ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №31 (761) Lапат хутмет (суббота), Унтlор тыlащ (август) 1-мет хатl 2015-мет таl
Тынасты сират яма манlат Дмитрий Николаевич Кобылкин, округ губернатор рупата верты кут кеша понам ху, Ямал муван тынасты харатна рупитты ёх емхатlэl пиlан моойlап ясаhан китсаllы. «Тынасты вер – сит мет мосты вер национальный экономика хося, lув ки яма манаl, муh мувеван уlты хоятат яма уlты питlат, яlап юшат, хотат, промышленный объектат оматlайт. Яма рупитты сират – яма рупитты хоятат эlты lойlат. Тынасты-lутты верат антом кенат, lаварт кепа там вера ар хоят саммасьман манаl. Ямална уlты хоятат – лидер-регион lув социальноэкономический вератан оха уl, кашаh таl lутасты ёх аршак па ямшак пормас каншlат па вохlат, lытlат, ванты, тынасты мохет туhа сира ат тынассат, хоятат lув пеlаеl ям номасан ат усат. Lутастотат сит си lув эlтыlаl lайllат, антом туп яма рупитты ураhан ар ох шитсат, мосаl хоlна хоятатан ям номасан ат тайсайт, ям ясаhан ат ястасайт ун онтас вертэl пата. Ма нумастэман, сит си тынасты ёхата ун эваlт ун мойlапса питаl, lув емхатlэlан».
Ямална тынасты па онтасты верат такамаlат «Тынасты вер – ястас моойlап ясаhан, Сергей Николаевич Харючи, Ямало-Ненецкий автономный округ Закондательный собраний куся, – ун отрасль кашаh регион экономика хося. Торговляйн ар хоят рупитаl, ун эlты ун онтас верlат экономика верат нох аlамты тахайн. Ямал мувеван, тынасты па онтастаты (услуга) сират яма па такамаман еl хатlат. Тата рупитlат ар сыр тынасты ёх собственность сиран. Lув округна уlты хоятlува каман хорпи пормас тыныlат па онтас верlат, рупата ант тайм мохет рупатайн маllаl, рупатаеlан экономика па уlапса хося нётlат. Там хатаl кут кутан вантман рупитты сиран мосаl хоlна ямашак рупиттыя. Этаlтаты тыныты пормас ар пелак сахат, яlап тынасты сират канштыя, верты па тыныты пормасат ямат ат усат, ар пормас кут эlты lутты пормас пурыты ат рахас. Атом пормас хой lутlа. Ма уйтlэм, нын утlам вераhат, рупатайн яма уйтlаllан, верlан яма верlаllан. Ситlан си нынан, Ямал мувеван уlты хоятат, хуцы хоlна нохшак аlамlаlан уlмитты па яма уlты сират. Рахми lухсат! Сам хар эlты этты ясаhан ма нынан ястаllам, ойяhа, писяhа, хоlна ямашак, ун онтас хоятата верман рупитаты, туh номас па ям lыпи!»
Тынасты ёх емаh хатаl постасат Ямал мувеван няl сёрс моlтас тынасты хар Хасям lапат, тынасты ёх ун емхатаl постасат. Ар пелак, торговля пеlа lуhтасты хоятаl, рупитсат, па сита моойlап ясаhан ястасайт. Тамхатаl муh округеван lутты пормас кашh таl арашак иl. Торговля, па рупатайт кутан, оха уlты верат кута lоhман уl. Lув пеlайl вантман, рахаl моштаты атма муй яма уlты мувеван уlапса манаl. Яма манты верат кутан, хасям таlатан, рахаl ястаты ар сыр пормас ар lутты вер, тынас харат мохты тыныты пормас иси шимlашак иты питас. Яlаптаl тыlась оlаhмет хатаl унты, там таlан, округеван няl сёрс хуlам сот няльяh тынасты хар рупитас. Ямална воошатна lапка аршак, ай куртат пиlан артаlаман. Мет ар lапка па тынасты хар пуншман уlтаl Ноябрьск воошан – lапатсот ветьяh, Надым районна – сёрс няльяh пеlа вет lапка, ар lапка пуншами, хасям таlан Пулhаватан, Яlап Уренгойн па Приуральский районан. Шук lэтот, шук пормас, карты па сяшкан тыныты lапка пормас тынытыя кат сёрас хуlамсот ветьяh пеlа хут места муh округеван рупитаl. Lэтот тыныты lапка – сёрс хуlамсот ветьяh пеlа lапат (1347), ар сыр пормас тыныты – хутсот ветьяh пеlа lапат (647) lапка. Lапкайт яма рупитты сирэl хоята уlапса эlты ныlа. Мохет яма lуматlыман яhхlат, тынаh маашинайт тайlат, lаськам па хошам хотатан уllат – торговля ёх яма тынасlат ох тайты
хоятат пиlан. Хасям таlан товарооборот хут процентна эllамаl. Хольмаh пеlа хут миллиард соlкува арат пормас тыныман уlмаl. Туняlат сыс, lапкайт уна верты питсайт. Йи lапкая lоhlан па куш муй мосаl сит lута. Тата карты, сяшкан, портун, нянь па вой, нёхи па хуl. Ёшан тайты ох шукен иса паркатэмаlэн. Па муйl атом? Ох тайlан ар мостат lутlан, яма уlты питlан. «ИА «Север-Пресс» эlты уйм потрат КЕРАН Митрына ханты ясhа кератсайт Артём ТЫТЮК мийм па Интернет эlты понам хорhан
2
№31 (761) Lапат хутмет (суббота), Унтlор тыlащ 1-мет хатl 2015-мет таl
Ханты хоятат куртат верты лот мосяттыя яма хошам хоятат усат. Симась тахайт каншlат, хота хуlэн уl, хота вооен уl, хота юхен уl. Каlаhаh-уlэh хоятэн таl урхот па lуh урхот тайс. Си тумпина хоlна артаlаlа товина, хун уl йиhк, хотат атат амарlасайт. Сишна паlшак урамат каншlат. Хантэт ис тэlан хот тэl хоятна усат. Ун пох уна иl, нэhан туlа, вотся хотна оматlа. Асеlна веlпасlаты лотна орlа. Сяlта моса веlпасlаты тахайlаl ермата ки иlат па лотат каншlайт хота хуlаl уl, войl уl. Хув кут тыеl-тохеl ант яhхты ураhан яlап лотан па курт верlа, муй па урхот lонсиlыlа. Ёханат питарна хуl веlман уlам хантэт ис тэlна ар веl-
пасlаты лот тайсат. Товия иl, ас нопатты юпина, lув ас пуhlа касаllат. Сита унсь хуl веllат. Уlты ураhна мосаl хот оматтыя. Lув lуh хот оматlат. Тухаl хотат аhкаl эlты оматlат, тухаl хотат мохты мув эlты. Мува оматты хотат сорашак lыйlат. Ванты, иlта сохаllаl йиhкна пошlайт, сорты кумаl антом, айнайна ситы си lыйlат. Сишна хот хувшак верыттаl ураhна аhкаl lоhlа
Катра хотат
оматтыя ямшак. Катра, сохаl эватты карты антом ус. Сишна унтна юх эватlа. Паварт сирна мосты тахая туlа. Си-
hанся, павартат катна-хуlма халытlайт па йи куlат сохlа воhхlайт. Lуh хот кеша павартlаl ухlашак воhхlайт, таl хот ураhна куlашак. Сохаllаl йи пелак пуhаllаl юся воhхlайт, кимет пелакlаl хорайн караlаlайт. Си юпина хот ирlаl си понты питlайт. Хот сюh сохаl оlаhlаl сохlа шуйтlа. Хот lоhаl сохlат иlта оlаhlаl понты тахая ёхаттына, йи паlатна тосат – сыпсэт понты пит-
lайт. Ун хот ки вет понlа, айшак хот ки хуlам тос. Кутап сыпсы оlhhан хуватаh лакна караlаlайhан. Хот няlмат шомайн хотъов ус верlа. Хотъов ус кат пелкаl овнухал оlаhан хося кат аhкаlна lонсьlайтан. Си порайн хот ир сохlат катна ант манlат. Сяlта хот няlмат сохlат понты питlайт. Няlматаl кат пелак эваlт нохlы сира тосhанна катаllа. Си юпина кат няlмат хуватаl сира тосатна па катаllа. Си тосат шоппи хотlоhаl сохаlна лап понlа. Ов шаш пелак пеlа щёхал лот верlа, хотlоhlаl усаhа хайlа, щёхал тур lонсьтыя. Хотlоhаl сохlат эlты тунтына лакlайт па эlты сохаlна сэкlайт. Си хотlоhаl етшас. Сиhанся, хот ут пелак норына верlа. Таl хот щёхалаh. Lуhхот иси оматlа, туп щёхал юкана хот кутапна ратхар. Норэhhан, урхот иты, ратхар кат пелка верlайhан. Катра таhха, картlуhк антом ураhна, хотат картlуhк такlы омтыlысайт. Моса па хантыlув си морт тусат усат хот оматтыя. Уlты хот омат-
Уlты муван шавияlн Lуh кутпа щи йис. Хащам хатlатан арпелак хоятат кум шиттэl порайн унта яhхиlыlат. Мурах пошас па мурах вонщlат, толах акатlат. Пеlhа хоща вер ант тайман, пеlhа портунна ямас нёсытыман. Кашаh вош пуhаlан, ар мир уlты тахайна антом иса сыстам хоты, lуlн, lаhхаса. Ванты, арпелак вошаh хоятат щутщаты хатlатан нёхи шарытты па вуна йинщты унта яhхиlыlат. Ямас йинщтэl юпийн нампарlаl щиты хайlаllаl: кевананат, lэтот поныlыйм анат, нэпек хират… Яха, таhха, акатты па тута-ки тута аlты муй па патан ёхlы туты па
вошан нампар поныlыты хошапа понты ант рахаl? Мет ям-ки тутна ёсты отат тута аlтыя. Ванты, вош эlты нампар унта тутлиты тахая хонна ант ёхаттэнна машинайт эlты рыйм нампар иса тэlыя. Нэпек хират па турамсот щашкан пелкат юхата тахращмеl. Ищипа «Яlап таl» lуh кутапна. Вош эlты нампар таllыты таха пеlа вантты хорпи антом. Муй ураhна уllат муh кущайlув? Ант рахаl хун щи таха ямас ертэпатан вертыя па эlты моlты хотlоhаlан. Щи порайна, lуlн, так вотан щи нампрат еl ант ховисайт. Халейна, ворhаятна па турам-
ты юпина lопасат оматlайт, юхи урхотат, нырат lонсьlайт. Ухlат шавиты ураhна ерт йиhк эваlт сайт верlайт. Нампры пай лот lэсятlа. Си ай куртыи етшас. Сиhанся, воой такlы хун уllа. Lоов тайты хууен lоов хот оматаl, мус тайты хоятэн мус хот оматаl. Куртаh хоят амп такlы па ант уl. Амп сит мосты воой. Хот шавийl, воой веlты нётаl, ухlа кирlа, хоят эlты хасьты lэтот шук lэl. Мус хотат, lоов хотат йи сира оматlайт – паварт эlты, lоhаllаlан торн понlа сопаса. Воой хося тайты пормас шавиты сира иси моlты хорпи lопас верlа. Сита торан сэварты картэт, торан кушты куншат, хомутат, дугайт, кирсты кеlат. Каамн оlты пормас муя иl? Мосты вооен, мосты пормасэн уlтаlан, номп-
сэн таlаh, уlапсаен ям. Яма уlты вер турам аl хун раканаl, шеhк такан нёхты мосаl, си порайн туп моlты этаl. Тамась куртна уlты ям. Нэмаlты наhен сый торас антом. Мувиен таlаh, йиhкиен сыстам. Ваншиен тахты эlты нюки вайн яhхты lэпат. Хоят lыпеl сыстам па веськат, турам пиlан уl. Ма ин сит эlты ханшlам па тохи си lытlайм манты па уlты. Lукашаl, ат уl. КЕРАН Митры потар ханшас АЙХОП Павель верам хорат
сот lэhкратна щи таха иса тэl уllа. Щутщаты тахаятна арпелак, нумастэман, щит па мув эlты ёхтыlыты ох шитты отат апарlаlат. Тата уlты хоятат ищипа нумасlат щит lув мувеl, па еllы lув няврэмlаlа там мувна уlты мосаl. Кушкепа lуh порайна вонщамота па толха яhхтыя, умащ унт lыпия lаlты lоhтытыя. Унта яhхты порайн ант мосаl нэмаlты нампар шук хайтыя. Ванты, па ишна па щи унта lоhlан. Lоhтэн порайн па вантты атом хун щита моlты нампар уl. Самlув па lыпиlув амтатлиты ураhан унтыев шавиты мосаl! Аллина ТОЯРОВА
ханшам потар
3
№31 (761) Lапат хутмет (суббота), Унтlор тыlащ 1-мет хатl 2015-мет таl
Порядок проведения Конкурса на присуждение премий в области фольклорной деятельности коренных малочисленных народов Севера в Ямало-Ненецком автономном округе в 2015 году I. Общие положения 1.1. Настоящий порядок определяет механизм проведения окружного конкурса на присуждение премий в области фольклорной деятельности коренных малочисленных народов Севера Ямало-Ненецкого автономного округа (далее – Конкурс, присуждение премий) департаментом по делам коренных малочисленных народов Севера Ямало-Ненецкого автономного округа (далее – департамент, автономный округ) с целью сохранения и развития фольклорной деятельности коренных малочисленных народов Севера в автономном округе. 1. 2. В Конкурсе могут принять участие физические лица, имеющие заслуги в области сохранения, сбора образцов и передаче подрастающему поколению фольклора коренных малочисленных народов Севера автономного округа. II. Присуждение премий физическим лицам 2.1. Физическим лицам предусмотрено присуждение 6 (шесть) специальных премий в размере по 25 000 (двадцать пять тысяч) рублей каждая. 2.2. Премирование физических лиц предусмотрено в следующих номинациях: 2.2.1. «Душа народов Ямала» - номинация, присуждаемая физическому лицу, мастеру фольклорного жанра за особые заслуги по сохранению, сбору образцов, развитию и передаче подрастающему поколению фольклора коренных малочисленных народов Севера автономного округа, отражающих этническую идентичность и культурную самобытность указанных народов. Подноминации: «Культурное наследие народа ханты»; «Культурное наследие народа ненцы»; «Культурное наследие народа селькупы». 2.2.2. «Семья народов Ямала» - номинация, присуждаемая физическим лицам, находящимся в родственных отношениях, где внутриличностные отношения складываются на основе формирования, развития и передачи от поколения к поколению традиционных, семейных ценностей (знаний), представленных в различных формах (жанрах) фольклора. Подноминации: «Семья народа ханты»; «Семья народа ненцы»; «Семья народа селькупы». 2.3. Принятие решения о присуждении премии принимается Экспертным советом в области фольклора коренных малочисленных народов Севера Ямало-Ненецкого автономного округа (далее – Экспертный совет). 2.4. В целях определения получателей премий в номинациях «Душа народов Ямала» и «Семья народов Ямала», Экспертный Совет руководствуется следующими критериями: - оригинальность подачи материала – от 1 до 5 баллов; - наличие дипломов и грамот за участие в мероприятиях: участие в конкурсном мероприятии регионального уровня - 3 балла, участие в конкурсном мероприятии межрегионального или международного уровня – 5 баллов; - наличие дипломов и грамот победителя конкурса: в мероприятии регионального уровня - 3 балла, в мероприятии межрегионального или международного уровня - 5 баллов; - достижения воспитанников (детей, участников творческого коллектива и т.д.), подтвержденные наличием дипломов и грамот за победу и участие в мероприятиях различного уровня за сохранение и пропаганду культурного наследия коренных малочисленных народов Севера автономного округа – от 0 до 5 баллов; - наличие материалов, свидетельствующих об общественном признании (копии отзывов в средствах массовой информации, аннотации и рецензии на произведения и др.) менее трех отзывов - 3 балла, более трех отзывов - 5 баллов; - наличие публикаций, проектов, творческих разработок, программ: менее трех публикаций - 3 балла, более трех публикаций - 5 баллов; - наличие видеозаписей (презентации) - 5 баллов; - наличие фотоматериалов - 5 баллов. 2.5. Получателями премий являются кандидаты, набравшие наибольшее количество баллов. III. Порядок выдвижения кандидатов на присуждение премий 3.1. Выдвижение кандидатов на присуждение премий в области фольклорной деятельности осуществляют исполнительные органы государственной власти автономного округа, органы местного самоуправления муниципальных образований в автономном округе, государственные и муниципальные учреждения культуры и искусства автономного округа, творческие союзы, общественные объединения, действующие на территории автономного округа.
Емельян Кириллович Куртямов Емельян Кириллович Утвошкуртан уl. Овкуртна иси хот тайl. Уlмаl хуват тасян рупитас, ин нык хасяс. Lув ханты мир монсят монсьты тус, ханты ёх емхатlат поорыlыты писят яма уйтlаllы. Йис мохиlув тайм верат шавиты ики. Хота кепа хантэт актасьlат поорыlыты муй па йирасты lув исипа тохи вохlа. Емельян Кириллович ант кашасьты сир ант тайl. Кашасьтаl юпийн вер хоты мосаl верты – ситы верlаllы. Ма сирэман, lув нэпекlаl туhа сира lэсятты сир ки тайс мастер фольклорного жанра нэм куш ин шитас.
3.2. Для участия в Конкурсе на присуждение премий необходимо направить в департамент заполненную заявку с приложением документов и материалов согласно Приложению к настоящему Порядку. 3.3. Заявки регистрируются специалистом департамента, ответственным за прием документов, в день их поступления. Зарегистрированные в установленном порядке заявки с приложенными к ним документами передаются уполномоченным органом секретарю совета в день регистрации. IV. Порядок и сроки принятия заявок 4.1. Срок принятия заявок на участие в Конкурсе на присуждение премий в области фольклорной деятельности коренных малочисленных народов Севера автономного округа осуществляется с 20 августа по 19 октября 2015 года. Материалы необходимо направлять по адресу: 629008, ЯмалоНенецкий автономный округ, г.Салехард, ул. Гаврюшина, д.17, департамент по делам коренных малочисленных народов Севера ЯмалоНенецкого автономного округа. Контактные телефоны: 8 (34922) 2-2796 – приемная, 2-27-99, 3-10-16 (Вальгамова Галина Константиновна). 4.2. Рассмотрение заявок и подведение итогов Конкурса на присуждение премий производится Экспертным советом не позднее 30 рабочих дней с даты окончания приема заявок. 4.3. Информация об итогах Конкурса публикуется в окружных средствах массовой информации и на официальном сайте департамента www.dkmns.ru в течение 15 дней со дня подведения итогов Конкурса. Заявка на участие в конкурсе на присуждение премии за деятельность по сохранению, сбору образцов и передаче подрастающему поколению фольклора коренных малочисленных народов Севера в Ямало-Ненецком автономном округе 1.__________________________________________________________________ (полное наименование юридического лица - заявителя с указанием организационно-правовой формы) направляет заявку с пакетом необходимых документов на кандидата для участия в конкурсе на присуждение премии в области фольклорной деятельности коренных малочисленных народов Севера Ямало-Ненецкого автономного округа в номинации: _________________________________________________________________________ (наименование номинации) в подноминации:____________________________________________ (наименование подноминации) 2. Ф.И.О. кандидата ____________________________________________ (Ф.И.О., должность, контактные телефоны, факс, _________________________________________________________________________ почтовый адрес, Е-mail) _________________________________________________________________________ 3. К заявке прилагаются следующие материалы на кандидата на присуждение премии: 1) ходатайство на выдвигаемого кандидата; 2) характеристика на выдвигаемого кандидата; 3) копия паспорта; 4) согласие на обработку персональных данных; 5) копии документов: - копии дипломов и грамот кандидата за последние 5 лет; - документа, подтверждающего наличие у кандидата на присуждение премии банковского счета с указанием реквизитов этого счета для перечисления денежных средств (с отметкой кредитной организации); 6) материалы, свидетельствующие об общественном признании кандидата на присуждение премии (копии отзывов в средствах массовой информации, аннотации и рецензии на произведения и т.д.); 7) информация о перечне документов, приложенных к заявке (публикации, проекты, творческие разработки, программы, видеозаписи, фотоматериалы и т.д.) 8) иные документы: ______________________________________________ _____________________________________________________________________________________________________________________________________________________________________________________________________________________________________________________________ ____________________________________________________________________________________________________________________________________ Достоверность представленной информации гарантирую. Руководитель организации _________________ (подпись)
/___________________/ (расшифровка)
Печать юридического лица
Григорий Иванович Толба Григорий Иванович Питта куртаh Кунават ёхан ики. Таllаl нийl сот таlат кема ванамаст. Там питам порайн, ханты ёх кутан lув lампайl ики антом. Там мосванан, Ханты Мушина мохет Якхот якты актасисат. Григорий Иванович си веран мет оха ус. Каман ар, каман lоhаlтап, каман як – хоl Григорий Ивановична уйтlайт. Моlхашак lув хосяйl арlаl ханштыя яhхсам. «Хуlам сот моlтас ар, – ястаl, – тайlам, иса нумlаllам. Ханшlаllан ки муйl атом, арlам хайты хоятэм антом. Таllам па ара исат». Тамась икет си мосlат мастер нэман нэмиттыя.
Геннадий КЕЛЬЧИН ханшас па хор верас
4
№31 (761) Lапат хутмет (суббота), Унтlор тыlащ 1-мет хатl 2015-мет таl
Тус ясаh - тус потар
Хуlам мень (Ханты мир монщ) Ай Lэв ёханан имеhан-икеhан усhан. Пох тайсаhан. Хоl, хой Ай Lэв ёханан уl, – питы воой па вурты воой веlпасlаты ёх. Похиеl энмас па ищи веlпасlаты питас. Ипуш lэты омассат. Ин ими потраl питщасlы: – Ике, мин пирщаматы питсайман. Похеман уна йис па веlпасlаты питас, унтат хуват яhхтыя, ёханат хуват яhхтыя. Имийн туты мосаl. Ики ястаl: – Там мувеван туhа щира нэ антом. Наh уйтlэн, муh хоятат яhхиlыты юш пуhаlан уllув, муh хощаев нумаlта манты хоятат па намаlта манты хоятат хойlыlат. Ям моойh хоят ёхатаl па, атом мень пут каварты ант верытаl, туhа щира шайн йинщlтаты ант верытаl. Ма щиты нумасlам: Шаншвоошан йи вос хуу уl, lув эви тайl. Lув эвеl меня вуlэман. – Яна, щиты щи верlэман, – имеl ястаl. Хоты ястасhан, щиты щи версаhан. Шаншвооша яhхсаhан, вос хуу эви lув хотэlа тусhан. Ёхи ёхатсат па еllы уlмитты питсат. Вос хуу эви lэтот кавараl, йинщтот кавараl. Хув муй ван щиты усат, хатаl кутап юпийн ин ики меняl пеlа ястаl: – Мение, вос хуу ики эвие, юх эlты lуlн пут манэм версан. Вос хуу эви нумасты питас: муй хорпи юх пут, па муй щирн вертыя? Ики опсас-опсас па ястаl: – Мение, вос хуу ики эвие, хуllэн муй антом? Юх пут манэм вера. Меняl, вос хуу эви, ястаl: – Хоlща манэм уятты, хотсат щи юх
пут верlа? Ин ики ликаl ёхтас, нох навармас па ястаl: – Ант мосаl манэм щимащ мень, нэмоlты верты ант хошты от! Меняl еl нюхаlсаllы, вос хуу ики эви. Па еllы хуlам хоят уlты питсат. Амуй хув усат, амуй ван усат, па lэты омассат. Ийими lэты пуляh па потарты питас: – Мата пора унты похев щиты яhхты питаl? Муh еша уlты иса пирщамаlаюв, имийн мосаl каншты. Ийикеl ястаl: – Атом от вуlан – муя йиl? Вос хуу эви вуйlысув, вос хуу эви туhа щира уlты ант хошаl. Ма нумасlам, меня мосаl воошаh пояр ики эви вуты. Па Шаншвооша матсат, пояр ики эви меня вусат. Ёхи ёхатсат, еllы уlмитты питсат. Пояр ики эви lэтот кавартаl, йинщтот кавартаl. Амуй хув щиты усат, амуй ван щиты усат, ипуш ин ики ястаl: – Мение, пояр ики эвие, манэм юх пут вера. Пояр ики эви нумасты питас: хотсат юх пут вертыя? Ики омпсас-омпсас па ястаl: – Мение, пояр ики эвие, ма наhен ханты ясаhан ястаlам, манэм юх пут вера. – Па хоlща манэм уятты, хотсат щи юх пут вертыя? Ин ики нох навармас па ястаl: – Манэм щимащ мень ант мосаl, нэмоlты хошты ант верытаl! Меняl, пояр ики эви еl нюхаlсаllы. Щи вуш эlты амуй хув усат, амуй ван усат, ипуш ими ийикеlа ястаl: – Хоты сахат, ийике, мата вуш унты
похев нэhlы яhхты питаl? Мин антома йиlман, – хотсат lув атэl уlты питаl? Ики ястаl: – Ийими, хоты lаhхаlайн, ма туп па ант уйтlэм, хойтэв меня вутыя. Вос хуу эви тутlысув, яха ант рахсаhан, пояр ики эви тутlысув, ищи яха ант уlмитсаhан. Ийимеl ястаl: – Ант мосаl муhев тащаh нэ канштыя. Тата, муh хощаев, ёхан питаран, шукаlт эвие уl. Ики ястаl: – Хоты lаhхаlайн, щиты ат уl. – Lаhхаlайт-ки еllы яма уlтыя, щиты щи уlты питlат, – ийимеl ястаl. Потарсаhан, нумассаhан, похан вохсаhан. – Похие, – аhкеl ястаl, – муh па нумассаман па нэhан наhен туты вутщиlэман. Ин муh куртэв эlты мень вуlув. Хоты наhен шукаlт, ампар хоща манты юш пуhаlан, ёхан питаран уlты эви? – Нын ямашак уйтlаllан, хоты сахат аhкиlы-ащиlы от пиlан уlты питlаты. Аhкеl яhхас, эвие пиlан потрэмас, – па сора поры lэса-йинщса. Поры lэса-йинщса па еllы уlмитты питсат. Эвие lэтот кавараl, йинщтот сопасlаl. Амуй хув щиты усат, амуй ван щиты усат, ипуш ики lэвмаl юпийн норыя омпсас па ястаl: – Мение-эвие, манэм юх пут вера. Меняl нох навармас, осам хираl иlта пелак эlты трупкайl шары хираl пиlан аlэмас, па утпаlа масlы. Ин ики шараl таlаl. Трупкайl таlсаllы па ястаl: – Мение-эвие, кашаh пуш номпсаh па мутраяh уlа. Ийикен пиlан нэмоlты порайн lэтотан ант хоlаl, йинщты отан ант ат хоlаl. (Еllы па уl) Аллина ТОЯРОВА ханты ясhа толмащсаllы «Хантыйские сказки» нэпек эlты
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Саран ёх ампарат Ястаlат, тась lув сираlан ант акматаl. Хоята мостаl яма уlтыя, ар рупиттыя. Си порайн моlты шитlа. Тухаl хоятэн аhки-аси, аки-сяси эlты эhкурап пормасан, тайтотан хасьlа. Ситат мосlат туhа сира шавиты, lэваса ант уштаты, ант шукатты па ант паратты. Еlпи шитам отэн эlты па айкеман рупит-
•Хорат потарlат
ман, па шитты, па шавиты. Тухаl пормасэн такlы исимет таl ёшан хасьтэн хорпи. Яlпа верlан, муйпа яlпа lутlан сита lавартат шитам охен па мосаl матыя пормаc тын сахат. Яма ки шависэн, ант шукатсэн, ант ки тапаlсэн, охен, lуlн ант мосас паркатэматы. Катра тэlан, тарамшак хоятат шитам от шавиты хошсат. Кашh хоят lув яра пормасаl тайс, пуhаlта ант вохиlыйс. Шитом от шавитыя нэман хотат верыlысайт-омтыlысайт. Ампарата йи пуш, кат пуш таймтыты пормаст поныlысайт. Ханты ёх пормас шавиты шеhк хошсат. Муh па ин тата саран ёх ампар хорат нынан ванттыя поныlыlув. КЕРАН Митры ханшам потар шупие АЙХОП Павель верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0569 Подписные индексы: на год - 29925, на полугодие - 84611
Газета вышла в свет 1 августа 2015г. Подписано в печать 30 июля 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин