ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №10 (740) Lапат хутмет (суббота), Айкер тыlащ (март) 7-мет хатl 2015-мет таl
Няврэмата нэпекат мойlас
Дорогие женщины Ямала! От всей души поздравляю вас с Международным женским днём – 8 Марта! Во все времена женщина была воплощением самой жизни, символом родины, добрым началом рода человеческого. Рядом с мудрой заботливой женщиной счастлива её семья, сильнее Отечество, прекраснее земля. Благодаря вам совершаются подвиги, разрешаются самые сложные конфликты, продолжается жизнь на земле. Вы, для нас, мужчин, – воплощение справедливости и милосердия, олицетворение тепла и уюта, источник вдохновения. Спасибо за вашу неиссякаемую доброту и щедрость сердца, обаятельность и неповторимость, умение сделать мир светлым и радостным. Желаю всем вам здоровья, мира и благополучия! И пусть рядом с вами всегда будут те, кто защитит вас, поддержит, поможет сохранить душевное спокойствие, любовь и счастье. С праздником вас, дорогие женщины, с днём 8 Марта! Председатель Законодательного Собрания Ямало-Ненецкого автономного округа С.Н. Харючи
Алексей Гриценко «Тепло материнских рук» Бивень мамонта. 2003г.
Курк тыlащ хус lапатмет хатаlан Харсойм вош утаlтыты хотан член общественной палаты ЯНАО, «Lух Авт» газета главный редактор Геннадий Павлович Кельчин няврэмат пиlан уйтантыяс. Lув пиlэlан щи ашкуlая Вера Егоровна Назарова ёхтыlыяс. Оlаhн Вера Егоровна Геннадий Павлович эlты каматса ясаh ястас: хота сэма питас, муй рупитаl, муй арат ям вер верас. Щаlта Геннадий Кельчин уlапсайl эlты, ханшам, толмащам потарlаl, монщlаl эlты потарты питас. Геннадий Павлович Lорвошан вуlы шавиты, хуl веlты ху семьяйн сэма питас. Ашкоlая манты еlпийн lув вуlы хотан энмас. Ашкоlа юпиян Пулhаватн национальный педагогический училищайн утаlтыяс, Щи юпиян Вологодский педагогический институт
•Айкеlат
етшас. Утаlтымаl, рупитмаl хуват lув иса ханты монщат, потрат, амамачет, арат ханшас. Щи хоят Петр Ершов монщ «Мукарэh lовие» («Конёк горбунок»), Александр Пушкин монщhан «Соlтан хон эваlт монщ» («Сказка о царе Салтане») па «Сорни хуlые эваlт монщ» («Сказка о рыбаке и рыбке») ханты ясhа толмащсаllы. Хуlмет таl lув актам, толмащам потарlаl эlты «Щущие» нэпек эсаlса. Нэпек ханштаl такlы lув ар тахайн ус. Щи уlам тахайlаl эlты хорат этаlтас. Хоятат лакки манты еlпиян Геннадий Кельчин нэпекlаl нэпек шавиты хота па няврэмата юкатсаllы. Валентина РОХТЫМОВА ханшам потар па верам хорат
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Ай няврэмата вет хатl утаlтыты мосаl «Справедливая Россия» партия няlмет класс па айшак няврэмат утаlтыты lаптэl вет хатlа верты lаhхаlа. Туп Государственный дума ант тэрматыйl «Об образовании в Российской Федерации» законан яlап щир ханшты. Государственный думайн кат щорс няlхощъяhмет таl курк тыlащ яhмет хатаlн ханшам законопроект хуват, айшак няврэмат lапатан вет хатl утаlтыты верэl уl. Уншак няврэмат катра щиран утаlтыты питlат. Туп щи закон вантты, парламентарийн рупитты хо-
ятат пора ант уятсат. «Утаlтапса – щит ищи рупата, хоlна хой рупатайт эlты lавартшак. Муh ар таl–lуh lапатан вет хатl рупитlув. Щишан
муя ай няврэмlув, муh эlтэв аршак хатl рупитlат? Ай няврэмат аршак ки щутщиты ки питlат, тумтакашак йиlат, семьяйlаl пиlан аршак потарты, уlты пит-
lат» – Справедливая Россия» партия куща Сергей Миронов ястаl. Валентина РОХТЫМОВА «Север-Пресс» эlты толмащам айкеl, Светлана ТЫЛИКОВА мийм хор
2 (Оlаh шупаl еl пелак газетайн lуhтаlан) Григорий Иванович, ма еlпеман омасаl. Охаl воотам ики. Уlмаl хуват иса хуl веlман ус. Рыбзаводан рупитмаlна, ёш уlэт тайс. Юухат совхос пора ёхтас. Ястаты ки Советский хозяйствайт версайт. Уlыlаl соlхоса миямат юпийн, айнайн таl ёш кеша си хасяс. Катрашак Кунават ёхан хуват ар курт уlмаl. Кашh опрась атэl курт таймаl. Отшамоват, Яркинат, Тояроват, Русмиленкайт па па опрасят. Аратаlан хутхосьяh курт уlмаl. Куртаh хоятат хув тэlан тайм местайlаlан веlпасlамеl, па хоятата ант торастыман уlмеl. Няврэм энмаlмеl, ханты катра сиран уlам сиран уlмеl. Кашаh хоят ёша рахты рупата таймаl, уна исьты сир lэваса вана ант рахаlтымеl. Эhкурап мувеl шавимеl. Ванты умась, сам хося ям. Ханты мирсот lуматты сох ёнтыlымеl па таймеl. Нярlомаlты хун уlмеl: нёпилув моlщаh, ханшаh сах па хорам вай, ермаh охшам, ермак ернас. Ин па lыlаh куртыет эlты, Кунават ёханан кат курт туп хасьмаl. Саhхамна кат семья уlтан. Патта куртна Григорий Иванович похlаl пиlан уllытаl. Воой хун антом, хуlаl хун антом. Па мув эlты туты lэтот аняhшак, маттыки, ястаlат. Каман таха эlты туп ант туlа? Иса lапка эlты lутlа, иса сеп ох мосаl. Я, торас, мин па потрэман еllы туlэман. Корр.: Сяlта па наh па каман няврэм энмаlсан? Толба: Ма кат нэ эlты няl пох си тайlам. Уlмем хуват иса Кунавт ёханна усам. Профессием хуl па воой. Хуl па воой веlман усам. Корр. Наh па каман пуш моlщаhан муй па сахаh отан ёхтыlысайн? Толба: Ма уlмем хуват хуlам пуш мосятысам. Итаl ХантыМушия си тутlысэм. Катhаl тынысlам. Тыныты рахаl. Корр. Нумlэн хоты си верат тыиlысат? Толба: Воойlам хоты иса lысан мосятысlам. Корр. Ястаlат, шеhк хуры уlтаl па lыса lэваса ант итаl. Толба: Еша сита
№10 (740) Lапат хутмет (суббота), Айкер тыlащ 7-мет хатl 2015-мет таl
Араl хува сясьты ики ёвра ант ястасэм. Хурыlы воой. Lыс хося вер ант тайl. И порайн, товина яхсам, кураhвооя опсыlысам lыс. Си lысэм нох пайтсэм, ям хувата таlсэм. Ай lыс лакаl хасяс. Кимет пуш товия иl, тохи ёхатlам. Lысэм антом. Мунты сита вантlэм и юх ситы нох няхсам па. Си эваlт, иl поныlысэм, lысэма охаl тохи мэтшамаl па сита lойl. Си мана уйи. Си юпийн самэм манас па, иса lысlам нох ки нох эхlаllам, еша тохишак еl воськаllам. Корр.: Сяlта па хуl веlты сиран, камн тоннайн сезон порайн веllысан? Толба: Ма симась вер тайсам. Нийlхус таlан ма звеньевоя питсам. Горки нум пелкан «Полярный» пан ус. Си уш эlты, ма план усам, ма си планэм ант ки тэкаптаlэм, ма ант оllам. Па манlам па каншlам, па веllам, хаlэват унты ант тарамты хуlаl аат веllэм, планэм таlаhа ат иl. Ситы уlман манэм ма сутытlэм. Хун планэм моlтаса ки манас. Вот кась нох эхман оllа. Хун ки
ки верlа, ус атат тайс, йиhк атат lоhаl. Асеман альlайм, ванши торанан. Ваншина курэм кератман лап ёварlэм. Нюки вай туп-туп аат lэпас. Си нох таllэн. Йиhкан руhкатlыlан, курэн иса соорм. Симась вайн си веlпасlаlув. Корр.: Муй си lоват нуша ус, муй па сопек антом? Толба: Ма си нумман тайlэм, хутхосьяh таl lовата ювмем унты, тата сопек уlмаl антом. Юухат этас, кирзавой. Кирзавой сопек муй пося рахаl. Яловый хув сурпи сопекат этlысат. Ситат сикуш ямат па си охан хуlам сот ветьяh соlкувайн тынысайт. Корр.: Сяlта па наh яста уlы шук тайман па ин па хоlта тусlан? Иса, таhха, ёхи lэсlан? Толба: Уlы? Тасят нох усайт. Корр. Ар уlы тайсаты? Нох усайт урты ёхна. Толба: Урты ёхан хун усайт. Тата, моlхатаl, рыбзавод эlты нох усайт. Рыбзавот тась ус. Горки совхоса масайт. Уlэт нох усайт, уlы тайты таха иса антома ис. Допус-
хоятан увlайм, ястыйl: «Григорий, наh ант воlысан? Хоlна яхlан? Ма, недостача план. Как недостача? Месячный что-ли? Нет суточный! Аl няхlат. Ошиlыllы исан, иlампа?» Корр. Ин ванты сопек этас, камн парсин хоптан этас. Сяlта, сиhанся, сора яhхты мотурат этсат. Наh моlхатаl потартыlан, нюки вайн матты ки соойп таlтан? Толба: Нюки вайн. Аньхи тайсам па си порайн. Уlы шук тайlув па, сиhанся, пурамlы сох эlты япсыева пирыlув. Ню-
тим, няльяh-ветьяh уlы тайlан па, тата нааман хуl веlты мосаl. Си уlэн шавиман тута хун уlан. Уlэн ураhан тута ки уlан, план хуlэн матэн ки антом, сутытlайн. Наh уlэн шавиман ки питlан уlтыя. Няlхосьяh таl уш эlты юуран парlайн рупиттыя. Корр. Ма ин вантыlэм па иса наh нэпекан ханшlан. Наh муй утаlтысан? Школайн? Каман таlан матсан утаlтытыя? Толба: Ма катхосьяh таl шупан мантсам утаlтыты. Хонтатlыlам, ант lаh-
хаlайм утаlтыты. Ашкуlая няврэмат уты питlайт. Ма, пошкан аlэмаlам, унта хотlам. Корр. Сяlта хоты катаlсайн? Толба: Юухат асем иляпса. Похэн па ки ханятман тайlэн – сутытlайн. Нумасыlам, асем сутытlа. Lукашаl, манlам lучше. Опем, ванты, ашкуlайн утаlтыйl. Ма ашкуlая уймеман, lув няl класс етшас. Си порайн ученик книшка уl. Опем вет таl утаlтыйс. Опеман катаllайм, ёхи манlаман. Хухаllаман. Рыпкуп тась сита ашнаl уl. Саранат ики ус. Витязев ики. Ухlа lэllайман, иl хушlайман, опсатан. Па ёхlы си навраllайман. Корр.: Сяlта няl класс етшаптасан; lуhатты хошты питсан, ханшты хошты питсан? Толба: Ма первый класс эlты си, манэм сикем арат кена ис па, веселитман утаlтысам. Юухат ситы утаlтысам па иса няl па вет, иса няl па вет. Ма первый классна галстук ярман яhхlам. Пионера усам. Манэм сикем кен ус утаlтытыя. Хоятат туп ахайтlат. Григорий, тамен али муй сиран уl. Ма тохи вохlайм. Корр.: Сяlта, сиhанся, няl класс етшасан па си? Толба: Ма, lуlн, утаlтысам ки, министра мантсам. Путин
местая омассам хоlна. Яйм сорма питас. Асем вотся хасяс. Ма хутхосьяh таl lовата туп исам. Асем утхота мохты манас. Ястас: «Похэм па ант маlэм утаlтытыя. Манэм нётты хоят па ант тайlам. Lув манэм ат нётаl». Манэм сикем кен ус. Ма lуlн ситы утаlтысам. Корр.: Григорий Иванович, ёхан куртlан хоты хайты питсаllан? Хоты ун куртатна уlты питсаты? Хайм куртlанна хоты усты? Толба: Питта курт, ма сита сэма питсам. Хоят шимаl ус. Муhт кат хот тэl. Леонид Иванович Русмиленко асеl ус. Асем сорма питам юпийн, катра куртэм хаиlысэм па пашак тахая хот верыlысам. Си хотэм интам си уl. Тохи ма товийн яhхиlыlам, таlан яhхиlыlам. Ёхан куртат, уншак хоятlув антомат ки усат, там хатаl унты ант хасьсат. Там пораятан, ун вооша утаlман, энамты ёх тохи ант манаl. Сита хоты ант рупитlан, ант ки сам ант нёхlан. Lапка антом, lутапты пормас lэсятlы уl. Муй мосмитаl иса наh ёша-кура ант ки хошlан вертыя, хойн маlайн, хойн верlайн? Энамты ёх рупитты ант lаhхаlайт. Геннадий КЕЛЬЧИН инсясас Лариса ЖАРИНОВА верам хорат
3
№10 (740) Lапат хутмет (суббота), Айкер тыlащ 7-мет хатl 2015-мет таl
Литература лопас Кантэлэтар (еlпи арат №9 газетайн уllат)
Йис потар арат Кристи эви Паlтап век ант тайl Кристи, Кристи эви, апраh эви, Тыlащ пиlн вура верас, Хатl пиlн вурая питас – Ешl Хатlаlа lув маслы, Хатl поха ищи масlы, Хой па аlаhшик нох киlаl – Кристи, Тыlащ, амуй Хатlэв? Эви аlаhшик нох киlас, Хонна камн патлам уlмаl, Вер па lув щирэlн манас – Хатl эlты, Тыlащ эlты Оlhа эвие нох киlмаl. Сэмийиlаl лёхемасlы, Ёшlаl ланщахан па нэрас, Кур овl сора нох пуншсаllы, Курl нох па аlэмасlы, Сором lант сэм куншемийс, Курl шанша шушемийс, Патр ох ана каркам эви Lантаl тохи шошемийс. Lант сэмиет ая сэhкас, Lантаl сыстам ана понас, Щаlта па lув кимlы этас, Хатl пеlа аhкармийс, Тыlащ пеlа аhкармийс, Хатl эвев хонна оlмаl, Тыlащ похев нох ант киlмаl. Эвев ёхlы хота lоhас, Йиhка манас, йиhкаl тусlы, Ветlэм пуш lув яhхиlыйс, Хуткем пут lув тэкноптыйс. Хотхараl па лёхатсаllы, Щени хотаl сыстапсаllы. Хулы акатты путыеl Ищи ким lув шошемисlы, Хатl эвеl пеlа вантас, Тыlащ похаl пеlа вантас, Хатlыев па хонна оlмаl, Тыlщев сэмlаl нох ант пуншмаl, Lэпат оlттахайн Хатlэв Хонна еша кератлимаl, Lаhки сохаl иlпи эlты Курlыйиlаl ворлиlымеl, Кур lуйlаl туп ворлиlымеl. Эвев па щи ёхи lоhас, Сора ошl пунаl lортас, Lонщи хорпи нови пунаl, Щакля хорпи щакляh пунаl, Сора пунаl нох сэвсаllы, Поталыя lарытсаllы, Щаlта омсты пасан эlты Сохм поталэl понтсаllы. Эвев па щи кимlы этас, Хатl вантты, Тыlащ вантты: Хатlэв туп щи нох верlымаl, Тыlащ туп щи сэмlаl пуншмаl.
Суометар похат Матта вошн эви уlмаl, Мисат каншты яhхиlымаl, Каллот хуват, унт вур хуват. Щиты унтат хуватн яhхман, Щиты каллот хуват шушман, Васы lув щи уйтыlымаl, Щита шек lув амтыlымаl. Васэl ёхи lув щи тусlы, Lапатсаllы, йинщтаlсаllы, Щи юкана ай пошхие Васы эвиеlа щи тусlы. Васы пошах хошмиlтаса, Васы пошах щиты энмас, Еша пора хащман щаlта, Хорам эви нох щи питас. Амуй нэм lувела понты, Мата нэмн эви маты – Сотсатар – яма щи щащаl, Суометар – мет ям щащаl. Эви хорасаhа энмас, Щиты уlман, хатлат хащсат, Похат, тышман, lув юпеlан, Иса шушилыты питсат. Оlhа хуlом шушилыйс,
Щаlта яртъяh яhхты питас Тыlащ похев щата ус па, Хатl похев ищи шушас. Овс каlы ун Хусыев Ищи эви хоща яhхас. Тыlащ похев сорни арсов, Сельох арсов китыlыйс: «Эви, наhен нэhа вуlэм, Туром харн сорни хотан, Сельох хотн lавlылылэм!» Эви Тыlщ пилн ант манас, Щимащ ясаh lувеl китас: «Тыlщ пиlн ма ант мантlом, Веншаl манэм щикем атом: Порайн иса ваща питаl, Вутhа порайн ювантыйl, Турм хуват ататн яhхаl, Хатlаlн па иl оlомтыйl, Щит ураhан номс ант тайlом, Lув пиlэлн ма ант мантlом». Хатl ищи турма этас, Эви пеlа сэмаl понас, Сорни арсовl вощкиlыйl, Сельох арсовl китыlыйl: «Хорам эви, омеh эви, Наhен, эви, нэhа вуlэм, Туром харн сорни хотан, Сельох хотан lавlылылэм!» Хатl пиlн lув ант манас, Щимащ ясhат ястылыйс: «Хатl пиlн ма ант манlом, Атом пищат тайиlыяl: Lуhан рув lув верыlыйl, Таlн ищки китыlыйl, Торн верты ям порайн Ертат иса эслиlыйl, Нянь lант энмаlты порайн Ерт сэм ант па этлиlыйl». Овс каlы Ун Хус похев, Ищи ху хорасан lойl, Сельох арсов lув ант тайl: «Эви, наhен нэhа вуlэм Туром харн сорни хотан, Сельох хотан lавlыlыlэм!» Эвев щиты lуйты питас, Эви щиты тусlы ясhаl: «Наh пиlэнан ма аl мантlом, Наh пеlэна нопсэм оlаl, Хот lыпиен иса сыстам, Аhкен ям пох саhкаlтымаl, Яма наhен энмаlтымаl, Аhкен эlты воlаh ясаh, Воlаh потар па тутлиlом: Аhки хорпи ям аhкие, Lапат хуспи ям нэhие». Lоваl мит хоятан вуlа, Lов хота уккеlан туlа, Щаlта овсан lаптыlыlа, Торнан ищи поныlыlа. Ху па хот lыпия туlа, Пасан сура опсаlтаlа, Эпlаh пува сельох анан, Щаlта ху хоятэв туlа, Туlа похев маваh йиhкан: «Ям хоятэв! Ям номасан!» «Lэты век ант lаhхаlайм, Йинщты ищи каш ант тайlом, Вурты эви, хорам эви Хорасаl ма вантыlыlом. Сам вошема поном эвем, Хота Суометар эвем?» Суометар хорам эви Щимащ потар тутлиlыйс, Щимащ ясhат ястыlыйс: «Хув эlт lаваlты похием, Манэм мосты хоятыем, Еша рона, еша lавlа, Хорам ернасэм lуматlом, Ермак охшам оха понlом. Аhки нётопса ант уятсом, Ащи нётопса ант вантсом, Кунярыя улом эви, Шукащман ма энмом эви. Lэпат самаh пиращ имет Манэм нётопса мийлисат,
•Литература таlа юкантам лопас
Lэпат самаh пиращ икет Юр манэма поныlысат. Па хоятат ёшlаl потмат, Номасlаlн ищки тайlат, Ясаhlаl па вот рув тайlат, Верlаl еhка потман уllат”.
Пох каншты эви Пох апщема ма хув элты Хорам эви каншилыlом, Лув урhела самаhа ма эви иса вантылыломlом. Унт питарн эви уйтсом, Lэпат ванши элты омпсас. Лувеl иса инщисысэм, Ям хув lувеl пойкиlысэм: «Куща апщие ма тайlом, Lув хощеlа наh ант манlан?» Эви, няхман, инщемийl: «Апщен муй па верыlыйl?» «Мисат-ошат шивиlыйl, Ясаh щирн уллиlыйl».«Шаhк йиhк эпаl манэм атом, Lув пиlаlн ма ант манlом, Хоты lувеl апаlтмаlэм, Хоты lувеl мосэмиlэм?» Пох апщема ма хув эlты Хорам эви каншиlыlом, Lув урhела самаhа ма эви иса вантыlыlом. Унт вурамн эви омсас Lэпат ванши lотн омсас. Хув ма lувеl инщиlысэм, Хув па lувеl пойкиlысэм: «Куща апщие ма тайlом, Lув хощеlа наh ант манlан?» Эви, няхман, инщемийl: «Апщен муй па верыlыйl?» «Унтат хуват яhхиlыйl, Войт веlман, уlлиlыйl». «Хуl юх lэпас, нохр юх lэпас Ма щирэмн, атма аваl. Иса кашитты ма питlом. Иса мушиттыя питlом. Хоты lувеl апаlтмаlэм, Хоты lувеl мосэмиlэм?» Пох апщема ма хув эlты Хорам эви каншиlыlом, Lув урhеlа самаhа ма эви иса вантыlыlом. Унт вурамн эви опсас Lэпат ванши лотн опсас. Хув ма lувеl инщиlысэм, Хув ма lувеl пойкиlысэм: «Куща апщие ма тайlом, Lув хощеlа наh ант манlан?» Эви, няхман, инщемийl: «Апщен муй па верыlыйl?» «Апщем хопа lэlлиlыйl, Апщем хуlат веlлиlыйl». «Хуl эпаlа иса питlам, Lыйм йиhкан авты питlам. Хоты lувеl апаlтмаlэм, Хоты lувеl мосэмиlэм?» Пох апщема ма хув элты Хорам эви каншиlыlом, Lув урhеlа самаhа ма эви иса вантыlыlом. Унт вурамн эви опсас Lэпат ванши лотн опсас. Хув ма lувеl инщиlысэм, Хув ма lувеl пойкиlысэм: «Куща апщие ма тайlом, Lув хощеlа наh ант манlан?» Эви, няхман, инщемийl: «Апщен муй па верыlыйl?» «Каркама мув шукатыйl, Lант сэм мува поныlыйl, Нянь торн па lув актыlыйl, Нянь сэм lанта сэhкиlыйl». «Щимащ похие щи каншlом, Щимащ хоят щи lаваllом. Lув пиlэlн хошмиlтыlом, Эпlаh нянят lэвантыlом. Lувеl ма щи апаlтмаlэм, Lувеl ма щи мосэмиlэм?» (еllы па уl)
Надежда КОНЕВА толмащам арат
4
№10 (740) Lапат хутмет (суббота), Айкер тыlащ 7-мет хатl 2015-мет таl
«Ямал мувн ханшты хоятат нэпекат lуhтопса»
Овс мув мир культура шавиты центр (ОЦНК хоща уl) кашаh таllуh «Ямал мувн ханшты хоятат нэпекат lуhтопса» верыlыйl. Ар щира щи вер поныlыlэв: конкурсат верыlыlув, спектаклят алиlыlув, концертат. Там таllуh муh викторина Иван Истомин ханшом нэпекат хуват верыlысув, «Оlаh рапата» (Первые ласточки) аяlтсэв. Викторина щит ураhан вертсув, Пулhавт вошн уlты няврэмат Овс мув ёх ханшом нэпекат па lуh-
тарат ат уятlат, Иван Истомин ханшом нэпекат па ат уятlат. Там таllуh Россия мувев хуват Литература таllуhа понтман уl, щит ураhан викторинаев хонна щи посн па юкантысэв. Курк тыlащн кимет хатl эlты ветхощъяhмет хатl унты школаята яhхсув, щата викторина оlаh шуп верыlысув. Ветмет па хутмет классатн утаlтаты няврэмат Иван Истомин ханшом нэпек шупат номпса поныlысlал па муh пеlэва lуhатсат. Ашкулаятн викторинаятн
нох питом няврэмат ветхощъяhмет хатаlн па Округ культура хота актыlысlув па кимет викторина шуп верыlысув. Иса яха кимет конкурс шупа хут
няврэм вохиlысув: оlаh ашкуlа эlты, няlмет, хутмет па хуlмет ашкуlа эlты. Няврэмат щата Иван Истомин ханшом нэпекат нох утаlтомеl па хоятат пеlа lуhатсат па щи эlты инщассайт, хота Иван Истомин сэма питас, хота утаlтыйс, муйщир нэпек ханшас, хой эlты ханшас, мата газетан, журналан ханшом нэпекlаl этыlысат. Хут няврэм кутн мет ёlта хуlом няврэм хащиlыйс: Илья Чупахин па Ольга Кудрина (няlмет ашкуlа эlты), Леонид Шайхутдинов (хуlмет ашкуlа эlты). Щи няврэмат кутн
Илья Чупахин нох питас. Викторинайн ёнтом няврэмат хоlыева дипломат па мойlопсаят вусат. Шоши мир департамент па
мойlопса няврэмата lэщатыйс. Галина Константиновна Вальгамова Шоши мир департамент эlты ёхтыlыйс, хоятата каматса умащ ясаh Иван Истомин эlты ястас па няврэмата мойlопсайт ортас. ОЦНК хоща рупитты артистат па няврэмата няхкаш алиlысат: яксат-арысат: Нядма Няруй ур ясаhан арэмийс, Валентин Вальгамов па Владислав Озелов ар тустан па арыман хонна яксатан. Иван Истомин рут ясhаlн – саран ясаhан па няврэмат арысат, «Марья моль» арыты группаеl аяllа (Ольга Кожина щата няврэмат арыты утаlтаllы). Мет ёlта викторинайн ёнтом няврэмат яха хора lойиlысат. Тата щи хор. Ям ар хоят моя ёхтыlыйс, хоятат такан ёшпат сэhксат, няврэмата ям ясhат ястыlысат. Надежда КОНЕВА потар ханшас, хор па lув версаllы
Хорам хотат
•Хорат потарlат
Катрашак ханты хоятат ар сыр хотат тайсат. Lуhан ки, веlпасlаты местайlаlан lуh хотат омтыlысат, таlан уlты тахайlаlан – таl хотат тайсат. Таl куртат усат, lуh куртат усат. Сяlта пора ёхтас ай куртыет хайты питсайт, ястаlат, сит «не перспективный» куртат. Хантэт уншак куртата, воошата уlты касlаптасайт, ай куртыет мортаh тахаятан хасьсат. Воошатан ун па хорам хотат оматты питсайт, кашаh семья хоты нопсаl питаl ситы оматаl. Шитты хоятэн хотаl шеhк хорапlаllы – ишниlаl ханшаhат, овlаl ольпаhат. Сэм тахрапты таха тайlат. Муйl атом, ям си! КЕРАН Митры ханшам потар шупии АЙХОП Павель верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0189 Подписные индексы: на год - 29925, на полугодие - 84611
Газета вышла в свет 7 марта 2015г. Подписано в печать 5 марта 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин