2005 - 2015г.г.
№ 16 (4613) 2013 поS апрель ирыS 20 яля СУББОТА
Aани aопой сянакова яля хаясь
Округнаd тиaгывна тыd пэртяd нарэй сянакова ялэдоs aобпуд мэdэйдоs. Сие ниць ирыs нердена яляхана Ямальской район терd Яр-Саляs харданs маdлыць. Ненэць саць aокась. Aамгэ мян хыбиd лаханако няdайнась. СёЯхаs харад няд няхарd юдs мян сёбарd хасаваd вертолётхана тэввыдаць. Aанидоs мерета «Буранахана» хубта яндоs поймs мадавэдоs. Сянакодаd хасевd поaгана хынибэйдоs таняd. Aахакуд нерденя яхаd хаdамванs харваць. Неноховавна тароdма серкана мале сян ненэцяндоs хамедыць. Пирдыраць пэвандоs нерня aамнёроs хад нялпыбидась. Хаерадs сэв няaота тиреd тяхад aадимзь яdмадась. МП «Панаевское» сёбарd хасаваd мандала ядэрaаць. Aобd ервотамдоs Владислав Сэротэттамs лаханако няdaаць. Пудана похона тикыd ненэцяd нюртей ямs хибяхартанs миdманs нидоs харваd. Пирдамдоs хось яdмаd. Теда тюdу миндя сёбарd поaгана aобd ненадорка хасавамs манэdaадмs. Хонрав: -Хибян? Еркарар aамгэ? -Мань нюмиs Ейко Сэротэтто. Небой поs тыd лекараaэ тохолко aэвадэйваць. Теда ханяхартана нидмs манзараd. Aавнаниs Итя Aабтеня
явs вархана соядамзь. Aарка нямиs, папамиs нисяханандиs илеaахаs. Нябаковаd хаюпи. Институтахана тохолкудмs. -Манзаядамд харт пюрцан? -Пюрaадамзь. Aарка ненэциеd лаханако няdaадамзь. -Тикы нид хаdмаd? -Малs тидd миндя вади хэтаць. Тандаяs Тимофей Aэкович Лаптандермs, МП «Ямальское» ервмs лаханако няdaадамзь. Тыd лекараaэ сиdми няdамванs харва. Aопой иле мяdмиs яaгода. Ихивахананиs таняaы ямs манэdманs харвав. -Ейкоaэ, aамгэ сянакубцмs пирdaан?, - aани хонрав. -Мань тарота ненэцяндмs. Харdниs ненэциениd поaгана нерденя яхана
мэдмs. Надым маркана няхаромдей янs хаdмываць. Салехардахана нябимдей ямs марaадамзь. Ейко Сэротэтто aамгэхэв сертавнда серта тензебте. Ненэциеd поёма. Aобd пирцямбой хасава няниs писянзь яда. Тороватаниs, мадмs: -Данил Тэсида, Тасу яв тер aахаs тэввэн. -Мань aопойдмs нидмs aаd. Юdмаd. Мерета «Буранахананаd» яхаданаd товаць. Сянакованзь мэваць. Сиднаd сянако ервd ниd aэдарамбюd. Aахат aэдалёdмахаданаd aамгэхэрт яaгу. Мань мадмs: -Вадетяр саць тоенана серd. Aахакуд Тазовской районанда aарка ерв тюкохона манзарана ерв няханда сянакованs харваванда нямна падармs падбата сероdaась. Тиканда aахакуд теневаaгудаць. Тедахавs тэри сыртанакэдаd. Данил Тэсьда хомбанзиd Тасу явs тяхад ни тэворd. Нябакода Пётр Яковлевич Сабы - Яптикs aарка хасава нюхуна хаюпи. Теда ириндоs мякна сеaгавы. Пётр Яковлевич aока ненэциеd поaгад лакриs aадимя. Ёнлида теклы. Ханяримна таняримна лаханакулынаd. Aарка
няваd ма: -Тюку сырахана нюдя не нюмиs хаюпа миdaадмs. Хасавада Пётр Сэротэтто. Сё-яхаs тер. Мале солдатaэ таравы. Мань мякнаниs лакамбойs мэaахаs. -Мэтар вадар ихиниs савовна теба. Яs ниs aани aопой едэй мяd aэсы. Тиканда илмаd aэрм терaэ ни хабтёдd, - мань мадмs. Сырманзь товыd ненэциеd тёрдоs сахамаd. Етя сертавы сыра aонерd ниня таротаd хасаваd сидя явыдодоs туць aуркадалыдd. Aокханда сидя юрd мян. Ирмняндоs ханоs санарпадаd, тюр малмs яркыбадаd, ныхыдартаd хасаваd пирдыраць малейдd. Теда таротарихиd ненэцяd сырaаd. Тикы пирдырма саць нюрцьмs. Мале сян час хэdмяхад сидя Сэротэтто - Максим, няби Олег aобтs тебaахаs. Тодоs юркад ватамбой килограммахаs. Максим aамгэ пирхана нямда aыланда мэда. Тикы ненэцямаd юкад вата тет поs пирдамда хось яdма. Aамнярё хад етриs нялпыбида. Aэдалё пирдыртиd няд юн то. Сергей Худи, Елё Худиs хасава ню пирдамда нивы хоs. Нюртей янs хаdамвыd. Тюку тадтёда сидяaгахана Яр-Саляs хардахана сянакова ялянs маdлёвы ненэциеd маниедаd. Х.Нямбараs падвы
Выставка миaа Ты ” сапоdлана ирыs пудана яляхана aэрм’ тер” ненэцие” тэнз” малs aобтs маdлыць. Серодо’ нерняs минрена организацияндо’ «Ассоциация коренных малочисленных народов Севера, Сибири и Дальнего Востока» aэвахэд тэрабиць. Мале сян яляs тасалкоdмахадандо’ ервдамдо’ тэраць. Пуна Салехардахана aэвы ты” пэрти” хэбидя яляхана мэць. Ханярид товы” ненэця” тэнзото’ серо’ нерняs минрева еdэмня тоць. Сава иландs хибяриd харва”. П ы х ы д а д о ’ манэdлабтамби”. Таремs тикы серо’ минренаd ненэця” ембдярото’, aудахаdна манзараdмито’ выставкамs Салехард музейхана хаець. Тикахана хаби”, ненэй ненэця”, aысма”, луци” ембдяро’ манэтаd. Мэта aамгаридо’ няхатато’ яaга”. Мэтидо’ маниевариd то”олха”. Недо’ савовна сэдора”.
Манзаямдо’ нидо’ юрыбю” Нумда ибевоdмахад округна” терd салаби” манзадавамs лэтё aатедоs. «Департамент гражданской защиты и пожарной безопасности ЯНАО» ерв Игорь Булаев таремs лахана: - Ямал яханана” сую” иры еръй пиркана салабава” манзада тасламбива”. Маaгты” ирыхана есина” малs ханда”. Тамальaгана ид” aарковна нива латва е”эмня манзараaгува”. Саць латбато’ тет харад тер”, Надым марd, Тарка Саля марd, посёлок Уренгой Пуровской районхана aэда, Овгорт харад Шурышкарский яхана aэда лата идs aылна хаё пиртадо’. Тарци” серо’ яaгова е”эмня, тет юрd самляaг юd нядаaгода манзараaгу”. Юрd тет ю” aано’ хамеды”. Таславы серма” тидd минрева”. В.Пыриркоs падвыd
2
НЯРЪЯНА
2013 ПО, АПРЕЛЬ ИРЫS 20 ЯЛЯ
AЭРМ *Aэдалёроdма
Ензя явs терd таремs илеd
Маня”, паднанаaэ, ханяриs тэворцетыва”. Хуркари” ё” манэцетыва”. Ненэцие” торамдасетыва”. Хахаяда яляхаdна ехэрана ян’ тэворaадамзь. Ензя яванs ненэй ненэцие” н я х а d н и ’ aэдалёрaадамзь. Лахарёми’ тарем’ пяван’ харвав. Маня”, ненэй ненэцяaэ, няхарd округхана илева”. Пэ” хой тяхана Няръяна Мар тер” мэ”. Няби хэвхана Ензя тер” нина” мюсерaа”. Aавна Совет илаs мальaгана луца” сидна” тодо’ яхаd тярмы”. Теда тэри мядонзь няхаdнаd тэворць ниваd пирасd. Хардана” поaгы я саць хубта. Ензяaгана aэрм’ тер” нина” Дудинка маркана иле”. Aадьбяниs таняs нэкалaавась. Хубтыхы ю” часхана Салехардахад Москва няю’ пяв. Таняд пэвсюмя’ някуна Норильск мартs нэкалaав. Тет часs aарка самолёт мюня тиро”махадани’, хубтыхы си”ив часхана aани’ aэрм ян’ тэвывd. Дудинка тер” мер’ юркортидоs мале
манзаяхатоs паромбиць. Яхаданаd яaгняда яaгу. Aобтикы нерокоця”, паёкоця” сидя хэвувнанаd хаюрaа”. Хардандо’ хэвхана пирцямбой я’ ниня харв” вадёдавы”. Тарем’ aэрм’ тер” няхаdни’ тэвывd. Хибя” таняна илевам’, aамгэм’ пэрмамдо’ няндаd тэвраaгув. Толаaгодаaэ, aобкана няхаdнана” мядоaгава”. Дудинка Красноярской крайхана aа. Aавнанда харта тас округась. Няхар” по’ тяхана aобтs aомаць. Теда тэри Долгано-Ненецкой районaэ ваде”aадо’. Яханандо’ самбляaг aэрм’ тер” тэнз” ненэцяd иле”. Тавыс”- сиднтет юрd мяндо’. Волочанка, Новая, Новорыбная aэсыхаdна иле”. Ханяaыдо’ ты” пэрaа”. Авам, Дудыпка, Хетта яха’ хэвхана ёрaа”. Поaганандо’ хуркари” юнетаd ненэциедо’ таняd. Aобтоs тадебя -Костёркин. Теда лахана мэdмыd паныда райондо’ музейхана aыдыd. Турта” ненэ-
Энцы в национальной одежде
цие тикы хэвхана сидяaг сертаба нидо’ aэдарамбю”. Вайd -сямянхат тянёd. Яландо’ сидя юртёd хаёвы. Невхыd нидо’ Саля явs хэвхана илевы”. Aадьбятоs ханяaыd вадидо’ тасу хаби” вади” то”олхаd. Помнандо’ тэнзадо’ тяроdaа. Выaгыd, пэдараs мандодо’ таня”. Выaгы вай” - Караул няна иле”. Хартоs пыхыдадо’ «соматуaэ» ваде”ядо’. Пэдараs вай” Дудинка’ марd няюна мэ”. «Пэ – байaэ» пэръядо’. Иландо’ саирd ненэй ненэциеd илаaгад ни яaгd. Aобтикы ненэй мядо’ мэdaа”. Панытоs мадавы” ненэй не” паны” то”олхаd. Тавыс” ненэй ненэцие поёмы”. Тарем’ aод” хартоs вадамдо’ мэdaа”. Мандо” пудана толаaговахана няхар” юртоs aэвысь. Пыдо’ Хантайской то’ хэвхана иле”. Aавна няръяна луци” aадивоdмахад, ядембада яхад хунвыд”. Тарем’ Ензяндs тэввыдd. Aобтикы мюсерaа”. Ненэй мядо’ мярыби”, халям’ пэртя” яха лаaгхаd балаaган’ aабтамби”. Мюсертидо’ хано” мэdaа”, ханяaыдоs тытоs маха’ ниня aэдалёрaаd Паныто’ саваd лаха серыбадаd. Долгано -Ненецкой районхана сямянхат aокаdтуaгос”. Теда Хатангахана, Авамской районхана, Хета яха хэвхана иле”. Пыдо’ самбляaг ёнаркад ваdaаd. Луцаs падаркана XVIII век пиркана танявамдо’ намдвэдо’. Туaго” тет тэнзадо’ -Долганd, Эдянd, Карантоd, Донготd. Невхы похоdна Долгат”
еркарм’ мэта” Лена яхаs хэвхана илевы”. Эдян” Оленёка яхаs aыльняюна ёрмы”. Яхандо’ тю”уна Донгот” тэнз” мэвы”. Каранто”- Багатино яха’ хэвхана хомбвыдо’. Тикы нидо’ халям’ хадабавы”. Мандохоd, тавык”, ненэй ненэцяaг” сыраць ты” вадаба пявы”. Сыра’ ненэй ненэциеd тотревs хано” мэdaа”. Aопой aэва инямдо’ вэняaы хэвхад няdамбидо’. Та’ мандоs тотревs тыдоs маситоs нид мэdэйдоs. Тикы няхатоs сыраць тытоs aамяхат молокам’ ма”ламби”. Тикыдоs пуна ханибтеdмяхадандо’, вадамбойs aаворъядоs. Туaгосо” хартоs и р и н а х а т а т о s , хаданахататоs тэввы иландо’ саирd яaгу. Хусувэй aамгэдо’ хэвхана илена” aаниd тэнзмs мэтаd няхататоs манэ”мыдо’. Луца” илаaгад няндо’ тэвравыдо’ таня”. Нуs сармикатоs нюм’, ялятоs падар” малs луца вадахад aадимы”. Тэхэdна мэна” пя ханзадоs ниня мюсьламбада балок” мэdaа”. Сыра’ мэта паныдо’ aобтикы aани’ тэнз” нитоs паны” то”олхаd. Хасевдо’ мандодаревs, якутадревs ембады”. Сабидо’ лаха серыбадаd. Не” мэтаd ембдяр” Авам няна илена” мандойd паны” то”олхаd. Ненэй ненэця” нина” aокдавнандо’ туaгосо” пуд миaаd. Таняна няхар” ёнарd пирd. Илева’ ямбан’ Хантайка, Дудинка, Большая, малая Хета, Ензя яха’ хэвхана илевы”. Вадандо’ хэтырd, иландо’ саирd Ямалхана иленаaэ нядна”
Эвенки в национальной одежде
ни яaгd. Мятандо’ балок” мэdaа”. Тикыдо’ хоба еяхана синдабидо’. Ненэй мятs тасла, саць табтомби”. Aадьбятоs балокатоs хэвхана aани aоб” хардакодо’ таня”. Тювандо’ нерня тикандо’ мю’ екавы мальцидо’, паныдо’ пэрaа”. Ненэй мяд тотревs сян манзаяда яaгу. Ямданабd, сяниd хавдамбада ни aаd. Мат”, тет тэхэна мюселембада. Aэсо”махад, тэри тумда пятаaгу. Ензя вымна aэдалёрпd, сыра’ ея мядм’ нин хоaгуd. Хадырта” ты” поaгана тамна тарця балокэцям’ нир манэтd. Та’ ненэй мядодо’ мярыби”. Пыдо’ Тасу’ Яв тер” нидо’ сававна теневыдо’. (Пеляда 4 стр. толараd)
Нганасанская одежда
Долганы в национальной одежде
3
2013 ПО, АПРЕЛЬ ИРЫS 20 ЯЛЯ
Ненэцие” ил
Нянзи
Константин Анагуричи
Нумда нарэйвоsмахад ханяaыd ненэця” ханевнзь ятна”. Таремs сидя хасавамs туни”, муaго’ мирдапа мэта лабкахана хоaахаюнась. Муaгдамди” тэмдабавэхэ’. Ерьй яхаs хардахана илена aацекы ненэцяaг’. Няби Тибичи Михаил. Хардахананда манзара. Манзаянда хавна халямs
няdмарпи, хане. Та ёльцьaгана ненэй мята aабтамби. Хардандо’ хэвхана, яв мюня Неро Пыя саля таня. Невхы мядырма. Ханодо’ ненэцие” похо’ тикахана aамды”. Мядодо’ пальd пэдараd поaгана паллы”. Сата мерця”, хад” мякто’ ниd тебер”. Вэва нумгана aэкэридо’ тибтыd, макода сихид ёмзяли тэса. Неро Пыя саля ниня похо’ aайта сюмбаaгм’ хыраба тохобэй”. Поaгдандо’ ныхымs ниня маaгутидо’ aарка” пирдырма” яляхаdна ныхыдырця пямs aани няdамсетыдо’. A о д и м а н д о ’ ёльцьaгана пэдараs помна ядэрта ямs мядота няндо’ няs ханяaэхэна aобтs теберaа”. Няхато’
ниd таркаaг”. Лаханакована” серs Михаил нята няда aоб мунзи. Нюмaгартамда ни хэтd. Тибичаюмs таремs ма: - Нята няниs нюм’ Анагуричи Константин Георгиевич. Сидя юd пода тамна яaгу. Пыда нянзи. Намдортада яaгу. Сэврида сырaа”. Мякнанда пенсийхана мэна нися вэсаконда няs сидярихи’. Небяда нюдя aэванда мальaгана яaгумы. Школахана нивы тохолкуd. Хацяs aарвоdмахаданда сита aар” няхаdната поaгарць ядэрцеты. Aудида манзара пирdaадо’. Мякы манзаи” малs теневыда. Aодиd маdламба пирdaада. Таремs манзара недбядамда хомби. Хусувэй манзаямs пэрaа.
Явs тяхад миaа Сэротэтто Ейко Хансевичм’ Салехардахана еде”aавась. Пыда Ямалs выaгана харта тыда маdламба иле. Aавна Панаевской харадs ты” пэрти” aэсыхана малкодаaэ манзарась. Пуна тикы aэсы ты” ервдо’ тодо’ яхаs ханэйдонзь. Наaэдя aэсы таремs сусась. Ненэця” манзаясиd хаиць. Ейкоaэ таремs мась: -Aарка харданs не нюни е”эмня тодамзь. Санаторно - лесной школахана тохолку. Таддикахад таs тяхаs aацекы” ныланава янs, лагерьтs ханда. Таремs хэбянда нерня манэdманs харвав. Aацекы ихина ёльце сава aэaгу. Маймбаaгу. Выaгана мяdмиs харта паллы. Нумда нарэйвоdмахад яляда ямбума. Ибемя. Ханони” пяд мададамзь. Пэдараs поaгад ханзадо тюхулпава тоена. Пуна пуняs мюсе туs пяaэ aарка пэхэрэй хавдадамзь. Яляs сэвs мале явода ядемби. Неро явs тальняaы хэвхана тэнаd я сусаванзь пяда. Сидя хэвханани’ мяd aока. Тыd мание aоб тара”. Хадырць яндо’ сусаdмахад, сарпяхала выs няs хэсь пирdaадо’. Таремs ямдавари сер aоб
хамедыдм’. Серони” малs малейнась. Итя Aабтеня яв варанs тидхалембив. Таняaы яхана тамда мада харвабтав. Епди” мадабава ёльцьaгана aоб ханзо aэсеты. Тыd я таaго. Сельбя няна тына” яв варанs, нярцонs ихиндо’ aэдарамбасетына”. Сидя си”ив ихиндо’ ядэрцеты”. Масидо’ лабцёйaэ хэсеты”. Таредо’ мерs ёрамзеты”. Таняaы я мюсева нямна саць хубта. Наaэдя ирыs ялэ” мюсе сероdaа. Мадавандаd яха”, лабта”, aарка” соты” aока”. Aай сыра сыdaа. Нютна” хабте” aэd леваaга”. В ы д а р а в ы д о ’ моdнасетыд”. Ид” тад латбато’, нюдяко’ яхакоs латворaа”. Еси ненэцяd нявото’ нямна маторпасетыдо’. Еси” латdмахад, нюртей aадимыd идd aани салаба aылs падирaаd. Мюсе теневана” ненэця” идs пакалмамs aатесеты”. Пуна хасуй яха салаба ниs танаdмахадандо’, миндо’ серs aэда яхамs ханаби”. Танянанда няби яхамs ханаaгуd. Невхы” вэсако’ таремs тэвормы”. Минзь яхато’ aэсоdмахадандоs,
НЯРЪЯНА AЭРМ Aулиd нямбара. Хэтувандаd вадида aуди” таркахана манэdлабтамбида. Мань нянда сыраць, пыда сита мерs хамедамба пядамзь. Хэтуванда вадамиs aуди” таркахана манэdламтасетыв. Лаханакуртахани’ няниs нива лаханавамs ханяaэхэна юрыбив. Нюрцьбенда харта тенева, сякнанда писянда aоб aамды. Инда aуs па”мя. Тохолковы aэбdнанда, тамна пиртадась. Мань aаниs хонрав: -Константинaэ, тада тю”у миндя ненэцяaэ, пыдар ханзерd пирибтяхана лаханакурцетын? Вадамиs намдdмахаданда, писянзь няниs ма: -Пирибтяхаdна ханяцейs лаханакурма ни тараd. Сэврихиdна тасласетын. Пыдо’ си”миs хамедасеты”. Вадида хэтdмахаданда
Михаил Тибичи
мунзя понs письaась. Нянзяда aацекы школахана тохолковы aэбdнанда, тамна нямбара aэaгусь. Aуди” серs aани яs терхаdна лаханако пиртадась. Aопой тарцяd нина” яaга школахана ни” тохолку”. Пыхыдамда aани ханяхавана хоaговакэда. В.Пыриркоs падвы Сидяaгахаs пыда тадтавэхэда
Тиртя aано мирерта
Ейко Сэротэтто
поaгдо’ пядаaгу”. Хане ятнаaгу”. Теда мюсенаaэ техэ яхана” ханяaэaэ нива” тэворd. Таaолараaгаваd. Aопой таaолараdмахад ненэць aоб тикы яханда тухурaа. Aахаs мюсевада яaгу. Пи ёльцьaгана сырада ханиворaа. Нараs сыра нимна мюсена aока aэсь пэрaа. Таско сую” aадивоdмахад нерняs минзь я”амaгудо’, ты” танаба тоена”. Яaга танырта тара. Суюмs хан ниs пэмбd aабтерaга, небяда таминда хаеaгуда. Aопой яхана ниdмы ты мерs нылаaга. Небяда aоб хадырць пэрaа. Нюда мерs aэта ниs санаaгуd. В.Пыриркоs падвы. Сидяaг пыда тадтавэда
Тиртя aанохана тиртаd ненэцяd aокмаd. Авиакомпания «Ямал» тер” тиртя aаноd тирaа”. «Отдел воздушного и водного транспорта окружного департамента транспорта и дорожного хозяйства» aэвахы Алексей Костогрыз манзь ханадась: - Тюмень, Москва няs хантаd ненэцяd aокмаd. По ямбанs Москванs ядэрта сидя юd ёнарd ненэця пирaэ хая. Тюменянs ханта юd ёнарd ненэць. Таремs Москва няs тамна няхарd рейсм’ aадимдеaгува”. Тюмень няs тиртя aаноs самляaг рейс пирувна aокамдаaгуна”. Округнаd есь aокамдамба тиртя aанонs aамда билет мирd мирерта. Aопой округхаднаd aахаs нина” ханта” тиртя aано’ мирцяaгу.
Хорови” манзаяdaа” Шурышкарский район ерв марцьхы Сергей Петров таремs лахана: - Маня” яханана” мале хоровина” нисерaаd. Юкад вата aопой хорова пирувна тэтерaава”. Тикы серона” савовна маниейна”. Хорови” лекар” манзара”. Молокава” сяхариs таня. Товы похонана” таслава”, есьна” сямбана” сава. Пуна aамгэхартасиd нёхова” хаюd. Сяхариs хоровина” aаврад, aумд хэвняд Тюменской , Омской яхат тэмдабасетыва”. Теда хоровина”, юнона” aаврад харdна” вадаванs харвава”. Салмуй ямs хабтумдамбива”. Юсидана пи” хоaгапинаd. Хабэй aуво’ парадаaгуна”. Aуво’ aабтаaгува”. Ту юрм’, яs индадм’ нэкалпада” манзара мэdманда хамедяртаваd тэмдаць. Тикы манзаямs пяванзь aока ненэцямs маdлаваць. Недбямдо’ ня”марпаaгу”. Aопой, мерs aувона” aабта сероdaа. Нув сармик” това нерня тара. Пыдо’ aаврадамдо’ пюaгу”. В.Пыриркоs падвэхэs
4
НЯРЪЯНА
2013 ПО, АПРЕЛЬ ИРЫS 20 ЯЛЯ Не хананда мюд aынм’ aадимде. Хорпа пяв. Aобани’ ня”ван’ нэкалпада инямда тэврав. Нябимдей’ aани’ нэкалaав. Aудани’ харан’ тэврав. Нюдя не ма: -Тюку нэкалпадар aынанд енда. Ен’ ни’ пуна муaгамд моaгун. Ханеда’ ед’ муaганд малам’ тидхалеaгур.
(Нердена пеляда 15 номеркана толараd)
Тамна ни пунрюd. Aаркадо’ ма: -Такы” хан” ханяд ховыдиs? -Ханхав” Нюдя Ненд тованд нерцю’ мивы”. Aопой яхана мэнаaэ, пыдара” aулиd тайку’ ниданё” ятанd. Aабцакванда ханм’ мива хасава’ манзая aэ”нив. Няра” ханзерd хано” мимби? Aарка Сюдбярка’ ваданда хэсянд’ яaго, ма: -Aэдакы, хар”ни’ aамы aамзини” aабт намдортакэдм’? Aаманда тэдамдо’ няdамра пя”. Тодо’ юде” ты” ня”марaа”. Па”наруй еся яaгацякато’ путулэйдо’. Масито’ ниня мине ханэйдо’. Сюдби” хэхэва aэ”ни” ни’ санэйв’. Сянхав яля’ таня илева”. Aопой малковами’ вуни aаd, ты”ни” поaгана ехэрана ты” манэ”aадм’. Тэхэтани” яaга”, хаводо’ мал”. Мякни’ aэдалэйдм’. Нюдя Нен’ мадм’: - Малковани’ сер’ ехэрана ты” манэ”aадамзь. Хаводо’ мал”. Нехэ’ aобкана вахалъяха’: -Тикахабид илебця”. Ханедаaэ мэта” хора”. Aамзидо’ aаворта”. -Ханзерd ня”марпада” aэдакы”? -Тарця” ханеда” aынхана ядпада”. Етё” таславы мирвадо’ таня. -Мирвандо’ таняхавабd, ханесэдми’ хада манэпани’ савараха. -Мирвахав” таня”.
AЭРМ
хадабасеты. Пыдара” aод” aамзадамда” илебцие” aамзахат татани’. Пыдара” aани’ тарем’ ханевы aэбта” - тарця туцавэй aамзам’ хоaгудаць. Тедахав’ хамедёдарин’ харвада”. Си”ив Сюдбярка ты” aамзи”, туцавэй илебцие” aамзи” илвандо’ пирувна хана”. Сюдби” хэхэва Вае” Сэв Не манзь ханада:
Пухуця’ ню (Лаханако) Няхаромдэйхана няби марцяхани’ aынни’ енм’ пилибт’ тэврав. Мань мадм’: -Мэ”мани’ мян aэвы. Тэхэdни” aани’ тэвыдм’. Неры” маниевы” хорни” ты” вархана тамна хадырмы”. Си”ив хорам’ малs хадэйн. Нехэ’ си”ив хорам’ яхыди’. Тикы” илебцяaгав” aули” aай”мы”. Aайта aамзи” aаворaава”. Aани” aамзиди” ти” ниня тырабтамбиди’, сямдарамбиди’. Сян яляs иленакэва”? Си”ив Сюдбярка aамзадамдо’ хосаяванзь aадимя”. Манзяван лыaгарэядм’. Aарка Сюдбярка няндуйконда сер’ aани’ мят’ тювонда. Ти” ний aамзи манэ”aа, ма: -Тикы” aамза” тарси” туцавэй” aэвы”. Ханяд ховы”? Вае’ Сэв Не ма: -Яхана ханесэй” - илебця” таня”. Хусувэй по’ тыда” aаворъяда”. Тикы ты” е”эйaэ нями’ хане пэяць. Aахакуд aамзадамда
-Нерняку’ ямдабана” савараха. Тына” хадырць я вома. Несэй ян’ ямдэйна”. Aэсо”махад Вае’ Сэв Не ма: -Вадами’ таня, сававна инзеледи’. Тюкохана мэнахавана” ты” хаёдава” aули” яaгода. Си”ив Сюдбярка тэхэбина” тамна aамдыдоdма - тикандо’ пуд сидна” aамда”. Aулиd хунбана” сава aэдараха. Я’ aавнанда пухуця хадар танясь. Пухуця хаданд юдэ”ма’ танябd- ниня ханеaгана явм’ тяханя’ мада пиртар. Тэри aабцата Мандо” Тэтако”я нисянд хасава” нюда таняць. Aарка неканд хан’ сихи’ - сидя сэлсе”э тэхэ’ тюкохана мэaаха’. Тикы тэхэ’ мэтан. Ниня ханеaгана яв’ сяд’ ни’ aэсодава”. Сидя сэлсе”эм’ ит’ ха”авраaгухуюд. Тобти’ aыламна ити’ ханеaгаaгу. Сидя aэдалавахана хэб”нянд тикахана сидя яля’ хункана хэнян. Ю” неканд хусу-
вэндо’ хан’ си” тарем’ ямгана aэдалёрць мэта”. Ид’ сяр’ нимня aэдалёбат, тобто’ aыламна итё” ханеaгаaгу. Хаданд юдэ”ма танябd, салаба пулдава” сертаин. Яв’ тяха’ тэв”махаданд aани’ пуня’ мадаaгурва. Хуняaы яляхана ямдэйна”. Ниня ханеaгана яв’ тикы aэдакы: хамбари” тялабты”, итя париде. Яв’ сяд’ ни’ aэсыва”. Пирива” мадава”. Хуняна ёрколава”. Хабто’ ёркалaава”. Ненэсянда aод” ёрця’ ерня сидя сэлсе”э хабт танявэхэ’. Aарка” ламбэйта” хабт” тибити’ aыламна aуя ядэрaа”. Aэди’ ямбарка” aэвы”. Сидя хабтм’ мэта иняханди’ сяндаaахаюн. Сидя сэлсе”эмs подерaахаюн. Ханми’ яв’ сяд aыл’ ха”аврав. Сидя aэдалава’ хэaгадтав. Тобти’ aыламна ити’ ханеaга. Яв’ техэ варан’ тэвхава, пуня’ нэкалaахаюн. Мякни’ тэвывd. Тикари яляхав’ хонэйна”. Нябимдей яля’ aани’ ёркалава”. Ю” некыни” ты” тодо’ яляха”на салаба пулм’ сертаба мэ”ян. Тыдо’ хорха”, падвы”, париденя”, вэлц”, силер”, саморотd… Вае’ Сэв Не ма: -Пудана хэбяхананд нюдя неканд ты” подеръин. Сидя хабтарце”э ты таняaаха’. Ёркалавахана хара вуни таня’. Юдимдей яляхана пилиd нюдя некани’ хан’ сихи’ подерaадм’. Ёрця’ ерня сидя хабтарце”э таня
нувэхэ’. Нубти’ aод” aарка” ламбэйта” хабт” тибити’ aыламна aуя ядэрaа”. Сидя х а б т а р ц е ” э м s подерaахаюн. Ниня ханеaгана яв’ ня’ валaахаюн. Сертабада пулми’ нюдя некани’ тэхэ’ тамна латамдади’. Тобти’ aыламна итя ханиворaа. Мэё салаба пул’ нимня явм’ пуня’ мадав. Пирива” матава”. Хуняна ямданолына”. Сидя не мяти’ ха”авради’. Си”ив Сюдбярка’ тося’ няaы хэвамда хэвкориaэ хаеди”. Палада мядм’ маниеaгу”, мят’ ядаaгу”. Aобd тым’ хадава”. Aаябадда мюндя маторaава”, aаябарма’ серри’ хаева”. Вае’ Сэв Не ма: -Пухуця’ ню, тяха’ мэд! Нензаминдями’ манзабтав. Нюдя нехав танырaа. Танырта няханда не ма: -Ит’ мантыртахав” таня хаюрaая”. Aули” нёд яебтамбюd. Яв’ тяханяю’ пили” мадава”. Тарем’ сырпани’: Нюдя Не’ хан’ пуняaы ябцовна салаба aобтикы сяканда ибэй и”aэ хан”aа. Яв’ тяханяaы сяк” танэйна”. Пуняю’, такы хаёвы ян’ саaоми’ хэвы. Мяд’ пиняюмд си”иври ядна. Си”ив Сюдбярка мят’ тэвыд”. Нябтит’ тэва - тикаехэвадо’ мяд’ хэври aэвы. Неры яхавы ты’ aамзан’ aобт’ лабцейд”. Тэндо’ aамзам’ aамадо’. Aарка Сюдбярка манзь ханада: (Пеляда тад aадиманда номеркана толараd) Н.Вэнгоs падвы
*Aэдалёроdма
Хантайское Озеро, Караул, Носок, Мунгуй, Байкаловск, Воронцово, УстьПорт,Тухард, Хатанга. Таняна неры вадеdмы самбляaг тэнзмs мэта aэрм’ тер” иле”. Луцадо’ тянё. Ензя я тарця aэвысь. Торамдавыни”, лаханако няdмыни” ненэцие” нямна лаха падаaгун. A а д и б е р м а н д а газетахананаd вадамбойs толабаидаd. Марина Яр’ падвы
(Нерденада 2 стр. толараd)
Ензя явs терd таремs илеd
○
○
○
УПРАВЛЕНИЕМ ФЕДЕРАЛЬНОЙ СЛУЖБЫ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ ПО ТЮМЕНСКОЙ ОБЛАСТИ ХМАО - ЮГРЕ И ЯНАО ОТ 19 АПРЕЛЯ 2012 ГОДА РЕГИСТРАЦИОННЫЙ ПИ № ТУ72 - 00559
○
○
○
○
○
○
○
○
○
○
○
○
○
○
○
○
○
○
○
○
○ ○
ГЛАВНЫЙ
○ ○
○ ○ ○ ○
○ ○ ○
○
РЕДАКТОР
○
○
○
○
○
○
○
○
○
○
○
○
○
ОТПЕчАТАНО В ТИПОГРАФИИ ГУ «Северное издательство» (629008, г. Салехард, ул.Ямальская, 14)
○
○
○
○
○
○
○
○
○
○
○
○
○
○
○
○
○
○
Издатель Департамент внутренней политики ЯНАО (629008, Тюменская область, ЯНАО г.Салехард, пр-кт Молодёжи, д.9)
○
○
○
○
○
○
○
○
○
○
○
○
○ ○
○
○
○
E-MАIL: NN-YNАO@YАNDЕХ.RU
○
○
4-53-32, 3-08-69
○
○
○
○
АДРЕС РЕДАКЦИИ: 629008, ЯНАО, ТЕЛ. (349 22)
ТИРАЖ 1321 ЗАКАЗ 0213 ПОДПИСНЫЕ ИНДЕКСЫ: НА ГОД - 10978, НА ПОЛУГОДИЕ - 54391 № 16 ПОДПИСАНО В ПЕчАТЬ 18.04.2013 Г. ПО ГРАФИКУ: 17.00, ФАКТИчЕСКИ: 17.00. ВЫШЛА В СВЕТ 20.04.2013 Г. ГАЗЕТА ВЫХОДИТ ПО СУББОТАМ ЦЕНА ГОДОВОЙ ПОДПИСКИ 182 РУБ. В РОЗНИЦУ НЕ РАСПРОСТРАНЯЕТСЯ ○
○
○ ○
○
○
○
○
○
○
○
○
○
○
ДЕПАРТАМЕНТ ВНУТРЕННЕЙ ПОЛИТИКИ ЯМАЛО - НЕНЕЦКОГО АВТОНОМНОГО ОКРУГА (ЯНАО, Г.САЛЕХАРД, ПР-КТ МОЛОДёЖИ, Д.9) ГАЗЕТА ЗАРЕГИСТРИРОВАНА
○
○
○
○
○
○
○
○
○
○
○
○
«НЯРЪЯНА НГЭРМ» ○
aано” aэдалёрaа”. Нердена ту aанодо’ 1978 похона товы. Тикы тальняюs пили” тарем’ aано” ядэрaа”. Норильск няд луца” илаaгана тарана пэ”, тамна aани’ aамгэ” тэвола”. Техэ яхадандо’ aани’ тарана” aавэd тэврамби”. Районханандо’ мале сян нюдяко aэсыдо’. Левинсике пески, Усть - Авам, Волочанка, Потапово,
○
○
УчрЕДИТЕЛЬ (СОУчРЕДИТЕЛЬ)
○
Газета
aэсыханандо’ школандо’ яaгова нид, Дудинкан’ ненэй aацекы тэврамбидо’. Интернатдо’ школахадандо’ паaгады. Маркнандо’ музейдо’ таня, мелd ненэциедоs хардасавэйd. Хынота”, трана” хартоs ансамбальсавэйd. Хусувэй я’ харта ненадо aамгэда таня. Дудинка марd aобтикы тарцясавэй. Таняs Ензя’ яха мюмня салаби” помна aарка ту
Пяхад мивы харадмs нин манэтd. Ненэця” пэ” харад” мэdaа”. Ханяриs яда тэва пиртын. Нин ёходd. Школыдо’, колледжадо’, лекарd мядодо’ таня”. Aани’ яхаd манэць ты” пэртя” ненэциеd ню”, луца” aацекэхэdна тохолку”. Нюртей школаханандо’ интернат таня. Тикана Тухард вы’ нямна мюсерта” ненэциеd ню” тохолку”. Нюдяко
○
Сыра’ aоб” хэвсахана мюсерaа”. Нито мяк мядоaа”. Aадьбята aод”, Ензя’ тер” няхатоs сыраць Тасу’ Яв’ тер” поaгана aани’ балок” мэта” aокмаd. Тюку яляs пиркана ненэй ненэця” нина” Ензя яхаs хэвхана иле”. Халям’ пэрaа”. Ты” пэртидо’, ханенидо’ таня”. Танянандо’ илебцие” ханесэdaа”. Дудинка марd, Салехардан’ тасла, саць нюдя. Самбляaг яaорэйs aэда хардадо’ нитоs тахаaгат ну”.
ХАБЭчА ХЫВАРЕВИч ЯУНГАД