ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №26 (756) Lапат хутмет (суббота), Унщ тыlащ (июнь) 27-мет хатl 2015-мет таl
Удмуртат муван ерсяlа ки, ерсяты верэв ун тын тайl. Ун ура верты мосаl. Ханты мир ясаh ант ёрэматы номасн уlтыя. Ханты мир сясь тайтыя. Муh хоты аhкиlув-асиlув онтасан ханты ясаh си уйтlув. Ханты ясаhан lуhатты ант утаlтысаюв, ханты ясаhан ханшты ант утаlтысаюв. Хой ин там йисан ханты ясаhан потартаl сит иса ун хоятlув онтасан. Рут ясhэнна потарты ки хошlат, русь ясаh онтасна, шеhк ки lытlайн, ханты ясаhан lуhатты па потар ханшты утаlтыlан наh онтасэнан. Ястаlат садик па ашкуlа lоват няврэма иты порайн похиет, эвиет рут ясаhан мосаl потарты, lуhатты па ханштыя утаlтатыя. Ин, ханты ясаhан воllы ант потарты няврэмие, ма сирэман ант верытlа кераттыя, lув рут ясhаl русь ясhа ис. Си ясаh онтасан lув ямашак уlты питаl. Тамась потрат кашh ун мирхотат пуншиlытэт порайн потарlайт, па потрат потар кеман ситы си
хасьlат. Удмурт ёх муван, Ижевск воошан актасийм порайн, сит эlты иси ун потар ус. Удмуртат ант еlэмтыман lув рут ясhэlна потарlат, театрат тайlат, музейт уllат, ратюван рут ясhэlан потарlат, удмуртат ясаhан онтастам кина па видео каш вантlат, каман хорпи книга ханшlат рут ясhэlан. Lув рут яра ар поэт, ар писатеlь тайlат, драматургат па яма арыты хоятат уllат. Воошхулэт хуват шуштэнна русь ясаhан потарты хоятат кутан исипа удмурт ясаhан потарты хоят хуllан. Ма па тахаятан симась сир ант вантысам, ант хуllысам. Куш ин тата, хантэт хося. Кат ханты уйтатlатан, китантак хошlатан потарты ханты ясаhан, исипа русь ясаhан потарlатан. Ма ки, lуlн, аматман ханты ясаhан потарты питсам. Наh ки ханты ясаhан потарlан, ёхlы рут ясhэн ант хуllэн. Па рут ясаh, таhха, онтасаh? Аl.
Хор верты ёх Керан Митры верам хор
Хасям lапат, Унсь тыlась ихосьяhмет хатаlан, удмуртат муван финно-уграт пеlа lуhтасты мират фотожурналистат па журналистат актасисат. Lапатмет пуш финно-уграт мирхот версат. Там ёх кутан туhапты вер тэlыя. И хоят номасан па и хоят юуран ар сир вер туhа lэсятты ант верытlа. И рут мир иси ант верытаl. Сишан финно-уграт пеlа lуhтасты мират и номас усат, ар мир юур яха понтсат ясhат па культурайт еllы пеlа уlты сира яlпитты. Ин нын си вантlаllан, ар пелак тахайн, ар пелак ясаh ант мосты питас. Русь ясаhан кеншак потартыя. Хоятат кен пеlа уратlат. Сяlта па и пелак эlты рут мир ясаh каншlа; ёх ханты ясаh утаlтаты, ёх уръёх ясаhан потартаты. Па хоlся ясаh утыя? Ёlан, аhки-аси ханты ясаhан ант утаlтаllы няврэмаl потартыя. Ёlан ханты, муй па русь ясаhан потарты ураhан ар ох ант мосаl. Туп
Ёхтыlыям хоятат Ижевск Удмуртат муван, финно-угор пеlа уlты рут хоятат, хуlам вер таlаhа верты актасисат: мет оlаhа хор верты хоятат туса верам хорlаl этаlтасат, сиhанся, финно-угорат пеlа lуhтасты журналистат яlпа содружество сиран яха lоксат, мет юухат «Удмурт дунне» нэмпи газет сот таl постасат. Хоты ям хор вертыя мастерклассат верыlысайт, хор вантопсэт этаlтасайт, хораh альбомат ванттыя поныlысайт. Хорат вантlантан па каман мув хорат иса
ныlа, хоты ар сыр рут ёх уllат lэра lарпиlаl. Ин хор верты ар пуш кена ис. Ун нётап вераl копьютер, хор уты картыlаl иси – туп нёртамты, хор мохты тыямтаl. Верты хорэн иси курмат рахаl куш хоlта китаптыя. Хой хор верты веран тус ус – сит па мойlаптаса. Хор верты антом кашh хоят верытаl, си веран иси морта хошты мосаl. Там веран актасийм хоятат, верэl туhа сира вермеl юпийн, кимет верэl таlаhа верты питсат.
Там еlпина, финно-угор рут пеlа lуhтасты журналистат «Российская ассоциация финно-угорских журналистов» нэмпи хота lоhман усат. Уlапса иеl манаl, яlап сират этlат. Ин мунты ассоциаций эlты содружество верты номас этас. Яха актасям журналистат сит пиlан кашасьсат, содружество хота lоксат. Яlап устав верlа, ох понты нэпек охнёратты хотан пуншlа, эмблема хор верlа. Ассоциаций хося Александр Саликович Абдулов кусяя ус. Содружество кусяя Николай Иванович Ишуткин пурыса. Lув Мордовия ёх муван, Саранск воошан уl, рупитаl «Чилисема»
Керан Митры верам хор
Яlап содружество
Якlатан Р. Решетникова па А. Вьюткин Ёмвош нэмпи журналан главный редактора. Мирхот верты хоятат, мет оlаhан Владимир Петрович Невоструев икина ясаhан ястасайт. Lув ун эваlт ун тахайн рупитаl, Удмуртат Республика Государственный Совет председателя. « Муh
рупитты тахаеван, катрашак рут ясhэван ант потартысув, потартысув ки воllы шимаl. Ин потарlув, хой ант хошаl сит утаlтыйяl потартыя удмуртат ясаhан. Хун наh рут ясhэнна нумасlан, хун потартlан ляксам ёхlан тайм ясаhан, си
порайн исимет наh пиlэнна наh рут ясhэнна потарты потарты хоятэн ван рута иl. Нумасlан, ма там тураман антом нэш вотся уllам, ма ар рут тайlам. Lыпийн амуй моlты юуран ёхатlайн. Утаlтыйят па потартат рут ясhанна, сит ям вер» – ястас Владимир Петрович Невоструев. Хантэт иси усат. Па финно-уграт мират уйман ки, lув кутэlан, ханты ёх мет уна lуhтасlат. Ханты мир аlаh йис порайн тыймаl. Сяlта, си юпийн охалят рутматы питмеl, охалят юпийн венграт. Хантэт охалят пиlан обский уграта айllайт. Си обский уграт кут эlты ясаh тайс Раиса Германовна Решетнико-
ва (lув яра хот опрась нэмаl – Молданова). Ям хув кута ис «Ханты ясаh» па Луима Сэрипос» газетhан хося рупитты питмаl. Потартас хоты там йис порайн, газетайhан ханшlайhан, муй хорпи яlап сират нэпек верты тахайн этсат. Хоты ханты ясhаh па охаль ясhаh газетайhан миран ванна тайlайhан па lуhатlайhан, хоты ханшты газетlан мир кутан лакки lуhатты пайтыlа. Сит там йисан шеhк ун вер. Хун рут ясhаh газет аратыман лакки ант питаl сит атом. Lуhатlа ки хоят сит эlты рут ясhаl уйтты питlаllы, lуhатты па ханшты ханты ясаhан питаl. (еllы кимет lуhтаlан)
лопасан
2
№26 (756) Lапат хутмет (суббота), Унщ тыlащ 27-мет хатl 2015-мет таl
Удмуртат муван Яlап содружество
(Оlаh шупаl оlаhмет лопасан lуhтаlан)
Ун имет каш верlат
Коми Республика эlты хут хоят ус. Кусяеl Вячеслав Васильевич Попов, мирхот верам порайн иси ясаh тайс, «Издательский дом «Коми» нэмпи рупата хося рупитты ёх куся. Яма рупитты журналистат моойlаптам порайн lув пиlаlан ёхтыlыйм хоятlаl мет ар мойlапса усат. Хой дипlоман моойlаса, хой грамотайн, хой па премий сиран охан маса. Вячеслав Васильевич потартас муй мосаl рупата хося туhаптыя, хотсат там уlты пораеван еllы яма рупиттыя, рут ясаh ант уштаты, культура ант ёрэматы, уlапса сират нумман тайты. Эстоний мув эlты Яак Прозес ёхтыlыйс. Книгайт па газетаята потрат ханшаl, ошаh уlтаl ураhан «ФенноУгрия» нэмпи фонд хося советника рупитаl. Фондеl финно-уграт мирата шеhк ун нётап вераl. Эстония мува хантэт, саранат, охаlят, удмуртат, марийцат, мордвинат утаlтыты яhхlат, каман хорпи грантна мийlыlайт, си тумпина ясаhна па верна иси нётlат фондна рупитты
хоятат. Яак Прозес Эстоний муваlан хоты газетат этты питсат, хоты там порайн рупитlат, сит эlты хув потартас. Lув мувеlан хувахува ювмаl газет ханшты питмеl. Нэмаlты порайн lув газетайlаl касна эlты нётыlыямат антом. Хой lытаl сит газет верты верытаl, туп иса lув ёш охаl юуран. Ох
ки тайlан lуhатты нэпек куш муй арат вера. Си муван си lоватан lуhатты нэпек утаlмеl вертыя, ясаh антом. Сэман ныты ох шитты сир. Муваh хоятlаl ситы утаlман уllат – газет такlы уlты ант верытlат. Хой газет муй па журнал ант lуhатаl хоята ант тайlа. Хоятат уlтэl ураhан иса lуhатlат. Аlаhсахат шай исьты кумеl антом, мет оlаhан газет lуhатlат. Сита газетайт аlаh туlайт. Симась си хоятат. Сита журналиста рупитты хоятат эваlман тайтэт. Нэмаlты порайн ант lэпаlтытэl читательlаl. Lув ант ки эваlты питlайт – рупатаеl мохты уштаlэl, нушая уlты питlат. Юухат па кура-ёша питты шеhк lаварт питаl. Ситы си ястаlа: «И пуш олмащам хоят хойн па эваlты питlа». Хув потарса, ун номпсат нох аlмисайт, еllы рупитты сират постасайт. Сяlта яма рупитам журналистат мойlаптасайт. Мет ар мойlап
Мирхотан
В. Попов па Н. Ишуткин усат Коми Республика ёхат. Ёхи хасям пушан мирхот верам хоятат резолюций номпсат таlаhа верты постасат. Сит – Российский Федераций Государственный Дума пеlа ясаh китты, ат «О средствах массовой информации» закона финно-угор ёх ясhат русь ясаh паlатан ат ханшlайт; «О государственном языке Российской Федерации» закон хося иси изменений вертыя, финно-угор ёх ясhат мосман тайтыя па госудаственный ясаh паlата аlамты; национальный печатный СМИ сайтат рупата хоlна ямашак верты па тайты; СФУЖ секретариата мосаl ван кутнашак журналистат яха актыlыты утаlтаты ураhан; ар сыр печатный изданийн рупитты ёх мортаh мортаhан па редакияята китыlыты, ант уйтты верата утаlтытыя. Постаман уl, резолюций сиран, мосаl туп си номас такапты, нийlмет финно-угор пресса фестиваль Сыктывкар воошан вертыя. Тами кеман фестиваль рупата етшаптаса. Николай Иванович Ишуткин СФУЖ кусяя рупитты хасяс.
Сот таl хачасат Хуlмет вераl: «Удмурт дунне» нэмпи газета сот таlа ис, тыймаl уш эlты. Россия муван уlты газетайт кутан тамась хув нуптаh нэпек антом. Урты ёх нох питмеl еlпийн lув этас. Мет оlаhан сита ляль эlты потрат ханшиlысайт. Си юпина удмуртат хоты уllат сит эваlт ханшты питса. Ситаl си тынаh иса удмурт мир ясаhан. Сишна си, таhха, удмуртат там хатаl унты, lув рут ясhэl яма тайlэl. Ар нэм тайс. Мет оlаhан «Войнаись ивор», сяlта кат таl хасям юпийн «Удморт» нэмна понтса. Ханты ясhа ки кератlа «Унтъёх». Морт
сит хоят удмуртат ясаhан. Юхутшак «Виль Синь» нэм тайты питас. Сиhанся «Гудыри», «Удмурт коммуна», «Советская Удмуртия», мет юхат, там хатlатан, «Удмурт дунне» сира нэмиты питса. Редакций кусяя рупитаl Зинаида Васильевна Рябинина. Сот таl поорэl яма порыlысэl. Ар мув суh эlты ар хоят ёхтыlыйс. Ям ясаhан ястасайт, ун мойlапатан мойlасайт. Газетайн рупитты ёх, иситы еllы тумтака уlман, нын антом кен веран еllы вераlан. Турам пиlан.
Тами сира постасэl
Геннадий КЕЛЬЧИН потар ханшас, Керан Митры верам хорат
3
№26 (756) Lапат хутмет (суббота), Унщ тыlащ 27-мет хатl 2015-мет таl
Щущие
№18 (51)
Каркам ёшат ант щутщиlат Lуh порайн арпелак энамты няврэмат щутщиlат. Хойтат лагеря щутщиты мантсат, хойтат унантиlаl, унащиlаl хоща курта ман-
Ма энаммем порайн ханты эвет хоlна, ёшан ёнтам, аканьн ёнтсат. Аканьт арсырат уlлиlат: щашкан эlты ёнтам, вуlы сох эlты, нуй эlты, васы нёl па охпатсох эlты, кактулах охпатсох эlты… Хой эвет lув щирlаlан акань версат, хойтат антиlаlан нётсаят. Ма оlаhн антеман этаlтысаям, муй щиран акань ёнтты мосаl. Веlщи верты питмеман каман хорпи ёварэт тыйсат. Щаlта еша утаlтсам. Ин ма щашкан аканят верты щир ханшlам.
Нэ акань. Нэ акань ёнтты ураhан мосаl: хуlам сыр ольпаh щашкан лопсат, вурты сэвам вай верты сохам (вурты
тсат, хойтат - вуlы шавиты ёх няврэмат Кева антиlаl, ащиlаl пиlан мантсат, хойтат - хуl веlты ёх няврэмат, антиlаlа, ащиlаlа Асн
хуl веlты нётlат, хойтат аl ёlан щутщиlат. Щутщиты порайн арщиран пора хайты рахаl: антета, ащета нётты, ёнтты харатан щутщиты,
Акань ёнтlув
lуhатты, ёlаh моlты верты, ищиты рахаl моlты поделка верты. Ин еllы ханшман уl муй па муй щиран верты рахаl.
хам пувтапlа, щи сохма сак картlа, щаlта кимет сэв пелкаlа пувтапlа. Хой lанхаlа, верытаl сэв ай кар щюhкатан ёнтты. Етшам юпиян, охшам хорпи няl щюhаh щашкан лопас эватlа па акань оха понаlтыlа. Нэ акань тыяс.
Ху акань.
антом ки рахаl па хорпи хорам ольпаh сохам), няlъяhкем саксэм, интап, ёнтасты сохам. Оlаhн уlа ай вурты щашкан лопас, яха ёвартlа. Щаlта шоппи, кат пушан морэмиман понlа (щит питаl венш). Тыям поталы ярты охшам иты щашкан лопасан lоматтыlа. Яха ёнтlа, лакки атат манаl. Тыяс акань ох. Щаlта верlа порах. Уlа ищи ай щашкан лопас порах иты эватlа. Порах кат пушан понlа. Кат пелак сыllаl лап ёнтlаят. Ханты аканя ёш ант ётlыlа. Нумпелкаl lухов усан эватlа. Оlаhн верам ох lыпия вортlа. Охаl иl, мосаh кимlы ант ат хатl, порхаl хоща
пувтапlа. Тыяl ох па порах. Щи юпиян иlтаяl ёнтlа. Щашкан лопас иlта иты эватlа, яха ёнтlа. Порхаl хоща яма lэщатlа па щи ёнтlа. Рахаl сапlаl хоща саклак картты па ёнтты. Акань и lаhкар пелакн интап lонщса, мосты хувата сакан акатlа, кимет пелак lаhкаран интпаl lонщlа па сохам муhхалlа. Акань тыяс, туп сэв ант таяl. Сэв верты ураhан сэвам вай верты сохам мосаl. Каматса сохам яха понlа, эlты и ващ сохамн сэв иты ёвартlа. Тыяl ай сэвие. Охтосан верlа. Охтос lойты таха ушатн и сэв пелка со-
Ху акань ёнтты ураhан мосаl: хуlам сыр ольпаh щашкан, интап, ёнтасты сохам. Нэ акань иты ох верlа. Иlта ернас юкана няl щуhпи щашкан лопас уlа, ох хоща ёвартlа, иlта пелкаl утhа ант тыяl, тохи ёнтlа. Иlта пелкаl – понаl муй хувата мосаl шоппи эватlа. Ху акань етшас.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Телефон хошап верlув Там йисан кашаh хоят, куш ун хоят, куш садика яhхты няврэм хоl телефон тайlат. Ин ма ханшlам, муй щиран, туlты рахаl телефон понты хошап верты. Щи ураhан мосаl: кат сыр ольпаh нуй, хорам ольпаh мулине сохам, интап, айм. Оlаhн телефон хоща нуй лопас понылиlа, телефон lоват лопас кат пуш понlа па щи lовата эватlа. Ващ ху лопас тыяс. Щаlта нуен эlты па хор-
пи ольпаh мулине сохам уlа па пуватlа интпа. Нуй лопас кат пушан понlа, и пелак сыlаl хуват оваl пеlа анта шэhк ай ёlан ёнтlа, щаlта сапlа понты хуват сохам хайlа па патэl пеlа кимет сыlаl ёнтlа. Щи юпиян па ольпаh нуй уlа, щи нуй эlты ай ханши лопас эватlа. Щи ханши лопас айяпан нёсытlа па елпи верам хошапа айпlа. Телефон понты хошап тыяс.
Валентина РОХТЫМОВА ханшам потарhан па верам хорат
4
№26 (756) Lапат хутмет (суббота), Унщ тыlащ 27-мет хатl 2015-мет таl
Пиращ ики похат Пиращ ики ус. Хуlам пох тайс. Похlаl ошаhат, юраhат, апраhат. Ипуш ун похаl ким этас, вантаl – курh вой юш. Курh вой хотl пуhаl эlты манмаl. Яма вантсаllы – войl веlщи манмаl. «Иlампа, lув хува ант манас», – ун пох нумасl. Ёхи lоhас па вой веlты актащты питас. – Похие хоlта актащlан? – ащеl инщисаl. – Ант мосаl инщисты, ащи, ма сора ёхи ёхатlам. – Аl мана похие. Ма атам уlам уlмисам, – ащеl ястаl. – Аl мана, ёlан хаща! Ям вер щит эlты ант этаl. – Муй уlмисан, ащи? – ун похаl инщисаl. – Ма уlмеман, наh хар лотан оllан, веншен, сохlан хоl ураhат. Хаща ёlан, похие. Муй щит, олма! Щимащ уlмата ант эваllам, – пох ястас па ким этас. Хот пуhаlн вантам юшl каншсаllы па юш тувман шушмас. Етная йис – хатl иl омпсас, юх тайт ушан ныlа, хун lув кураh войl эlты ёхатсаllы. Пушканаl вой пеlа шаншсаllы па нёl эсlас. Войl мохты иl ракнас, таhха самl эlты хойса. Кураh войl хортаl эlты щах патлама йис. Хоlты таха каншты питас. Хотаl lонщсаllы, нёхи кавартас. Туп нёхеl хонтсаllы, lэты утщияс, lув ещаlтэl пиращ ими этас. Lув lон верты ими хорпи ус – вотм охсохlаl лакки lойсат, веншаl питы, пиращ, lомарэh, уhlаl эlты няl lыям пеhк ныlа, lов карlаlа катра хулэh сохат lуматмаl. – Похие, ма шеhк аматсам, наhен шияlымеман! Ей! Муй lоват ун кураh вой веlмен! Яlап нёхеh пасана ёхатмем! Мосаh наh манэм lапатlэн, щи юпиян манэм хотэнан щутщиты эсаllэн? – Муя ант эсаllэм? Lэтот ар, оlты таха хотэман уятlан. – Наh – ям пох. Щикем ям, хун щимащ няврэмат энамlат!
Яма lэстан, иl оlты питсатан. – Айе, щалиты манэм – пиращ ими ястаl, – наh оlтахаен манэм мии. Ма потам мува ки оllам, потlаям па парlам. Пох тахтэl пиращ ими вощкасlы. – Осам хыр юкана пушканэн куш мии, – па пиращ ими вохаl. Пиращ ики ун пох пушканl па пиращ имия масlы. Lартман муй иса шитам. Туп пох хуllаllы, моlты щащl – матты карты шихартl. Пиращ ими, муй щита верlан? – пиращ ики ун пох уваlтас. – Похие ма оlам сахан пекlамн ки шихартсам. Нёхи пул ант lухаlман ки китапсам, ин сыйоlhем lаварт. Аl паlа, похие, оlа. Пох эвlас па иl вояпса. Аlаhсахат нох верlас, пиращ имеl, уhlаl пелки пуншман, уваl: – Мойпар, евр! Мойпар, евр! Щи пуляh, мохты унт эlты, няlм вой верман, мойпар па евр этсатан. – Наh шэпан ими! Пушканэм сора ты мии! – пох пиращ ими пеlа уваl. Пиращ ими пушканl lувеl вощкасlы. Туп пушканl атаlан шоппи пормаl. – Lон верты ими, наh муй версан? Муя пушканэм шоппи порсэн? – пиращ ики ун пох увас. Мойпар па евр мохты lувеl мощатсаllын па лакки маншсаllын. Хатl хащс. Пиращ ики похhаllаl пиlан ун похаl lаваlаl, туп похаl ёхи ант йиl. Кимет похаl хот эlты ким этас. Ищи кураh вой юш хур шияlас. Ёшн юш кетапсаllы. Юшаl хоlна ант потам, веlщи ки манс. «Хува ант манаl», – кутп пох нумасl. Щаlта сора ёхи хухаlмас. Вой веlты актащты питас. – Хоlта актащlан, похие? – ащеl инщасаl. – Ащи, ма сора ёхlы ёхатlам. – Похие, хуlанта, аl мана! Яйен манас, ёхlы ант ёхтас. Ма па атам уlам вантсам! Ёlан хаща. – Муй хорпи уlам вантсан, ащи, манэм потарты!
– Ма вантсам, муй щиран наh нюламlан эlты ур этаl. – Муй наh потартlан, щимащ уlмата ма ант эваllам, – кутп похl ястас па кураh вой юш хуват шушмас. Пиращ ики ай похаl пиlан ёlан хащас. Lув ат хуват ант оlас, похhаllаl lавlас. Туп катhаllаl ант ёхатсатан. Аlансахат ай похаl па кураh вой юш шияlас. Щах яlап юш. Ай пох сора ёхи lоhас. Пушканаl па нёllаl аlэмас па ким этты утщияс, щи пуlяh ащеl ястаl: – Похие, хоlта актащlан? – Вой веlты манlам. Хотэман пуhаlан инщи кураh вой манмаl. – Щит анта кураh вой юш – щит шэпан верам юш. Яйhаllан мантсатан, ант ёхатсатан. Ям lуlаh ус, наh ант ки щи мантсан, – ащеl ястаl. – Анта ма ищипа lаhхаlаям вантты, муй щимащ емаh кураh вой муh хатэв пуhаlан ипуша шушиlыяl. Хоlна вантlэман, хой юраhшак. – Паllам похие, наh урhенан шеhк самем хошияl! – Нэмаlт ки ант веllам, куш яйlам хоты йисат вантlэм, – ай похаl потартаl. – Манlан ки, мана. Туп хурыманшак уlа. Ай пох кураh вой юш хуват шушмас, кат нюрам манас, туп хуlмет нюраман вояl эlты ёхатсаllы. Энамты няврэм сэмаl ям, ёшlаl юраhат, ипуш пушкан эсlас, вояl мохты иl паятсаllы. Ай пох кураh вояl хортаl, нёхиlаl лакки эваттаl эlты патlама йис. Lув тут аlас, нёхи кавартты моlас. Омасаl, lавlасаl. Омпсас, омпсас, щи пуляh ахоlща lон верты ими хорпи пиращ ими этмас. Охсохlаl вотмат, пеhкlаl lыймат, кутн-кутн па уhlаl эlты кимlы lойlат. (еllы па уl) Валентина РОХТЫМОВА эвен монщ рущ ясаh эlты толмащсаllы
Ямкурт тус ёшаh нэhат сэвам сакпаlат
•Хорат потарlат
Валентина РОХТЫМОВА верам хорhан
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0441 Подписные индексы: на год - 29925, на полугодие - 84611
Газета вышла в свет 27 июня 2015г. Подписано в печать 25 июня 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин