ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001 мет таl вуш эваlт этты питас
Российская Федерация Ямало Ненецкий автономный округ
Газета №17 (643) Lапат хутмет (суббота), Ункер тыlащ (апрель) 27 мет хатl 2013 мет таl
Вулапса и еl хатаl. Моlхатаl сэр тахайт вошат на лап оматlайт, моlхатаl касlам юшат карты юшат на, машина юшатна шоппи понlайт. Па муват, па йиhкат эваlт ар хоят ёхатаl. Шошеh муваh ёх, ар пелак сахат ерты питсайт, вуlты мувеl ермата ис, йинщты сыстам йиhкеl шимlа ис. Молха шак, ванты, щи верат щи куш сэман нысайт, туп туhа щира, хоятlаlа мосты щира век ант верыlысайт. Парт ман вуllа юш таlтыя – мохты таllа, партlа вош оматтыя – вош оматlа. Вер ант тайсат йис пора, моньщ пора вуш эваlт тайм муват пеlа. Куш емаh лот вуlа, куш хаlащ вуllа – иса лап верапlайт, иса нох хирап lайт. Ин щи щират хайты питсайт. Ёхтам ёх Турам шавиты щира вуlты питсат. Lув еlпи ищи куш вуйтсэl Турам шавиты вер, туп щи пеlа мосты щира вантмеl антом. Мосас туп партам верэl сора па туhа щира вертыя. Ин па мосаl партам вер туhа щира вертыя па Турам па шавитыя. Хащам lапатна, дирекция транспорта па дорожного хо зяйства хоща Дмитрий Вла димирович Варакин, потар верты ураhан хоятат ак тыlыйс. Дмитрий Владими рович муh округ мувеван юшат верты тахайн мет ун кущая понман вуllа. Ассо циаций «Ямал – потомкам!» эваlт хоятат усат, хоятlаl шимlаh мират департамент па журналистат потар верты вохиlысайт. Хув тэlан потарlа – яlпа таlты машинайт юшат шоп пи, карты юшат шоппи, мосаl
Мосты вер нэман щи кеша, тащат ву шаlтатыя лотат вертыя. Там лотат, там пораятан туhа щира ант хоlна верlайт. Онасат юшат шоппи вуштэl порайн каман хорпи кута питыlыlат. Ин моlхашак пайlы вуlам юш шоппи карты юш таllа. Вуlэт щи мащ тахаятан курlаl ёшlаl морытlат, ухlат шукаlаlат.
Дмитрий Владимирович Варакин щит ураhан щи потар вертыя хоятат актыlысlы. Ин хус таl моlтас таlа ис Обской станций эваlт Бова ненково вош унты карты юш таlам. Щи юш шоппи туп мортаh тахаятан онасат вун шиlыты лотат верман уllат. Lув lуlан щикуш вунш ты юшат версат, туп муй тахайн па муй щи ран вертыя ант вуй ттэl. Ястатса «Ямал – потомкам!» ассоциа ций хоятат пиlан щи вер туhа щира lэ щаттыя. Карта хоща постатыя, щитат вер ты ураhан ох посап татыя. Онасат вун шиlыты лотат ки верlайт, муй кеман тащна рупитты хоя тата кенашак иl кас lытыя. Юшат вер ты хоятат па ям яса hан ястаlайт. А.В.Евай па С.В.Худи Актащийм хоя тат Дмитрий Влади Ойlы ки хоятат сорма пит мирович эваlт инщассэl, хун lат. Юш верты хоятата щи Ун Ас шоппи норам верты мащ верат ищи шеhк сама питlа. Вантман щи норам ант рахты питсат. Lув ин мосаl. Норам ешавуl верты инщасты питсат, lэрапlэl, питты. Норам верты юпийн хота мосаl вуlы вуншты номас вуl машинайт яhхты юшат карты юшат шоппи па юш Lапатнаhк эваlт Сосно машинайт юшат шоппи lэ горск вош унты таlты пит щаттыя. Тухаl ёх антом и ты. Ин Пулhават эваlт На пуш, кат хуlам пуш юшат дым унты машинайт яhхты шоппи вуншиlыllаl. Вунш юш таllа. Юш таlаhа итаl ты порайн карты юш хуват юпийн, машинайн рахты поезд манты верытаl, ма питаl яhхтыя куш lуhан, шинайт тыел тохэl щёшиlат. таlан, куш Москва вош унты, Хотсат хурыты верытlа, та куш хоlта номпсэн питаl. миты ки ульняя юшат шоп И номас па вус. Дмит пи яhхты питlа. рий Владимирович Варакин
ястас: «Мосаl Северный Ле довитый океан хуват тутаh хопат яhхтыя юш пунштыя. Турат хуват, карты юш ху ват мувшув таllыты шеhк тынаh. Вун тутаhхопатан нефть па газ тутlыты мосты тахая щит тынlышак питаl. Щи юш пуншты ураhан Ха
Губернатор ЯНАО Д.Н. Кобылкин
Д.В.Варакин
расавейн вун каlнаh верlа, вун ледоколат верты питсайт. Северный Ледовитый океан хуват юш ки пуншантаl, муh округев хоlна ямашак вуlты питаl». Юшат мосlат вертыя. Юш ки антом, хоlта манlан. Туп юшат верты порайн турам эваlт нумасты мосаl. Еlпи иты ант мосаl шакаттыя. Геннадий КЕЛЬЧИН ханшам потар КЕРАН митры верам хорат
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Прокуратура эваlт айкеlат ёхатсат Хот lоhlат эваlт сорм lавlат Таl сыс хот lоhlатан lонщ акмаl. Товийн мелка итаl порайн, lонщаl хот lоhlат эваlт нулама иl рыйты питаl. Каман накlат тыйты верытаl. Кашаh хот lув яра куща тайl. Lуват щи хот lоhlат lонщеl па еhкеl сыс тапты вереl вуl. Щиты сакун щиран партман вуl. Прокуратура проверка вермаl. ООО «УО АККОРД» па ООО «Аккорд» хоща рупитты хоятат, хот lоhlат воlаhа ант сыстаптэl. Прокуратурайн предписанийн ханшамат. ООО «УО АККОРД» рупата хоща хуlам сот хольмаh пеlа хуlам многоквартирный хот тайтэl. ООО «Аккорд» lапатъяh пеlа няl хот тайтаl. Щи хотат lоhlат иса сыстап ты мосlат. Мосмаl порайн ант сыс
тамтамат ураhан кат куща нэ админи стративный комиссий хоща нэпекlан миямат. Оксана Владимировна Ковшац кая ООО «Аккорд» куща нэ, Наталья Дмитриевна Фёдорова ООО «УО АК КОРД» рупата хоща кущая понман вуl.
Няврэмен нумман тайи Марина Викторовна Чаглей, няльяh пеlа кат таl lоват нэ, Пулhаватан вуl. Таllаl ант тармам lоват (несовер шеннолетний) няврэм таймаl. Сут са хат няврэмаl нох вуям. Няврэм энмаlты ураhан ох шитты мосаl. Lув па инщаl, рупата ант тайl па ант каншаl, али мент няврэмаlа ант сохаптаl. Хотсат тамащ хоят арматтыя. Сута миями. Сутан хут тыlща сутытами. Кашаh шитты сот соlкувайl эваlт яh соlкувайl государства пела понты питlа.
Хоят мушмаlтсан – сахаптантыя! Пулhавт вошан Елена Владимиров на Несрединова Павел Сергеевич Не срединов шеhк такан сэкмаl. Сакун щиран нэмаlты хоята хоят сэктыя ант рахаl. Сэhкам икеl реанимаций хота питмаl. Щита каман хорпи нюламlаl, каман хорпи мушмам лотlаl леккаратан хоlыя ямаlтамат. Ямаlтам ураhан мит понам. Пулhават вош прокурор сута ясаh вермаl, Елена Владимировна Несреди нова эваlт хут щёрс сот нийlъяh соlкува мостаl вутыя па Павел Серге евич Несрединов юкана мушмаlтам лотlаl ямаlтам мит сохаптатыя. Па ишан, хоят рэскаты еlпина, Елена Владимировна нумасты питаl, иlампа. Геннадий КЕЛЬЧИН айкеlат толмащас
2
№ 17 (643) Lапат хутмет (суббота), Ункер тыlащ 27 мет хатl 2013 мет таl
Энмам мувема самем уратаl! Рут ясаhlув утаlтыты вер эlты там порайн ар потар уllыйl. Тухаl ям нопсат потар кеман щиты хащlат, мортаh верат па ищипа тыйlат. Муй хоща вер уl, хоты нэпекат lэщатты мосаl, хота нётап каншты мосаl, щит эlты мин Зинаида Викторовна Лонгортова пиlан Пулhаватан тащ ёх емаh хатаlан уйтантымеманан потартсаман. – Зинаида Викторовна, ям айкеl хуlтсув, там товийн наh грант нётапса ох шит мен. Рупитты проектэн эlты муhев потарты. – Там lуhан, ущ ёхатты тыlащан, куртэван община щиран няврэмlув пиlан уlты питlув, нэматсэв семейно ро
хорат тохи понтсам, яlап хорат понтсам. Щит иса ханшсэм, па кимет пуш этаlтаты ёхатсам. Щаlта па ястасайм, там анта проект! Кат тыlащ рупитсам, па анта проект?! Хуlметты омассам, па яlпа lэщатсэм. Кашаh копека lуhатсэм, кашаh хан шам ясаh lэра lэрапсэм, хоятат пиlан камн щиран рупитсам, инщассам. Щаlта хуlмет пуш тусэм, хун Все российский ассоциация ху ват Ольга Александровна Фео фанова Якутия мув эlты ёхтас. Lув щи проект вант саllы, ястас: «Ям». Щи, хуlметты тыймаl. Щишан, хуlам тыlащ ханшсам, ищи па lэщаlас. Щаlта щи юпийн Все российский научно практичес кая конференция округеван ус, щита няврэмат шавиты вер эlты потар манас. Щита хоятат lув проектlаl щиран потарсат, хорlаl альсаlаl,
Катра хaнты хот
Там хfран З.В.Лонгортова, Р.П.Ругин па А.И.Лонгортов
довая община «Кушеват». Ёхи ёхатты верэв уl, щимащ номас версув. Проект щи ран, муh няврэмlув: апщиlам няврэмат, ныйlам, уртыlам няврэмат, хоlыена яха акат lаllув, ханты ясаhан утаl таты питlаllув. Туп проект ханшты па грант ёша паят ты анта шеhк туlт вер уlмаl. Щи ураhан ма хуlам тыlащ хуват проект нэпек ханш сам. Оlаhан ханшсэм, ку щаята тусэм, ястасам: «Ма тата проект грант ураhан ханшсам». Lув вантсэl, lу hатсэl па ястасат: «Там анта проект!» Ма щи арат ханш сам, щи арат номас тохи понтсам, ястаса, проекта ант рахтаl. Хоты верты, кимет пуш ханшты омассам, хоты парсайм, щиты ханшсэм. Муй арат ох мосаl, тохи ханшсам, Кушеват куртэм эlты ханшсам, хойтэт щита усат катра порайн, хой муh аhкиlув ащиlув, щит иса тохи мосаl постаты. Катра
интерактивная доска хуват иса этаlтысат. Ма ищи пре зентация версам. Ма яста сам щиты: «Там хатl ма самем хошийl ханты мирэв эlты. Анта туп ма рутэм ханты ясhаl уштасlы. Там порайн ханты хоятат хоща ёхатlаты ки, вошан, куртан уlты хоятат хоща, няврэ мат, ун хоятат иса рущ ясаhан потарlат. Касlыты, хуl веlты ёх хоща няврэмат ищи хоlыя рущ ясhа кер lамеl, ун хоятlаl пиlан. Ма рутlам ханты ясhеl воllы луттасэl. Муh Горка вошан энапсув. Муh ун хоятlув кат хуlам пуш нюхlыlысайт уlам куртlаl эlты. Ма антем Вуlы куртан энмас. Кимет куртэв па Хаlащ курт. Щи хоятат хоlыена Хушавта нюхаlсайт. 70 мет таlатан хоlыена Гор ка воша нюхаlсайт. Хуlам пуш lув касlысат. Щи хуlам пуш касlытэl эlты ясhеl, уlапсаеl, сохlаl иса уш тасlаl. Ма антем Горка во
Ханты няврэмат ханты уlапса ат уйтlат, ханты ясаhан ат потарlат
шан утча ханты сохан яhхас, ханты ясаhан потартас. Муh па рущ кутан энапсув, хан ты ясаhан хун потарсув, арпелак рущ ясаhан. Щи шан, ма lоват хоятlам иса рущ ясаhан потарlат. Ма па телевидение па радио хоща рупитмем ураhан ясhем хонна тайlэм, манэм ханты ясаhан потарты мосас. Аl щиты, Гор кийн усам ки, ищи ханты ясаhан ант потарсам. Щита уlты рутlам, апщиlам хоl рущ ясаhан щи потарlат. Хиlыlув па ханты ясhа ант па утlысат». Щит эlты щи ястасам. Еllы щиты яста сам: «Ма ёхи ёхатты верэм уl, ма энмам куртэма, няв рэмат рут ясhема уталтыты номас тайлам. Щи ураhан манэм такан ох мосаl!» Щи конференция еlпийн нэпекlам Москва воша ищи китыlысайт. Щи порайн Ва лентина Нелековна Няруй, Антонина Макаровна Сязи па Любовь Геннадьевна Возело ва манэм шеhк такан нёт сат, lув институт региональ ного образования хоща ру питlат. Хун наh ястаlайн, наh вератlан, щит шеhк ун вер. Щи нэhатан ант ки нёт сайм, ма, мосаh, щимащ грант хонна ант па шитсам. Щишан, газетаев хуват ма lувиlал пумащипа ясаh яс таlам. Щаlта конференци яйн щи хатl етна пелка ястаса, хуlам грант муh окру гева миям, щи кутан ма нэмем па альса. Ма нох аматсам. – Зинаида Викторовна, хун наh община верты номасан ёхатсайн? – Тампуш ма аhкем парс. Щи арат самем хошийl, ащем утча уl. Нэlам, уртыlам манэм ястыlат: «Ёхи lуlн манlув, куртэва, щита уl тыя». Ма ястысам: «Муй атом, ма хоты кашащlам». Щаlта lув ястасат: «Па наh нэпекlан ханшаlн, наh хош lан. Наh нэпекlан ханшаlн, муh па нанен нётlэв, муй мосаl, иса верlув». Lув ищи марэмисайт, курта lаhхаlайт, ханты ясаhан потарты lаh хаlайт. Щишан, ма нэпекат
lэщатты питсам. Оlаhан округ правительство хуват ястасаюв нётты. Туп щит хуlам таl lаваlты мосаl, хойн вантса, хоты вер керэ маl. Муh па ин рупитты lаhхаlаюв. Щишан щи грант шитты номас версам, нётап са ох вохсам. – Там порайн грант шит ты щир уl, рахаl? – Яна щи, там йисан гран тат хуват, округ нётапса ху ват рахаl ханты верат lэ щатты. Охан нётlаюв. Аран хоты хойн маlаюв, еша куш кепа, оlаh сыс кушкепа нё тапса. Еllы моlты ищипа верты рахаl. Нэмоlты хоят ант ястаl: «Аl вераты! Муя нын куртана манlаты, муй щита кашlыты, муя самlын нын энмам мувана уратlыт». Щиты ант ястыlаюв, хонна па охан нётlаюв. Щишан, хой номас тайl ки, верты рахаl. Ма хощаем ат ёх тамтыlат, ма ин ищи нётты верытlам, нэпекат lэщатты щиран ин хошlам, хуlам тыlащ сыс утаlсам. Там йисан туп уlапсайн потарт ман ясаh ант луттыlа, аl ашкуlайн утаlтыты щиран шеhк ант тыйl. Радио хуват ат потарlув, газетайн ат ханшlув, телевидение хуват уlапсаев ат этаlтаlа, ашку lаятан ясаh ат утаlтаlа, щит иса мосаl. Туп щит шеhк шимаl! Ясаh ант ёрэматы ураhан мосаl аl уlапсайн потарты, ёlан потарты! Рахаl нэман муh итэван курта ман ты па иса ханты ясаhан потарты. Муh няврэмlув ки утаlтаllув, lув па еllы потарты верэl туlэl. – Зинаида Викторовна, ун пумащипа наhен щи ям ве рэн вертэн ураhан. Муh на hен ястаlув, проектэн таlаhа ат тыйl, няврэмlын ханты ясhа ат утаllат. Яна щи, там порайн проект ханшты рахаl, грант шитты рахаl. Туп наh итэнан, мосты вер хоща шеhк самаhа мосаl уlты, щи порайн иса тыйl. Клавдия МАКАРОВА ханшам потар па вуйм хfрат
3
№ 17 (643) Lапат хутмет (суббота), Ункер тыlащ 27 мет хатl 2013 мет таl
Йис ханшет эlты потар манас Хащам lапатан Центр национальных культур хотан «Возрож дение» нэмпи клуба хоятат шай инщты яhхсат. Ёхтам хоят ям ар ус, ошаh потар, тус ар хуlатты хой ант lаhхаl. Щи етан овс мув ханшет эlты по трэв манас, щиты нэ матман ус: «Орнамен ты в традиционной и современной одежде северных народов». Овс мир ханшет lэрамтам учёный хоятат ястатэl, матты ки катра йис
Уйтантысув, потарсув, якат вантсув, арат хуlатсув
«Щищкие» нэмпи груп пайн арыты якты эвиеhhын порайн эвтаматан по тар номас уlмаl. Моlты уlам вер эlты нумты ураhан ханши эвтыlыйм. Щаlта рут щиран ищи па атэlт ханшет таймеl. Lэр ат ус, хой муй мув хоят. Мосаh, па моlты вер ураhан ханшет па верыlысайт. Юхат, хув пора хащам юпийн эвтамат арпелак хорам ураhан lумтам соха па тайты пормасата ёнтты питсайт. Щи етан овс
мир ханшет эlты шеhк яма ястас кандидат ис торических наук Ан тонина Макаровна Ся зи. Lув ханшам оль паh нэпекlаl «Узоры северного сияния» хан ты, ур па селькуп нэ hатан яма уйтlайт, мосман тайlайт. Ан тонина Макаровна щи ты ястас: «Там таlатан муh овс мирlув, па мув эlты ёхтам хоятат хоl уйтlат, муй хорпи муh хорам ханшет тайlув.
Lаhкаран тайты сумочка
Мув lоватан щиты эватты хорам ханши па антом. Туп муh Асэв хоща уlты хоятат па Амур Ас хоща уlты хоятат щимащ мутрайh ханшет тайlат. Хус хольмаh таl сайн ин тернатан энмам няв рэмlув ханши пеlа тыш ант тайсат. Иса руща уlты уратсат. Моlты щиран уlапса щиты керlас па, кат ра верlув мосты пит сат. Овс мув емаh хатlат lэщатты пит сув, муh тайты хорам сохlув умащlыты пит сув. Щит шеhк ям. Мохты ныlа, муh утча мир, муh культура тайlув, уlапса тайlув. Номас хоща ям, там порайн хонна ай эвет, нэhат ёнтасlат. Сах верlат, вай верlат, щиты еllы ат ве рантlат, овс мир эв тамlув хув нупат па ат уllат». Щи хатl выставка lэщатман ищи ус. Сак паlат, тутчаhиет, нуй саха lэщатам ханшет, сэвам вайт, милат, посат, ханшийн ёнтам ханты ернасат. Щи выставка вантам веран тты нэhат моlты хан ши нопса понlат, щаха ёнтlэl, щиты еllы ханши манаl. Ёхтыlыйм хоятат хорам ханшет вантсат, хорам якат вантсат, арат хуlатсат. «Сыра Сэв» хоща якты ёх Владислав Озелов па Николай Валеев якса тан, нарсъюхан Вален тин Вальгамов ёнтас. Валентин хонна камат
са ар арыйс. «Якlув!» сыйh ясаhан Маргарита Возелова ёхтам нэhат якты хущсаllы па, ханты нэhат йис як па нэш хошмеl. Щи як ураhан Вера Ники тична Лобанова па Евдокия Тимофеевна Яркина мойlапса шит сатан. Щаlта конкурсат па версайт. Хой сора ханши эватаl. Щаlта ханши этаlтаты мосас, опсам хоятатан ат мош таlа па нэмаl ат яс таlа. Щи юпийн хан шийн хорамтам ерна сат этаlтысаят, рущ
Лидия Ивановна Тоярова рупитаl «Си няя птица» нэмпи са дикан. Lув садикан «Щищкие» арыты па якты группа вермаl, щита арыты кат эвие пиlан ёхтыlыйс. Эви lаl пиlан ханты як яксат. Щит щи ям, щит щи онтас, хун потар тумпийн хонна няврэмат якты па ары ты рут ясаhан утаlтаl. Лидия Ивановна тут lыйм эвиеhиllаl хан ты ернасатан ёнтмаl, хорам охшаматан по наlтамаl. Мосаh, щи эвиlаlан ханты уlап саев еllы туты питlа, хойн вантса. Щи етан Наталья Михайловна Башева, Центр национаlьных культур куща нэ, ясаh ищи уйlыйс. 2012 2013 мет таl рупитам па нётам хоятат ям ясаhан ястасlы, ишак нэпекатан мойlап тасlы, нэмоlты хоят ант ёрэмас, итlыя хоl нумаlмасlы. Муh па газет мохты ун пума щипа ясаh ястаlув цен тран рупитты хоят lува. Муhев шеhк умащ ёхтыlыты щи
Нуй саха lэщатам ханшет щиран «Показ мод». Катра йис ханшет там порайн тайты сохатан этаlтысат Александр Кулиш, Клавдия Ни колаевна Аверьянова, Надежда Николаевна Конева, Антонина Кон стантиновна Ануфрие ва па Наталья Фёдо ровна Ребась.
Сак лопсат
мащ хатlатан, хуlатты йис верат эlты, ям арат, якат вантты па хуlатты, хоятlув пи lан уйтантыты, потрэ миты. Тумтака уlаты, йис верlув эlты потар еllы туваты, вошан уlты хоятlув па яха актыlыяlан. Клавдия МАКАРОВА ханшам потар па вуйм хfрат
4
№17 (643) Lапат хутмет (суббота), Ункер тыlащ 27 мет хатl 2013 мет таl
Александр Сергеевич Пушкин
«Соlтан хон эваlт, lув юраh па веваh Кивтон урт похаl па аляh Хfтаh меняl эваlт монщ» (Оlаh шупаl еlпи газетаятан lуhтаlан) Ошаh хоят сясеl пиlан Потартыя хун па питаl, Уhlаl хоlна ант па пуншаl. Си кут, ванты, пyрм икев, Сясеl, ясhат хуlмаl сахат, Lув пеlайl шеhк ликасяl. Айlта вана, вана манаl, Кертман, кертман хув lарыйl. Сясеl сэмhан шалитыман Сэм юкана нёlа lатаl. Сиhанся, такан порэмаllы. Пирсь сясеl ими нёlаl Йиhки хира нох лотатаl. Lэват ортат, имайhаlаl Такан кинся такан увман, Пyрм ики катаlты питсэl. «Йивlап асlап, атам пyрм! Муh наhэн!» – мохет увlат. Пyрм ишни уса кимlы пурlас. Щарсаl шоппи ёхи манас. Щарс кимаl мув питарна Ин канащев па си шушаl. Таранlа ху ропхаh сэмна Щарс пеlа иса вантаl. Щарс шанш вур lоhlаl хуват Нови Хfтаh сора унсяl. «Вуся вуlа, хорам канащ! Хойна рома наh версайн? Атом турам иты ювман, Муйна номпсэн шеhк шукатlа?» – Нови Хfтhаlна инсясlа. Канащ ёхlы ясаh ястас: «Lыпем малы воllы шакас. Номпсэм ампа мал ант рахаl. Ма ванттэман, кашh хоят, Турам партам сираl сиран, Lувеl рахты пиlаl пиlан, Вуlапсаеl еllы тувман, яха манlат. Ма па муем атам? Век кешая вотся уllам». «Туты нэh наh тайlан, таhха?» «Щарс сайна хон нэ уlтаl. Lув пеlайl ванттан сахат Сэмlан воllы тохи ханlат. Найh хатаl патлам уlтаl, Lув пиlаlан артаlаман, Тыlщаh атна, исимет найна, Турмаl матты похаптатаl. Сэвпотлаhан – Тыlащ ворlаl, Веншлохтаlан – Хусаl lойl. Турсыяl ки паlа хойl – Ай ёханэн овты сыйl. Моса яна, моса антом, Моса мохет верам няlм?»
Нови Хfтhаl машья хув ус. Сяlта, еша нумасман, нюхмас: «Симась эви яна си вуl. Ими хоты пос мал ант вуl. Хоты lытlан ситы тайlэн; Lытlан ёшэн эваlт эхlэн, Lытlан антапкеlа тапалмаlэн. Хуlантаса. Си вер эваlт, Туhа сира, нумасты мосаl. Хуцы моса паlтамаlан?». Канащ пойкасьты шеhк питас, Матты, нэ туты lовата ювмаl. Си вер эваlт ар нумасмаl. Номпсаl вера такамамаl. Сяlта шеhк ки вер ёхаттаl, Каркам курна, Найна похнам сот мув кимlат, Lувеl каншман лап кераттаl. Си кут Хfтhаl такан lаlмас, Еllы тамась ясhат нюхмас: «Си хувата муя манlан? Вуйты, каншты нэhэн ванан. Хоннэ хоты ма си питlам». Хfтhаl тохаllаl lарпитэмас, Щарс хомпат тайна пурlас. Сяlта нумlта иl эсlасас, Питар кармас сайя lатас. Паркатыйс, ёвlасыйс Сиlта хоннэ хораl тыйс: Сэвпотлаhан – Тыlащ ворlаl, Веншлохтаlан – Хусаl lойl. Канащ хон нэ апаlмасlы, Мэвlаl хося нёртапсаllы. Сяlта мэваlпатаl катаlман, Ёхи, аhкеl хося ватаlтасlы. Ёlан, шаншох морэмаман, Милlа охан нюраl нюрман: «Ешак сорни, хон нэ, аhкэм! Меньна ма наhэн мосятсэм. Наh манэм ки lуlн парсэн, Тамась хорам эви пиlан И номасна яха вуlты, И ойяhа яха lойты». Аhкеl, турам хораl, Охlан хося катаlсаllы. Хоllаман па ситы ястас: «Турамна ат нын шавиlайтан». Шеhк хув номас тыеl тохеl Канащ ики понмаl антом. Иси иlа ясаh верас Хон нэhие нэhа туты. Иси етан поры lэса. Сиhанся, канащ муйl нуша? Оlаh атан нэhат муша
Хfтаh ими Пайтаптаса ийикеlан. Еllы вуlты lын питсатан Па няврэман lайllатан. Вутаh щарс вутатаlан, Щарс хуват вотаl яhхаl. Паршаh хоп lув паршаl поlаl. Парш сохlаl мэнлаптаман, Йиhк сяр эlты хоп хэhхаляl. Пойh хоппоя нёрсяман, Хопаh ёхат вутlы вантlат. Вантыlыйм вантом пухрэl Сорнеh вошан омтамтами. Ляль ванттыя каlнаh тайl. Каlнаh эваlт, Хопаh ёхат вуты вохман, Сыйhотат такан тохlат. Мойh ёхат вуты хойсат. Кивтон нэмпи вун канащна Мойlатыя lув вохlайт. Lэвмеl, инсьмеl ям юпина Мойh отат инсясlайт: «Муйн ёх, нын, тынассаты, Сяlта хоlта еl манlаты?» Мойh мохет уhаl версат: «Кусы кертам лакмаh турам, Lfватаlна муh кератсэв. Ар сыр пормас патан тайсув, Тайм тасев эlаттасув. Ин па пора ёхтас. Туhа Хаlэват пелак пеlа манты. Буян нэмаh пухар мохты Соlтан хонэв муват унты». Канащ ики уhаl верас: «Нын па юшан пайlы ат вуl Щарс хуват мантан сысан. Соlтан хона ёхаттанан, И пуш па па ястыяlан; Муh хосяев мойlатыя, Хуван яhхты номас тайс, Ин там вунты ант па ёхтас. Lувеl китам вуся ясhэм Lув паlаlа нын пайтаlан». Мойh ёх па еl lэlапсат. Канащ хуев имеl пиlан, Мойт lайlман ёlан хасяс. (Там ар хоlна хоlмаl антом. Еllы па вуl). Геннадий КЕЛЬЧИННА толмащса
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Там хfрамаh сэвам вайт, посат, милат «Возрождение» клуб выставкайн понман усат. Хувтэlан тамащ умащ пормасат сэваl Нина Геннадьевна Кельчина.
•Хfрат потарlат
Клавдия МАКАРОВА вуйм хfрат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4 68 03, 4 68 63 Е mail: luhavt@yandex. ru
Учредитель (соучредитель) Департамент внутренней политики Ямало Ненецкого автономного округа (ЯНАО, г.Салехард, пр кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО Югре и ЯНАО 19 апреля 2012 года Регистрационный ПИ № ТУ72 00558
Тираж 1159 Заказ 0209 Подписные индексы: на год 29925, на полугодие 84611
Газета вышла в свет 27 апреля 2013г. Подписано в печать 25 апреля 2013г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Кельчин Г.П.