ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №13 (743) Lапат хутмет (суббота), Айкер тыlащ (март) 28-мет хатl 2015-мет таl
Округ тащ ёх хусмет пуш актащисат Надым вошан хусмет пуш тащ ёх касапса манас. Щи ун вошан арпелак рупитты ёхтам хоятат уllат: рущат, хатанят, украинцат па па мират. Вуlэh ёх емаhхатlат муh округев lоватан ям хуван lэщатты питсайт, шоши мир уlты куртатан па районат уншак вошатан тащ ёх касты яха актащисат. Юхатшак, мув иlпи тащ уйтаман, газ па нефть уйтам юпийн там муван ун вошат оматсайт, па мир хоятат рупитты па уlты ёхатсат. Хус таl сайн шоши мир кущайlув па газ, нефть каншты кущайт ун потар версат: там мува рупитты ёхтам па рут хоятат шошия уlты мират эlты нэмоlты воlаh ант уйтlат, lыв кутэlан туhащира ант уйтантыlат, lухсаhа ант уllат. Щи юпийн ястатсат Надым вошан кашаh тови ун емаh хатl верты, кашаh район эlты вуlэh ёх щи емаhхатlа вохиlыты. Пора сора хащас. Ин там порайн День оленевода Надым вошан шеhк lаваllа, ашкуlа няврэмат щи хатl ант утаlтыlат, ёхи эсlыlайт. Кат хатl сыс Стрижов нэмпи щутщаты хар хоща вошаh мир аеl-унэl хоl ёхтыlыlат касты верат вантты, хантыур арат хуlатlат, ям хуlнёхи lутlат па lухасlаl пиlан уйтантыlат. Кимет хатl Янтарное нэмпи lор хоща вуlэh ухlатан касlат, щит мет lаваlты касапса. Вош пуhаlан, lапат километра хуватан урхотат lонщиlыlайт, касты тувам ухlаh вуlэт шавиты ураhан. Ёхтам па мир мойh хоятат щи ищи яhхты верытlат, касlыты мир уlапса вантlат, шайн ищаlтаlайт, хор уlат. Надым вошан кашаh таl емаhхатl пунштыйн ун кущайт ёхтыlыlат, тампуш усат: округ куща Дмитрий Николаевич Кобылкин, Тюмень область куща Владимир Владимирович Якушев, округ Дума куща ху Сергей Николаевич Харючи, Российской федерация Дума депутат Григорий Петрович Ледков, Союз оленеводов России президент Дмитрий Оттович Хороля, Тюмень об-
ласть Дума куща ху Сергей Евгеньевич Корепанов, Надымский район куща Станислав Станиславович Шегуров. Па хон мув мойh хоятат ищи усат. Lыв кутэlан и нэм ястыса, щит Объединённых Арабских Эмиратов шеhк тащаh хоят, шейх, нэмаl Сауд бин Сакраль Касими. Щи хув муват эlты хоятат ёхтыlыlат, Ямал округев эlты потар еllы манты ураhан. Касапса пуншаман, мет оlаhан вуlэh ухlат этсат. Ямальский тундра эlты уlты яма рупитам ёх касапса пуншсат, щит Александр Мэйкович Езынги, Евгений Мэйкович Езынги, Виталий Сомдевич Вануйто, Эдуард Анатольевич Вануйто, Таисья Атьевна Вануйто, Яков Пинатович Яптик, Стас Дмитриевич Яптик, Андрей Александрович Сэротэтто, Василий Елевич Худи, Павел Елевич Худи. Там тови ун касапсаята
ёхтыlысат командайт МОП «Ярсалинское», Шурышкарский, Красноселькупский, Пуровский, Тазовский, Приуральский районат эlты, Надымский район эlты кат команда ус: Кутопьюган па Ныда куртат эlты. Ненецкий округ эlты мойh ёх команда ус. Мет еlпийн туняl нох питам Панаевский команда ёх шушсат, куща хуеl касапса вотвой нох эсlас. Тампуш тынщаh ёваlман нох питас Тайбери Алексей Приуральский район эlты, катхощьяh пуш сува питас. Ветсот ухаl навармас Илья Хороля Панаевск эlты. Максим Сэротэтто Панаевск эlты па мет юраh ус, касты ёх кутан па вошаh хоятатан lув яма уйтlа. Александр Вануйто Пуровский район эlты мет хува навармас, 909см. Lохан хухаlман нох питсат Панаевск ёх. Щиты Панаевск команда тампуш па оlаh места усат, кубок губернато-
ра па lув шитсэl. Кимет местая Кутопьюган ёх питсат, хуlмета Пуровский район команда усат. Вуlэh ухlаh касапса номпсаhа па хорамаhа пуншса. Таllаl ара ювам ун хоятат, яма рупитыйм па катра яма касам ун икет оlаhан lэlамтысат. Сомдю Вануйто, национальный борьба хоща чемпиона ус, ухаlан касман ищи иса нох питыlыйс. Нийlъяh пеlа нийl таl lоват ун ики тампуш па оlhа ёхтас. Щаlта Елю Худи, там порайн хуlам похаl тащан рупитlат, касман оlаh местайт уlат. Там касапсаятан lув похаl Павел Елевич Худи ухаlан мет оlhа ёхтас, кимет похаl Геннадий Еlевич Худи национальный борьба хоща кимет места ус. Хасаваку Вануйто ищи хутьяh моlтас таl lоват ики. Катра касты шеhк харщи уlмаl, ухаlан касман яh таl оlаh места уйlымаl. Хотяко Мэйкович Езынги ищи lыв пиllаlан lэlамтыйс, па вошан уlты хоят, lув мет ёlта ёхтас. Щи ун хоятат юпийн касапса пуншса. Вуlэh ухаlн касман кимет места ус Валерий Салиндер, хуlмет – Виталий Вануйто. Нэhат кутан оlаh места ус Валентина Худи, кимет – Маргарита Сэротэтто. Туняlат иты оlаh местайт шитам ёх хоl lонщхопатан мойlасайт, па ёх па электрогенераторатан па охан ищи масайт. Щишан, Надым вошан касапса яма верса, хой lэщатыйс, щит нох питас, мойlапса шитас. Хоlна и касапса эlты ястаты мосаl. Щит конкурс «Кочевая семья». Щита касlыты хоятат уlапса верlаl алиlысат, арат па якат этаlтысат. Туса верам сахат, вайт па мосты пормасат жюрийн вантсайт, мет тус нэhат нэмlаl ястысайт. Щи конкурсан оlаh места шитас Каргачевы-Пудовы семья Кутопьюган эlты, па семьяйт ищи мойlапсаятан масайт. Емаhхатl яма манас. Папуш па ям турам ат вераl, касты апраh ёх па ат актащlат. Клавдия МАКАРОВА ханшам потар па верам хорат
2
№13 (743) Lапат хутмет (суббота), Айкер тыlащ 28-мет хатl 2015-мет таl
Пунаh сохlув хошом рув Там потрат Касом-Нёl эlты ёхатсат. Щата сельский клубан кущая Изольда Петровна Сорокина рупитаl. Курт хоятlаlа иса нях-каш ватаlтаlат, вантопсайт верыlыlат, няврэмат па моlты умащ верата таlлиllаl. Ас потты тыlащн катхощъяhмет хатаlн муh клубевн вантопса «Пунаh сохlув хошом рув» верыlысув. Вантопса lэщатмевн щимащ номпсат тайсув: хошом сох ёнтты верат ат ат ушlат, хорам ханшет еllы па нэhат ат ёнтlат, тус ёшаh нэhат lый ёllаl еllы па ат понтlаllаl. Римма Васильевна Канева, Вера Прокопьевна Нахрачёва, Галина Григорьевна Лобанова хошом сохlаl вантопсая тутлисат. Вантопсая ёхтыlыйм хоятат умащман сохат вантсаllаl, тухаl сохат нох lумтылысайт па хора вуйлисайт. Шоши мир ёх, ищки мувн уlман, хошом сох ёнтыlысат, эllаl, ёшlаl-курlаl иса хошомн тайсаllа. Сах ёнтты хошты мосаl, и сах порайн каматса таllуh
хуват ёнтlа, оlhа ханшет ёнтlайт, щаlта мосты щирн вуlы сох акатlа. Няlкем вуlы сох и саха ёнтыlыlа. Сах кат пуш тайl, иlта пушl таl вуlы сох эlты ёнтlа, хошом ураhан, эlты пушаl
ёнтты сус вуlы сохат lэщатlайт. Сахlаl нэhат иса хорапlаllаl: вуlы кепlат, нуй хорамат, сак эlты вером хорамат тохи ёнтыlыlат. Вайт нэhат па хорамаhа ёнтlаllаl, саlтом вайт эвтома ёнтlайт, ханшаh вайт па ханшийн понтlайт. Вайт ёнтман, нуй па кат вой сох кутн ёнтыlыlа, щиты ханши хорасаhашик вантасаl. Ху хоятlав па ищки эlты
ант паllат, хошом молщаhатн яhхlат. Няврэмата па аhкиlаl хошом сох ёнтlат. Ин там порайн муh рущ сохан иса щи яhхlув, па хун таlн юш понты номас вертlув, хошом Овс мув сохlав эlты щи нумаlтмаlув па нох щи lуматlыllув. Изольда СОРОКИНА потар ханшас па хорат верас
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Аhкиlув-ащиlув уlопса эlты иса нумlув Кашаh курт-кашаh вош анта ин там хатаlн тыйс, хув тэlн щата хоятат усат. КасомНёlн ищи щиты щи, хув тэlн мохет вуlы шависат, хуl веlтсат, вонщомот акатсат. Касом-Нёl ху хоятат Ун ляля па яhхиlысат, нэhат па куртан рупитсат: хуl веlтсат, вой веlтсат, хошом кешет, посат лялясты хоятата ёнтсат. Муh рут куртыев иса саман тайlэв, lув шек хорамаh, нохар юхат кутн lойl. Хоты па куртэв тыйс? Нэпекан щиты ханшман уl: 1920-мет таllуhатн тый рущат китомат -
переселенцат, хоятат мув хотат омастмеl, кашаh щимащ хотн каматса семья уlтмаl. Щи юпийн, таhха, ханты хоятат па тыеl уlты ёхатсат. Колхозат вером порайн па Касом-Нёлн па колхоз верыlыса, «Яlоп уlопса пеlа нумасман» (За лучшую жизнь) нэман поныlыса. Колхоз ёх хуl веlтсат, вой веlтсат, мисат энмаlтсат, унтан юх сэвартсат, картопка, репа, горох, турнепс мув харатн энмаlтсат. Вуlы колхозн па тайса, фермайн питы охсарат, восты lэпкат энмаlтсайт. Хотат па омпсыlысайт.
1960-мет таllуh эlты колхозат ара эсаlтсайт, рыбозаводат вертсайт. Куртэв эlты хоятат па ар пеlа мантсат, хой Lупхары воша касlас, хой Яlоп воша (Горки) воша, хой па Мужи пеlа юшl понас. Там верыlыйм вантопсаевн хоятата хорат алиlысув, щи эlты ныса, хоты катра куртэвн хоятат усат, муй верыlысат, муйщир сохн яhхсат. Арпелак хор Канева И.А. шуhат архив эlты вуйлисув. Изольда СОРОКИНА потар ханшас, хорат па lув хоятат эlты актас
Детство Разве можно забыть своё детство, Разве можно его позабыть, Разве можно забыть мне деревню, Где родился и начал ходить?! Помню всё: как по лужам ходил я, Как ходил босиком по росе, И как с удочкой утренней зорькой, Взяв червей банку, несся к реке. Разве можно забыть, как картофель Мы сажали в колхозе весной, Как пололи турнепс и капусту, Ну и репу вечерней порой. Как всю ночь до утра неводили, Мы на ближнем песке под горой, А под утро домой возвратившись, Спали в пологе крепко, гурьбой. Как косили мы сено всё лето, Собирая в большие стога, А потом полукругом рассевшись, Пили чай с молоком у костра. Постепенно и детство проходит, И в работе, и в играх у нас. И лишь взрослым уже вспоминаешь, Что тебе уж не десять сейчас. Василий КАНЕВ
3
№13 (743) Lапат хутмет (суббота), Айкер тыlащ 28-мет хатl 2015-мет таl
Щущие
Каркам похhан
Муй моlтас? Там кашаh няl ясаh кутан хуlам ясаh и щира улты воят, хулат ханшман уllайт, и ясhаl па щиран уlты вой. Моlтас ясаh уйтаlн. 1 ворhа 2 lунт 3 савнэ 4 аhкаl вой 1 2 3 4
унши хуl юх нохар юх сумат
1 2 3 4
андатра щёхар сорт сух
1 2 3 4
мойпар евр шовр кати
1 2 3 4
lапата карh хомлах пеlhа сэры
1 2 3 4
мис пуращ нампар вой ош
№15 (48)
Родион lынан нётlатан. Утаlтыты порайн щи похhан ма рупитты группаеман уllатан. Lын яма утаlтыlтан, иса олимпиадайт ханшlатан, школа, район па округ емаh хатlата па арсыр мероприятияита яhхlатан. Родион «Воспитанник года» конкурсан нох питас па мойlапсайн юкантса. Щи каркам похhан ёшlын па тусат, lын эвтам-нёхрам умащ хорат верlатан па рутlына,
lухасlына мойlыllын. Даниил па Родион хоlна lохан яма хухатlыlтан. Lын район па округ касапсая яhхиlыlтан, хота lын lоватан няврэмат кутан мойlапсаяh места мощатыlтан. Щи ураhан ар ишак нэпек, медаль па мойlапса тайlатан. Щи ям похhан еllы каркама, туса па ошаhа ант уllатан! Арина Викторовна ВАКУЛЕНКО ханшам потар па верам хорhан
Шурышкарский район Овкурт вошан интернатн кат пиlаhа сэма питам няврэмhан уllатан. Lын нэмlын Родион па Даниил Лонгортовhан. Похhана хуlамхощьяh таl, хутмет классан утаlтыlтан. Lын Овоlаh куртан энампсатан. Антян па ащан – Ольга Филипповна па Константин Сергеевич Лонгортовhан – хуl веlман рупитlатан. Айтэlан Даниил па
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Сканворд
Там хоратн хот ураhан мосты пормасат альман уllаят. Хорат вантаlын алям порма-
сат сканворда номерlаl хуват ханlаlын.
Шанш пелак пеlа: 3 1
2
4
Иllы пеlа: 3
2
1
Валентина РОХТЫМОВА lэщатам лопас
4
№13 (743) Lапат хутмет (суббота), Айкер тыlащ 28-мет хатl 2015-мет таl
Тус ясаh, тус потар Неlаh щущиеhан (Венгар мир монщ) Тынаhкев Кев шанш пелакан, ермак мув шанш пелакан, овlы шэвем унт, вантыlаhаl шэвем унт lойс. Овlы шэвем унт, вантыlаhаl шэвем кутпаh унт кутпаlан пеhкlаl питам мойпар ими ус. Кат щущие тайс. Похhаlаl энапсатан, муват, йиhкат вантты сонтамасhан, ой ки яна уl, ой хоlща, lуlан, каншсатан. Аhкан хоща мантсатан, пайм уlам версатан. Аhкан имина опаlтысайhан па парсайhан нэмаlты порайн катна ант питтыя, муй кеман верытlа кутана катlастыя. Ястатсатан, мойпар щущиеhан, аhкияна нэмаlты порайн катна ант питтыя, муй кеман верытlа кутана катlастыя па си юпийн, охан хоlта питас сиеl мантсатан, сапlан хоlта питас сиеl шушмастан. Хув шушсатан,
ван шушсатан, имоlты порайн хаlшукан хоlас. Lэтот антом хоlта сякlатан, ситы си айкеман, охlан иl эсаlман шушlатан. – Яйе, ма самем сикем такан вохlа! – апсиеl ястаl. – Ма иси шеhк lэты lаhхаlайм! – яйl, охаl ёваlман, ястас. Хув шушсатан, ван шушсатан, имоlтына, ун еhта сыр поталы мосятсатан. Сикуш и кеман катна уты учисlан, ант верытсаllан. Итаl ки аршакан питlа, киметаl ушмасьты питаl, киметаl ки арнашак питlа итаl ушмасьты питаl. Lын амп неlан патына урая хойсатан, хащ яха питсатан. Сикут охсар ими вана ёхтамтас па инсясlаllы: – Нын па муй щимащ урая хойсатан, унт шитам рав, йиhк шитам рав напрыя
шукатсаllан, – охсар ими еl нюхмас. Щущиеhан муй кут эваlт урая хойсатан, муй кут эваlт кутаhа истан, ситlан иса охсар имана потарсаllан. – Сит па муй ун вер? – охсар ими ястас. Сит ун вер ант уl! Сыр поталан ты сар мийlыяlан, ма нынан икеман ортlаllам. Куш ун уlа, куш ай уlа манэм муй вер?! – Па сит шеhк ям! – щущиеhан аматстан. – Орты! – lын еl уваlсатан. Охсар ими усlы па ин мунты ун еhта сыр пул катна морэмасlы. Ош хун ант тайl; и пелкаl нэман унашак хайсаllы. Щущиеhан и туран уваlсатан: – И пулэн унша-ак, уншак! Охсар имина ромашак уlты парсайhан: – Шитамшака уlатан, шитамшака! Там вер па муй
сит ун вер, еша ронамтатан, ма ин туhа сира, мосты сира верапlэм. Ин охсар ими, усlы па уншак пулаl эваlт, уhlа lэпты lоват пул порэмас. Мунты ая уlам пулаl уна хащас. Щущиеhан и туран уваlсатан: – И пулэн унашак, унашак хасяс! Охсар имина ромашак уlты парсайhан: – Шитаманшак уlатан, шитаманшак! Там вер па муй сит ун вер, еша ронамтатан, ма ин туhа сира, мосты сира верапlэм. Ситы си орсаllы. Мет юухат кат ай пулыи хасяс. – Вантаlан, кат ай и lоват шукна си хасьсайhан. Си lэваlан, – охсар ими еl няхаlтас, па пуши восемаман, хоlты пеlа хухlас. Геннадий КЕЛЬЧИННА толмащса
Ху хоята – ернас Ханты нэhат, ханты имет ёнтасты шеhк яма хошlат. Сах ки уйсlат ёнттыя – хорам сах ёнтlат, ханшаh вай ки – ханшаh вай. Куш муй сир lуматты сох уя, иса ётlэl, иса верытlэl. Lувиlаl ёнтlаllаl, няврэмlаl ёнтlаllаl, икиlаl хорам вайн, хорам порхайн lуматтаllаl. Туп ху хоятаl моlщаhаl эхтаl юпийн русь хоптан пушан хась. Кат-
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
•Хорат потарlат
рашак моса муh ху хоятlув ханты ернас ант тайсат. Нуманшак, Ёмвоош кеман уlты ханты ёхlув йис тэlан ханты ернас lуматlысат. Ернас эlты мохты си ныlа, муй сир рут шушаl, муй сир рут карыйl. Нэhат ху хоят пиllаl ернасна ки ёнтсаllаl муйl, lуlн, атом ус. КЕРАН Митры ханшам потар шупии па верам хорат
Тираж 700 Заказ 0192 Подписные индексы: на год - 29925, на полугодие - 84611
Газета вышла в свет 28 марта 2015г. Подписано в печать 26 марта 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин