ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №22 (752) Lапат хутмет (суббота), Ас нопатты тыlащ (май) 30-мет хатl 2015-мет таl
Округ куща моойlап ясаh ястас lаllув па еllы манlув. Правительство и номасан рупитаl – семьяйт яма ат усат, нуша атат вантсат там уlты Арктика потам мувеван. Ванты, семьяйт муй кеман таlаhа уlты питlат, сикеман муh мувев хося ям уlапса такамаl, Ямал мувеван питlа ар хот оматты, яlап юшат шошамты, няврэмат энмаlты хотат верты, сикеман Россия мувев ун юуран онтастаlэа. Нын сэма питам хотан, куш хота нын атат усты питаl нынан нёттыя веран па ям номасан. Ойяhа па писяhа, самаhа па нуптаh! Еllы уlаты!» – ястас муh мув суhэв куся.
Валентина Рохтымова верам хор
Дмитрий Николаевич Кобылкин, губернатора рупата юкан верты ху, Ямал муван уlты семьяйт иси моойlап ясаhан ястысlы, семья Международный хатаlан. «Юх lэрlаlан мува такан катlасаl, кашаh хоят семьяйн уlтаl порайн юура катlасаl lув муваlа. Уlтына хоятlан самаhа ки тайlаllан, кашаh веран нётlаllан ки, ар сыр вер ан lэпаlтыман верlанки, си порайн ойяhа уlты питlан наh хоятlан кутан. Ямал муван катна манам семья воllы шимаl, lаварт куш уllыйl, lавартат хасьlат хун муh кутэван нётасман уllув, муh постам верlув ияха вер-
Аhки па аси таlаh хот верlатан
Ащем, ма па антем Россия хонмув lоватан, ас нопатты тыlась ветхосьяhмет хатаlан «Международный день семьи» постаса. Муh округ хоятlув си емхатаl иси яма постасэl. Муh Ямал мувеван 2009 таl уш эlты, хоятат семьяйlаl таlаhа па ар няврэм энмаlты пата «Родительская славы» орденна па «Материнская слава Ямала» медальна моойlыты питсайт. Там хатаl унты округеван няl семья орденна миямат, сот няльяh пеlа кат семья медалян постамат. Орденна моойlам семьяйт кутан шошеh муваh хоятhан – Айваседайhан, Пуровский район эlты, яh няврэм энмаlман. Президент Путин ёш эlты lын орден устан. Орден нумпина хоlна ветьяh сёрс арат мойlап юкана ох маlа. Ар няврэм тайты хотат, кашh тыlась касна эlты охан нётlайт. Кашh таl округна ар
Сергей Николаевич Харючи, Ямал мув Законательный собраний куся, кашаh семья пеlа мойlап ясаh китыlыяс семья Международный хатаlан. «Кашаh хоят ураhан семья мет ун онтас верыlыйс уlапсайн, семьяйн кашh хоят тёпиман тайlа, тата lув эваllа па мосты арат нётапан верlа. Тата си, семья lыпийн хоят уlты сирlаl такамаlа, lув гражданина иl, Семьяйн хоят атма ки энмаllа – еllы атма уlты питаl, семьяйн хоят яма ки энмаllа – яма уlты питаl, lувеl кератман уlты мохиlаlа ар нётап па ой тыйlтаl. Си ураhан си мосаl, ванты, округ мувеван ар таlаhа семья ат ус, lуват па ар няврэм ат энмаlсат, няврэмlаl тумтака па апраhа ат
энапсат, яма утаlтысат па турам сот рупата эlты ат па ат паlсат. Куся понам хоятат семьяйт нётты сиран и номасан уllат – иса хотаh хоятата онтас вертыя, муй арат юур тайlат сикеман нётlат, муй хорпи закон мосаl яма уlмитты кеша симась закон ханшlат. Туп хоятат яма ат усат. Няврэмат мосlат овас иськи мувеl шавиман тайты утаlтатыя, асиlаl-аhкиlаl тайм верат еllы ат туllаl, апраhа па каркама еllы ат рупитсат. Рахми хоятlам! Ма нынан там хатаlан ястаllам ойяhа па писяhа уlтыя, нын семьяйlан таlаhа ат уllат, ар няврэм ат энмаllат. Емхатаl пиlан!» – тамась ясаh китман ус Законодательный собраний куся эlты.
Керан Митры верам хор
Нын хотан нынан ун онтас вераl
няврэм тайты аhкет па асет, хой няврэм эн-маlты тумпина хоlна па яма рупитаl, ситат ураhан емхатlат верыlыlайт. Хота lув моойlаlайт, ям ясаhан ястаlайт па ишакlайт. Там таl, ямаl эваlт ям асет кут эlты и аси губернатор пелак эlты благодарность ясаhан хоями. Си тумпина па хольмаh пеlа хут семья грамотаятан па благодарственный письмаятан миямат. Туняlат иты воошатна па куртатна емхатlат верыlысайт, Международный день семьи постаты ураhан. Си веран мантсат тамась концерт па емхатlат программайт «Моя семья – моя опора!», ханты ясаhан «Ма семьяем – ма онтасэм!», «Наша крепкая семья – это мы, это я!», ханты ясаhан «Муh таlаh семья – сит муh, сит ма!», «Возьмёмтесь за руки
Аси вер еllы туты пох
друзья», ханты ясаhан «Ёшlуван яха катlусlув, lухсат», «Весёлый здоровый выходной!», ханты ясаhан «Кашаh па тумтак сютсяты хатаl», «В кругу семьи», ханты ясаhан «Таlаh хотан», «Семья – радуга уlыбок», ханты ясhа кератман «Няхна хойм уhlат» па па арсыр верат. Си тумпина хоятат семья сиран иси актыlысайт сютсяты кеша. Хатаllаl тамиты нэматман усат: «С любовью и благодарностью…», («Самаh сам эlты этты пойк…»), «Всему начало – отчий дом», («Энмам хотэм – lыlэм оlаh»), «Мир начинается в семье», ханты ясhа кератман «Турам моштаlа уlты хотан», «Хорошо когда мы вместе», («Ям хун яха уllув»), «Крепка семья традициями» ханты ясаhан ястаман, «Туняlат сиран уlты семья – лакки ант кулапаl». Хоlна кашh воошан, кашh куртан спорт сиран кассат па спартакиадайт версайт: «Папа, мама, я – спортивная семья», («Асем, аhкем па ма – спорт тайты семья», «Весёлые старты». Постаман усат па таlаhа версайт хасям емхатаlан каман сир няврэм ханшам хорат вантопсэт па конкурсат, фотовыставкайт усат. Мосаl ястаты, муh округеван кашаh таl ар няврэм сэма питаl. Кашh парм хоят юкана хуlам няврэм ляксаl, сэма питаl. Муh Россия хонмувев lоватан, няврэм сэма питты сир артаlаман, ветмет местая питlув. Кат-хуlам няврэм тайты хот арашак ис, кат пушан арашак ис ар няврэм энмаlты семья, нушая уlты хоят иси шимlашак ис. Ямал правительства эlты яма нёттэт ураhан, атма уlты хот шимаl. Геннадий КЕЛЬЧИН ханшам потар
2
№22(752) Lапат хутмет (суббота), Ас нопатты тыlащ 30-мет хатl 2015-мет таl
Лялян хойм няврэм пора «Лялян хойм няврэм пора», русь мир ясаhан «Детство опалённое войной» тамась нэмаh уйтантопсы ус Санаторно-лесной ашкуlайн, Пулhават воошан. Кимет-няlмет классан утаlтыты lоват няврэмат «Ляль пайтам хатаl» (День Победы) постаты па потарты ураhан яха актыlысайт. Lув пиllаlан потартас Ольга Александровна Тренина. Ольга Александровна лялян хойм пора няврэм, си порайн шеhк lаварт уlмаl уlтыя. Lув асеl, Александр Иванов, ляль хара манмаl, сита такан мушмаlтами, каман хорпи нюламан
ситы антома си верам. Ольга Александровна ху апсеl пиlан, аhкеl, ун аhкеl пиlан ляль манам мар иса Пулhаватан уlмаl. Еlпишак, ху хоятан верам, турам сот lаварт рупата, иса нэhата па няврэмата хасьмаl вертыя. Хаlшук мохты шимlа ювмаl, араl эlты ар lэтот иса ляль хара китты, соlтаната. Няврэмиет самlаl сикуш вохlайт, па сякты пул антом, антом таха эlты мушат этlат. Няврэмат си пеlа тыш ант таймеl, уншак отат ошаhат, моштаман тайlэl, тута унт ляль хара манам асета, яята метшак lаваршак, lув ныты сорм вантман
сёмlы питман иса рупитты, шитты от, веlты от иса фронта китlа. Ольга Александровна си порана ай, lув вантом шукаl ун. Си кут эlты си номас
уllат, кашh сёс, кашh хатаl лёхэматы верытlат, атом сыlка-фашистат пиlан ура тувман. Атом непсят иl нёратты кеша муh хонэв мираl хоl нох lойс. Вевlы питман,
вераl, хоятат пеlа ям номасн уlтыя, муй кем верытlа нёттыя хоятата, няврэмата. Нопсаl таlаhа верты сиран, lув няврэмат утаlтаты нэhа утаlтыйс. Уlмаl хуват няврэмат энмаlман, утаlтыман ус. Ин па пенсия питас. Па исипа няврэмат ант ёрэмаllы, кашh порайн хун вохапlа lув потар верты, няврэмат хося манаl, лялян хойм няврэм порайl эlты па хоты хув нуптаl усlы сит эlты потартаl няврэмата. Нина КЕЛЬЧИНА ханшам потар Хораl иси lув версаllы
Овс муван вет таl унт вуlы веlты ант рахты питаl. Округ кущаев Дмитрий Кобылкин ёш посан понам постановление хуват, вунтlор тыlащ оlаhмет хатl эlты щи закон рупитты питаl. «Запретить на территории округа, за исключением особо охраняемых природных территорий федерального значения, промысловую, любительскую и спортивную охоту на дикого северного оленя с 1 августа 2015 года по 1 августа 2020 года», – постановление нэпекан ханшман уllа. Природно-ресурсный регулирование лесных отношений и раз-
витие нефтегазового комплекса ЯНАО департаментан рупитты ху Олег Истрати ясаh щиран Овс муван унт вуlэт шимlа йисат, щишан запрет нэпек lэщатса. «Ёхи хащам вет таl хуват щи вуlэт lуhатты щиран няlъяh кат щорс вуlы эlты ихощъяh моlтас щорса аратэl йис», – Олег Истрати ястас. Ёхи хащам кат таl тупаяh воят (кураh воят, унт вуlэт) тохlаh хопатан турам эlты lуhатсаят. «Щи рупатайт верам щиран, унт вуlэт щах ант мосаl веlты», – Ямал правительстайн потартса. 2012-мет таl эlты 2014-мет таl унты унт
вуlэт веlты запрет верыlыса. Щи порайн кущайт вой веlты пора ванашак верыlысэl, лимит добычи ищи шимlашак верыlысэl, туп ищипа щи таlhан хуват унт вуlэт аратэlан шимlашак йис. Олег Истрати ястаты щиран, Овс муван шоши мир хоятат там йисан унт вуlы нёхи такlы уlты верытlат, щишан lый ураhlаlан щи запрет ищи питаl рупитты. «Россия хон мувев па регионатн Овс мув шоши мир хоятат кутан хой мохет нёхи такlы уlты ант верытlат. Щи хоятат туп унт вуlы нёхи онтасан уllат. Щишан lый охотничий билетlаlа
Марина Яр верам хор
Унт вуlэт шавиllув
штамп понlа. Щимащ штамп пиlан хоят вой веlты верытаl. Муh хощаев щимащ население антом», – специалист ястас. Ассоциация «Ямалпотомкам» куща Эдман Неркаги ищиты щи
Вуlы шавиты ёх товиян уlты щир
нумасаl. Lув ястас, щимащ запрет там округ шоши мир хоятат уlапса пеlа нэмаlт щиран накlата ант питаl. ИА «Север-Пресс» эlты Валентина РОХТЫМОВА толмащам айкеl
•Хорат потарlат
Кат щорс ихощъяhмет таlан тащ шавиты Щаня ёх Кева касаlты муван Юлия Лонгортова там хорат верас. Там йисан арпелак хоят хор верты карты таяl, кашаh хоят хор веты верытаl. Верам хорлын каш ки тайlаты. верытlаты муh газетаева киттыя.
Кев ов
Онас касаlты ураhан кирса
Нярма туты яhхас
3
№22(752) Lапат хутмет (суббота), Ас нопатты тыlащ 30-мет хатl 2015-мет таl
Щущие
Ляль монщатн ванкутlы моlты мутра верат этыlыlат, апраh-мутраяh похиет эlты щата ванкутlы потар па lойl: Ими Хиlы эlты, Рат парХиш пар эlты. Ляль монщатн ванкутlы щи эlты потар lойl, хоты хантэт урат пиlн ляль верыlысат, хоты урат нэ lоlомты ёхтыlысат, щаlта ханты ху хоятат па нэhат lоlомты яhхиlысат. Ими Хиlы эlты арсир монщ уl, хоты lув меhкат пиlн, lон верты
Охсар ими ёхан питар хуват хухlас. Самаl щикем вохlа. Вантаl: lапат ики хопа lэlмел, хоlтпеlа щи манlат. Охсар ими нумасаl: «Иl кератлиlам, аlмунтыки ма хаlтсам». Ёхан питара иl кератлийс, lаlты шувl ант па ныlа. И икилэhки ястаl: - Вантаты, охсар ими хаlтмаl, ёхи туlэв. Охсарэl вусэl па хопа вощкасэl. Катра хантэт хопlаl lоhlатн вертман тайсаllаl. Няврэмат щата омассат. Хув пан питар пуhlа икет питсат, и ики инщасаl:
- Там пан па ахоты аяllа? Охсарые ястаl: - Lэllы пан. Икет хуl веllат, охсарэl lапатlэl. Еllы щи мантlат. Ун lор питар хуват
мантlат. Икет па щи инщасlат: - Там lор па ахоты аяllа? Охсарые ястаl: - Муh тата катра нёllав йиhка эслиlысlав. Катра порайн хоятат, нёl ёвlыlыман, вой веллисат. Охсар ими нёl кеlат пеhкlаlн катна портсаllы. Икет нёl ёваlты вутщиlат, нёl кеlт па катна питмеl. Еllы щиты щи икет мантlат. Па щи вутаh ёхан питар этас, еlаншик па унши унт lойl. -Там унт па хоты
аяllа? Охсар ими ястаl: - Lэllы ёхан питар. Щитн икетн вуса па йиhка вощкаса. Щитl щи каншмаl.
ими пиlн па кулят пиlн ощмар верат верыlыйс. Войт эlты монщатн па войт хоят иты уllат. Щимащ монщатн таром хоятат няхlайт, няlмаh, ощмараh, ёраh хоятат няха верыlыlайт. Няврэмиет, тата па муh каматса монщ понтсув. Lуhтаlн, пиllана потартаlн, ун аhкиlана, ун ащиlана па потартаlн, моlты хорат вераты.
Шоврые па наварт нэ Шоврые хотыеlн уl. Таlаh хатl рэп эlты хататлийl. Ипуш ёхи ёхатаl, па хотаlн ахой уl, хот хуват щиты щи шушиlыйl. Паlтамас, ёlта па увlа: - Ма наhен lаямн сэвартмаlэм! Шоврые ким этаl па хоllаман, щиты щи унт хуват шушаl, хатl хоllаl, ат хоllаl. Хуlаl, ахой йиl, щит Охсарые уlмаl. Инщасаl: - Муя хоllаlан, хойн сэhксайн? - Ахой ма хотыема lоhмаl. Катhат Шоврые хот пеlа мантсатан, хот эlты па увты щащаl: - Ма нынан lаямн сэвартlаllам па кешийн эватlаllам! Шоврые Охсар пиlн
унт хуват шушlатан, хоllаlтан. Евр ики ещаlт йиl: - Муя хоllаlтын! - Ахой Шоврые хота lоhмаl па нэмоlты хоят ёхи ант эсlаl. Муhев па ант эсlас. Хуlмат мантсат, ахой ким воштаты питсат. Хуlмат па ёхи ант эсаlтсайт, еl воштасайт. Унт хуват шушlат, хоllаlат. Хуllат, ахой унт хуват шушаl, юхат иl моратаl. Мойпар похие этас. Мойпара потартсат, хоты ахойн веlты вутщаlайт. Мойпар похие па lый пиlэlн манас. Хот пуhlа ёхатсат, ахой туп уваlтас: - Ма нынан lаямн сэвартlаllам па кешийн …
Мойпар похие ов шукатас. Щата па навартнэ омасаl, юх lайм па юх кеши ёшн тайl. Щитан щи мохет паlтаптасlы. Воят вусат па lувеl веlтсэl па ёхи lэсэl.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Вояh лук Кашаh хоят щи эlты яма уятаl. Пиращ ики па пиращ ими уllатан. Ин ики и пуш каман омасаl па хоlпаl lэщатаl. Вантаl: лук юх вошн омасаl. Юхlаl вусlы па нёl эсlас, лук иl щи питас. Имеl пеlа ястаl: - Ими, мана па соlамат каварта. Имеl лук каварты питас, вой нох щи акатаl. Акатаl-акатаl, вой па ант па хоlаl, щит щи этаl. Икеl пеlа уваl: - Анэм щи тэкнас! Икеl ёхlы уваl: - Акта вой, акта! Еша пора хащман, па щи уваl: - Ай анlам иса тэкатсат! Икеl ёхlы уваl: - Акта вой, акта! Еша пора хащман, па щи уваl: - Ун анlам иса тэкатсат!
Надежда КОНЕВА lэщатам лопас
Икеl ёхlы уваl: - Акта вой, акта! Имеl па щи уваl: - Курlам воя питсат! Икеl па еllы уваl: - Акта вой, акта! Имеl па щи уваl: - Хонэм па воя питас! Икеl па еllы уваl: - Акта вой, акта! Имеl па щи уваl: - Турэма вой щи ёхтас! Икеl па еllы уваl: - Акта вой, акта! Каматса пора ха-
Интернет эlты понам хор
Охсар ими па икет
Керан Митры верам хор
Валентина Рохтымова ханшам хор Валентина Рохтымова ханшам хор ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Куш муй мир вуя, кашаh мир хоят иса монщат тайl. Монщат lуhатман, иса уятlан, хоты там, амуй па мир хоятат уllат, муйщир номпсат тайlат, хоты уllат, хоты веlпасlаlат, хоты lый кутэlн уllат, муй эlты еllы уlты номасlаl поныlыllаl. Ханты мир ищи ар монщ тайl: ляль монщат, арсыр хоят верат эlты, арсыр хоят эlты монщат, войт эlты монщат.
№17 (50)
щас, ики имеl увты питас, имеl па иса машья. Хот lыпия lоhас, вантаl: имеl партмаl, воя питмаl.
4
№22(752) Lапат хутмет (суббота), Ас нопатты тыlащ 30-мет хатl 2015-мет таl
Прокопий Салтыков
Асэм еhкаl нёхlас (поэма)
(потар оlhаl №21 газетайн уl)
Микит нэмпи хоят пиlн Верасаты Ханма нын, Ащеl-аhкеl Тайман антом Йи тахайн Уlты лот: Таlн – тата, Lуhан – тута, Ант тайсаhан Щирпаl хот. Воен-хуlэн Каншты утlман И лот хоща Уса хун: Унт вой, йиhк хуl Хольща яhхаl, Щаlта каншты Мосl хон… Пиllы васы Пиllы щирн Вотща унта Манl lув, Ащеl мойlам Юхаl тайl, Нёl юкана – Варс нув. Араh щищкет Умащlаllы, Ворhа тыхlа Хуhхаl нох, Восты унтэн Сот ар хуlтман Вальюх кута Оlаl пох. Ёвра вальюх Вощрэм эпаl, Ох нумпийн – Унтэн миl. Lылаh унтэн Lыlаh сыйl Няврэм сама Шуйlаl иl. Няврэм вантаl: Lаhки пошхат Менlам юхн Вертсат каш, Вантаl, хоты Ай сумтыен Ант такамам Нёхаl шаш. Пошты мурах Вурты венш, Нипсар ими Пеlhа lэl; Щата хашhа Каркам курн Амуй моlтэl Таlаl еl… Таl вантаl Шоврат каlтам, Куропатка Нуlам пос; Вантаl, хоты Сыстам lонщан Такан ёнтмаl Каркам сос. Ащеl верам Ай lохlаlн Lысат вантты Яhхаl lув. Куропатка Туl ки ёхи, Амат самн Ворlаl хув. Ант юра ювм Няврэм номас Вельщи питом Хорпи lонщ: Патаh нёlпи Шовар каlтам, Куропатка Нуlам пос, Отшам сосэн Хошам уhхаl,
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Метам лэпкен Оlам лот – Lонщен хоща Иса lойl: Няврэм номас Щимащ от. Няврэм сам па? Няврэм самl Нарсъюх хорпи: Морт тумпийн Аранh шек, Муен хоща Иса хуlмаl!
Кармас кар. Йиhкаl сорl, Йиhкал манаl Уйтlор верты Пора там! Имет-икет (Таlаh касlап) Пормас lэllат Кайка нык. Хораh хопат, Онас иты, Манlат lора, Ванщман йиhк. (еllы па уl)
*** Вельщи тыйм Коlхоз верат Аяlта хатты Питсат еl. Нуша уlам Курт каlнаhен Ёхтаптаса Порн тэl. Воhхатты сый Курт lоватн, Ванщам сохаl Таlаh пай. Юхур тата, Тута яhхман Воlаhие Кумl антом, Инщематы Еша шай. *** Петр Никитич Юхур пиlн Ферма вантты Манс ин. – Ямшак хоят… – Хойтэв понlув? – Потрэмаман Йисhан lын. Ма щирэмн, Окуп понты, Самаh эви, Ясhал так… Окуп ещаlт Йитаl ныlа, Lуматмаl хорам Нуяh сах. – Окуп, – нюхмас Петр Никитич, – Конторая Вет щес кемн. Мис хот ертеп Хоща ванан Камтса мисэм Lойl камн. *** Уйтlор тыlща Lуhев керlас, Йиhкаl сора Манl иl. Иl мартыйм Васы иты, Мевlаl этас Рува сыl. Овн овам Мув сох хоща Туняl торн Нёрщам пай. Хота еlпи Мув сох этмас, Восты ванши Lуматмаl вай. Хольща тэlн, Хота уlмаl, Ун йинh каlтам Хаймаl ар: Шумаl хорпи Посн понман Йиhкан lойм
Хашhа хот
- Коль породнитесь Вы с Микитой, Друг другу станете Родней. Все тогда Сразу изменится Пойдут дела Повеселей. То - наши Родовые угодья, Здесь промышляли Деды, Рыбу Зимой добывали, И летом Не знали нужды. Рыбу Сетями ловили, В капкан Попадался зверь, Всё они Успевали. Что же будет Теперь?.. С утра они В лес собирались, Зверь сам Не придет домой, А мы – Пацаны босоногие За уткой линной Шли толпой… По лесу Весь день ходили, Терпкий запах Хвои вдыхали. В гнездо вороны Залезали, Воронятами себя Представляли. Песни леса Чудные слушая, Багульника Горечь вдыхая, Я не раз лежал Под березой, Мысли Перебирая. Природы
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Чудные звуки Песней В душе отдаются, Напевы ее Волшебные Так нам Передаются...
Забот у него Полон рот. Круговерть Дел срочных, нужных Чаю попить Не дает.
Петр Никитович С Егором Тихо Разговор ведет: -Кому доверить Нашу ферму, Кто дело это Поведет? Может, поставить Агафью, Спорятся Паук У неё дела. Направил сети, Если нужно, Комар Слово скажет, Уж там сидит. И аккуратная Муравей Она. С тяжелой ношей И будь-то слышала К муравейнику Агафья Спешит. Меж мужчин Ходим по лесу Тот разговор: Днями, Морошку горстями берем. Вот идет Пением птиц Она тропинкой, Наслаждаемся Прямиком на И песни звонко поём… Скотний двор. - Часам к пяти Зимой следы зайчат Зайди, Агафья, Подросших В контору нашу Отец учил На пять минут!.. Нас находить, У новой фермы, И куропатку У ворот широких Средь снежных комьев Её уже Можем Коровы ждут. Сразу различить. *** Капканы Вот и вода Зимой проверяем, Пошла на убыль Куропатка То июль Всегда в петле, Принес плоды. Целый день Обрыв высокий, По лесу гуляем, Словно утка, Не хотим Показался Сидеть в тепле. Из-под воды. Детские мысли Трава старая, Светлые Прошлогодняя, Ведь дети Меж кочек, Не знают беды, Как волос, лежит. Находят они Местами земля Без усилия Отогрелась, Курносого зайца Уж зеленая Следы. Травка стоит. И гнездо Ушла вода Горностая теплое, Поспешно, И место Оставив всюду Спячки песца Следы: Все видят дети, На тальниках Все подмечают, Видны отметки, А душа их, Обвиты травой Как солнце, светла. Их стволы. Она, Вода Словно нарсъюх, Стремительно уходит, Веселая, Мужчинам Ликует и поет. Сейчас не до ссор, Радость Быстро, Дарит округе, Спешно и не мешкая, Силу, Едут Надежду дает. Делать запор. Наскоро *** Собрав пожитки, Шум Спустились Деревню оглашает: Люди к воде, Кто-то строит И караваны Новый дом, Груженных лодок Кто на доски Потянулись Бревна пилит, По реке. Кто орудует Топором. Надежда КОНЕВА рущ У Егора ясhа толмащсаllы Хлопот прибавилось, Гибкие Ветви березки Качают Веселых бельчат, Меж деревьев Ловко летают, На месте Сидеть не хотят.
Тираж 700 Заказ 0374 Подписные индексы: на год - 29925, на полугодие - 84611
Газета вышла в свет 30 мая 2015г. Подписано в печать 22 мая 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин