e establecendo globalmente salarios moi baixos. Por tanto, o mantemento da xornada laboral que viñan realizando con anterioridade á entrada en vigor do convenio é un dereito recoñecido ás traballadoras e aos traballadores. Con antelación á entrada en vigor deste convenio, todas as
traballadoras e traballadores viñan gozando dunha xornada laboral de 33 horas semanais nos meses de outubro a maio e de 28 horas semanais de xuño a setembro. E esta xornada foi a que se mantivo maioritariamente despois da entrada en vigor do convenio. Só no último curso a empresa comezou aplicar unha xornada de 38 horas semanais aos traballadores contratados por primeira vez e tamén nas renovacións de contrato que se produciron desde xullo de 2008. Cómpre aclarar que en todo este tempo o alumnado estivo debidamente atendido desde os inicios do centro, hai xa 25 anos, é máis, a Dirección propón un incremento de xornada para a realización de reunións, nunca para a atención directa do alumnado.
Cal foi a posición das traballadoras e traballadores ante a proposta da empresa? A Xunta Directiva do centro comunicou o incremento de xornada sen argumentalo debidamente, fíxoo nunha reunión de coordinadores, non ante todos os traballadores, e non llo comunicou en primeiro lugar aos delegados de persoal, que nesa data estaban de viaxe co alumnado e, por tanto, non estaban na empresa. Ademais non se estableceu a negociación que marca o Estatuto dos Traballadores: “Art.. 41.4 A decisión de mo-
dificación substancial de condicións de traballo de carácter colectivo (como a modificación da xornada laboral) deberá ir precedida dun período de consultas cos representantes legais dos traballadores de duración non inferior a quince días. O dito período de consultas deberá versar sobre as causas motivadoras da decisión empresarial e a posibilidade de evitar ou reducir os seus efectos, así como sobre as medidas necesarias para atenuar
as súas consecuencias para os traballadores afectados. Durante o período de consultas, as partes deberán negociar de boa fe, con vistas á consecución dun acordo. O dito acordo requirirá a conformidade da maioría dos membros do Comité ou Comités de Empresas, dos delegados de persoal, se é o caso, ou das representacións sindicais, se as houbese, que, no seu conxunto, representen a maioría daqueles.” Continúa
2
confederación intersindical galega
A CIG, organización sindical maioritaria no centro e no sector, a través dos seus delegados, esixiu, de acordo co recollido co artigo 41 do Estatuto dos Traballadores, a apertura de negociacións que finalmente se celebraron entre os meses de xullo e setembro. Nesas negociacións, a Xunta Directiva acadou un acordo con todas as traballadoras e os traballadores, en virtude do cal, os empregados aceptaban un incremento de
2,5 horas á semana, fronte ás 5 propostas pola Xunta Directiva, nun acto de boa fe que beneficiaba á empresa pois se producía un incremento de xornada e non se seguía a vía da demanda contra o centro. Ademais, acordábase que no caso de non prosperar o acordo manterían a xornada anterior como condición máis beneficiosa. Este incremento de xornada era aceptado sen que houbese ningunha contrapartida a cambio, e po-
dendo ter presentado a demanda de conflito colectivo desde ese primeiro momento. Deste xeito, e desde o día 8 de setembro de 2008, as traballadoras e os traballadores procederon a cumprir o acordo acadado e pasaron a realizar unha xornada de 35,5 horas semanais, no caso do persoal do sector asistencial, e de 35 horas (o máximo fixado no convenio) no caso do persoal complementario docente.
Por que se presenta demanda de Confito Colectivo? Despois de acadado o acordo e unha vez que as traballadoras e os traballadores comezaron facelo efectivo, a Xunta Directiva négase a asinalo. Por outro lado, no mes de decembro, novamente ante un período vacacional, actitude que pode ser valorada como de intento de dificultar a posíbel reacción dos traballadores a todos os niveis, comunícaselles un novo incremento de xornada. Este incremento se lles comunica soamente aos traballadores do sector asistencia. En escrito asinado polo Xerente do Centro, comunícaselles que a partir do día 9 de xaneiro terán que facer unha xornada de 38 horas semanais. Nesta nova situación, e despois de que o Centro incumprise
o acordo acadado, a CIG-Ensino, de acordo coa asemblea de traballadoras e traballadores do centro, decide presentar demanda de conflito colectivo por incumprimento do convenio e modificación substancial das condicións de traballo. A asemblea de traballadores tentou en todo momento que as discrepancias se resolvesen pola vía da negociación, a máis favorábel para todas as partes, mesmo para o bo funcionamento do centro. Porén a empresa optou por un incumprimento unilateral do acordo ao tempo que comezou presionar ás traballadoras e traballadores, nun intento de evitar que demandasen o cumprimento dos seus dereitos. A incompre-
sión e cerrazón da dirección do centro, que demostrou en todo o proceso unha nula vontade de diálogo, pode incidir no futuro nas condicións en que o persoal do centro desenvolve o seu traballo .
Cómpre dicir que, entre outras medidas de presión, a dirección da empresa modificou o trato coa CIG-Ensino, impedindo que a representante do sindicato convocase asemblea no centro tal e como o viña facendo até o momento, e facendo unha aplicación exhaustivísima do que marca a lexislación.
As traballadoras e os traballadores demandan os seus dereitos. As traballadoras e os traballadores e a CIG-Ensino agardan que a empresa recapacite e considere que está vulnerando os dereitos duns traballadores que teñen demostrada a súa entrega coa súa colaboración volunta-
ria en distintas actividades, máis alá do cumprimento da súa xornada laboral. En todo caso, a CIG propoñerá as medidas necesarias para que se coñeza a situación de presión que neste momento se está a exercer sobre
os traballadores do centro, como represalia á demanda dos seus lexítimos dereitos, e promoverá, de acordo coas traballadoras e traballadores, as mobilizacións necesarias para acadar unha resolución satisfactoria do conflito.
Baixo Miño
Ferrol
Ourense
A Mariña
Vigo
Praza da Guía 3, baixo 36780. A Guarda Tlf. 986610465 Fax. 986610465
P. de San Lázaro 12, 4ºD 32003. Ourense Tlf. 988238350 Fax. 988222855
27700. Ribadeo Avda de Galicia 20, 1º Tlf. 982129593 Fax. 982129593
R. Gregório Espino 47, bxo. 36205. Vigo Tlf. 986827935 Fax. 986262844
baixominho@cig-ensino.com
Rúa Eduardo Pondal 41-43, 15403. Ferrol Tlf. 981358750 Fax. 981358760 ferrol@cig-ensino.com
ourense@cig-ensino.com
amarinha@cig-ensino.com
vigo@cig-ensino.com
A Coruña
Morrazo
Lugo
Val de Monterrei
Salnés
Rúa Alfonso Molina s/n Tlf. 981169810 Fax. 981291735 15007. A Coruña acorunha@cig-ensino.com
Rúa Atranco 19A, ench. 1 36947. Cangas Tlf. 986302987 Fax. 986302987
Rda da Muralla 58, bxo. 27003. Lugo Tlf. 982245023 Fax. 982253891
Pontevedra
morrazo@cig-ensino.com
e-mail: lugo@cig-ensino.com
Os nosos locais Santiago
(Nacional)
Rua Miguel Ferro Caaveiro nº 10. 15706. Santiago de Compostela Tlf. 981576800 Fax. 981575839 galiza@cig-ensino.com santiago@cig-ensino.com
R. Pasanteria 1, 2ºesq. 36002. Pontevedra Tlf. 986861513 Fax. 986855050
R. Pedro González 5, 1º 32600. Verín Tlf. 988412345 Fax. 988411013
pontevedra@cig-ensino.com
verin@cig-ensino.com
R. Alexandre Bóveda 2, 2º 36600. Vilagarcia Tlf. 986505323 Fax. 986505323 salnes@cig-ensino.com