ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №16 (746) Lапат хутмет (суббота), Ункер тыlащ (апрель) 18-мет хатl 2015-мет таl
Дорогие друзья! От всей души поздравляю представителей средств массовой информации автономного округа с профессиональным праздником - Днём ямальских СМИ! СМИ Ямала были и остаются мощным интелектуальным ресурсом Арктического региона. Ваши информационные продукты пользуются доверием многотысячной ямальской аудитории, которая ценит вас за объективность и основательность оценок, за разнообразие и высокое качество материалов. Медийное сообщество Ямала всегда славилось своими традициями и преемственностью, атмосферой духовности и созидания. И сегодня держа руку на пульсе событий, вы демонстрируете достойные профессиональные стандарты, опираясь на передовые стратегии и технологии, не теряете главного - любви к своей родной земле и уважения к своим героям - землякам - ямальцам. Убеждён, что работа ямальских СМИ и впредь будет насыщенной, продуктивной и востребованной, радовать ямальцев широкой палитрой независимых мнений и оценок. Новых вам творческих успехов, благополучия и удачи! Д.Н. Кобылкин, врио губернатора ЯНАО
Уважаемые журналисты, ветераны, работники печатных и электронных СМИ округа! От всей души поздравляю вас с профессиональным праздником! История ямальских СМИ богата и уникальна. Она впитала в себя лучшие традиции независимости, объективности, оперативности, уважения к читателю, зрителю, слушателю. Вы, безусловно, остаётесь востребованными и жизненно-необходимыми обществу. Доверие к средствам массовой информации Ямала высоко, а профессия журналиста, репортёра пользуется большим уважением и признанием. Именно поэтому в средствах массовой информации работают люди творческие, талантливые, неравнодушные, понимающие свою ответственность перед обществом, переживающие за свою родину – Ямал, Россию. Ямальская журналистика активно развивается, стремительно осваивая новые технологии. Появляется всё больше интересных материалов с нестандартными подходами и оригинальными мнениями, но она по-прежнему остаётся одной из самых опасных профессий. Мы низко склоняем головы перед журналистами, выполнившими свой служебный долг, став образцом мужества и героизма, бесконечной преданности профессии. Желаю вам оставаться объективными, беспристрастными и честными, предлагать северянам широкую палитру независимых мнений и оценок. Крепкого вам здоровья, творческих побед и ярких профессиональных проектов! С.Н. Харючи, Председатель Законодательного Собрания ЯНАО
Овс мув эlты учёныйт проект верlат
Айкер тыlащ хольмаh оlаhмет хатаlан Пулhаватан Администрация унт хотан Лапландия Арктический центр Университет учёныйт проект РИСЕС «Эластичность социоэкологических систем северо-западного региона Евразии» презентация этаlтысат. Окружной центр изучения Арктики, профильный департаментат кущайт, Овс мув шоши мир хоятат общественный организацияит кущайт щи ёхтыlысат.
Проект руководитель профессор Брюс Фобс презентация этаlтыяс. Lув ясhаl щиран, щи проект кат щорс катхощъяhмет таlн lэщатты питса, Финский академия наук охан нётты ки питаl, кат щорс хутхощъяhмет таlн етшиlа. Ин lый Яр-Сале воша яhхсат, хота lый тащ шавиты ёха исследованияйlаl верат эlты потарсат. Щи юпиян еllы рупитты питсат. Брюс Фобс потартас, турам (климат), торнат, юхат, варсат (растения), воят, тащ шавиты ёх уlты щир ёхи хащам кат щорс таl эlты утаlтыса. Кат Овс мув регион вантсаят: Ямал па Фенноскандия (север Финляндии и Скандинавии). Ученыйт гипотеза щиран, хоятат па вуlэт турам (климат) эlты аршак тундра экосистема па щира верlэl. Ямалн проект пиlан рупитты хоятат хуlам экспедицияин усат: Ярте-6 па Морды-Яха ёхан кат тахаян, хота оползнят усат. Исследование хоща тащ шавиты ёх шэhк ар нётlат. Хой ученыйт рупатаеl яма верты ураhан, тащ ёх пиlан касlыlат. Папуш Пулhаватан (на базе Научного центра изучения Арктики) ястыlат, муй номас хоща учёныйт ёхатlат.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Ворhа ими ёхтас па тови тус Хащам lапат мув хуват ханты мир Ворhа хатl порыlыйс. Щи хатl унты ворhа ёхатаl па тови туl. Щи хатl хоятат мойlыты яhхlат, порыlыlат. Ункер тыlащ ихощъяhмет хатаlан Канащ куртан Музейно-выставочный коплексан Ворhа хатl порыlыса. Щи куртаh хоятат, Пулhавт мохет ёхтыlысат. Оlаhн музеян рупитты нэhат аматман мояh хоятат хоща ещаlт ёхатсат. Емаh хатl кат нэ тустан – Клавдия Тайшина па Клавдия Слепа. Няврэмат пиlан ёнтас па амамащlыяс ворhа имия lуматlыям нэ Снежана Тайшина. Каш верты
Ворhа ими санаторно-лесной школа няврэмат пиlан
харн хоятат арысат, яксат. Окружной центр национальных культур артистат Надежда Сэротэтто па национальный ансамбль танца «Сыра Сэв», Охсар вош ханты ар па ур ар арыты нэhат «Овс мув нэ» па «Ялэмд», Окружной санаторно-лесной школа якты няврэмат «Северное сияние» каш
версат. Концерт такlы няврэмат хоlна яма ханты ёнтан ёнтсат, кассат. Манты еlпиян мояh хоятат вуlы хот lыпиян ай потар кашн шай, ям эпlаh хошак инщсат. Щи хатаl хоятат яма щутщисат.
Валентина РОХТЫМОВА lэщатам айкеlhан па верам хорат
Ворhа имия нётам эвеhhан
2
№16 (746) Lапат хутмет (суббота), Ункер тыlащ 18-мет хатl 2015-мет таl
Урхот ермата ювантыйс Ира Елескина иси яма вантасас ханты сохан. Lув ёнты хоят тайl – Антонина Константиновна Ануфриева (Шиянова). Тураl тус нэ, ёшаl тус нэ. Онтапан оlты няврэмии па ус. Каамн рат хар аlса. Путат тахарсайт. Шай каварса. Оlаhан шай исьса, потам хуl, соlаh хуl, ханшаh хуl каварса па lэса. Ханшаh хуlан хотаh нэна – Наталья Григорьевна Сандринайн lапатсаюв. Пасан суран омасман, потар сов тувам ху – Валентин Валерьевич Вальгамов
артаlаман, куш кепа энамты ёх ант еlэмтыты питсат ханты сира уlтыя, ханты ясаhан потартыя, ханты тайты сох lуматlыты па тайтыя). Ёхи хасям кут Владислав Александрович Мушина верыlыйм Якты хотан ус, тасяh ёхат емхатаl харан арыйс па якас. Камн осьхуль потар тайl, хоятат няхаlман потартаl. Си ямаlан си мойlаlа. Хатаl кутап кеман Кев эlты уlы туса. Шай инсям юпийн, йирасты хар lэсятса. Нэhат па ху хоятат сяшка-
Турам юх па пэшаh юх
Пулhават воошан там пуш Ворhа хатаl Ункер тыlась ихосьяhмет хатlан поорыlыса. Ханты сиран, ястаlат, катра порайн мосмаl туп ворhа ёхатаl Морты мув эlты, си юпийн мохты поорыlыты. Тухаl ёх сиран, па хантэт катра ситы си верыlысат, тыlась энамтына емхатlат верыlысайт. Ин па па пора ёхтас: Ворhа хатl торlы ястам хатаlан постаlа. Сит Ункер тыlась lапатмет
Lорвош ху И.Е. Шиянов
хатl. Ин там lапатмет хатаl воllы ёх рупитты порая питас – lапат кимет хатlа (вторника). Хоятат рупитlат, куся ёхан хун lэваса эсаllайт, сишан си ихосьяhмет хатаl lаваlса. Ихосьяhмет хатаl ёхтас. Воошаh хантэт Герман Романович Сандрин хотан ихосьяh сёс кеша актасьты питсат. Хой верытас, хой тайс иса ханты lумтыlыты сохан ёхтас. Ху хоятат хорам нуй кувась, хорам сяшкан ернас тайсат. Ункер тыlась хатlат мелкат, пунаh сох ант lуматlа. Нэhат хорам нуй сахан, хорам ернасан ёхатсат. Няl таl lоват
Уlы сох тахарlат
Ратхар ясаh мийlыйс Овас мув департаментна рупитты нэhа Галина Константиновна Вальгамовая. Lув ям мойlап ясаh ястас па оlаhан Семён Гаврилович Лонгортов грамотайн мойlаптас, lапатъяh таl lовата ювмаl ураhан па шеhк ар па онтасаhа рупитмаl пата. Семён Гаврилович Овкурт эlты там сус ёхтас па Пулhаватан уlты питас. Маты емхатlа вохlа lув иса ёхатаl, сам эlты этты ям ясаh ястаl, энамты ёх туhа сира уlты партаl. Кимет ху – Владислав Александрович Озелов Овас мув департамент эlты Благодарность нэпэкан мойlаса. Lув шеhк юур па ям вер вераl ханты мир якты сират якман па акатман. Си тумпина тынсяh сэвты хошаl, утаlмаl туса пэнсяр вертыя. Муй кеман верытаl иса ханты пеlа таlаl. (Ин там кут, еlпи пора пиlан
нат ярсат, ох понман. Сяшкан щелам и оlhа шук ох ярапlа. Тута катlамтыlа па сумат юха ярlа. Ястаlат, нэhат сумат юха ярlат, ху хоятат па наhка. Йир хорсатан Вячеслав Эдуардович Сандрин па Дмитрий Макарович Лонгортов. Lынан нётас Дмитрий Павлович Возелов. Хува ис Пулhаватан уlты питмаl, таllаl lапатъяh эlты этам ики. Йир хоты хорты мосаl сит эlты каматса ясаh ястас Дмитрий Лонгортов: – Еlпи муh тата хорсмеван Турам юх ант верыlысув, lуhхlув lапаттыя юсь ант верыlысув. Катра ёхlув ястаты сиран, ситы ант рахаl. Хун вооев, Турма юкатман увтэв порайн, муh пойкев, муh увев тураман ант хуllа. Си юх верты юпийн, си юх хуват муh си ясhэв Тураман хуllа. Муh муй пойкlув
Ворhа хатаlн
ситат таlаhа иlат. Ин муh си турам юх версув. Lувеl мосаl сяшкан щеламан яртыя. Кат куlшак, и шомайншак энамты нувhан юх сам кат пелакан ярlайhан. Сяlта Турам юх сяшкан щелматан ярlайт. Юсь па пэшаhа хайlа, юх самаh нуваl па и такшак нуваl тайlан юся нёхармаlайhан. Сяха воой хорты юпийн, нёхайl каварты юпийн торах пулан, няlам пулан юсьтаlа. Мет юухат уlы сохаl пиlан Турам юх, Пэшаh юсь сайшак тахая туlайт. Уlы сохаl юх тая нох тахарlа, охаl Кев пеlа кератман. Сохаl тахартам юх пуhlа Турам юхаl па Пэшаh юсяl lосьlайhан. Си юпийн поорыlыlайт. Ма мунты си ястаlам, си такlы муh пойкев Турма ант ёхатаl. Слава Дима пиlан воойн хорсаllан. Слава пут нёха сэврас, хасьм нёхайн сумта тахарсаllан. Пут lэвам хоllам юпийн Дима потартам сиран каlаh сох, Турам юх, па Пэшаh юсь мосты тахая тусайт. Вер иса катра ёх верыlыйм сиран туhа сира верса. Ху хоятат па нэhат кутlаlан кассат, хой нох питас – мойlап шитас. Айшак няврэмат па юх таlсат. Няхаh па осьхуляh ус касты хар. Пасан суран опсам ёх ар арысайт, монсят па осьхуль потаран потарсайт. Ёхтыlыйм хоятаl урайн пасан сайн омасты местайн тармиlыса, исимет урхотаlуlыхотаl ермата ювантыйс. Си арат си хоятаl Ворhа хатаl поорыlыты ёхтыlыйс. Нопсаl яман хоятат лакки си мантсат. Тамиты актаситы ям си уlмаl. И воошаh кепа уlув, кутlуван мортат туп яха ёхтыlыlув. КЕРАН Митры ханшам потар АЙХОП Павель верам хорат
3
№16 (746) Lапат хутмет (суббота), Ункер тыlащ 18-мет хатl 2015-мет таl
•Lаhа ясаhна
Нохащ манам онасат (йис потар) Карра, Карравос иlпи эваlт, Суп ёхан том пеlак пеlак путар эваlт, касаh сус, ас томпи пеlа, щаlта, касаh тови порайна, Кев пеlа, каlаh тащат, онасат маныlысат. Ар тащат щи порайна яhхсат, Юhх восаh ёх, па Посlаh ёх. Щи ёхат, щи порайна, асса тащат тайсат. Сымаlсак каlаhаh ёх, туп таlн, вуты киlыlысат, вой веlты, мосаh аl уlты. Щитна ас томпина уlты тащат щахарна ант тарамсаят. Щитна ивейна касlысат. Щукус таlатна яhхсат Паранеща lор моса, щукус хотат Параход нюром моса, щит Паlвос па Ёхан курт эваlт сэhк хувви, воllы путы нохар юхаh, па унсэн ур моса. Щита йис порайна муh рутlув, Юhх восаh ёх па Посlаh ёх хотlаl lоймеl, вуl еhта мув вус хощаhна. Щи мув вус йис порайна
пайlы вурам уlмаl. Щита lоймаl и ур хот. Ма ярэмасэм, щи нэhхи, хой щита lоймаl, опаращl: Сязи, Сибарев и мосаh Серасхов. Щи ики кат ими таймаl. И ныhаl энамты, няврэм ант таймаl, вуl имеl ищи няврэм ант таймаl. Икеl сэhк ямас веlпасlамаl, щаlта каlаh ар таймаl. Имосайна икеl ёхи ёхатмаl. Имеhиlаl пеlа lавмаl: «Йиlап эlсох вератан, карра эlсохlан еl ёвlаlан, хоlна ай сук лопсыйи, карра сох эваlт ант рахаl эlсох хоща ёнтты». Ар мольщаh сох па сах сох ёхи lаhаlмеl. Имеhан касаh хатl ятlащlаhан, ювlасlаhан, щаlта ёнтасты питсаhан. Ай имеl асса йиlап эlсох ёнтl, а вуlсак имеl касаh сах хоща, касаh вай асса карра сук ханятыман касамl, ёнтl.
Имосайна щимащ хатl ёхтас, верты мосайlан асса етсасат. Хотэl иl паятсэl, онасlаl кирсаlаl. Икеl онасl нёхlас, энамты имеl lув юпеlна, щаlта вуl имеl щи юпина. Икеl онас туhан нохащ манты питас, турам пеlа. Ай имеl онас ищи щи юпина, воllы нох эllасhан, lын ёхащ ванlаhан, хоты пеlы яlта онас нохащ щуртасl. Вуl имеl ищи нох эllас, щикем щуктан lув онасl нохащ манаl. Ухаllаl щикем щуктат, асса йиlап пормасат щита уlты вераl ус, а lув нэман воllы ай карра сукат, хота рахаl ёнтыlыяс. Том онасhан эваlт и ванман хищты питас. Имосайна иlащ раканты питас, том онасhан паlаh сайна питсаhан па. Хув ухlаl каlаhlаl пиlна, онас иlащ таllаllы мета паllы нох
питыlыяс. Туп оlаh онасhан пенсаhан, вуl ими ухаllаl хоптыlаl пиlна, lаскам кев иты иlащ ракнас. Онас ракнам таха, маl вуссы йис, иlтаяl ант ныlа, туп ув улlаl lоям тахайна кат унсы этмаl, щаlта сымсы лоям тахайна и нохар юх энаммаl, хув ухlаl, хоты пеlантымаl, щиты хоlна хув юхlаl нохащ lоймеl. Вуl имеl нохащ манты ант lытмаl, щитна иl ракнас. Ур хот воlаl хоща, щита щи онасlаl пиlан раканмаl. Щи еhта вус итта тэlна ки уl. Воllы сэhк маl вус, патэl ант ныlа. Щи вус эваlт, омем ащем пиlна потартысhан, хунты каникулна ёхи яhхмемна, щи порайна муh хощаев мояh ёх ёхтыlыяс, щи вус эваlт потартсат. Антонина Егоровна СЯЗИ ханшам потар
Янаса касlыты ёх уlапса верат
Е.П.Тайбери
Аксарка вошан вуlэh ёх емаhхатаlан и имие пиlан потарсаман. Елена Павловна семьяйl пиlан янас касlыман яhхlат. Ийкеl Алексей Павлович Тайбери. – Елена Павловна, каслыты улапсайн лаварт верат уллат? – Ма ин пенсийн уllам. Ин частника уllув па стаж ант манаl, ийкем ищи стажан ант йиlа. Туняl каlаhlув хаlаман, оlаhан ветсот щёрс
соlкувайн маты ястысаюв, юхат ястаса, нэмоlты ант маlа. – Каlаhlын портонын понты нётlайты? – Зоотехникатан портонна маlаюв, каlаhlама прививка ма верlам. Ма вошан санитаркая рупитсам, щишан портон понты веритlам. – Камн семьяйн яха уllаты? – Каlаhlув хаlам юпийн янас яhхты щукат. Lуhан пирам, пеlhа порайн шимаl каlаhан ант веритlа, няlвет семьяйн яха касlыlув. Ийкем яйlаl пиlан яhхlув. Lуhан Большое па Малое Щучье озеро унты касlыlув. Таlан па янаса уllув. – Няврэмлан вошан рупитлат? – Оlаh ийкем эlты вет эви тайlам. Ма оlаhан Аксарка вошна усам, садикан, леккар хотан рупитсам, щаlта ин нийlхус тал касlыlам. Ин эвиlам хоl рупитlат, утаlтысат. Ун отэм вур вутытты рупитаl тата Аксаркайн, айшак нэhаl
Пулhаватна сутна рупитаl, хуlмет эвем утаlтыты нэhа рупитаl, няlмет эвем Хон Петра вошан бухгалтера рупитаl. Ветмет эвем тата Аксаркайн воспитателя рупитаl. Хутмет эвем ма пиlэмна уl, там ийкем эваlт эвем. Ийкем кат икаl энмаlсыlам. Lув хощайl манмеман итаl кат таl ус, киметаl и таl ус. Ун икам
Аксарка вошан кашаh таl ар урхот lонщиlыlа
солдатна яhхас, Пулhаватна колледжна утаlтыйl. Айшак отаl ёlан уl, ярхус таl lоват. 2010-мет таlан медаль Материнский слава па катсот ветьюh щёрс соlкова охан мойlысайм. – Нын пиlанан касlыман айшак няврэмhиlан яhхlатан? – Ун икам вошна уlта lытаl, айшак икам муh пиlэван касlыта lытаl. Туняl каlаhlув хаlсат, касlыты ищипа мосаl. Щишан, айшак няврэмhиlаман ёlан уllаhан. Эвем хоща уртыты хоятат ёхтыlысат, эвем хоlна айшак, lапатхощьюh таl, ант масэв. Эвем ёнтаста веритаl, вайт вераl. – Елена Павловна, тумтака уlаты, верlын яма ат манlыт. Клавдия МАКАРОВА ханшам потар па верам хорат
4
№16 (746) Lапат хутмет (суббота), Ункер тыlащ 18-мет хатl 2015-мет таl
Оlаh шупаl №15 (745) газетайн lуhтаlн
Вурты суювие
Хув ван усат, и пораян па вурты суювие эпсатты питас. И хатаl еша эпсантас, кимет хатаl хомас пая нох хуhхамтыяс, неlаl тыеl-тохеl шашиlысlы, хуlмет хатаl такан эпсантаl, ун хомас пая нох хуhхас, щаlта унт пеlа наварман манас. Щи пуляh и тащаh ики эвеl поры вераl. Мит ехlаl пеlа ястаl: «Эвем вет нярава хоптыян кираlан». Муh вурты суювиев щи ехтас, щимащ потар хуlас, lояlтыты хара lоhас, хуlам пуш шаншаl мохты lарэмас па вет нярава хоптыя йис. Мит ехат вет нярава хопты мощатсат па нэhат ухlа кирсаllаl. Эви омасса нэhат ухlа. Нэ мощатам нэ туп уккеl хоl эhхсаllы, вуlыlаl еl навармисат, lув щиты lойман хащас. Нэhат ухаlан омасты отэв щиты ант вантсаllы, хоlта туса, щаlта хуlаl, иlампа, вуlыlаl иl lойсат. Ин муh эвев нэhат ухаl шияlас, lыпия аhкармас, вантаl, нэ омасаl, ехи вохсаllы, шаян ищаlтысlы. Ким этмеlан па нэмаlт ухаl, нэмаlт вуlы антом, матты шива йисат, туп вурты суювие хухатlыяl. Щаlта ин нэнаl апщеl хоща lэщатсаllы. Па еllы уlты питсат. Усат, усат, ин похэв куртаlа яhхты номас верас. Опеlа потартаl: «Яhхlам,
атом, мосаh, моlты эlты паlтамаlан, манэм нумаlми». Щаlта вурты суювие навармас па ехlы аl китса. Шушас, шушас апщие па куртаlа ехтас. Вантаl, куртаlан нэмаl хоят антом. Хоlыя меhкан lэвамат. Уlам хотаl хоща ёхтас, ёхи lоhас, еша опсас. Вантаl, ищни эlты, курт тум оlаhан меhк ики хухаlаl. Хонаl уна-а ювмаl, сэмlаl аl кущlат. Таhха, хоят эпаl моштас, апщие пеlа хухаlаl. Похие ким этмас па унт пеlа хухаlмас, меhк ики lув юпеlан. Щи эlты ёхатlа, там эlты ехатlа. Ин апщие нумаlмас вурты суювие эlты. Щи кутан унт эlты ун хорамаh унт хор этмас, lув ещаlтэl хухаlаl. Ешае апщие еl хатэмас, унт вуlэl lув мохтэl хухаlмас, меhк ики оhатlаlа нох омассаllы па унт пеlа навраlсаllы. Апщие ехи ехтас, вантlаllы, вурты суювие антом. Яh хатаl усат, вурты суювие ант ехтыlыяс. Нумасlат: «Вурты суювие тураман ки нетты китыlыса». Щаlта мохиlув актащсат па куртэlа касаlсат. Щи пора эlты яма, меhк, куль ант ватман уllат.
куртэман вантlэм, мосаh, антеман па ащеман lыlhа хайсаlы. Ищи па lын няврэман». Опеl па имеl ехlы ператты питсатан, ант эсаllаlын, туп веhаl моштысlы, муй щиран lув хотаl эlты марэмияс. Па ястас: «Яhха, ванты па тумтака ехи юва». Актащас па шушмияс. Еща шушас па ехlы аhкармияс, вурты суювие lув юпеlан хухаlаl. Апщие нумасаl: «Яна ки lув меhк, ин манэм ехи lэllы». Туп вурты суювие апщие эlты ехатсаllы, lув ещаlтэl lояс па lув эlтэl тамащ рув йиl: «Хун наhен питаl
Эрнст КУРТЯМОВ монщам монщ, Валентина РОХТЫМОВА нэпека lэщатсаllы па хоран ханшсаllы
Тащ ёх няврэмат емаh хатl Приуральский районан Канащ куртан природно-этнографический комплексан окружной санаторно-лесной школа няврэмат ураhан «Тундровичок» емаh хатl верса. «Тундровичок» – щит вуlы шавиты ёх няврэмат ураhан емаh хатl. Lув няврэмат щутщиты (каникулы) пуляh ёхи хащам нийl таl lэщатыlа. Щита няврэмат иса уlты щирэl нумаlмиlат, еша аматlат. Щита Овс мув шоши мир ёх департамент куща Эдуард Яунгад няврэмат ураhан хошам ясаh ястас: «Там емаh хатаlан ма lаhхаlаям ястаты: вещката па тумтака уlаты. Еllы питты
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
•Хорат потарlат
касапсаятан юраhшак па апраhшак няврэм нох ант питаl!» Куйп сый пиlан каш верты ёх концерт верты питсат. Щита санаторно-лесной школа якты няврэмат «Северное сияние» па национальный ансамбль танца «Сыра Сэв» арысат па яксат. Каш верам юпиян няврэмат кеl кат пелка таlман па пертысыман-юращман кассат. Яма касам па ёнтам юпиян няврэмат хошам вуlы хотан ям эпlаh няр, соlаh хуl lэсат па шай инщсат. Валентина РОХТЫМОВА ханшам потар шупие па верам хорат
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0292 Подписные индексы: на год - 29925, на полугодие - 84611
Газета вышла в свет 18 апреля 2015г. Подписано в печать 16 апреля 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин