ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №20 (698) Lапат хутмет (суббота), Аснопатты тыlащ (май) 17-мет хатl 2014-мет таl
Айкеlат
9 мая – Ун лялян нох питам хатl
Марина Яр верам хор
Ляля манам хоятат кащтысайт
Тампуш Lорвош районан Муши воша вуlы нёхи lэщатты убойный комплекс lутlа. Щимащ айкеl верас район куща ху Андрей Головин. Ох щиран Lорвош район агропромышленный комплекс «Лукойл» компания эlты нётты. Хащам кат таl сыс район куртатан картошка харат яlпа шукатсайт. Картошка омасты, акатты ураhан Германия хон мув эlты яlап машинайт lутсайт. Тампуш хуl, нёхи тыныты верат lэщатты мосаl. Вуlы нёхи катра щиран камн хорман сертификат нэпека ант lэщаlаl, щишан современный оборудование ищипа lутты мосаl. Ин тайты хуl потаlтаты холодильникат катрая йисат. Там порайн хуl туhа щира шавиты ураhан «шоковый заморозка» щиран мосаl потаlтаты. Щишан яlап холодильник lутlайт, катра отат пелатlайт. Клавдия Макарова верам хор
Председатель Законодательного Собрания ЯНАО С.Н.Харючи
Тазовский район сельскохозяйственный предприятияятн суюват сэма питты порая lэщатыlат. Специалистат потарlат, таlан па товийн вуlэт артан хаlам ураhан, ин суюват lавартан сэма питты питlат. Алексей Рожков – сельскохозяйственный производственный кооператив «Тазовский» куща ястас: «Оlаh суюват сэма питам пора эlты кат lапат хащас. Ин Тазовский районан, кашаh тащан ветъяhкем суюв. Муh кашаh тови нэ вуlэт утщая тайlаlув, омасты порайн па вуlэт lувиlаlа торас ант ат верlат. Нумасlув, там пуш хуlам щорскем суюв сэма питаl. Нэ вуlэт па суюват вевlэт, хойтат хаllат. Еlпи там порайн хой тахаятн lонщ lоlаl, нэ вуlэт lоlам таха эlты lэlат, тампуш атам тови, хоlна ар lонщ. Ас нопатты тыlащ нийlмет хатаlан вуlы lэтот (подкормку) тащата китсув». Ин кооператив «Тазовский» поголовье – яh щорс катсот вуlы. Туняlт эlты тащ и щорса энмас, туп атам таl ураhан, няlсот вуlы хаlас. «Антипаютинский» совхосан таlан па товийн вуlэт рыймеl. Хоlна анта хоl тащат таl уlты таха эlты касаlсат. Борис Мержоев – предприятие куща ястас: «Ямбург пелак эlты щах вевlы питам вуlэт, вездиходатан па тракторатан касlаптысlув. Кат тащев хоlна Мессо ёхан хоща тайlэв, Овс мув пеlа ант эсаllэв. Lый lонщ lоlаты унты щита питlат. Овс муван lонщ хоlна ант lоlас, вуlэт щиеl манlат ки, lэтот шимаl ураhан, па щи хаlты питlат. Ас нопатты тыlащ ветхощьяhмет хатаlан вуlы леккарат портонlаl пиlан тащата китсайт. Совхозан щимаl нёлув хащас, щит ураhан тащlув шимаl энамlат. Ин вет тащ тайlув, хоlна и тащ lэщатты верэв уl. Ин оlаh суюват сэма питсат, ас нопатты тыlащ хоlатыйн артан этты питlат. Муй арата тащ энмаl, сусан, lуhатты юпийн ныты питlа». Гыда вуlы шавиты ёх тащатан суюват унщ тыlща йитыйн сэма питты питlат. Ин щита туп камтса суюв сэма питас. «Гыдаагро» общество вуlы леккар Николай Мартыненко ястас: «Там таl Овс мув па тащат эlты, муh тащlуван шимаlшак вуlы хаlас. Вуlыlув ищипа еlпи таlат эlты вевlышакат. Муh тащ энмаllув, нумасlув, тампуш нэ вуlыlув яма омасlат». Ин «Гыдаарго» тащатан щорс ветсоткем вуlы. ЯНАО правительство тащ шавиты мохета нётты ураhан яh миллион соlкова lэщатас.
Антет мойlаптаlайт Там таl Ас нопатты тыlащ ветхощьяhмет хатаlан мир lоватан хусмет пуш Международный день семьи постаlа. Щи хатl Ямал мув вошатан па куртатан ар няврэм энмаlтам имет мойlаптаlайт. Муh округеван сот хольмаh хуlам нэ тайlат орден «Материнская слава». Няlсоткем антет «Медаль материнства» па соткем ими «Материнская слава Ямала» медалян мойlамат. Кат семья «Родительская слава» орденан постамат. Клавдия Макарова верам хор
В этот день все мы ощущаем себя причастными к этому великому событию, испытываем гордость за свой народ, свою родину. Этот день утверждает нас в стремлении к новым достижениям, к новым подвигам, достойным славы наших дедов и отцов. И чем больше времени отделяет нас от 9 мая 1945 года, тем яснее осознаётся значение исторической миссии солдат Победы, отстоявших право на будущее для своей страны и для многих государств мира. В наших сердцах не иссякнет благодарность ветеранам-фронтовикам, труженикам тыла, всем, кто поднимал разорённую страну из руин и пепла. Вы – главное достояние России, живой пример для подрастающего поколения. Дорогие наши ветераны! Спасибо за ваше мужество и стойкость, за счастье жить в свободной стране. Искренне желаю всем жителям Ямала счастья и благополучия. Пусть небо над нашей Родиной всегда будет чистым и мирным! С праздником!
Ун лялян нох питам хатl постаман, Шемановский нэмпи музеян уна ювам хоятат актащисат. Ассоциация «Ямал-потомкам!» щи вер lэщатас. Лялян ащиlаl, яйlаl парам хоятат щи вохиlысайт. Музейн рупитты хоятат экскурсия версат, ляль пора эlты хащам пормасат этаlтысат. Щаlта шай пасан сурн хоятат катра ляль арат арысат. Мойlапса ясаh ёхтам хоятата ястасhан Ассоциация президент Эдман Неркаги па шоши мир Департамент куща lаhкар ху Эдуард Яунгад.
Хул, нёхи сертификат щиран lэщатlа
Суюват сэма питlат
Валентина РОХТЫМОВА па Клавдия МАКАРОВА ИА «Север-Пресс» эlты толмащам айкеlат
2
№20 (698) Lапат хутмет (суббота), Аснопатты тыlащ 17-мет хатl 2014-мет таl
Тынсяh марыман манаl касты питсат: тынсяh ёваlмисат, курhан яха катаlман хуlам пуш наварсат, юхан таlсат, катlасысат па lохан нёхамтысат. Мет итаh нэhат иси lохаh хухатlысат. Оlаhан тынсяh сува ёваlмиса. Вет минут сыс тынсяh кашh ху ёваlмаl. Ёх тэрматыман сыхапlат, юурhат тынсяh юватlат. Тынсяh кеlаl сармакки ус хуват валяктаlан, мараh сыйl сясяl. Евгений Максаров тынсяhан нох питас. Мет хува, кат кур яха катаlман, хуlам пуш навармаман, Иван Серасхов навармас. Ар ухаl шоппи навармас Петр Сяси. Николай Максаров, ху хоятат кутан, па Олеся Сяси, нэhат кутан, мет сора lохан нёхамтыстан. Юураh ёх кутан мет юураh Леонид Тайшин
Питlоран ай кеман, lонсь манаl, Кев пелак эlты, хась вотас хорпи, морткем вот поlаl. Куртаl шитам. Пулhават эваlт lонсьхопан ёхатсам. Соlхос кантура пуhаlан lойпсам, ёхи lоксам, кусяйт актасьмеl. Питlа тасян рупитты ёха юкантам хатаl постатыя. Горка соlхос пеlа няl пирката lуhтасаl. Кат тась Lорвоош ёх тайlат, кат тась Катравоош ёх. Ихосьяh сёсан ёшlаl тус нэhат верам пормасат, ёшlаl тус ёх верам пормасат вантты понтсайт. Катхосьяh сёс унты си вантопсы хоятат вантсат. Район кусяйl, Андрей Валерьянович Головин иси ус. Хорам пормас верам хоятlаl ишкас. Вантопсы вантом юпийн, мирхот пуншса. Туняlатан
верам мирхотат пиlан артаlаман, там собраний, ма нумастэм сиран, воlаhа ант lэсяlас. Виктор Николаевич Аксарин, каматса ясh ястас па си. Lув ям хува ис, Горка соlхос кусяя рупитты питмаl. Андрей Валерьянович тасьн рупитты хоятат пеlа ям ясаh ястас па мет ям рупитам хоятат мойlасlы. Вениамин Никитич Максаров «Заслуженный оленевод Ямала» сыйh нэман понтса. Си нэм тумпина ветьяh сёрс соlкува арат охан хоlна эlты маlа. Лидия Степановна Серасхова округ губернаторэв «Почетный грамота» ус. Константин Егорович Серасхов па Афанасий Алексеевич Возелов Lорвоош район куся «Почетный грамотайн» мойlасайhан. Мойlапса такlы Светлана Егоровна Ямру иси ант хасяс.
Ма тамиты актаситы пораятан ар пуш Питlоран уllысам, тасяh ёха юкантам хатаl постатыя. Унтат мойlаты сир там пуш веlси вантсам. Вениамин Никитич няльяh таl тасян рупитас, ар таl бригадира ус па там уш унты утан яhхаl, нык ант хасяl. Хуван мосас симась сыйh ун нэман понтыя. Афанасий Алексеевич Возелов иси хуван-ванан ра-
хас ун нэман понтыя. Каш ураhан симась мойlапса ант маlа, lув каlаh тась хошман тайтэl ураhан, ханты мур уlапса сират еllы тутэl ураhан тынаh мойlапса уlат. Lув пеlаеl вантман, айlат ёхlаl па нох уратты питlат. Туняlат пиlан артаlаман, там пуш, каlаhат керыман уllат, сусан муваl еhка потам. Сишна Емаhlор паты эваlт, муй па Суп ёхан эваlт
уlмаl. Lув катlасыман па юх катна таlман нох питас. Там еlпина, Питlоран, ма катlасыты касты вер ант вантысам. Ёх катlасыты хар кератман, ар хоят акмаl. Ванттыя каш. Катра йис пора эlты юураh хоятат миран мосман тайсайт. Мув аратыты, lаварт вер вертыя юур тайты хоята кеншак. Сишан юураh хоят ванна тайlа, юураh хоят мосман тайlа. Тасяh ёха юкантам хатаl аlаhсахат питсяса па етан етшас. Еlпи кат хатаl постыlыса. Еlпи иты касты тахайн нох питам хоятат мойlасайт, иlайн шай инсьса потар кашн, кимет хатаl, ям номас тайман, па лакки мантса. КЕРАН Митры ханшам потар АЙХОП Павель верам хорат
ухlат ант тутlысайт, воой шалитты номасан. Яhхты кутаl шеhк хув, хась сот километра хуват юш пуратты мосаl, куш Емаhlор паты эlты, куш Суп ёхан эlты. Муй воlаh уlы верытаl. Питlоран шитам, луhхалы сый ант сясяl, луhхансяп сый ант сясяс. Еlпи хоты ухlат ёхатlат, вантты умась, сам амтаl – войиет хоlна уllат, тайты хоятlаl карэмиман, шэхэмиман яhхlат. Клуб пуhаlан касты хар lэсятса, еша пуhаlнашак тынас хар lарпитса. Урхотна рахас шай инсьтыя, lат lэтыя. Хатаl кутап юпийн
3
№20 (698) Lапат хутмет (суббота), Аснопатты тыlащ 17-мет хатl 2014-мет таl
Евгений Носов
Победа постаман
(потар оlhаl №19 газетайн уl)
Щаlта хирург ики шома lойс (веншаl эlты па вурты сэмlаl эlты ныса, lув шек метмаl), кашаh хоятат пеlа аhкартмас па ешlаl лёхитты хот щуh пеlа шушмас. Лёхитытыя вером йиhкаh путал карты няlмаl иса хувлаты сыйл щащас, хун lув йиhк ёша паятты вутщас; ухаl щашкан халат сайн ором шаншаl па иllы lаhкномтом lаhкарlаl нысайт. Ёшlаl лёхиттаl эlты, и медсестра карты сун lув пуhlаl эlты тусlы, щата, муй туп антом ус: хоят вур пошом щашканшукат усат, па хоlна мушмаlтом хоятат эlты нох эвтом ёшпелкат, курпелкат па нысайт… Щит иса муh сэмlавн вантсаllув, муh эlтэва щит ант па ханятаса, ханятты па кум антом ус па пищ антом ус. Операцияйн вером соlтан каматса минут хоlна пасанан хайиlыlа, щаlта медсестра ёхатаl па соlтан куратты питщаl: – Соlтан, соlтаные… Соlтан, соlтаные… Эвие кашаh порайн щи ясhат ястыlыйl, щи ясhат lув яма номса понтман, тайlаllы, манэма щи ясhат lув ястаl, па соlтаната па ястаl, хой ин тата операция lаваlтман юх lэпсат эlты оlаl, щи хоята па ястаl. Щи хоятата щи ясаhlаl ястаl, хой туп ин мушмаlтса, щитата па ястыlыйl, хой хоlна таlаh па ин лялясаl, мушмаllа, мосаh, етн, мосаh атн, мосаh, хаlэвт, мосаh lапат хащман… – Соlтан, соlтаные… Хун операция вером юпийн соlтан сора нох ант верlаl, щи порайн эвийн ором веншпуhаllаl эlты сэhкиlыlа, портун эlты нох куратман, па мушмаlтом соlтаната па операция верты мосаl. Соlтан нох ки раканаl, нёхаlыты питl, хирург ики уваlтаl: – Еl туваlн! Щиты хоят носилкая понтlа па еllы туlа. И медсестрайн операция верты пасан кавром йиhкан каlы восты шайпут эlты шошомlа, кимет эвийн па пасан сорма муhхlа, мет ох медсестра па марля арпуша понаl па наркоз соlтана вераl, иl ат воёпlа, операция вертман, каши аl хуlаl. – Туваlн! – хирург ики, ащпиртан нэром хувlуйпи ёшlаl нохlы катаlтман, уваlтыйl... Щи порайн Данциг вош пеlа манман, Польша ай Млава вошиенан муh пормасат тутлиты поезда lэlтсаюв. Щи поезд сора леккар хота lэщатса, кашаh вагонан хуlомъятпи оlты таха вертса, карты курат вагонат кутпа омассайт па lаращ омасса, хоты кур аlты халытом сором юхат, хоятат lапатты ан-сун, бинтат па па мосты портунат понтман усат. Леккарат па медсестрайт
па вагонатн усат, вагон эlты па вагоната хоятат ант яhхиlысат; щиты щи поезд яlпа, сорая поном юшат хуват аяlта таlыстаl эlты, муh, гипса ёвартом ёх, вагонатн утща хащиlысув, моlты нуша верlав иса муh lэщатыlысlув. Lэтотн тутлисаюв, хун поезд lойлийс, курн уlом соlтанат оlты кашаh хоятата соlамат па нянь ортыlысат. Lый кур аллисат, йиhк йинщты тутлисат, верн ёхтом хоята па таl консерва банка вана тутлисат, нуша вер вертыя. Россия хон мувева Орша пелак эlты тусаюв; ишни эlты туп щи ёх вантас, хой ишни пуhаlн оlас, муh, иlта па нум норыятн оlты ёх, щи эlты уятсув: Россия мувев хуват туlаюв: lаlты кенашик йис, хотхар вусат хуват lонщ рав поlыты питас, ишкия йиты питас, хуl юх lэпас ав нёл калитты питас, поезд lойлиты порайн хоятат станцияйн хухаlтсарэпан яhхтэl щащас, щащас, хоты тынасты имет, няврэмат такан увсат: «Картопка! Картопка! Хоя кавром картопка мосаl?», «Кавром соlамат! Хоя кавром соlамат мосаl?!», «Хоя хахса мосаl?» Щаlта, таhха, айшик нэhие, хоятата ощхуль верты ураhан ар тувемас: – Хахса торн энмаlтысом, ин па хахса тыныlом…» Щи верат хоlна Ас хаlты тыlащн уллисат. Ин па тови ус, ляль харат эlты муh ин хува тувман тайсаюв. – А муй унты муh лялев манас? – Саша Селиванов турсый еl щуh эlты щащас. Волга ёхан эlты lув ус, сэмlаl хатань ёх сэмата вантассат. Турсыяlн щащас, рут муваl эlты шек ун тыш тайl. Восточная Пруссия муват пеlа уlом лялев Померания муват пеlа манас, муh, радюваев иса хуlантсэв, lап ант па поныlысэв, лялясом пиllав эlты молты хуlты номас тайсув. Радювайн па щи пораятн полкат, дивизияйт нэмат ант па ястыlысайт, ант рахас, щи эlты муh па уятты ант вератсув, хота муh пиlэвн лялясом ёхlув уllат.
Тухаl порайн потар щи эlты lойс, хоя ямшик – хой хоlна лялясаl, амуй хой ин тата леккар хотн оlаl, хой аршик ой тайл… – Ляль верат щиты lойlат, аlмунтыки, наh шахмата ёнтлан, – Саша ястас. – Е-катн, е – нял, щи! – пешка парас. Ин шахмат сохаl пуhаlн кератлия, наh ин ант мосlан. Саша гипса куlа ёвартом курl оlттаха эlты пошкан тур иты вантасас, щит ураhан пиl ёхlаlн ин Самоходка нэман маса. Кашаh кураlа хоlна сэйхишаh хир яртман ус, щи эlты lув иса шаншаlн оlас, омсыlыты порайн, курl нохlы катаlтсаllы. – Ин шахмат ёнтэв муh такlэва етшаlа, – Саша шитаман еllы потраl тусlы. – Наhен па ляль ант тармас? – Бородухин, ма пуhlэман оlом ху, куl туралн инщмас. – Хой уятаl? Вер па щиты lойl: шушсан-шушсан па нэмоlты унты ант ёхатсан… Шек щи пеlа вантты lаhхасайм, хоты Берлин воша ёхатлув. – Хотэна сорашик ёхатlан. Куш lыlhа хащсан… Ляль парты еlпийн. Бородухин потартаlн «о» сый иса яма щащас, щи эlты lув ясаhlаl иса туhа номса понассат. Катра lув юх сэвартман уlтмаl, ин уна пелка ювман ус, lаhкраlн вутаh, нёхен-lантаhшик, карвать паты картыlаl щи эlты иllышик таласман усат. Пошкан нёл папеlа питыlымаl, па нэмоlт хоят ант па хуллийс, хун lув эhlас, веншанl каши вер па ант алиlыйс. Ляля питмаl эlты няlмет пуш мушмаlтаlаса, щит ураhан, таhха, леккар хотн lув, аlмунтыки, lув хотаlн ус, ин, аlмунтыки, lув шутщаты хота тый ёхтас. Оlттахаемн кератлиман, иса кашитман, ма икиlам потрат хуlантсом; порайн иl воёмтыlайм, щаlта па сэмlам нох пуншlаllам па порайн восты тови туром пела вантыlыlом. Мевlэм иса лап гипс хошапа ёвартман уса, щи эlты ма и клешняйh
черепаха хорпи усом. Щи хошап lыпийн порахпелкем иса кашитас, ям пелак ёшем па щи хошапа понтман ус. Щи эlты ма нэмоlты верты ант вератсом, номасlам иса арпелка маныlысат, хоты ма сталь-карты шупн мушмаlты вератсайм, щи эlты парты вератсом – потом карты шупн мушмаlтсайм, щи сталь па Крупп ики куратн верыlыса, мосаh, щи порайн верыlыса, хун ма хоlна ван куров эlсайлэhкийн хухатлисом па щепем эlты копейкайт нох таллиlысом па школа МОПР – кассая мийлиlысом. Щиты щи верат па уллитэl… Мушмиlтом верат эlты нумасман, ма щимащ номас щи поныlысом: ма ищи аl хоят, ма ищи парты вератlом. Па ищипа щимащ номас нохшик питыlыйс: ма ант партlом. Ма щиты номасlам понтсаllам, ма туп мушмиlтысайм, ант ки мушмиlтысайм, щи порайн, lуlан, веlтсайм. Шукатом lовlам, нюломlам – щит Туром Ащи щимащ пищ китас, вантlаllы, хоты ма уllом, номасlам такмиllыlмам, мосаh па иса вевlы питlом… Ма туп хус таlа щи порайн ювантыlысом, ма па, щаlта, аlмунтыки, анта ма, моlты ма lыпеман ус, муй манэм нётас щи эlты нумасты – ма ант партlом, уlты питlом… Ям хув пошкан нёlат ма пуhlэм эlты маныlысат, ма щиты нумасты питсом, век ант мушмаlтlайм. Мушмаlтаты еlпийн ма, пиllам пиlн, щи пуляh танкат эlты ким вуратты немащ пеlа пошкан эсаlтсув. Эlн яма омасты ван питы хоптанlаlн немщат хомlаха вантассат: рэп lоhlа ваhкты питсат. Ваhкlат, сэй хишн па иllы туlайт, lый па нохlы ваhкlат, сэйхиш па lыеl иllы туllы. Шома мув войт иты, щи ешащсат. Хуlомсот метра эlты муh пошканlав эсаlтсув, вурам иса сэйхиша lыlатман ус. Немщата щит яма нётас, па ищипа lыеl паlтап ус. Муh па еllы щиты щи пошканlав эсаllув. Тэрмаlоман, пошкан немщат пеlа эсаlтман, муh па няха питыlысув. Ахольща ёхтом «фердинанд» пушкаева пуля эсlас, па муh арпелка ёваlтсаюв. Нумастэман, хун пушка нёl муh хощева питас, ма оlhа оша ант па понтсэм, муй щит ус, нумастэман, щи порайн хоlна ма няхсом – каши эlты пеhкlам яха шомартсаllам, па щи эlты нях щи етшас… – Ляль пиlн ёнтты ант рахаl, – Бородухин такан ястас, хун lув хуlас, хоты ма мушмаlтсайм. – Ляль пиlн ёнтты – щит атом вер. (еllы па уl) Потар рущ ясаh эlты толмащсаllы Надежда КОНЕВА, интернет эlты понам хор
4
№20 (698) Lапат хутмет (суббота), Аснопатты тыlащ 17-мет хатl 2014-мет таl
Няхмаh монщ (ханты монщ) Ими Хиlы уl. Куртаlан уl. Хон эви тус. Поры версат. Ими Хиlы Хон эви пиlан устан, устан. Имоlтыйн ийимеl ястаl: – Яhхlаман ащем хоща. Щи хув ащем, антием ант вантсаllам. Мойlаты яhхlаман. Хон хоща мантсатан. Ёхатсатан, шайн ищаlтасайтан, мойlапсайн юкатсайтан. Ёхи манты питсатан. Ин, щиhанща, Хон унт хор пещ ампар эlты нох лакемас па ястаl: – Там пещ патн уяlан, ёхи ёхатlатан, хаlэват моlты кавартlатан. Ёхи ёхатсатан. Хон эви моlты хон рупата, таhха, тайl. Аlаhсахат рупатая манl. Ими Хиlы Хон эви тайl хоты, рупитты хун питl, ёlан омасl. Катlэм хатl хащl, Ими Хиlы упаl мийм унт хор пещ нумаlмисlы. Вантаl: унт вуlы пещl сэрытам па ныктыйм. Уllы, лакки эватlаllы па ампата вощкаllы.
Ийимеl ёхи ёхатаl, инщасаl: – Моlты lэтот уl, моlты кавартысан? Моlхатl, – ястаl, – упенн унт хор пещн мийlысайн, хоlта тусэн. – Муй, – Ими Хиlы ястаl, – оlтаl эlты сэрытса, ныhктыты питам, ампата вощкасэм. – Отшам хурпи, – ийимеlан ляватlа, – ош ант тайlан? Лакки, lуlан, эватlысэн, ай соlн понтсэн, ин, lуlн, нык шарэмисэн. Ма рупата эlты ёхатсам, куш кепа, пасана, lуlан, омассэн. – Па наh оlаhн ястатэн, хоlща уятсэм. Ийимеlан еша ляватса. Па еllы уllатан. Ийимеl рупатая яhхаl, Ими Хиlы ёlан моlты вераl. Хон эви па, антеl, ащеl ант вантман, марэмиса. Ийикеl пеlа ястаl: – Манlаман, ащем, антем хоща яhхlаман. Таlаh таl хащас, ащем, антем ант вант-
саllам. Па Хон хоща мойlаты манlатан. Тохи ёхатlатан. Шайн ищаlтаlайтан. Вантам отlаl эlты потрэмаlат. Хон, эвеl, веhl пиlан ёхатсатан хоты, камн каш вераl. Хон ики тащh, и веh тайl, камн ернасатан мойlаllы. Манты питсатан, Хон ики веhl (нуй хоптанат катра уllат) нуй хоптанн юкатlаllы. Ёхи ёхатlатан. Шай инщlатан, иl оllатан. Аlаhсахат
ийимеl рупатая манты еlпийн ястаl: – Рупатая манlам, наh, куш кепа, моlты каварта, lэтот ёхаттэм унты lэщата. Ими Хиlы шай иншас. Нумасыйl: «Хоптанн упеман масайм, ахоlта тутыя. Моlха, ийимем ястаl нох соlыттыя. Нох соlытlэм, така йиl». Lаращ ус, ай соlн понтсаllы, уты омассаllы, хоlна усlы па пайтаlысlы. Ийимеl ёхи ёхтас. Ям ху-
ват устан. Имоlтыйн хоптанl, таhха, мосты питас. Хон эви ийикеl эlты инщасаl: – Моlха наh ащемн хоптанн мойlасайн, хоlта тусэн. – Моlха наh ант ястасан: «Соlа понты» Ма усэм па так соlа понтсэм. – Воllы ош ант тайlан? Моlха нёхи соlа понты партыlысам, наh па хоптанэн соlысэн. – Са са, ин аl туhмас. Ким таllаlы, хоптанl воllы соlн пошам, туhа lойты питмаl. Хон эви хоптан шияlамаlн, ястаl: – Lуhка, lуlн, нох тахармисэн. Хаlэвт мойh хоятат ёхатlат, емаh хатl питl, нох, lуlан, lуматсэн. Еша ляватсатан. Па хой уятаl, хоптанн хоты версаllын? Нох ки пуссаllын. Па еllы уllатан. Хув-ван уllатан. Имоlтыйн Хон эви па ястаl: – Я, манlаман, ащем хоща яhх-
Овс мув хоятат
lаман. Хон хоща ёхатlатан. Пасан омасlа, мой, поры верlат. Омасlат, Хон ики муйl антом, пасанl тэlан, щащ-каш верман омасlат, няхlат, потартlат. Катхуlам хатl хащас, ёхи манты порая йис. Ин Хон ики нумасl, муйн веhаl мойlаты. Унтпаl ими инщисlаllы: – Веhеман муйн мойlаlэман? Унтпаl ими ястаl: – Ай lов щи тайlан, щитэн тохи мойlыи. Аяlта энмаl. Веhенан йиhк, юх таllыты утаlтыlа. – Яна щи, ям номас ястасан, – Хон ики ийимеl пеlа ястаl. Ястастан па щиты вертсатан. Lов пошхан веhана мойlысlын. Катhаlын ёхи мантсатан.
(еllы па уl) Эрнст КУРТЯМОВ монщам монщ, Валентина РОХТЫМОВА нэпека lэщатсаllы па хоран ханшсаllы
•Хорат потарlат
хорам сохан яhхlат
Тащ шавиты ёх емаh хатаlан Охсар вошан верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0280 Подписные индексы: на год - 29925, на полугодие - 84611
Газета вышла в свет 17 мая 2014г. Подписано в печать 15 мая 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Кельчин Г.П.