ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №33 (711) Lапат хутмет (суббота), Унтlор тыlащ (август) 16-мет хатl 2014-мет таl
Шошия уlты ёх емаh хатlэl постасат Мир хуват шоши муваh хоятlаl шимlаh мират сайlаты ураhан емаh хатl постоман уl. Ям хуван Пулhавт воошевн ассоциаций «Ямал – потомкам!» ищи щи емаh хатl постыты питсаllы. Округевн уlты шоши мир иса шошия уlты ёха lуhатlа, куш наh ур ёх вуя, куш ханты мир, куш селькуп мир. Россия хон мувевн щимащ шимаl шоши мир няльяhкем уl. Емаh хатl постыты хоятат Горнокнязевск курта вохиlысайт, Природно-этнографический комплексан емаh хатl постыты хар lарпитыlыса. Мояh хоятат иса хорамаh шоши мир тайты сохан емаh хатlа ёхтыlысат, щи эlты емаh хатl постыты хар щи хорамаhа вантасас:
муй хорпи хорам сох щата туп антом ус! Мояh хоятат шеhк ар амат тайсат – щит lый емаh хатlэl уlмаl, lый ищи воlаh ёх уlмеl, lый па ёра емаh хатl таймеl. Хоятат lый кутэlн потрэмасат, няхкаш потрат иса щащсат. Мояh хоятата ям ясhат ястаты, мойlопсайт па ишакты нэпекат маты па кущайlав ёхтыlысат. Lый кутэlн Законодательный собраний куща ху Сергей Николаевич Харючи ус, Пулhавт воош администраций эlты Иван Васильевич Ламдо хоятата мойlопса орман ус, шоши мир департамент куща lаhкар ху Эдуард Хабэчевич Яунгад мояh хоятата ям ясhат ястыlыйс, мойlопса ортас, «Россия вуlы ёх союз» эlты Леонид Ивано-
вич Худи, шоши муваh хоятlаl шимlаh мират ассоциаций «Ямалпотомкам!» куща ху Эдман Хасевтевич Неркаги па мояh хоятата умащ ясhат ястас па ишакты нэпекат ортас, Светлана Падровна Хороля эномты няврэмат пилн («Ямал-потомкам!») рупитты нэ па вуща ясаh ястас. Хой ар нётопса вераl щит ураhан – шоши мир ёхат па мир ёх кутн ищи и lаhкарн ат lойlат, моlты ун верlаl па ай верlаl нопсаhа ат верlаllаl – мойlопсайт па ишакты нэпекат вусат. Lый кутэlн ханты хоятат па усат, щит Валерий Федорович Елескин, Зинаида Викторовна Лонгортова, Надежда Николаевна Конева, Антонина Константиновна
Выставка хар
Ясаh тайl Степан Куртямов Ануфриева, Маргарита Петровна Батютенко, Нина Прокорьевна Максарова па па хоятат. Ишакты нэпекат па мойlопсайт ортом юпийн хоятат нях-каш вантсат. Хабэча Хываревич Яунгад ур ёх йис арl тувемийс, Владислав Озелов па Валентин Вальгамов яксатан па арыстан. Щи юпийн няврэмат ёнтата па па кашата хущиlысайт. Сувениратан тынасты хоятат усат, выставкайт верыlысайт, Зинаида Викторовна Лонгортова, «Хушавт» община куща нэ, нэhат тонты эlты сунат верты па утаlтасlы. Мояh хоятат ураhан па хуl кавартыса, поорыlыты пасанан lэщатысайт. Хатl па щи умащ ус, ерт антом, ай вот ру-
Айl-унаl ёхтас вие туп щащас, ерта туп хатl юпийн ювантыйс. Туром Ащев щи эlты, аl мунтыки, ястыlыйс: верlын иса туhа верlаllын, Ямал шоши муваh хоятlаl шимlаh мират еllы па яма ат уllат, уlопсайl яма ат lэщатlаllы, па хоятата нётопса па ат вераl. Хатl кутоп юпийн хоятат воош
пеlа манты актащты питсат. Номасlаl воllы туhа lойсат, lый шоши емаh хатlэl постасэl, па таlаhа еllы уlты номасlаl потсаllаl. Нови Турам lоватан шошеh муваh мир хоlна ар уl. Lувиlаl нумаlматыя там хатl си ястаман уllа. Ханшас па хорlаl версаllы Надежда КОНЕВА
2
№33 (711) Lапат хутмет (суббота), Унтлор тыlащ 16-мет хатl 2014-мет таl
Касlаптыты ашкуlа (Оlаh шупаl №32 lуhтаlан)
Там верат туhапты ураhан, округ образований департамент, ям номас куш таlаhа верты ус – хоятlаl шимlаh мират няврэмат, муй кеман хувшак верытlа, си кеман мосаl аh-ки-аси леп тайты па энмаlты. Аси-lаl-анкиlаl хошты верата, аhкиlаl-асиlаl уlты сира у т а l т а т ы я . Няврэмlаl ат вантlат – lув уlты сирэl иси нэш ям, иси нэш умась,
ойh па писяh. Еllы ки, и тамиты, русь сиран, хоятlаl шимlаh няврэмат уlты питlат, Овс муван ротая уlты хоятат уlапса верытаl хурlатыя. Хуцы муh хар нюурам муван уlы тасят ант шияlаlув, урхотат-уlы хотат lосьты ант хошты питlув. Унт эlты воой ант туlув, йиhк эlты хуl ант веllув. Хошам молщаhан ант яhхты питlув, хорам сахан ант карыlув. Таlта еllы,
хоятlаl шимlаh мират уlапса еllы ки номас тайlув тутыя мосаl няврэм яслет урхотат хося тайтыя, уншак няврэмат ураhан садикат пунштыя. Сяlта па lапат таl lовата ювам няврэмат утаlтатыя малокомплектный ашкуlа-йн няlмет муй па вет мет класс унты. Си юпийн няврэм нопсаl такамаl, кураl-ёшаl lоватlа, ошаhа иl, уйтты питlаllы хотсат еllы уlтыя. Моса нопсаl питаl
аhки-аси сиран еllы уlтыя, моса нопсаl питаl русь уlапса вана утыя. Сит lув куся. Кашh пелак, ванты, онтас вераl, няврэм номас ант шуукатты ураhан. Русят ох маlат, хоятlаl шимlаh мират няврэмlаl lувиlаl мосты сира утаlтаllаl уlтыя. Вроде, иса куш ям. Хой уятаl, хуцы время этаlтаl. КЕРАН Митры ханшам потар АЙХОП Павель верам хорат
Потар верты актасийм
хоятат
Г.В. Лымар касlаптыты ашкуlа верты самаh ху
Уlы хотан няврэмат lэсятыты эвиет
утаlтаты
Потартам порайн
Ханты нэhат шек хорам сох тайlат. Метшик хорамаhа нэ вантасал, хун оха хорам охшам lумтыlыйl па хорам сакаh па картэh хорамат поныlыйl. Ин муh оха понылыты хорамат эlты потар туlув. Интернет эlты и нэпек вусом, аяllа «Накос-
ные украшения у сибирских народов», И.И.Клюева па Е.А. Михайлова ханшман. Ин щит ма рут ясhема тоlмащlэм. Этнографат охсоха сэвиlыты па тахартаты хорамат эlты кашаhа потартlат. Куш муй мир хоят вуя, йис эlты щимащ
хорамат анта туп охсох яма lэщатты ураhан оха поныlысайт, йисн хоятат щиты нумассат (па муh ин там унты ищи щиты нумасlув): хоят охсох па хоят lыl и яха lойман уllат, хоят lыl хоят охсохн па уl. Щимащ номас катаlман, этнографат
Аида Пугорчина верам хор
Сэваh нэ ухаlна манаl
метшик самаhа ох хорапты пормасат эlты потарlаl туllаl. Щи номсат еllы туты ураhан Петр Великий нэмпи антропология па этнография Академии наук СССР музей хоща сот па хольмаh пеlа вет оха поныlыты хорамат вантыlысайт па артыlысайт, щи эlты моlты нэпекат щаlта ханшсайт. Щи хорамат кутн хутьяh моlтас сэвата поныlыты хорам пормас Южный Сибирьн уlом па уlты хоятат тайсат па тухlат ин там унты тайlат. Щи
номса поном вер туhашик lэщатты ураhан хонна Государственный этнография СССР хоща уlом хоятат музей хоща яртсот пела вет щимащ сэв хорамат па шавиlайт. Мет ар щата якутат, тувинцат, бурятат па нганасанат ох хорамат алиlыты понман уllат. Музейн уlты сэв хорамат хув эlты акатты питомат па ин там унты коллекцияя па моlты яlоп пормас иса поныlыlа. Щи эlты тата ястаты мосаl – щимащ ох хорамат аlаh йис порайт эlты нэhат хонна
Книга эlты уйм хор
Ханты нэ сэва сэвты хорамат
Тамась сэват иси усат сэва сэвиlысат. Тухаl тахаятн ин там унты хонна нэhат хорамат оха сэвиlыlат. В. Горбачева ясаh щирн, ин там порайн ай няврэм lаваlты па энмаlты коряк-нэhиет хонна йис ох хорамат сэва сэвиlыlат. (Еllы 3 лопасан луhтаlан)
3 Ханты нэ сэва сэвты хорамат
Сэваh акань
lэщатымеl, щи эlты Н.В. Лукина книгаялн «Формирование материальной культуры хантов» ханшаl: «Ай эвет 12,13 таl эlты сэвн сэвиlысайт. Имет па охпатlаlн охсохаl нох lортыlысайт, ёлх каншман. Охсохат сэва актыlысайт па паl пуляhа сэв сэвты еlпийн ош пун кеl сэва поныlысат па сэвhан щаlта и сэва поныlысайтан. Сэв оlаhан хуlом сак росы ве-рыlыса па тохи моlты карты хорам тахартман па ус». Салым ёханан катра порайн имет сэвlаl сэм пуляh сэвиlысlаl, щаlта сапl унты ёхатlат па и сэва поныlыслал. Тухаl уна пелка ювом имет па охсохlаl ант па сэвиlысlаl. Пим ёханаh ханты эвет па щимащ сэв эlты хорам охтос поныlысат, сакн па похална хорамтысэl, сак кеlатн па карты кеlатн оlаhлаl яха ярыlысlаl. Щимащ, оха
понты сэв шеhк хорамаhа вантасаl. Муй эlты и пуш па ястаты мосаl. Западный Сибирь нэhат иса охсохlаl кат сэва сэвиlысlаl.Ох хорамтаты хорамат кат щирн вантты рахаl: Овс мув нэhат тайты сэват па ным мувн оха поныlыты хорамат. Овс муват пеlа картэh сэват имет сэвиlыlат. Ханты икет па сэват тайсат. Овс мув пеlа охсохат, яха акатман, ош пун кеl юрн сэва ёвартыlа. Сэва ар карты лыпат, карты ох понтlа, сак шимаl. Ным мув нэhат па сэв хорамlаl иса сакан хорап-
Аида Пугорчина верам хор
И нэ туп сэваh
Аида Пугорчина верам хор
Сэваh нэ lохан нёхапаl
хорам иlта оlhаl па сэв эlты хувашик lойс. Щаlта, ох сэвты порайн, паl пуляhа па охсоха кеlат юрн щи хорам сэвиlыса. Ох хорам илта па карты хораматн ярыlыса, па порайн хорамаh ошпун сохм эlты вером оlhатн па хорамтысайт. Порайн охсох хорам курhан lый кутэнын сак кеlатн яха ярыlысайт. Щимащ охсох хорам Государственный музей Этнографии хоща ин уlтаl. Щи сэв илпийн нэпекшук lэщатман уl, хота ханшман ул, хоты сэв сэвиlыса.: паl пуляhа щи хорам охсоха сэвиlыйм, кат сэвкурhан яха ярты сэвкеl па меваl пелакн оlмал. Ным мув хантыlув па щимащ ох сох хорамат таймеl, муй щир кеты имет оха сэвиlымеl. Ващ, лента хорпи щашкан пелак иса сакан хорамаhа ёнтман уllа, иllы па ищи сак росэт lойlат. Хоты хатl нох этты пелакн ханты эвет па имет охсохlаl катра
Аида Пугорчина верам хор
Щи эlты тата ястаты рахаl, нэhат щит ураhан щимащ хорамат ин там унты тайlат – няврэмlаl па lый щи хораматн ат шависайт, lыеl ой па щунь ат масат. Рущ ясаhан щимащ оха сэвиlыты хорамат ар щира айlтыlайт: «накосник», «косоплетка», «косник», «ложная коса». Овс мув хантэт па ястаlат «картэh сэв». Щимащ картэh сэват нэhат иса оха сэвиlысlаl: ай эвиета хуlом-няl таl эlты, нэhат па уна пелка ювом имет иса сэв тайсат. Хатl нох этты пелак пеlа ханты нэhат па щимащ картэh сэват сэвиlысат. Щата ху хоятат па щимащ сэват таймеl. Там тоlмащты нэпекемн сэв сэвты щир щиты этнографатан ханшман уl: «Охсох охн кат пелка куншиlыlа, паlт пуляh яха акатlа па сэв кеl пиlн охсохат яха ярlайт – хорамаh ош пун эlты сэвом кеlатн. Карты сэв кутопан ох тос понман ус, элты
лув нуйн лап ёнтыlыса, вет патр ох похал ох тоса поныlыса, йирlаl па сакан хорамтысайт». Хун ху хоят сэв сэвиlыйс, охсох оlаhlаl сэв хоща иllы ант lойсат, ёхlы ярман усат, щит ураhан сэваl анта хув ус: паllаl эlты еша иllышик lойс. Ным мув ханты lув ищи кат сэв сэвиlысат. Щимащ lаварт карты сэв (хуlомкем киlа lавартан) охсоха ант сэвиlысат. Ох хорамlаl кеншик усат, охсоха сэвты хорам сак эlты сэвиlыса па верыlыса (сак щашкан лента эlты хорамаhа, ханшаhа ёнтыlыса), иlн па еша хорам картэт, lыптат ярыlысайт, карты lыптат па карты ох тухаl хорамат век ант тайсат, хорама каlытом ош пун эlты па сак эlты росэт верыlысайт. Сэв хорамат, лента иты, сак эlты картман усат па, порайн, вась щашкан лента эlты сакн хорамаhа ханшийн ёнтыlысайт. Симась хорам кеlн нумн охсоха сэвиlыса,
Аида Пугорчина верам хор
(Оlhаl 2 лопасан lуhтаlан)
Аида Пугорчина верам хор
№33 (711) Lапат хутмет (суббота), Унтлор тыlащ 16-мет хатl 2014-мет таl
Сэваh ими lаllаl, карты хорам анта шеhк ар, хорам сэв оlаh ош пун эlты верман уllа. Хатl нох этты пелакн па имет ар хорам сэва ант поныlыlат. «Накосные украшения у сибирских народов» Надежда КОНЕВАЙН толмащса.
Сэваh нэ ухаlаl ватаlтаl
4
№33 (711) Lапат хутмет (суббота), Унтлор тыlащ 16-мет хатl 2014-мет таl
Тус ясаh – тус потар Lапат таl lоват ошаh эви Кат яй вооша мантсатан: итl нуша хоят, киметl па тащаh. Нуша хоят нэ lоов тайс, тащаh отl па хор lоов. Ат хоlты и пуляhа хащсатан. Нуша хоят lооваl ат сахат ай lоовие оматмаl, ай lоовиеl тащаh яйl ики телега иlпия иl оlмаl. Аlаhсахат тащаh ху, апсеl нох куратlаllы: – Апси, нох киlа! Ма телегаем ат сыс ай lоовие оматмаl. Нуша хоят ястаl: Телега па ай lоовие саhкаlты вератаl? Щит ма lоовем пошхаl. Тащаh яйl па ястаl: – Наh lоовен ки ай lоовие саhкаlтас, lув наh lоовен пуляh оlас, lуlн! Еша щиты яйhан вурая хойлистан па ун куща хоща мантсатан. Тащаh яй кущая ар ох тэвlас, нуша апсеl па туп потар тайс. Хон ики щи эlты хуlас. Яйhан lув хощеlа вохсаllы. Па няl амаматщийн масlы: – Муй там уlты турмеван мет юураhшик па сорашик? Муй мет вояhшик? Муй мет lэпатшик? Муй мет тюпаhшик?
Хуlом хатl lынан маса, щи омамачет lэрапты. Хон ики ястаl: – Няlмет хатаlн ёхатlатан па манэм торlы ястаlтан, щит муй! Тащаh яй веншлохтаl мормаhа верыlысlы па кумайl нох нумаlмасlы. Ма сита ошh кума тайlам, lув камн вер иса уйтlаllы. Кумайl хоща манас, инщасты. Кумаяlн пасан сура вохса, шай йинщты омсаlса. Па ин ими инщасаl: – Кумайе, наh па хоты исан? – Хон икеван амамачетн масаям, хуlом хатl туп мас. – Муйн па ястасайн, манэм яста. – Оlhа хон ики ястаl: Муй мет юураhшик па сорашик? – Щит па муй амамачи? Икем хопшат нэ lооваl мет сорашик. Хомщийн ки хойlа, шовар па эlты ёхатты вератlаllы, мув сох эlты мантаlан, аl пурlаl. Кимет амамачи па: Муй мет вояhшик? – Муh кимет таllуh пуращ энмаllув; щикем вояhа ис, кура lойты ант верытаl!
– Хуlмет амамачи па: Муй па мет lэпатшик? – Щи эlты па муй нумасты? Оlты перина хирэм мет щи lэпатшик! – Няlмет амамачи: Муй мет тюпаhшик? – Мет тюпаhшик – щит ма Юван хиlыем! – Пумащипа, кумайе! Ун нётопса щи версан, щи эlты иса нумты питlом. Нуша апсеl па хоllопа питас, хотаl пеlа шушмас. Lапат таl lоват эвеlн кащаlаса па инщасlа: – Ащие, наh па хоты исан, муя тышlан па хоllаlан? – Ант тышты ант вератlам, ант хоllаты ант вератlам! Хон ащевн амамачиятн масаям, нэмоlты ястаты ант вератlам. – Муй щир амамачият, манэм яста! – Lув инщасаl: муй там уlты турмеван мет юураhшик па сорашик, муй мет вояhшик, муй мет lэпатшик па муй мет тюпаhшик? (Еllы №34 газетан lуhтаlан)
На земле предков В рамках проведения в Ямало-Ненецком автономном округе мероприятий, посвященных празднованию Международного Дня коренных народов мира, 1 июля 2014 года на базе музейно-выставочного комплекса им. И.С. Шемановского состоялось торжественное открытие выставки «На земле предков», на которой представлены фотоработы ямальских фотографов: Лонгортовой Марины, Кулиш Александра, Валентины Шаховой и Марины Яр. Впервые на суд зрителя представлены фотографии, сделанные фотографами-любителями, представителями коренных малочисленных народов Севера, людьми, «поймавшими» свой взгляд на жизнь и самобытность своих соплеменников, на тундровиков, ведущих кочевой, полукочевой образ жизни, на богатство родного края и красоту природы суровой Арктики. В ходе своих встреч и поездок по Ямалу авторы работ всегда общаются с жителями отдаленных поселков, факторий, оленеводческих стойбищ, а самые яркие и незабываемые моменты остаются запечатленными в фотообъективе камеры. Авторы убеждены в необходимости знакомства зрителя с национальной культурой, бытом и жизнью коренных народов Севера посредством фотографии, ведь, интереснее и лучше о своем народе не расскажет никто, чем сами представители северных народов. Представлено более 25 работ, выставка продлится до 31 августа, вход свободный.
Надежда КОНЕВАЙН толмащса
Лидия КЕЛЬЧИНА
Хорат потарlат
Тус ёшан юх эlты сэврам хорат Ханты мир ар монсь тайl. Кашh монсян моlты хорпи уртат уllат, моlты хорпи меhкат уllат. Си
Lор халэв Вотlа хон
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
lуhхат хорат, си меhкат хорат там еlпийн хойн вантсайт? Иlампа, туп муh ляксам хоятlуван вантсайт.
Паршаh хоп
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Уllат ёшlаl тус хоятат, lув хошlат хорат верты. Вантаlан монсь ёх хорат.
Ар ёшаh урт
Тираж 700 Заказ 0455 Подписные индексы: на год - 29925, на полугодие - 84611
Газета вышла в свет 16 августа 2014г. Подписано в печать 14 августа 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
КЕРАН Митры потар А. ЯКОВЛЕВА хорат
Тохlаh lуhх
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Турам аhки
Главный редактор Кельчин Г.П.