ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №15 (745) Lапат хутмет (суббота), Ункер тыlащ (апрель) 11-мет хатl 2015-мет таl
Емаh хатlа аршак хоят ёхтыlыйс Пулhаватан Тащ шавиты ёх емаh хатl хащас. Айкер тыlащ хус нийlмет хатаlан вошаh хоятат па вуlэh мохет Пул ёхан сыlан актащисат. Ямало-Ненецкий автономный округ куща Дмитрий Кобылкин емаh хатl пуншсаllы: «Овс мув хоятат! Там ун емаh хатаlан ма нынан lаhхаlаям ястаты, тумтака, вещката, ураяhа уlаты! Тамщ хатlатан муh катра пора эlты тата уlты хоятат уlты щирэl вантты па уятты верытlув. Касапсаятан мет юраh хоятат нох ант питlат!» Щаlта Тюменский область куща Владимир Якушев, Пулhавт администрация куща Иван Кононенко, Законодательный Собрание ЯНАО председатель lаhкар ху Сергей Ямкин, Пулhавт вош дума председатель Владимир Мартынюк па ассоциация «Ямал-потомкам!» куща Эдман Неркаги хошам ясаh ястасат. Пулhаватан уlты хоятат па мояh хоятат культурный программа, хота вош па Охсар вош коллективат па исполнителят каш версат, национальные виды спорта хуват касапсаят, вуlэh ухаlан касапсаят, хорам lуматты сох этаlтыты конкурс вантсат. Lый вуlы хот lыпиян хошмаlтыты верытсат. Емаh хатl верты харн хой мохет тынассат, щита Овс мув вуlэт эlты верам lэтотат (продукция «Ямальские олени»), Пулhавт комбинат lэтотат, хуl, нёхи, вой сохат тынысаят. Вуlэh ухаlан касман нох питас Максим Салиндер, щи ураhан lув ишак нэпекан па «Тайга» lонщхопан юкатса. Кимет Сергей Ледков ёхтас, хуlмет
места Евгений Климов мощатас, lый ищи тынаh мойlапсаян масаят. Юх кат пелка таlман Лева Езынги мет юраh уlмаl, кимет места Тэнго Сэротэтто ус, хуlмет места Денис Сэротэтто ус. Тройной национальный прыжок хуват Денис Сэротэтто мет хува навармас, Норка Климов еша шимаlшак навармас, хуlмет места Семен Окотэтто ус. Мет ар ухаl шоппи Илья Хороля навармас, кимет места Виктор Тайбери мощатас, хуlмет места – Андрей Лапцуй. Тынщаh сува ёваlман оlаh места Петр Лаптандера маса, кимет Сергей Окотэтто питас, хуlмет – Матвей Лаптандер. Пертысыман-юращман Максим Сэротэтто хоl юраh ёх иl перэмасlы. Lув юращман иса нох питыlыяl. Кимет па хуlмет места Виктор Лаптандер па Ейко Сэротэтто устан. Хоl юраh, сора, каркам па апраh ёх мойlапсаян па охан мойlасаят.
«Там пуш Тащ ёх емаh хатl ямашак тыяс, аршак хоят кассат. Щи еlпи туп Приуральский район па Пулhават эlты спортсменат кассат. Ин шоши вуlэh тащ ёх (частники) Ямальский па Надымский район эlты ёхтыlысат. Туп пертысыман-юращман хольмаh хус юраh ху кассат. Туп хус пуш нох питыlыям Максим Сэротэтто иl паятты нэмаlт хоятан ант верытса», – Эдман Неркаги ястас. Касапсаят lэщатты куща Артур Абдулмеджидов ясаh щиран, тампуш хус нийl вуlэh ухаlн касса, арсыр касапсаятан ярсот хоят кассат. «Иса оlаh места уйlыты хоятат щиты нох ант питсаят. Туп яlпа ёхтам хоятат кутан, ищипа юраh спортсменат усат!» – lув ястас. Окружной Центр национальных культур Валентин Вальгамов нарсъюхан ёнтас па ханты арат арыяс.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Тус сох lумтам хоятат пирысаят
Пулhаватан Тащ ёх емаh хатаlан хорама ёнтам lуматты сохат па хорама lэщатам вуlэн ухlат кон-
курс ус. Емаh хатlата lуматlыты ханшэh сохаl ханты, ур, саран хоятат этаlтысат.
Мет хорам lуматты сохаh па ухlаh хоят пирыям нэ Антонина Сязи тамщ ясаhан конкурс пуншсаllы: «Щикем умща Овс мув хоятат вантасlат, муй хорпи хорам ухаlан яhхlат! Муй арат энамты няврэм lув мир хоятlаl катра тайм хорпи сохан яhхаl! Муh Овс мувеван хоlна анта хоl хоятат рущ щиран lуматlыlы питсат – щит ям. Щирlув, пищlув уllат па уlты питlат!» Няврэмат кутан Ангелина Лаптандер, Алина Кондыгина па Екатерина Канева мет хорама lуматlыман усат. Мет ай, и таl lоват няврэм Владимир Лаптандер
па мойlапсаян юкатса. Мет хорам ур ёх сохаh нэ Мария Окотэтто ус, кимет местайн Алина Худи маса, хуlмет местая Татьяна Тайбери юкатса. Ханты мир ёх lуматты сохат конкурсан нох питсат: оlаh места – Юлия Пэнанго, кимет места – Раиса Тайшина, хуlмет места – Наталья Озелова. Саранат кутан оlаhн Марина Витязева, щаlта Гавриил Терентьев па Наталья Лаптандер пирысаят. Семья щират, пищат шавиты хоятhан Ейко Сэротэтто па Александра Чупрова, хорам ханши ёнтты нэ Антонина Сязи атэl мойlапсаян юкатсаят.
Валентина РОХТЫМОВА lэщатам айкеlhан па верам хорат
2
№15 (745) Lапат хутмет (суббота), Ункер тыlащ 11-мет хатl 2015-мет таl
Касlыты юшат Ямал мув lоватан вуlэh ёх емаhхатlат версайт. Катра совхосат щиран рупитты тащ ёх собраниятан потарсат, ун кущайlаl пиlан верат lэрапсат. Частникат щиран уlты хоятат опращlаl иты lув щирэlан касlыlат. Тухаl хоятат па община lэщатман тайlат, щиты ох шитты ищи рахаl. Вуlэh ёх уlапса верат эlты Хабэча Хываревич Яунгад пиlан потартсаман, lув ур ясаhан ханшты «Нярьяна Hэрм» газета хоща кущая уl. – Хабэча Хываревич, тащlаl пиlан касlыты хоятlув яhхты юшlаl, недармайlаl пора ёхаттыйн хаиlыllаl, еша па щиран яhхты питыlыlат. Там таlатан ищи щимащ верат эlты хуllыlув. Муй веран юшат пелтыlыlайт? – Тампуш Ныдинский, Тазовский, Пуровский СПК вуlы тащат Надым мув пелакан хащlат. Ямальский
ство» ястыlа. Щаlта Ныдинский совхосан вуlэт па утщашак щиран тайlайт. Август тыlащан тащеl эсаllэl. Па октябрь тыlащ унты ант кетамlэl, юхат каlтамlаl хуват каншlэl. – Вуlыlаl ант уштыllаl, хува ки манlат? – Шеhк хува ант мантэl, юшlаl уйттэl. Надым вошан емаhхатаlан Муравленко мув пеlа уlты хоятhан пиlан потарсам, Гаврил па Светлана Молдановhан пиlан. Lын ищи щиты вуlыlан тайlыlын. Ищи август порайн вуlыlын эсаllыlын. Мосаh, катра пораятан щиты верыlыса. Вуlэт щиты яма вой верlат. Щи сыс толах, вонщам от этаl, и лотан тащ шавиты lаварт. Щи порайн вуlэт эсаllайт ки, lув шеhк хува ант мантэl, яhхам юшlаl леп уllат. Ныдинский совхоз эlты и айшак хоят пиlан потарсам, lув ястаl, сус порайн мойпар ар уllытаl, росомаха там таlатн ищи ар уlтаl. Вуlы порты вой па шимаlшак, таl
Пластик труба эlты верам кен ухlат ветхощьяh щёрасан тынысайт
районан вуlы ара йис, щахр ант тарамаl. Щишан, тухаl хоятат там пелакан хащlат, Ун Ас Солми ушты ант питlэl. «Хамба» нэмпи фирма, щита Михаил Едэйкович Яр кущая уl, туняl эlты тащаl там пелакан тайlаlы. Щи тащ еlпи товетан иса Солми тум пелка, lув муваlа, касlыlыйс. Ин lув тащаl и щёрс унты энмаlмаl, па яlап щиран шавиllы, коралян. Щиты вуlыlаl иса вантман тайlаlы. Сергей Савокович Сэротэтто ищи щиты вуlы шавиты утщияl, «изгородное оленевод-
хуват вой веlты ёхан веllайт. Там порайн мет ун накlат кат курпи lоlмахат верlат. Туп мув lонщан питlа, ёханат потlайт, тащат пуhlа браконьерат ёхаттэl, газ-нефть каншман рупитты хоятат эlты. Вой веlман вуlы тащата ёхаттэl, lув нумасlат, щит дикий, унт вуlэт. Щикуш егерят па совхос хоятат lыв кущайlаl пиlан потар верlат. Катра порайн, катсот-хуlамсот таl сайн там муван вуlэh хоятат туп усат. Тюмень вош ур ясаhан Нюдя салалава айlса, «малый поворотный город»,
Омск вош айlса Нарка салалава, «большой поворотный город». Щи вошат омасты муватан катра вуlэh хоятат касlысат. Щи муватан, таhха, «изгородное оленеводство» ус. Щишан, ур ёх щи щиран вуlы шавиты номас тайlат. Там муван хоят ара йис, вуlы шавиты щахр кашаh таl шимlамаl. – Михаил Едэйкович Яр энмаlтам тащаl эlты вуlэт па мувата па тыныlыйl? – Михаил Едэйкович Ямальский районан уl. Lув оlаhан вуlы шимаl тайс. Тащ энмаlты номас верас. Оlаhан каматса сот вуlы арендая ус. Совхоса план мийlыйс, па lувеl тащ энмаlтас.
Хуlам щёрс унты тащаl энмаlсаllы, иса lув юкан вуlыlаl. Энмаlтам вуlыlаl эlты ХМАО округа тыныйс, Эвенкия мува
тыныйс, Красноселькуп мува, Пуровский района тыныlыйс. Тыныйм вуlэт самолетан тутlысайт, Ан-24, Ан26 грузовой самолетатан. Тувам вуlэт эlты нийl-яh таl lоват вуlэт юхат ёхlы ёхтыlымеl. Щишан, ай вуlэт мосаl тыныты, щита сэма питам суюв па тахая ант манаl, щи мув lув рут мува тайlыlы. – Вуlы рутат там порайн энмаllайт? – Вуlы ищи рут щир тайl. Lэваса, рут щир ант тайты вуlэт атом хоятат хорпет, ант хуlатlат, ухаlан яhхты ант утаllат, шуhхатlат. Щишан, катра хоятат тащан и вуlы рут энмаlтысат. Ма опращlам катра тэlан Еhки щарс пуhаlан касlысат, щишан вуlыlув утща хорпет усат. Урты вуlэт, ван курпет, юраhат, щарс соl йиhкан энмаlтам вуlэт. Па муват эlты хоятат вуlы пелатты
ёхтыlысат, и хор кат хор сахат пелтыlысэl. Ма унащем ики катра вуlыlаl пиlан потарты верытас, вана манаl па вуlэl паlа моlты ястаl. Щишан вуlыlаl lувеlа хуlантсат. Ин щимащ хоят шимаl. Энмаlтам вуlэт кущайlаl хорпет. Хорасlаlан, рупитты щирlаlан. Вуlыlыl яма тайты хоят вуlыlаl ямат, атом хоят вуlыlын ищи куль хорпет. Там порайн совхос тащатан вуlы рут ищи вантман тайlа, племенной рупата верlа. – Пумащипа наhен, Хабэча Хываревич, там потрэн ураhан. Матты ишан ханты газет lуhатты хоятлува тамащ мосты айкеl па вера. Клавдия МАКАРОВА ханшам потар па Аксарка емаh хатаlан верам хорат
3 Ворhа хатl Надым вошна ус №15 (745) Lапат хутмет (суббота), Ункер тыlащ 11-мет хатl 2015-мет таl
Сикем ям хатаl, сикем хошам ус, Най ими эlты хоятат самат хошапсат, ситы версув Ворна хатаl, турамна нётсаюв. Надым вошна Ворна хатl верlат ханты хоятат клуб «Тови най», па Центр национальных культур хоща рупитты хоятат. Яh таlа йис, хоты муh тата еман хатаl верlув. Еlпи Ворна хатаl Дом природы подворье хоща ус. Тампуш версув еман хатаl па тахаян, ЦНК хося каман. Сита ёнтасты хоятат эlты выставка версув, «Золотые руки мастеров». Сита хорам пормасат версат: ханты нэhат Ксения Нахрачева, Любовь Ельпина, Анна Лонгортова, Ксения Канева, Ирина Шматок, Екатерина Граблевская, Галина Граблевская, ур нэhат Антонина Салиндер, Роза Пырысева, саран нэ Елена Гашимова. Щаlта театрализованный постановка «Храни очаг» версув. Хоты туты Ими яма шавиты мосаl. И пораин ур хотна и семья ус, lув ай эвие тайсат… Тут Ими эlты ай эвие атма верас. Туты Ими ликащас па сикем ищки питас. Хоятат порыlыты питсат. Тут ими ястас: хот
тутан шавияlан, па рут хоятат пиlан яма уlаты, еllы ханты ясаh туваты, тумтака уlаты. Ситы версув щи монщ ясаh. Еман хатlа хорам сохат этаlтыты lэщатсув ««Соцветие священных узоров». Ай няврэмат па ун хоятат сит вантты ёхтыlысат. Ёнтасам нэhат: Альбина Ядне, Арина Рыжова, Мария Тоярова, Эльвира Газизуlина, Татьяна Чупрова, Анастасия Ла-
дукай, lув иса хорам ернасатан ёхатсат. Концертный программа версаhан дуэт «Тови най», Любовь Ельпина па опеl Галина Граблевская, lын Ханты Мужи куртна энапсаhан, яха ариты яhхlатан, Тюмень воша «Мост дружбы» емаhхатlа яhхсатан. Надым вошна ашкуlаята, па садикат хося яhхlатан, сита ханты ясан, па ям мув эlты нявремата потарlатан. Вор-
на хатаlна ЦНК специалисты концертный программа версат: сита арисат овс мув эlты арат: Антонина Салиндер, Светлана Швед, Дарья Саурина. Ворна имия Наталья Егольцова ус, Най ими – Наталья Карпенкова, шепан – Серафима Анагуричи. Надым телевидение эlты Любовь Анагуричи ёхтыlыйс, программа «Дети разных народов» lув вераl, Ворна еман хатаl ищи щи верlаlы. Ворна еман хатlа ун ими Мария Константиновна Тоярова ехтас, lув Надыман эвеl хося уl, Лопхари эlты ёхтас. Ун ими Чупрова Татьяна Васильевна ёхтас, lув Шурышкары эlты уl. Ворна хатаlна ёхтыlысат ун куся хоятат. Ханты хоятат Надым вошан яха ёхтыlыlат, потарlат, няврэмат ёттаlат, ханты ар ариlат. Мун антеващев ясан ант ёрэмаlэв, еllы туlэв. Ун вошна уllув, тата камн хоят, камн ясан. Па мув эlты ёхатты хоятат ат уйтlат, вантlат там муван уlты хоятат уlапса верат. Надым вош ЦНК «Тови най» клуб куща нэ Галина ГРАБЛЕВСКАЯ ханшам потар па верам хор
Хоты катра мойlантысат Катрашак, Ворhа хатаlн хоятат lыв кутэlан мойlантыты яhхиlысат. Ун имет щит яма нумlэl, хой ёхтыlыйс, муй щи хатl верса, муй хорпи мойlапсайт усат. И щимащ хатl эlты, ветъяh таl сайн уlам вер эlты антем, Екатерина Ивановна Лонгортова, манэм потартас. – Ворhа хатаlн мойh нэhат ёхтыlысат. Шохан куртаh ими, унащен антеl ими, щаlта там акаен анти Ямкурт ими, щаlта lув меняl па ун эвеl. Няl нэ. Кат ухаlан ёхтыlысат, Овоlаh эlты вуlы хота ёхатсат. Щащен имийн путан версайт, lатан кавартсайт, оlаhан няр нёхийн lапатсайт. Lэсат, инщсат, етна пелка манты питсат. Щит ма кимет таlэман, ёхи тутlысайм. Щаlта ма ким этlысам, мойlапса lэщатсам. Унащен антеl ими хорамаh куl ермак охшаман, lыпеl урты-восты, эlтэl па ай лыптыет тайl, урты сыlан сыlтман уl, ям росыйн верман уl. Ахой мийlыйм охшам, аlт Маланья асэвем ими мийlыйм охшам, щи охшам ун имия lэщатсэм. Акаен антеl ими па щимащ шер-
стяной урты щашкан охшам, ищи питы сыlан сыlтман уl, щимащ росэh охшам. Слава антеl шуhат па штапель росыlы охшам. Щаlта нумасlам, хащам тови вера питсат, хотэl ёсса, сохlаl партсат. Ямкуртнэ опем имийн щимащ штапель ернасан мийlысайм, восты, порхаl утща хорпи, щит па lувеlа понтсэм. Щаlта акаен апщи па охшаман, ищи росыlы охшам, па ернасан, бордовый щашкан эlты. Яма ёнтам ернас. Щитlам lэщатсаlам, ёхи lоhаlсаlам. Ун имеhан оlаhан масlам, ай нэhhан ернасан, охшаман
понтlтасlам. Lув мосаh нумасыlат, амуй утпаl имийн щиты утаlтаса? Щащен ими юхат аl инщисыlа. Хойн утаlтасаюв. Щи имет lуматтасlам па ям номасан мантсат. Мосаh, щащен ими нумасаl, lувеl ант инщасlэм. Па ма щашканlам, муй ма хоят инщасlам. Щашкан щи тэlан ус. Щиты имет Ворhа хатlа ёхтыlысат. Шай па пут моlты щи lэсат. Наh щащенан моlтыйн аlт масайт, ма щиеlт пеlа вер ант тайlам. Моlтыйн аlт понтсайт. Lув па муй тутlысат, муh ищи щита верэв антом.
Щаlта па щи порайн яха уlам хоятlаl рут щирlаl антем ястысlы, щит Щаня ёхан хоятат. – Хотэван тум пелакан Альбина Николаевна Куртямова антеl, щаlта Хорпунаh курт имен ими устан. Слава антеl шуhат щи Айкуртаh ики аспохаl. Lын антиlын Шохан курт нэhhын уlмаl. Тум икен щишан ханам нэhаl. Шохан курт Березово вош пуhаl эlты, щиlта нэhат ты тутlыямат. Айкуртан, Овоlаhан щи нэhат уlмеl. Щишан, нын унащиlын Айкуртаh икет аспохlаl, ван аспохlаl. Клавдия МАКАРОВА ханшам потар, «LА» архив эlты понам хорhан
4
№15 (745) Lапат хутмет (суббота), Ункер тыlащ 11-мет хатl 2015-мет таl
Оlаh шупаl №14(744) газетайн lуhтаlн И аlаhсахат пох, кашаh хатаl яhхтаl щиран, хоlапlаl па lысlаl вантты манас. Ентна пелакан ехи ехтас, па шай ищтаlан хуlтмас, каман суюв вохатаl. «Хой щита вохатаl?» – опеl эlты инщасаl. «А, щит вурты суювие. Lув аlаhсахат ехтас. Ма lувеl нянян вана вохсэм. Lув авкка иты вана йис. Ма lувеl авккая тайты питlэм», – опеl ястас. Кимет хатаl пох нох киlас па хоlапlаl вантты манас. Шуштаl хуватан lув юпеlан ахой шушас. Ехlы аhкармас па шияlас, вурты суювие lув юпеlан хухаlаl. Пох нумасаl: «Щит мосаh меhк. Манэм lэты ма юпеман йиl». Па сорашак шушмас. Туп хоlпаl хоща ехтас, сора омлэп верас. Щаlта вурты суювие вана вохсаlы, кур кеlан ярсаlы па омлэпа вощкасlы. Тамащ ясаh пиlан: «Ун хуl,
Вурты суювие (ханты монщ) ай хуl веlа». Ехи ехтас, туп шай инщты опсас, каман тур сый щащаl: «Уртые, уртые, наh ун хуl веlты парсан, ма наhен ун хуl тусам. Хоlта понты?» – «Оlаh ватухаl пара поны». Пох ким этас, ватаl, вурты суювие хухатlыяl, оlаh ватухаl паран ун сух ики оlаl, таlаh таl lэты lоват. Ехи lоhаl па опеl пеlа потараl: «Манэман щи вурты суювие куртэман lэвам меhк». Опеl ястаl: «Щит аl суюв, хой муй меhк». Кимет аlаh сахат уртые аяlта нох киlас, ким этас, антап кеlаl ярсаlы (ентан нэман каман хайсаllы, ант ат аlаh сахат рохсэмиты). Вой веlты, lысlаl вантты манас. Хуllаllы имоlтыян, lув юпеlан амуй йиl. Ехlы аhкармас, вурты суювие хухаlаl. Паlтамас, нумасаl: «Там хатаl яна ехи lэlаям». Сора хухаl-
мас. Ун сумат юх уйтас, таяl юща версаllы, вурты суювие вана вохсаllы па аhнаl эlты щи юща ющтасlы. Па тамащ ясаh ястас: «Тата хаlа куртэм lэвам куль». Щаlта ехи шушас. Ёlн шай ищтаlан, па щи каман тур сый хуlаl: «Уртые, уртые, наh вохсан сумат пар, ма наhена тусам. Хоlта понтыя». Уртые нюхмаl: «А щита вератты харэма вощки». Ким этас, вантаl – ун сумат щуп вератты хараlан оlаl, lув пуhlаlан вурты суювие хухатlыяl. Щи хатаl эlты вурты суювие па ант кетамты питсаllы. Lув щираlан ант уl. Щиты еllы уlты питсат. И хуев и хатаl вератты харан моlтэl нехарман омасаl, вантаl, вурты суювие ким этас па тыеl-тохеl эпсатты питас. Кимет хатl вантаl, вурты суювие па эпсатты питас, хомас
паята нох хуhхамтыяс, щаlта па нох воlыяс, па ротая нета lэты питас. Хуlмет хатаl вурты суювие мет такан эпсатты питас, хомас lоhlа хуhхамтас па унт пеlа навармас. Имоlты щахра ехтас па хуlам пуш шаншаl мохты lарэмас па хуlам вурты хопты кирам ухlа йис. Щи пораян и мит ху вуlы каншман щахарlаl хуват шушаlыяс, вантаl, ухаl lояl, нумасаl: «Ехlаман ухаlан хайсаям». Туп уккеl вусlы, вуlыlаl навармисат, lув туп пара щакты кум шитас. Юх тай хуват, lонщ пуlыман туса, хоlта туса, ат па вантсаlы. Туса, туса, имоlтыян вуlыlаl иl lойсат. Иl охlас, уккеlаl иl ярсаllы. Муh эвев па похэв хоща туса. Щи пуляh ин эвев каман шушаlыйс, вантаl, хоят ехтас. Ехи lоhаl, па апщеl пеlа ястаl: «Ким эта, щита мояh хоят ехтас, ехи
Порыlыты яhхсув Lорвош районан ассоциация «Ямал–потомкам!» отделение тампуш хус вет таlа ис. Щи ураhан айкер тыlащ хусмет хатаlан ассоциация кущайт па мояh хоятат Ханты– Мужийн яха ёхты-
lысат. Ёх вуlы хорсат. Щи пуляh нэhат уlапсаеl нумаlмисат, потрэмисат. Энамты няврэмат кусы юха ёваlман ёнтсат. Музеян рупитты ху экскурсия верас: муй хуват курт ома-
саl, муй хорпи хоятат усат – ястасlы, катра хуl веlты пормасат, ампарат этаlтас. Вуlы хорам юпиян, щел охан ярам щашканат сумта ярсув, ох понтсув, нёхи порэмисув. Няр нёхи lэсув.
вохи, шаян инщаlтаlэман». Апщеl ким этас, мояh хоятаl пиlан вуща верас, еща потрэмистан па шай инщты ехи вохты питсаllы. И хуяl ястаl: «Манэм манты мосаl. Кущаеман ляватlаям. Вуlыlам ат уятсаlам». Муh похэв потараl: «Шай инща, щаlта манlан. Юшэн хув». Мояh хуев ёхи lоhас, ин похэв поркатытаl эlты, эви пелка lоhас. Шай инщтэlан хуllэl, каман вохатты щащаl. Мояh хуеl инщасаl: «Хой щита вохатаl, ванан нэмаlт вуlы ант ныса». Эви ехlы ястаl: «Щит мин авккаеман». Ким этмеlан, нэмаlт вурты хоптэh ухаl антом, туп вурты суювие хухатlыяl. Ин мояh ху эви пиlан уlты хащас. (еllы па уl) Эрнст КУРТЯМОВ монщам монщ, Валентина РОХТЫМОВА нэпека lэщатсаllы
•Хорат потарlат
Кавартам нёхи пиlан шай инщсув. Ханты–Мужи музеян рупитты хоятат емаh хатl яма lэщатсэl. Каш щи ёхатты ус. Ай потар, нях кашан хатl яма хащас.
Валентина РОХТЫМОВА верам хорат па ханшам потар шупие
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0291 Подписные индексы: на год - 29925, на полугодие - 84611
Газета вышла в свет 11 апреля 2015г. Подписано в печать 9 апреля 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин